مَا الذِي بعَيناكِ لتغلبِنيِ هكذا باستمرَار

بارت " 26 "

.

وضاح:ودي يا اختي بس تعرفين الشغل
حسن:ان خلص بدري بيرجع
فرح قفلت جوالها وبفهاوة:مين يرجع ؟
خالد:صباح الخير يا الفاهية زوجك بيسافر
ناظرته باستغراب: وين ؟
وضاح:شغل ولندن
فرح:اماا لندن
خالد:اي والله ياحظك يا وضاح في شقرات هناك والي عيونها ملونة
صقر:اي شفت فيلم عندهم انتاج عجيب
وضاح وهو مبتسم يغيض فرح:اي ان شاءالله
الجد يغمز له:دور لي وحدة من ذا الي يجون بالتلفزيون
ضحكو ونطق سلطان:افا ونوير
الجد:لازم نجدد
الجدة:يهنيك وضيح دور لي ذاك الحلو الطويل عنده غمازات زي مهند
ضحكو ونطق الجد:مهند تركي وبعدين ما عنده غمازات
الجدة:عنده انت ما تشوف
وضاح بهمس للعيال:واضح بتقوم بينهم حرب الغيرة
صقر:تصدقون على بالي عجزو بس طلعو روميو و جولييت الي فيهم
ضحكو على الصامت بس ماقدر زاهد وانحى على حضن صقر وهو منهار ضحك
و روآف ناظره من زمان ماشافه زاهد كذا يضحك ونطق وضاح:ان شاءالله ابشرو بالشقراء وابو الغمازات
فرح وهي ترسل لـ وضاح واتس:انا اخر من يعلم بسفرك ؟
وضاح رد:خلي الفهاوة تنفعك
ناظرته بعصبية وقفلت الجوال
عبدالعزيز:وش رايكم … قاطعه اتصال
رد جواله ورد:هلا والله بنسيب هلا بسعود قلبي
ابتسمت جود بـ حب وهي مغرمة بعلاقة سعود و عبدالعزيز
سعود:اهلين عزيز قلبي ياواحشنيي
ضحك عبدالعزيز:متاكد انا
سعود ضحك بقوة: يعني انت و المدام ، توني فضيت و وجيت اسلم عليكم
عبدالعزيز:وينك فيه
سعود:عند الباب
عبدالعزيز:يالتسلب ليش ما تنطق من اول
قام ولف:سعود جاء
الجد:البيت بيته حياه اي وقت
خرج له و سلم عبدالعزيز على سعود ودخل ونطق:سلام عليكم
ردو السلام وسلم على راس الجد:اخبارك جدي
الجد بحب لـ سعود والي يعتبره واحد من أحفاده:ياهلا بوليدي الحمدلله انت اخبارك
سعود:نحمد الله ونشكره
الجدة:كذا تقاطعنا يا سعود
سعود:والله مستحي منك بس والله مكروف بالدوام علينا ضغط
جود بهمس:بسم الله عليك ياروحي
ناظرتها فرح وغمزت له وابتسمت بخجل
الجد:يعطيك العافيه يا ولدي
سعود:الله يعافيك ويخليك لنا يارب
الكل نطق تمتم بـ آمين وراه
الجدة:متعشى ياولدي
سعود:الحمدلله
جلس بجنب وضاح يعطى ظهره للحريم و يسولف مع العيال
مد يده وسحب دلة القهوة ويقهوى نفسه
سلطان:وراكم انتم متسدحين حتى ما ضيفتوه
عبدالعزيز:ماهو بضيف
سعود ضحك:تعجبني واكيد بيتي ذا لو ما اعتبره بيتي ماجيتكم هالوقت
حسن:لو تجي الفجرية حياك ياولدي
ضحك بهدوء وساد الصمت ونطقت سارة :عزيز كنت تقول شي قبل لا يتصل سعود وش ؟
عبدالعزيز تعدل بجلسته:اي والله بغيت انسى الله يذكرك بالشهادة ، شرايكم نطلع نخيم كم يوم بهـ الاجواء الزينة
روآف:قصدك وايد يينن
سعود بطقطقة:نروح ونسوي مجبوس دياي
ضحكو العيال ونطق خالد:فاصلين ذول
عبدالعزيز:ها وش تقولو
سعود:انا انسحب
عبدالعزيز:من بدايتها؟
سعود:ما يحتاج اتكلم تعرف وضع دوامي
الجدة:فكرتك حلوة يا ولدي ولا وش رأيكم يا بناتي
شيخة:مابي ، انتم روحو
روآف:حرام علي ما نطلع بدونك
شيخة:يا ولدي
روآف بنظرات ترجي وهمس:عشاني نستانس ونغير جو شوي عشان زاهد
اخذت نفس:تمام
روآف:عائلة سلطان الحب جاهزة
فرح:وعائلة سلوم جاهزة
سالم ضحك:اوف صرت سلوم
غمزت له:والقلب كمان
ضحك ولف من نطق الجد:خليف و نوير جاهزين
سارة :وعائلة ابراهيم جاهزة
ركضت سُكرة لـ حضن عبدالعزيز وباست خده
زاهد مسك يده من كان جنب عبدالعزيز ويلاعب معاها وهي تضحك معاهم
عبدالعزيز رفع راسه:من بقى
وضاح:اهلي واهلك
عبدالعزيز: اهلي موافقين
وضاح:ونحن تم
منيرة:متى
عبدالعزيز:نجهز بكرا ونحرك بعد بكرا من الحين اقول جهزو اغراضكم يمكن نطول
جود بخرشة:ايش؟ نبقى هناك ؟ ننام
عبدالعزيز:اي اكيد تحسبين صد و رد
جود هزت راسها:في البر يا عزيز والله رعب
صقر:ماشفتي شي لسع
زاهد: في عقارب وحشرات
جود بخوف:كنسل كنسل مانبي
ضحك سعود بذهول من خوفها
شهد:كنا مثلك بس تعودنا يوهه يفوتك اجواء البر لو ود ودي نروح الحين
صقر:كفو اخت صقير
ناظرته بطرف عينها:قصدك اخت وضيح
غمزت لوضاح وضحك:ححييو اخت وضاح
صقر:اوف يالحجدة اي برجع اسافر بعدين اتصلي قولي اشتقت
شهد:انت بالقلب تعرف
صقر بزعل:لا لا لاتحاولي بكلام ذا مايمشي
شهد أرسلت له بوسة وضحك
خولة قامت بهدوء:استأذنكم بطلع انام
الجد:اي والله خلونا ننام عشان بكرا تصحون نشاط تتجهزو للروحة البر
عبدالعزيز قام:اي والله قومو قومو الله يصلحكم يا عيالي
ضحكو العيال وهم يقومون وكل واحد راح بيته وبقي سعود و عبدالعزيز
عبدالعزيز:منجدك مو جاي ياخي خذ اجازة
سعود:جاي معليك بعد الكرف عطونا اجازة اسبوع بس بسوي مفاجأة لـ حَرمي
ضحك عبدالعزيز:بروح اعلمها
سعود :يويلك ومن الحين بقول مكانها معاي بروحة ورجعة
عبدالعزيز:مرتك مالي دخل لو هي تبي ماعندي مانع بس مو تفلوها وكل شوي رايحين جايين
سعود:والله ياحظي يوم انك اخو حَرمي
ضحك عبدالعزيز ونطق:مصلحجي عشان المدام
سعود: صحيح ماقلت لي قطةّ الكشتة من كم
عبدالعزيز:قال قطة قال انقلع لا اشوتك
سعود ضحك:منجد ترا اتكلم
عبدالعزيز:يا رجال اذلف كل الحساب علي انا عازم الكل
سعود اتكئ على باب:طيب ودي انام عندك
عبدالعزيز بعبط:ماعندنا مكان
سعود:تطردني يعني
عبدالعزيز:يارجال صارت ثنتين تبي تسمر للفجر عشان جدي يجلدنا
ضحك سعود وتقدم باس خشمه:ابشر
عبدالعزيز ضحك:ودعناك الله
خرج سعود وعبدالعزيز قفل الباب وراح بيتهم
-
- قبل الفجر بدقائق -
شهد نزلت الحوش تمشي بخوف وهي تكلم سراب:طيب اهدئي ولا تقفلي يمكن الحين يجي
سراب بانهيار:عمره ما تركني كذا للوقت ذا
شهد:جربي اتصلي
سراب:جربت خايفة يكون صاير معه شي
شهد:دقايق و يصحون العيال و اكلمهم
انتبهت لـ خروج سلطان و زاهد و روآف و على طول انفتح باب بيت الجد خرج الجد مع عبدالعزيز
عقد حواجبه سلطان:شهد وش مصحيك هالوقت وتمشي بالفجر بالحوش
شهد:سراب دقيقة
ناظرتهم:عمي اخت علي متصلة ، زاهد علي كلمك
فتح زاهد جواله:لا ارسلت له العشاء للحين ما رد عسى ماشر
عضت شفايفها:مارجع البيت من امس الصباح و جواله مغلق
سلطان بصدمة:تارك اخته لوحده وين راح الولد ذا
زاهد حاول يتصل:مغلق
شهد ردت على سراب:اسمعي تجيني ولا اجيكم ؟ انتي و بيـان لا تبقون لوحدكم
سراب:محد بيجينا البيت مقفل بس أنا خايفة عليه
شهد زفر بتوتر: أهدئ طيب وينها بينـو ؟
روآف ناظرها بخوف و نطقت شهد:زين صحيها تبقى معاك و العيال يتصرفون اي شي يصير خبريني والباب لا تفتحينه لاحد مين ماكان لين نجيك أو يرجع علي
قفلت و ناظرت حسن من طلع معاه وراه اخوانها و و سالم و خالد
خالد:بسم الله وشفيكم متجمعين كذا
زاهد:مايرد مايرد
روآف:لايكون ذا الموضوع
عبدالعزيز وهو عنده خبر عن موضوع علي بعد ماكلمهم روآف:ان شاءالله لا
سمعو صوت الاذان ونطق الجد:الحقوني للمسجد ونجي نتكلم بنتي وانت لا تنامي خليك على تواصل مع اخته لايصير شي ولاشي
هزت راسها بهدوء و خرجو و زاهد ماوقف وهو يتصل عليه
-
طلع زاهد من المسجد و رد على اتصال رقم غريب:هلا اي معاك زاهد بن سلطان ؟ علي ؟!! اي خوييي ابشر ساعة و اجيكم المركز
قفل و زفر بضيق:الشرطة القو القبض عليه و يستدعوني بعد ما اعطاهم اسمي
سلطان:لا إله إلا الله ، امشي ياولدي نشوفه
عبدالعزيز: ارتاح عمي انا اروح معاه و نحلها
الجد:جيبوه عندي اوريه
هز راسه:ان شاءالله
ركب زاهد مع عبدالعزيز و توجهو لمركز الشرطة و بقية توجهو للبيت
-
- مركز الشرطة -
دخل زاهد مع عبدالعزيز و سلم على الضابط:زاهد بن سلطان اتصلتو علي قبل نص ساعة عشان علي بن سعيد
الضابط:تفضلو
جلسو و نطق الضابط:امس وصلتنا أخبار و القينا القبض على شاليه و للاسف علي كان منهم كل من كان بالشالية معروفين بالسكار.ى أو مخ.درات
توسعت عيونهم بصدمة و نطق عبدالعزيز:بس علي مستحيل يكون منهم
الضابط:اي سوينا تحاليل وطلع نتيجة نظيف ، و اعترفو انهم كذبوا عليه لجل يصاحبونه وثم يورطونه ، الحمدلله بريئ بس لازم كنا ننادي أحد من اهله لجل يوقع أوراق رسمي و خبرنا أنه وحيد اهله و طلبت اسم شخص اعطانا اسمك زاهد بن سلطان آل مطلق
زاهد:انا مستعد اكتب تعهد عنه و اكفله ، صحيح يمر بفترة صعبة بس مستحيل يلجئ للطريق الحرام
عبدالعزيز:الله يصلحه و بحريقة البقية
هز راسه الضابط يمد الورقة يوقع و وقفو من دخل علي بهدوء يوقع اوراق تعهد و خرجو
ركبو السيارة و ساد الصمت دقايق و نطق زاهد بعصبية:علاوي من متى ونحن نخبئ عن بعضنا اسرار ؟ هذي اخوتك ؟
علي ناظره باحراج وهز بالنفي
زاهد:ما توقعت تروح للغريب بدل ماتجيني انا اخوك أنا عضيدك زي ما تسميني
عبدالعزيز:وش ذنبها وحيدتك تاركها وحدها الليل كله لو مافكرت بنفسك كان فكرة فيها ؟
علي:والله خدعوني و ورطوني ماحسيت على نفسي وانا معاهم
وصلو البيت و لف زاهد عليه بزعل:انزل انزل
نزلو للبيت يدخلون المجلس
الجد:تعال تعال
تقدم يسلم على راس الجد بس توسعت عيونه من صفقه الجد كف على وجهه
الجد :لا تزعل لاني مديت يدي عليك ؟ انت مثل هالعيال عندي  راح ابوك بس نحن هنا نحن اهلك انا جدك الي بيحاسبك على كل غلطة لو كبيرة أو صغيرة ، علي برقبتك انسانة اختك تدخل نفسك في امور ماهي زينة ومافكرت فيها ؟ تعال كلم عزيز وضاح قول انا ابيكم تساعدوني بالشركة مافيها شي ؟ تنحرج منهم لا تكلمهم كلم زاهد اخوك
علي :ابشر جدي ما تنعاد تعرفت عليهم من جديد توقعتهم فيهم الخير
حسن:ليش رحت لهم وما جيتنا مو أهل نحن ولا الغريب صار اولى يا ولدي ؟
علي هز بالنفي: الا والله انتم اهلي بس
زاهد تكتف بزعل:لان لو اخذ دين مننا بالاخير نرفض يرجعها وهو عنده كبرياء
ناظره علي و تنهد:والله انحرجت
عبدالعزيز:اجلس نتكلم
جلسو و نطق عبدالعزيز:اعرف بالموضوع ذا من كم يوم و ما فتحت معاك الموضوع لين لقيت الحل الي يناسبنا و يناسبك
علي عقد حواجبه:وش ؟
عبدالعزيز:شركتنا تدفع تعويضات الحين ونعطيكم مهلة سنة شركتك تسددها على دفعات
وضاح:بالله اساسا ما نحتاج موافقتك توقع غصب عنك
ضحك خالد يعطي الورقة علي و لـ ثقته الكاملة فيهم وقع و وقف يسلم على راس الجد: آسف
الجد:روح طمن اختك يا ولدي و تأسف منها
هز راسه يناظر زاهد
زاهد صد بزعل:يوم تفكر اني صدق عضيدك وقتها تعال كلمني
خرج زاهد لـ بيتهم و تنهد علي يخرج ولحقه روآف:امش اوصلك
علي:قريب البيت وشدعوه
روآف:عادي ندردش شوي
ركب و ووصله روآف و حرك للكوفـي
دخل البيت وفزت سراب له و تراجعت تمثل الزعل و البرود
نطقت سراب بحدة:عندي صحبتي لاتجي
زفر بتعب يدخل مجلس الخارجي ينزل ثوبه و ينسدح وغط بنومه
-
- بيت الجد -
دخلت علياء غرفة خولة وصحتها وشافت عيونها حمراء ووجهه تعبان:بسم لله وش فيك يابنتي
خولة بهدوء:مافيني شي شوي تعبانة بس
باست راس امها:صباح الخير يمه
علياء: بالنور يابنتي اسوي لك شي تاكلينه او اسوي شاهي اعشاب
خولة:لا لا اخذت علاجات وبصير كويسة
علياء:زين يالله تعالي ساعديني نسوي فطور
خولة هزت راسها وراحت تغسل
خرجت علياء و راحت غرفة عبدالعزيز
-
- غرفة عبدالعزيز -
تقلب من سمع صوت جوال يرن رد ونطق:هممم
شهد:صباح الخير عزوز
ابتسم وانسدح على ظهره ونطق:من الخير نفسه يبعد دنيتي شهد:نايم ، اسفة ازعجتك
عبدالعزيز:ازعاجك راحة والله زين اتصلتي نمت بعد الفجر و قلت اخذ غفوة ابو ساعة والله صارت ساعتين
ابتسمت بخجل:اممم اوكي زين ، حبيت اصبح عليك بصوتي
عبدالعزيز ابتسم وسمع صوت دق الباب وهمس:دقيقة لا تقفلي نطق:ادخلي يمه
دخلت وابتسم:صاحي
هز راسه:توني صحيت
علياء:تمام زين يالله قم تجهز وانزل للفطور
هز راسه:تمام شوي و انزل
علياء:يويلك تتأخر
ضحك وخرجت ورجع للمكالمة:حياتيّ
شهد:لبيه انت قم تجهز وانا كمان بجهز فطائر للفطور
عبدالعزيز:سوي لي معاك بالجبن
شهد:افكر واشوف
ضحك وقفل الاتصال تمغط بكسل و قام طلع لنفسه ملابس بيضاء و ثوب اسود وشماغ بيج ودخل دورة المياه - يكرم القارئ -
نزلت علياء و شافت جود و سارة يجهزون الفطور
دخلت ونطقت:صبحكم الله بالخير
سارة:بالنور يا علو
جود باست خدها:من الخير يا كل الخير
علياء:وش سر النشاط
جود:ابد فكرت و استخرت وشفت عادي روحة البر معاي عزوتي ما بصير لي شي ومستانسة حيل
ضحكت سارة:اقول يا عزوتي روحي طرحي الزل بنفطر بالحوش
جود:ياربي ليش ما نفطر هنا ؟
علياء:انا قلت ، منزمان ما تجمعنا سوا على الفطور فاقدة اللمّة
جود بحنية حضنتها:يااا احبك ياماما
علياء:وانا احبك يابنتي يالله روحي
خرجت من مطبخ وشافت جلال سارة لبستها وخرجت شافت الزل بالزاوية تاففت: الحين مين يعاوني اجيبها
جاء ببالها فكرة وبما ان زل بالزاوية وقرب حوش الخلفي سحبته للحوش الخلفي قرب باب المطبخ الخلفي عشان يسهل عليها تنقل الفطور فرشت الزل وعدلته وكنسته ودخلت المطبخ
سارة بفجعة:بسم الله خير جاية من وراء خوفتيني
جود بضحكة:افا يعميمة ماتوقعتك خوافة
سارة:هي مو خوافة انتي جنية
ضحكت جود عليها
علياء:يمه كلمي الكل يجي للفطور
جود رفعت جوالها و دخلت واتس قروب " كلنا في الهوا سوا "
جود وهي تسجل:يا صباح الخيرات والنيرات صباحكم امل وحياة وتفائل صباحكم كل شي حلو بحياتكم مثلي طبعاً اخباركم عيال عمي حسن وعيال عمي سالم و عيال عمي سلطان بلغو الاهل نتجمع بالحوش عازمتكم على فطور لذيذ حياكم
قفلت تسجيل لفت سارة وهي تعجن عجين:يا كثر هرجك
جود:وش تسوين ارحمي العجين
سارة:علياء تكفين خذي بنتك من فوق راسي
علياء ضحكت:عمتهم على فاضي ؟
جود ناظرت سارة وهي تلعب بـ حواجبها بانتصار
دخلت خولة:صباح الخير
جود ركضت تحضنها:صباحك انا
خولة:بسم الله وش فيك
سارة:شايفة اختك من صحيت وهي مو طبيعية
ضحكت خولة بهدوء وحضنت جود بقوه:يزين اختي
جاء عبدالعزيز من وراء وحضنهم الاثنين لصدره:يزين خواتي
ضحكو والاثنين باسو خده:صباحو
عبدالعزيز:بالنور يمه جوعان
علياء:خلي اعمامك يجون عشان نحط الفطور كذا يبرد
عبدالعزيز بابتسامة:امانة بنتجمع على فطور زي اول مشتاق مرة ، يبي لها كرك
سارة:الهبلة الي جنبك سوته
عبدالعزيز ضحك من نظرات جود لـ سارة وسمع اصوات اعمامه وخرج لهم وسلم
زاهد:وين الزل ياولد
جود من باب مطبخ الخلفي:هنا هنا
كلهم توجهو للجهة الخلفية وضحكو من كانت جود واقفة تنتظرهم
خالد:مين جابه هنا
جود بقهر:مين شاله البارح
خالد:انا ليش
جود:يوم أن في جدار تقدر تتكيه هناك وشوله تجيبه هنا بنهاية الحوش تكسرت وانا اسحبه
ضحك سالم:تبشر اخت عزيز من اليوم حطوه قريب
خالد:دلوعة يابوي ذي
جود:اقول دلوعة بعيونك ، عشان كذا ياعمي حطيته هنا عشان مكانه كان قريب
وضاح:دام ما حطيتو فطور يالله نسحبه
جود:لالا نغير اليوم ونجلس هنا
عبدالعزيز: شمس صقعتني
جود:فيه فيتامين وشفيكم طلعتو انتم دلوعين
حسن:تم جويد قالت هنا يعني هنا
خرجو الجد مع الجدة ومعاهم سُكَرة وتسندهم خولة وجلسو وسلمو الكل عليهم ورجعو مكانهم
جدة:اي بالله بالشمس الباردة نقلتو جلسة اليوم هنا
سلطان:طلب جود ما رفضناه
بداو يجيبون الفطور وفرشو السفرة العيال ووزعو والكل جلس
شهد مدت صينية الفطائر لـ سارة لجل تعطيها للعيال
سارة:عيال تفضلو فطائر و ذي فطيرة الجبن لـ عبدالعزيز
ابتسم ونطق:وعمر كان يحبها ياما تهاوشنا عشان اخر حبة مين ياكلها
روآف:مو بس يحبها إلا يعشقها كانت تقوم الحرب لو ما حسبو حسابه
ابتسمو بهدوء ونطقت جود تغير موضوع:اخبار الرحلة من كم الحماس ؟
صقر:غيرتي رأيك نشوف
جود:للصراحة صليت استخارة وارتحت قلت اروح
انفجرو ضحك العيال
خالد بضحكة : مستحيل لااا
الجدة:بس خلاص مو زين الضحك
جود بعبوس:وش فيكم تضحكون علي ؟
وضاح بضحكة:بذمتك استخرتي عشان الرحلة
هزت راسها: اكيد فيه حياة أو موت
ضحكو الكل عليها وهي سفهتهم وقامت تصب شاهي للكل واعطت اعمامها والجد والجدة
صقر:اعطيني انا كمان
جود:خلي الضحك ينفعك
ميل رأسه:اخت عزيز
ضحكت وصبت ومدت لك ونطق الجد:مين سوا شاهي
سارة:فيه شي ؟
جود بتوتر:انا
الجد:والله انه لذيذ قفل ملف شاهي شهد
شهد رفعت راسها:اوف اوف وش الحكي ذا
حسن:تسلم ايدك بنتي جود بس بعد شاهي شهد مافي
جود:مافي شك
شهد ناظرتهم وتميلحت وضحكو البنات
شهد بهمس:كيف كذا صار معك لذيذ ؟
جود بهمس:لا تسألين دق سعود وانا اسوي فطور دقيتها سواليف وانا ناسيتها ع النار حتى انكب نصه على غاز
ضحكت شهد:بعتمد الحركة
بعد الفطور
انتشرو الكل راح لـ دواماته
خرجت خولة من غرفتها وهي تحس بدوخة ومسكت باب غرفة عبدالعزيز وفتحته اسندت على عبدالعزيز من كان بيطلع و فقدت توازنها عليه
عبدالعزيز فز يمسكها:بسم الله عليك خوخه
شالها لـ سريره و حط مخدات تحت راسها و رجولها وجاب مويا:اشربي اشربي
ساعدها تشرب وغمضت عيونها دقايق ترتاح وهمست:عزيز
عبدالعزيز:امي انا لبيه علميني وشفيك ؟
خولة اشرت له على راسها:راسي بطني
مسكت فمها ورفعت راسها تتقيئ على سريره
عبدالعزيز بخوف رفع راسها يجلسها وسحب سلة النفايات وصرخ:امي امي
خولة رفعت راسها بتعب:اهخ
عبدالعزيز لف من دخلت امه:وش في بسم الله على بنتي عبدالعزيز:جيبي بجامة لها و عبايتها بسرعة
علياء بخوف هزت راسها تروح تجيب بجامة لـ خولة و عبايتها و مرت تجيب عبايتها من الغرفة
ودخلت بسرعة تشوف جود عند خولة
عبدالعزيز وهو غير ملابسه من توسخ و طلع لجل تلبس خولة
جود وهي تقفل العباية:تعال عزيز
دخل و ناظر خولة بحنية:كيف تحسي نفسك
هزت بالنفي وهي تبكي:بموت تعبانة
عبدالعزيز: بعمري عنك يا اختي بسم الله عليك
اسندها و جنبه امه ونزلو
الجد بخوف: بسم الله وش صار ؟
عبدالعزيز:مدري باخذها المستشفى واطمنكم
هزو راسهم بهدوء و جلست جود بخوف جنب الجدة
-
- بالمستشفى -
دخل عبدالعزيز بعد ما تكلم مع الدكتور ونطقت علياء:وش قال ؟
عبدالعزيز تكتف بضيق و قهر :تعب جسمها بسبب منومات تاخذها طلعت بالتحاليل و بـ كمية كبيرة
ناظرو خولة الي صدت بتعب
عبدالعزيز بحنية باس راسها:كيف تحسي نفسك ؟
خولة بهمس: تعبانة عزيز مرا يوجعني بطني و راسي بينفجر من الصداع
عبدالعزيز:طبيعي عطوك علاجات شوي كذا وبيخف ، ليش تاخذي منومات وش الي متعبك هالقد لجل تلجئين للحبوب ذي ؟
خولة :مافي شي عزيز
عبدالعزيز تنهد:براحتك الحين بس بعرف بالاخير ، نطلع ؟
هزت بالايجاب و سندها
علياء تنهدت تاخذ شنطتها و تطلع وراهم
وصلها البيت و نزل يسندها
علياء:يمه روح دوامك
عبدالعزيز:بس
خولة:انا بخير ياخوي تاخرت أساساً على دوامك
عبدالعزيز باس راسها:اتصلي ان احتجتي شي او رجعتي تعبتي وخلي جوالك عندك بتصل عليك
هزت بالايجاب و خرج يروح الشركة
مع دخولهم خروج زاهد :بسم الله عليك وشفيك
نزلت يدينها تخفى لاصق الابر: تعبانة شوي
زاهد:سلامتك والله ، محتاجة شي امانة تبين شي اجيبه علاجات
علياء بابتسامة:ماتقصر تونا جايين من مستشفى وعزيز اخذ لها
زاهد ناظر خولة:ماتشوفي شر
خولة تأملته ثوان تشوف عمر فيه و همست تصد :مايجيك عن اذنك
دخلت البيت مع امها تتجاهل وجود الجد و الجدة و جود و سارة و راحت لغرفتها تنزل عبايتها تحط جوالها عام و تنسدح تطلع صور عمر من تحت مخدة تتامله ونزلت دموعها تغمض عيونها تنام و ترتاح
-
- بعد العصر -
فجأة بدأ الجو يغّيم و يرعد
خرجت سارة للحوش و فتحت باب لـ روآف الي كان ناسي مفتاحه
روآف: شكلها بتمطر بقوة
سارة:ابوي خايف على العيال ماجو
ضمها من كتفها ودخلو بيت الجد من كانو كلهم مجتمعين يتقهوون ونزل شماغه والعقال و سلم و ردو السلام
شيخة بخوف:ولدي شوف اخوك وينه
دق عليه و ثوان وصله رد:هلا روآفـي
روآف: ياخوي مو شايف الجو وينك فيه
زاهد:والله بطريقي لـ بيت علي أصر اجلس عنده
روآف:طاح الحطب
ضحك زاهد:مقدر ازعل منه
روآف:تمام ياخوي لبيتهم على طول
زاهد نزل من السيارة ونطق:والله وصلنا وداخلين
علي بصوت عالي:لاتخاف عليه يا روآف
روآف: بحفظ الله ياخوي
قفل ولف لـ سلطان من نطق:وينه؟
روآف:عند علي لا تخافو
فزو البنات من سمعو صوت المطر قوي و رعد وهجو للحوش والجدة تصرخ:انتبهو
روآف ضحك وخرج معاهم
ابتهال وهي تدور تحت المطر:الله يجنننن
شهد ضحكت:يارب النسبة الكاملة ياربب
روآف بهمس وهو رافع كفه للسماء والمطر ينزل على جسمه:الله يرحمك ويغفر لك ياخوي
سارة ضحكت من سُكَرة الي تركض حولهم وتلعب
سحبها روآف يشيلها:انتبهي يابنت تطيحي
وقفت خولة تجلس على الدرج ورفعت يدها برجفة تبكي و تدعى
ناظرها روآف وتنهد ومشى عندها وهمس:عمر يحتاج دعواتنا لا تتعبي نفسك عشانه
خولة بغصة:ماقدر استوعب للحين روآف كلمني ، كلمني قبل لا روح انه بيرجع و نتزوج شوف خاتمه ذا قال ببدله بدبلة زواجنا
روآف:مكتوب يا خولة مابيدنا شي الحمدلله استشهد ومكانه الجنة
خولة تنهد:الله يرحمه
هز راسه: آمين يارب
-
- بالطريق سيارة عبدالعزيز -
خالد: يليل الزحمة
عبدالعزيز رمى شماغه وراء بحضن خالد ولف لـ وضاح الي يسوق:سوق انت معليك مني
نزل وصرخ عليه وضاح:وين ياغبي؟
وقف عبدالعزيز تحت المطر يدور وهو يضحك وخالد يصوره وهو منهار ضحك على هبال عبدالعزيز وعصبية وضاح
وضاح يدق عليه بوري لجل يرجع
رفع عبدالعزيز شعره عن عينه ورفع يده يدعي وقطرات المطر بللت بوجهه و جسمه والهواء البارد يضرب بجسمه وارتجف من البرد
عبدالعزيز مسح على وجهه و وركض للسيارة يركب
ضربه وضاح على راسه وضحك عبدالعزيز وحركو من خفت الزحمة
وصلو البيت ونزلو بسرعة
دخلو سوا و ضحكو بذهول من شافو كل البنات بالحوش يلعبون معاهم روآف
وضاح:وذولا مجانين
ضحكت شهد تسحبه ويلعبون
عطس عبدالعزيز وركض البيت
خرج الجد وصرخ:يالله ادخلو
الكل راح بيته يغير ملابسه ورجعو بيت الجد
خرجت علياء من المطبخ وهي مجددة ابريق الشاي و مسوية حليب بالهيل
عبدالعزيز اخذ الحليب منها:تسلم يمينك يمه
علياء:عافيه ، يدك مرة باردة يا ولدي
عبدالعزيز وهو يتدفى بـ كوب الحليب:شوي
وضاح بنذالة:اعلمها؟
عبدالعزيز قبصه:اص يويلك
وضاح :خالتي
عبدالعزيز حط يده على فم وضاح وانفجر خالد ضحك
سلطان:وش صاير؟
علياء باستغراب:عزيز؟
لف لها وناظرته:وش في؟
خالد : وقف بالطريق ونزل يلعب بالمطر
ناظروه كلهم بصدمة و انفجرو ضحك من ضربته علياء على راسه
الجد رفع عصاه وضرب رجله بخفة:و ذا انت اكبر احفادي المفروض تكون اعقلهم لكن والله اغباهم
ضحك :اسف بس ياخييي طلع الطفل الي بداخلي
شهد:نونو ذا ولا كأنه اكبر احفاد جدي
انهارو ضحك ولف:وكأن ماشفتو اشكالكم قبل شوي
سمعو صوت اذان المغرب وانتشرو يقومون يتوضون وغير عبدالعزيز ملابسه وخرجو كل الرجال وعبدالعزيز ماسك يد الجد ويسنده وتوجهوا كلهم للمسجد اخذ زاهد نفس وضحك:يازين ريحة الارض بعد المطر
-
- بعد اذان العشاء -
وضاح:ياربي يا فروح يالله
فرح:مابي
وضاح:اجيك الغرفة
فرح:اتحداك
وقفلت الاتصال بوجهه
اخذ نفس يهدي نفسه لا يعصب عليها
نزل من سيارة وعدل شكله و راح بيت عمه سالم
فتحت له العاملة نانا و دخل وسألها عن سالم و فاطمة وخبرته انهم عند الجدة وابتسم بخبث وراح غرفة فرح
دق الباب و ردت:ادخلي يا نانا
دخل وضاح وكانت فرح معطية الباب ظهرها و تحط مناكير
انحى حضنها من وراء
شهقت وهمس:انا ، انا وضاح
ابتسمت من داهمتها ريحة العود الي تعشقها منه لفت وهي تمثل العصبية:وش تسوي هنا ليش جيت
وضاح يحاوط خصرها:انتي تحديتيني وانا قدها وجيتك
فرح:اطلع اهلي الحين يجون
وضاح:وش فيها إذا جو تراك زوجتي
فرح: اطلع وضاح اطلع مابي اشوفك روح عند الاجنبيات
ابتسم من غيرتها وهمس وهو يقربها منه:تتوقعي اروح للشقرات وعندي فرحةّ دنيـاي
فرح وهي مبسوطة بس تمثل الزعل:مابي مايرضيني هالكلام
انحى يبوس خدها غمضت عيونها بـ الخجل
همس بجانب اذنها:أَحبك ولا تتوقعي بيوم افكر باحد غيرك
فتحت عيونها تقابل عيونه:اموت فيك حبيبي
توسعت عيونه:وش
فرح بضحكة:حبيبي
ضحك يحضنها:رب وضاح ارفق بقلب وضاح
ضحكت بقوهه و هي تحاوطه:وحشتني
وضاح:اكثر
فرح:اجلس طيب بتبقى واقف
وضاح:لا والله في موضوع بتكلم فيه معاك يكون افضل لو نخرج ونتكلم برا عشان كذا تجهزي سريع
هزت راسها:اوكي
اخذت عبايتها ولبسته وقربت من تسريحة حطت شوي بلاشر وماسكرا وقلوس ولبست عبايتها واخذت النقاب و شنطة وناظرته:نمشي
مسك يدها وشدها يضمها لصدره وخرجو سوا
نزلو قابلو خالد بالصالة:النسيب عندنا ؟
وضاح:اي والله سارق زوجتي
خالد:انتبه لها
وضاح رفع حواجبه:توصيني على روحي ؟
ضحك خالد بذهول: طيب لا تكون خفيف كذا
وضاح:والله الثقل قدام اختك يختفي
ناظرته فرح بخجل وضحك خالد:يالله لا اشغلكم
وضاح:مع السلامة
خرجو و خالد كمل شغله بالملفات
-
- قدام بيت علي -
روآف دق البوري وجلس ينتظرها تخرج
بيـان :والله شكراً يا سراب على كل شي مرة استانست معاك
سراب:ولو حبيبي البيت بيتك تعالي متى ما تبين
بيـان باست خدها:لا يحرمني ياناس يالله باي
سراب:دقيقة اشوف العيال؟
شافتهم بالمجلس يلعبون بلاستيشن واشرت لها تخرج
عدلت بيـان حجابها واخذت الحلى الي سوتها مع سراب العصر بعلبة صغيرة لجل تذوقهّ روآف
خرجت تلوح لـ سراب وركبت وسلمت
ورد السلام بهدوء وحرك
روآف:كيفك؟
بيـان: الحمدلله وانت اخبارك؟
هز راسه:يارب لك الحمد استانستي عندها ؟
هزت راسها بفرح:مرة مرة تجننن ولطيفة تخيل مرة ماحسيت اني مع احد غريب كاني اعرفها من سنوات طويلة
ابتسم:اي ماشاءالله واضح لدرجة اتصلت عليك ما انتبهتي إلا بعد اتصالي الخامس
بيـان: اشوفك زعلت ؟
هز بالنفي بابتسامة:لا اهم شي عندي انك انبسطتي وعادي لو انتظرك للفجر
صدت بخجل تاخذ الملعقة وفتحت غطاء العلبة ونطقت:سوينا الحلى دا سوا وقلت اذوقك
ناظرها:مو شايفة يدي مشغولة
رفعت يدها وهي تمسك ملعقة توكله وانصدم من حركتها بس ابتسم واكله:لذيذة مرة تسلم ايادي
بيـان :عافيه
ساد الصمت ثوان:لا مو بيتكم
ناظرها باستغراب يلف بعيد عن حارتهم:وين اجل ؟
بيـان: نوقف بمكان نتكلم فيه
هز راسه ومر كوفي ياخذ قهوة وحرك لمكان هادئ وبعيد عن زحمة الشوارع و ازعاج السيارات
وقف السيارة ونزل حزام الامان
وكان الصمت سيد المكان هو ياكل الحلى وهي ساكته تشرب من قهوتها لين نطقت:خبرتني جدة نوير و خالتي ام عزيز بالموضوع ؟
روآف ناظرها:ما ابي اجبرك يا بيـان ولا ابيك تفكرين نيتي شينة لا والله اني …
هزت راسها تقاطع كلامه:اعرف يا روآف ، انا فكرت و استخرت و موافقة
ابتسم بوسع ثغر و اعتدل بجلسته:صدقيني ما بتندمي لـ قرارك وبتكوني بأمان معاي وبعوضك عن كل شي سيئ صار لك و من اليوم ذا اهلي هم اهلك وانا سندك و عوض السنين لك
بيان ابتسمت وصدت تخفي دموعها:اكيد يزين اهلك والله مرا حبيتهم
روآف وهو يسحب منديل:ماعرفت زوجتي حساسة
ضحكت بهدوء ونطق:نروح المحكمة الحين ؟
ناظرته بصدمة:الحين ؟
روآف:اي مابي احد يدري
ناظرته بصدمة:تبي زواجنا سري ؟
ناظرها بصدمة:كيف سر واهلي متكلمين بالموضوع
بيان: أندري عنك
لف وناظر بعيونها:اسمعي يا بيـان اخوي توه متوفى وانا والله مالي قلب افرح بدونه او اتزوج
تمنيت يروح معاي نخطب سوا وهو يجهز معي للزواج ولو قلت لـ اهلي عن موافقتك اكيد ان بيفرحون لي لو ما سوو عرس اكيد يقولو نسوي عشا بالملكة وانا مابي حتى حفل بيننا مابي
ناظرته بحزن وترددت من انها تمسك يده بس تجرأت ومسكت كفه وناظرها بصدمة و نطقت بحنية:روآف فاهمتك زين وانا موافقة عادي ماعندي مانع ولا مشكلة
روآف بهدوء و غصة:اكيد حلم كل وحدة تنزف بالفستان الابيض وتسوي عرس وتفرح بيومها المميز بس قدري ظروفي وعد والله اعوضك عن كل شي
ناظرته وميلتّ راسها من صد عنها يمسح دموعه:افا وذا انا بصير زوجتك تخفي دموعك عني
ضحك ومسح دموعه بكم ثوبه:ماحب احد يشوفني ابكي
بيان:اي لاحظتك حتى خواتك قالو مابكيت وقت العزاء
روآف ناظرها:لو بكيت يا بيـان مين بيسند اهلي انا ولدهم الكبير الحين عمر راح وترك على عاتقي مهمة صعبة
بيان:انت قدها يا روآف وانا معاك
ابتسم يمسح وجهه:نروح نملك
بيان اخذ رشفة من القهوة:روقنا وتفاهمنا انطلق
ضحك ونطق:يسعد لي جوك
انطلق للمستشفى و اتصل بـ سعود وعلمه انه باجازة بس ارسله لـ صديقه وراح سوا فحوصات الزواج وخلال ساعتين خلصوها واخذها وتوجهو للمحكمة
ناظرها:للمرة اخيرة اقول متاكدة
ناظرته :والله يا روآف لو اعيش معاك على خبز و ماء اني موافق ابك انت ما تتعوض
ابتسم بوسع ثغر و ذهول من كلامها ورفع يده يدخل شعرها الي كان طالع
وعدلت حجابها بتوتر و دخلو المحكمة وقدمو الاوراق
-
- بيت الجد -
عبدالعزيز:اي نروح نحن و بنات العم
سارة:العيال؟
عبدالعزيز:وضاح اخذ زوجته و انحاش روآف مختفي وصقر خارج مع أصحابه و زاهد مع علي نمر وناخذه وخالد نايم
جود:زين يالله نمشي
خرجو وصادف خروج شهد و افراح و ابتهال
ركب و ركبو البنات
عبدالعزيز:لا سوير عشان زاهد باخذه
سارة:يركب وراء
عبدالعزيز:لا انتي وراء
ناظرته بطرف عينها وضحك ورجعت وراء وحرك لـ بيت علي
شافهم واقفين عند الباب ونزل سلم على علي
زاهد:ماودي اروح قطعت علينا اللعبة
عبدالعزيز:اقول امش ما تسحب على انت كمان وانت علي ما يحتاج لك عزيمة الفجريات القاك عند بيتنا تروحون معنا
علي باحراج:يا عزيز والله
عبدالعزيز بحدة:والله تروحون معنا ، انا عازم الكل ع حسابي خلاص والله لتجون خلينا ننبسط واختك تنبسط مع البنات
اخذ نفس وناظر زاهد الي ابتسم:والله ودي تكون معاي و اروح بسيارتك اوف جويي
ضحك علي:تمام ان شاءالله اصلي الفجر واجيكم
عبدالعزيز:كذا أوف بتتعبوني احد طلب منكم قطة ؟ من جهة انت وجهة سعود
زاهد:مو قال مو جاي؟
عبدالعزيز:يمقلب المدام
ضحكو و ودعو علي وركبو سيارة وحركو
علي دخل البيت شاف سراب بالمطبخ دخل ونطق:حبيبة القلب وش تسوين
سراب ناظرته بطرف عين:كرك مو شايف ؟
علي:تسوين لي معاك
سراب هزت بالايجاب
علي تنهد من زعلها:كلموك البنات عن رحلة البر
هزت راسها:اي
علي قرب منها يسلم على خدها:ودك نروح
ناظرته بفرح بس عبست:لا
علي حضنها:ليش؟
سراب:كذا مزاجي
ضحك:صدقيني مزاجك يبي و قلبك يبي تجهزي عبدالعزيز عزمنا و اصر والفجر بنمشي ويعني ما اتوقع تفوتي رحلة مع البنات
ناظرته بزعل صدت عنه و تنهد:آسف ياخي سوسو وربي من اول اعتذر لك خلاص غلطت و اعترف بغلطي والله اسف
سراب ناظرته بحدة:يويلك تعيد حركاتك تروح و تختفي عني وتخليني اخاف عليك و تتعرف على ناس يودونك بطريق الحرام مب كافيك زاهد ؟
هز راسه:كافيني و زود اسف والله ياخي خلاص مو معقولة زعلك قد ايش شين كم لي احاول اتكلم معاك ؟
ضحكت سراب وضمته بقوه وباست كتفه:عشان تتعلم ؟
علي :تعلمت و الله من كف الجد
ضحكت بانهيار: محد يعرفلك غير الجد خليف
علي:رضيتي
هزت راسها:رضيت ، علي انا مرة احبك والله انت اهلي لا تتركني بيوم
تنهد وباس راسها:صرنا نقول كلام حلو
سراب ضحكت:جد والله انا مرة احبك احس ما اتخيل حياتي بدونك يا تؤامي
علي:وانا احبك يابعد روحي وحياتي بدونك انا كـ شجرة بلا اغصان ميتة صراحتاً كذا
ضحكت من تعبيره:وش ذا التعبير الخايس اجل بدوني شجرة بلا اغصان
ضحك يطلع بسكويت بصحن و جهز صينية يحط اكواب الشاهي فيها و جهزت سراب الكرك وخرجو الصالة يخططون لفعاليات الرحلة
-
- قدام المحكمة -
خرج روآف و بين يدينه وثيقة الزواج وضحك:مجانين نحن
ضحكت:جوويييي بس والله من كثر ما ازعجناهم توقعت ياخذونا للسجن
لف من خرج صالح وتقدم له:والله شكراً ماقصرت
صالح:مجنون مو صاحي احد يتصل ويقول تعال ابيك شاهد زواجي
ضحك روآف ونطق:بس اطلق فزعة والله ، جيتني اعرف لو ناديت احد من عيال بيفتحون معي محاضرة طويلة
صالح: صدمتني بس يـ الله ، مبروك ويارب يتمم لكم على خير
روآف: آمين يآرب وحضنه
روآف:عقبالك
صالح:دور لي
ضحك روآف:ابشر اصير خطاب عشانك
صالح ضحك وودع روآف وراح
راح روآف للسيارة وقدها سبقته بيـان وركبت
لف ونطق:جاهزة نعلم الكل؟
بيان اخذت نفس وناظرته:انا خايفة يزعلون اهلك منك
روآف:مجهز نفسي لكل ردة الفعل بس ابيك معي
مسكت يده وضحكت: شوف بالحلال وانا معاك
قربها وباس راسها واستحت من حركته ونطق:ذا الشي الي ودي اسويه من اول
حمر وجهها بخجل
دق على عبدالعزيز:عزيوز وينك
عبدالعزيز:وينك انت يالساحب اتفقتو كلكم تسحبون علي
روآف شهق بخفة:نسيت والله ، مين نزل معاك السوق
عبدالعزيز:زاهد والبنات
روآف:خواتي
عبدالعزيز:معاي بس وضاح سحب علي مع زوجته قال ايش ابي اقضي وقت معاها وعازمها
ضحك:يا رجال متزوجين اتركهم
عبدالعزيز: بتزوج والحقهم
روآف ضحك :وينك جايك
عبدالعزيز:برسلك لوكيشن وقفل
بيـان:وش صاير ؟
ناظرها بصدمة:انا نسيت اخبرك رايحة رحلة بر تخيم كم يوم
بيـان:متى ؟
روآف: الصباح نمشي إذا رجعنا البيت تجهزي
هزت راسها:ان شاءالله خير
روآف هز راسه و شغل اغاني على خفيف وفتح شباك وكان جو بارد مرة وحرك لموقع الي ارسله عبدالعزيز
-
وضاح خرج من المطعم بعد ما تعشو و خبرها عن السفر وفكرة انها تسافر معه وردها كان انها حتفكر بالموضوع
شابك يده بيدها:كيف المطعم ؟
فرح:يجنننن مرة ابي اعرف كيف ذوقك حلو كذا بالمطعم
وضاح ركب وهي ركبت ونطق: نسوي اجتماعات أحياناً وجيت له كذا مرة وعحبني الاكل وقلت مرة جاية لازم اجيب معي فروح
ابتسمت:مرة حلو نعتمده
هز راسه:وين تبين نروح الحين
شغلت اغنية ونطقت:ع كيفك
وبدات تدندن على اغنية وتغني وشاركها وضاح ويمسك يدها يبوسها وثوان قام يرقص وهي تضحك و تصوره
-
- محل لوازم رحلات البرية -
عبدالعزيز مد العصير لـ خولة:عافيه
ابتسمت تشرب عصير الرمان: شكراً
عبدالعزيز:كيف تحسي الحين ؟
خولة: الحمدلله
عبدالعزيز: نبي نبتعد عن المنومات وعد ؟
هزت راسها:وعد
باس راسها بحنية:الله يحفظك
جود جات ومعاها دلال قهوة:عزيز شرايك ذا
عبدالعزيز:لا ذي مو زينة تعالي نشوف ثاني
مشى معاهم يختارون اغراض الرحلة
جود رفعت سلة:بنات شرايكم بذي احس حلو نحط فيه شيبسات وحركات
شهد:منجدك تحطين ١٩٠ ريال على سلة صغيرة ؟
جود:ياخي شكلها كيوت
ضحك عبدالعزيز:كيوت خلي سعود يشتريها لك
جود:مايقول لي لا ياخوي
شهد:اتحداك لو قال تم انا بدفع قيمتها لك
جود: اوكي ، دقيقة
فتحت جوالها تصور السلة لـ سعود و اتصلت على طول عليه و رد:لبيه جودي
جود فتحت سبيكر وعبدالعزيز متكئ عليها:سعرها ١٩٠ ريال شرايك
سعود:تدرين ١٩٠ ريال ذي انا افطر و اتغدى و اتعشى فيها ما يستاهل احطه على خشب
جود:سعود سلة سلة بحط فيها شيبسات مو خشب
سعود:الي هو الله يصلحك ياروحي دوري شي ارخص من ذا لو تدوري في مواقع حقتكم ذي تلقينه اقل حتى من ٥٠
جود:كلتبن
توسعت عيونه بصدمة من قفلت بوجهه
ضحك عبدالعزيز:وهو صادق بس اذا بخاطرك فيها مرا مانردك
ناظرتها بابتسامة:امانة عزوز ؟
عبدالعزيز:كم جود عندي؟
فزت تحضنه وضحك: يالله سارة تنتظرنا بقسم الثاني تختارو فروات
شهد:خلصنا من هنا
شمقت جود على شهد تحط السلة بـ العربية وضحكت شهد عليها وعلى حركاتها
مشى معاهم يروحو لـ سارة
دخلو روآف و بيـان وانتبهت لهم سارة واشرت لهم وهمس:نفجعهم
ضحكت بيـان:الله يستر
شابك يدينه بيدينها وناظرو بعيون بعض
توترت من نظراته عليها و نزلت عيونها تبعده عن عيونه و قاطع تأمله من ركضت السُكَرة عندهم
انحى وشالها وهو يبوس خدها:اوف وش ذي الحلاوة
سُكَرة:حلوة ؟
ناظر بـ الفروة الرمادية الي لابستها ونطق:تجننننن نروح عندهم
هزت راسها بيـان و مشو عندهم وسلم و ردو السلام وتقدمت ابتهال مستنكرة يديهم ببعض:وش تسوي ؟ تعرف أنه حرام ، اترك يدها يالله
ضحك وهمس لهم:زوجتي
افراح:خلها توافق وان صار وملكتو قول زوجتي
زاهد: ياخوي لا تستعجل على رزقك
ضحك وناظرهم:زوجتي صدق نحن تزوجنا
توسعت عيونهم بصدمة ونطقو بصوت واحد:ايش ؟
سارة:مجنون انت صاحي
زاهد بصدمة:منجدك
عبدالعزيز:تستهبل اكيد معانا
ابتهال: روآف تكفى لا تمزح
روآف:بشويش اهداو يرحم لي اهلكم والله زوجتي والسبب بقوله لكم بعدين المهم انها زوجتي وحلالي والوثيقة من محكمة بالسيارة
جود ناظرت بيـان:انتم منجدكم
بيان:قال الفكرة وقلت تم
شهد:انتم كيف تزوجتو مايصير مجنون يتزوج مجنونة عاد الانتاج واضح من الحين
ضحك روآف: اعقبي انتاج ام عمر وابو عمر احلى شي
ناظرت شهد وشمقت:اص لا تكلمني
روآف ابتسم ونطق بتغير للموضوع:اوف اوف يالفروات الفخمة
ابتهال بضحكة لفت وعليها فروة:كيف؟
روآف:حلوة مرة خذيها
ابتهال:تم وانت اظن حقتك ضاعت
زفر :اي بالله لابارك الله بعدو العاملة الي ضيعته لي كانت افضل فروة على مر التاريخ
ضحك عبدالعزيز:تعال يابوي ناخذ لك وحدة أطلق من الي قبلها تزعلك فروة عيب عليك يا عريس
ضحك روآف:حبيت ذا عريس
صدت بخجل بيـان و بهمس :بروح مع البنات
روآف بهمس:مو قادر اتركك
ناظرته بصدمة وضحك وترك يدها:بكون مع العيال وخذي الي ودك فيه
هزت راسها و راحت عند البنات
راح هو عند عبدالعزيز و زاهد
خلصو من كل الأغراض وحاسب عبدالعزيز
روآف:لا اغراض اهلي انا بحاسبه
عبدالعزيز بنرفزة:اقول لا تطفشني
سارة:صدق عزيز كثيرة عليك مصاريف الرحلة على الاقل ذي نحن ندفعها
عبدالعزيز دفع بسرعة ولف:امشو امشو أقول
عازمكم وتقول ندفع
ضحك زاهد وهو يدندن:الحمدلله رايح محمول مكفول
ضحكو عليه ونقلو الأغراض لسيارة عبدالعزيز و سيارة روآف ونطق عبدالعزيز:يالله نمشي
روآف:وين ؟ باقي مونئ الرحلة
عبدالعزيز بطقطقة: عز الله طفرت
شهد:امش باقي اشياء كثيرة ما شريناها
روآف:خبرت مين و مين
عبدالعزيز:مامن غريب نايف و علي
روآف:زين
شهد:وانا بكلم عمي طلال
عبدالعزيز لف وناظرها:لا
شهد:وشدعوه
ركبو السيارات و حركو وناظر عبدالعزيز شهد من مرايا:شهد مانبي غرباء ؟
شهد باستنكار:غرباء ؟ ترا يعتبرون اهلي ؟
سارة:عزيز والله يدخلون القلب وشفيك بننبسط اكثر ، شهد معليك كلميهم و اعزميهم
شهد ناظرته بتردد وصد بزعل:بكيفكم
فتحت جوالها واتصلت بـ امواج وثوان ورد مازن:ارحبي يبنت العم
ضحكت:اهلين ولد العم كيفك
شد عبدالعزيز على يده بقهر من عرف انها تكلم مازن وناظر فيها من المرايا وما انتبهت له وهي تكلم مازن وتضحك
شهد:وينها ميمي؟
مازن:اصير لك ميمي
ضحكت:يا خرا
ابتسم:والله راحت غرفتها وشفتك تتصلي رديت عنها في شي؟
شهد:عبدالعزيز عازمنا على مخيم كم يوم وانا اتصلت اعلمكم واعزمكم والصباح نحرك
مازن رفع حواجبه: وليش ما اتصل عبدالعزيز عزمنا ؟
شهد:ما اكفي انا اعزمكم
مازن:تكفى و زود تمام بشاور الوالد
شهد:حاول معاه عشاني ، و لازم الفجريات نتجمع عند البيت لجل نحرك كلنا سوا
مازن:من عيوني أن شاءالله
شهد:يالله سلم لي على الكل
مازن:يوصل وقفلت شهد
سارة:وش قالت؟
شهد:مازن ذا بيكلم عمي ويرد لي خبر
عبدالعزيز وقف سيارة بعصبية قدام السوبر ماركت وشهقو البنات من وقف بقوه
جود:بسم الله
عبدالعزيز مسح وجهه: آسف يالله انزلو
نزلو كلهم وتوجهت خولة عنده وفتحت بابه وحضنته
ابتسم بهدوء:خفتي اسف والله
هزت راسها بالنفي:ماخفت ولا تزعل من شهد اعرف زعلت منها
عبدالعزيز:تسوي الي تسويه مايهمني
باست خده:انزل يالله
عبدالعزيز:لا انتم روحو وان خلصتو كلميني
خولة:عشاني يالله تعال معي
تنهد وقفل السيارة ونزل وقفل الباب ومشى معاها ويده بيدها
روآف:معلم نحن هنا
عبدالعزيز مشى عنده وضرب راسه
ضحك روآف:ناخذ فصفص ؟
عبدالعزيز:تستهبل اكيد أن ما اخذت زاهد بيرجعنا من مخيم عشان نشتري له
ضحكو البنات واخذ روآف فصفص
عبدالعزيز اخذ سُكَرة:بنات كل شي بخاطركم خذوه ابد لا تستحون
ابتهال:افا نستحي منك يا عزيز معليك بنقش كل الي بالسوبر ماركت
عبدالعزيز:تعجبيني ياخت عمير
ابتسمت بحزن ومشيت مع البنات و روآف اخذ بيـان وراحو يشترون اغراض لهم لوحدهم
عبدالعزيز جلسّ سُكَرة بعربة التسوق ثانية وراحو هم الاثنين يشترون مع بعض لها
سُكَرة اشرت لثلاجة للحليب و اخذ لها

✨ انتهى ✨
  🤍🤍🤍