مَا الذِي بعَيناكِ لتغلبِنيِ هكذا باستمرَار

بارت " 58 "

..
لاتنسون ذكر الله قبل القراءة
لاتنسون النجمة ⭐

- غرفة خالد -
فتح عيونه بتعب يناظر فرح عند راسه وهمس باستغراب: فروح ؟
فرح بقلق:اخوي وشفيك بسم الله عليك
غمض عيونه بضيق:مافيني شي يا اختي بس صداع ليش تركتي العزيمة وجيتيني؟
فرح:خفت عليك وش تحس فيه خف صداعك؟
بلع ريقه يناظرها:وحدك جيتي ؟
فرح:سوير كانت بتجي بس انشغلت مع البنات
هز راسه وهمس:بسافر
عقدت حواجبها:وين؟ وليش
خالد:ضايق صدري تعبان ابي ابعد عن الكل و ارتاح شوي
مسحت على شعره:كلمني ياخوي طلع الي بقلبك
رفع راسه لـ حضنها وبدأت تمسح على شعره وهمس:ضفت لينا سناب من ستوري سارة علمتها عن خطبة واني الليلة بطلبها من مشاري تخيلي بلحظة غباء مني اعترفت لها بحبي ليت مافضحت نفسي ولاتفشلت
مسحت دموعه وهمست:وش كان ردها؟
ضحك بسخرية خبرها عن ردها و ناظرها:ليش يصير معي كذا من احب ؟ ليش النصيب ما يصيب لو مرة وتكون لي الي احبها ؟ فرح علميني هل انا سيئ ؟
فرح بهمس:لاتفكر كذا كله خيرة لك صدقني والله نصيبك قدام افضل من ذا كله بتتزوج من انسانة تحبك وتحبها الإنسانة الي صدق ربي كتب لك نصيب معاها لا تزعل و تضيق صدرك عليها ترا هي خسرانه والله مابتلقى الي افضل منك وبكرا حتندم بنفسها وتجيك بس وقتها تكون خسرتك ، صح احبها بس معليش ما اتمناها زوجة لك ، بعدين فكر يمكن شر لك و أبعدها الله عن طريقك ، قم غسل و بجهز لك شنطتك و بحجز لك على دولة كذا حلوة تسافر توسع صدرك و تنبسط وانسى كلشي يزعلك يا حبيبي محد بالدنيا ذي يستحق تزعل نفسك عشانه
هز راسه يقوم يغسل وجهه و فتحت جواله تحجز تذكرتين لـ دبي
وقفلت الجوال تجهز شنطته و فتحت جوالها تتصل بـ وضاح ورد:لبيه فروح
فرح بتوتر: بطلبك قول تم
وضاح:تم عيوني لك
فرح:خالد شوي تعبان مو تعب صحي لا نفسياً متضايق وداخل اكتئاب و اقترحت يسافر و ودي اروح معاه تكفى
غمض عيونه بمحاولة استيعاب:تسافرين ؟ وولدنا ؟
فرح:اخذه معي اكيد الله يخليك وضيح لا ترفضني الله يخليك
لامس خوفها وتوترها من رده من صوتها وترجيها وهمس:الله لايسامحني ان رفضتك تجهزو وانا بوصلكم
فزت بفرح:امانة ؟ شكراً حبيبي الله يخليك لي يارب احبك احبك
ضحك:أموت فيك
قفلت و خرج خالد بهدوء و نطقت:خلودي بسافر انا و حسون معاك شرايك ؟
ناظرها بصدمة:صدق ؟ طيب زوجك؟
فرح بهياط:مع نفسه ولد حسن
رفع حواجبه وضحكت بهدوء:جبت راسه ووافق
ضحك:طيب وين و متى؟
فرح:مالك دخل بس اجهز ، الحين تنزل للضيوف لأن باقي وقت على طيارتنا
ابتسم يبوس راسها:يخليك لي فروح
ابتسمت:ولي يا عزوة فروح
خرجت و تنهدت بحزن من التعب و الزعل الي توضح بـ ملامحه
رجعت لمجلس الحريم تكلم امها باذنها تخبرها بالسفر وناظرها فاطمة بصدمة وذهول وهزت راسها بالايجاب و رجعت تجلس بين البنات
فرح:بسافر
شهد:احه وين وضيح ماعلمني مسافرين سوا ؟
فرح:لا رايحة مع خَلود دبي
لينا ناظرتها و توترت من نظرات فرح الي عليها وصدت تشرب القهوة
شهد:زين متى رحلتكم
فرح ناظرت الساعة:باقي حول ساعتين إلى ٣ ساعات على الرحلة
ابتهال:حضك يااخيي
ضحكت فرح بهدوء
شهد:نوني كيف العلاج معاك تحسي بتحسن
نور بتأتأة:يعني
ابتسمت شهد فتحت جوالها ترسل لـ صقر:بشر شصار ؟
صقر بتوتر رد:ابوي يتكلم معاهم اعلمك بعدين
قفلت بتوتر و كملت سواليف
سارة تقدمت بين يدينها هدية و جلست يمينها:مبروك حياتي حملك والله يتمم على خير
شهد بدموع:سوير ياخي ليش كلفتي على نفسك
سارة:تستاهلي اكثر ام دحيمّ و انتي و ابو دحيمّ غاليين
ابتسمت بخجل تشوف هدية شنطة من براند مشهور
حضن سارة بفرح وسمعت صوت نايف ينادي ابتهال وخرجت ابتهال له
حاوط كتفها بخفة:على مهل حبيبتي
ابتهال:وشعندك
ضحك:نادى امي و نور وتعالي
عبست:ترجعني للمجلس مرة ثاني
ضحك يهز بالنفي يساعدها تجلس على كرسي و فتح جواله يتصل بـ امه
طلعت امه مع نور و ابتسم:نوني بتكلم معاك بموضوع
نور عقدت حواجبها ونطق بابتسامة:صقر ولد عمي حسن خطبك
شهقت ابتهال:ولد عمي؟
نايف بعبط:لا ولد الجيران
ضحك:اي ليش نعرف صقر غيره
ام نايف:بس ولدي
نايف:يا يمه هم عارفين و فاهمين كل شي و موافقين وصراحة صقر ونعم التربية ما نلقى مثله يكون زوج اختي
ام نايف:ابوك وش يقول؟
نايف:ابوي موافق
ناظر نور:نوني وش تقولين ؟
جلست بجانب نور تفكر ونطقت بصعوبة:م …مد …مدري
جثى على ركبته قدامها ونطق بحنية:نقول نفكر اوكي
ناظرته و غمضت عيونها تفكر في نايف كيف هي حمل عليه و أنه كيف يتعب لاجلها ولجل علاجاتها لين متى تكون ثقيلة عليه و قريب بتكبر عائلته و تزيد مصاريفهم فوق مصاريف علاجها الي يتدين نايف من اصدقاءه لجل ييجبهم لها ماعندها الا هالطريقة لجل تريحه
شدت على يدها و هزت راسها وهمست:الي… تبو …تبون…
ابتسمو و همس:صدقيني و اوثقي صقر شخص الصح وما وافقنا إلا ونحن نعرفه
ابتسمت تحضنه ووقف يشدها لحضنه يبوس راسها:مبروك حبيبتي
ابتسمت بخجل و خرج نايف و حضنتها امها وبادلتها بقوه بخوف من الي بيصير بعد موافقتها
-
- مجلس الرجال -
صقر بتوتر لف على خالد الي على يمينه:وانت ؟ وش الحاصل معك؟
خالد بانزعاج من السؤال:مو صار شي بس مصدع
صقر:طيب متى بتكلم مشاري
خالد:ليش اكلمه ؟
صقر عقد حواجبه:خالد يعني بالله ليش ؟ موضوع الخطبة
ناظره خالد ثوان وهمس:قفل الموضوع البنت خطبها غيري
صقر بنرفزة:عمي سالم
لف سالم :هلا عريسنا
ضحك وضاح:وين عريس! للحين ماخذ الموافقة
صقر كان بينطق لكن سبقه دخول نايف:مبروك عريسنا
ضحك صقر بعدم تصديق:امانة ؟
أدرك الي قاله و عدل نسفة شماغه ونطق بثقل:الله يبارك فيكم
ابتسم ابو نايف لـ ولده الي احتضن صقر وهمس له:انا مو بس اعطيتك موافقتنا انا اعطيتك روح بيتنا و روحي انا ، إذا مو قد امانتي لا …
سكت من نطق صقر يقاطعه وهو يشد على كتف نايف يهمس له:روحي و بعيوني النور
ابتسم نايف بذهول وهمس:اعقب تقول اسم محارمي
صقر ضحك يبتعد عنه:اظن صارت من محارمي بس باقي بالقانون وذا قريب نيوف
ضحك نايف يجلس بجانب عمر الي بارك لـ صقر و جلس
سالم:عريس وش كنت بتقول قبل شوي ولا من الفرح نسيت
صقر بانتباه:ايه عاد اقنع ولدك يتزوج شاب شعر راسي اقنعه نملك مع بعض
الجد ناظر خالد:خالد ماودك تفرح ابوك
خالد رفع نظره و هز بالنفي:لا يا جدي مو جاهز الحين
سالم همس:بتبقى عزابي العمر كله ؟ لين متى بتحرمني انا و امك نفرح فيك
قاطعهم دخول مشاري يبتسم:عمي بكرا جايني خطاب لاختي
ناظرو العيال لـ خالد وعرفو سبب ضيقته
خالد شد على يده بضيقة يسمع دعاوي الجد لـ لينا بالفرح و السعادة والتمام
تنحنح يعدل نبرة صوته:جدي ابوي موعد طيارتي الحين بستأذنكم
سالم ناظره باستغراب:مع مين!
خالد:مع اختي يبه
عبدالعزيز ناظره بهدوء وهمس:نطلع نتكلم اذا ودك
خالد شد على يده:مافيني شي والله ، مبروك الفوز يابو عبدالرحمن و اعذرني والله
هز راسه:انتبه لنفسك
خالد:أن شاءالله
خرج من المجلس يتوجه لـ المطبخ اخذ مويا و نزل شماغه يخرج من البيت يركب سيارته يمين السائق
انتبه لـ خروج فرح و بحضنها حسن و خلفها وضاح بالشنط
ركبت خلفه و ركب وضاح يسوق وحرك
ساد الصمت بالسيارة ونطق وضاح:مو نصيبك لاتزعل ياخوي خيرة
فرح:انا ادور لك وحدة الي يحبها قلبك و احلى منها بعد خلاص لاتتضايق
خالد هز بالنفي:لا يرحم لي والدينك طاري الزواج لاتجيبونه لي مابغى اعرس خلاص
سكتت بقهر من تصرف لينا معاها قبل دقايق
-
- نرجع لواء شوي مجلس الصغير مجتمعين فيه البنات فقط -
دخلت لينا بغضب من تقابلت مع خالد بالمطبخ بيت الجد تجاهلها من كانت تبغى تتكلم معاه و خرج بدون رد عليها
سارة:شفيك معصبة ؟
لينا:يقهرني مسوي مرة انا ثقيل و محد مثلي وععع و يطنش انا لينا اكلمه يعطيني ظهره و يخرج من يحسب نفسه!!
شهد:هي بيبي مين ذا ؟
لينا ببرود و قهر:خالد ماغيره الك/لب العصر انا احبك انا اموت فيك الحين يطنش مين هو عشان يتجاهلني!
وقفت فرح و قربت منها وهي تشد على عضدها:حدك على اخوي ان قلتي كلمة وحدة زيادة يمين بالله انسى كل علاقة تجمعني فيك و امحيك عن الوجود ، خالد اخوي خط احمر و تجاهلك لأننا متربيين ألف و لانك مو من محارمه وأنتي ليش تكلمينه!! قال بيخطبك وانتي قلتي بيجوني خطاب لا تفشل نفسك ، و كنسلك من باله ليش رايحة له الحين!!
سحبت يدها لينا بوجع ونطقت:كسر يابنت الذينا
شهد ابعدت فرح بصدمة:بنات ريلاكس
لينا بحدة تقدمت منها:قبل لا تتكلمي عن التربية روحي شوفي نفسك ما كانو زوجك قربك قبل زوجكم
فرح بغضب ترفع يدها تأشر الخاتم:كنا خاطبين وقتها على فكرة ما الومك انتي و تفكيرك الخايس مسوي اخر حبة يابوي انقلعي
سارة بنبرة عالية:بنات وقفو المهزلة ذا وين جالسين نحن عيب عليكم نحن اوعى من كذا فرح خلاص
فرح بقهر:تسكتيني عشان اخت زوجك؟ تغلط على خالد و تشتمه وانتي ساكتة
سارة بهدوء:فروح هدي يا قلبي
خرجت لينا بقهر من المجلس و نزلت دموع فرح بزعل
حضنتها شهد تهديها:هدي
فرح:كان مبسوط يبي يخطب كسرت خاطره يا شهد حرام بالاول كادي والآن ذي ؟
شهد مسحت دموعها:فروح هدي انتي اوعى من كذا بعدين مافي نصيب خالد فاهم و واعي يعرف ربي يعوضه باحسن من كادي و لينا
فرح:تقول رفضت لان احب الي بيخطبني مانبغى نعاتبها حقها ترفض أو توافق بس ماتغلط على اخوي ،تحسب ميت عليها عشان تتكبر وتنافخ الحقي.رة
فتحت جوالها من اتصل وضاح عليها ترد:نعم
لامس وضاح عصبيتها و زعلها:جهزتي اغراضك؟ نخرج ، خالد خرج من أول
هدأت وهمست:كيفه!
وضاح:مشاري كلمنا بكرا يجون لأخته خطاب وتغير موده مرة اخرجي لاجل اوصلكم المطار
قفلت وهمست لـ بنات:رايحة مابي اقابل أحد ان سالو قولو خرجو بسرعة لأن كانت بتفوتهم الرحلة
افراح بعبوس:انتبهي لنفسكم لا تفكرو باحد غير نفسكم انبسطو و انسو الي زعلكم
فرح تنهدت تناظر سارة بزعل:ماهقيته منك سوير
اخذت جوالها تخرج لـ وضاح
" نهاية فلاش باك "
- بيت الجد -
بالصالة
مشيت أنهار تتمشى تناظر بديكور و اثاث البيت الي ماتمل ابدا وهي تناظر فخامته و شمقت تهمس:لو عندي بيت زي هالبيت!
مشيت لها خولة:تفضلي المجلس العيال يجون الحين يدخلون العشاء
مشيت أنهار تشوف فيصل ولدها مشى للدور الثاني تجاهلته تدخل المجلس
دخلو صقر و عبدالعزيز و معاهم سارة و شهد
صالة الطعام يحطون صحون العشاء
شهد:اي زين
عبدالعزيز:تمام المشروبات زيز بجيبها الحين
سمعو صوت صراخ جود و طلعو كلهم بفجعة يناظرون الدرج مكان ماتناظر جود
جود بانهيار:وقف اتركها
فيصل بخبث وهو ماسك جُمان بحضنه على رأس الدرج يدور فيها
وقفو كلهم بخوف من تهوره وبحضنه رضيعة
فيصل:شوفو انا و جوجو نلعب
مسك عزيز جود وهي تبكي:بيرميها ذا المجنون يا عزيز بنتي ياخوي بيرميها
عبدالعزيز بهدوء:فصول نلعب نحن مع بعض بس اترك جُمان
فيصل فلت يد واحدة:اتركها
صرخت جود تبكي و شهد دمعت تحضن جود تهديها
عبدالعزيز تقدم:بجي و اخذها انا
فيصل تقدم على طرف الدرج أكثر:لا بتضربني اعرفك من زين ذي جوجو الي تحبونها ما احبها بموتها
طلع سعود بصدمة من خبره صقر و صرخ:فيصل!!.
فيصل:والله لو احد جاء و ضربني برميها
انهارت جود تبكي:بنتي يا سعود بنتي بيرميها ذا
انهار طلعت من عرفت السالفة:واي فصول وش تسوي عيب! ماما عيب لا تلعب كذا
فيصل  بتوتر:ماما لا تضربيني
صرخت جود على أنهار من تقدمت للدرج و فيصل بخوف تقدم للدرج باندفاع ينزل جُمان
ووقف من نطق عبدالعزيز:طيب اسمع انا بجي ووعد ما اضربك
فيصل:لا انت تضربني شفتك قبل شوي تضرب محمد
صقر هز بالنفي:ما يضربه كان يمزح معاه
فز فيصل برعب من جاء زاهد من الخلف له و سحب جُمان من يدينه
التوى قدم فيصل يطيح من على الدرج و مسكه عبدالعزيز بسرعة قبل لايتأذى اكثر و دفعه بخفة لحضن أنهار امه و التفت لـ جُمان
بكيت جود تنهار و تجلس بالارض بحضنها جُمان من تقدم زاهد ينزلها بحضنها
سعود بخوف:بسم الله عليك يا أمي انتي
ضم جود تنهار بحضنه:بنتي الحمدلله حفظتها الحمدلله
سعود ناظر فيصل يبكي من جرح بجبينه جرح بسيط وامه تحضنه
مشى و ضربه على وجهه:يا كل/ب
شهقت أنهار تدفعه:لعنة طفل ذا وش يعرفه كان يلعب
سعود:لو تشوفه عيوني والله ما ارحمه انقلع من قدامي
مسكوه العيال من انفعل على الطفل
ضم جود يهديها وهم يناظرون جُمان الي كانت تبكي بقوة و خوف
مسح على رأسها بحنية:بابا خلاص خلاص يا أمي و ابوي انتي
شالها بحضنه و ثوان سكتت تتمسك اصابعها الصغيرة باصبعه الخنصر
دمعت عيونه يقبّل يدينها:بابا جوج
جود بحدة:يمين بالله مايصير خير لو قربتو من بنتي انتي و ولدك!
شمقت أنهار:كذا تتعاملون مع ضيوفكم
شهد بحدة:والله الضيوف الي مايحترمون اهل البيت!
شهقت:خير!
شهد شمقت:والله دام تشوفين ولدك الصح مالك مكان ببيتنا برا ناظرها عبدالعزيز يهديها و هزت بالنفي:العشاء عشانا وانا ما عزمتها بس احترمتها لاجل جود بس تمادت برا بيتي لوسمحتي
مشيت وهي تشتمهم و خرجت مع فيصل من البيت
لف عبدالعزيز على زاهد:كيف وصلت فوق كنت بالمجلس؟
زاهد ابتسم بخفة:تعلمنا عزوز بالعسكرية كيف نتسلق و ننط! لو من عاشر دور
ابتسم سعود بامتنان:تسلم والله شكراً لو الله ثم انت كان جُمان
قاطعه زاهد:بنت اختي واجبي كان الي سويته عيب الشكر بيننا
سعود ناظر جود من هدأت وهمس:تبين نروح البيت!
عبدالعزيز:لاوين! تعشو العشاء جاهز جودي يالله
هزت راسها بابتسامة تناظر جُمان بحضن سعود ومارضيت تتركه
سعود:خليها معاي ما اتركها روحي تعشي
زفرت بخوف تمشي للمجلس
-
- مطار -
دخل خالد و بحضنه حسن ابتسم بهدوء يقبّل خده و ابتسم حسن له
فرح شافت رسائل البنات بالقروب عن العشاء و انتبهت لـ رسالة سارة تعتذر و تجاهلتها فرح بزعل
ضرب خالد بـ وحدة و طاحت اغراضها و بجنبها بنتها بعمر ال٦ سنوات
خالد بانفعال:سلامات وين عيونك ؟ ماتشوفي
نزلت بقهر و انحت تاخذ اغراضها:والله لو مو مستعجله كنت وريتك شغلك
فرح شافت انها متوترة و بنتها خايفة وتبكي وهي تهمس لها تسكت و تهدأ انحت تساعدها
زفرت بتوتر تناظر حولها و سحبت سلك الشاحن من يد فرح تحطه بالشنطة و لفت جاكيت على بنتها و مشيت باتجاه البوابة مغادرين
خالد لف على فرح:يا الاخت اي رحلة رحلتنا ؟
ضحكت بفهاوة:دبي
شهق يسمع النداء الاخير لـ رحلة دبي:يالفاهية بتروح علينا
ركضو للبوابة و لحقو باخر دقائق
زفر ياخذ نفس من الركض يشوف حسن بحضنه يضحك ابتسم:اي ياحبيب خالك مبسوط فهاوة امك بغينا نفوت الرحلة
فك حمالة الي شايل فيه حسن بحضنه و مشى لين كرسيه جلس عند الشباك و فرح جنبه و كرسي الاخير فاضي حطت اغراض حسن
اقلعو و فك خالد الحزام و وقف بحنية:جوعانة صحيح خرجتي بدون عشا عشاني
ميلت راسها من حنيته و لمعت عيونها من الدموع وهمست:أن اكلت باكل
ابتسم يقبّل راسها و مشى للمضيفة و لمح البنت باحد الكراسي تناظر من الشباك كرسي بجانبها بنتها نايمة وهي تبكي بهدوء
عقد حواجبه و صد يتجاهلها
-
- خرج وضاح من شقته بملل و دخل غرفة صقر و فز صقر بخوف:وشفيه صاير شي ؟
وضاح:حسيت بوحدة بشقتي جيت انام عندك
ضحك صقر:حياك يالعضيد
جلس وضاح على طرف الثاني و لف على صقر: خالد كلمك من بعد ماخرج
هز بالنفي:لا ولا كلمته حسيته مرة متضايق ماحبيت ازعجه
وضاح تنهد يرسل لـ فرح و راح خط واحد و فهم أن جهازها مغلق و استودعهم ربي و انسدح بجانب صقر و استرجعو ذكرياتهم من زمان و انتهت ليلتهم بنومة عميقة
-
- فوق الغيوم بالطائرة -
مشيت المضيفة بهدوء لـ رايا:لو سمحتِ وشفيها بنتك تبكي ، انزعجو المسافرين تعبانين يبون ينامون
بكيت:تعبت فجأة تكفين دبري لي خافض حرارة
ناظرتها المضيفة بصدمة و هزت راسها و نطقت بهدوء وهي تناظر المسافرين:لو سمحتو اعتذر عن الازعاج بس في عند احد منكم يا امهات خافض حرارة اطفال
قامت رايا باتجاه دورة المياه تغسل وجه بنتها تحاول فيها تسكت
ناظرت فرح خالد:حزنتني بروح اشوفها
اخذت شنطة حسن الصغيرة و مشيت بسرعة:سلامات ياروحي ايش فيها
ناظرتها رايا:مين أنتي!
فرح باستغراب:ام انا معاي مسكن
رايا زفرت براحة و خرجت تجلس بكرسي الخاص فيها و جلست فرح جنبها تفتح شنطة حسن تاخذ الدواء و تعطي البنت و بعد دقايق بدأت تهدأ و تسكت
فرح:خليه معاك انا عندي ثاني بتحتاجينه
رايا بامتنان:شكراً والله مادري بدونك وش كان صار لي
فرح:وشدعوه ماسويت إلا الواجب شرايك تجين معانا وراء و ننتبه لـ البنوتة!
هزت راسها:عادي
مشيت فرح تسبقها و خبرت خالد الي نطق بعدم اهتمام:عادي تجي
جات رايا بلطف وعدم انتباه:الله مرة شكراً آسفة على الازعاج
ناظرها خالد وصد:لاعادي
ضحكت بصدمة:مستحيل انت!
فرح ضحكت:اتاريك كنتم مستعجلين على الرحلة
ضحكت رايا بتوتر:اي اي
اخذت فرح شنطة حسن تحطه مكان الشناط وجلست رايا بكرسي الي على الطرف
فرح لفت على خالد السرحان و همست:حبيبي بردان اعطيك جاكيت ؟
هز بالنفي:لا ، نامي انتِ واضح مرة نعسانة
ابتسمت و ناظرت حسن الي بحضن خالد و همست:نام بالقوة ماشاءالله فيه نشاط اليوم
ضحك و هز راسه يقبّل راس حسن:عيوني الثنتين هو
رايا ناظرتهم لثوان وصدت تناظر بنتها وهي تبكي و تسمي عليها
فرح بهدوء:لاتخافي بتكون بخير
ابتسمت رايا بهدوء:شكراً والله ، الله يخلي لك ولدك
ابتسمت لها فرح بخفة
-
- صباح بيت الجد -
تجمعو كلهم بالحوش كالعادة على الفطور
عبدالعزيز بابتسامة:البارح المفروض اخبركم بالموضوع ذا بس صقر اشغلنا بخطبته
ضحك صقر:افا يالنسيب
ضحك عبدالعزيز يناظر اهله:جاهزين
حمد باستغراب:وشهو ؟
علياء: صاير شي ؟
عبدالعزيز ولمعت عيونه بفرحة:ولدي عبدالرحمن بينور الدنيا قريب
فز الجد بفرحة و تقدم عبدالعزيز منه يضمه و يقبّل كتفه و ابعد يقرب من حمد الي حضنه وهو يبارك له و علياء مشيت تحضن شهد وتبارك لها
حسن يشوف فرحة شهد و غمض عيونه بضيق يتذكر وقت عرفت بحملها من طفل مازن كيف كان وضعها و تنهد يحمد الله على العوض الي جاها
مشى يبارك لها و يقبّل جبينها:مبروك يابنتي
شهد بدموع:يبارك فيك بابا
الجد وهي تنزل سلسالها:تعالي تعالي ام عبدالرحمن غالية و تستاهل
ضحكت شهد بخجل ومشيت تسلم على الجدة و لبستها الجدة السلسال
زفر سالم بضيق و ناظره سلطان:وشفيك ياخوي ؟
سالم بضيق:ولدي يا اخوي عجزت اعرف وش فيه الي كبره خلاص بيجيهم عيال وهو لسع ماتزوج
سلطان:خليه ياخوي على راحته كبير و واعي لاتجبره على شي
تنهد سالم:والله مخليه على راحته بس اخاف ياخذ الله امانته قبل لا اشوف عياله
سلطان قبّل كتفه:بعيد الشر عنك ياخوي لاتقول كذا
تنهد و ابتسم يناظر شهد و سلم عليها يبارك لهم و كملو فطورهم بفرحة حمل شهد
-
- بالمطار -
خرج خالد من كوفي المطار وهو يرد بهدوء على امه يطمنها و قفل يشوف رايا تخرج من الكوفي بجانبها بنتها بين يدينها فطيرة و عصير
عقد حواجبه باستغراب من حركاتها الغريبة اليي لاحظه من اول ما التقى فيها لكن ما اهتم
خرجت فرح و اخذ خالد الشناط منها
لفو باستغراب من سمعو صوت وراهم
رايا بخوف:لو سمحتِ
فرح باستغراب:لبيه
رايا:معرف احد غيرك تكفين محتاجة مساعدتك
فرح هدوء:عسى خير أمري ياروحي
رايا بخوف:انا ، انا ابغا جوال ، اتصل فيه على صحبتي
ناظرت فرح خالد الي هز راسه يطلع جواله و اعطاه لـ رايا و اخذته بسرعة تتصل و بعد رنين ردت و فزت تتكلم بسرعة:انا انا رايا اسمعيني لولي انا جيت دبي معاي رؤى تونا وصلنا تكفين استعجلي و تعالي
شهقت تبكي:لولي خير وشفيك اقلك جيت دبي تقولين وشدخلني!! هربت منهم انتي قلتي اهربي وانا اساعدك!! لاتسوين كذا فيني اكيد تمزحين!! الله ياخذكم الله ياخذكم كلكم
قفلت بصدمة و فقدت توازنها تمسكها فرح من يدها:بسم الله عليك
نزلت دموعها رايا:وش اسوي وش اسوي!
خالد بتوتر:فرح يالله
فرح بهمس:دقائق ياخوي
لفت بقلق:اهدئي وشفيك علميني وشصاير معاكم
رايا بكيت بقوة تحضن فرح و انهارت بكى
خالد بقلق مسك يدين رؤى الي بكيت مع بكاء امها و جلس يهديها
رايا:تدمرت انا خلاص تدمرت بيقتلونا
شهقت فرح:مين
رايا بصدمة و خوف:بيقتلني والله
فرح بحنية مسحت على شعرها:اهدئي و علميني محد يجيكم ولا يسوي فيكم شي
رايا بخوف:لا آسفة ازعجتك لايجيكم ضرر مني
فرح مسكتها:والله ما اترككم وين بتروحون لوحدك بالغربة هنا أهدي و امشو معنا
ناظرها خالد بصدمة:وين يمشون ؟ صاحية فروح ؟
فرح بعبوس:خالد يعيوني و نتفاهم بعدين عشاني
صد يركب السيارة و ركبو البنات وراء
ناظرت فرح حسن الي نايم بحضنها و رؤى بحضن خالد ساكتة تلعب بجواله الي اعطاها لأجل تسكت
ابتسم خالد بهدوء يمسح على شعرها ويضحك على تعليقاتها باللعبة
طول الطريق كان يسمع صوت بكاء رايا و دعواتها الله يحميهم من شر زوجها و صد يستغفر ربه
-
- بيت ابو نايف -
تنهدت تقفل القرآن و نزلت الجلال الصلاة بعد ما صلت ركعتين و انسدحت تفكر بمستقبلها المجهول مع صقر
نور بداخلها:يعرف اني ما اتكلم زين وحالتي حالة ليش يخطب و يصمل ؟ هو أقرب لـ خالد معقول يبي ينتقم بعد الي سوته اختي في ولد عمه ؟ لا لا نور وش هالكلام ما اظن اخوان شهد حنونين مرا ، اوف ياربي ليش يبيني ايش السبب الي يخليه يصمل ويعرف وضعي!!
غمضت عيونها وبعد تفكير طويل قدرت تنام
-
- الشرقية -
دخل بروقان يحط الاغراض بالمطبخ
و مشى لغرفتهم هو و كادي و ابتسم بوسع ثغر:هلا امي هلا ابوي
ابتسمت كادي تقوم له:ماحسيت متى جيت!
قبّل جبينها:توني كيفه حبيب ابوه؟
لفت تناظر وليد:بخير توه نام
عبس سامي:يعني قولي لاتقرب وتصحيه
ضحكت:طيب مانام الليل كله من مغص بطنه و تعبني معاه بالقوة نيمته لا تصحيه امانة
زفر:اوكي متفقين الام و ولدها علي اوريكم
ضحكت بصدمة و مشيت له تضمه و ابتسم يحاوطها:يعطيك العافيه
سامي:يعافيك جبت الاغراض الي وصيتيني عليها
كادي بلطف:شكراً
سامي بـ حُب:اطلبي عيوني لكم
قبّلت خده تبعد عنه و تخرج من الغرفة:غير ملابسك و انزل نتغدى
دخل غرفة الملابس يطلع ملابس لنفسه ووقف للحظة يتأمل حياته الي كلها تغيرت للاحسن و الي كان بيوم من الايام يحلم يعيش هالحياه
بفضل الله ثم العيال الي دخلوه الشركة و صار مدير فيها و خلال فترة قصيرة صار اسمه معروف عند الكل بالشركة آل مطلق و استقر مع زوجته و ولده
مسح على وجهه يحمد الله على كل شي و يشكره و تقدم يطلع طقم بجامة بيت و اخذ دوش و خرج للصالة
جلس بجانبها وسمي بالله ياكل وناظرها:وشفيك ماتاكلين ؟
مسحت على وجهه:تعبان اخر يومين ضاغطين عليك بالشركة صرت تجي متاخر أو تنام هناك
سامي قبّل يدينها:لازم يا كادي اتعب عشان احصد ثمار تعبي لازم أشد على نفسي عشاني وعشانك و عشان ولدنا لازم
عبست:بس انت مرة تجهد نفسك مانبي شي غير تكون بخير لا تتعب كثير
ابتسم:معليك ابو وليد مايصير له شي و ابشرك ان المناقصة من نصيبي و اليوم راحة اي شي تبونه تم تبون نطلع تم
ضحكت تضمه بحماس بس عبست:لا ننام انت لازم تنام تعبت عشاننا
ضحك يقبل راسها:امي انا ننام الحين و نصحى المغرب نفلها تم ؟
هزت راسها:تم
سامي ناظرها:كيف عمي و عمي كلمتيهم
كادي:ايه يسلمون عليك
سامي:الله يسلمهم ان شاءالله قريب نروح لهم مقدرت هالفترة
كادي:امي قالت لو مايقدر سامي ، تكلم نايف ياخذنا بس رفضت قلت اجي وقت انت يخلص شغلك
عقد حواجبه:ليش!
كادي:اتركك و اروح مستحيل ؟ تجي تعبان مين يهتم فيك و يجهز عشاك ، والله لو ما انا موجودة كان جيت و لو ميت جوع نمت ولا اهتميت
تنهد بـ حُب:الله يخليك لي يادنيتي
ضحكت بخجل يكملو سواليف
-
- دبي - فندق -
خالد طلع من دورة المياه - يكرم القارئ - و هو لابس بعد ما نامو و ارتاحو و قرر يطلعون يأكلون
دق باب غرفة فرح و مشى الصالة
بعد دقايق خرجت فرح مع حسن و خلفها رايا مع رؤى
تنهد و همس:عرفتي موضوعها ؟
هزت بالنفي:لا بس خايفة خلود الموضوع مرة كبير واضح
خالد:يا أم رؤى علمينا وش سالفتكم من البداية نقدر نساعدكم فيها
زفرت بضيق تجلس على كنب و همست:انتم سعوديين ؟
هز راسه:ارتاحي مايجيكم ضرر
نطقت رايا:اسمي رايا وقت كان عمري ١٩ سنة جد بنتي و ابوي كانو شراكة و اعز اصدقاء ، طلبوني لولدهم و ابوي وافق تزوجنا بالبداية حسبت طلبني عشان هم يحبوني
بكيت رايا و نطقت بشهقة:طلع الزواج بكبره مصلحة لأني وحيدة ابوي و حاطين عينهم على ورث ابوي ، عشت بينهم كأني خدامة ، عرف ابوي و طلقني منه بس ما اكتملت فرحتي وقت تعب ابوي جاته نوبة قلبية و توفى وقتها استفردو فيني وقت شافو محد يحميني لا اب ولا اخوان وحيدة مالي بعد ربي إلا بنتي ، طليقي كان يرسل لي فيدوهات وهو يع/ذب بنتي يبغى بس ارجع على ذمته ، زاد حسدهم وقت عرفو كل شي كان لابوي صار باسمي انا و يبوني عشان كلشي يكون تحت سيطرتهم
خالد بصدمة:سلامات وش الحقد والحسد الي عندهم!
شهقت تبكي تضمها فرح و همست رايا:رفضت وحاولت أوكل محامين بس أهل زوجي هد/دو كل شخص يحاول يساعدني ،
قدرت الحمدلله أّهرب بنتي من عندهم بتخطيط من صديقتي الي عايشة هنا بـ دبي هربتها وعلى طول جيت هنا عشان اعيش براحة بس
انهارت بكى:عرفو عنها و هد/دوها بالق/تل و خافت و تركتني وحيدة مع بنتي بالغربة
بكيت اكثر و صد خالد بحزن من حالها
فرح:خلاص اهدئي لا تخافين معنا بامان محد يمسك والله
رايا بعبوس:تكفين قولي لزوجك لا يسلمني لـ طليقي ، بطلع وماتشوفونا
ضحكت فرح بخفة:ماهو بزوجي اخوي ذا ولاتخافين
شهقت:امااا ماعرفت شفت بيبي معاكم قلت متزوجين
ابتسم خالد بخفة:انتم بـ امان معنا وش بتسوون الحين!
رفعت اكتافها بعدم معرفة:مدري بس مابغا يوصلون لي
خالد بحدة:وخالقي اشتكى عليه و اجرجرهم بالمحاكم
شهقت:لا تكفى و يسجنوني انا كمان لأن ضر/بت و تهجمت عليه ال** وقت حاول يقت/لني وانا أهرب بنتي ، والله اروح فيها تكفى لا
فرح بصدمة:الله ياخذهم ، كيف بتبقين هنا كيف تتصرفين كيف تعيشي مع بنتك
عضت شفايفها تناظر رؤى بعدم معرفة
خالد ناظر فرح:انا جعت نطلع يالله
فرح:تمام بغير و اجي
مشيت و ناظرت رايا خالد وهمست بلطف:لا تعصب
ناظرها باستغراب:كيف؟
رايا رفعت يدها تأشر على حاحبيه:لاتعصب!
توتر من قربها و صد:روحي تجهزي
ناظرته بهدوء:ماعندنا غير هالملابس
توتر يبعد عنها:تمام نروح المول تقضون!
عبست:بس معاي عملة ريال هنا اي عملة ياخذون
خالد:درهم!
زفرت بتوتر:ماعندي طيب شرايك تسوي لي انت ، انا والله ما اعرف شي
خالد بعبط:سوي لنفسك
ضربت كتفه بقهر:لا تستهبل والله معرف
ناظرها:بالله وحدة بعمرك ماتعرف تتصرف ؟
عبست:ياخي والله اخاف يخدعوني
خالد:كم عمرك بالله!
رفعت نظرها له تبتسم بلطف:ست و عشرين!
رفع حواجبه بصدمة يناظرها من فوق لين تحت:انتي ست و عشرين
ناظرته بقهر:خير مو عاجبتك!
خالد هز بالنفي يصد:طولك مايوضح قلت يمكن ثلاثينية دام انك ام كمان
شهقت بصدمة:لا امانة خير لسع صغيرة بس الكل/ب طليقي أصر ابغا ولد ابغا ولد و خلاني احمل بعمر صغير
ضحك بخفة على شتمها لـ طليقها:امزح
شمقت تاخذ كتاب انجليزي من على طاولة:تعرف تقرأها
هز راسه يقرأ غلاف الكتاب بطلاقة و عبست بضيق:ياحظك تعرف
ناظرها و نطق باهتمام:ليش ماتعرفين!
هزت بالنفي:شوي مرا دخلت اول الجامعة و حملت بسبب الـ ** ووقفت وبعد الولادة زوجي سحب أوراقي من الجامعة وقالو مو لازم تدرسين اهتمي بالبنت كانت عندي احلام كثيرة زي ادرس بلندن و اصير اكبر سيدة اعمال ادرس فرنسي و ايطالي و اسافر كل مكان هدم كل احلامي بلحظة ال**
ضحك:معليك بتفرج عليكم و صدقيني كل احلامك بتحققينها بنفسك
هزت بالنفي تناظر رؤى الي تلعب:خايفة والله
فرح جاتهم بحضنها حسن:يالله
رايا تنهدت:خربت عليكم السفرية حقتكم اسفة
فرح:وشدعوه ماله داعي الكلام ذا بعدين اذا خائفة من طليقك لا تشيلي هم نحن معاك و مع روري
خالد:فرح صادقة بعدين من جيتو معنا وانتم خلاص على مسوؤليتي و امانتي
فرح: ياحظك وانتم على مسؤولية خالد
ضحكت بخجل رايا:اسمك خالد
ابتسم بخفة:ايه خالد ولد سالم
رايا بلطف:تشرفنا والله مابي اضايقكم بس ساعدني اصرف فلوسي و اشوف غرفة تناسب لي و لبنتي و يكفيني
فرح:اقول ميتة جوع على كراسون المطار ناكل و نشوف وش نسوي بعدين
رايا هزت راسها بخوف تعدل نقابها و خرجو
ثبت خالد حمالة حسن بحضنه و حط حسن بحضنه و خرجو من الفندق
-
- بيت ابو نايف -
مشى يفتح الباب لـ صقر و ابتسم:صقير ارحب
صقر:البقى جيت اتطمن على الوالد!
نايف:تفضل تفضل
دخل ومشى المجلس
ابتسم يسلم على ابو نايف:كيفك عمي
ابو نايف: الحمدلله ولدي
صقر:سلامات والله ماتشوف شر
ابو نايف:مايجيك ولدي السكر ذا متعبني والله
صقر:اجر و عافية
فز نايف يرد على اتصال و لف:لازم اروح المركز صقر خذ راحتك
ابتسم له بخفة و خرج
لف على ابو نايف يسولف معاه
توتر من دق الباب و ودخلت نور بتوتر
فز بتوتر وصد عنها:عنك
اخذ صينية القهوة منها وتوترت من لامس يدينهم
ناظرها و ابتسم يتأمل ملامحها الي زادت حلاوة من اخر مرة شافها فيه
حط الصينية على الطاولة ونطق ابو نايف:انا كلمتها تجي ماصارت الشوفة و اعتبرها الحين شوفة
صقر ابتسم:عمي احرجتني حتى هدية ماجبت!
ضحك ابو نايف بمزاح:يالله اجل اطلعي نور
ابتسمت بخجل من نطق صقر:لا لا عادي
ضحك ابو نايف يناظر نور من صبت له قهوة و أشر لـ صقر:ضيفيه اول بنتي
صقر برفض:لاوالله أول انت عمي
ابتسم بخفة له ياخذ القهوة من نور و صبت لـ صقر و اخذه من يدينها بوسع ثغر و نطق:تسلمين
نور بتأتأة:عا…فية
ابتسم بـ حُب ونطق من جلست مقابله:كيفك!
هزت راسها تشد على يدينها بخجل:الح…الحمد…لله
صقر:عساك دايم بصحة و عافية
لف على ابو نايف:عمي متى حابين الملكة والعرس
ابو نايف:ولدي نحن فكرنا و قلنا سوو ملكة و ان تعافت سوو عرس
صقر برفض:ليش بعدين العرس! مافيها شي الحمدلله بصحتها و عافيتها قدامي
ابو نايف بهدوء:للحين ما كملت علاجها
صقر:علاجها بتكمله وهي زوجتي والله يقدرني و اعالجها بكل مكان بالعالم وترجع لكم بصحتها
ابو نايف:الناس بتتكلم كثير!
صقر ناظر نور ولمح الدموع بعيونها وناظر ابوها:انا ابغاها و موافق عليها لو لاسمح الله بقيت طول العمر كذا أنا موافق عليها ابغاها زوجة لي و ام عيالي عمي الناس ما تترك أي شخص بحاله ماتتركها حتى لو تعافت ورجعت تتكلم بيقولون كلام كثير هل بهالوقت نحن نسمعهم! والحين علمني متى تبون العرس
صدت تمسح دموعها و ناظرت عيونه بصدمة من كلامه و ناظرها بابتسامة:نور وش بخاطرك!
هزت بالنفي:مش…كور
ابو نايف:خطيبك و قريب بيصير زوجك الي تبينه اطلبيه و تفاهمو بنتي
ناظرته بخجل و ابتسم:اترككم لوحدكم
قام بتعب يخرج و ترك الباب مفتوح
ناظرها:النور
ناظرته و نطق:انتي تبيني!
ناظرته بصدمة و نطق:اجبروك علي!
هزت بالنفي:لا
ابتسم:طيب ليش تبكين!
نور مسحت دموعها تناظره ونطقت:ما… توقع…ت
صقر:ماتوقعتي اخطبك!
هزت راسها بالايجاب:انت… تست…اهل احس…ن مني
ابتسم بـ حُب:انا استاهلك وانتي تستاهليني انا وانتي لبعض ربي كتبك من نصيبي وانا مبسوط فيك مبسوط انك وافقتي
نور ناظرته بهدوء:انت… شف…ققة تبين!
صقر برفض وبصدمة:يابنت الناس يشهد الله انك بقلبي من زمان بس خفت اظلمك معاي بس الحين أنا جاهز لاتفكري اني اخذتك شفقة ياروحي
صدت تبعد نظراتها بخجل عن نظراته وابتسمت
ابتسم بخفة:جعلني فدا هالابتسامة
فتح جواله بسرعة ينشغل فيه شوي و رجع يقفله يناظرها:لا تفكرين بشي غيرنا لأن عقلي و قلبي عندك فهمتي!
هزت راسها بخجل من اخذ الحلى:انتي سويته!
ابتسمت:اي…وا
صقر بتلذذ:اذا تزوجنا سويه بكثرة لنا
ضحكت بخفة تسمع سواليفه و وبين التارة و الثانية يتغزل فيها وبابتسامتها
وقف من دق الباب و نطق:جاي دقيقة
مشى يفتح الباب و استلم طلبه و دخل
وقفت بصدمة تناظر بوكيه الورد الي يتوسط حضنه
صقر بإحراج:جات متأخر بس المهم جات صح!
دمعت تهز بالإيجاب تناظره:ح…حلو
صقر اخذ وردة من البوكيه يحطه على شعرها:موطن الورد ضحكتْك وعيونك
ضحكت باتساع من كلامه و سمع صوت ابو نايف و توتر صقر يبعد و يترك البوكيه على الطاولة و اخذت وردة الي على شعرها تحطه بحضنها و رجعو يجلسون
صقر اخذ نفس ونطق بهمس:اتفق مع نايف و ان بخاطرك شي علميه وابشري بالي تبين من عيني ذي قبل ذي
ابتسمت له و ناظرته يخرج و مشيت بسرعة تاخذ البوكيه تدخله بغرفتها و رجعت لامها تشوف ابوها دخل بعد ما ودع صقر و ابتسمت بخجل تسمع سواليف ابوها و امها عن صقر وتنهدت براحة كبيرة بعد ما تكلم معها و فهمها نيته بالزواج
-
- دبي -
توجهو للمطعم و انتبهت فرح لـ خوف رايا و تلفتها كل شوي و همست:اهدئي أمان لا تخافي
عبست تخفى بكائها:اخاف يجونا و يلقونا
هزت فرح بالنفي:مستحيل دبي كبيرة وين يدورون لجل يلقونكم
وصل طلبهم و جلسو يأكلون بهدوء
فرح:خالد يعيوني كلم ابوي بعدين ، قلق عليك
خالد:تمام ياورحي اكل و اكلمه
شهقت رايا وهمست:عادي تنادون بعض كذا عيوني و روحي والكلمات كذا
فرح:عادي اخوي وشفيها!
رايا:عندنا يقولو عيب الكلام ذا كنت اسمع اهلي يقولونه و تعودت بس من تزوجت يقولو عيب و ممنوع مايجوز
خالد بتمتمة:بحريقه عقدو البنت
رؤى:ماما ابغى كاتشب
رايا:لا ماما مافيه
خالد:حتى انتي تحبين الكاتشب مع البطاطس مثلي
رؤى بحماس:ايوا مرة لذيذ
خالد اشر للنادل يطلب كاتشب و اخذ منه يحط على البطاطس و اخذ الشوكة يوكلها ونطق بحماس:كيف!
رؤى بتلذذ:الله الله لذيذ حتى انت جرب
اخذت بطاطس بيدينها تؤكل خالد الي اكله يغمض عيونه يقلد حركاتها:الله الله لذيذ
ضحكت بقوة:ماما اكل من يدي مو زي بابا يقول قرف
صد رايا بضيق و وابتسمت فرح من نطق خالد:عسل والله يدينك الله وش اليد الصغيرة ذي اكلك اكلك
مثل أنه يعضها وارتفعت اصوات ضحكاتهم مع بعض
شد حسن شعر رؤى يبكي و نطقت فرح بصدمة:غار غار
خالد ضحك:ترا خالد يكفي للجميع
شال حسن بحضنه و يحط بطرف اصبعه كاتشب بفم حسن الي ابتسم يأكله
صفقت رؤى:حلو والله اعجبه ماما شوفي
ابتسمت رايا:صدق يالله حتى انتي كلي
خلصو و خرجو
فرح:صح نسيت اعطيني رقمك
رايا:مامعي جوال
خالد:كيف!
رايا بقهر:جعلهم العمى وقت اهرب منهم طاح من الشنطة
فرح:معليك ناخذ لك
خالد بحماس:مين يبغى ايسكريم
نطقت رؤى:انا انا
ضحك يمسك يدينها يمشون و ابتسمت فرح تصورهم وتناظر تعامل خالد مع رؤى و سواليفهم مع بعض
-
- الرياض - زاهد -
خرج من بيتهم باتجاه السوق لجل يبداون تجهيزات عرسه
نزل يشوف القاعات و يصور و يرسل لـ سراب و لاهله بقروب " family "
وهم يعطون رأيهم و بداو بجدية توزيع المهام
فتح خالد بعد وقت طويل رسائلهم و صور نفسه مع حسن و ارسله
علقو على الصورة بضحك
وضاح:ورع رجع ولدي اشتقت له ولامه
ضحك سالم:مع خالهم يا ابو حسن
وضاح بشوق:حتى لو عمي بس الشوق
ضحك خالد يسجل:يابوي خلك هناك بين الشغل انا و ولدك هنا عايشين بالاحلام صح حسون
حسن بضحكة صفق و ضحك خالد بقوة:حتى ولد يوافقني يالله سيوو
قفل و ضحك يأكل ايس كريم و يؤكل حسن و رؤى
ناظر رايا الي ارتاحت ومع فرح وبداو يسولفون يختارون ايسكريم
فتحت شنطتها بتطلع فلوسها و تدفع لكن سبقها خالد يدفع عن كلهم و عبست:ورع
ناظرها بذهول:انا ؟
رايا:ايه اقدر ادفع ترا
خالد مسكها من كم عبايتها تمشي معاه و نطق:تدفعي مئة درهم عشان ايسكريم مايجيك سعره الا عشر درهم!!
رايا:طيب محل فخم اكيد غالي
خالد ضرب راسه: ياربي وتبين بعد نتركك انتِ و بنتك زين لو ما ضحكو عليكم و سرقوك وتركوكم بالشارع كذا
رايا عضت عضده و ناظرها بصدمة و تحسس يده وهمس:وش ذا العضة حتى قوة مافي
وغمض عيونه يمثل انه تألم:احه ليش
رايا بانتصار:عشان ما تطقطق علي
اما فرح جلست تصورهم وهي تضحك و ترسلها للبنات بالقروب وهي سبق وخبرتهم عن رايا وجلسو يعلقون على خالد و رايا
شهد:فروح مالي دخل شبكتهم مع بعض
ضحكت فرح:وين ترا عندها بنت وفرق بينهم بالعمر
شهد:عادي ياخي و ما اظن فرق مرة اكثر مني انا و عزيز وانتي و وضاح!
فرح بإدراك:لا والله نحن تخطينا ، فرق بينهم خمس سنوات
افراح بحماس:وربي في عرس قريب غير عرس زاهد و قولي افراح ماقالت
ضحكت فرح بصدمة:هدو اللعب بنات شفيكم!
ضحكت بصدمة من سحبها خالد لحضنه بعدها عن السيارة الي كانت بتصدمها
شهقت من طاح الايس كريم حقها و عبست من نطق بحدة:جاي مع اطفال انا ياربي اجلسي بمكان و انشغلي بجوالك لو صار لك شي
فرح:آسفة ياخي
خالد ناظر اسكريمها:اعوضك تعالي
هزت بالنفي:لا انسدت نفسي
قبّل جبينها:بسم الله عليك انتبهي يا امي مرة ثاني
رايا دخلت بينهم وهمست:انتم يا انكم متزوجين و تطقطقون علي أو اخوان ماعندكم غير بعض
خالد ابعد من اتكئت على كتفه بغير انتباه منها:خيار الثاني يا نيوتن ليت شغلتي عقلك اكثر
رايا:اخوك نفسية يا فرح
خالد شمق:اعرف
فرح ضحكت:ياربييي اطفال
رايا:اخوك الطفل صراحة أنا إنسانة عاقلة
خالد:والله اشوف انتي بديرة و العقل بديرة
شمقت تاكل اسكريم حقها وتناظر رؤى الي تلعب مع حسن
-
بعد مرور ايام -
فز خالد بصدمة من صوت صراخ قريب من الجناح
وقف بصدمة