نور : خويا نسولك يونس: سولي نور: بغيت نسولك زعما واش انا غي بغيت نعرف إلى كان زعم.... يونس: واش غادي تبقاي دخلي او تخرجي عليا فلهضرة ( قفزات من صوتو رجولي او تخنزيرتو تهاي لحيط يدوي ) ليلى: ااا اه اه وخ مشي شي حاجة بغيت غي نعرف واش كتعجبك شمس؟😐 يونس: ههه شكون قالها ليك نور: حتا واحد مي انا لاحظت هادشي شي مرات فاش كتبغي دجي تديني بطوموبيل كدير فيها شي شوفات ماعرفت مهم جاوبني يونس: هه حيدي هاد لهضرة من راسك او ديها فقرايتك نور: متأكد يونس: شتك شديتي فيا ضسرتك عليا نوض تكعدي من حدايا خرجات نور كضرب برجليها فلرض من لقمعها ديال خوها او يونس بقا فدوامة تفكيرو معارفش واش حتا لهاد درجة باينة عليه مي مزال منزعم ندير شي حاجة اصلا ممتأكدش ....سمحو ليا نمشي نشوف سلمى فين وصلات خودو راحتك مرحبا دار داركم امينة : سيري اختي لهلا يخطيك شمس: ناري دار كتحمق بزاف قمر: ناري بزاف هادشي كنشوفو غي فالافلام امينة: سكتونا .....ليلى: ولادي جيتو يلاه سيرو لصالون متخليوش ضياف بوحدهم ينيس: منيتك الواليدة اش غادي نديرو حداهم انيس: لواليدة عيان مفياش غي تغداو انا طالع نعس ليلى: شوف اداك جمل نتا سباب ضربتيها غادي دوز او تكلس او غادي تغداو معانا على مايجي باك او بأهم راهم فالخدمة يلاه دبا دخل أنيس او مراه ينيس او اول حاجة طاحت عينيهم فالبنات مينكروش كانو فحلة جذابة او متميزة او بلقرب منهم الام ديالهم .. انيس شاف فشمس لي صدمة باينة عليها اكيد مكانش عارفة بلي راهم جوج ههه دراري: سلام او عليكم لبنات او مهم : وعليكم سلام
دراري سلمو على الام باسو ليها راسها او سلمو على لبنات فيديهم او كلسو امينة: كدايرين أولادي معا شي خدمة ؟ انيس: لباس اخالتي ونتي امينة:حمد الله أولدي انيس: كيف بقات رجلك اشمس شمس( او هيا كتخنزر فيه ): لباس قمر ( او هيا كتهمس فوذن شمس): اولي اختي واش هاد توأم ناري خوه تيتيز عليه شمس: براسي معرفتش مي باينة راه خوه شوفي راهم توأم ينيس(كيهضر فوذن خوه): وضربتي او عرفتي اش ضربتي هههه انيس: لهلا يوريك لسانها سليط انيس: مهم نعرفكم هذا خويا ينيس شمس او قمر: مشرفين شمس:او هادي ختي قمر ينيس: مشرفين اقمر انيس: واش نتوما توأم؟؟ شمس: لا هيا كبر مني بعام مي لي شافنا كيقولها انيس: مممم مزيان مهم سمحو ليا طالع نبذل ينيس: حتا انا مرحبا بيكم امينة : خودو راحتكم أولادي سيرو امينة او هيا كتهضر معا بناتها: تبارك الله رجال قدهم قداش قمر: اه اماما زوينين 🤤 محساتش براسها حتا قرصاتها مها : مبقيتش تحشمي لسانك طوال وليتي عر من شمس🤨 قمر(او هيا كتحك بلاصت لقرصة): اي أماما مالي اش قلت زين حبو مولانا شمس: هههههه امينة : اوى الله يقل حياك ( او ضرباتها ) قمر: اوو اووف هاهيا ساكت الله يا ربي شمس: سكتو خالتي جيايا هاني جيت سمحو ليا تعطلت عليكم امينة: ماشي مشكيل اصاحبتي ليلى: اوى قوليلي شتي لموديلات لي وريتك لبارح والله حتا حمقوني امينة: اه حتا انا نديرو شي نهار نمشيو لمول او نشوفو تشهيت نشري وحدا....... نخليو صحابات يدويو او لخواتات يهضرو اكيد لهضرة على أنيس او ينيس.... شي حد كيدق فبيت أنيس. انيس: دخل ينيس:وفين شتك مزال بحوايجك ههه انيس: عيان ( كيديو او هو مجبد شاد ناموسية كاملة بطولو او عرضو) ينيس: مممم اك بيني او بينك قمر زوينة انيس: وطفاك لهبة ديالك مشات عمرك قلتي لي بلي شي نهار عجباتك شي بنت ينيس(تكا حدا خوه او داير يديه تحت راسو او كيشوف فسقف ): اههه حيت معمر شي بنت عجباتني رآها باينة انيس: ياك ينيس: اه ههه كتبان ختها متبتة على ديك نص شبر ديال شمس ينيس: ههه اه غي من دوك تخنزيرات ديالها باينة حالفة فيك انيس: اوى صافي داكشي لي بقا نوض ق** خليني لبس ينيس: انا كنستناك هنا دخل أنيس يبذل لبس سروال كيطما كري او تيشورت بيض. لاصق عليه او سبرديلا بيضة او دار ساعة فيديه او مشط شعرو او اخر لمسة اكيد اللمسة سحرية العطر الرجولي او هبط هو او خوه من بعد ما شافهوم مجموعين على مائدة الاكل دراري: بصحتكم الكل : الله يعطيكم صحة ليلى: يلاه كنت غادي نعيط ليكم الكل خدا المكان ديالو اكيد بحضور اب دراري او اب ديال لبنات مجاش بحكم لخدمة مقدرش سي كريم كيترأس المائدة مقابلاه مرتو مدام ليلى او حداها امينة او قمر عاد شمس أمامهم كل من ينيس او ينيس شي كيشوف فشي امينة او ليلى غارق فحديثهم الذي لا ينتهي او دراري كيلكلو او لبنات ينغزو بهضياتهم ههه قمر (كدوي بشوية فوذن شمس): شحال يكون فعمرهم ؟ شمس:هاهما قدامك سولهم قمر: يخ تفو عليك مضري متنفعي شمس: هاهاها 😑 سي كريم: مرحبا شرفتونا كولو ابنياتي متحشموش لبنات : شكرا اعمي شمس كانت بغات تهز لملح غي حطات يديها فيها كذلك انيس حط يديو بقاو كيشوفو فبعضياتهم مدة غافلين على الأعين المحاطة بهم انيس: احمم عادي ديري نتي شمس:( وجها داير اشهار لديليسا): اه شكرا اوى يا سيادي لالة ليلى او امينة كيتغامزو بيناتهم ههه او الفاهم يفهم كملو لغدا سي كريم طلع يتكا شويا او هما بقاو كالسين ينيس:اش باليكم نخرجو لجردة بربعة انيس: لي بغيتو ليلى :اه أولادي سيرو ديهم يشوفو جردة او يدورو باش ما يقنطوش قمر قلبها غادي يخرج من بلاصتو اما شمس فمحملاتش غي على قبل ختها وافقات ههه الابطال ديالنا خرجو لجردة لي كانت اقل ما يقال عنها رائع #الصورة#👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
يتبع ......ارائكم 🥀💞شنو عجبكم شنو معجبكمش عارفة كاين جفاف عاطفي مي ماشي دبا المفاجآت قريبة او أحداث مشوقة 🔥💋
