..
بكيت بعدم تصديق من خبثها:طيب ليش ماتكلمت!
روآف:ساكتة لسبب وابغى اعرف هالسبب وسكت اشوف لين وين بتوصل
مسكت يده:ماتوقعته منها
رفع راسه لها:انخذلت و انكسرت كسرت فرحتي بطفلي هدمتني وانا الي قلبت بيت اهلي فوق تحت عشانها
بيـان اخذت نفس:حبيت اخبرك بعدين بس الحين وقت مناسب
ناظرها:وش!
بكيت تأخذ يده تحطه على بطنها:ماكتب ربي تصير ابو لطفل ريماس بس كتب ربي و عوضك بأن تصير ابو لـ طفلي!
فز يناظرها بعدم تصديق دمعت عيونه بصدمة وهمس:لا امانة عليك لاتكذبين عشان تهونين علي! لا تواسيني بالكذب مابغى انكسر مرة ثاني
قامت تضمه وبكيت:والله حامل والله روآف
روآف بعدم تصديق:ما اصدق متى وليش ما اعرف!
بيـان:ليش تنومت انا!
همس بصدمة:عشان ضغطك ارتفع
هزت راسها: ارتفع عشان اعراض الحمل مو كذا ،حامل سويت تحاليل اكثر من مرة أنا حامل والله حامل
بكى يشد عليها بحضنه ونطق:الحمدلله يارب الحمدلله
ابعد يسجد سجود شُكر لله وطول بسجوده
بكيت وانحت تجلس على الارض عنده تسمع شهقاته:حبيبي
رفع راسه يبكي بانهيار:الحمدلله يارب الحمدلله ما اصدق
رفع قميصها و قشعر جسدها من برودة الغرفة لكن حست بدفئ يدينه من لامس بطنها وهمس:طفلنا بينو طفلنا
انحى يقبّل بطنها وهمس:اوعدكم والله احميكم والله مايمسكم احد والله
ضمها لصدره:ياربي ما اصدق ما اصدق
بكيت تمسك وجهه بيدينها:روآفي حبيبي ناظرني
مسح وجهه وهمس:ما اصدق حلم صح
ضمته:والله حقيقة
روآف قبّل كتفها و عنقها و ناظر وجهها يقبّل خدها و جبينها و انفها وانهى بتقبيل ثغرها:اوعدك احميكم وانتبه لكم
ضمته و يديه اليمين و يدينها اليسار على بطنها
همست:زعلان لأني ماخبرتك!
هز بالنفي:لا خبرتيني بافضل وقت وبافضل مكان ، ما ازعل منك على الأقل انتي خبرتيني مو زيها كذبت علي و خدعتني و خدعت كل أهلي و فرحتهم بكذبة من خيالها
هزت بالنفي وهمست:مابغى اسمع موضوعها انا وانت و طفلنا و بس
ابتسم يحملها للسرير وهي بحضنه و طلعت له صورة السونار و ابتسم يناظرها و الفرحة مش سايعتهم
- بيت علي سـ٥ ص -
سراب:خمس فجر وش كشتة!
علي ضحك:عاد زوجك و حركاته بس صدق نطلع معاه والله نستانس والجو مرة حلو
تنهدت:اجهز شي!
رفع اكتافه:مدري كلميه و شوفي
مشى غرفته و تنهدت تفتح جوالها تتصل عليه:ايوا يعني
ضحك: عجبتك المفاجأة ؟
سراب:صدق وش يعني كشتة مو بالشتا نحن!
زاهد:البر بتااع كله بعدين والله الأجواء باردة وحلوة جهزت كل شي و انا و انتي و علاوي اوففف
ضحكت:مجنون
زاهد:اتمنى ما تجحدين ترا كله عشان اقابلك
سراب:الحب افعال ياربييي
ضحك:يالله لاتتعبي نفسك كل شي جهزته بس تجهزي و انتظروني
سراب:سيارتك تمشي!
زاهد:لا صراحة اخاف تغرز باخذ سيارة روآف مفتاحه مع عمر اشوفه و اجيكم
بعد نصف ساعة
خرجو من دق بوري
زاهد:هلا والله بأحلى تؤام بالدنيا
ضحك علي:الله اجل نكشت قول ياخوي بقابل زوجتي و نطلع
زاهد بعبط:صحيح نطلع بس وانت معانا والله مفكر فيها من زمان نحن الثلاث سوا
ركبو سيارة و حرك زاهد
وصلو البر مع شروق الشمس و نسمات الهواء الباردة
نزلو الاغراض و حط زاهد الغاز الصغير على جنب و شغله يحط الصاج
علي بضحكة يناظر الاكياس:كبدة! ياوجه الله اختي دلوعه تفطر بانكيك
سراب عدلت عبايتها:منجدك كبدة!
زاهد:والله حلو جربي تاكلينه من تحت يديني
هزت راسها:نذوق وش علينا اساعدك!
هز بالنفي:ارتاحي ياروحي
ابتسمت تاخذ شماغ علي تلفه على شعرها تثبت شعرها و تنزل حجابها و عبايتها على الفرشة
ناظرها علي بجلابيتها و ابتسم:بنت ديرة حق و حقيق
لف زاهد عليها و همس:هي حلاوة ولا عيوني الي تشوفها حلاوة اهخخ الحمدلله انك حلالي
لف يقلب الكبدة و ركب الشاهي يفور وحط فيه الحليب و ناظرها من قربت منه و همست تلعب بخصلات شعره:للحين صامل ماتبي مساعدة
زاهد قبّل يدينها:مابغى اتعب يدينك الحلوين مو حلو بحق الخواتم و المناكير والحلاوة تمسك صاج كبده
ضحكت:مو يعني دلوعة ترا ست بيت انا
زاهد:انشهد بعد طبخك مافي طبخ بس ارتاحي يابعد روحي
جهز الفطور و جلسو ثلاثتهم يفطرون
صب علي شاهي بالحليب بأكواب و ابتسم:والله وقتها
ابتسمت سراب:يعني دايم وقت تختفون مع بعض تجون هنا
زاهد:ايه
ابتسمت بخفة:عجبني المكان كثير بصير اجي معاكم كل مرة
زاهد:على خشمي
ابتسمت بخفة و كملو فطورهم
سراب:معليش يعني علاوي بس ذا الذ كبدة اذوقه بحياتي تسلم يدينك زيز
زاهد ابتسم:عافية عيون زيز
ضربته:ولد استح اخوي هنا
علي:خفيف معليك
ضحك زاهد:شسوي طيب أنا احبك يعرف اخوك هالشي
علي قام: بدور شوي بجلس لحالي لوسمحتو يعني لحد يضايقني
ضحكت و مشى علي بعيد عنهم
قام زاهد يشيل الأغراض و ساعدته و جلسو على الفرشة
انسد على رجولها ولعبت بشعره:وش تفكر فيه
زاهد:بالدورة العسكرية! احس متوتر عشانها مو متعود ابعد فترة طويلة عن اهلي و اخواني و اخواتي و عنك تعودت عليك لازم كليوم اشوفك كيف كذا شهور ما اقابلك
سراب:لازم تروح عشان مستقبلنا عشان حياتنا سوا
زاهد:بتشتاقين لي!
عبست:اكيد
ابتسم:نقوم نتمشى شوي!
هزت راسها تعدل شماغ علي على شعرها و سوا زاهد بشماغه مثلها و مشيو مع بعض
لمحت علي يمشي بعيد و جلست على الرمل و زاهد يمينها
اسندت راسها على كتفه:اعترف لك بحاجة
زاهد:وش!
سراب:ما ادري احس بضايق اهلك لو جلست عندهم
ناظرها بذهول:سرابي وش هالحكي بالعكس دايم يسألني ابوي لو انتي بتجين و امي بتجهز له غرفة ابتهال و افراح متحمسة تقول تسهرون سوا
ابتسمت:استحي من ابوك
ضحك:لايسمعك بس
ضحكت باتساع من ضمها لصدره يسولفون بعدة مواضيع عن مستقبلهم سوا
- بيت الجد -
جلس عبدالعزيز بعد ما صب لابوه قهوة و ناظر شهد نازلة وجلست جنبهم:عصر الخير
علياء:هلا بنتي كيف امورك
شهد بتحلطم:سيئ كل شي سيئ
ضحك عبدالعزيز:افا وين الي بتسند زوجها وتكون معاه دايم و درست إدارة أعمال عشانه
شهد:مع نفسك انت و الشركة ليت اخذت شي سهل
قبّل يدينها:وش صعب عليك!
شهد:عندي برزنتيشن صعب و لا كمان طلبو اقدمه باحد الشركات وباخذ عليه درجات من إدارة الشركة
عقد حواجبه:طيب شركتنا موجودة
ناظرته:يفشل اقلك ماسويت بعدين صعب اوقف قدامكم كلكم و اقدم اهخ صعب
هز بالنفي:مافي شي يخوف ولا صعب ، انت حبيبة عزوز ومافي شي يصعب على حبيبتي
ناظرته باحراج من نظرات حمد و علياء عليهم وضحكت علياء:تدرين شي
شهد بخجل:وش!
علياء:انا علمت عزوز من وهو صغير عن اي شي يحبه يبالغ بحبه و يعبر وما يستحي ولا يخجل لان الحُب شي نابع من قلوبنا و اذا شي حلال وعادي ليش تستحون
شهد:هو يخليني استحي
حمد ضمها:بالعكس حلو ، تدرين ليش يقول لك كذا بسهولة قدامنا عشان هو متعود ، عزيوز يحب المبالغة بحب الاشياء الي تستاهل افهمي انو انتي شي كبير عنده يفتخر بحبك يفتخر بعلاقتكم يحب يعبر كل شي بقلبه لك لو قدامنا عادي انتي زوجته و حلاله ، ويقول الي يقوله حلو هالشي مرة يزرع بينكم علاقة قوية بكرا لو ربي رزقكم بالضنا خلوكم زي كذا عبرو خلو عائلتكم تكبر على حب و عمق بتعببر الي بقلوبهم ، لو عطيتي طفلك راحة و الحرية يعبر الي بقلبه يجيك كل مرة يخبرك بكل شي عكس إذا علاقتك مع عزوز بالغرفة حلوة و تطلعون لعيالكم بشخصية جديدة بقول والله عشان ما اعطيهم وجه و يتدلعون وقتها والله يكتمون بداخلهم اشياء كثيرة يتجنبونكم كثير بيكون بينكم علاقة ام و طفلها فقط! الأفضل تكون اعمق بكثير عشان يلجئون لكم دايم
ابتسمت بوسع ثغر تسمع حكيه وتلاحظ نظرات عبدالعزيز لها
توها تدرك انه هو كذا متعود وكذا تربى وكذا وده يعيشون
قربت منه وهمست بخفة:اوعدك أكون ام و زوجة الي تتمناها
ابتسم يقبّل خدها و قام رجع بعد دقائق بألبوم صور:نشوف صورنا
ضحكت شهد بحماس:الله يحمس
جلسو بجانب بعض كلهم يشوفون صور طفولة عبدالعزيز و خولة و جود
حمد:هنا بأول يوم له بالمدرسة كان متحمس مرة
ضحكت شهد:الله والكشخة
ابتسم عبدالعزيز يناظر صور خولة:ذي هنا سوو حفلة بيت جيران وكلنا متجهزين بنروح الا خولة رفض عشان امي قصت شعر جود وماقصت لها
علياء:وقتها لعبت جود بالمقص و خربت شعرها و انا عدلته وهي ماغير تصيح الا تقصين لي كمان و عاد عزيز يحب الشماتة صورها وهي تصيح وحطه بالألبوم قال وقت تتزوج اوريه زوجها
انهارت ضحك من صور عبدالعزيز صورت خولة و ارسلت لـ قروب:حزرو فزرو مين ذي!
لفت الصور و لفت نظرها صورة تجمع ثلاث رجال رجفت يدينها تشير لـ الي متوسط الصورة شاب بعمر العشرين شعره طويل لين عيونه و الشماغ على كتفه و طاقيته على شعره و مسواك بفمه و مشمر اكمامه و رافع ثوبه لخصره و محاوط يمينه حسن و يساره حمد
همست بدون شعور:ابوي عماد صح!
هز راسه:عماد وانتي الصادقة ابوك الله يرحمه
دمعت تمسح على وجهه نفس ملامحها تشبهه لكن فرق انه رجال و ملامحه حادة شوي
بكيت:اشبهه مرة
ضمها عبدالعزيز:الله يرحمه ياروحي
شهد:عندك صورة له لوحده
قلب حمد الصور و طلع صورة لـ عماد بيوم عرسه
حمد:اقلك شي!
شهد:وش
حمد:كنا مرة نسولف مع شلة شباب عن العيال وكذا نقرر وش نسمي بعض تعرفين وقتها كل الناس تبغى عيال عشان يسندونهم والعيال هم العزوة والسند وقت جاء دوري قلت ابغى ولد اسمه عماد من زود حبي لابوك لكن رفض وهو سماه عبدالعزيز
ابتسم عبدالعزيز بذهول وهو اول مرة يسمع ان مو امه و ابوه سموه و اختارو اسمه
شهد:ابوي عماد وش قال!
حمد:عماد قال ابغى بنت تعالت الاصوات بالسخرية من كلام مين يبغى بنت مين يبغى ويطلب القهر والهم لنفسه
عبست ودمعت وكمل حمد:ابوك رد مو كل ولد سند أحياناً تطلع البنت فيها خير اكثر من الولد هي تبقى سند و ظهر ابوها لو طحت بنتي هي بتشيلني لو تعبت هي من توقف عند راسي تداويني لو مت محد بيزعل علي كثرها لأن الولد ماهو زي البنت البنت تدخل بيتك البركة تدخل بيتك الراحة البنت تدخلك الجنة
بكيت أكثر بصدمة و ذهول من كلام حمد عن ابوها لها وهمس حمد بغصة:قال بسميها شهد معناه عسل ومتأكد أنها تطلع حلوة مثل اسمها و احلى بعد لأنها بنتي بنت عماد و رؤى
بكيت:احس احس اني مقصرة ليش ما ادري عنه من زمان ليش راح و تركني
حمد:ربي كاتب هالشي لك و لهم يابنتي ما تأخر شي بأمكانك تسوين حاجة تنفعهم وهم عند خالقهم
عبدالعزيز قبّل جبينها يضمها لصدره:حبيبي خلاص
حمد بضحكة:عاد تدرين انا وش قلت!
شهد:وش
حمد تنحنح:والله ياعماد بنتك شهد مالها الا ولدي عبدالعزيز
تنحنح يقلد نبرة صوت عماد:بنتي غالية تستاهل الغالي
حمد رجع يقلد نبرة صوته:افاا ولدي عزيز مايحط بنتك الا بعيونه و قلبه بعد
ضحك يقلد نبرة عماد:خلاص تم البنت لولد عمها
تنهد يناظرهم:النصيب وربي كيف كاتب لكم تتزوجون بدون ما تعرفون انكم لبعض من طفولتكم
عبدالعزيز بصدمة:امااا
علياء:صدق حمد!
هز راسه:والله صدق قلنا شهد لـ عبدالعزيز و عبدالعزيز لـ شهد لذا انبسطت مرة وقت عرفتني عليها وقت زوجتي و عمك قال على طول بنت عماد
ابتسمت شهد و اخذت صورة عماد:بأخذها ممكن
حمد: خذيه يابنتي حلالك ولاعاد تبكين بيزعل عماد ويطلع لي بالحلم بعدين يقول بكيت بنتي
أنت تقرأ
مَا الذِي بعَيناكِ لتغلبِنيِ هكذا باستمرَار
General Fictionكاتبـة رَوان الانستا: rlliie44 البطل - عبدالعزيز - بيوم ادافع عن امي يوم ابوي يضربها واتسبب بقىًله وسبب هالحادثة تغيرت حياتي - البطلة - شهد - اكتشفت بعد ١٨ سنة سر خطير يدمر حياتيّ وش مصير الاثنين ؟!
