مَا الذِي بعَيناكِ لتغلبِنيِ هكذا باستمرَار

بارت " 59 "

..

قفل و رجفت يدينه بخوف من فقدانها و انسدح على سرير يفكر فيها و غفى
-
- شقة عبدالعزيز ، الفجر -
مشيت تصحى عبدالعزيز وفز:وشفيك
شهد جلست تبكي و قام بخوف يضمها:وشفيك!تعبانة
هزت راسها:لا بس مشتهية اشم ريحة غنم
غمض عيونه يستوعب:غنم! متاكدة فيك شي مشتهية لحم الحين ادور لك مطعم و اجيب لك
صرخت:لا ابغى اشم ريحة غنم ابغى كذا اناظره عزيز الله يخليك
عبدالعزيز بصدمة:يابنتي وشفيك! انتي صاحية امس كيط والحين ريحة غنم!
بكيت تلبس عبايتها:انا روح انقلع انت مامنك فايدة
مشى بسرعة يلبس ثوبه يلحقها ويخرجون
ركب وركبت جنبه يشغل السيارة وناظر الساعة ٥:٣٢ فجر
تنهد يناظرها تبكي وتتأمل صور الغنم بالجوال و صد يكتم ضحكته و صدمته
حرك لـ  سوق الغنم و وصلو و نزلت بسرعة تدخل الشبك و تجلس بوسط المكان
ناظرها بصدمة و نطق:بنتي توسخت عباتك !
صرخت:اسكت لا تزعجني
قرب منه عامل من سمع صوت ازعاج الغنم و نطق:اي في يالله اطلع من هناك
عبدالعزيز:روح الحين لا يعصب بس
هز راسه و مشى
شهد بفرح تحضن الغنم و التمو حولها وهي تضحك و تاخذ نفس بعمق و تزفر براحة
ضحك يصورها وهو يتكلم:اذكر وقت طقطقت عليك لانك توحمتي على معقمات و والحين ابتليت واعاني ام دحيمّ توحمت على غنم والله البلشة
ضحك يحفظه و يرسلها لـ جود سناب وقفل الجوال يجلس على سيارته يناظرها و ابتسم باحراج من شرقت الشمس يشوف بدأو الناس يجون يشترون و يبيعون و شهد بالشبك يناظرونها بصدمة
نطق شايب:انس ولا جن
شهد بحدة:سلامات انس اكيد
تاففت بجوع ترجع تركب السيارة و لحقها عبدالعزيز يركب:خلاص نرجع البيت!
ناظرتها بصدمة:لا نفطر و نرجع مرة ثاني
ناظرها بعدم تصديق و حرك باتجاه مطعم:يالله
ناظرت لوحة المطعم:جايبني افطر فول!! اقول ابغى اكل لحم
ناظرها بصدمة:كان قلتي
صرخت:قلت انت اعمى ماتسمع
نطق بهمس:اعمى!! ماتسمع!! ماتجي مع بعضها
ناظرها تبكي و هز راسه بحنية:ابشري اسف ماسمعتك الحين نروح نفطر كبسة لحم
ابتسمت ببراءة:صدق
هز راسه:اي والله ابشري
حرك يدور مطعم مفتوح الوقت ذا لين لقى و طلب و نزلت من السيارة يدخلون يأكلون و تتلذذ بكل لقمة
ابتسم يقطع لها لحم ويؤكلها
-
- بيت سالم -
خرجت فاطمة من الغرفة على صوت ازعاج بالمطبخ و مشيت وهي تقول:خالد ؟ عسى خير صاحي بدري
ناظرت بصدمة من كانو فرح و رايا عليها جلال
فاطمة:بنات وش تسوون!
فرح:صباحو يمه
رايا:صباح الخير خالتي ام خالد ، اسفين ازعجناكم بس جعنا و جات فرح و قلت لها نسوي الفطور
فاطمة:بالعكس بنتي زين سويتو بس تعبتو كان جهزته المساعدة
رايا:لا عادي احب اسوي لنفسي
فاطمة ابتسمت بحنية وهمست:عسى ارتحتي بالنوم!
رايا هزت راسها:ارتحت ماحسيت انو بيت غريب علي
فرح بحماس:بعد العصر بتطلعون المحكمة!
رايا بحزن:خالد قال كذا البارح مدري لو كنسل او لا
شهقت فاطمة:وش يكنسل بالعكس صحى من اول يجهز و قدم من البارح طلب للمحكمة
دمعت عيون رايا تناظرها
فاطمة قبّلت خدها تمسح دموعها:ولدي اعرفه زين مافي منه و حنون وطيب بس لو مرة ازعجك و ضايقك علميني اربيه من اول و جديد
ضحكت رايا:لا والله مافي مثله و حنون مرة على بنتي يشهد ربي علي الكم يوم الي شافت فيها بنتي تعامل خالد معاها ماشافته مع ابوها
دمعت تكمل:و حتى تعامله معاي رغم للحين ماصرت على ذمته
فرح غمزت لها:كم ساعة و تصيري على ذمته
تنهدت فاطمة وابتسمت:تعرفي تطبخي!
ضحكت بخفة:اعرف كل شي حتى المفطح اسويه
شهقت فرح:مستحيل
رايا:والله عاد بيت اهل زوجي تعلمت كل شي بعد ما كنت عندهم خادمة
عبست فاطمه:لاتقولي كذا ربك يأخذ حقك منهم
جهزت رايا الطاولة مع فرح و مشى خالد بخفة و صرخ يخوفهم وانهار ضحك من صرخو بفجعة
ركضت رايا لغرفتها من جاء و احترمت كونها للحين ماصارت على ذمته وضحكت فرح عليها
خالد ابتسم بخفة وهمس:كم ساعة وتصيري على ذمتي
ناظر فرح:امي صحيت!
فاطمة حطت ابريق الشاهي على الطاولة:اي صاحيين ياولدي
مشى يقبّل جبينها:صباح الخير فطوم
ضحكت:بالنور خَلود
ضحك من خرج ابوه يقول:وانا ترا ابوك لو ناسي
ضحك:افا تغار على امي يا سلوم!
ضحك سالم:ولد
قبّل خالد راسه و فرح كذلك و جلسو يفطرون
فرح مشيت تجهز صينية لـ فطور لها و لـ رايا
سالم:ماشاءالله وش هالفطور الي يفتح النفس ماعرفت نانا وهي تجهز فطور كذا
ضحكت فاطمة:وين نانا حرام عليها الراتب وهي للحين نايمة خطيبة خالد و فرح جهزوه
ناظرها خالد بصدمة:اما ؟
سالم ابتسم: ماشاءالله اعرف فرح جهزت بس الصحون
فرح بصوت عال:يبه ترا اسمعك!
ضحكو يفطرون
فتح جواله على اتصال وضاح و نطق:ولد العم صباح الخير بالبيت افطر ، خير تبي كل يوم اقابل خشتك و أفطر عندكم اليوم مع اهلي ، طردة ذي من شغلي ؟ لا ورانا اجتماع وش الي لاتجي ، وضيح تمام تمام لاتعصب وشفيك هد خذ الامور بروقان
ضحك و هو يقفل و نطق:للحين مدري كيف ذا صار ابو
فاطمة:بغى شي!
خالد:قال لاتجي الشركة اليوم!
ضحك سالم:لايكون كنت بتروح ؟
خالد:ورانا اجتماع مع سامي قلت اخلص مع موضوع الزواج و اروح الشركة!
سالم:يحلونها العيال الشركة مو طايرة
خرجو من كان الجو مغيم و قررو يشربون شاهي بالحوش
تجمعو كلهم بين السواليف والضحك
نطق حمد باستغراب:عزيز وينه و شهد!
علياء:مدري اتصلت عليه مارد
وضاح:بشوف شهد
اتصل ولف لمصدر الصوت انتبهو لدخول شهد
الجد:من وين جايين؟
شهد بحماس:من عند الغنم
ركضت تدخل البيت و دخل عبدالعزيز الحوش و بحضنه غنم
ناظروه بصدمة و نطق روآف:وشفيه!
عبدالعزيز:لا تسأل المدام توحمت على ريحة غنم
انهارو ضحك و ربط الغنم على جنب و نزل ثوبه يرميه على جنب يجلس
رفسه وضاح:قم تروش شف ريحتك
عبدالعزيز: ياخي برتاح شوي قسم من قبل الفجر طالع
ضحك حسن:وش سوت!
عبدالعزيز:بنتك يا عمي توحمت تشم ريحة غنم رحنا فجأة جاعت تبي كبسة لحم اكلنا كبسة ، و انهارت تبي نرجع للغنم وما وافقت نرجع البيت إلا نشتري واحد لها
منيرة بصدمة:يويلي وشفيها مرة وحدة على غنم
طلعت شهد بسرعة معها سجادة تجلس بجانب الغنم و تلعب معاها
ناظروها بصدمة و انهارو ضحك عليها
ناظرتهم بحدة:بابا حتى انت تضحك علي عيب
هز بالنفي:لا والله بس مصدوم
زاهد:تحبيهم ما الومك نفس عيالك!
رفسه عمر:ولد عيب
ضحك عبدالعزيز بخفة يقوم لها و قبّل راسها:بروح الشقة اريح انتبهي لنفسك تمام
هزت راسها بـ حُب:أحبك وربي يخليك لي
ابتسم بوسع ثغر و توجه للشقة و اخذ دوش و انسدح ينام
مشى محمد بين يدينه رضاعته ووقف عن الغنم المربوطة باخر الحوش
حط الرضاعة بفم الغنمة و وانهار زاهد ضحك عليه
صقر بصدمة:ورع!
الجدة ضحكت:قم صقر جيبه لا يهج عليه الغنم
صرخ محمد يبكي من شاله صقر وضحك بسخرية:وش حبيتها نزوجك
بكى محمد:ننا صرق ننا
صقر:صقر اقلك شوهت اسمي وش الي صرق
بكى محمد زيادة يدفعه و نزله صقر و ركض محمد عن حسن يبكي و يشتكى و ضحكو عليه
-
- غرفة افراح -
صحيت بتعب و نزلت دموعها تتذكر الليلة الماضية تتذكر كيف انخدعت وكيف وثقت و انخذلت من شخص كان اقرب من روحها شخص حبته من كل قلبها طلع قريب منها لهالدرجة وماعرفته! كيف ماشكت وقت كان يغير الموضوع بكل مرة وقت تطلبه يفتح الكام
بكيت بصدمة تفتح جوالها و تشوف رقم غريب و رسالة
سمعت صوته و بكيت تسمعه و رميت جوالها بعيد تغمض عيونها تنهار بالبكاء
-
- محكمة -
طلعت بجانبه من المحكمة خلفهم عمر
خالد شابك يده بيدها و همس:شفيك!
ناظرته بهدوء:بنتي!
خالد شد على يدها:بنتنا بخير لاتشيلي همها
دمعت تناظره يطمنها
عمر مد له اوراق رسمية لـ زواجه:امسك يا عريس
خالد بامتنان:ماقصرت ابو سلطان والله بفضل الله و واسطاتك كان ما انحلت الامور بسرعة
عمر طبطب على كتفه:ماسويت حاجة الا كلمت القاضي بموضوعك و تزوجتو بسرعة أقل شي اسويه لاخوي
ضمه خالد و مشى عمر يودعهم يروح لـ شغله
خالد ناظرها:بنت زياد!
ابتسمت بخفة تمسح دموعها:ولد سالم
ابتسم يمشون باتجاه السيارة
ركبت و لفت عليه و همست:كم دفعت!
وقف بصدمة:ايش؟
رايا بغصة:كم المبلغ الي حطه اكيد ما تركني كذا!
خالد ضمها:يشهد علي ربي ان الي دفعته مبلغ عشان ينقلع وإلا والله يحلم بقرش واحد عشانكم وانتم اغلى من انه ينحط سعر لاجل اخذكم منه ، انت و رؤى غاليين و اغلى من فلوس الدنيـا كلها والله
بكيت تحاوط:خالد
مسح على ظهرها:لبيه يا حَرم خالد
ضحكت باستيعاب:توني استوعب الحين أنا تزوجت!
ضحك بصدمة:مستحيل وش نسوي بالمحكمة من اول اجل؟ فاهية مثل فرح
ناظرته باحراج تمسح مكياج الي سال و لصق بثوبه و همس:ياخي فداك الثوب و راعيه بس لاتبكي ولاتفكري من الحين بكلم محامي عشان ناخذ رؤى بالقانون
رايا بامتنان:الله يقدرني و اسعدك
خالد:ابتسمي! وذا الي ابيه
ابتسمت بخفة و صدت تناظر الشباك وهو حرك سيارته و انشغل يكلم محامي معروف لاجل وصاية رؤى
دخلو البيت على أذان العشاء و شافو عبدالعزيز متكتف بالحوش واقف و شهد مازالت جالسة بجانب الغنمة تسولف معاها
ضحكو بصدمة و مشى خالد:عزيز!
لف عليه:عريس! مبروك
خالد:يبارك فيك بس انتم من الصباح على هالحالة!
هز راسه:وحامها اليوم قايم قسم جالطني مرتين متروش اليوم
ضحكت رايا تناظر شهد و صدت تدخل البيت
مشيو العيال كلهم للمسجد و طفشت وأخيراً شهد تروح البيت تتروش و تسوي كيك و نزلت لهم
جلسو على سفرة العشاء يتعشون بهدوء و نقاشات خفيفة حول الشغل
قامو البنات بهدوء بعد العشاء يتساعدون يغسلون المواعين
شيخة:تعالو نروح المجلس
رايا:انا بروح البيت لا ازعجكم
ابتهال:بالعكس تتعرفين اكثر علينا لأن اللمة ذي وجلسة القهوة روتين
لف بيـان:هو روتين بالعصر بس اليوم اخرناه عشانك جدة قالت عشان خالد و زوجته مو موجودين
ابتسمت من حُبهم لبعض و تعاملهم
ناظرت شهد افراح وهمست:وش فيك!
افراح هزت بالنفي:ولاشي شوي تعبانة
مشيو للمجلس البنات كلهم و معاهم القهوة
صبت فرح للكل قهوة و جلست تقطع كيك شهد
صقر:كبري القطعة كبري
فرح:عشان يكفي الكل يا مشفوح
صقر:اقول كبريها يالبخيلة
شهقت تناظر وضحكو من رمته بعبوة المنديل
سلطان:بس عيب!
زاهد اعتدل:تكفون نبي بيبي جديد!
روآف ناظره:سلامات و عيالي!
زاهد:بس نايمين
روآف:طبيعي اطفال ينامون
شهد:لا تناظرني لسع وراي وقت ناظر البطة اختك
ابتهال:اقول لا اقوم ارفسك
عمر:صدق ليش مارحتي مع زوجك اليوم الصباح جاء ياخذك
ابتهال:طفشت منه وببقى هنا لايكون بتطردني من بيت ابوي
عمر:لا بالعكس انتي داخلة وانا الطالع وشفيك
ضحكت بخفة:اي احسب
خولة:قبل لا تتكلمو معاها احسب ألف حساب
بيـان ضحكت:وربي اكثر انسانة اخلاقها قافلة من الحمل
عبدالعزيز بخوف:اللهم اني حصنتك زوجتي من الهرمونات
وضاح:ياخي لو تقرأ القرآن كله هي جايتك جايتك بعد الغنمة الي بالحوش
عبدالعزيز بـ هيام:عيوني لهم
الجد بهدوء:خالد صقر زاهد متى العرس
ناظرو بعض بصدمة وضحك صقر:انا انسحب حتى ملكة ماسويت ناظر الاثنين ذول
زاهد بـ حُب:تبغى الحين والله تم ازفها بالابيض و اخذها بيتنا
ضحكو من رمى سلطان المنديل عليه:اثقل
زاهد:وش يبه تعرفوني خفيف حددو خلاص
عمر:يبه اقول نطولها شوي وشرايك العسكرية واضح ماعقلت
زاهد:لا يبه الله يخليك ياخي إذا البيت خلصناه و العروس جاهزة ليش نطول
شيخة:ياربي الصبر كل شي بحياتك مستعجل فيه حتى ولادتك
ضحك بحماس:امانة ذي اول مرة اعرفها صدق اني ولدت قبل وقتي
عمر:صحى النوم معروف انت ولدت قبل وقتك بكثير
الجد بحدة:خالد
خالد ناظر رايا:جدي اول نحل موضوع الوصاية و ثم أفكر بالعرس
الجدة:خالد معاه حق خلهم على راحتهم يا رجال ليش مستعجل
الجد بهمس:ايش اسمها ؟
الجدة:مين
الجد:حَرم خالد
الجدة:نسيته اسم صعب
الجد حمحم:اقول خالد
خالد:سم جدي
الجد بهمس:شسم بنت حَرمك
ناظرو كلهم ببعض من كان صوت الجد مسموع
خالد:رؤى يبه
رايا باحراج ناظرت فرح وهمس:يمه الاحراج
ضحكت فرح:عادي ياخي بعدين صراحة مرة مبسوطة فيك مع اخوي
قبصتها رايت و لفت من نطق الجد:ام رؤى
رايا:لبيه جدي
الجد:كيفك بنتي
رايا بخجل:الحمدلله
الجد:شايفة الي بالمجلس كلهم!
ناظرت الموجودين باستغراب و كمل:كلنا اهلك البنات خواتك و حريم اعمام خالاتك والعيال كلهم اخوانك وكلنا من اللحظة ذي نعتبرك بنت و اخت لنا بغيتي شي قولي لاتستحين الي بخاطرك اطلبيه و الي يضايقك تعالي عندي ولك الي يرضيك حَرم خالد انتِ زوجة الغالي و بنتك غالية بعد و ما نرتاح وهي بعيدة عن حضن امها
لمعت عيونها بدموع:تسلم جدي الله يخليك يارب
سالم:تعرفي مين انا
هزت بالنفي:مين ؟
ضحك خالد:ابوي
عضت شفايفها باحراج وهمست:ما كنت اعرف والله
سالم:معليك بتعرفينا كلنا لانك من الدقيقة ذي انتي بنتي زيك زي فرح
ابتسمت بخفة له وتناظر بـ خالد الي ناظرها بحنية
الجدة:يالله بنام تصبحون على خير
الجد:تصبحون على خير
عبدالعزيز كتم ضحكته:ابوي شكلو بتجيكم اخت جديدة
فز من ضربه الجد بالعصا:عزيز!!
ضحكو كلهم و خرجت الجدة باحراج و نطق عبدالعزيز:امزح جدي وشدعوه
خرج الجد و ضحك سلطان:وانت لسانك متبري منك
عبدالعزيز جلس على الارض يصب قهوة:طلعت من فمي بالغلط
حمد:اي ماشاءالله ياكثر ماتطلع من فمك و تغلط
غص بالقهوة وهو يضحك و فزت شهد تضربه على ظهره:خذ نفس خذ نفس
كح بقوة وهو ياخذ نفس و هو مسح على قلب:يارب
عمر:من خباثتك وربي
عبدالعزيز ببراءة:حرام انا مسكين
سالم:لا صدق احس نقوم ننام
خالد بخبث:يبه
سالم رفع فنجان قهوه:ابلع كلامك و اسكت
ضحك خالد:طيب خليني اتكلم
سالم:عارف كلام
ميل وجهه للعبوس:افا بابا
سالم:وش كبرك تقول بابا
خالد بثقل:خلاص ياخي وحيدكم خلوني اتدلع شوي
فرح:وانا ويني!
افراح ابتسمت تخفي زعلها و انكسارها كالعادة:اص اص لا اقدر اقول لا وحيدة ولا شي عندي ثلاث قرود و بطة وحدة
فزو اخوانها:قرود بعينك
شيخة:إلا فوفا خط اخضر
افراح ابتسمت:جعلني ما انحرم وش التعزيز البطل ذا
صقر ضحك بانهيار:قالت اخضر مو احمر
افراح:مايهم اللون اهم شي انا خط خطر تقربوا مني
حسن:يالله باقي انت نفرح فيك
افراح:ما ابغى اتزوج
سلطان بطقطقة:ليش ابغا افتك منك
انهارو ضحك من نطقت:تحطيم المشاعر عندكم يا آل مطلق وراثة
حمد تثاوب:يالله نامو تأخر الوقت
عبدالعزيز:يبه شرايك باخت كتكوتة
حمد انحى ينزل نعاله:ودك صح مابتعقل
عبدالعزيز ضحك:ابشر ابشر
بداو يخرجون كلهم لبيوتهم
-
- غرفة افراح -
بعد ما فكرت و صلت ركعتين و هدأت فتحت جوالها تتصل عليه و رد على طول:افراحي
همست:تكلم و احكي لي كيف خدعتني وكيف خططت علي!
عض شفايفه ينسدح على سريره و نطق:انتي فاهمة غلط ، كل شي بدأ من كنا اطفال وقت كنت العب من زاهد و نتضارب كـ اي اطفال على الكورة أو لعبة وتجين بكل مرة انتي تهد/ديني ما المس زاهد و اعاندك بكل مرة اضربه و اهرب بيتنا و انتي تتوعدي فيني يوم عن يوم كبرنا و كبر مشاعر بقلبيي عجزت احدد وش هي و ايش معناه ، اذكر ذاك اليوم زين وقت فقدت اهلي بكيت كـ اي شخص انحرم من اعز مايملك بالحياة ذي ، و اذكر انك شفتيني و قلتي لي علاوي ما تعودت اشوفك تبكي و عشاني لاتبكي بعدين عمي سعيد بيزعل منك لو عرف انك تبكي ، الحين سوسو تشوفك و تزعل لازم تصير قوي لازم انت الحين كل شي لها
و بعدها ضميتيني لصدرك ضميتيني وانا بكيت على صدرك كنت صغير و مو مستوعب حاجة كبرت تحملت مسؤولية سراب قلت و سويت كل حاجة عشانها لأن كلامك وعّاني نسيت نفسي صرت ام و اب وقت قلتي انت صرت كل شي لها ، بعدين كل شي تغير بيوم تخرجك من الثانوي اذكر زين كيف داهمتي مجلس بيتكم وانا نايم تحسبيني زاهد كنتي تشتميني و تلعنين لان سحب زاهد عليك وماخذاك المدرسة وتاخرتي و انا تعبت اقول انا علي وانتي ماتسمعين ، لين وقفت وجهاً لوجه لاجل تشوفيني لكن أنا الي انصدمت من كمية الحلاوة الي شفتها ، شفتك ومن بعد ذاك اليوم وانا ما اعرف نفسي حبيتك و تمنيتك نصيبي و بنيت احلامي وانتي فيها وسويت و فعلت اشياء لأجل اكون مناسب جداً لك
بكيت بصدمة من تذكرت كل شي تكلم عنه و همست:طيب ليش دام كذا ليش خدعتني!
نزلت دموعه بضعف:خفت اخسرك خفت مرة والله بالبداية مدري كيف كذا فجأة شفت حسابك يشهد الله علي أنه طلع لي فجأة و شفت ستوريات و بعدها شفت مصورة سيارة زاهد و شكيت انتي او لا ، و تأكدت وقت نزلتي صورته وهو كمان ارسل لي نفس الصورة و كنتي تمدحينه وهو ارسله لي يطقطق انك ماخذته محتوى و،  ضفتك و بدات ارد على ستورياتك لين لذيك الليلة الي قبلتي اضافتي و كلمتيني و خفت اعترف و اقول انا علي و تفهميني غلط خفت من كل شي و بلحظة كذبت بس يشهد علي ربي يا افراح مشاعري و حبي لك حقيقية كنت خايف من موضوع فارق العمر والله كانت هالفكرة ذابحتني خفت اخسرك والله
نزلت دموعها تهمس:مع السلامة
قفلت و انهارت بكى و نامت
غمض عيونه بضيق و دمعت عيونه و قام يطلع من البيت و ركب سيارته و شغل سيارته و صرخ:الله ياخذني بكيتها بكيتها انا سبب في كل شي
مشى المركز و ناداه مديره و مشى له يدق تحية يسمع اوامره
-
- بيت سالم -
خالد:وين رايحة!
رايا اشرت لـ غرفة فرح الي ببيت اهلها:غرفة فرح
هز بالنفي:معاي
مشيت معاه و همس:فوق الدور كلها لبعد العرس ودك تنامي بغرفتي معي ولا ناخذ الجناح على طول
رايا:عادي والله اي مكان
مشى وهي يمينه دخلو غرفته
ابتسمت من تصميم الغرفة الهادئ و ترتيبه و تنظيمه
اشر لـ دورة المياه:لو ودك تغيري خذي راحتك
نزلت راسها بخجل و نزلت الجلال و رفع نظره لها
كانت لابسة بنطلون و بلوزة كات موردة
سرح فيها و في شكلها و جمالها وملامحها الهادئة
نزلت الشوز و ضحك بخفة
ناظرته:وشفيك تضحك شكلي مو حلو!
هز راسه بالنفي:حلو بس قصيرة مرة
عبست:انت عامود إنارة
ضحك بذهول و مشيت لدورة المياه تغير ملابسها و تنهد يطلع لنفسه بجامة يلبس و سمعها تقول:خالد ورع
خالد بضحكة:نعم يا قزومة ؟
رايا:ذا البجامة قصيرة عيب اطلع به!
عقد حواجبه:قصير اشوفه اطلعي
طلعت باحراج و شافها لابسة بجامة حرير شورت و بلوزة بلون البينك
عض شفايفه:حلوة
ضربت كتفه:ورع عيب استحي
مسك يدها:زوجك مافيها شي عيب
ناظرته بتوتر و خجل و مشى للسرير فيها و فتح اللحاف و اشر للمخدة:نامي
تخصرت:تتأمر على عامود إنارة
خالد بتعب:الله يخليك تعبان نتناقش بكرا وعد
هزت راسها بهدوء من شافت ملامح التعب عليه وانسدحت و انسدح بالطرف الثاني و ناظرته و همست:بنعيش كذا ؟
خالد مسك يدها بخفة:يدي ماتترك يدك وعد ، بس لو عندك رايى ثاني
هزت راسها و دمعت:انبسطت اليوم مرة ، بس رؤى
خالد:وعد مني بترجع لك و طول ما انتي حَرمي كل ايامنا فرح أن شاءالله
رايا:خالد لاتجبر نفسك تحبني وانت ماودك عادي خل بيننا احترام انا موافقة
خالد تنهد و همس:تزوجت من قبل
ناظرته بصدمة وهمست:مين هي!
خالد ناظرها:ام النونو الي امس كان عشاء لهم
شهقت و كمل:ملكنا بس ما صار نصيب و انفصلنا و بعد فترة طويلة قررت أعطى نفسي فرصة قررت اتزوج شفتها و اعجبت فيها هوجست فيها شهور و ايام وقت جهزت لاجل اخطبها قال اخوها خطبها واحد من جيرانهم
عبست تدمع و همس:بذيك الليلة زعلت من خطوبتها و فرح قالت نسافر و تنسى شوي!
رايا بهمس:و نسيتها ؟
خالد بابتسامة ناظرها:انا اي شخص مايعطيني قدر والله مين ماكان امحيه من حياتي بنفس الدقيقة ، بغيت زواج عن حب ماكتب ربي و جيتي أنتِ و شوفي النصيب
رايا رفعت يدها لـ قلبه:إذا ذا مايبيني لاتجبر نفسك علي افهمك والله خالد ما ابغى شي غير اكون بأمان و بنتي بأمان انت بخاطرك تحب و تتزوج الثانية انا ما اتضايق والله
هز راسه بالنفي:عندي القزومة و اخذ الثانية ماتجي
ضحكت تضرب كتفه:خالد ياخي
ابتسم:بعطيك الامان و الحب و الاحترام كل شي تبينه لك تم و ابشري يا ام رؤى ، بس
ناظرته باستغراب:بس ، بس ايش ؟
خالد:اهلي خط احمر عندي
ابتسمت:و اهلي هم كمان يا خالد والله حبيت امك و فروح و ابوك واضح حنون مرة
تنهد:الحمدلله
قبل يدها:نامي و ارتاحي
رايت عبست:خالد
ناظرها:لبيه
ناظرته:تعبتك معاي آسفة والله
خالد قبّل جبينها:تعبك راحة
ناظرت حنيته و تعامله اللطيف معها و غمضو عيونهم ينامون
-
- نهاية الاسبوع - الخميس -
- شقة عبدالعزيز -
حاوط بطنها:كيفه حبيب ابوه
شهد:بخير يا بابا
ضحك يقبّل كتفها:انتبهي لنفسك زين ولا ترهقي نفسك و الغنم اعتقيه خلاص
شهد ضحكت:وربي مقدر خلاص كانه صار ولدي
عبدالعزيز بصدمة:شهد!
ضحكت بانهيار:امزح ، عزوزي
لف عليها وهو يشخص:لبيه
شهد:ودي اسوي جمعة بنات عندي اليوم عشان حَرم خالد عيب من ملكة ماحد فكر فيهم
عبدالعزيز:ابشري و العشاء بحجزه و اجيبه معاي الليلة أمري وش بخاطرك ثاني
عضت شفايفها:اهخ احبك
ابتسم يقبّلها:وانا احبك
ناظرته بـ حُب تمسح طبعة الروج و همس:ناقصك شي اجيبه قبل لا اطلع للدوام
هزت راسها:اي برسله واتساب
هز راسه:اوكي حياتي بس لاتتعبي نفسك يويلك كلمي العاملات يجون يساعدونك
ودعته و مشيت تاخذ جوالها تفتح القروب حق البنات تسجل:سلام عليكم كيفكم بنات اخباركم اليوم عازمتكم عندي ببيتي بمناسبة ملكة  رايا وانظمامها للعائلة مابي احد يعتذر بليز بنات تعالو نستانس سوا و الحضور بعد صلاه العصر ممنوع التاخير
ضحكت تقفل الفويس و ترسل لـ عبدالعزيز الطلبات و فتحه
و اتصل عليه:زيز فاضي
زاهد:ايه آمر
عبدالعزيز:بنت العم طالبة اغراض و تاخرت مرة على الشركة تقدر تاخذ لها ؟ بحول لك
زاهد:مابيننا ياخوي حول الطلبات علي و تبشر ام دحيم
ابتسم:تسلم والله ماتقصر
قفل يحول له طلبات و فتح متجر ورد و اختار بوكيه ورد و حط الموقع و قفل جواله
-
ضحك صقر يحط للغنم مويا:ابتلشت بس عقوق الاخ اخخ الله يعيني
شهد فتحت الشباك:صقير اعطيها اكل
صقر ناظرها:وانتي وينك!
شهد:بسوي جمعة بنات مشغولة
نطق لها بصوت خافت:مين بالضبط
ضحكت:كلهم خاصة نوني
عض شفايفه:حظك تشوفينها وماتاخذي ذنب
ضحكت بقوة:ولد عيب
صد يعطي الغنم مويا و مشى يدخل البيت يتجهز يروح الشركة
-
بخرت المجلس و قفلت الباب و مشيت باستعجال تسمع صوت اذان العصر و دخلت دورة المياه تاخذ دوش
خرجت تجفف شعرها و طلعت فستان تلبس و صلت و بدات تجفف شعرها و تسويه ويفي وخلصت وبدأت بالميكب و سمعت صوت الباب
مشيت بسرعة تلبس الكعب و تتعطر
قفلت باب الغرفة ومشيت تفتح:اهلين حياكم
بيـان بحضنها ليان و خولة معاها رائف:هاي
شهد سلمت عليهم و دخلو
شهد بحضنها رائف:وين عموري!
بيـان:كان يبكي و جدته اخذته عندها
شهقت باحراج من كتم المجلس من البخور الي نسيته و مشيت بسرعة تطلعه
بيـان: نجلس شوي بالصالة عشان ليان صدرها شوي مكتوم
شهد: آسفة والله نسيته تعالو حياكم
جلسو بالصالة
قامت تشيك على الضيافة و تتأكد من الضيافة و فتحت ترسل لـ عبدالعزيز:حبيبي لاتنسى العشاء
بعد دقائق ارسل لها فاتورة الحجز و ابتسمت براحة
مشيت تشوف خولة و بيـان دخلو المجلس
وبعد دقائق بداو البنات يجون و اخرتهم دخلت فرح مع رايا
شهد:نور بيتي فيك حَرم خالد
رايا بخجل:بنور اهلها والله
فرح:زاهد أستلم ذا من المندوب باسمك و اعطاني ياه
عقدت حواجبها شهد تاخذ بوكيه الورد
وسحبت الكرت تقرأها و ابتسمت بوسع ثغر
سارة:الله الله الحُب
ضحكت بخجل:سارة!
جود:اخوي
شهد بدلع:من غيره حبيبي عن اذنكم
ضحكو لخجلها و احراجها و خرجت من المجلس
اخذت تقرأ العبارة و ابتسمت بوسع ثغر و فتحت تصوره لـ عبدالعزيز مع رسالة:أحُبك ابو عبدالرحمن
قفلت الجوال تشوف سراب طالعة و توجهت لها:اساعدك بشي
شهد:ما اقول لا
اخذت صينية العصير و اخذت سراب الصينية الثانية معاها و توجهو للمجلس
بدات السواليف تحلى و اصواتهم تعلى من سواليف اطفال و عرس زاهد و ملكة صقر وافراح تحكي لهم عن وحام شهد للغنم
كادي بهدوء:صحيح ماقالو الملكة متى!
شهد:لا والله منتظرين زاهد و خالد يعرسون و نفضى لـ الحلوين ذول
كادي: معليش قولي لاخوك كنسل مانبي نعطيكم بنتنا
ابتهال:لييه!
ضحكت كادي:تعودت ياخي ترحمني تاخذ ولدي الحين لو تزوجت مين يساعدني
ناظرتها نور بطرف عين و ضحكت شهد:مصلحجية
ضحكو البنات و ناظرت سارة رايا:حَرم خَلود اخبارك
رايا بخجل:الحمدلله
لينا:ماشاءالله وش تشتغلين أو تدرسين كم عمرك!
رايا:ست و عشرين لا مادرس وقفت اول سنة جامعة
شهقت:كيف ماتدرسي يبوي ماعندك مستقبل
فرح بإحراج:لينا! وش هالكلام ؟
لينا:وش ، كلامي غلط!! لا تعليم ولا شهادة ولا وظيفة  رايا ناظرها برفعة حاجب:مو لازم ادرس جامعة عشان اكون متعلمة ، اقدر اعلم انا نفسي بنفسي الحياة علمتني اشياء الجامعة ماتعرفها يكفيني اني اعرف الصح من الغلط ومايهمني شي ثاني و اذا ماعندي شهادة جامعية ؟ اخر العالم ؟
شهد بابتسامة:حياتيّ معليك و كلنا معاك و ندعمك تكملي الجامعة
رايا:الحمدلله ربي رزقني خير الاهل فيكم لايخليني منكم ولا يحرمني من زوجي داعمني بكل حاجة
ناظروها بذهول و صدمة من كلامها
فرح:ياحظنا بـ ام رؤى والله ليت كل الناس تقول كلام زين كذا
لينا:تقصديني ؟
فرح:ماقلت اسمك ؟
لينا بغضب:أساساً طليقها باعها لـ اخوك لاترفعي راسك علينا و كأنهم متزوجين عن حب لو ما شفق عليها اخوك وشفق على بنتها كان الحين راجعة لـ طليقها ال**
بيـان بذهول من كلامها:لينا ؟ وش هالكلام عيب
لينا:وي وش قلت ذي الحقيقة حتى لو تزعل
رايا بثقة وهي تخفي غصتها:مايهم الظروف الي تزوجت فيها خالد ، تشوفيها انتِ شفقة انا ما اشوفها شفقة اشوفه حب و تقدير ، ترا مايهم حب قبل الزواج ، بعد العشرة يجي الحب ، يكفيني أني معوضته و هو معوضني و يعوض بنتي ، صار كل شي بحياتي صار ابوي و اخوي و زوج لي ، خالد احلى شي صار لي بحياتي و صدقيني مو مهم الحُب كثر ماهو مهم الاحترام و الثقة
عضت شفايفها فرح بـ حُب و ناظرت لينا رايا بقهر
بادلتها رايا النظرات بتحدي و صدت تشرب عصيرها
ابتهال:سبحان الله كيف عوض ربي حلو ، خالد صبر وجاه على قد صبره الله يتمم ياروحي فرحتكم بـ رجعة رؤى لـ حضنك و يخليكم
رايا بخجل:آمين ياعيوني أنتِ
نزلت راسها كادي بهدوء و ساد الصمت لفترة
فزت شهد:وش هالهدوء ترا نبي نستانس مو نضيم على نفسنا
شبكت السماعات وضحكو البنات من كان اغنية مصرية و صفقت سراب:عطينا هز
شهد:عطينا اول انتِ
سراب فزت و يرقصو و فصلو على بعض
فتحت جوالها فرح على اتصال خالد و ردت بهمس:لبيه
خالد:ياخي اعطي الجوال ام رؤى
شهقت:ورع للحين ما اخذت جوال لـ زوجتك
خالد:نسيت وربي عطيها بكلمها
مدت الجوال لـ رايا:خالد
ناظرت رايا شهد:اقدر اطلع الصالة
هزت راسها:تفضلي ماحد موجود
خرجت و ردت:عامود انارة
ضحك:قزومة كيفك
رايا:الحمدلله وانت
خالد:بخير وينك بيت جدي ؟
رايا:عامود انارة كُل كاجو كثير يقوي الذاكرة ناسي كلمتك الصباح اننا معزومين عند شهد!
خالد بضحكة:اوهه نسيت ، المهم اسمعي ابوي مرة ضغط علي عشان موعد العرس
رايا:خالد مابغى ياخي قلت يكفي خلاص ملكنا وبس
عبس باصرار:قزومة عشاني كيف ماتبين عرس ؟
رايا:مين يكون معي ؟ خالد يتيمة انا كيف انزف كيف انبسط ومامعي احد
خالد بابتسامة:مايكفي انا معاك ؟ ماهمني العرس يكفي تكوني مرتاحة بس وحيد اهلي و حازة بخاطرهم اني رفضت اسوي عرس و زعلو علي
تنهدت بضيق:عامود انارة تكفى
خالد:هيلة يا رومانة الحلوة زعلانة ياخي عشاني تكفين عشاني
ضحكت:تمام خلاص اوكي
خالد بحماس:yes ذا الكلام الزين
رايا:ماوصلك خبر عن رؤى
عض شفايفه بتهرب:لا لا
رايا:خالد امانة عليك علمني بالحقيقة بنتي بخير
خالد تنهد:وصلني خبر تعبت امس بس الحين بخير طلعوها من المستشفى
عضت شفايفها تمنع دموعها تنزل:امانة
خالد:كلمت المحامي الاحد ونحن معانا رؤى
شهقت تبكي:خالد تعبت ابغى بنتي!
خالد بهدوء:اهدأي والله اجيبها والله بس لاتبكين
بكيت اكثر:خالد تعبت ورئ بعيدة عني
خالد:وعد ماتبعد عن حضنك والله
قفلت بوجهه و انهارت بكى
رجفت يدينها من قوة انهيارها
خرجت شهد تتفقدها من تاخرت و شهقت بخوف:رايا ؟
وقفو البنات بخوف يخرجون من شهقة شهد
فرح بخوف:وشفيك خالد فيه شي!
هزت بالنفي:بنتي يا فرح بنتي
الكل ناظر بصدمة و قلق
فرح جلست جنبها:وشفيه علميني رؤى بخير ؟
رايا:تعبت امس و أخذوها للمستشفى
عبست فرح بحزن تضمها تهديها
بكيت وهي تتكلم:اخذوها من حضني ما ادري تاكل تشرب تنام يغطونها ما يحبونها كيف هم معاه الحين اكيد بسببهم تنومت
سارة مسحت على شعرها:هدي لاتبكين هدي ياحياتي خالد وعدك يجيبها و يوفى وعده لك قريب بتقر عينك فيها
فتحت فرح اتصال خالد و ردت:لبيه
خالد بخوف:وينها هي بخير قفلت فجأة
فرح بهدوء:بخير لاتخاف عليها بس شايلة هم بنتها
عض شفايفه:جاي انا باخذها ترتاح البيت
ناظرت رايا وهمست:خلها معانا نحاول معاها تهدا
خالد تنهد من:انتبهي عليها فروح
فرح:طيب ياعيوني باي
قفلت و هدأت رايا بعد كلام من سارة و بيـان و شهد و اقنعوها انو بنتها اكيد بخير و رجعو المجلس ينبسطون
- أذان العشاء -
خرجت شهد بخفة تشوف البنات يصلون دخلت المطبخ تشوفه يفتح الثلاجة
قربت منه و لف من سمع صوت الكعب و أبتسم يحاوط خصرها وقبّل خدها:وش الحلاوة ذي ام دحيمّ اموت على الحلوين
ابتسمت بخجل تقبّل خده:يعطيك العافيه حبيبي
عبدالعزيز:يعافيك
أخذ قطعة كيك بصحن و جلس فوق الطاولة ياكل
شهد:العيال هنا ؟
عبدالعزيز:ايه متجمعين بالحوش كلهم شاهي و بلوت جيت اتطمن عليك كيف بيبي
شهد:بخير حبيبي اسمع اجهز حلى تاخذه
عبدالعزيز:وين
شهد:تنزل للعيال و تاكلون مرة كثير باقي هنا
هز راسه:زين اعطيني الكيك ذا لذيذ ، شريتيه ؟
لعبت بشعرها:افا عليك انا سويته
نزل من فوق الطاولة وقرب منها و حاصرها عند الثلاجة:امانة انتي ليش اول مرة اكله ؟
ضحكت:طبيعي لان اول مرة اسويه شفت وصفة و حبيت اجربه
ابتسم:حطي لي منه بتحلى عليه بالليل
عضت شفايفها وانحى يقبّلها وهمس:ولا اقول يكفيني حلاك
ابتسمت بـ حُب:عزوز
ضحك:عيون عزوز فدا هالابتسامة و المبسم اللذيذ يالله لااشغلك عن صديقاتك
جهز القهوة و رتبت هي الصينية تحط فطائر و حلى و اخذه منها و نزل الحوش
فز زاهد ياخذ منه صينية الحلى:عنك
جلسو و ضحك روآف:يلبى بنت العم البطلة
عبدالعزيز:اقول اكل وانت ساكت
ضحك علي:فتى الغيور
ضحك عبدالعزيز يصب قهوة لنفسه و جلسو يسولفون
خالد:زاهد شرايك نهاية الشهر
زاهد:لـ ايش
خالد وهو يلعب بالسبحة:العرس
فز زاهد من كان يصب قهوة لنفسه و انكبت قهوة على يده و انخرش علي يسحب فاين يمسح يد زاهد الي مو مهتم و يناظر خالد
زاهد بفرحة: امانة صدق خالد
خالد ضحك:اي والله ليش نتأخر اكثر
ضحكو العيال من وقف وهو يرقص:الحمدلله مابغيتو
ضحك علي يصوره والكل منهار ضحك على فرحته
زاهد:وين جدي
عمر:عزمه احد الربع و راحو معاه ابوي و اعمامي
زاهد:وقته اجل
ركض البيت يجيب سماعات و شبك بلوتوث و شغل اغاني وقام يرقص
علي رفع ثوبه و تلثم بالشماغ و قام يرقص معاه و العيال يصورونهم و قامو يرقصون
روآف بحضنه عمر:ولدي شايف اعمامك كلهم هبال لاتطلع عن احد منهم
ضحك من ابتسم عمر بنومه
-
جود:من وين هالصوت
شهد:دقيقة
فتحت شباك المجلس الي يطل على الحوش على طول و ضحكت:بنات تعالو
تحاشرو يشوفون العيال و فصلاتهم
سراب:صدقيني من الحماس زاهد هو الي بدأ
ابتهال: واضح مرة بس ايش سبب
خولة:الكل يفصل الا خالد و زوجك يا كادي احسهم كذا اما نفسيين او جوهم بيض
كادي:خير بنت ما اسمح لك زوجي هادئ طبعه
فرح:خالد من يومه كذا بس عينكم على صقر شوفوه مبسوط مرا
نور ناظرت صقر الي حاطط حسن الصغير على كتف و يرقص بفرحة توضح لملامحه وابتسمت بخفة تتأمله
وضاح:عيال يبي لها موضي
عبدالعزيز:تفهم وربي
اختار زاهد " قفلو باب المشاريه "
فصلو على بعض يرقصون جاهلين عن البنات الي يصورونهم
شهد بـ حُب:ياخي اموت على المروقين
جود:يا خفيفة
شهد:لعنبو ابليسه فوق ماهو حلو كمان يعرف يرقص مرة اهخ قلبي
ضحكو البنات من مسكت شهد قلبها:ما اتحمل الحلاووا
رجعو يناظرون العيال الي يرقصون بروقان
تأملت افراح علي ودمعت تشوف كيف يرقص و مبسوط تتأمله لاول مرة بهذه الشكل وصدت تمسح دموعها
سُكرة:بابا بابا
سارة:اص لايعرفون أننا نشوفهم خليهم
سُكَرة:بروح لهم أنتم جوكم بيض
شهقت ابتهال تضحك:خير بنت
سارة:طحن مشاعر
نزلت سُكرة ركض لـ العيال وهي تهز اكتافها بعبط و ضحك خالد يقبّل خدها و يقوم من كان جالس و اخذ شماغ واحد من العيال وتلثم فيه و قفل الاغنية
تاففو العيال ونطق صقر:خالد لا تكون نفسية
توسعت عيونهم من شغل خالد دبكة و ضحكو بعدم تصديق
وقفو صف كلهم ماعدا سامي الي يصورهم و روآف بحضنه عمر و يضحكون على فصلت العيال
خالد على طرف و طرف الثاني كان عبدالعزيز
انهارو البنات من رقصهم و اتقانهم للدبكة و حركات عبدالعزيز و خالد
فرح:اموت بنات رقصهم يجننن تف تف عليهم ماشاءالله
شهد:انا في صدمة اول مرة اعرف انهم يعرفون يدبكون
سراب:زاهد و علي اوكيه عليهم فصلات ومتوقعة بس البقية انصدمت منهم
رايا اسندت دقنه على ظهر يدينها وميلت راسها على طرف الشباك تتأمل خالد و حماسه و احترافه بالدبكة و ابتسمت بوسع ثغر من
نزل خالد نفسه وهو يدبك باحتراف و صفرت فرح باعجاب و انصدمو العيال ورفعو نظرهم لـ مصدر الصوت و دخلو البنات بسرعة
خالد حمر وجهه باحراج من فصل وهو دايم الي كان هادئ ومن حماس عرسه قام يرقص
وضاح ضحك:البنات
سُكرة:كلهم كانو يشوفون حتى يقولو حلو رقصكم
انهارو ضحك العيال و رجعو للجلسة يجلسون
وناظرو زاهد و علي الي شغلو هز مصري و لفو اشمغتهم حول خصرهم يرقصون
انهارو ضحك من علي الي يهز خصر و شوي اكتافه يتمايل
طلع عبدالعزيز من وصل العشاء يستلمه و طلع صقر يساعده
صقر: سمك اماا ؟
عبدالعزيز: اشتهته ام دحيمّ وعيب علي اخليه بخاطرها
ضحك صقر :ولدك رهيب اسبوع لحم لحم وفجأة سمك بكرا بخليك تقلب الحوش قن تربي دجاج
ضحك عبدالعزيز بقوة و اخذو العشاء لـ مطبخ بيت الجد و كانت العاملة مجهزة السلطات
و نزلت شهد بجلال معاها سارة
عبدالعزيز:اهلين سوير
سارة:وش الرقص ذا بالله
ضحك:كيف بس!
ضحكت شهد:اهخ قسم خقيييت ، ماعرفتكم تدبكون!!
صقر بثقل:اي عاد لازم نكون ثقيلين نادراً ما تشوفو فصلاتنا عيب
ضحكت شهد تقبّل خده:اموت على المسوي نفسه ثقيل وهو قلبه شوي و يطلع من مكانه من الفرح
ضحك يطلع من الاحراج
عبدالعزيز:ايه بوسي اخوك و أنا ولد البطة السودا
سارة:احترم وجودي بينكم
عبدالعزيز:ممكن تطسي
ضحكت تضربه على كتفه و ضحك والتفت لـ شهد من نطقت بعبوس من شافت العشاء:عزوزي ياخييي
ابتسم يقرب يقبّل جبينها:عافيه ياروح عزوزك
ابتسمت بخجل من وجود سارة وهمست:احُبك والله
انحى راسه على كتفها يقبّل عنقها بخفة و اخذ نفسه من ريحتها و ابتسم:أهيم فيك والله
قبّل عنقها مرة ثاني و دفعته باحراج:سارة هنا عيب
ضحك:عادي
اخذ عشاء الرجال للمجلس يجهز السفرة و سارة و شهد يطلعون شقة عبدالعزيز يجهزون طاولة العشاء
-
نايف حاوط كتف عمر الي بحضنه عمر و يلعب معاه
نايف:يالله عقبال ما اشوف عيالك يارب
عمر:سميك يارب
ناظره نايف بصدمة:عمير
عمر ابتسم:لبيه يا عضيد عمير
روآف بغيرة:ايه ايه وانا جيت من الشارع
ضحك عمر:سندي انت و ظهري الي مايميل ابداً انت عضيدي و نايف روح من روحي
ناظر زاهد الي يناظرهم بغيرة وضحك:وذا كل دنيتي
فز زاهد يضمه:ماخلى منك ياعضيدي
ضحك نايف:يما منكم كل ذا غيرة ياعيال سلطان
علي:للاسف الغيرة متوارثة عندهم
سعود خرج بحضنه جُمان:جات ست البنات
جلس و نطق سامي: شرايك دكتورنا بنتك لولدي
عبدالعزيز خرج من البيت:لا معليش البنت لولد خالها
ضحكو ونطق سعود:معليش مانضمن ورعك نحط بالاحتياط ولد سامي و عيال روآف
روآف:لاحبيبي عيالي لاكبرو يختارون بنفسهم بعدين بنتك قزومة
سعود:مناك بس يزينها ست البنات لاتخليني افرم مشاعر عيالك
خالد:لا صدق ترا بنتك واضح قصيرة طالعة على امها
عبدالعزيز:لا عاد عن الغلط زوجة ولدي حلوة بكل حالاتها
سعود رفس رجل روآف:يزين بس خالها ، قال ايش قزومة على الاقل مو معصقلة زي وراعينك
ضحك روآف:اقول عن الغلط بس
سعود:زعلت!
روآف تصنع الزعل:تجرح عيالي اكيد بزعل
سعود بضحكة:دزها جعلك ما رضيت و عيالك معصقلين
ضحكو و قامو من نطق عبدالعزيز:حياكم على العشاء يعيال
وتوجهو يغسلون وهم فاصلين ضحك و يكبون على بعض مويا
عبدالعزيز بحدة:عيال يالله العشاء يبرد
اعتدلو و توجهو للمجلس يتعشون
بعدها كملو سهرتهم لحد ساعة ١ و نص و بعدها خرجو كلهم لبيوتهم
-
- بيت سلطان -
- انسدح بغرفته و الابتسامة تزين ثغره من الفرحة تقلب جهة ثانية و رجع تقلب على ظهره يناظر السقف و ناظر الدبلة و بعد تفكير بـ عرسه و ليلة العمر مع بنت سعيد نام من شدة تعبه
-
- بيت الجد -
لينا:سارة نسيت جوالي بجيبه واجي
سارة وهي طالعة:طيب
مشيت تطلع شقة عبدالعزيز تجيب جوالها و نزلت تشوف خالد بالصالة
عضت شفايفها تكشف عن عبايتها و نطقت وهي تمشي له بقهر:مبروك
عقد حواجبه يناظرها من كانت كاشفة عمداً و عجز يصد عنها و يناظر شكلها
قربت منه:تخليت عني
خالد رفع نظره لها:مين تخلى ؟ مو انتي رفضتي
لينا:ما ارتحت له و رفضته انتظرتك بس هربت على طول لـ دبي
خالد بحدة:انا ماهربت عشانك ذا اولاً ، و الحين بعد ما تزوجت جاية تقولي انتظرك!
لينا:خالد ندمت اني رفضتك كنت احسب ذاك شخص مناسب بس ما ارتحت له ، قلبي ارتاح لك و ابغاك خالد لاتنسى حبنا
غمض عيونه بضيق من تذكر وقت فرح خبرته انها بتندم و بترجع لك و ناظر لينا وهمس:فرح قالت بترجعين لي وانتي ندمانة بس وقتها بيكون فات الاوان و صدق الحين فات الاوان
هزت بالنفي تمسك يده:مافات شي خالد
خالد سحب يده بربكة من يدينها وصد:فات الله يستر عليك انا متزوج الحين
لينا:خالد كلنا نعرف تزوجتها عشان تحميها هي وبنتها من زوجها و شفقان عليها وهي تعرف هالشي يعني اكيد مو متوقعة الحب من طرفك
خالد بحدة ناظرها:وشدخلك!! لعبتي بمشاعري والحين جاية تحاسبيني و تبيني ؟ خاتم باصبعك انا ؟ الله يستر عليك اطلعي لاخوك قبل لايجي احد و يفهم غلط مرة ثاني مو ناقص مشاكل
لينا:خالد لا تضحك على نفسك أعرف انك تبيني و تحبني
خالد بحدة:لاتتدخلي بحياتي يا اخت مشاري ، مشاعري تجاهك كانت فقط اعجاب مو حُب وكان ماضي …
ناظرها بحدة:حاضري و مستقبلي الحين واضح مع مين ؟
مشى يتجاهلها يدخل المطبخ و انصدم من كانت رايا موجودة و الدموع بعيونها تناظره بصدمة
صدت مسحت دموعها:كنت انتظر فرح
لاحظ رجفتها و تقدم لها وتراجعت للخلف:لا تقرب
خالد:اسمعيني
هزت بالنفي و دموع بعيونها:مابي اسمع شي
ثبتت اللثام الجلال على وجهها تخرج تشوف لينا خرجت و توجهت هي لـ بيت سالم و غرفتها مع خالد
لحقها و شافها تطلع ملابس لها و توجه لها يضمها من الخلف
بكيت:خالد اتركني
ضمها أكثر:هدي هدي
رايا:اعرف انرميت عليك وانت دفعت بملبغ كبير و اخذتني شفقة اعرف و حقك تاخذ الثانية الي تحبها حقك مازعلت انا بس ابكي عشان بنتي مابكي على شي ثاني عادي
قبّل راسها ولفها عليه:امي انا ليش تبكين وليش تكذبين علي أساساً
شهقت تكتم بكاءها وهمس بحنية:اني احترمك و اقدرك و اهتم لك و اصونك ذي حقوقي عليك ، ليش اروح لها وهي تخلت عني ليش التفت للماضي دام حاضري و مستقبلي بحضني الحين ؟
انهارت بكى بحضنه و مسح دموعها و ساعدها ينزل الجلال:اهدئي و نتكلم وعد ومايصير خاطرك الا طيب
ناظر فستانها الي ماسك على جسمها يبرز تفاصيل جسمها و يزين عنقها سلسال ناعم و شعرها ويفي و ميكب ناعم رغم انه حاس من البكاء الا انها كانت جميلة
خالد بـ ابتسامه:الحلاوة ذي كلها حلالي يا قزومة
ناظرته بإحراج و دفته:عامود انارة لاتصير قليل ادب
ضحك بذهول:زوجك ترا و حلالي
هزت بالنفي:حتى لو بس استحي
ابتسم يناظرها ولاحظ توترها من قربهم و حب يكسر حاجز الي بينهم و يقربها منه
قرب منها و انحى يقبّل خدها:اموت على الي يستحي ياناس
ناظرته بخجل إحراج و حمر وجهها و همست:حيوان
ضحك من حركاتها و خجلها:يالله غيري و تعالي نتكلم
هزت راسها تمشي لـ دورة المياه دخلت و نادته بإحراج:خالد
خالد:لبيه
عضت شفايفها:فيه بجائم قطنية بالدولاب اعطني واحدة منها
اخذ واحد و اعطاها و طلعت بعد نص ساعة ببجامة قطنيه بيضاء عليها دبب و جلست بتعب على الكنب بجانبه
ابتسم:ليش غيرتي البجامة
هزت بالنفي:ماعجبني ذيك
هز بالايجاب و قفل اللابتوب يقوم باتجاه الدولاب يطلع من الدرج كيس و توجه لها وجلس يمينها على الكنب
ناظرته باستغراب من مد لها الكيس وفتحته وشهقت:خالد
ابتسم من لمح الدموع بعيونها و طلعت الجوال و همست:مرة حلو
خالد:اعتذر لانها جات متأخرة بس والله انشغلت ونسيته
هزت بالنفي:لاياخي عادي شكراً مرة ليش كلفت على نفسك
خالد:وش دعوه قزومة بعدين ذا ولاشي قدام المفاجآت الباقية
ناظرته بفضول:وش
فتح اللابتوب و وجهه لها و همس:بترجعين للجامعة تكملين
شهقت تبكي و ضمها:قزومة
حاوطته:خالد ما اصدق
قبّل جبينها:طول ما أنا موجود معاك ومع رؤى كل شي بخاطركم يصير لكم و كل شي تتمنيه وان شاء ربي و عطاني طولت العمر بحققه لك أمنية امنية
رايا:شكراً والله شكراً ما اعرف كيف اشكرك ياخي والله انت أفضل شخص بالدنيا كلها شكراً
مسح دموعها:ماسويت الا واجبي و نفضى بيوم نروح و نجهز لك للجامعة و لـ رؤى للروضة بتدخل روري تدرس وتتعلم
ناظرته بدموع:ما اعرف كيف أوفى حقك علي وعلى بنتي ولا كيف ارد لك فلوسك ياخي خالد قسم احس صرت عبئ عليك ان شاءالله اجمع مبلغ و ارجعه لك
خالد بصدمة:قزومة عشاني لاعاد تقولي كذا ما احب اسمع هالكلام ماطلبت فلوس منك انا ، وشفيك زوجك وحلالي حلالك مافي شي اسمه انا و انت ، في نحن
و بخصوص الي قبل شوي سمعته منك اتمنى ما ارجع اسمعه انا ماتزوجتك شفقة و انتي مو غرض لا طليقك باعك ولا انا اشتريتك هالكلام لا تصدقيه لو انقال لك او سمعتيه من اي أحد كان ، انا تزوجتك لاني ابغاك ولا انجبرت على شي وقلت لك دفعت بس مبلغ لاجل ما يضر رؤى و يضرك وقسم بالله انت اغلى من كل اموال الدنيا ، رايا
ناظرته بخجل وهمست:لبيه
ابتسم يمسك وجهها:لاخر مرة اقول ما ارجع اسمع منك كلام زي ذا واي شخص يضايقك كذا كلميني و انا اتصرف و لا تصدقيهم وربي غيرانين
هزت راسها بحزن:حتى اليوم قالت لي نفس الكلام ذا
خالد باستغراب:مين
همست:الي قبل شوي كنت تناظر فيها
ناظرها بصدمة:لينا ؟
ناظرته بزعل:وتعرف اسمها ماشاءالله
هز راسه:وش قالت علميني!!
نطقت بقهر:قالت عني فاشلة ماعندي مستقبل مو متعلمة عشان بس ماكملت جامعة ، و ان انت شفقت علي و حطيت مبلغ عشاني و رموني عليك رمية الكلاب
شد على يده:بنت
صد يستغفر:معليك منها تمام تجاهليها
ناظرته بثقة:ماهمني كلامها قلت لها مو مهم ادرس جامعة عشان اكون مثقفة و حتى قلت انت اخذتني عشان تحبني و خليتها تسكت تحسب ايش بتخليني ازعل لا يبوي الي يضايقني اعطيه بوجهه
ضحك يناظر حركاتها القوية رغم لطافتها وضحك:كفو خليك كذا تعجبيني
ابتسمت باحراج:انت كفو
ضحك باتساع يناظرها و تأملها وصدت بخجل من نظراته
و فتحت جوالها:علمني عليه
بدا يعلمها و حمل لها انستا و سناب و حمل لها واتساب و سجل لها ارقام البنات و رقمه و رقم ابوه ونطق:وذا رقم ابوي يعني لو صار ماصار يكون عندك
هزت راسها:تعال افتح لك سنابي اوريك صوري
انسدح على الكنب و سحبها تنسدح على صدره و شهقت بخجل و ضحك و صدت تناظر الجوال تحاول باليوزر و بعد محاولات فتح تنهدت:خفت اكون ناسيته
خالد:لا ماشاءالله واضح ذاكرتك قوية ماشاءالله ماتنسين
شمقت:قول ماشاءالله
خالد ضحك:طيب قلت
بدأت تشوف الصور و توريه و فتحت صورة
اخذت نفس تشير باصبعها على الي كان يمينها:ابوي
ابتسم بخفة:الله يرحمه
أشر لفيديو و فتحته و ضحك من كان فيديو استهبالها و بدأت توريه صور رؤى باول ايام ولادة و لاحظ عليها الحزن و رفع يده يمسح على شعرها بحنية و غمضت عيونها براحة و امانة من وجوده معاها و للمساته الحنونة عليها وكأنه يمسح على قلبها من كل اذى الدنيـا
خالد حس فيها تتألم وهمس:فيك شي
ناظرته بخجل:بطني
ناظرها باستيعاب و همس:معذورة!
ضربته بإحراج و ضحك:اعرف ترا عندي اخت و افهم
شهقت:عيب كيف تعرف!
خالد: كنت اسوي لها شي دافئ و اجيب لها اغراض من صيدليه ترا عادي وشي طبيعي
غطت وجهها باحراج:فشلة
ضحك يقبل راسها:بسوي لك حليب دافئ
فزت من مكانها من خرج و شهقت:يمه احراج بعدين حلوة والله عادي وشفيها لو يعرف و يفهم يزين حياتهم مالت على التبن الي كنت متزوجته قبل
دخل معاه كوب حليب بالقرفة وهمس:سويت بالقرفة
خفض برودة المكيف و شربت الحليب بالقرفة و انسدحت يمينه تنام و غطاها و اخذ لحاف ثاني و حطه عليها:لو تعبتي صحيني
رايا دمعت من حنيته عليها و اهتمامه فيها وهمست:خالد
ناظرها:سمي
رايا: شكراً يا عامود انارة
ضحك ينسدح مكانه:العفو قزومة
ناظرته وهي تشوف كيف ربي عوضها العوض الحلو وهمست:الله يقدرني اسعدك زي ما تسعدني و زي ما تعوضني عن كل شي
سمعها من كان مسموع صوتها و تنهد بابتسامة و قلبه ينبض من قوة مشاعره و شكلها من كانت بالفستان قبل ساعة رسغ بعقله و يحاول ينكر مشاعر الحب الي بدا يحسه تجاهها
-
- شقة عبدالعزيز -
دخلت بـ الصحن الكيك و فز يجلس على السرير من كان منسدح و ضحكت تعطيه الصحن و اخذه يأكل وتوجهت تغير بجامة و تمسح الميكب و مشيت لعنده
قبّل يدينها و ابتسمت بخجل:عافيه حبيبي
عبدالعزيز:السبت موعدنا
هزت رأسها:ايه متوترة
ابتسم:كل شي بخير لاتخافين بعدين دحيم بخير ليش التوتر
شهد:ياخي مدري المهم اسمع
لف يناظرها:لبيه
شهد:صقر ماقال متى الملكة
هز بالنفي:لا يقول بعد عرس خالد و زاهد الي يكون نهاية الشهر ذا
فزت:ايشش نهاية الشهر ؟ خير ليش ما ندري
عبدالعزيز:قبل شوي تكلمو بكرا اكيد بيقولون على الغداء
عضت شفايفها:اوفف ليش ما يخلونها بعد ما اولد
عبدالعزيز بصدمة:وربي مستحيل زاهد بيموت عندنا
شهد بقهر:طيب كيف اكون مع سراب لازم اساعدها و اسوي مع الحمل مستحيل
عبدالعزيز:عادي حبيبي سوي و ساعديها بس بدون جهد أو تعب وهي اكيد بتفهم وضعك
زفرت بتعب:اوف مو وقتهم
ضحك عبدالعزيز يقوم يغسل يده و جاء قفل النور و انسدح جنبها قبّل راسها و انحى يقبّل بطنها:اموت فيكم
ابتسمت بتعب و رفعت راسها على صدره و حاوط ظهرها بيدينه و نامت بحضنه
بقي يتأملها وهو مبسوط و همس:حياتي وكل دنيتي انت و ماما يا عضيد ابوك
-
- صباح الجمعة -
صحيو كالعادة على الفطور
الجد: ماشاءالله تسلم يمينكم كلكم يا بناتي
منيرة:عافية عمي
افراح مشيت تضمه:جدي
الجد:فوفا لبيه
ضحكت:وحشتني
ضحك يقبّل راسها:ودك بشي
انهارو ضحك عليها و عضت شفايفها:جدي
ضحك:وشهو اكيد تبين شي
نطقت:لا ياخي كذا وحشتني
ابتسم: مايوحشك غالي ها سلطان بقي فوفو ماودك تفرح فيها
سلطان:جاء نصيبها و رفضت وش اسوي فيها ؟
الجد:مين!
سلطان:علي
حمد بذهول:بس اصغر منها
عبدالعزيز:بس عادي وش فيها مو حرام بالعكس علي معتمد على عمره و رجال كفو
ابتسمت بحزن تسمع كلامهم و مدحهم له و هزت بالنفي:انا ما ابغى اتزوج
زاهد بضيق:ترفضينه!
افراح:مو عيب فيه لا والله بس أنا ما ابغى
بعد الفطور تجمعو الرجال عند الجد بالمجلس يقرأون سورة الكهف زي ماتعودو و بدأت تجهيزات الغداء بالمطبخ
-
- وقت الغداء -
جهزو الغداء و فرشو سفرة بالصالة ، على الارض بطلب من الجد لجل ياكلون كلهم سوا
الجد بابتسامة:الله يديم لمتنا و اشوف عيال عيالكم
حمد ابتسم:آمين بوجودك حولنا
ضحك خالد من نظرات زاهد له وهو ينتظره يتكلم و تنحنح:جدي
الجد:سم خالد
خالد: سم الله العدو قررت العرس يكون نهاية هالشهر و بما انه زاهد مملك احس افضل يكون عرسنا سوا
سالم بابتسامة:يعني خلاص بتسوي عرس!
خالد مسك يده يقبّل كفه:ابو خالد يطلب و ارفض علي الحرام ان لو تبي اسوي عرس شهر كامل بثلاثين ليلة انه تم
ضحكو العيال و نطق سالم:يخليك ياسند اهلك طيب زاهد جاهز ؟
زاهد بربكة:اكيد اكيد عمي جاهز
ضحك صقر: شوفو الخيانة قالك انا و خالد نعرس سوا بس الواقع زاهد
زاهد ضحك:انت الي متأخر بالمنهج وش نسوي لك ، انتظركم توافقون من زمان ، جات من ربي لو رفضت بجلس سنة زيادة اقنع فيكم
ضحكو كلهم عليه من سكت من نظرات سلطان له
شيخة: اتركيه يابو عمر مستانس الولد
سلطان:خفيف تعبت افهمه
زاهد:وشدعوه يبه بعدين كل عيالك طالعين عليك قلوبنا رهيفة
تخبى خلف ظهر عمر وهو يضحك و رفع عمر يده يحميه وهو منهار ضحك:بوجهي يبه
سلطان نزل قارورة ماء:اسكت و اكل لا افصل عليك و احلف ماتتزوج الا بعد ماتنهي مرتك الجامعة
تعدل زاهد:لا يبه خلاص بعقل يكفي انك ماتحلف ما اتحمل
ضحكت الجدة:اهخ الله يتمم فرحتكم يارب
زاهد بـ حُب: آمين جدة كثري هالدعوات
ضحك من ناظره سلطان بحدة
حمد:ياخوي اتركه خلاص
سلطان:ماخذ وجه و متدلع دام انتم معاه
زاهد وقف:عافيه عليكم
الجدة:على وين
كتم ضحكته:علي عازمني بس حبيت ابقى لين خالد يتكلم و اروح اتغدى عندهم
رفع ثوبه يهرب من فز سلطان و مسكه حسن:أهدأ
رايا:يحبها واضح
افراح:طاح شهر يترجى و زعل لين وافق ابوي الله يتمم بس فرحتهم
رايا:لايقين على بعض مرة
شهد:طالعة منها انتي و خالد
ضحكت بخجل:شهد!
خولة:وشو الي شهد بموت بنات مسوية مستحية ماتشوفين حلاوتكم مع بعض ماشاءالله عليكم
نزلت راسها بخجل تناظر اكلها و تسرق نظرات لـ خالد الي مروق و يسولف مع العيال
-
- الكوفي -
دخلت بيـان الكوفي و ابتسم روآف يقوم من مكتبه:يامرحباااا
ضحكت توقف عربية التؤام وتقدمت تسلم عليه
نزلت النقاب:قلنا نسوي لك سوبرايز
قبّل خدها:يامرحبا و مسهلا توه ينور المكان
ابتسمت:حبييبيي يعطيك العافيه
روآف:الله يعافيك وش المفاجأة الحلوة ذي ياربييييي
مشى لـ الكنب و انحى يقبّل التؤام الثلاثي و اخذ ليان بحضنه من كانت صاحية
جلست على طرف الكنب الي جلس عليها روآف و نزلت قبعة ليان وتمسح على شعرها
عض شفايفه روآف:كثير على قلبي والله حلاوتكم يارب لا يحرمني منكم و يخليكم لي و يحفظكم
ابتسمت تناظر وجهه وقربت تقبّل طرف مبسمه:ويخليك لنا سند و ظهر ولايحرمنا منك ولا من حسك بـ دنيتنا كلها
هز راسه بالنفي:بابا شوي
وقف و هو ينزل ليان على الكنب و حاوط خصر بيـان و انحى يقبّلها
ابعدت تضحك بإدراك:حبيبي المكان مو مناسب
عض شفايفه:وحشتيني والله
بيـان ابتسمت تمسح على طرف شفايفه الروج و همست:اممم صدق
ضحك:تستهبلي صح!! من ولدو التؤام ماجلسنا ساعة مع بعض
تنهدت بضيق:ادري والله و مقصرة معاك مرة بس تعرف الحين تلخبط كل ابو نظامنا
قبّل جبينها:امي والله ادري و معاك انا ما اعاتبك لاوالله على التقصير لأن ادري تقصير جاي مني انا كمان مشغول بين البيت و الدوام بس نتعود ياحبيبتي
هزت راسها بابتسامة لتفهمه وهمست:يلوموني بحبك اي والله
ضحك يطلع من الغرفة و رجع بعد ثوان بصينية كوبين قهوة و طبق حلى قفل الباب بالمفتاح و جلس على الكنب
نزلت العباية و حررت شعرها من الحجاب و مشيت تجلس بجانبه لكن سحبها لـ حضنه و جلسها على فخذه و مد لها كوب القهوة
ابتسمت بخجل و جلسو يسولفون
ضحك عمر الصغير يصفق بيدينه و يطلع اصوات
ابتسم روآف يناظره:بابا عموري صحيت
انحى يشيله بحضنه ضحكت بخفة:اهتم بولدك شوي ماقدر اقاوم الحلى اكثر
ابتسم:عافية ياقلبي
جلس يلعب مع عمر و اخذت الحلى والملعقة وتلذذت تأكله:امممم خييال
ضحك بخفة ولف على عمر يسولف معاه ويضحك على ابتسامات عمر له
-
- بيت سلطان -
زفر سلطان بضيق من نطق علي:عمي كلمني زاهد بالرفض بس انت قدرك عالي من أن أخطب كلام وبس ، جيت رسمي اطلب بنتك افراح زوجة لي على سنة الله ورسوله
سلطان:نتشرف فيك ياولدي والله و انت تعرف مهماً كان الرد تبقى عزيز و غالي
علي ابتسم:عارف ياعمي وتبقون انتم اهلي
خرج زاهد للمطبخ يشوف افراح سرحانة تسوي اكل لنفسها
نطق بضيق:علي جاء يخطبك رسمي!
افراح ببرود:ما ابغى قلت لكم ماهو غصب
زاهد:يا فوفا وش سبب الرفض!
افراح:مافي نصيب ما ارتحت
صد يتركها وخبر ابوه بالرفض
علي فهم عليهم و نزل راسه بضيق و تصنع الابتسامة:معليه استأذنكم
خرج مكسور الخاطر و مشى للبيت
سراب بحماس:بشر!
هز بالنفي:رفضت
عبست:ليش!
علي بدموع:حقها انا خدعتها
عضت شفايفها:كيف!
ضمها يبكي وانصدمت:علاوي
جلسو بالصالة وخبرها كل شي و بكى:انا خدعتها من حقها تزعل بس لاتعذبني كذا
سراب:مو نصيبك
هز بالنفي:ما اتركها بخطبها لين توافق
سراب:تكسرك يا خوي افراح عندها عزة نفس ماتلتفت للي يخدعونها و يكذبون لها
علي:بس أنا غير بقلبها ادري
مشى غرفته يحاول يكلمها لكن بلكته من كل مكان و زفر بضيق
-
فتح خالد باب الغرفة وتوجه لـ السرير يشوفها تبكي
عض شفايفه:تعبانة ؟
هزت راسها:مرة اعتذر لي امانة من امك مقدر انزل لها و اتقهوى
هز بالنفي:معليك بس قومي خذي لك دوش دافئ و اجيب لك مسكن و اكل
تنهدت تمسح دموعها:معليك اقوم اسوي اكل انا لا تتعب نفسك عادي روح للعيال
تجاهلها يتوجه للدولاب يطلع لها ملابس و اعطاها و اخذته تتوجه لدورة المياه
نزلت يجهز لها اكل و ناظروه فاطمة و سالم باستغراب من دخل المطبخ ويسمعون ازعاج و طلع بعد ربع ساعة بـ صينية اكل
سالم:وشفيك ولدي
خالد بربكة:ام رؤى يبه تعبانة
فاطمة بحنية:طيب ولدي لا تتركها خذها المستشفى يعطونها ابرة
هز راسه:معليش والله ما تقهوينا مع بعض
فاطمة:عادي ولدي أساساً بنروح لبيت جدك
هز راسه يطلع الغرفة و جلس على السرير مقابلها و ابتسمت بخجل: شكراً
اخذ المنشفة يجفف شعرها وهي تاكل و لمعت عيونها من انعكاس المرايا الي بالجانب عليهم و تشوف كيف يمسح على شعرها بحنية و هدوء و يجفف شعرها و خوف عليها انها تتعب أكثر
ضفر شعرها و قبّل راسها يقوم و تسمع اشعارات كثيرة بجوالها
عقدت حواجبها تشوف الجوال و همست:سناب
هز راسه:عطيت سنابك فروح وهي عطته البنات
هزت راسها تشوف دخلوها القروب البنات والكل يرحب فيها بحرارة و فرح
ابتسمت بوسع ثغر تقفل جوالها بدون رد و ناظرت خالد جاي لها مع مسكنات
وقفت تضمه وبكيت:ياخي احبك
توسعت عيونه بصدمة و ارتبك وابعدت من ادركت:انا ، انا آسفة ، اقصد شكراً
اكلت المسكنات و انسدحت تغطى وجهها بالبطانية و قلبها ينبض بقوة من قوة المشاعر وشهقت تبكي
انصدمت من حست فيه يجلس بمكانه بالسرير جانبها و حست بعد ثوان يدينه على خصرها من فوق اللبطانية و يشدها لـ حضنه
بكيت بحضنه و انهارت بكى تردد اسم رؤى
بلع ريقه وهو يمسح على شعرها لين غفيت
تنهد بصداع من كثر التفكير و انسحب بهدوء يغطيها و يطلع من الغرفة و ارسل لـ فرح:فروح فاضية ؟
ردت بعد دقايق:لبيه ياعيون فروح افضى لك ياقلبي امر ؟
ابتسم يرد:ما يأمر عليك عدو بجيك ؟
ردت:حياك
توجه لـ بيت عمه و ماكان فيه احد و توجه لـ شقة وضاح
فتحت له فرح و سلم عليها و دخلو الصالة
صبت لك قهوة و جلست وهمست:انت بخير
خالد:مدري فرح مدري عجزت اعرف نفسي عجزت تعبت
فرح:بسم الله عليك وشفيك يعيوني علمني
خالد همس:البارح لينا كلمتني وقت رحت اخذ رايا
ناظرته بصدمة:كيف؟
هز راسه بتوتر:شفتها وقالت إنها تبيني و رفضت الي خطبها
فرح بعصبية:بنت اللذينا ياربييييي بحق من صفقها
خالد بربكة:تركتها و دخلت المطبخ عشان محد يشوفنا ويفهم غلط بس رايا كانت موجودة هناك و سمعت كل شي لينا قالته ان اخذتها لاني شفقت عليها
فرح عضت شفايفها:وش قالت
هز راسه:زعلت و طلبت مني اتركها
ضربت فخذه:لاتقول زعلتها ؟
هز بالنفي:لا تكلمنا و قلت انها ماضي وهي حاضري
سكت و همست: متأكد انها ماضي
ناظرها وهمس:قلبي تعبان عجزت انساها و جهة ثانية رايا يا فرح احس مدري
ابتسمت:وش الي مدري قول
ناظرها بابتسامة و همس:ياخي البنت ذي عسل و ربي احس انه عوض ربي لي انسانة رغم انها مكسورة داخلياً اعرف ، بس تظهر للكل انها مو مهتمة عادي عندها ، تضحكني وانا بعز عصبيتي و بعز تعبي تهتم مو عادي عندي اجي من شغل تعبان و وقت متاخر اشوفها منتظرتني و مجهزة لي عشاي ، اسرتني بشكل كبير خلال اسبوع ، حلوة ، حلوة مرة ، اتكلم عنها ولا عن عيونها ولا ضحكتها الي اهه اعجز عن وصفه ولا شعرها الي ماحلى سواد الليل الا عليها و على جمالها كل شي فيها يجننن
ابتسمت:خالد عط نفسك فرصة حاول
ناظرها:تعب قلبي و صرت اخاف
اشر لـ عقله:لينا عجزت تطلع من هنا
واشر لـ قلبه:وام رؤى بدات تستوطن قلبي
فرح مسكت يده وهمست:اعتبر نفسك بالوسط بين جبلين يمينك رايا طايحة و يسارك لينا طايحة و انت مجبور تنقذ واحدة منهم مين تختار ؟
همس بدون تردد:رايا
ابتسمت ونطقت بحنية:لان قلبك قالك صح ، القلب يعرف لو لينا تبغاك كان ماخسرتك بالبداية ، و زي ما رايا استوطنت قلبك بتاخذك كلك من نفسك صدقني بيجي اليوم الي تحمد ربي فيه على العوض الحلو عط نفسكم فرصة حب و عيش حياتك لاتفكر بالماضي كل ما فكرت بـ لينا تذكر ويش رفضها
خالد:خايف اظلم الام و بنتها

" انتهى"

🤍 🤍 🤍