مَا الذِي بعَيناكِ لتغلبِنيِ هكذا باستمرَار

بارت " 49 "

..
جود:حكيني كيف كان عيد مع اهلك!
ابتسم بحزن:كنا بآخر يوم رمضان بعد الفطور بعد ما نفطر نتجمع قدام التلفزيون عشان اعلان العيد وأن اعلنو اطلع مع ابوي نطلع الزكاة وناخذ حلويات العيد و نرجع البيت تكون امي مجهزة كل اغراضنا حق العيد وبعدين نبدا نجهز البيت كنت دايم انا استلم المجلس و امي المطبخ تجهز المعمول آه يا جود ذاك المعمول الي كانت تسويه كان الذ شي ولا بعدين نستلم غسيل الدرج ومرة هجت معي اركض ولا اطيح على يدي وانكسرت ، عاد خذلك هواش من ابوي عايدت ذيك السنه ويدي مجبرة بس الاحلى زادت عيديتي
ضحكت جود بدموع تسمع لـ سواليفه عن اهله
كمل والدموع بعيونه:وقتها ابوي كان يعطيني اما ميتين او ميتين وخمسين بس لمن بكيت عشان يدي توجعني وعدني باحلى عيدية وقتها عطاني خمسمئة اه وشكثر فرحتي فيها
تقدم يفتح الدولاب وطلع ساعة ومده لـ جود:وقتها امي اهدتني ذالهدية زعلت كنت ابي فلوس بس لمن عرفت انه ساعة جدي " ابو امي " وغالي عليها اخذته و مشيت معي سنوات بعدين مع اللبس لاحظت انه خدشت نزلته خفت تنكسر أغلى هدية ، وحتى مرة من مرات العيد عيال الجيران اتفقو رحلة شبابية وابوي ماكان يخليني اطلع معاهم يخاف علي ، وقتها اضربّت عن الاكل يومين وبالقوة وافق بس طبعاً اخذت لي كم جلدة ، ماكان يدري انها خطة من امي عشان يقتنع اروح ، وانه إذا نام تدخل لي امي بالاكل
ضمته جود ونطق:اشتقتلهم يا جود اشتقتلهم مرة
جود:ادعي لهم يا عيوني
طبطبت على كتف وهدأ شوي وباس يدها:اوعديني ما تتركيني ابداً
جود شدت على يده:اوعدك ما اتركك ابداً
ابتسم يبوس ثغرها ونطق:خليني اخذ دوش وإلا بنتاخر
هزت راسها تكمل تجهيز وهو دخل يتروش
-
- بيت سلطان -
دخل روآف غرفـة أمه ونطق:يمه
شيخة:تعال يا ولدي
دخل وباس راسها وجلس جنبها حط راسه بحضنها وهمس:تعبان يا يمه
شيخة بحنية تمسح على شعره:كلمتك بيـان ؟
هز بالايجاب والدموع بعيونه:يمه انا مابي غير بيـان كيف تبيني اتزوج غيرها
شيخة:لانه بنت ناس واصيلة ماتلقى وحدة بهالزمان تزوجّ زوجها بنفسها ، كانت تقدر تلعب على عقلك تقول ننتظر يمكن ربي يرزقنا ، بس هي تعرف الوضع وماتبي تحرمك سعادتك
روآف:يمه سعادتـي عندها
شيخة:الله يريح قلبك ياولدي
روآف:متى كلمتك
شيخة:قبل فترة جاتني وجلست مثلك كذا بحضني وبكيت تحكيلي
- فلاش بـاك -
شيخة:هلا يمه تعالي
بيـان:ودي اكلمك بموضوع فاضية
شيخةج:افضى لعيونك يا يمه تعالي
انسدحت بيـان و راسها بحضن شيخة
شيخة بخوف:وش فيك بنتي روآف مزعلك
هزت بالنفي:انا مزعلته
شيخة:كيف ؟
بيـان بكيت:حارمته من العيال يا يمه وانا مقدر اظلمه اكثر معي ابيه يكمل حيـاته يتزوج ويجيه اطفال
شيخة نزلت دموعها:وانت من قلبك تبينه يتزوج عليك؟
بيـان بضيق:كبيرة بقلبي وما ارضى احد يشاركني فيه بس عشان سعادته والله لو يبي روحـي اعطيه ، عندنا وحدة تشتغل بـ المحل اعرفها وبنت حلوة و اخلاق يعني مناسبة له
شيخة برفض:يابنتي ما بيوافق اعرفه روآف بيرفض
بيـان:انا اكلمه و اقنعه بس انتي خليك معاي أن كلمك
بكيت شيخة تحضنها و انهارت بكى بيـان
- نهـايـة فلاش بـاك -
روآف:يوم طلبتني ، كانها طلبت اقت.ل نفسي
شيخة:الله يريح بالكم ويكتب لكم الخير يا ولدي
قام باس راسها وخرج لـ شقته
دخل نزل ثوبـه وشافها تطلع ملابسه على السرير
تقدم وحاوط ظهرها يبوس كتفها العاري من بجامة
ابتسمت:اهلين حبيبي
روآف:بيـان انا ما اقدر
غمضت عيونها بضيق:تقدر ، بتحبها مع الايـام و بصير عندكم عيال و تكون ام عيالك و شريكة حياتك طول العمر
روآف شدها من بطنها يلاصق ظهرها بصدره:مستحيل احبها ، ان وافقت بيكون عشانك ولاني احبك بيكون بيني و بينها احترام وبس ، بتبقين انتي حبيبة قلبـي و حياتـي ومحد ياخذ مكانك بقلبي
غمضت عيونها وهمست:لا تظلمها
روآف لف يبوس عنقها وخدها وصولاً لـ مبسمها واطبق مبسمه عليها يمشي فيها للسرير يغرق بتفاصيلها اكثـر
-
- غرفة علياء -
ابتسمت تبخر ثـوبـه و جلابيتها:عبدالعزيز اشترى لك هالساعة و يقول خلي ابو عبدالعزيز يتكشخ فيها بالعيد
ابتسم بحزن ونزلت دموعه يبكي
تقدمت له وجلست جنبه:وشفيك يابو عبدالعزيز ؟
حمد:ظلمتكم كثير ظلمتك انتي اكثر تكفين سامحيني سامحيني
علياء بحنية:مسامح يابو عبدالعزيز مسامح وعيالك كلهم مبسوطين فيك ، يالله عبدالعزيز قال بيمر عشان نخرج سوا للمسجد قم تجهز
ابتسم يقوم وتقدم يبوس راسها:الله لا يحرمني منك يا عَلو
ابتسمت بهدوء مشى لـ دورة المياه - يكرم القارئ -
-
-  زاهد -
وقف باستعجال مقابل بيت علي ينزل ثياب و دق الباب و الجرس
سمع صوت سراب وتوتر:انا زاهد
سراب بتوتر:علي مو موجود توه خرج للبقالة
زاهد:طيب معي ثيابه و مستعجل خذيه
سراب فتحت طرف الباب ومدت يدها
ابتسم يشوف نقش يدينها و الاساور الذهب تزين معصمها و خواتمها
توتر يمد لها كيس الثياب بالعلاق ولامس يدينه يدينها ورجفت بخوف و خجل
ترك بتوتر الثياب معها و قفلت الباب وركضت تدخل
ابتسم بوسع ثغر يدندن بـ حُب:
عيد وحب هاي الليلة الناس معيدين
لو أنت وياي الليلة العيد بعيدين
مروا عليَّ وفاتوا وحدي بلا خل
اثنين، اثنين الحبايب يا غايب طل
مروا عليَّ وفاتوا وحدي بلا خل
اثنين، اثنين الحبايب يا غايب طل
توجه بسرعة للبيت يدخل باستعجال يلحق يتجهز
نزلت بيـان وهي جاهزة و يدها بيد روآف و ناظرت شيخة واقفة بعبايتها و حجابها على كتفها طايح وبين يدينها المبخرة تبخر سلطان و عمر و ترك يدها روآف يتقدم يتبخر مع اخوه و ابوه
نزل زاهد باستعجال قبل لا يهاوشه ابوه
زاهد بضحكة:له له شيوخ وش هالزين
ضحكت من تقدم يبوس خدها:ياحظ سليطان فيك
سلطان رفع حواجبه:ودك في العقال
زاهد ضحك يهز بالنفي:لا والله يالغالي بس صدق ياحظك بـ شيوخ
ضحكت افراح من كانت تصورهم و قفلت جوالها:بابا يالله نخرج بنتاخر على صلاة العيد
سلطان:يالله يا بنتي
-
- بيت عبدالعزيز -
قفل جواله:يويلي جدي معصب يالله بنتأخر!
شهد طلعت كعبها:طيب
ضحك:كعب مع بجامة!
ضحكت بخفة:شسوي! لبسي بيطفشني و اساسا زحمة و حر مالي خلق البسه اذا رجعنا لبست
هز رأسه:براحتك بس اهم شي ابي اشوف كشختك قبلهم كلهم
شهد بعبط:نشوف
مشيت بسرعة تولع الجمر تحط العود:تعال
قرب منها تبخره و انحى يقبّل ثغرها بخفة
شهقت:عزيز!!
عبدالعزيز بهيام:قلب عزيزك!
ضربت كتفه:اعقل
عبدالعزيز:انتي بطلي حلاوة عشان ما احوسك
ضحكت باتساع تحط المبخرة على جنب
مسكت يده و قبّلت خده وناظرها بذهول:شفيك! توك تقولين اعقل!
ضحكت تاخذ كيس الهدية تعطيها:طاب عيدي يا عيد رُوحي فيكَ وعاد عيد سنيني الجايه معاكَ
ناظرها بذهول:شهد وجودك بحياتي اكبر و احلى هدية ليش كلفتي على نفسك!
ابتسمت بـ حُب:أحبك
ضحك من سكتته و قرب منها يقبّل منطوقها بقوة
رفعت يدينها حول عنقه تقترب منه و تبادله
ابعد و همس: الحمدلله على وجودك بحياتي
قبل انفها و اخذت منديل تمسح شفايفه
اخذ الهدية يفتح مغلفها من كانت مغلفته بنفسها و ناظر بذهول بالساعة الي اختارته بنفسها و اعجبتها مرة
عبدالعزيز:شهد أحبك
تعرف تماماً خانه التعبير ومافي اي كلمة تعبر عن مشاعره بهاللحظة باحلى ايام هم مع بعض
نزل ساعته الي كان لابسها يحطه على التسريحة و لبس ساعتها و صفر:واو خخيال
شهد:لبس العافية حبيبي
قبّل خدها بقوة:الله يصبرني لبعد الصلاة
ضحكت بصوت عال تاخذ شنطتها و عبايتها تلبسهم و يخرجون مع بعض
تقدم بسرعة يكلم ابوه و جده و مشيت شهد تخرج لبيت حسن
-
- بيت حسن -
دخلت البيت تشوف ابوها و اخوانها كلهم واقفين يتبخرون و ينتظرون فرح و منيرة ينزلون عشان يخرجون للمسجد
حسن ابتسم:بنتي
تقدمت تحضنه و سكنت دقائق و همست:أحبك يابوي
حسن:وانا احبك يابنتيّ
مسحت دموعها و مدت له هديته و ناظرها:يابنتي ليش كلفتي على نفسك
شهد:تستاهل اكثر يا الغالي وكل عيد وانت معاي
مدت لـ صقر هديته:تؤامي
صقر ضمها يشكرها و ابتسمت باتساع تشوف ابوها نزل ساعته الي لابسها و لبس ساعة هديتها و كذلك صقر الي اعجبه الخاتم و لبسه يتصور فيها
وضاح تنحنح:وانا اشوف نسيتيني!
ضحكت:الا العضيد
مدت له هديته و ضمها يفتح الهدية بحماس و عض شفايفه بخفة:الله تجنن ياخيي تسلمين والله
اخذت قلم تحطه بجيبه الامامي و ناظر صقر:كيف بالله
صقر:كشخة
تقدمو اثنينهم يحاوطونها وهي بالوسط و ضموها و قبل صقر خدها اليسار و وضاح اليمين
بكيت و نطقت:احبكم الله لا يحرمني منكم
وضاح:ولا منك يا بنتيّ
حسن:ليش الدموع يا بابا ؟
شهد بضحكة:عيالك السبب
منيرة:شفيكم
حسن:شرايك بالساعة؟
منيرة:الله خيال من شهد صح!
ضحك:صح عليك
منيرة:نخرج
وضاح مشى ياخذ حسن من فرح و خرجو الحوش و تجمعو كلهم بالحوش
الجدة بابتسامة تشوف كل عائلتها موجودين و حولها و افتقدت سارة
الجد ناظرها وفهمها:ببيت زوجها يا نوير
ناظرها حمد:سارة
هزت راسها الجدة:رغم ثاني عيد متزوجة بس ماتعودت للحين على بعدها عني
سالم:شوي و تكون هنا على فطور
الجدة هزت بالايجاب وابتسمت من تقدم حمد يبوس كفوف يدينها:يلبيه ريحة الحناا
رفعت يدينها تمسح على وجهه:جعلني ما افقد حسك بكل اعيادي يا ضناي
لمعت عيونه وحضنها و خرجو كلهم من البيت للمسجد
اصوات التكبيرات و أصوات الاطفال والفرحة الي على وجوههم
علي ركض عند زاهد وهو يعدل شماغه الي طاح من الركض:لحقت الحمدلله
زاهد ابتسم يشوف سراب تتحلطم لـ البنات عشان مناكير حقها انخرب من استعجال علي لها
توزعو بالجلوس وجلسو الرجال بجانب بعض و العيال وراءهم وكذلك الحريم و البنات
انتبه صقر لـ سيارة مشاري الي وقفت وقام أشر لهم
ركضت سُكَرة لهم:شوفو ايش سويت
ضحك عبدالعزيز يشوف بين يدينها صحن تـمـر محشي ونطق:الله مين سواه
سُكَرة بهمس:انا و ماما
ابتسم يبوس خدها وفتح لها المغلف واخذ مناديل يمشى معاها يوزعون وابتدا من الجد والكل يردد بـ ماشاءالله - الله يحفظها - الله يخليها لاهلها "
خلص و ارسل سُكَرة لـ سارة ورجع للعيال
اخذ روآف محمد الكاشخ بحضنه و صوره سناب ينزله ستوري و قبّل خده يجلسه جنبه من قامت الصلاة العيد و اصطفو يصلون
-
خلصو من صلاة العيد ووقفو وهم يعايدون بعض
تقدم عبدالعزيز يبوس راس ابوه و كتفه:كل ععام وانت بخير يابو عبدالعزيز
ابتسم حمد بـ حنية:وانت بخير ياولدي
ركضت سُكَرة وشنطتها مليان حلويات:بابا بابا
لف مشاري بصدمة من نطقها لـ بابا له لاول مرة
ابتسم بوسع ثغر و انحى يشيلها بحضنه
مشاري باس خدها:بنتي انا
سُكَرة بفرح:بابا شوف هناك حريم اعطوني حلاو
ضحك يبوس خدها مرة ثانـي:عافيه
كمل مشاري وهو يعدل شعرها:بس ما ناكله كله عشان اسنانك ما توجعك
هزت بالايجاب وناظرته:بابا
مشاري بـ فـرح:عيون بابا
سُكَرة:عادي اقول لك بـابـا
ابتسم يهز راسه بالايجاب:قولي ياروحي قولي جعل محد يقول لي غيرك بابا يابنتيّ
ضمها لصدره وانتبه لـ سارة تتقدم له
مشاري بابتسامة واسعة و الدموع بعيونه:قالت لي بابا يا سارة قالت بابا
سارة ابتسمت:اي قالت بروح أوري بابا الحلاو
مشاري مسح دموعه:وينه ليـنو ؟
سارة:بالسيارة
الجد:مشاري الحقنا البيت
مشاري ناظر سارة الي ضحكت:ابوي يحطك تحت امر الواقع قلتلك
ابتسم يركبون سيارة ووقفه صقر من مشى لهم و نزلت سارة شباكها
نطق صقر وبين يدينه بوكيه ورد احمر:مستعجل يا النسيب
ضحك مشاري:جايكم البيت
ضحك صقر يعطي سارة وردة واحد و يعايدها
ونطق بطقطقة:اول من يهنئك و يعايدك صح ؟
ضحكت:صح
ابتسم يرفع حواجبه لـ مشاري:ايه احلى شي
ومد لـ سُكرة وردتين حمراء:لك و لـ عمتك يالله سلام
ضحك مشاري ويمشون كلهم للبيت
سعود:مشاري تعال نجيب الخبز للفطور
صقر:انا بجيبه
سعود:يارجال ابي مشاري معاي زمان عنه
ضحك مشاري يقفل سيارته و يركب مع سعود وحركو
تجمعو كل الاهل بالحوش يعايدون بعض و يسلمون على بعض
صقر:يالله تكفون تعبت من ساعة وانا شايل هالورد ندمت أساساً اني فكرة اعايدكم فيه
ضحكت افراح تاخذ من يدينه الورد بعد ما صورته و كذلك كل البنات اخذو بعد ما صورو و بعدها اخذو الامهات و اخر كم حبة اخذه زاهد و صقر ثبتها على اذنه و يصورها يرسلها سناب وهو يستهبل
شهد:معليش هالسنة ماتمشى معي ميتين ، انا كبرت ولازم تكبر عيديتي
وضاح:عز الله افلسنا
سلطان:اقول امش امش نفطر بالاول طقني الجوع
الجد:اي بالله جوعانين
استنفرو البنات والحريم للمطبخ يجهزون الفطور
مشيت شهد بسرعة للشقة لاجل تغير ملابسها و تلبس فستانها
رفعت شعرها بخفة و اخذت فستانها تناظره
كان بلون الاحمر ضيق وماسك على جسمها و مزموم ممن منطقة الخصر علاقي و ظهرها مكشوف
لبسته و مشيت للتسريحة تعدل الميكب و تتعطر
لبست اكسسواراتها و لفت للمرأة تاخذ نظرة أخيرة على زينتها
شهقت بخوف من حاوط خصرها عبدالعزيز و شافت انعكاسه بالمرأة
ابعد شعرها وهو بنحى بهيام يقبّل عنقها بعمق
شهد بهمس:عزوز!
سكت وهو هايم فيها و بحلاوتها ، اخذ عقله زينتها و جمالها بالاحمر
دخل المطبخ لاجل الفطور لكن ماكانت موجودة و توقع انها طلعت تلبسه لذلك جاها وده يشوفها قبل الكل
اخذته من نفسه لدرجة مافكر بـ الرجال الي بالمجلس و اهله ولا أحد و حاوط خصرها يلفها عليه و رفع شعرها للخلف و انحى يقبّلها بشكل اندفاعي
غمضت عيونها تستسلم بين يدينه يزين عنقها من اثار حبه لها
حاس وجهها من الروج لكن ما اهتم كثير
ابعد ياخذ نفس يتمالك نفسه و صدت بخجل تاخذ منديل المكياج تمسح وجهه من الروج
عبدالعزيز ضحك:ضعت قدامك والله
ضحكت بقوة و ابتسمت باستغراب تناظره من مسك يدها يمشيها للسرير
ضربت كتفه بصدمة:عزوز!
لف عليها بخبث:لاتخافين مو الي ببالك! بس لو ودك ما اقول لا
صدت بنظراتها عنه و ضحك يجلسها على طرف السرير
مشى للدولاب يفتحه و اخذ بوكيه الورد الي خباه عنها
شهد بصدمة:متى جبته ، ماشفته!
عبدالعزيز:الحمدلله وإلا انخربت مفاجأة!
مد لها بوكيه الورد و بوسطها ايباد
شهقت و دمعت عيونها:عزوزي!
عبدالعزيز بـ حب:عيون عزوز! بخاطرك وما تخبريني! اجل اعرف من طقطقة صقر عليك وما اعرف منك! ليش مو زوجك! قلت لك اطلبي و عيوني لك
وقفت تضمه بقوة و همست بدموع: الحمدلله على وجودك بحياتي
اخذته بحماس و اخذت جوالها تصوره و فتحته و شهقت من كان بلون الرمادي زي ماتحبه
انتبهت لـ ظرف تفتحه و دمعت من كان مبلغ وكلها من فئة الخمسمئات
انحى ياخذ العبوة الصغيرة من جانب السرير وما انتبهت له شهد
فتحه ياخذ الخلخال و جلس على كرسي بجانب السرير
قرب منها و رفع رجولها لـ حضنه
ارتفع فستانها لـ حد فخذها
عضت شفايفها بخجل تعدله و اخذ الخلخال:عجبني حيل و طلبته لك
ميلت راسها تبكي من هول مشاعرها هاللحظة
حُبه لها و كيف يدللها كـ أنها بنته زي ما دايم يقولها بنتيّ ، و بالنسبة له هي كل حاجة حلوة بحياته ، عوضها عن كل شي مرت فيه صار العوض لها و ملجئ تلتجئ له فيه بكل ايامها ، تحب انه يحبها بشكل مبالغ لأنه حبهم يستاهل هالمبالغة وهي تستاهل حُبه
تحس بلمساته على كاحلها و ناظرته بخجل قفل لها الخلخال و ناظر عيونها
انحت تقبّل خده و وقفو من سمعو صوت باب الشقة
عدل شكله قدام المرايا و تعطر مرة ثاني و خرج يفتح الباب و هي خلفه
توسعت عيونه باندهاش يشوف محمد
انحى يشيله و ضحك محمد:زيز زيز
عبدالعزيز ناظر شهد:ذا كيف طلع فوق!
ضحكت بصدمة:مدري
ناظرت شكله كيف موسخ وجهه بالشوكليت:يالله عدمت وجهك! اعطيني ياه عزوز اغسله
عبدالعزيز:انا اغسلله ، مو ناقص تطيحون بكعبك
وقفت قدام المرايا تصور شكلها و جاء عبدالعزيز من وراها يتصور معاها و رفع محمد يتصورون ثلاثتهم مع بعض
عبدالعزيز ابتسم:عقبال عيالنا
ناظرته بهدوء:ان شاءالله
اخذت جلال الصلاة تلبسه و نزلو مع بعض
منيرة ناظرتهم:طلع معاكم! حست وانا ادور عليه
شهد بصدمة:ماما جانا فوق دق علينا الباب
ضحكت بصدمة منيرة:يويلي حمود!
مد عبدالعزيز محمد لـ منيرة و طلع مبلغ من جيبه:خالتي كل عام وانتي بخير
ناظرته بابتسامة من تقدم يقبّل راسها باحترام و يحط العيدية بجيب ثوب محمد:عيديتك وعيدية حمود
منيرة:وانت بخير ياولدي ، الله يخليك و جعلك سند و عزوة العمر كله لـ شهد
ابتسم بـ حُب:يارب يا خالتي توصين!
منيرة:سلامتك يا أمي أنتِ!
طلعت علياء بصحن المعصوب:اوف غرت اشوف احضان!
ضحك يحضن علياء:افاا ام عزيز!!
ناظرته:العيال كانو يدورون عليك من اول وينك فيه!
ضحك يهمس لها:مع حلالي
ناظرت شهد و ضحكت: اوكييه تتهنى بس استعجل جدك جوعان و معصب لا يعصب عليك زيادة
اخذ منها صحن المعصوب ولف على شهد:حصني نفسك!
شهد بعبط:مع اهلي عادي!
عبدالعزيز بتكرار وبنبرة خافته:حصني نفسك وإلا مايصير خير بعد الفطور!
ناظرته بصدمة من كلامه الجريئ بوجود امه و امها
ضحك يشوف ملامح وجهها يخرج للمجلس
رجعت علياء للمطبخ و مسكت منيرة يد شهد وهمست لها:الله والحُب!
ضحكت بخجل:ماما ؟
منيرة:الله يخليكم لبعض يابنتيّ
شهد بخجل رفعت شعرها لـ الخلف تعدله:امين يا رب
منيرة ضحكت:طيب شوفي عنقك و عدلي شكلك وتعالي نفطر
استغربت كلام امها ومشيت تشوف عنقها بالمرايا و صرخت صرخة مكتومة:اوريك ياولد حمد
لامست اثار عنقها من قبّلاته لها و واضح بشكل كبير
تاففت تمشي غرفة البنات تخفيه و ترجع للصالة تفطر مع البنات
- المجلس -
زاهد:علي ماجا وينه تاخر
ضحك روآف من شاف علي يدخل باستعجال:جاء الحب حقك
ابتسم زاهد من جلس علي يمينه وهمس له:وين اختفيت بعد المسجد!
علي بهمس:رحت البيت الاخت مجهزة فطور و رحنا نجيبه
هز بالايجاب و اخذ شاهي كرك من خالد وبداو يفطرون وبعد الفطور اجتمعوا على القهوة و حلويات العيد
-
استأذن مشاري و علي و سعود يخرجون للمقابر
-
- بالمجلس -
الجد:نادو الحريم نعايد زين
خرج زاهد ركض:جدي يقول تعالو
الجدة شافت كل حفيداتها و زوجات عيالها قدهم غسلو الميكب و لبسو بجائم و عليها جلال الصلاة نطقت:يالله
زاهد وهو يمسك يدها:جدة توسطي لي عند جدي يرفع عيديتي شوي كل سنة نفسها المفروض كل ما اكبر تكبر العيدية
ضحكت:ان شاءالله
دخلو المجلس وفزو كلهم يسلمون على الجدة ويعطونها العيديات
وجلسو البنات وبدات سارة تصب للكل قهوة
الجد:اهل علي و مشاري عندنا ؟
سارة:اي يبه بس لانهم صاحيين من امس ، نامو بعد الفطور على طول
ابتسم خالد من جات بباله لينا و يتذكر اول ايام رمضان وقت طقطق عليها بالمطبخ و تنهد من تذكر كادي و تعوذ من الشيطان و استغفر ربه
الجد وهو يطلع الفلوس يمده للجدة:اعطيهم عني و عنك يا نوير القلب
ضحكت بخجل واعطت أولاً لـ حريم عيالها وثم البنات
سلطان:يمه العيال كبرو مو لازم عيديات لهم
عبدالعزيز:عمي ، يقولو القرد بعيون امه غزال ونحن جده للحين تشوفنا صغار
صقر:خانك التعبير وش الي قرود الله يهديك ؟
عبدالعزيز:اسكت اتوسط للعيديات
فز يبوس راس الجدة واخذ عيديته يقهر العيال أنه اخذ اولهم بحكم انه اكبر حفيد
ضحكو البنات على حركاته ووزعت للعيال العيديات وانتهت من اعطت لـ زاهد خمس ريال
مسك الخمسة بصدمة:ذا وانا اقول توسطي لجدي يزيد المية شوي وانتي نقصتي لخمسة لا خلاص راضي بالمية ابيها
الجدة:ذا الموجود
عبس:الحين كلهم خمسمئة ومدري كم انا المسكين خمس ريال حرام والله ذا ظ.لم كبير
صقر:تعيش وتاكل غيرها
الجدة طلعت له خمسمئة:كم زاهد عندي انا
ضحك يضمها:لا يحرمني يانوييير
ضحكو عليه كلهم من ضم الجدة بالقوة لين ضربته يبعد عنها
خلصت فقرة توزيع عيديات الجد وبدات فقرة عيديات الابـاء و العيال
عبدالعزيز ناظر العيال و قام صقر يجيب الهدايا من السيارة و دخل
اخذ كل واحد الهدايا الي شراها
وقف عبدالعزيز:يمه خالاتي يعطيكم الف عافية على تعبكم برمضان والله يكتب اجركم والله يطول باعماركم ويخليكم لنا
تقدم يبوس راس امه و يمد لها كيس الهدية
وكذلك وضاح و عمر و خالد اعطو امهاتهم الهدايا الي كانت عبارة عن ذهب منهم كان غوايش ومنهم طقم كامل
عمر:تراه مننا كلنا نحن العيال
زاهد:انا قطيت معهم بالنية و نتحاسب بعدين بالجنه
عمر:خلاص جاتك العيدية حاسبنا الحين
زاهد ناظره بصدمة و ضحكو عليه
سلطان شمق:بس انتم تهدون امهاتكم
ضحكت سارة تاخذ الكيس الي كانت معاها واعطت حسن الي اخذه و فتح العلبة يجلس قدام الجدة ويلبسها الغوايش و قبّل يدينها بحنية
صفقو كلهم بحماس و ضحكو بفرحة من حاوطت الجدة عيالها كلهم تضمهم
الجد:وانا ابوكم مالي شي
سالم باس راسه:انت الله يخليك لنا
الجد:جعلني ما انحرم من لمتكم حولي ياولدي
تمتمو كلهم بـ آمين
فزت شهد:خلونا نلعب مجهزة فعاليات حلوة مرة
الجد:طيب يالله لان لازم نرتاح ونصحى الظهر
هزت راسها وقامت تجيب الفعالية
شهد رفعت اللوحة الكبيرة:بكل ورقة مرقمة داخلها شي عاد كل واحد و حظه نبدأ بـ جدي
الجد:رقم عشرة
شهد بحماس فتحت رقم 10 ومكتوب:تستاهل الروج
لفت تاخذ الروج من كيس الفعاليات وتعطيه للجد
الجد:وش اسوي فيه حق حريم
حسن بضحكة غمز له:يبه اعطيها نويـر يمكن تجيب راسك فيه و تجيبو لنا اخو صغير
رفع الجد عصاه يضرب رجوله وانهارو ضحك من غطت الجدة وجهها باحراج و خجل
الجدة بخجل:وش حمل الله يهديك يا ولدي كبرنا كبرنا
حمد:وين قمر اربعطعش يا يمه
علياء: خلاص احرجتو عمتي معليك عمتي عيالك انجنو
الجد بـ حُب ومد للجدة الروج :زيني ثغرك يا نوير الروح و القلب
صفقو العيال بحماس من اخذته الجدة
شهد:جدة دورك
الجدة:رقم ثلاثة
شهد:تكلمي اجنبي
الجدة بنبرة تقليد:هايلوو اك فوكس يوزمي ماي لوڤي
انهارو ضحك كلهم
زاهد وهو منهار ضحك:ولا كلمة صح يا جدة
الجدة:خلينا لكم الأجنبي نحن عربيين
ضحك عبدالعزيز بطقطقة:ماي لوفي وش الي بعده
زاهد:يا بنت العم اذا مافي فلوس انا بنسحب
شهد:ماندري يمكن في ويمكن لا انت وحظك ، عمي حمد
حمد:لا بنتي
شهد ببراءة:عشاني
ابتسم و اختار رقم وكانت ١٤
شهد:وش تتوقعو ؟
زاهد:انت مطفرة على الحديدة يعني وش بيكون يا رقص يا تقليد
شهد طلعت وكانت خمسمئة ملصقة بالورقة
ضحكت من شهق زاهد بصدمة تتقدم تمدها لـ حمد وشمقت على زاهد:مين الي قال على حديدة ؟
زاهد ضحك يشرب قهوة:معليك حظي حلو بيكون
وكملو الفعاليات مع الامهات لين جاء دور عبدالعزيز:دوري احم رقم ٢٠
فتحت له انهارت ضحك:هز مصري
عض شفايفه:عيب عليك يابنت!
شهد رفعت اكتافها:مالي دخل حظك ماش شدخلني
شغلت سماعات:يالله
عبدالعزيز:بابنت منجدك بتروح هيبتي قدام الكل!
قام زاهد ربط ثوبه على خصره و تلثم بشماغه و قام يهز باحتراف والكل يصفق بحماس و يشجعونه
مسك راسه سلطان بصدمة و ضحك من حركاته
قام عبدالعزيز من تحمس يتلثم و يهز اكتافه معاه و صفرت شهد بحماس
جلسو وضحكو بانهيار
زاهد:شرايكم يسموني زاهد المحترف
الجد:قصدك  زاهد الرقاص
ضحك يصد:جرح مشاعري جدي
كملو اللعبة بحماس مع البنات و حلطمات البنات وضحك العيال عليهم
انحرجت فرح من طلع لها:من مين كانت اخر رساله بالواتساب وايش كانت!
فتحته و لفته على شهد فقط تشوف رسالة من وضاح وهو يتغزل بصورتها
ضحكت و هزت راسها
وضاح شاف نظرات شهد له و ضحك يفهم
سكرة ركضت:شهد وانا
شهد شالتها تفتح اخر فعالية و نطقت بحماس:الله خمسين
زاهد:سوسو تعالي نتبادل
سارة:لا يا نصاب
زاهد جلس بحلطمة:عادي الريال توكل اشتري مويا و لا كاكاو من البقالة
روآف وهو يلعب يحواجبه ومعاه الـ مئة الي كانت نصيبه من اللعبة:احم احم
قام الجد:يالله خلونا ننام
قامو الرجال و الحريم يروحون بيتهم ينامون
عبدالعزيز جلس على الارض وجلسو كلهم دائـرة يتقهون
خالد:بالليل وين مقررين؟
عمر: مدري والله بس بكرا العصر تميم حاجز شاليه و عزمنا
ابتهال:بنروح كلنا ؟
عمر:مدري نشوف ان شاءالله
روآف بهدوء:زاهد رد لك علي خبر؟
زاهد:لا بس ابوي قال نروح نخطب رسمي ونشوف ردهم
هز راسه بهدوء
عبدالعزيز:وش ضايق صدرك ترا واضح لا تخبئ
روآف تنهد:بتزوج
ناظروه كلهم بصدمة:ايش ؟
عمر بحدة:روآف صاحي؟ بتاخذ الثانية!
عبدالعزيز:متاكد روآف ترا ذي زواج مو لعبة ؟
هز بالنفي:لا مو متاكد ولا راضي بس دام هي تبيني اتزوج مابي ازعلها
لفت ابتهال بـ صدمة على بيـان:انتي موافقة ؟
هزت بالايجاب:اي واخترت له كمان
افراح بقهر:ليش؟
جود:صاحية انتي؟
بيـان بهدوء:من حقه يصير ابو و يفرحه فيهم و انتم تصيرو عمات و اعمام وانا مقدر احرمكم هالشي ، دام الشرع حلل له ليش ما يتزوج!
عمر:بس روآف كذا انت تظلم نفسك و البنت الي بتاخذها
روآف:وش اسوي بالله ، وكلت امري للـ ربي لو خير تم الامور لو شر يتكنسل
زفرو بضيق وتكملت شهد تغير للموضوع:اي كم طلعت عيدياتكم؟
ضحك خالد:مدري والله وانتي كم!
شهد:اكثر من الكل
فرح:وش دراك اكثر من الكل ؟ يمكن نحن اكثر منك!
شهد:بابا اعطني ألفين و خمسمئة و زوجـي ستة آلاف والباقي مدري بس مبلغ معقول جداً
خولـه:مو جديدة على اخوي كريم ربي يخليه
ابتهال ناظرتها:و اخوي كريم لا تجحدي؟
خوله ضحكت:وشدخل ماقلت شي يعني كل واحد يمدح اخوه
فرح:اي صح اتفق معاك الله يخلي لي خلودي
خالد بعبط:آمين
صقر انسدح يلعب بجواله وعيونه تتغمض من نفسها من التعب
عبدالعزيز:يالله ننام شوي عشان نصحى الظهر
زاهد:مالي خلق اروح بيتنا بنام هنا
عمر: وانا
صقر بتعب:وانا
وضاح بطقطقة:ذي حياة العزوبية اي مكان يجيهم ينامون
ضحك عمر وخرجو كلهم ماعدا خالد وزاهد وصقر و عمر الي نامو بالمجلس
-
- غرفة وضاح -
فرح وهي تنزل حسن بالسرير بعد ما رضع و نام
زفرت بتعب ترفع شعرها وغيرت جلابيتها لـ بجامة العيد وانسدحت
وضاح انسدح مكانه وقرب منها وباس نحرها:حبيبي بتنامي؟
هزت بالايجاب:اي تعبانة
تنهد:قلت نجلس شوي
غمضت عيونها تتذكر كلام سارة
- فلاش بـاك -
قبل العيد بأيام ، جات سارة عند فرح وجلسو يتقهوون
سارة:يا بنتي ليش شكلك صاير تعبان كذا اهتمي يا قلبي بنفسك
فرح:والله مو لاقية وقت لنفسي مع حسن طول الوقت
سارة:سوي جدول لنفسك وابداي اهتمي بنفسك زين قربي زوجك منك يا فروح يجي من الشغل تعبان على الاقل إذا وصل يشوفك بمنظر حلو ، يا قلبي لو شوي تعطين حسن لـ جدته وتجلسي مع زوجك تتقهوى و تسولفي معاه والله ذا الشي بيسعده خاصة انه اكيد مشتاق لك و يبي قربك
فرح ناظرت نفسها بالمرايا وشافت شعرها رافعته بطريقة مبهذلة ولامست وجهها تشوف هالاتها و عيونها الحمراء
وابتسمت لـ سارة:والله من كثر مو مضغوطة حتى مافكرت اناظر نفسي ، شكراً سوير
ابتسم سارة:اختك انا قبل ما اكون عمتك واكيد تهميني لو غيري كان يقول وشدخلنا فيها بس والله لان اشوفك مرا اهملتي بعد الولادة لازم انصحك
- نهاية فلاش بـاك -
لف تشوفه يتأمله فركت عيونها تصحصح:وانت وحشتني يا وضاح ، اسفة اعرف مقصرة معاك كثير بس اعطيني وقت انظم حياتنا افهمني
ابتسم ينحى يبوس خدها:عارف ياروحي و فاهم
حاوطت عنقه تَقبل عنقه
ضحك يأشر على عنقه:علمتي؟
هزت بخجل:بالغلط
ضحك باتساع:احلى غلط صدقيني
تثاوبت ولامس وجهها يشوف تعبها:نامي يا عيوني
فرح بعبوس:لا بعوضك عن كل يوم ما جلست فيها معاك
وضاح:حبيبي انا معاك ، ننام من أمس صاحيين
انسدح واخذها بحضنه وغفيت على طول
ناظرها بحنية و حُب و مسح على شعرها و باس جبينها بعمق و غمض عيونه ونام
-
- شقة عبدالعزيز -
غير ملابسه لـ شورت فقط و انسدح يفتح جواله
ارسل لـ سامية و كيـان يعايدهم و دخل السناب يشوف ستوريات العيال
خرجت شهد بعد ما غسلت وجهها و رفعت شعرها وغيرت من جلابية العيد لـ لبس نوم
رفع عينه عليها وصفر باعجاب:واو وش الحلا ذا
ابتسمت بخجل ترطب جسمها وقامت للسرير
نزلت الروب و عض شفايفه بخقة من كانت لابسة شورت و قميص بلون الابيض
انسدحت وسحبها لـ حضنه: بنتي؟
غطت وجهها بخجل:سارة خلتني اطلبه
ضحك باتساع:تفهمني سوير
ضربته على كتفه وهمس بخبث:لعلمك اموت على الأشياء الحلوة الي كذا
انتبهت ليده وهي تلامس خصرها وبطنها:عزيز
عبدالعزيز تجاهلها وانحى يحشر راسه بعنقها يوزع قبلاته
اعتلاها لكن منعه يدها الي ابعدته من فوقها بعنف:أبعد عني
توازن قبل لا يطيح من على السرير وناظرها بصدمة
رفعت البطانيه تغطي جسمها وهي خايفة و ذكريات مازن و ليلة ملكتها منه تنعاد لذاكرتها
عبدالعزيز بذهول:ترا مو شي حرام شهد زوجتي انتي وحلالي
شهد:ماتقدر تجبرني مابي ابعد عني مابغاك تقربني
عبدالعزيز بصدمة:اجبرك؟ شهد انا اقدر اخذ الي ابيه غصب بس لاني احبك معطيك راحتك وماطلبت القرب بس لين متى وانتي تبعديني؟
شهد بكيت و صرخت:اطلع و اتركني مابغاك
اخذ مخدته بقهر منها وخرج الصالة ينام
شهقت تبكي تتذكر كيف اخذ مازن حقوقه و كيف لمسها بكل عنف و مارحمها وهي تظن عبدالعزيز بيسوي نفس الشي فيها غمضت عيونها وانهارت بالبكى تغطي جسمها بالبطانية وغفيت بعد دقايق
-
- بـ الليل -
- تجمعو كلهم بالحوش كالعادة -
حمد:طيب متى بتروحو؟
روآف بهدوء:ابوي يقول خير البر عاجله نروح ثالث يوم العيد نخطب ونملك نفس الوقت
بيـان بحماس متصنع:الله يتمم لك على خير
سكت الكل يناظر روآف و البنات نظراتهم تارة على فرحة الي تتصنعها بيـان و حزن الي يوضح على وجه روآف
همس روآف:الله لا يتممه
زاهد فز بحماس والدموع بعيونه من شاف رسالة علي " زاهد ياخوي انا كلمت اختي و نتشرف فيك ، تشرفني انت و الاهل بمجلسنا ، ننتظرك يالنسيب "
عمر بقلق:وش العلم ؟
زاهد فز يقفز:وافقت علي كلمني وافقت وافقت
ضحك سلطان:مبروك مبروك
ضحك زاهد يمسح دموعه:يارب لك الحمد
سجد شكر لله وضحكت شهد تصوره وترسلها لـ سراب بالسناب " وش سويتي بـ ولد عمي يا حي.وانة "
ارسلت سراب ايموجي " 🙈❤️❤️ "
فرح:مبروك زاهد
زاهد وهو يناظر جواله:يبارك فيك عقبالك
وضاح بصدمة رفسه:خير
زاهد:اسف والله ما انتبهت ياخي من فرحتي
ضحكت شيخة:ياحظها على الفرحة ذي كلها
زاهد بابتسامة:يا حظي انا والله
ضحكو عليه من رجع يتأمل رد علي للمرة المليون
سلطان:طيب ليش ما بعد بكرا ثالث يوم العيد نروح نملك لـ روآف ونخطب لـ زاهد مرا وحدة
زاهد:كفك ياخوي مين بقدنا مع بعض
ابتسم روآف بهدوء:مبروك الله يتمم فرحتك على خـيير
زاهد تنهد بـ حُب:آمين يارب
سالم:وش خططكم لـ بكرة؟
سلطان:تميم ولد خالة العيال عزمنا بكرة بـ شاليه
الجد:تمام تجهزو نروح نلبى العزيمة تميم عزيز وغالي ما نرده
عمر:ابشر جدي
الجد:يويلكم تتاخرون بالسهر
الجدة:عيد يا خليف اتركهم يستانسون
الجد:حتى ولو
قامو الجد و الجدة يدخلون البيت
عبدالعزيز انسدح على رجل وضاح:اي علوم اخبار وش بخاطركم نسوي قبل لا ترجع الدوامات الجامعة
عمر:أول نتزوج واساساً نايف كمان مكلمني قبل العيد عشان نجتمع كذا يوم ونتفق نحدد العرس طولنا مرة
حمد بحزن:حددو موعد قريب ماقدرت افرح بالعنقودة ولا بوحيدي على الاقل افرح بـ خوخه مدري متى اروح من هالدنيا!
عبدالعزيز بخوف:الله يخليك ويحفظك ليش هالكلام
خوله:عشانـي لا تقول الكلام ذا مرة ثاني الله يطول بعمرك
ابتسم و ونطق زاهد:تدرون وش اتمنى
خالد:ابهرنا وش ؟
زاهد:نرجع لـ يوم رحنا كلنا رحلة مكة و رحلة بـالـي
ضحك صقر:اهخ زاهد ودي نعيدها ، وقتها اغلبنا سناقل الحين كلهم متزوجين الا انا وخلودي
زاهد:انتم كمان تحركو تزوجو
خالد اتكئ:اذا بتزوج بتزوج من اختياري انا
عبدالعزيز:اخس خلودي
خالد:ابي زي ما ببالي
فرح:ابهرنا من الي ببالك
سالم:اي علمنا
خالد انتبه لنظرات ابوه واعتدل:امزح وشدعوه بس الله يرزقني الزوجة الصالحة ، بس مالي خلق زواج الحين
فاطمة:لين متى يعني!
خالد:أن شاءالله ان قررت بقلكم خلوكم الحين على زاهد
زاهد بضحكة:اي افرحو فيني الحين اسمعوني كلكم تزوجتو وبزواج الكل انكرفت لا تجحدوني بزواجي
عمر:ذا الي ماصدق يوافقون اخوي حبيبي نخطب و تملكون وقتها فكر بالعرس
زاهد بثقة:دام جاء الرد الباقي كله سهالات
خالد:الله يرزقني ثقتك
محمد:بابا
حسن فتح حضنه وركض محمد له
صقر:انا اذا اشوف حمود اتخيل شهد وهي تقول نسميه اوس ما اتخيله باسم اوس ولا قلبت على عبدالعزيز يسمون ولدهم أوس
رفع عبدالعزيز نظره لها وشافها تبتسم لـ صقر
شد يده بقهر ولف من نطق حمد:تهكرت !! تبي اوس يا ولدي
عبدالعزيز هز بالنفي:لا مادخل مخي الاسم افكر باسم ثاني مثلاً عبدالله
ناظرته شهد بضيق من كلامه
روآف:عبدالله بن عبدالعزيز بن حمد آل مطلق
حمد:ولا عبدالرحمن بن عبدالعزيز بن حمد آل مطلق
عبدالعزيز لف بابتسامة:خلاص دام الغالي يقول عبدالرحمن خلاص سموني ابو عبدالرحمن
ضحكت علياء:خلوه يجي بالاول وبعدين اختارو
وضاح:اي شاش راسي من الحين بصير خال
ضحكت شهد ونطق خالد:انا الوحيد مرتاح عندي وحيدتي وخلتني خال
فرح:و اطلق خال
عبدالعزيز:اه عقبالي اصير خال
عمر بحلطمة:وعقبالي
سالم:هيا قومو قومو ننام بلا حلطماتكم
زاهد:شبعان نوم ياعمي
سلطان:اكيد مو حضرتك ساحب على الكل وصحيت المغرب
زاهد:بالله مين يعزم غداء اول يوم عيد ، الناس نايمة اهخ زين اني هجيت من المجلس قبل لا اتفشل مع الناس
عمر:صحيناك قبل لا نخرج انت ماسمعت
زاهد :الحين كلكم تنامون و تتركوني
ابتهال:لا ببقى معاك
زاهد يحاوطها:يالبيه أطلق من تسهر معي ، يالله تصبحون على خير
لوح لـ شيخة وهي تضحك عليه وتوجهو كلهم لـ بيوتهم
زاهد:اي شنسوي ؟
ابتهال وهي مشغولة بـ الجوال:مدري
زاهد قفل جواله بملل:ياخي علي مايرد للحين شكله داقها نومة
ابتهال:اممم ماعندك اصحاب غيره
زاهد:كان عندي وكثير الحين مكتفى بـ علاوي وش ابي بوجع راس بكرا يطلعون اصحاب السوء انا تبت بعد فهيد
ضحكت وهي تناظر الجوال ولف:اكلم نفسي انا ،ذا اكيد نايف ؟
هزت بالنفي بقهر:ليت هو ، متخيل للحين ما عايدني لو رسالة او اتصال؟
زاهد:اعذريه اكيد مشغول ، تكلمي من؟
ابتهال:سرابوه تبي تتصل
ابتسم:اهااا
لفت عليه ورفعت حواجبها:بجيب السماعات
زاهد بثقة؛ماله داعي خليني اسمع صوتها كذا وكذا بعد بكرا بتصير حقي
ابتهال:ورع
زاهد:ما اكلمها وعد بس سولفي وانا اسمعها إذا كلام خااص حطي سماعات
تنهدت و اتصلت وكان هو مشغول بجواله ويسمع حلطماتها وسواليفها
زاهد قام وهمس:تبين اندومي؟
ابتهال:سرابوه دقيقة ، اي زيزو سويه زي ما تسويه دايم لا تخليه مرة سبايسي و كثر ليمون وكولا بـ ثلج
تخصر:أوامر ثانية
سراب:الله اندومي اشتهيته ليت علي صاحي يشتري لي
ابتهال:شرينا كرتون تعرفين لابد من مخزون العيد نوم المقطع وكذا
سراب:انا نسيته
زاهد:بروح اسوي
ركض البيت يسوي اندومي و يبدع بلمساته الخاصة وجهزه وخرج الحوش
ابتهال وهي تلف الكاميرا عليه:شوفي زوجك المستقبلي
ضحكت سراب بخجل وهمست:وتبن يا توتـا
ضحكت ابتهال من نظرات زاهد:ولدنا عيونه قلوب
زاهد بتوتر:اوكلك يعني قربي وسمي بالله
قربت واسندت الجوال وقفلت سراب الكام وكملت تسولف وزاهد عينه بجواله واذنه مع سواليف سراب
سراب بعبوس:توتـا شهيتيني الحين بهالليل اي بقالة مفتوحة انزل اشتري
زاهد بحدة:خير ؟ وين تنزلي؟ شايفة الساعة
ابتهال:ورع وشدخلك فيها
زاهد طنشها وكمل يقصد سراب:خلاص ان صحى علي قولي له يشترى لك
سراب بغصة:لا تهاوشني طيب
زاهد انصدم توقعها كالعادة تتهاوش معه
ابتهال:بقوم اجيب ببسي ثاني
وقامت تدخل بيتهم
فتح جوالها سريع وطلع للواتس سجل رقم سراب عنده و رجع للاتصال الي كانت فيه سراب ساكتة
ابتسم يقوم المطبخ يغسل المواعين وخرجت ابتهال الحوش
فتح الدولاب اخذ كيس اندومي وحطها بكيس صغير وربط ثوبه بخصره يخبئ الكيس هناك وخرج يركض:ابتهال بطلع الحارة كذا ربع ساعة و ارجع
ابتهال:زين لا تتأخر
خرج شغل سيارته وحرك لـ بيت علي
نزل ولف نظره وماشاف احد رمى الكيس من فوق الجدار وسمع صوت خبطة و ركب سيارته يحرك
وقف قدام بقالة وطلع جواله وابتسم بـ حُب يسجل اسمها
" أعظم أمنياتي 🤍💍"
دخل الواتس و ارسل
" سلام عليكم"
" سراب انا زاهد "
" ادري بتستغربين واعتذر اخذت رقمك من توتـا بدون علمها بس ماحبيت تعرف الي سويته ، اطلعي الحوش تلقين شي تحبينه مايبقى بخاطرك شي وانا موجود وارجع اعتذر اني كلمتك "
تردد بانه يرسل لكن تشجع وارسل " انتبهي لنفسك يعيوني ❤"
قفل جواله ونزل البقالة
اخذ شوكليت و ايسكريمات و حلويات جلي ولفت انتباهه خليط كيك و ضحك ياخذ يدور بنكهة شوكليت ومالقى
اشر للعامل:مافي زي كذا كاكاو
العامل بتسليك:خلص كلو خلص
زاهد تافف يأخذ بنكهة الفانيليا و مشى يحاسب
ضحك يصرف اول مئة من عيدياته و اخذ طراطيع و اخذ اغراضه يرجع البيت
دخل البيت و فزت بخرشة:الله يعلق شيطانك
ضحك:وشدعوه خوافة
ابتهال:وش هالخرابيط
جلس جنبها:رحت البقالة ياخي شعور حلو وانت تشتري اي شي يجي قدامك جبت لك ذا الريتا و كيندر و حلاوة اعرفك تحبينه
ضحكت تقبّل خده:واهه أحبك
طلع خليط:اشتهيته و ماكان في شوكولاطه وفـ جبت ذا
فزت:تم قم نسويه
اخذ الاكياس يدخلون البيت و دخلو بهدوء المطبخ وقفل الباب
ارسل لـ لإخوانه و افراح لو كانو صاحيين ينزلون لكن ماكان في رد
ساعدها يسوون الكيك و زينوه بالشوكليت و تربع فوق الطاولة ياكل منه و يتلذذ
خلص و قام يغسل صحنه و يغلف الصينية الكيك الباقية يحطه بالفرن
باس خدها:بروح انام
ابتسمت:تمام وانا بأكل و اروح انام
هز راسه يروح غرفته
غير ملابسه وانسدح يغمض عيونه يحاول ينام تقلب يمين يسار ماجاه نوم ابتسم يرجع يفتح جواله يتأمل رسالة علي للمرة المليون وصله رد سراب وفز يجلس وشافها مصورة صحن الاندومي و مشروب بالتوت و تتابع مسلسل
ارسلت رسالة " لو جبت ببسي ؟ "
ارسل لها ضحكة و كتب " المرة الجاية ، عافيه "
سراب بتوتر ارسلت " الله يعافيك و شكراً والله"
زاهد " العفو استودعتك الله "
قفل وحط الجوال على صدره يغمض عيونه بـ فرح و غفى على وضعه
-
- شقة عبدالعزيز -
خرجت شهد من الغرفة بحزن تشوفه نايم على الكنب بالصالة
تنهدت تجلس قدامه على الطاولة:عزوز حبيبي
عبدالعزيز تثاوب وفتح عيونه:ساعة كم ؟
شهد:قرب الظهر
هز راسه بهدوء يقوم ياخذ مخدته و سحب بطانيته من يدينها
شهد:عزيز افهمني
عبدالعزيز:الحين طلعت انا الي مو فاهمك؟
تنهدت وابتسمت بهدوء تقرب منه وتمسح على شعره بهدوء: عبدالعزيز نجلس نتكلم نتفاهم ، مو حل يوم تنام انت برا وانا بالغرفة
عبدالعزيز:انتي ماتبيني قربك
شهد:لو مابيك قربي ماتلقاني بهالقرب الحين؟
عبدالعزيز ببرود:طيب بنتأخر ممكن تبعدي
زفرت بضيق تبعد ودخل الغرفة يتجهز وكذلك هي دخلت خلفه تتجهز سوت شعرها ويفي وحطت ميكب خفيف وطلعت فستانها الاحمر ماسك على جسمها يبرز مفاتنها ، لبست اكسسوارتها الفضيه
انتبهت لـ عبدالعزيز الي وقف مصدوم من شكلها لا إرادياً صفر باعجاب
شهد انتهزت الفرصة تقرب منه:كيف ؟
عبدالعزيز تقدم:الكلام قليل بحق حلاوتك بسم الله عليك من عيون الناس الزين كله حقي ياحظي والله لفي اشوف
اخذت لفه حول نفسها وابتسم:حصني نفسك تمام ؟
هزت بالايجاب:من عيوني يالله بنتاخر
هز راسه يلبس وولعت الفحم تحط العود عليه وتبخرت و قربت منه تبخره
عبدالعزيز:طاب طيبك و عاش حبيبك
شهد:اي والله عاش حبيبي
ابتسم يرفع حواجبه وضحكت بعبط
لبس الشماغ وبخرت الشماغ وانحى يبوس جبينها بعمق:للحين مارضيت بس مابي باحلى ايـامنا نكون متزاعلين
شهد:الله يبعد الزعل عننا نقول حاجة كتكوتة و نتكلم عنها
هز راسه:ما اظنها كتكوتة بس يالله
ضحكت تلبس عبايتها وخرجو شافو الكل منتظرينهم اعتذر عبدالعزيز على التاخير بحجة راحت عليهم نومة وخرجو لـ بيت مشاري الي عزمهم على غداء و على قرب المغرب خرجو للشاليـه لـ عزيمة تميم
-
- الشاليه -
فتح اوس البوابة الشاليه و احددت نظرات عبدالعزيز من عرفه
توترت شهد تنزل نظرها لـ جوالها ترسل لـ فرح:الت.بن ذا ليش هنا
فرح على طول ردت:ناسية تميم و اوس جيران و أهل
زفرت بقرف من تواجده ونزلت مع عبدالعزيز
تميم:يامرحبا اعز ماجانا
عبدالعزيز بصوت ثقيل:الله يسلمك بس الاهل
اوس ياشر للبوابة:باب الحريم من هنا
عبدالعزيز شد على يد شهد وهمس: يارب صبرني
شهد:طنشه
لف عليها بحدة:لا اشوفك برا سامعه
هزت بالايجاب بخوف ودخلو الحريم و الرجال توجهو لقسم الرجال
كان ابو اوس و اوس و تميم يستقبلونهم
اوس بهمس:ابو التيم بقوم اخذ القهوة
تميم:طيب انتبه اكيد البنات طالعين
اوس بضحكة خرج وهو يدندن:
أنا كل ما نويت أنسى .. لك الذكرى ترجّعني
وترى للحين أنا أحبك وأشوفك بين حين وحين
انتبه لـ البنات وصد:ياولد ريِـتان القهوة ؟
خرجت ريتـان باستعجال تعطيه القهوة:جاية
ضحك:على مهل يعمري
ريـتان:وينه تيمو ؟
اوس:ياعزتي لـ تميم على هالدلع المهم مشغول مع العيال
هزت راسها:قول له ترا زعلانة للحين ماعايدت عليه ولا شفته
ضحك:خير ماشاءالله ايش الميانة ذي
لعبت بشعرها بدلع :وش تراه ختيبي
ضحك:ياختيبي ترا ما صارت ملكة لو تممت شوفيه لين تشبعي منه
تاففت:طيب سلم لي عليه
أوس ضحك:ابشري يوصل يالله ادخلي ولااشوفك برا ،يمكن شوي كذا يطلعون العيال انتبهو
ضحكت:الاخ الغيور تمام فهمنا
ركضت تدخل ومشى للمجلس بالقهوة
بينما شهد الي كانت بالمطبخ قرب الشباك انتبهت لـ اوس يومه جاي ووقف يسولف مع اخته وشردت ثوان و نزلت عيونها تتذكر عبدالعزيز وتلامس الدبلة والإبتسامة تزين ثغرها فتحت جوالها ترسل لـ عبدالعزيز بـ حُب " أحبك عزوزي ❤️"
قفلت جوالها من قربت ريـتان منها:شهود وشفيك
شهد:لا جيت اخذ مويا
ريتـان:مشينا
توجهو لل صالة يتقهوون مع الحريم ويسولفون
شيخة:ما جو خواتي و امي!
ام تميم:لا والله امي معزومة و البقية اعتذرو
هزت راسها شيخة تسمع ام اوس
ام اوس:ماشاءالله شهد كَبرتـي وصرتِ عروس شرايك بـ اوس؟
شرقت بالقهوة تكح و تناظر ريتـان و امها بصدمة
منيرة:لا وشفيك ام أوس ، شهد متزوجة
ام أوس:مادري ماشفت الدبلة عشان كذا
بلعت ريقها شهد بتوتر:شدعوه خالة تزوجت من كم شهر
ريـتان: نحن انعزمنا بس ماقدرت ماما تجي
الجدة:زعلت يوم ماجيتو
ام اوس:هاو كان عرسها اذكر يقولو العريس عبدالعزيز
علياء:اي ولدي و زوجها
ام اوس:فهمت والله تعرفين يا ام حسن ظروف الاهل وكذا
الجدة:الله يعين والا بسألك اوس متى ناوي يسوي العرس ماكانهم طولو مرة بملكته ؟
ام اوس:والله ما اتفقو و انفصلو برضى الطرفين
منيرة هزت راسها:الله يعوضهم
ام اوس:امين والله كنت افكر بـ شهد أو فرح بس عاد حلوات ماشاءالله وجاء نصيبهم بسرعة الله يسعدهم و يوفقهم
خوله بضحكة بهمس:ما الومهم على الحلاوة ذي يحظ اخوي
ضحكت شهد بخجل وتهربت تقوم تاخذ حلى
فرح بهمس:يويلي انا لـ اوس بالاحلام ماتجي
ام أوس بجراءة:مين للحين ما اعرست
ناظرو البنات بعض بصدمة و انظارهم على افراح الي صدت بصدمة من السؤال
شيخة:بنتي الصغيرة
ام أوس ناظرت افراح و تفحصتها بنظراتها و هزت راسها بعدم اعجاب
ناظرتها افراح بصدمة من شمقت عليها ام أوس
شهد:سيبيك منها عاد من زين ولدها خايس
افراح:بس عيب هالنظرات وجععه
جود بهمس لـ علياء:مدري بس احس بوجع
علياء:فحصتي ؟
جود بحزن:لا كم مرة بعد زواجي حللت وكان سلبي و انكسر فرحت سعود و خايفة هالمرة كمان يطلع سلبي
علياء:اذا خرجنا كلميه تروحو المستشفى طيب تعرفي ليش يوجعك بطنك!
هزت بالنفي:نروح مع عزيز ؟
علياء بابتسامة:تمام اكلمه انا
جود حطت يدها على بطنها تمسح عليه:يآرب
ام تميم:شموخ ماما خذي البنات و روحو الصالة الثانية
ريـتان:اي بنات يالله
قامو كلهم للصالة الثانـية و شغلو اغانـي يرقصون
بينما بيـان الوحيدة الي جالسة وتلاعب بـ الدبـله بشرود تفكر بـ ملكة روآف و ريماس الي بيكون بكرا
جلست جنبها شموخ:عادي نتكلم ؟
بيـان رفعت حواجبها باستغراب:وشعندك؟
شموخ بحزن:اعرف سويت اشياء كثير لك و اذيتك بس آسفة اعتذر الي سويته
بيـان:الله يسامحك ويهديك
شموخ: والله ندمانة كثير جلست و استوعبت ان كل شي اسويه غلط و راجعت نفسي و تعدلت ادري مقدر اصلح شي بس آسفة والله
بيـان هز راسها بهدوء تلتزم الصمت
شموخ بلطف:قومي نرقص
هزت بالنفي:لا شوي مصدعة
هزت بالايجاب تتركها براحتها ومشيت ترقص مع البنات بعد ما اعتذرت منهم كلهم و قبلو اعتذارها
فـرح:هزي لنا الله يخليك
شهد بخجل:فـرح لا
جود:خير وش لا ، تكفين نبي هز شويات
شغلت خولة اغنية مصرية وبدات تتمايل شهد باحتراف
ضحكت بيـان وهي تعزز لها وتصفر
جود صورت شهد ترسله لـ عبدالعزيز وقفلت جوالها
شهد وهي ترقص باحتراف وتميل جسمها و تلعب بـ شعرها بدلع :يابتاع النعناع يامنعنع
الكل بصوت عال بضحكة:يامنعنع
اتصل تميم على امه يبلغها انهم يقدرون البنات يخرجون إذا يبون
شموخ:نسبح؟
ابتهال:زين جبنا ملابس احتياط الله حماس
شهد:وش رايكم نتسابق؟
افراح:الي يوصل اخر واحد هو ح.مار
ضحكت شهد ترفع فـستانها وتركض اولهم والبقية وراها وصدمت بـ صدر عريض ومسكت راسها على طول بوجع
اوس ناظرها لـ ثوان لكن صد وهو يصرخ:قطيع خرفان انتم؟
ريتان:اوسوه اطلع
زفر بعصبية يخرج
تقدمت فرح تمسك شهد:بسم الله عليك
شهد بهمس:يويلي لو درى عزيز يا فرح
فرح ضمتها:خلاص الحين يخف المك
شموخ:خلاص راح تعالو نخرج
خرجو البنات كلهم وشهد جالسة على طرف المسبح تلعب بالمويا برجولها
بينما التؤام و شموخ و ريـتان و فرح يسبحون
والبقية جالسين يسولفون
-
بعد العشاء قام الجد يشكرهم واستئذن يخرجون
اوس لـ تميم بصوت عال:يالبيه اعلن من اليوم حُبـي اللون الاحمر
عبدالعزيز بصدمة لف يناظره بينما اوس تكتف يلعب بحواجبه باستفزاز
خرج عبدالعزيز وهو يحاول يهدى نفسه و مشى للسيارات
بينما اوس دخل قسم الحريم وهو عارف ان الحريم طلعو
بس لفت انتباهه صوت يعرف ويميزه جداً دخل الصالة يشوف شهد بعبايتها وحجابها تدور جوالها
شاف جوال على سماعات وسحبه يرفعه:تدوري ذا ؟
تصنمت وتجمدت مكانها:اوس؟
اوس بـ حُب:لبيه ياروح أوس
شهد غمضت عيونها تأخذ نفس بخوف وهي تلف الحجاب على وجهها: اطلع
اوس:طيب ناظريني ؟
شهد بحدة:اوس مجنون انت؟ اطلع زوجي ينتظرني
نزل نظره لـ جوالها الي يرن باسمه وضحك بسخرية يفتح الاتصال :طيب لفي خليني اشوف وجهك و اتاملك
لفت تناظره بحدة:هات الجوال والا اصرخ
اوس:اشتقتلك
ضحكت بسخرية:لو حبك كان حقيقي كان حاربت عشانـي ، انا كنت مستعدة احارب اهلي عشانك ، انت خاتم باصبع اهلك يقول لك سوي كذا انت تسويه ماقدرت تسوي شي عشان تكسبني تف على رجولتك ، بس الحمدلله جاني العوض الحلو ، اشكر ربي ليل نهار على العوض الي جاني وهو عزيز ، كيف حبيتك انا ؟ كيف ؟ مقرف
اوس وهو يقرب:افا طيب والحب الي كان بيننا ، كم سنة كنا مع بعض ، انا اعرف عنك اشياء حتى زوجك مايعرفها
شهد بحدة:خليك مكانك لاتقرب
أوس وهو متجاهل كلامها:اشتقت لضحكتك وشعرك الطويل الي مغرم فيه ياكم تمنيت المسه
دفته تصرخ:في احد ، عزوز
قرب منها ورفع يديه يلامس خدها تحديداً شامتها
ركلت على بطنه:ابعد لا تلمسني يا قذ.ر
سمعت صوت عبدالعزيز يصرخ وركضت لباب الصالة تفتحه و وخرجت لباب الشاليه وحجابها طايح على عنقها وصدمت بصدر عبدالعزيز
عبدالعزيز بعصبية ينزل شماغه يرميها عليه و دخل عند اوس
اوس:كنت انتظرك
عبدالعزيز بـ كره كبير له تقدم ولكمه على وجهه
ضحك اوس بوجع يمسح طرف شفته وبلحظة غفلة يرجع اللكمة لـ عبدالعزيز وهو ينطق:شهد لي وبتكون لي ، غصب عنك بتطلقها
عبدالعزيز بحدة:تخسى و تعقب تجيب اسم زوجتي على لسانك القذ.ر
اوس تصدى ضربت عبدالعزيز و ضربه على بطنه
شهد صرخت تبكي وركضت تطلع من باب القسم:في احد ؟  وضاح يا عيال
لكن الهدوء كان سيد المكان ركضت ترجع تدخل
عبدالعزيز صرخ:اطلعي للسيارة
اوس:شهد تعالي عندي معليك منه ادري بك ماتبينه انا معاك وما بخليك
عبدالعزيز بكل قهره اعتلاه وانهال عليه بالض.رب وشهقت شهد تبكي و شافت جوالها على الارض و ركضت تاخذه و تتصل بـ وضاح شهد برجفة و بكى:وضاح بدون علم احد تعال الشاليه بسرعة استعجل الله يخليك
عقد حواجبه يلف لـ طريق للشاليه باستعجال ووصل دخل تارك فرح بحضنها حسن بالسيارة
دخل وسمع صراخ شهد وهي تبكي:خلاص
-
اوس وهو معتل عبدالعزيز يض.ربه:غصب تطلقها فهمت ؟ هي لي وبتكون لي يا ***
عبدالعزيز لكمه وقام عنه وهو يترنح من الوجع وناظر اوس بتحدي:ولد ابوك تتكلم هالكلام مرة ثاني
اوس بضحكة يطلع جواله ورفعه يوريه الخلفية كانت صورة لنص وجه شهد
قبض عبدالعزيز على يده وتقدم وهي يض.ربه اكثر لين فقد وعيه
لف على شهد وهي تبكي:شايفة؟ عجبك تبكين على الحب
شهد صرخت ببكاء:خلاص
دخل وضاح و انصدم من شاف أوس بالأرض ما يتحرك
و صرخ بخوف:وش سويت قت.لته
عبدالعزيز تف الد.م من فمه:جعله الم.وت
خرج وهو يمسك فكه بوجع يشوف ثوبه بالد.م ركب سيارته و حرك  على طول
وضاح لف على شهد:وشصار؟
شهد وهي تبكي:وضاح انقله المستشفى مو وقت الكلام لا يصير فيه شي يروح عزيز بداهية
وضاح اسند اوس لسيارته طلب من فرح تركب ورا وشهد معاها و رمى اوس على مرتبة قدام حرك بسرعة للمستشفى .
-
- الفجر -
صحى وهو بالصالـه وبنفس حالته الي رجع فيها البيت قام ومشى ياخذ دوش وضمد جروحه طلع من شقته ونزل المطبخ شاف علياء و حمد يفطرون
علياء بخوف:وشفيك ولدي وش هالجروح
حمد بقلق:انت بخير ؟
عبدالعزيز:بخير تهاوشت مع واحد البارح وعدت
تقدم يبوس راس علياء و بعده حمد:صباح الخير
حمد بابتسامة:بالنور تعال افطر
جلس جنبهم يفطرون بين سواليفهم
علياء:تخيلو امس ام اوس خطبت شهد
رفع راسه بصدمة و نطقت بضحكة:ماكانت لابسة الدبلة عشان كذا ، كلهم يمدحونها ياحظك فيها
نزل راسه بقهر و سمع صوت الباب وانتبه لـ شهد تدخل
علياء:بنتي من وين جاية هالوقت؟
شهد :كنت عند فروح سهرنا واخذنا الوقت ، عزيز ممكن نتكلم!
عبدالعزيز قام و مشى لشقته وهي وراه
حمد لف على علياء:علو صاير بينهم شي؟
علياء رفعت اكتافها:مادري اساساً بعد عرسهم على طول لاحظت تغير فيه يعني هو تزوجها عن حب بس مدري وش غيرهم
ابتسم حمد:ماشاءالله حسبت كذا انتي اخترتيها له!
ابتسمت تهز بالنفي:لا وين طايرين كانو ببعض كنت اشوفهم من بعيد لبعيد ابتسامات وحركات بس تركته لين هو يقول و صراحة يابو عبدالعزيز بعد عرسهم كان واضح عليه مرا زعلان بس تعرف ولدك كتوم ماكلمته
حمد:ان شاءالله خير كل علاقة زواج بدايتها تصير فيها مشاكل صح شهد لسع صغيرة بس هو واعي و يقدر يتصرف صح أن شاءالله
علياء:أن شاءالله
-
- شقة عبدالعزيز -
جلس بالصالة وهو يهز رجوله بهدوء
قربت وهي تحضنه:كيفك يوجعك شي ؟
ضحك بسخرية:يوجعني؟ اي قلبي يوجعني
نزلت دموعها:والله ماكنت ادري جوالي ضاع و كنت ادوره وفجأة هو دخل
عبدالعزيز مسك راسه والدموع بعيونه:ايش اقول ، كيف اعاتبك كيف اهاوشك!
شهد:اجلس نتكلم و افهمك والله؟
عبدالعزيز بصراخ:كلام ايش ، قرب ماتبيني اقرب و اوس فجأة طلع بحياتنا؟ وحتى خاتم زواجنا مو بيدك عشان تثبتي له انك حقي حلالي و زوجتي ، شهد وش اسوي معاك علميني!
شهقت وهي تبكي وتتقدم له:اقسم بالله الدبلة ضاقت وعورت يديني وحطيته بالشنطة
عبدالعزيز بسخرية:ماله داعي خاتمي قريب بتلبسي خاتم حبيب القلب!
شهقت تبكي:عزيز انا احبك انت ، افهمني لا تشك لا تخلي ينتصر انه خططه تنجح ماتثق فيني حرام عليك تحكم من طرف واحد وانت مافهمت مني حرام تشك بحبي لك تعبت انا تعبت من هالمشاكل و الزعل و الصراخ من تزوجنا لحد هاليوم ما ارتحنا لو يوم
سمع صوت الباب ومشى يفتح وكان صقر اخذ نفس يهدي نفسه:هلا
صقر بقلق:الشرطة تحت تبغاك
زفر بقهر:جاي
قفل الباب وهمس:صار الي يبيه جات الشرطة تتهنى بـ اوس
قربت منه وهي تبكي بانهيار:عزيز وخالقي ابيك انت ، ابيك انت ابو عيالي يمين بالله ماقد فكرت باحد غيرك ، لين متى نعيد و نزيد بموضوع أوس ، تعبت يا عزيز الله يخليك ارحمني
شد على يدينه بقهر يدعي على أوس من كل قلبه
حضنها لصدره وهي تبكي:خلاص هدي
شهد ببكاء:احبك انت مو هو ، اوس مجرد ماضي تكفى خلاص ، احلف لك ما ابيه ولا فكرت فيه أن كان القرب يرضيك انا موافقة بس خلنا ننهي هالسالفة
ناظر وجهها يبوس خدها و ضمها لصدره:اسمعيني حبيبتي اهدأي الحين وانا بنزل للشرطة و اشوف الموضوع
شهد:رفع شكوى الك.لب بس بكلمه
عبدالعزيز بعصبية:وش تكلميه ؟
شهد حاوطت عنقه تقبّل خده بعمق وغمض عيونه يبتسم بخفة تعرف كيف تهديه بطريقتها
همست:واثق فيني ؟
هز بالايجاب:اكثر من الكل
شهد:قصدت اني اكلم اهله مو هو شخصياً ، امش نشوف بالاول الشرطة وان رجعنا تفاهمنا نحن اوكي؟
هز راسه بابتسامة:
تمام ونزلو سوا وقفت بالصالة بجانب خولة و خرج و شاف كل العيال بالحوش ينتظرونه
خرج يسلم على المفوض:اي عبدالعزيز بن حمد معاك
المفوض:تفضل القسم معانا
عمر:اذكر الله خلينا نعرف وش مسوي بالاول
المفوض:اوس بن *** رفع عليه شكوى تعدى عليه وكان شوي ويق.تله
ضحك عبدالعزيز بسخرية يشد على يده الي ضرب اوس فيها
:تمام بس دقائق
دخل و ناظر ابوه:رايح وما بتأخر
الجد:وش الموضوع
عبدالعزيز:بسيطة لعبة اطفال
وركضت شهد له ضمها لـ صدره:خلاص ليش تبكين ايش اتفقنا؟
شهد:اسفة كله بسببي
عبدالعزيز حاوط وجهها وهمس:بسالك و ردي بصراحة ارسلك؟ كلمك
شهد بهدوء:انت تعرف بكل شي كم مرة حاول بس ماكان مني الا التجاهل والله
هز راسه يبوس راسها:طيب
هزت راسها تبوس كفة يده الي على خدها وسحب يده من يدها وخرج للشرطة
نزلت دموعها تجلس تبكي والكل مصدوم من الي صار
خولة:وش صاير شهد ليش اخذته الشرطة
علياء:يمة ولدي ماعمره سوا غلط ليش سحبته الشرطة من البيت كذا ياربييي
شهد ناظرتهم خايفين على عبدالعزيز استوعبت خروجه مع الشرطة ركضت تلبست العبايـه و نزلت:وضاح خذني المركز
حسن:وين وين عمر معاه!
شهد:يبه زوجـي اخذته الشرطة لا تتوقع بجلس هنا ويدي على خدي بينما اقدر اخرجه
وضاح:انا معاها يبه لاتخاف
خرجو
حمد:وش صاير!
علياء بتعب:ياربي استر
مسكته خولة بخوف:يمه اهدأي
مشيت بسرعة تجيب جهاز السكر تحلل لها
- مركز -
شهد:وش صار !!
عمر:وش جابكم هنا ؟
شهد:قول وش صار ؟
عمر تنهد:بالتحقيق و اظن بينسجن لان أوس مقدم تقرير من مستشفى وكذا تضرر عبدالعزيز بزيادة
شهقت بخوف:طيب أنا بتكلم مع ضابط ذا اقصد اقدم افادتي
عمر:كنتِ معاهم وقتها؟
شهد بلعت ريقها:اي
مشى للمفوض يكلمه ودخلت شهد وعمر وقف مع وضاح بالانتظار خارج الغرفة
مفوض:تفضلي اختي
شهد:حضرة المفوض انا زوجة عبدالعزيز الي اخذتوه انا كنت بالموقع وقت صارت الهوشة بينهم
المفوض:تقدري تتكلمي أختي
شهد اخذت نفس:انا اعرف أوس قبل أكثر من ٣ سنوات ، تواصلنا فترة كـ علاقة و انتهى ، والحين رجع يهد.دني ونيته يخرب حياتي وامس بالشاليه كان هناك بنهاية العزيمة بقيت لوحدي كان ضايع جوالي ادوره و زوجي ينتظرني بالسيارة بس اوس دخل و حاول يقربني ، ذا جواله تقدرون تشوفون فيه كل رسائله و تهد.يدته لي
فتحت كلمة السر وهي تتمنى يكون نفسه ماغيره ، سنة تخرجه من الجامعة
فتح المفوض الجوال و تاكد من وجود رسائل تهد.يد اوس لـ عبدالعزيز و لـ شهد
وكملت شهد:زوجي دافع عني الي سواه قليل فيه ذا شخص قذ.ر
المفوض سحب ورقة افادتها وخرج وهي وراه وركضت تضم وضاح
جاء عمر لهم ومد المويا تشرب ونطقت:وش بيصير ؟
عمر وهو تكلم مع المفوض:افادتك قوية بيطلع عبدالعزيز على طول أن شاءالله
- بعد دقائق -
خرج عبدالعزيز وهو يتكلم مع المفوض و يسلم عليه و توجه لهم
ركضت له تضمه:عيوني انت
عبدالعزيز باس راسها وهمس:احبك تعرفين ولا ماتعرفين ؟
ابتسمت بخجل:اعرف وانا كمان احبك
بعدت من تقدم عمر يسلم عليه
عمر:ماتشوف شر ، الكل.ب المفروض انت ترفع عليه شكوى
ضحك عبدالعزيز:رفعت مو واحد إلا إثنين ته.ديد و اعت.داء
ضحك وضاح:لقم ابن اللذينا
خرجو ولف عبدالعزيز:وضيح تعطيني سيارتك
هز راسه يروح مع عمر و ركبت شهد جنب عبدالعزيز
حرك بهدوء ولف عليها:وش ودك نفطر فيه ؟
شهد مدت يدها لـ يده:الي بخاطرك
عبدالعزيز توجه لـ مخبز اخذ فطائر ومر محل اخذ شاهي ووقف بمكان بعيد عن صخب الشوارع بـ مكان يطل على منتزه وما حولهم احد
قفل السيارة وارخى المرتبة وبداو يفطرون
عبدالعزيز بخبث:ماعرفتك تعرفي ترقصين؟
عقدت حواجبها باستغراب لكن سرعان ماشهقت:مين بالله؟
ضحك:جويد الله يديمها
ابتسمت بخجل وهمس:وانا لي نصيب اشوف رقصك؟
شهد شهقت:عزوز
ضحك باتساااع و وبقيت تتأمله ابتسم باستغراب:وش ؟
شهد:انا مرة محظوظة فيك
ابتسم:صدق ؟
هزت راسها:مرة
نزلت شوزها ورفعت نفسها تجلس بحضنه
حاوط خصرها بيده وحطت راسها على صدره ورفع يده بحنية يمسح على شعرها
شهد بهدوء:عزوز لا تفكر اني ما ابيك بالعكس دايم اعصب من نفسي إذا ابعدتك بس مو بيدي والله من تقرب والله تجيني ذكريات مازن و كيف …
نزلت دموعها تكمل:كيف اخذ حقوقه غصب و اجبار والله صرت اخاف تقربني
عبدالعزيز ناظرها بصدمة:انا مو مازن يا شهد!
هزت بالايجاب:ادري والله بس زرع الخوف بقلبي انسى كل الي صار ولا انسى الليلة السودا ذيك اعطيني وقت اتخطى وعد بجيك بنفسي بس احتاج وقت
مسح على شعرها:اسف ماتوقعت الموضوع كذا
شهد بدموع: انت قلت لي ماتبيني عشان اوس بس والله هو ماهمني يمين بالله ، الي تركني ابكى وما التفت لي ، انا تنومت بالمستشفى بسببه دمرني مرا سلب فرحتي و صحتي مني ولا اتصال يعتذر أو يبرر ، تتوقع انا اتركك انت الي عوضتني عن كل شي صار لي ،تتوقع اتركك وانت الي جيتني من مجلس ابوي مالعبت علي ولا خدعتني ، وانت الي ماكنت سبب دموعي في يـوم انت الي احمد ربي ليل نهار عليه وادعي الله يديمك لي ، عشان اوس !!؟ احلف لك عزوز أنه مجرد ماضي لاغير ، ولو رجع حتى قبل لا نحب بعضنا نحن ، يستحيل ارجع له
شدها اكثر لـ حضنه يبوس خدها:اسف والله
نزلت دموعها:لا تشك مرة ثانـي الله يخليك خلينا دايم نتكلم اسمع مني ، لا تسمح لهم لا تعطيهم فرصة يفرقونا انا تعبت عزوز والله تعبت
عبدالعزيز مسح على شعرها بندم:اسف والله ، انا احبك و اغار عليك مو بيدي ماتدرين كيف ضاق صدري يوم وصلتني الرسائل بيوم العرس و زاد قهري انه مر كم شهر على عرسنا وللحين بعيدة عني
شهد ناظرته وهي تبكي ومسح دموعها:خلاص كافي بكى
حاوطت عنقه وقربت منه لكن قاطعها اتصال وضاح عليه
ناظرته باحراج واسندت راسها على كتفه وضحك باتساع
اخذ الجوال ورد :هلا وضيح ، قريب ليش ، " فز بخوف " هي بخير ! جاي طيب طيب
قفل وناظرته بخوف:وشصاير
عبدالعزيز بخوف:امي ارتفع السكر عندها و طاحت عليهم بالبيت ، ونقلوها المستشفى
توسعت عيونها بصدمة ترجع لمكانها وربط الحزام وحرك بسرعه
شهد :هدي بيصير لنا حادث خفف سرعة عزيز الله يخليك
-
- بالمستشفى -
دخلت جود بخوف:خوخه وين امي؟
خوله بهدوء:داخل لا تخافـي
سعود:اشوفها
جود:طمني عنها الله يخليك
هز راسه يدخل الطوارئ
جود:وش صار
خوله: الصباح جات الشرطة تاخذ عزيز
جود بصدمة:ايش ؟ طيب وش السبب؟
خوله:يقولو تضارب البارح مع واحد وامي من البكى ارتفاع عندها السـكر
جود:و عزيز وينه ؟ طلع
خوله:اي اي جاي بالطريق ، شوفيه جاء
جاهم ركض وخلفه شهد:وين امي وش صار عليها
خوله:بسم الله عليك ياخوي خذ نفس ماما بخير سعود داخل
عمر قرب معاه مويا واعطى خوله
خرج سعود:اهلين ابو دحيم
عبدالعزيز:كيفها امي ؟
سعود:بخير
كمل بهدوء:بس ارتفاع بالسكر عطيناها مغذي و الحمدلله فادها ، تقدر تخرج الحين بس ترتاح ولازم تنظمو سكر عندها بنات لو هاليومين تمنعونها من اكلات ترفع السكر لان إذا ارتفاع السكر مرة ثاني إحتمال تدخل غيبوبة سُكر
خوله:بسم الله عليها ان شاءالله ما يرتفع متى نقدر نشوفها
سعود:الحين
جود بدوخة تمسك يد سعود واسندها بخوف:جود
جود:احس بتعب سعود
سعود ناظر عبدالعزيز:روحو لامي انتم وانا بفحصها
اسندها بخوف لـ الغرفة الفحص
-
- غرفة علياء -
خوله:لا بخير الحمدلله خلونا نخرج عزيز
عبدالعزيز:نشوف جود دقايق
علياء:وش فيها اختك ؟
خوله:مدري كنا نتكلم و تعبت اخذها سعود يفحصها
ابتسمت علياء:خير ان شاءالله
دخل عمر :جبت ورقة الخروج
عبدالعزيز:انتظر جود و نخرج
عمر:طيب بخرج اتصلو المركز
علياء:شوف شغلك يا ولدي نرجع مع عزيز نحن
عمر باس راسها:ماتشوفي شر خالتي
ناظر خولة:ما بتأخر اجتماع شغل احضره و برجع
ابتسمت بهدوء وهزت بالايجاب و خرج
رن جوال عبدالعزيز ورد:لبيه يبه اي أمي بخير سكر ارتفع والحين زين لاتوصي بحفظ الله
قفل و ناظر خولة يغمز لها:مجنون اتصل يتطمن على ليلى
خولة:قول روميو
ضحكت شهد تناظر علياء الي تناظر عيالها بحدة و ابتسامة تخفيها
-
- غرفة سعود -
سعود بابتسامة واسعة يناظر جود:جودي؟
ضحكت بدموع:حامل
نزلت دموعه يترك الجهاز السونار و خرجت الـدكتورة الي تعرف سعود لذلك سمحت له هو يفحصها
انحى يضمها يبوس راسها و خدها
جود:بيجي نونو عندنا بصير ام
ضحك:اي حبيبتي وانا اب ما اصدق الحمدلله يارب الحمدلله
بعد وهو يسجد شكر لله و قام:خلينا نبشر امي
هزت راسها وساعدها تقوم وخرجو مع بعض
دخلو الغرفة و فز عبدالعزيز:ولد ليش تبكي وش صاير أختي بخير ؟
ضحكت جود ترفع صورة السونار:بتصير خـال
رفعت خوله راسها بصدمة و شهد على طول فتحت جوالها تصور ردة فعل عبدالعزيز
عبدالعزيز بفرح:امانة؟ جويد انتي حامل ؟
ضحكت بدموع من تقدم يضمها:ما اصدق بنتي بتصير ام؟ بيتحقق امنيتي واصير خـال ياربي
ضحكت شهد تمسح دموعها من فرحته وهي تتخيل لو حملت هي كيف بيفرح ؟
تقدم سعود يجلس على السرير:يمه بصير اب
ضحكت علياء بحنية تجلس وترفع يدينها تحاوط وجهه:مبروك ولدي مبروك الله يتمم لها على خير و تفرحو بعيالكم
نزلت دموعه وهمس:ليت امي و ابوي موجودين كانو فرحو كثير
هزت راسها:روح عندهم و خبرهم
مسح دموعه يقوم وباس خد جود:تروحي مع عزيز بروح مشوار واجي بيت اهلك
هزت راسها وخرج للمقابر
عبدالعزيز:يالله نخرج
خرجو كلهم سوا وركبو مع عبدالعزيز وحركو للبيت
جود:انا ببشر ابوي
عبدالعزيز:انا باخذ البشارة
خوله:تحلمون انا اول
ضحكو ونزلو يتسابقون
فتح عبدالعزيز الباب وجود تدفه ودخلو ثلاثتهم بقوة الحوش
زاهد فز بخوف:بسم الله الرحمن الرحيم
عبدالعزيز:يبه يبه
خوله وهي تقفل فمه:يبه عندنا بشارة
حمد:بشويش وش صاير
جود تقدمت:يبه انا حامل
ابتسم بفرح:صدق! جويد بتصيري ام ياربي الحمدلله بلغني اليوم ذا
حضنها وبكيت بحضنه
مسح على شعرها ومسح دموعها:الحين يجي سعود يقولو بكيتو زوجتي
ضحكت و قامت و تسلم على الجد وهو يبارك لها و على اعمامها والحريم
الجدة:ام عبدالعزيز كيف صرتي؟
علياء: الحمدلله
زاهد: ليش ما نكمل الفرحة فرحتين ونقوم نتجهز لملكتي
الجد:خطبة
زاهد:لالا ملكة ياجدي كلمت علي واتفقت ننهي كله مرة وحدة اجيب الشيخ و نوقع و العرس بعد ما نرجع ان شاءالله
الجد بصدمة ناظره:وش الي تخطط معاه طيب كلمنا و شاورنا
زاهد:جدي تجهيزات نفسها ماتغير بس شخطة توقيع بتفرق يعني
ضحكت شيخة:ياربي مستعجل ولد
زاهد بضحكة:تلوموني ؟ اهههخ مو مصدق
ضحكز من رمى سلطان علبة المناديل على زاهد
سلطان: ياربي عيالي لمين طلعو خفيفين كذا
الجدة:طالع منها ؟
ابتهال:احهه يبه ؟ ماعرفتك جدة علمينا فضايح ابوي!
الجدة ضحكت تحكي لهم كلهم:كنا بعرس احد من الجماعة وشفت امكم و اعجبتني وخطبتها رغم انه ابوكم كان معترض يبي يقالك عن حب لو تشوفونه بعد الشوفة يجي ويتبطح زي زاهد يبه ابي نعجل العرس يمه خلينا نزورهم اهخخ تعبني اكثر واحد لين اعرس
غطى سلطان وجهه بشماغه:راحت الهيبة ياربي
وضحكو كلهم عليه
حسن:انا كنت المسكين
الجد:اي صراحتاً انت اعقل عيالي
ضحك سالم:تحسست يبه وشدعوه انا كمان مسكين
الجدة:يويلي انت ؟ صحيح الحين عقلت اما اول الله لا يوريكم
خالد بحماس:اخسس يبه عليك حركات ؟ جدة علمينا
الجدة :ابوك والله بيوم يهرب من المدرسة ويمر اليوم كله ماندري وينه و خليف مع حسن و حمد ماخلى مكان ما دورو فيه طلع اخر شي وين ؟
سالم:يمه لا تكفين
فرح بحماس:وين جدة
عبدالعزيز وهو يتسدح على فخذ الجدة:اي علمينا
الجدة:طلع عند وحد من عيال الحارة يلعب بلاششتن حقكم ذا
ضحكو ونطق زاهد:بلاستيشن يا جدة
سالم:عاد ما احكى لكم وش عقابي بعز الشتاء خلاني ابوي انام بالحوش بدون اي شي يغطيني ، اوفف لا احكي لكم عن النواميس حاجة ثانية
خالد:يبه ليش ما علمت جدي
سالم:يا ولدي وقته كانت درجاتي نازلة وابوي نظامه من مدرسة للبيت وعلى كتب ماكان يخليني اتنفس يقول افضل وانا لو قلت اعرف بيهاوشني عشان كذا هربت
حسن:يا انكم جننتو امي و ابوي انتم
الجدة:وقت الدراسة ماعنده إلا لعب ماعقل لين خطبنا له والله بس شهر واحد و نشوفه سالم ماشي سيدا
خالد:مسيطرة الوالدة
ضحك سالم:وقته حسيت مسؤولية ودعيت ربي يهديني وهداني يارب

✨ انتهى ✨
  🤍 🤍 🤍