مَا الذِي بعَيناكِ لتغلبِنيِ هكذا باستمرَار

بارت " 31 "

.

مسك القلم وبدا يوقع ويتكلم معاها:متى حفل تكريم
تكأت على طاولته قرب منه وانحت:ماتحدد التاريخ للحين
رفع راسه وكان بينطق بس لجمته حنين من انحت وكادت تقبّله
فز ودفعها ونطق بحدة:حنين ؟!
وقعت انظاره على جود الي كانت خلفهم وتناظرهم بصدمة
سعود بصدمة و تبرير:جود … انا
تقدمت وقفت مقابله وعيونه عليها ونطق:اسمحي لي افهمك والله انا
قاطعته جود من لفت لـ حنين وصفقتها كف
حنين شهقت:دودي؟
جود:وجعوه تعرفين اني هنا وجيتي تسوين هالحركات لـ واحد متزوج ، وش تحسبين يوم بشوفكم اشك بـ سعود ؟ لا يعيني مستحيل اشك فيه لان سعود يحبني من قبل لا تولدين انتي ياماما ولو عندك لو شوي حياء وخجل ما سويتي حركاتك الرخيصة ذي ، الحين اطلعي
حنين بدموع ناظرت سعود:شايفها يا دودي؟
جود مسكت يدها بالقوة ونطقت:لا اسمع اسم ذا من فمك النجس وكلامك معي مو مع سعود يالله قبل لا ارفع شكوى للمستشفى يطردونك
ناظرت حنين سعود المتكتف يناظر جود بابتسامة وغمضت عيونها بقهر و خرجت بسرعة وهي تبكي
جود نفضت يديها ونطقت:ولعنة استغفرك ربي الواحد يجي مروق إلا يخبصون عليه موده
قربت ونطقت بقهر و غصة:انا بس الي لي الحق ابوسك انا بس الله ياخذها حرقة قلبي
مسك خصرها وشدها له وحضنها
سعود خبأها بحضنه:ماتبكين بسبب وحدة رخيصة زي افعالها
جود بهمس:خفت والله وسكتت وهي تحضنه بقوة
شدها لحضنه بقوه يهديها:انا الي خفت تصدقيها والله يا جود ان انتي بحياتي نعمة لا تفكري ان بـ يوم اسويها و اخونك
هزت راسها ورفعت راسها تناظره ابتسم و رفعت نقابها وطبعت قُبلتها على خده بخفة و ابتعدت
ابتسم وحاوط خصرها ونطق وهو يحاصرها بينه و بين المكتب:ليش ما علمتيني انك جاية ؟
جود بدلع: مفاجأة
اشر للقهوة:انتي جبتيها صح ؟
هزت راسها:اي
سعود:ودك نطلع ؟
هزت راسها:اي عزيز يقول جود بامانتك و ساعة تسع اكون مزروعة بالبيت
ضحك وهز راسه:يصير خير
مسكت يده:تعال
وقفو عند مرايا الي بركن غرفته
وحاوط خصرها وتصورو
لفت تناظره:احلى دكتور بالدنيـا
سعود بغرور:اتفق
ضحكت:واحلى مغرور كمان
ضحك ياخذ اغراضه ومسك يدها و خرجو
وقف عند استقبال القسم وناظر حنين باشمئزاز ونطق هو يوقع اوراق:انقلو أوراق حنين لـ دكتورة سعاد و كلموها تحول لي آسر
ممرضة ناظرت حنين ورجعت تناظر سعود:تمام دكتور وقع على ورقة نقلها من عندك
سحب الورقة حق نقلها ووقع:ابي آسر عندي بكرا ضروري انا خارج الحين
لف لـ جود الي تكلم بالجوال وقفلت مسكت يده وبيد ثاني فيه قهوتها وخرجو من القسم والمستشفى بكبرها
-
سارة خرجت من غرفتها وهي متجهزة ونزلت مع سُكَرة وشافت خولة على لابتوب قربت:وش تسوين
خولة:ادرس ع وين يا حلوين
سُكَرة:مشوار مع خالة لينو
سارة بابتسامة:صديقتي عازمتني مشوار و رايحين
خولة:مين بوصلك ؟
سارة:هي تمرني مع اخوها
خولة:روحو وانبسطو بس لا تتاخرين علي الليلة لا تتركيني تكفين
سارة انحت وباست خدها: حياتي أن شاءالله باي
خولة تلوح لهم وباست سُكَرة
لبست نقابها وخرجت ركبت وراء لينا
سارة بهمس:سلام عليكم
مشاري اخو ليـنا:وعليكم السلام
ليـنا لفت:وين يالساحبة
ضحكت بهدوء:موجودة بس والله انشغالات الحياة
سُكَرة :هاي
ابتسم مشاري وهو يسوق ونطق:هاي شسمك؟
سُكَرة:سوسو
مشاري ضحك ونقط:وانا ميشو
ضحكت ليـنا:وانا لينو
سُكَرة:اعرفك يا خالة لينو
ليـنا ضحكت تشد خدودها:سُكر سُكر ، مشاري بتمر نُهى ؟
صد ونطق بهدوء:اي كلميها
ليـنا:لا كلمها انت
زفر واتصل عليها
سارة ردت على اتصال عبدالعزيز بهدوء:اهلين حبيبي
عبدالعزيز:وين سُكَرة مشتاق لها ودي اجي و اخذها مشوار؟
سارة:خرجنا مشوار مع صحبتي
عبدالعزيز:اوهه اوكي انبسطو ناقصك شي؟
ابتسمت:ماتقصر
عبدالعزيز:تمام قلبي بوسي سوسو عني
سارة:من عيوني بحفظ الله وقفلت
سُكَرة:مين ماما؟
سارة بهمس:عزيز وباستها
وقف مشاري مقابل عمارة ونزل ولف لـ سُكَرة:تنزلي يا حلوة
سُكَرة:نو
فتح حضنه وهزت سارة راسها لـ سُكَرة وقربت سُكَرة منه و اخذها بـ حضنه يشيلها ونزل يقفل الباب وراه
لفت سارة على ليـنا:مين نُهى ؟
ليـنا:زوجة اخوي قصدي طليقته تذكري جيتي زواجها
شهقت:اما تطلقو ؟ طيب ليش؟
ليـنا:مدري والله ماعلمني سبب الرئيسي للطلاق بس كان يحبها مرة حب مو طبيعي
سارة:يقلبي
ضحكت ليـنا وصدت سارة:ياحيوانة قصدي يعني واضح يحبها
ليـنا:تخطاها الحين وناسيها ، وعنده منها بنت مثل سُكَرة اتوقع بنفس العمر
سارة:اتوقع اسمها ليلى قد قلتي لي عنها
ليـنا:اي تجنننن الحين تتعرفين عليها ليلو
ثوان و شافو مشاري بحضنه يمينه ليلى ويساره سُكَرة يضحكون كلهم و فتح الباب الي وراء وانحى يركبهم
تقابلت عيون سارة فيه وصدت تنزل عيونها
تنحنح ونطق:لا تفتحونه اتفقنا
ليلى:اوكي بابيشو
ضحك وباس راسها و وقفل حزام الامان وقفل الباب ورجع يركب قدام
ليـنا:ليلو
ليلى:عمتو ميسووو
ضحكت ليـنا:حركات ليلو صرنا نتكلم انجليزي
مشاري بطقطقة:اي اكيد و ان شاء الله الروضة تفيدها و بتتعلم فرنسي و ايطالي كمان
لينا:لنا الله عن الدلع ذا
ضحك مشاري:بنت مشاري مو حي الله الحين قولو لي وين تبون نروح يا بنوتات ؟
ليلى:مول نلعب اللعبة هذيك
ليـنا:اي المول ميشو
هز راسه ووصلو و نزلو المول
نزل ليلى و سُكَرة بجنب بعض معاه ودخل و وراءه ليـنا و سارة
ليـنا:ابو ليلى
مشاري:لبيه
ليـنا:عادي تاخذ البنات ونحن نهجول
سارة:لا بتعبه سُكَرة خليها معي
مشاري: روحو و استانسو وانا بلعب البنات ، ليني يويلك تخلي جوال صامت
ضحكت تهز راسها و سحبت سارة وراحو جهة المصعد
مشاري يمينه ليلى ويساره سُكَرة وشابك يدينه باياديهم وراحو للالعاب
-
ام شموخ قامت تستقبل شيخة وسلمت عليها
ام شموخ:خليه ينزل مايبي يسلم ع خالاته وجدته
بيـان اتصلت عليه و رد:هلا حبيبتي
حمر وجهها بخجل ترد:خالتي تقول ادخل سلم عيب تمشي كذا
هز راسه:انتظريني عند الباب
قفل وابتسمت بخجل:جاي
خبرت ام شموخ البنات بدخول روآف وكلهم تغطو
دخل من البوابة يشوفها للحين بالعباية و ابتسم يلف على خالته ام شموخ يسلم عليها و دخل مجلس وكانو كل خالاته وبناتهم مجتمعين عند جدته
روآف تقدم وباس راس جدته ام شيخة:هلا بالغالية
الجدة بفرحة:هلا بالغالي ولد الغالية هلا بولدي
روآف بابتسامة:كيفك بشريني عن صحتك
الجدة: يآرب لك الحمد بخير
سلم على خالاته وصد يجلس:كيفكم بنات
ردو بردود معروفة و بهدوء: " الحمدلله - تسلم بخير "
روآف بابتسامة:وش اخباركم خالاتي
ام نجلاء:الحمدلله يا ولد ماصرنا نشوفك
روآف:والله تعرفون مشغول بالشغل
الجدة بزعل:تزوجت؟
ابتسم:اي والله
ام سيف:وما عزمتنا ؟
شموخ:وش حدك تتزوج ومن مين ؟
روآف سفهها من دخلت بيـان بعد ما نزلت عبايتها و زينت شكلها:من احلى البنات … وقف ومسك خصرها وحمر خدودها من الحياء
روآف:اعرفكم زوجتي بيـان ، بيـان اعرفك جدتي مزنة خالتي ام سيف و خالتي ام تميم و خالتي ام نجلاء و البنات عاد تتعرفي عليهم
قربت وسلمت على راس الجدة وسلام خدادي على الحريم والبنات واستغربت من نظرات البنات لها
تركتهم و مشيت تجلس يمين شيخة وتصير بوسط يسارها روآف
الجدة:كيفك بنيتي
بيـان بهدوء: الحمدلله وانت اخبارك كيف صحتك
الجدة:السُكر متعبني بس الحمدلله
بيـان: الحمدلله الله يديم عليك الصحة و العافية
شيخة بتمتمة: آمين
ام شموخ:شيوخ لازم تعرفينا على اهل بيـان صرنا اهل اكيد لازم نشوفهم
صدتّ من حست بغصة بحلقها ونطق روآف:الله يرحمهم توفى من كانت صغيرة وانا واهلي اهل بيـان يا خالتي
ابتسمت بامتنان له وحست بيده تلامس يدها وتشد عليها
شيخة:بيـان بنتي الثالثة يا اختي
بلعت ريقها و ابتسمت بوسع ثغر تناظر شيخة
الجدة:الله يحفظها والله زين من اخترت يا ولدي
غمز لها روآف:اختياري يالغالية
ضحكت الجدة:اهنئك على اختيارك الحلو
ضحك و نزل راسه من وقفت شموخ تصب قهوة للكل
طلع جواله ينشغل فيه و انتبه من وقفت بيـان و نطقت بغيرة:انا اقهوي زوجي
اخذت دلة و الفنجان وتقدمت لـ روآف تقهويه و أبتسم وهمس:جعلني ما خلا منك
ابتسمت بخجل و همس:كاكاو ؟
هز بالنفي:حلاتك يكفيني
صدت بخجل تجلس ونطقت ام نجلاء:تحلى ولدي
روآف:حلاتك تكفيني خالتو
ضحكت:عبيط
ابتسم وقام:جمعة دايمة استأذنكم
ام شموخ:وين اجلس تقهوى زين ونتعشى لسع بيتجمعون العيال بعد شوي
روآف:اكرمكم الله خالتي مشغول مرة ثانية
بيـان قامت ومشيت معاه للباب
عدلت شماغه ونطق:لا تتضايقين من كلام احد
بيـان انتبهت لـ شموخ خارجة بدون جلال أو حجاب
انقهرت من حركتها وقربت روآف منها تعطي ظهره لـ شموخ ونطقت:وين بتروح الحين؟
روآف بعدم انتباه لحركتها انه قربته منها:البيت في كم ملف يبي لي اراجعه عشان آلة طلبتها للكوفي
بيـان وهي تمسح على كتفه:ان وصلت طمني يعيوني
توسعت ابتسامته:ان شاءالله حياتي
باس راسها وخدها و توترت:عيب مو ببيتنا نحن
ضحك:اوكي يعني مسموح اسوي ببيتنا
ضربته على كتفه:قليل ادب
ضحك وخرج من البيت
شموخ وقفت بنص الصالة تناظر بيـان بـ قهر
بيـان حست بحرارة من كلامه و حركاته وضحكت من مشاعر داهمتها وعدلت شعرها بثقة تناظر شموخ و شمقت عليها
دخلت المجلس تجلس جنب شيخة وتسولف مع الحريم
دخلت شموخ وناظرت بيـان بـ كره تجلس مقابلها و تخز بيـان بنظراتها
ام سيف:بيـان كنتي وحيدة اهلك يعني ماعندك اخوان و اخوات
بيـان بهدوء:اي وحيدتهم
شيخة:الله يرحمهم
الجدة مزنه:اللهم امين ، شيوخ يمه كيف العيال و البنات
شيخة تنهدت:قلبي يا يمه يومني فقدت عمر قلت البنات يمكن الي يتأثرون بس لا العيال هم للحين ماتخطو اناظر يميني يمه اشوف روآف يتذكر عمر باصغر تفاصيله يقول يا يمه عمر كان يحب كذا و كذا لازم نسويه وكأنه للحين موجود و لا زاهد شماغ عمر الي للحين معاه مايحب احد يلمسها ولا احد يقرب منها عطور يقول بتروح ريحة اخوي منه ، وجع قلبي عمر راح وهو زعلان مني
نزلت دموع الجدة مزنة تمسك يد شيخة الي تبكي:تصبري يا بنتي ربي يختبر صبركم
نجلاء:اهدئي يا اختي
شيخة وهي تبكي:يمه اتذكر اخر مرة قال لي فيها يمه ؟ يبي يكلمني بس عنادي و زعلي منه ما سمعته ليتني سمعت ليت قلت لبيه يعيون امك
مسحت بيـان دموعها واخذت مويا تعطيه لـ شيخة
لفت تناظر بنات خالات روآف كلهم على جوالاتهم يناظرون شيخة بعدم اهتمام
-
- سعود -
نزل سعود بعد ما قضو من سوبر ماركت لبيته
دخلو ونزلت عبايتها ودخلت معه المطبخ
سعود:تعبتك معاي والله
جود: وشدعوه دودي تعبك راحه ويعني عرفت وش تحب  يعني انا ما احب ملوخية بس انت تحبها
سعود لف بصدمة:اما ما تحبيها ؟
هزت راسها:لا
سعود:اجل عشانا ملوخية وربي حتذوقي ألذ ملوخية
ضحكت:انت حتطبخ ؟
هز راسه:اي وحتشوفي شيف سعود الحين
ضحكت ولفت تغسل الخضروات لجل تسوي سلطة
قرب منها وانحى يبوس عنقها وتوترت:دودي؟
سعود:عيون دودي يا جود متى تهنى عيوني بشوفتك ببيتي
جود بتوتر لفت له:انا ببيتك طيب؟
حط الي بيده على الطاولة وناظرها:جوج لا تسوي نفسك مو فاهمة ، قصد كلامي واضح ؟
جود:وش اسوي طيب ؟ منت عارف ظروف اهلي عمر توه متوفى وتبي نسوي عرس؟
سعود:لو مو عرس خلاص كذا تجهزين اغراضك واخذك ، وضاح يقدر يسافر مع زوجته عادي بس انا مقدر حتى ابقى معاك ليلة ؟ وكمان لازم ع تسع تكوني بالبيت غريب انا يعني؟
صدتّ:تدور هواش معي
سعود توسعت عيونه بصدمة نطق بعصبية:ان تكلمت بالصريح يعني ادور هواش ؟ عمر اخوي يا جود واكيد انا كمان مابي عرس وهو توه متوفى بس انتي زوجتي انا تعبت من البعد تعبت اعيش لوحدي بهالبيت تعبت ان اغيب عنك اسبوع بسبب الدوام وبالقوة كل ويكند القى فرصة اشوفك وكمان لنا وقت محدد مع بعض كاني غريب عنك و كانو لو بقيتي ليلة عندي باخذ حقوقي الزوجية على طول ؟
رفعت عيونها تناظره:وش اسوي يعني انت قول وش اسوي ؟
تركها لجل ما يتهور بـ شي ويزعلها وطلع غرفته
صرخت بعصبية و ضربت الدولاب برجلها
جلست بالصالة ونزلت دموعها تشوف البيت جاهز للزواج اثثه سعود بذوقه لاجل زواجهم غيّر كل شي بالبيت لاجلها بس ظروف اهلها و وفاة عمر منعت كل شي
طلعت جوالها وهي متضايقة من الموضوع ، يا ضيقة صدرها ان زعل منها سعود وهي الي ماتبي يزعلون من بعض
تبي تكلم شخص واعي يفهمها و ينصحها
دقت على علياء وثوان ووصلها رده :اهلين جودي
نزلت دموعها:ماما
علياء بصدمة:تبكين؟
جود:حولك احد؟
علياء:لا انا لوحدي تكلمي وش صاير سعود فيه شي ؟
مسحت دموعها:تهاوشنا
علياء باستغراب:سبب؟
جود:تعب من بعدي عنه تعب انه يعيش بالبيت لوحده يبيني قلت ان مانقدر نسوي عرس الحين عصب وزعل ماما انا ماعرف وش اسوي
علياء:يا جود يا ماما ما الومه يعني عنده ضغوطات شغل ذا بياثر على نفسه طول اليوم بالدوام ويوم يجي البيت يكون فاضي لوحده الوحدة صعبة يابنتيّ يبي ان دخل وهو تعبان ع الأقل يكون من يستقبله بالبيت
جود:ماما طيب اعرف و فاهمة بس مو بيدي شي ؟
علياء:تمام الحين قفلي مني و روحي عنده تكلمو و وتفاهمو لا تتهاوشون او تعصبون من بعض يابنتيّ مايصير كذا
جود بابتسامة:تمام شكراً ماما
علياء:العفو بنتي ، يا جودي لا تزعلي منه والله سعود مافي منه تكلمي معه و حيفهمك اكيد
جود مسحت دموعها:وعد ماما باي
قفلت وراحت المطبخ قفلت على الطبخ وراحت غرفته
دقت الباب بهدوء وماسمعت رد ، دخلت وشافته يكلم بالجوال
قربت وناظرها ورجع يناظر بالملف الي قدامه ويتكلم:اي معي لاجل اراجع و اشوف الحالة ، اي الدكتور محمد الي اشرف عليه و حوله علي بعدين ، اي
جود شافته مشغول و ابتسمت بـ حب وتقدمت منه وصارت مقابله رفعت يدها ترفع شعره من عينه وناظرها بهدوء
سرعان ما ابتسم باتساع من حضنته بقوه
نطق:تمام آسـر نتواصل مع السلامة
قفل وقفل الملف يحطه على طاولة
نزل نظره لها وهي بحضنه
حاوطها ونطقت بهدوء:اسفة لاني دخلت عليك كذا
سعود انحى يبوس عنقها وشدّ على حضنها:آسف لأني عصبت
رفعت نظرها له ونطقت:دودي ارجوك تفهمني
هز راسه:والله اني فاهم و عارف بس أنا ،
اخذ نفس ونطق:خلاص معليه
جود:زعلان ؟
هز رأسه بالنفي:ازعل منك مستحيل بس تضايقت
ضحكت ورفعت نفسها وباست خده:لا نتهاوش
سعود:سمعتك تكلمين؟
هزت راسها بتوتر:كلمت ماما
سعود:عشان ؟
أخذت نفس:عشان تنصحني ماعرف كيف اتصرف اخاف اتهور بشي وتزعل اكثر مني
جلس ع طرف السرير وجلسها بحضنه و حمر وجهها:دودي؟
حاوط خصرها بيده ونطق بهدوء:نتكلم بالصريح بدون ما نزعل جود الحين نحن متزوجين تمام حتى لو لسع ما سوينا عرس بس نحن زوجين اكيد بيحصل مشكلة معانا الحين أو بعدين مستقبلاً ، عشان كذا مو كل شي تقوليه لـ امك
ناظرته:وش قصدك؟
سعود:نحن لنا اسرار ومشاكل وحياة خاصة مو لازم احد يعرف فيه مهماً كبرت مشاكلنا لا يوصل لاحد ولا احد له الحق يعرف الي بيننا ذا خاص فينا ليش احد ثاني يتدخل فيه
جود:بس ذي مو اي احد ذي امي
سعود:حتى لو ياحبيبي بس الافضل مو كل شي ينقال لـ امك او حتى لاحد ، ممكن تقولي أشياء عادية كـ سواليف بس الي خاص فينا خليه بيننا وانا اوعدك حتى لو ايش ما صار بيننا مستحيل اخليك بيوم تزعلي أو تبكي بـ سببي
حضنته و نطقت:صحيح ، بس أنا اتوتر احس ما اعرف اتصرف اخاف اسوي شي و تزعل مني اكثر
سعود:تعالي وكلميني قولي الي بخاطرك وانا بسمعك ، ان شاءالله ما يدخل الزعل والمشاكل بيننا ودايم كذا نكون سمنة على عسل
ضحكت وباس كتفها نطقت:ننزل جعت ترا
ضحك:ننزل
شالها بحضنه وشهقت تضحك ونزل ركض للمطبخ وهم يضحكون وكملو تجهيز العشاء
اخذ ليمون:جاهزة تذوقي الذ ملوخية ؟
جود بمزح:اتصل بالاسعاف احتياطاً
ضحك:نشوف
جهزو الطاولة واخذ مشروب يصب لهم وجلس يمينها:انتي ذوقي و اعطينا رايك ؟
جود اكلت وغمضت عيونها بتلذذ:الله
ضحك:امانة صدق ولا تسلكي ؟
جود :وربي صدق مع ليمون كلام
سعود بثقة: شفتي كيف قلت لك بتحبيها معي
ضحكت و اخذت مشروب تشرب وضحكت:لو جدي بيشوفني اشرب مشروب وقت العشاء لـ يمسكني تهزئي
سعود:احح ليش ؟
جود:يقول مو زين وقت العشاء ، الغداء أحياناً نشرب واكثر نشرب لبن معاه
ضحك سعود:نخربها هنا
جود:ذا الواضح والله
ابتسم يكملو أكل و يسولفون
-
" لندن - بيت وضاح و فرح "
نزلت بعد ما اخذت فترة راحة بغرفتها الخاصة دخلت المطبخ وفتحت الثلاجات وكانت فاضية
اخذت نفس بتعب من سفر ولفت من انتبهت لنظراته لها
ابتسمت وتقدمت:متى جيت
وضاح وهو يحاوط خصرها بيديه:الحين ، ليش لابسة كذا قصير مو برد
ناظرته فستانها العلاقي ويوصل لـ الركبة ونطقت:عادي ماتعرف احب البرد
حضنها وحست بدفئ جسده:حتى لو تحبيه بس تدفئ حتمرضي كذا حبيبي
حاوطته ونطقت:وضاح انا مرة جوعانة مافي شي ينوكل هنا
وضاح:والله خالد اخذ لنا البيت ما توقعت ينسى موضوع الاكل بس عادي ننزل ونقضى سوا لـ بيتنا وش رأيك ؟
هزت راسها بفرح:بيتنا؟ نقضى سوا ؟
توسعت ابتسامته من فرحتها:اي بيتنا ومع بعض نروح
حضنته:الله مو مصدقة اننا مع بعض لوحدنا
باس كتفها العاري:وانا والله كل الايام الماضية افكر وش اسوي بهالغربة لوحدي الحمدلله انك معي صدقيني ما تندمي انك جيتي معي ابداً
خرجت من حضنه وباست خده وركضت للدور الثاني وهي تقول:تجهز سريع يالله
-
بـ المـول
مشاري بعد ما جلس سُكَرة و ليلى في المطعم وجلس قدامهم وطلب اكل
ليـنا:ممكن نتعرف يـا حلو
مشاري ضحك وقربو جلست سارة جنب سُكَرة و ليـنا مقابل مشاري وبحضنها ليلى
مشاري: بابا تعالي عندي لا تتعبي عمتو
ليلى:لا
ليـنا:لا خليها
وصل الاكل وفتحت سارة الوجبة لـ سُكَرة و ليلى ومدت البطاطس توكل ليلى وضحكت من لطافتها
و مشاري نزل عيونه يلعب بـ جواله
بعد ما اكلو البنات قامت سارة اخذتهم لـ دورة المياه
ليـنا:بشت مشاريوه
ناظرها وقفل الجوال:لبيه
ليـنا:كيف البنات تعبوك
مشاري:لا والله عسل متعود على بنتي وسُكرة تجننن ماشاءالله عليها هادئة
ليـنا:اي والله ،اممم فكرت يعني كذا ليش ما تتزوج مرة ثاني
عبس ونطق:قفلي الموضوع لينا
رجعت سارة و قام مشاري متجه لـ دورة المياه يتركهم لوحدهم
سارة:لينو بنرجع نحن
ليـنا:وين لسع بدري
سارة:بكرا لازم اصحى بدري اشوف روضة لـ  سُكَرة
ليـنا: ليش ما دخلتيها للحين
سارة:هجولوني مالقيت الي نفس ببالي
ليـنا:اجل نروح سوا ، عشان نرجع ليلى لأمها مو ناقصنا مشاكل تتصل وتقول بنتي ماجبتوها بدري وبنتي
ليلى:لا ابغا بابا مابغى ماما
ركضت ليلى من لمحت مشاري يقرب منهم و انحى يشيلها بحضنه ونطق: حبيبة الـ بابا
صدت سُكَرة بعبوس والدموع بعيونها وشالتها سارة بدون ما تنتبه لـ زعلها
خرجو من المول
حركو ونطق مشاري بهمس لـ ليلى:تبون عشاء ؟
ليـنا:لا بس مانقول لا على قهوة لو على حسابك
هز راسه بضحكة واخذ قهوة و اخذت لينا قهوة سارة تمده لها و وشكرتها بهمس
مشاري:ليلو سوسو وش تبون
سُكَرة ببكاء:مابي شي
لفت سارة لها بصدمة و نطقت:ماما وشفيك
لينا باستغراب:سُكَرة قلبي ليش تبكين ؟
سُكَرة :مالك دخل
سارة عضت شفايفها وحضنتها وهمست لـ ليـنا بفشلة:معليش والله
ليـنا:بنت عيب عليك كلام طفلة بس وش فيها
مشاري:بابا ليلو تزاعلتو انتم
ليلى ببراءة:لا بابا والله
هز راسه يشوف سارة تحضن سُكَرة و تهديها من مرايا الامامية
وصد يناظر الطريق
وصلو لـ بيوت آل مطلق ونزلت سارة سُكرة وركضت سُكَرة لـ عبدالعزيز من شافته ينزل من سيارته
اخذت سارة اغراضها ودعت ليلى بعد ما باست خدها ولوحت لـ ليـنا وقفلت الباب
عبدالعزيز وهو شايل سُكَرة الي تبكي بحضنه وتشد عليه:قلبي وحياتي وشفيك
سُكَرة بدموع:ابغا بابا يا عزيز
مسح على شعرها وعرفت سارة سبب بكائها وعضت شفايفها تمنع دموعها تنزل دخلت البيت وشافت البنات و العيال متجمعين كالعادة
زاهد ضحك من شافهم:ساحبين علينا اليوم
دخل عبدالعزيز وبحضنه سُكَرة وجلس وهو يهديها
خالد:بسم الله وشفيها
نزلت سارة حجابها و النقاب:رحنا مشوار مع صحبتي واخوها وصلنا و كان معاه بنته وهي من شافت اب و بنته يشيلها ويدلعها كذا بكيت
نزلت دموعها:تعبت احس مهما سويت مقدر اعوضها عن ابراهيم
خولة حضنتها:خلاص
عبدالعزيز:سُكَرة بابا بالجنة ان شاءالله وانتي شاطرة لاتبكي
بيـان:سوسو تعالي عندي
راحت سُكَرة لها وهي تمسح دموعها
بيـان جلستها بحضنها:تصدقين ان انا اهلي راحو الجنة وانا مثلك صغيرة
شهقت بطفولة:والله
بيـان بحزن:ايوا بس ما ابكي عشان ما يزعلون مني
سُكَرة:بابا الحين يزعل مني إذا بكيت؟
بيـان: ايوا اكيد
سُكَرة مسحت وجهها ودموعها وراحت تمسح دموع سارة:لا تبكي ماما
هزت سارة راسها بابتسامة من براءة بنتها ومسحت دموعها تحضنها وتناظر بيـان بامتنان
-
صحيت شهد وشافت ساعة 11:30م غسلت وصلت العشاء ونزلت بجلال الصلاة وكان البيت هادئ وعرفت مافي احد بالبيت
نزلت بهدوء المطبخ تسوي اكل حطت صينية بالفرن و جلست على طاولة تنتظره يجهز
تنهدت بحزن من اشتاقت لـ اهلها
فتحت جوالها تشوف رسائل القروب ' family '
ورسائل وضاح يخبرهم بوصولهم
و فتحت رسائل وضاح بالخاص صوره مع فرح
وابتسمت:ياحبيبي يكبر فرحته معه فرح يارب احفظهم
خرجت لقروب ' كلنا في الهوا سوا '
وارسلت فويس" مساء الخير يا حلويني وحشتونيييي "
ثوان و ارسل لها زاهد صورة جلسة الحوش وتحت رسالة:ناقصنا انتي 💔 "
نزلت دموعها من حست بوحدة وهي بعيدة عنهم
صورت له صينية معكرونة بالباشميل بالفرن:تعال ناكل سوا تحبه
ارسل لها:اجيك شلون ما اجيك
ابتسمت و اخذت نفس ترسل له:تعال بالله لوحدي انا بالبيت
دخل صقر القروب وأرسل فويس بنبرة قهر:لوحدك سلامات وليش مخلينك لوحدك؟
سجلت:كنت نايمة وصحيت ماحدا موجود
زاهد سجل:تجهزي جايك
قفلت جوالها بحماس وقده جهز المعكرونة بالبشاميل لفت تدور شي تغطيه فيه وغطته وركضت غرفتها خرجت بجامة شتوية ولبسته حطت مسكرا وتنت و نزلت معاها شنطة المدرسة وشنطة صغيرة حطت فيه جوالها و عبايتها ونزلت
ثوان ووصلها صوت بوري سيارة زاهد
لبست عبايتها واخذت صينية وخرجت
شافته متكئ ع سيارته وصفر من شافها:هلا بالحامل و المحمول
ضحكت وشال عنها الصينية يحطها بالمركى وراء وركبت قدام
ركب وسرعان ما قاطعه سيارة مازن من وقف قدامه
زاهد بعصبية:لعنة طفى الفلاش عميتنا
نزل مازن وقرب من سيارة وناظر بصدمة:شهودة ؟ ع وين هالوقت؟
زاهد بحدة:بيت اهلها
مازن:لو ع الاقل قولي لنا
زاهد:زوجها لاجل تقول لك ؟ وكمان انت و اهلك كان قلتو لها انكم خارجين من البيت مو تصحى البنت خايفة ماحدا موجود شايفين ساعة ؟ ١٢:٣٠ احد يترك بنت لوحدها الوقت ذا ؟ والحين ابعد لوسمحت
بعد مازن بصدمة من سيارة وزاهد حرك
ناظر شهد ونطق:لا تتضايقين من كلامه السخيف لو أنه زوجك عشان تقولين له
شهد بهدوء:معليك
وصلو البيت
ناظروها كل من بالحوش من دخلت
سارة:يا هلا يا هلا
حطت شنطتها على الارض و راحت حضنت صقر بقوة
ناظر زاهد باستغراب و نطق:شهد في شي
شهد بضحكة:لا بس اشتقت لك
ضحك يحاوطها:اكثر والله
خالد:كيفك شهد اخبارك
شهد ناظرته بهدوء:بخير وانتم اخباركم
خالد:ع حطت ايدك
فزت افراح ركض للبيت ورجعت بصحون وملاعق وبدات تغرف لهم بشاميل يأكلون
شهد:جوج وينها
عض شفايفه عبدالعزيز بضيق ونطق:عند زوجها
عقدت حواجبها باستغراب وهزت راسها وبداو ياكلون
خولة:تسلم ايدك
شهد:عافية حبي ايش وش جديدكم
خالد:ترا اليوم رحتي
شهد: الحين نص الليل وش سويتو وش ما سويتو
صقر:كرفني عزّ بالشركة وقبل شوي رجعنا تعشينا وجينا هنا جلسنا
خالد:وصلت وضيح ورجعت دقيتها نومة صحيت قبل شوي
صقر:اي انا اكلتها بالاخير
عبدالعزيز:لا تتحلطم يا رجال
ضحكو و نطقت سارة:ونحن رحنا مشوار مع صديقاتنا
شهد:العب شسم صديقتك
سُكَرة:ليـلو
ضحكت ونطقت خولة:جديدي عريس الغفلة ماجاء
شهد:غريب ليش
خولة:اتصلو على جدتي يعتذرون طلع لهم ظرف يارب ماعاد يجون
ابتهال رفعت يدها:أميين يارب
ضحكت خولة بخفة تناظرها
سارة:اي علمينا شهد انتي كيفهم معاك
شهد:ماش من دخلت جلست شوي مع عمي طلال بعدها رحت غرفتي درست لين غفيت وقبل شوي صحيت وكلمتكم بس احسهم غريبين يعني مو زينة
ابتهال تعدل جلستها:كيف؟
شهد:الحين هو مدري كيف بس أنا ماعجبني حركتهم ، نحن تعودنا ان دخلنا أو خرجنا نسلم على امي و ابوي هم لا يقومون ويخرجون ع طول و يتاففون على اي كلمة
افراح:اكيد حبيبي طول عمرهم عاشو مع اجانب
شهد:ماله علاقة يا فوفا لو الواحد متربي لو وين ما كان يتمسك بالتربية الي تربى عليها ، وكمان تخيلو انصدمت امهم تسوي كل شي وبنتها كاسة ما شالت وامها تقوم تقهوى وتشيل تغسل وهي على جوالها
سارة:اعوذ بالله الحق بالاهل ما يربون زين
خرج حسن من البيت وانصدم من شاف شهد ونطق:بنتي
قامت ركض وحضنته:وحشتني
باس راسها:وش جابك هالوقت صاير شي
ناظرته بعبوس:لازم يصير شي عشان اجي عندكم
حضنها لصدره:لا اكيد بس خفت
شهد:زاهد صور لي انهم سهرانين وطلبته يجيبني
حسن: انتي بخير صح؟
هزت راسها:بخير
باس راسها:تنامين هنا
شهد: اكيد و بروح مع البنات المدرسة
حسن:تمام قلبي لا تسهرون واجد انا بروح انام جيت لاجل اشوف صقر وقفلو باب زين
هز راسه صقر ورجع حسن البيت وجلست شهد جنب صقر مقابل عبدالعزيز
عبدالعزيز قام واتصل بـ جود ثوان و ردت:هلا
عبدالعزيز:شايفة ساعة كم ؟
جود:انا بنام عند سعود
نطق بصدمة:من مين استئذنتي ؟ قلت ع تسع تكوني بالبيت يا جود وقربت تصير اثنين
جود:عزيز ترا مو صغيرة و انا عند سعود زوجي مو مسوي غلط
عبدالعزيز:اعطيه الجوال
جود:ماله دخل تكلمه ، كلمني انا يا عزيز يعني وش فيها ان بقيت عنده ليلة
عبدالعزيز قفل الجوال بوجهها و رجع للجلسة
روآف قام ونطق:يالله نستأذنكم
خالد:بس … اوكي ما نقول شي متزوج
ضحكت بيـان بهدوء:خذوه عادي عندكم
زاهد:اوف باعتك بسرعة يا اخوي
روآف ضحك:بنت ؟ سلاماات
ضحكت:امزح خير اعطيكم زوجي امش والله متكسرة
افراح:ما علمتينا عن روحتك اليوم
بيـان:عادي حلو
ابتهال بسخرية:حلو وفي بنات الخالة ما اتوقع
بيـان:بصراحة بصراحة ما ينبلعون
زاهد بضحكة:مو جديدة علينا
ضحكو و نطقت افراح: والله يتمنون بس وحدة فيهم تتزوج واحد من أحفاد آل مطلق مدري صراحة وش لقيو بالعيال
خالد:خير سلامات يابوي مو مالين عينك
ضحكت و سحب روآف بيـان من يدها بهدوء ونطق:تصبحون على خير
بيـان:باي باي قايز
لوحو لها البنات وهم يضحكون
طلعو شقتهم و دخلت الغرفة بيـان و بعد دقائق دخل روآف بين يده صحن فيه قطعة شيزكيك
قامت بعد ما رطبت يدينها وجهها ونطقت بحماس:الله انا نسيته
روآف بابتسامة:انا ما نسيت
جلس على طرف السرير وقربت منه وسحبها يجّلسها على فخذه
بيـان بتوتر و حياء:روآف
روآف باس نحرها ونطق:خليك
نزلت راسها بخجل مسك فكها ورفع رأسها يناظر عيونها نطق بكل حُب:وخالقي أحبك.
صدتّ من تغروقت محاجرها بالدموع ونطق بـ حُب وصدق المشاعر:ليش اكذب يا بيـان اني من شفتك وانا معجب فيك معجب في جمالك اخلاقك صحيح الظروف الي تزوجنا فيها كانت ضدنا بس ابيك زوجة نهاية العمر ، تسلميني نفسك تسلميني قلبك ، أبيكِ بدنيتي تبقين و أبيكِ لنهاية عمر معي
لفت وهي تناظر عيونـه لامست صدق مشاعر بنبرته ونظراته
بيـان بهمس:خايفة
روآف شد على خصرها وقربها ولامس خشمها بخشمه ونطق:من ايش يبعد روحي ؟
بيـان:خايفة من كل شي
روآف:لا تخافي وانتِ حَرم روآف فهمتي لاتخافي وانتِ بقلبي
باست خشمه:ناكل؟
ابتسم وعرف من غيرت الموضوع انها تحتاج وقت
باس خدها:نـأكل حبيبي
اخذ الصحن من الطاولة ونطق:جبت شوكة وحدة بخاطري اوكلك بنفسي
بدأ يأكلها وياكل نفسه وانتهت ليلتهم وهي نائمة بحضنه وهو مرتاح و مبسوط انه قدر على الاقل يتقدم بخطوة واعترف لها بمشاعره ومستعد ينتظرها العمر كله لاجل تتقدم له وتسلمه نفسها
-
- الصباح -
ركبو البنات السيارة ونطقت شهد بهدوء:نايف اذا ممكن تمر بارنيز
عقد حاجبه وهز رأسه وسمع ابتهال وهي تكلمها:بارنيز مع صباح
شهد بروقان:احس بـ روقان وعازمتكم كذا
خولة ضحكت بهدوء ووقف قدام بارنيز واخذ طلباتهم ومدت له صرافتها ودفع ورجعه لها و اخذت كل واحدة طلبها
نايف يعقد حاجبه وبين يدينه اخر طلب:تفضلو
شهد: اخذنا كلنا هذا طلبته لك
ابتسم بخفة:بس
شهد:عافيه عليك ياخوي ان شاءالله يعجبك
نايف هز راسه: شكراً
حرك ونزلهم الجامعة ونطقت ابتهال:نايف اليوم بتأخر انا ، البنات بيخرجون على الظهر وانا على العصر بخرج
هز راسه :ابشري اخت عمير ودخلو الجامعة
وحرك للمدرسة ونزلو البنات
حرك ووهو يرشف من القهوة وسمع صوت جوال يرن
استغرب ولف يشوف جوال على مرتبة
وقف سيارة على جنب واخذه وشاف يرن بـ اسم ' ابوي '
توتر ونطق:جوال مين ؟
قفل المكالمة وناظر بصدمة من ظهرت له خلفية صورة عمر و جنبه بنت و يده على كتفها يحاوطها وراسها مميل على صدره
تامل ملامح البنت لثوان والإبتسامة مزينة ثغره وصد يستغفر يقفل الجوال من الجنب وحطه بـ جيبه و حرك
-
- العصر -
تاففت وهي تدور جوالها و مالقيتها زفرت بقهر من تذكرت انه اخر مرة كان بالسيارة بالصباح توجهت لـ وحدة من البنات وبلطف طلبت:حبيبتي والله معليش بس ضيعت جوالي ممكن اتصل عليه منك
هزت راسها وهي تمد لها الجوال و ضغطت رقم روآف تتصل عليه و رد:الو ؟
ابتهال: روآف انا توتـا
روآف بانتباه:توتـا من وين متصلة
ابتهال:طيحت جوالي بسيارة نايف الصباح ، بالله اتصل عليه يجيني
هز راسه يقفل الملف:تمام دنيتي الحين اكلمه انتبهي لنفسك زين
شدت على يدها:لا تخاف علي
ابتسم يقفل و يكلم نايف و رد عليه على طول:ابشر الحين اروح لها
توجهت ابتهال تشكر البنت و لبست العباية توقف بجنب البوابة
انتبهت لـ سيارة نايف ومشيت بهدوء تركب وراء
سلمت و رد بهدوء
حرك و مد لها جوالها :تفضلي جوالك صحيح ؟
هزت راسها وثوان و استوعبت خلفية الي هي حاطتها:شفت الصورة ؟
عقد حواجبه يدعى عدم الفهم:اي صورة قصدك ؟
ابتهال باحراج تشوف الجوال مغلق:مغلق ؟
هز راسه بهدوء وهو الي قفله نهائي لجل ما تشك انه شاف الخلفية:اي شفته مغلق و مادريت جوال مين كنت بسلمه للعيال
عقدت حواجبها :غريب كان فيه شاحن المهم شكراً والله وماقصرت
نايف:ولو واجبي
مسح جبينه باحراج:ودك بغداء ؟
توسعت عيونها باحراج:لا تسلم لا اتعبك
لف سيارته بجانب مطعم:تعبك راحه اخت عمير
نزل وهو يقفل الباب
عضت شفايفها باعجاب أكثر فيه
انحت تقرب تشوف شابك جواله بـ سماعات السيارة وقربت فتحت جواله تشوف ساعة ٤ و خلفية صورته لنصف وجهه و متلطم بالشماغ والشمس بوجهه توضح عيونه العسلية بوضوح و ملامحه الحادة
عضت شفايفها بقهر تشوف جوالها مغلق وهي تتمناه تاخذ صورة للخلفية حقته
ابتهال وهي تقلب بالاغاني:واو جويييي الاغاني ذي
ضغطت على وحدة وكانت لـ محمد عبده " انا حبيبي "
شافته جاء و عدلت جلستها
ركب مد لها كيس لوراء بعدما حط كيس الاكل حقه قدام: عافيه مقدماً
ابتهال باحراج:ماقصرت
طلعت خمسين تمده وغمض عيونه بعصبية:رجعي فلوسك يا اخت عمر تكفين
عبست:نايف بس
نايف: لا بس ولاشي الله يسعدك
هز راسها: شكراً
انتبه للأغنية وابتسم يردد الكلمات بهدوء
تنهد ونطق:اخت عمر
رفعت نظرها:هلا
نايف بتردد انه يسالها اذا تحب و مرتبطة او لا بس سكت من حس انه بينحرج و يفضح نفسه قدامها:لا سلامتك كنت بسألك بكرا تداومي ؟
عقدت حواجبها من توتره:لا ليش
مسح جبينه:لا كذا أسأل
هزت راسها من وصلو
نزلت و اخذت الغداء بابتسامة: شكراً مرة ثاني
ابتسم بوسع ثغر:عافيه مرة ثانية
ضحكت باتساع تقفل الباب وتدخل البيت
حط يده على قلبه: ياربي والضحكة اه ربي انك تسعدها
حرك للبيت
-
دخلت بروقان البيت وسلمت على امها و ابوها
شيخة: ماشاءالله زين جبتي غداء لان نسيناك
عبست:افا
ضحكت شيخة من انحت ابتهال تبوس خدها
سلطان:كيف نايف يا بنتي عساكم مرتاحين معاه
ابتهال وهي تنزل عبايتها:دقيقة يا بابا
ركضت تغسل يدها و رجعت
جلست على الارض تفتح السفرة وحطت الغداء على سفرة
شيخة:ايش مقصر معاك صحون المطبخ و طاولة الطعام
ابتهال:ماما زي ماكان يقول عمر حلات الاكل كذا
ضحكت شيخة بهدوء
ابتهال بعبوس:تعالو اكلو معي
سلطان:والله شبعان بس ما اردك
جلس على الارض مقابلها وبداو ياكلون
ابتهال:اي كنت تقول نايف والله من جهتي مرة مرتاحة معاه ابد ما احسه غريب يعني حتى ايام راجو رغم ماكان يسوي شي بس ما ارتاح معاه ، بس نايف لا كأني طالعة مع واحد من عيال عمامي
شيخة:يعني ماقد ضايقكم
هزت راسها بالنفي:لا والله بالعكس شوفو توني جيت معه لوحدي لو كان شخص مو زين يستغل الفرصة ذي بس والله محترم مرة و يادوب ينسمع صوته كلمة و رد غطاها
سلطان:صديق عمر والله وزين ما اختار انا من اول ارتحت له و زين انه كويس معاكم
قطع لها دجاج يوكلها وضحكت من شافت افراح نازلة ونطقت:يعيني على الدلع ، لي الله
سلطان ضحك:ابتهال غير يابوي
ضحكت ابتهال:اهخ بابييي أحبك
ضحك من حضنت شيخة افراح:بنتي معليك منهم انا عندك
ابتسمت افراح بحب تحاوط امها وتقهر ابتهال
-
- بعد فترة قرابة الاسبوع -
مشاري نزل ليلى قدام بيوت آل مطلق
فتح عبدالعزيز الباب وعقد حاجبه: اهلين اخوي؟
مشاري:معاك مشاري بنتي ليلى جاية لـ بنتك سُكَرة
ضحك عبدالعزيز من شاف ليلى وانحى يشيلها:اها ليلى ؟
هزت راسها ونطقت:وين سوسو
عبدالعزيز:داخل تفضلي
مد يده يصافح مشاري:تشرفت عبدالعزيز تفضلو
مشاري باس راس ليلى:والله مشغول بس بنتي بامانتكم وزي ما اتفقنا بابا
هزت راسها:وعد
عبدالعزيز:ولايهمك يابو ليلى بنتك بعيوننا
هز راسه وودعهم وقفل الباب عبدالعزيز ودخلو
سارة بضحكة: سُكَرة شوفي مين وصل
نزلت ركض سُكَرة وسلمت على ليلى و اخذتهم سارة لغرفة الالعاب يلعبون
- بالليل -
غمضت عيونها خولة تنزل دموعها بقهر و عبوس
دخلت الجدة :خولة تعالي نتكلم
جلست الجدة على سرير وجات خولة جنبها:اسمعك
الجدة:لو وافق وافقي انتي كمان
خولة بقهر: جدة
الجدة بحدة:لو رفضتي ترا ام مازن كلمتني عن شهد لـ مازن وقتها انا اقدر اجبر حسن يوافق عليهم الحين قرار بيدك اما تتزوجي من حاتم أو شهد تتزوج من مازن وانتي اكيد تعرفي عبدالعزيز و حبه لـ شهد
غمضت عيونها بصدمة تحاول تستوعب:جدة الله يخليك وش هالكلام
الجدة: ماعاد ينفع الدلع معاكم انتم تجبروني اسوي كذا انا فقط افكر فيكم و بسعادتكم عمر الله يرحمه توفى خلاص
شهقت تبكي وقامت الجدة و خرجت
غطت خولة وجهها بالمخدة وصرخت تكتم بكاءها
حست برجفة تسري بجسمها
شدت على يدها بقهر تقوم تاخذ نفس وتوضت وتصلي ركعتين و خلصت بهدوء تطلع لنفسها ملابس تتجهز
دخلت ابتهال ومعاها افراح و سارة
سارة بهدوء:يمكن خيرة
ابتسمت تتصنع الراحة:استخرت وحسيت براحة يمكن خيرة لي
افراح :بس خوخه وعن حلفان عبدالعزيز
خولة:انا اقنعه و بالنهاية جدتي ما جبرتني بالعكس أنا موافقة من قلبي صحيح احب عمر بس الله يرحمه توفى و اكيد ماكان حيرضى اوقف عمري كذا
دخلت علياء بابتسامة تحصن خوله و خرجو البنات
علياء:اذا ما ارتحتي عادي تمام
هزت راسها و خرجت علياء
جلست خولة و اخذت جوالها و اتصلت بـ كيـان وثوان ردت:هلا بالقاطعة
خوله بغصة:وينك ؟
كيـان بانتباه:دقيقة حبيبي
عقد حواجبه سند:علامك
كيـان همست:دقيقة حبيبي
حط قهوتها بمكان المخصص لاكواب بالسيارة وحرك
خولة:جاييني خطاب
شهقت كيـان:ايش ؟ متى
خوله:الحين ؟ حتى أنهم بمجلسنا كيان انا مابي مابي
كيـان:امي انا جايتك الحين ابشري
خولة:سريع الله يخليك حتى جود مو عندي
كيـان:وينها التبن
خولة بسخرية:عند حبيب القلب صار لها كم اسبوع جاية رايحة عنده اليوم تدري جاييني ناس بس مافكرت تتصل ونعم الاخت والله
كيـان:انا اوريك فيها الحين جايتك
قفلت ولفت على سند:حبيبي عادي توصلني بيت عزيز الله يخليك اعرف وعدتك اليوم نسهر سوا و اعوضك عن سحبتي من اسبوع بس والله مرة ضروري
شابك يده بيدها يبوس كفة يدها:ابوي انا عادي واضح بنات محتاجينك والا ماكان تركتيني
ابتسمت بوسع ثغر تبوس خده:اي والله
اعطته الموقع و وصلها ونزلت و كمل طريقه
دخلت و لمحت سارة سلمت عليها بسرعة وسألت عن غرفة خولة و دلتها سارة وركضت كيـان تروح لها
خولة فزت تحضنها:كيان
كيان حاوطتها:عمري انا هدي و علميني وش فيك
جلست على سرير وبكيت خولة بحضنها وعلمتها بـ كل شي
كيـان بقهر:جدتك ذي ودي انزل اصفقها خير والله احسبها طيبة
خولة:وربي انها كذا طيبة و تجنن مدري ايش قلّبها علي اليوم تخيلي تخيرني بسعادة عزيز يا كيـان كيف اقدر أفرط فيه و ادمر سعادته وهو الي ما عمره زعلني هو الي ضحى بكل شي عشاننا ماعمره كان سبب تعاستي كيف الحين اكون سبب تعاسته كيـان انتي ما تعرفين مين شهد بالنسبة له ، شهد حياته و روحه و كل شي كيف اقدر اتحمل ان اكون سبب انها تتزوج غيره
كيـان:طيب يمكن شهد ما توافق على ولد عمها
خولة هزت راسها بالنفي وهي تمسح دموعها بعنف:تقدر جدتي تقدر تسويه محد يوقفها حتى جدي الي قال أنا اخليها تنسى فكرة الخطوبة ذي الحين وقف معاها
كيـان مسحت وجه خوله:خلاص هدي الحين ننزل ولا كأن صاير شي و تشوفينه و يشوفك وبعدين يمكن يطلع كويس و يفهمك لين الملكة و الزواج نلقى حل بس اهم شي الحين تصدق جدتك انك موافقة وانتي عادي تصرفي طبيعي
شهقت تبكي وهي تحضن كيـان
كيـان بحنية:دنياي انتِ هدي والله بنلقى حل بعد خطوبتك عزيز يخطب شهد وانتي كنسلي على طول
خولة عبست:ما اتوقع تمشي على جدتي ما توافق على زواج عزيز و شهد إلا إذا شافتني انزف لعريس الغفلة
ضحكت كيـان:خلاص قومي نعدل شكلك و ننزل
تنهدت تحط شوي ميكب تخفي فيه حزنها و عدلت لبسها الي كان عبارة عن جمسوت تيفاني مع اكسسوار فضي و شعرها ويفي مفتوح كله و كعب فضي
نزلت كيـان عبايتها وعدلت الروج و شعرها و طلعت كعب من دولاب خولة تلبسه يليق مع جينز الابيض و و تيشرت الاسود يزين عنقها عقد ذهب بـ اسمها
خولة لفت :دقيقة مين الي قلتي له حبيبي ؟
شهقت كيـان:نسيت اعلمك انا تزوجت
ضربتها خولة بقهر:وجع ليش ما خبرتينا ؟
كيـان ضحكت: صراحة تعرفت عليه بلندن و درسنا سوا و يعني حبينا بعض و اهالينا يعرفون قبل اسبوعين طفشت مرة من ذي العلاقة قلت اما تجي تخطب أو خلاص ننفصل فجاة والله مامر إلا كم ساعة جاي مع اهله مجلس ابوي اوفف يجنننننن
خولة بابتسامة حزينة تناظر خاتم عمر الي يتوسط اصبعها:على الاقل حبكم انتصر
تنهدت كيـان تحضنها و نزلو لمجلس الحريم
ام حاتم : ماشاءالله ماشاءالله تبارك الرحمن
سلمت خولة عليها بهدوء و جلست بجنب سارة ، وكيـان جلست جنبها بعد ما سلمت على الحريم
ام حاتم: ماشاءالله منهي بنتها ؟ اول مرة أشوفها
ناظرتها كيـان بهدوء وهي تهمس:خير
علياء:اخت ولدي عزيز من الرضاعة
هزت راسها : ماشاءالله ماشاءالله
-
مجلس الصغير دخل حاتم بهدوء و جلس ينتظر مجيئ عبدالعزيز مع خولة
ثوان و دخلو سلمت و رد بهدوء
عبدالعزيز:اترككم براحتكم
ناظر خولة الي ابتسمت له و صد بضيق من عرف بموافقتها وهو مايبي يجبرها على شي
جلست و نطق بهدوء:كيفك؟
خولة: الحمدلله و انت
حاتم: الحمدلله
ساد الصمت دقايق وهو يناظر بكل شي الا فيها
حاتم حمحم:خلينا نتكلم بالصريح عشان تقدري توافقي او ترفضي ،أولاً تعرفين انا متزوج
هزت راسها خولة:اي
حاتم:انا صراحة يا خولة احب زوجتي و ذا الزواج طلب الوالدة ان صار نصيب و تزوجنا وعد ما حيجي يوم و تشتكي مني ما اظلمك ولا ازعلك ولا ابكيك وعد مني بس الي بقوله زوجتي الاولى و الاخيرة بقلبي
بلعت غصتها:وانا مثلك موافقة بطلب جدتي ماقدر ارفضها صراحة خيرتني بين امرين لا ثالث بينهم اما اوافق او يصير شي اندم عليها طول عمري بوافق و الحين بعطي الرد لاخوي ومن  طرفك سوي الي تبيه ولا اتضايق ولا ازعل منك
ابتسم وهو ماتوقع انها بتكون متفهمته بالدرجة ذي : شكراً لانك تفهمتيني
ابتسمت بوجع تناظر خاتم عمر
نزلت دموعها وصدت تخفي دموعها
دخل عبدالعزيز وابتسمت له بهدوء تقوم و ابتسم بحنية يحاوط ظهرها
يخرجون وتوجه حاتم للمجلس الرجال مع عبدالعزيز
خولة توجهت لغرفتها عند كيـان الي تنتظرها

✨ انتهى ✨
  🤍🤍🤍