.
زاهد نزل راسه: حقكم علي والله مستحي منكم كلكم خواتكم انخطفو بسببي و انت تصاوبت بسببي كله مني
عبدالعزيز:كله مكتوب ولا اعتراض عليه وأن كانك سبب ايه شوي بس لا تلوم نفسك البنات بخير وانا وانت بخير شوفنا الحمدلله خرجنا منها بأقل اضرار … زاهد ياخوي ذا درس لك عشان تعرف تختار من تصاحب الله يخليك انتبه من كلهم
زاهد:ابشر اوعدكم
شيخة :الله يسعدك عزيز من امس يلوم نفسه على الي صار ويبكي
عبدالعزيز:افا ماهقيتها منك تبكي
زاهد:كنت خايف عليك
عبدالعزيز:بخير لا تخف وينه ذا وضيح
وضاح دخل :جيت جيت كنت اكلم واحد من اخوياي
عبدالعزيز:تطمنا وسوينا الواجب رجعني الله يسعدك فيني نوم
زاهد:عاد من زين نومة مستشفيات
عبدالعزيز:يارجال على الاقل تنام بدون محد يطفى مكيف ولا يصحونك يقولو قم ودنا مشوار
وضاح ضربه على راسه: استغفر ربك
ضحك ورجعه وضاح غرفته
- ساعة ١٢:٣٠ م -
دخل صقر معاه باقة ورد و اكل من ماك
ابتسم وضاح وسلم عليه
صقر جلس على طرف السرير ومسك يدها يبوسها بحنية:حبيبة قلبي شلونك الحين
نزلت دموعها: احسه بيرجع يا صقر
صقر رفع يده يمسح دموعها:اوش لا تبكي تؤامـي نحن معاك شوفي وضاح و انا عندك ما حنتركك
شهد شدت على يده وهمست:وعد ؟
صقر باس يدها بعمق وانهاها بعضة وابتسمت بخفة وهمس:وعد
وضاح اخذ الاكل من على طاولة:ناكل وربي جوعان
هز راسه صقر:اكيد وانا كنت بطلب بس قلت اجي عندكم و ناكل سوا
شهد:جبت وجبتي المفضلة
هز راسه:اكيد و كثرت بطاطس اعرفك تحبينه
اخذ بطاطس و رفعه لفمها
ابتسمت وفتحت فمها واكلته وعضته
شهق يمسح على يده وناظر وضاح:شفتها ؟
وضاح ضحك وهو ياكل:انت بدأت
شهد و صقر بنفس الوقت نطقو:لا تتكلم وبفمك اكل
انهارو ضحك و مسحت شهد دموعها تناظرهم وغمضت عيونها براحة تشكر ربها على نعمة وجود اخوانها حولها
- غرفة عبدالعزيز -
جود:كذا زين
هز راسه بتأفف:ياخي ابي شاهي
جود:اقول اهجد ان خرجنا بتشرب لو براد الحين خلك هادئ
سمعو صوت الباب و تغطت جود و سمحت بالدخول
دخل سعود بهدوء:سلام
عبدالعزيز:ارحب
سعود بابتسامة يحط الي بيده على الطاولة:كيف صرت الحين ؟
عبدالعزيز:ماش وش ذا ؟
سعود مد الاكل لـ جود :جبت لـ مرافقتك اكل
ابتسمت جود بخجل: شكراً مابي
سعود:اقول لا تستحين
عبدالعزيز:يا بنتي خذيه من اول ازعجتيني تقولي جوعانة
ضحك سعود و اخذت جود منه الاكل تشكره و سحب كرسي يعطيها ظهره و مد لـ عبدالعزيز كوب الشاهي:جبته له
عبدالعزيز ضحك و مسك بطنه بالم:تفهمني ياخي
سعود ابتسم وجلسو يسولفو هو و عبدالعزيز و جود بعد ما خلصت اكل لعبت بجوالها تسولف مع البنات
- يوم الخميس -
خرجو عبدالعزيز و زاهد من المستشفى أمس الأربعاء وشهد قبلهم بيوم خرجت
- ببيت الجد الكل كانو مجتمعين بعد العشا -
الجد:بسوي عزيمة كبيرة بكرا
الجدة:مناسبة وش ؟
الجد:سلامة البنات والعيال وبمناسبة ترقية عمير
ابتسم عمر:لاخلى ولا عدم شيخ خليف
الجد:ابيكم كلكم تجهزون لـ بكرا العشاء
وضاح:ارتاح ونحن بنسوي كل شي
سلطان:حسن انت اعزم
حسن: اساساً ذي مهمتي بكل مناسبات
عبدالعزيز وهو يقوم فزت علياء معاها خولة و جود :على وين
عبدالعزيز بابتسامة:بسم الله يخرج امشي شوي وربي انكسر ظهري من كل التسديحة
روآف:اجي معاك اسندك
عبدالعزيز يناظره بابتسامة ويتمنى لو كان عنده اخ بس يشكر ربه عيال عمه معوضينه وهم الي ما تركوه من اصابته لليوم يتذكر عمير الي عاند جود ورجعها البيت وهو الي رافق عبدالعزيز وصقر و خالد و روآف الي ماخلو أهل عبدالعزيز يحتاجون شي وكانو اخوانه
خالد: عبدالعزيز بك شي ياخوي تتألم نروح المستشفى
عبدالعزيز:لا لا تسلمون يعيال … ياروآفي ، امشي شوي شوي
زاهد وهو منسدح و راسه بحضن شيخة:مافي احلى من دلع ياشيخ انت تحب تتعب نفسك
عبدالعزيز: الدلع للاطفال مو لنا نحن رجال
فز زاهد ومسك مكان عمليته:انا رجال
ضحكو عليه وضربه سلطان على رأسه بشويش:بشويش على جرحك
زاهد اتكئ على كتف عمر وهو يقوم:خذني معاك عزيز
مسكه عزيز واسندو بعض وخرجو بشويش للحوش
علياء:يديمهم ربي يآرب
منيرة: آمين ولا يفرقهم
شيخة زفرت بضيق وقامت للمطبخ
-
- غرفة جود -
شهد منسدحة وتلعب بجوالها سمعت صوت سُكَرة تبكي
خرجت وراحت غرفة سارة وشاف سُكَرة لوحدها على سرير تبكي وهي توها صحيت من النوم
قامت تشيلها وتتمشى بالممرات وتلعبها
شهد:وش رايك نطلع دور الي فوق من زمان عنه
سكرة ضحكت :ايوا نروح وطلعو
شهد شافت باب مفتوح طرفه
دخلته وشهقت من شافت الغرفة مليان لوحات رسم
ابتسمت وهي من طفولتها تحب الرسم بس من انشغلت بدراستها قطعت عنه ، تناظر لوحة لوحة واقل ما يقول عنها فنانة
بعد دقائق من تأملت كل لوحات وهي منهارة كل لوحة احلى من الثانية
شافت لوحة مغطية بقماش اسود
تقدمت منه ورفعته وشهقت من كانت الرسمة لها نفسها تشبها باصغر تفاصيل
لامست اللوحة بيدها وهي تبتسم وشافت توقيع باسفل اللوحة بـ حرف A
انصدمت من تأكدت أن الغرفة لـ عبدالعزيز انصدمت اكثر من عرفت أنه رسام ماكانت تعرف ولا قد علم احد عنه
صورت اللوحة بشكل واضح
تحمست بالرسم وكأن من شافت الغرفة و رسومات رجع شغف الرسم لها
سحبت لوحه جديدة كانت على طاولة
وفتحت دولاب الي كان موجود يسارها
تشوف مجموع كاملة من الوان و فراشي الوان طلعت لها و جلست على الارض
وسحبت ورق من كراسة الي على طاولة وحطته على الارض وجلست سُكَرة جنبها وخرجت الوان خشبية واعطت لـ سُكَرة :ارسمي
سُكرة:ارسم ماما عادي
ضحكت:ايوا ارسمي ماما
رفعت شهد شعرها ذيل حصان بربطة شعر و خصلات شعرها نازلة بشكل عشوائي وزادها حلاوة
بدات ترسم وهي تدندن كلمات اغنية وبين الدقيقة والثانية تلف لـ سُكَرة
عبدالعزيز دخل الصالة:وين سُكَرة ؟
سارة:نايمة بالغرفة
هز راسه:بطلع انا كمان ارتاح شوي
علياء:تمام ولدي ارتاح ان تبي شي كلمني
هز راسه و طلع على مهل وشاف غرفة سارة بابها مفتوح وسُكَرة مو موجودة وسمع صوتها من الدور الثالث
فز وطلع وهو يركض ويده على بطنه من خاف احد دخل غرفته السرية لانه نسى يقفل الباب
وقف عند الباب و شاف شهد ترسم مع سُكَرة و يضحكون مع بعض
ابتسم بهدوء ووقف يتأملها يقسم كل يوم يحبها اكثر واكثر
عبدالعزيز همس:وش سويتي فيني يابنت حسن وش سويتي؟
دخل بهدوء وانتبهت له
وقفت بتوتر وقالت بخوف:اسفين عزيز ماتحملت يوم شفت الغرفة واخذت اغراضك اسفة مرة وبعدين تعال ليش ما تعلمني عندك مرسم وفنانة ياشيخ كل لوحة احلى من الثانية
ابتسم يتامل توترها :محد يدري وخليه بيننا وفداك المرسم وصاحبه
ابتسمت بخجل وقال:وش رسمتِ ؟
تقدم يبي يشوف لوحتها زين ، بس بسرعة تقدمت و حطت يدها على عينه:لاتشوف
اخذ نفس من ريحتها الي لعبت فيه حاول يمنع نفسه لا يتهور بس ماقدر وانحى وحضنها بقوه
شهد الي توترت وتوسعت عيونها بصدمة و رجفت بخوف غمضت عيونها لدقائق من حست براحة من حضنها
فتحت عيونها بهدوء وبلعت ريقها وهمست وهي توها تلاحظ أنها قدامه بدون جلال الصلاة:عزيز ابعد تكفى
- سعود -
خرج من المستشفى بتعب و توجه لبيته و دخله زفر بضيق من الوحدة الي عايش فيها لا اهل لا زوجة لا عيال
اخذ دوش ولبس وانتبه لـ البوم الصور ابتسم بحماس يفتحه و يجلس على الارض بجنبه كوب القهوة
فتحه وهو يتأمل ذكرياته و طفولته مع اهله نزلت دموعه:اهخ ليتكم معي اشتقت لكم ليش تركتو وحيدكم وحيد بالحياة ذي كل شي صعب بدونكم يا اهلي ، طلعت له صور مع عبدالعزيز و صور مع جود وابتسم بحب يطلعه و باس الصورة بعمق وهمس:الله وش كثر احبك متى اشوفك بالبيت ذا متى تصيري حلالي وحَرمي مقدر اتحمل اكثر يا جوجي
مسح على الصورة و رجعها.
-
أنت تقرأ
مَا الذِي بعَيناكِ لتغلبِنيِ هكذا باستمرَار
General Fictionكاتبـة رَوان الانستا: rlliie44 البطل - عبدالعزيز - بيوم ادافع عن امي يوم ابوي يضربها واتسبب بقىًله وسبب هالحادثة تغيرت حياتي - البطلة - شهد - اكتشفت بعد ١٨ سنة سر خطير يدمر حياتيّ وش مصير الاثنين ؟!
