لحفلة كانت غادة مزيان الكل مستمتع بهاد اللحظة فجأة او بدون سابق إنذار دخل للقصر ضيف نقدرو نقولو عليه غير مرحب به اه تقدم بخطة ثابتة نحو انيس او مد ليه يديه
الضيف: اهلان ولد خالتي لباس عليك
انيس: ههه كنت مزيان او مبقيتش شنو سبب الزيارة
نزار: ههه توحشتك او كفما كتعرف عن قريب غادي نتناسبو شنو منحضرش لعرس ختي لوحيدة
(تذكير صغير: نزار هو الأخ الأكبر ديال جيلان كنت قلت ليكم بلي غادي يجي معاهم ولأن لخدمة كانت كتيرا فقرر منبعد يلحق عليهم او هو دبا معانا ....)
فهاد الاثناء جيلان شافت خوها من لفوق تفاجآة او نزلات كتجري لعندو او عنقادو
جيلان:خويا توحشتك بزااف مقلتيش ليا غادي دجي ليوم
نزار: حتا انا توحشتك اختي بغيت نديرها ليك مفاجأة (او قرص ليها نيفها)..... نزار كان فحلة جذابة لابس كوستيم بلومارين معا قميجة بيضة صدايف لولين محلولين ذي لي خلا ولشام يبان او يزيد من وسامتو معا ساعة رجولية او سبرديلة بيضة ....
نزار :فين نسيبي نسلمو عليه
فهاد الاثناء كان ينيس واقف او كيضحك معا قمر او عاجبو لحال شافو نزار او مشا عندو
نزار: سي ينيس كنت كنتاضرك باش ترحب بيا ولالا
ينيس ضار لعندو حيت كان عاطيه بضهر او تقابل معاه او ملامحو ممحية تمام كيشوف بيه بثبات او شوفات كتخلع او نطق
ينيس: كنضن بلي ختك ادات هاد المهم ولاكين فسبيل الله نرحب بيك مرحبا
نزار(نزار مرضاش او وجهو ولا حمر او حاول يخفف الوضع): ههه ترحب بيك جنة او كنبارك ليك هاد الربح تبارك الله شركة غادة فزدهار ولاكين صعيب توصلو لشركة ديالي ولاكين كنقدر المجهود ديالك هههه
ينيس كتافى انو يبقى يشوف فيه
(للعلم كاينة شركة ديال نزار منافسة شركة جوهر فتصنيع السيارات او تصميمهم داكشي باش لعلاقة بيناتهم متوتر )
باش منطولش عليكم الفريزات دياولي لحفلة كانت واعرة بزااف وخ فآخر لجو تعكر لجو بسباب خصام بين قمر او ينيس بسباب لغيرة اه لغيرة حيت نزار عجباتو قمر او هادشي مخباهش نونونو مشات بلا حشمة بلا حيا باش يتعرف عليها تحت انظار الجميع
نزار: سلام انا نزار ولد خالت انيس او ينيس
قمر(معا ضحكة عادية او بريئة): مشرفين انا قمر امم صديقة اه صديقة العائلة
نزار : مشرفين آنسة ولا مدام
قمر(حسات بنوع من توتر ): احم ااا آنسة ههه آنسة
نزار: ممم اوى داكشي لي بغينا (او غمزها )
فهاد الاثناء كان بركان بقالو بضع لحضات على الانفجار عنينه حومر من لمنضر لب كشوف او كيفاش قريب ليها محس براسو حتا مشا ليهم او حجمو ضاعف ......
يتبع فريزات دياولي تعطلت او زيد عليها لجزء قصير خاصني لعصا ولاكين وعد غدا نحط ليكم حلقة جديد بأحداث جد جد جد مشوقة كنصيفط ليكم بوسات كبارييين 💋🍓
أنت تقرأ
☠️🔥التوأم🔥☠️
Short Storyقصة مغربية في غاية الروعة {بدارجة}😍🔥كتجمع ما بين الضحك او الاثااااارة او الهوس لي أربعة ابطال🔥 جيش الفريزات🍓🪞... ممنوع تقليد 🚫
