.
دخل مع سعود بيت الجد وشاف طلال مع مازن بالاستقبال سلم بحدة و كره يناظرهم تقدم يسلم على حسن الي يناظره بذهول: ماشاءالله متى جيت من دبي
عبدالعزيز:الصباح لحقت على حجز مستحيل اترككم بيوم كذا
ابتسم صقر:والله الي يامرحباااااا
ابتسم عبدالعزيز يسلم عليه:بشوف امي بطمن عليها
هز راسه:روح أساساً محد جاء من معازيم الا كم شخص
هز رأسه عبدالعزيز بالايجاب يدخل بيت الجدة:ياولد
خرجت خولة:عزيز
فتح حضنه يحضنها وحاوطته وسكنّ بحضنها وهي تمسح على شعره:كلمتها
زفر والدموع بعيونه:اختارته علي ؟ تسوي الي تبيه حرام عليها حبي
خولة مسحت وجهه:الله يعوضك
عبدالعزيز هز راسه:بشوفها للمرة الاخيرة الله يخليك
بلعت ريقها :لاتسوي بنفسك كذا
عبدالعزيز بترجي:خوخه ارجوك اخر مرة
دمعت من حالته:روح المطبخ وبخلي البنات ينزلون وتلقاها بغرفة جود
هز راسه يدخل المطبخ وسمع بعد دقائق إزعاج البنات بالمجلس
ركض لغرفة جود
شافها تتجهز ناظرها و تبادلو النظرات و نزلت دموعه و صد يروح غرفته ونزل بعد ما عدل شكله وتنحنح:ياولد
علياء بصدمة:امي انا متى جيت
عبدالعزيز:قبل شوي تجهزت و بخرج مابطول عليك
علياء:بترجع تسافر
هز بالنفي:لا خلصت الاجتماع و سكرتير حقي يكمل باقي عني
ابتسمت بحنية وخرج باستعجال يوقف مقابل مازن يراقبه
ناظرت الجدة خرجوه و ناظرت خولة الي لابسة فستان اسود وهي زعلانة و متضايقة لاجل اخوها ناظرت الجدة بقهر انها سبب بكل شي و صدت تستغفر تروح للبنات
-
ناظر دفتر العقد بيدها وقدامها صقر وغمضت عيونها وهزت بالنفي:مقدر
صقر باستغراب:ليش ؟
شهد تركته ولفت تناظر امواج عند الباب تنتظرها ورفعت جوالها بصورة حسن وهو يرقص عند الرجال
غمضت عيونها بضيق توقع باستعجال وهمست:من التوتر
ضحك صقر: مبروك حَرم النشبة
شهد هزت راسها وقفلت الباب وسمعت زغاريط الحريم ومشيت تجلس على كوشة الصغيرة الي زينوها لها
جلست تشوف البنات يرقصون ومبسوطين
ناظرت سراب الي وافقة بعيد عنها تبكي بالخفاء
مسكت يدها منيرة:يالله بنتي ماترقصين
دمعت تضم امها و مسحت منيرة على شعرها و حاوطهم البنات يشغلون اغنية و يرقصون شهد بالقوة رغم رفضها متحججة بالتعب
قربت ام مازن:يالله زوجك ينتظرك
وقفت بصدمة تحاول تستوعب الأحداث أدركت فعلاً انها صارت زوجته رسمياً ويقدر يأخذها الحين غمضت عيونها تتمنى تتخلص منهم
مشيت مع البنات يجهزونها
سارة:وشفيك ترجفين
افراح:وشفيك اكيد ترجف توتر عروس
ابتهال:ابي اعرف ذا الحين ليش مستعجل ياخي اثنعش توه صارت ؟
شهد بهدوء ناظرتهم تسمع نقاشاتهم وخرجت تشوف حسن ينتظرها حضنته تبكي وحاوطها:بنتي ؟
شهد:انتبه لنفسك بابا
حسن ضحك:ان شاءالله وانتي بعد يابنتي
صقر:الصراحة تزوجتي بسرعة للحين مو مستوعب
ضحكت بحزن تحضنه وباس راسها ومشى معاها لـ سيارة مازن:انتبه لها
مازن بابتسامة خبيثة:معليك عيوني شهد
ناظرته شهد بحقد و قهر ولفت تناظر عبدالعزيز يناظرها و غمضت عيونها بضيق وحرك السيارة
شد عبدالعزيز على يده بقهر و الم بصدره و صد ياخذ نفس بالقوة و عض شفايفه يبعد للحوش الخلفي يمسح دموعه وهمس:ودعتك ربي يابنتي
الجد:طرحو العشا
حسن:بدري ابوي
سلطان:صدق انتظرو شوي أساساً كافي اخذ البنت بسرعة مدري على وش مستعجل ذا طلال هو و ولده
سالم:ياخي مسبوطين امشو الربع ينتظرونا
دخلو يجلسون مع الرجال وكذلك عند الحريم الي كملو رقص و وناسة
-
- صالة الحريم -
كانو البنات مستمرين بالرقص و مشيت سارة مع لينا تعرفها على امها و البنات
-
ناظرت سراب شيخة الي متضايقة و زعلانة وهمست:وش فيها خالة شيخة يا بنات
ابتهال بضيق:زعلانة عشان اخوي عمر ما احترموه تونا فقدناه وسوو عرس لو ماغلات شهد والله ماحضرنا ياخي عمي كيف يفكر مايحس فينا و في اخوه
افراح صدت بضيق:خلاص توتا
مسحت دموعها ابتهال بقهر
- بعد ساعة -
روآف:ياخي تعبت
خالد: لجل شهد تستاهل الي يتعب عشانها وإلا مازن على تبن
ضحك زاهد يشوف عبدالعزيز جالس يناظر جواله:خير يالحبيب تنتظر رسالة الحب
ضحك عبدالعزيز بضيق:ليش عندك شي
صقر:من اول تهوجس اليوم مو على بعضك
عبدالعزيز:مو بالع مازن
صقر:هو صحيح نشبة بس دام اختي موافقة وهي تعرفه اكثر مننا ماقدر اقول شي
ناظره عبدالعزيز وفزو برعب من سمعو صراخ مازن
طلعو بسرعة للبوابة يشوفون شهد مايسترها شي غير فستانها و الدموع على خدها والكحل والمكياج سال وتناظر بفراغ ومازن باشمئزاز ماسكها من طرف فستانها
رماها عند رجول صقر:خذو بنتكم العايبة
عبدالعزيز بصراخ ينزل شماغه يغطى شهد:ابن الك/لب
مازن بسخرية:والله الك/لبة بنتكم مو انا
حسن بصدمة ينحى بسرعة لـ شهد:احترم نفسك ولد طلال
مازن:بنتك الي تقول عنها ربيتها احسن تربيها شوفوها وثم زوجوها وافقتو على طول و قلتو نبي ملكة بسرعة عشان ايش؟ تبلشوني فيها؟
خالد سحبه من ثوبه يصرخ بوجهه:بنت عمي اشرف منك يا ك/لب
لكمه على وجهه وطاح على الارض و هجمو عليه العيال بالض/رب
حسن حضن شهد ودخلها يغطيها عن الرجال الي تجمعو ودخلها البيت و خرجت منيرة تصرخ بعد ما سمعت الي صار: بنتي
حسن بحدة:وطي صوتك وادخلي لـ شهد اشوف الك/لب الي برا
خرج بعصبية يشوف طلال يدف العيال عن مازن و الجد ارتفع ضغطه من كلام الناس عن شهد وطاح عليهم و اسندوه أحد المعازيم يدخلونه للحوش يجلسونه على الكرسي
نايف يحاول يبعد العيال:خلاص صقر اتركه بىًقىًله
صقر بحدة:ابن ك/لب يتكلم عن اختي تعال يا ** اربيك
مازن بسخرية:روح عيد تربي اختك الشريفة
عبدالعزيز لكمه على وجهه:ذا الي يبيني اقىًله سعود اتركني اترك
سعود صرخ يبعده:عبدالعزيز خلاص بتقىًلونه
روآف بانفعال:يستاهل ينقىًل يستاهل اجل رخمه مثله يتكلم بشرف اختي
ضحك مازن بألم ينطق:لايكون انت الي ضيعت شرفها معاه
صرخ عبدالعزيز ينهال عليه بالض/رب و تقدم روآف معاه و صقر
حسن بتعب همس:ياربي
علي:عيال خلاص الشرطة تتفاهم معاه الك/لب ذا
طلال:بيننا الشرطة يا حسن انت وعيالك
حسن :هقوتها فيك وانت عمها تف عليك وعلى تربيتك بنتي اشرف منك و من كل اهلك
طلال بسخرية:واضح وهي تطلع بليلة عرسها مو بنت
سلطان بصراخ وانفعال:طلال حدك تغلط على بنت اخوي
دف رواف نايف الي يمسكه وتهجم على طلال يلكمه
-
- صالة بيت حسن -
جالسة بفستانها على الارض تناظر الفراغ غمضت عيونها تتذكر كل شي صار كيف اول ماوصلو البيت سحبها للغرفة وكيف اخذ حقوقه الزوجية كما يقال هو بالأجبار وكيف رجع لبسها فستانها وهي كالجثة وسحبها ورماها عند رجول اخوانها و ابوها كيف سمعته يشكك بشرفها قدام ناس تعرفهم و ماتعرفهم
حست بامها تحضنها وتسمع اصوات صراخ بالخارج و صوت بكاء البنات حولها وهي للحين مصدومة كانت متوقعة كل شي منه بهالليلة من تعذ/يب و تعن/يف إلا ان يصير فيها كذا وتصير على لسان الناس ويتكلمون بشرفها
سمعت صوت الجد و ابوها و صقر حولها
حسن:بنتي كلميني
الجد:شهد اصحى تكلمي وش صار
صقر بصراخ: اتركوني عليهم يسوون كذا ليش
الجدة وهي تبكي:ياربي بنتي انا
شهد رفعت يدها تبعد امها عنها و توقف بصعوبة ونطقت بثقل كلمة:انا مو بنت
غمضت عيونها تفقد وعيها بحضن حسن
صرخ يجيبون لها العباية ورميت افراح عبايتها عليها بخوف وشالها صقر عن ابوه وهو يشوف رجفة ابوه و خوفه عليها
خرج وصرخ:عيال السيارة
سعود رمى مفتاحه لـ عزيز:عزيز
اخذ عبدالعزيز المفتاح يركض بخوف يشغلها وركب صقر بحضنه شهد و قدام حسن و حرك للمستشفى بسرعة
حسن بعصبية:كيف وثقت فيهم كيف
عبدالعزيز بقهر:حقها بناخذه والله اهدا اهم شي شهد تكون بخير
وصلو المستشفى و اسعفوها
دخلت منيرة و معاها جود و علياء و سعود
منيرة بانهيار: بنتي يا حسن وش صار فيها
حسن بقهر:مدري ماقالو لنا
سعود:بكلم الدكتور انا معليكم الامور طيبة
صقر بقهر:يبه بنسكت عن كلامهم
منيرة بانهيار:كيف يتكلمون عن بنتي كذا كيف يسوون فيها ؟
حسن:والي خالقني ما يسلمون من يدي
عبدالعزيز ناظر غرفة بقهر وخوف
جود بهمس:ان شاءالله بتكون بخير اهدا
عبدالعزيز بهمس و بحة خوف:جود
جود:ابوي انا أهدأ شهد بتكون بخير
اسند راسه على كتفها يبكي وهمس:ماقدرت أنقذها ماقدرت
رفعت يدينها تحضنه لصدرها تهديه
-
- مجلس بيت حسن -
روآف:جدي بنسكت لهم؟
سلطان: روآف خلاص
روآف بانفعال:خلاص ايش يبه ؟ يسوون الحركة ذي باختي ونسكت لهم ؟ والله الي يعقبون
زاهد:هربو ابن الك/لب يحسبون خلاص انتهت السالفة هنا ، ما اكون ولد سلطان ان ماخليتهم يحبون رجولها يطلبون السماح
الجدة:خليفان تكلم
الجد:خلها تخرج من مستشفى ونتكلم
سالم:وش نتكلم يبه اكيد ما حنشك في شهد وهي تربت تحت يدينا
الجد بحدة: سالم خلاص
سارة مسكت راسها بصدمة و بكى:زاهد قم خذني لهم
الجد:حسن قال شوي و يرجعون ماله داعي نروح
ناظرت ابوها ثوان و صدت تبكي
فزو كلهم من دخل حسن و معاه منيرة يسندها ووراهم صقر يسند شهد
الجدة:بنتي تعالي
شهد ناظرتهم وصدت تناظر الفراغ
الجد:وش قال الدكتور ؟
حسن هز راسه:يبه بعدين
سالم اشر للعيال يخرجون و خرجو كلهم ماعدا صقر
صقر:انا ذباحه ذا مازن والي يقدر يمنعني
الجد اشر للبنات:جيبو لي قرآن
ناظروه بصدمة وصرخ :جيبو لي القرآن
فزت خولة تجيب له و اخذه منها
الجد قرب من شهد:احلفي لي انك طاهرة وعفيفة؟
حسن بصدمة و انفعال:يبه بنتي ذي
الجد ناظره بحدة:حسن!
صقر:جدي وش الي تحلف ما اسمح لكم أختي ذي شهد يا جدي شهد
حسن صد من نزلت دموعه:البنت بنتي مالكم حق تتكلمون فيها
الجد:البنت امانة عماد ناسي ؟ والي يتكلم عنها ما يسلم بس نبي نعرف الموضوع
شهد رجفت يدينها تلمس القرآن:احلف لك يا جدي اني كنت طاهرة و عفيفة قبل ساعات بس تغير كل شي بعد ما اخذ حقوقه الزوجيه ولد طلال مني بالاجبار
شهقو البنات بصدمة والدموع بعيونهم وناظرتهم:صدقتو
حضنها حسن و صرخت تبكي:صدقتو صدقتو يا اهلي مو انا الي اسوي العيبة مو انا يايبه اسويها
الجد بحدة:بكرا نروح الشرطة ترفعون عليه قضية ولد طلال ذا
شهد بوجع:يبه ااهخخ شلون شلون بعيش يبه تكفى
حسن :خلاص يابنتي وعد اخذ حقك والله
شهد بانهيار:يبه اهخ يا يبه عماد ليش تركتني وحيدة بهالدنيـا
نزلت دموع حسن من ضعف بنته و انهيارها وهمس:اسف يابوك اسف سامحيني
صقر ركض بسرعة مكتب حسن اخذ س/لاح من كان موجود وخرج بسرعة وشياطين الارض راكبة راسه
صد من خلف الكل يخرج من البيت
مسكه زاهد بالحوش: على وين
صقر:اقىًل ابن الك/لب
خالد بسخرية:هربو
ناظره صقر بصدمة:وين
خالد رفع اكتافه بعدم معرفة:رحنا لهم البيت محد موجود الظاهر يا ولد عمي ، عيال الحرام مستقصدين الحركة و بعد فعلتهم انحاشو
روآف بانفعال:وش الي يخلونهم يسوون كذا ببنت اخوهم
عبدالعزيز بقهر:عداوته السابقة للمرحوم ابوها والحين ينتقم منه من وحيدته
صقر ضرب الجدار بقهر و نزلت دموعه يصرخ ومسكه خالد:يمين بالله ما نتركهم بس أهدأ
صقر:وحيدتنا يا خالد كيف فرطو فيها كيف سوو كذا فيها كيف صدقنا و ما شكينا فيهم كيف
خالد حضنه:فاهمك والله وشهد اختنا كلنا والي يفكر يقول عنها لو بكلمة يشوفنا بوجهه
صقر بضعف:كيف اقول لـ وضاح الي صار ؟ كيف وصاني عليها يا خالد ، وضاح كيف يتحمل يسمع هالكلام! هو الي رباها يا خالد كيف بقوله بنت قلبه سوو فيها كذا
انهار يبكي بحضن خالد و صد عبدالعزيز يخرج ياخذ نفس من ضاق صدره كح بقوة ياخذ بخخه يبخ بفمه ياخذ نفس و جلس على الارض عند السيارة وانهار بالبكاء:سامحيني شهد سامحيني
أنت تقرأ
مَا الذِي بعَيناكِ لتغلبِنيِ هكذا باستمرَار
General Fictionكاتبـة رَوان الانستا: rlliie44 البطل - عبدالعزيز - بيوم ادافع عن امي يوم ابوي يضربها واتسبب بقىًله وسبب هالحادثة تغيرت حياتي - البطلة - شهد - اكتشفت بعد ١٨ سنة سر خطير يدمر حياتيّ وش مصير الاثنين ؟!
