☠️🔥التوأم🔥☠️

الحلقة20 🌺

نهاية الأسبوع كل واحد كيفاش داز عليه
شمس& قمر عادين مقابلين غي دار او كل وحدة او فارس أحلامها علاقة شمس مع انيس غادة مزيانة اكيد معا لخصام او لمدابزات بسباب لسانها سليط كذلك قمر او ينيس علاقة مزيان وخ مزال كيعتابرو بعضياتهم أصدقاء حتا حد مزعم وخ هكاك مزال لخير تبعوني او غادي تعرفو اش غادي يوقع ليهم .....
بنسبة لنور او مجد كل واحد عندو نفس لهم اكيد شتاقو لبعضياتهم بعد فراق طويل او الوقت هو لغادي يحدد مصيرهم واش صدفة هادشي واش إشارة باش يرجعو لبعضياتهم هادشي غادي نعرفوه معا أحداث القصة .....🔥

🌱أصبحنا و أصبح الملك لله🌱

امينة: نوضو نوضو واش غتبقاو ناعسين ااا ياك علمتكم بلي غادي يجيو ضياف
قمر(كدوي او هيا مخسر سيفتها): ماما راه 8 هادي واش من دبا
امينة: نوضو قسما بالله نجي نلقاكم مزالين مجبدين حتا نشتف عليكم هاني مشيت
شمس(كتغطي وجها بكاشة): زمر سدي داك سرجم
قمر(او هيا كتلبس بيجامتها ): واش منيتك مسمعتيش ماما اش قالت راه خالتي ليلى جايا ليوما يتعشاو  ونتي باغا تكملي نعاسك
شمس:وايلي حلفي
قمر:احيي عليك زعما معرفاش ماقالهاش ليك مسيو أنيس
شمس:اييه نسيت 🙂
قمر:انا داخلة ندوش
دخلات امينة على غفلة حتا قفزو لبنات
قمر: اويلي اماما خلعتيني مالك
امينة: صحابلي باقيين ناعسين
قمر &شمس:😑😑
مهم لبنات دخلو دوشو لبستو بيجامات عادين ولاكين زوينين معا لمسات سحرية او هبطو فطرو باش يعاونو ماماهم تقدية جميع دار طياب او كلشي نخليوهم او نمشيو لجيهه أخرى......🥀
●●●●●●
ولدي حل لباب عفاك راني خايفة عليك ربعيام ونتا ساد عليك حل اولدي عاود ليا مالك
مجد(بلغوات): لولليدة سيري خليني عليك هاد ساعة مبغيت ندوي معا حد غي خليني 😡😡
لالة حسناء(عينيها غرغرو ): ولدي الله يرضي عليك حل عليا ندوي معاك شوف والله منتحرك من هنا حتا نشوفك يلاه هاني هنا نكلس
عما الصمت لدقائق حت تسمع صوت لباب تحل ناضت لالة حسناء بقات واقفة من بعد دخلات لقات ولدها ناعس على كرشو معري من لفوق او ضهرو واشم اسم  نور بخط عريض لبيت مرون او مظلم لحد الان معرفاتش ولدها اش عندو قربات منو حطات يديها على شعرو او كلسات حداه
حسناء: 🥺ولدي مجد اش عندك راني ماماك عاود ليا اي حاجة انا فجنبك
مجد(كيدوي او هو مغمض عينيه): شفتها طاحت عينيا فعينيها لعسليين باقا كما عرفتها زوينة باقا بريئة او حساسة بقا كفما خليتها توحشتها بزاف
حسناء : يلاه نخطبوها
هنا مجد حل عينيه على جهد او كلس مقابل معاها او كيشوف فيها
حسناء: ههه مالك اولدي تفاجأتي انا على قبلك ندير اي حاجة يلاه نمشيو نخطبوها ليك لمهم نشوفك فرحان
مجد(عينيه عمرو بدموع): لوليدة ماشي هنا لمشكيل لمشكيل فعائلتها مغادي يقبلو او آلة رفضوني ااا شنو ندير
حسناء : خلي الامر عليا انا نتكلف غي متقربش ليها وخ تشوفها دير بحالي مكتعرفهاش باش تحس بالأمان صافي انا غادي نتكلف
مجد(عنق مو او بأس ليها راسها ): الله يخليك ليا الحب ديالي ههه
حسناء : اوى نهار تزوجها منعرف واش نبقا حبك ولالا هههه
مجد: الله يهديك الواليدة نتي هيا حبي لول
حسناء(ضرباتو لكتفو بلخف): يلاه نوض دوش راه صحابك شحال او هما بسولو فيك نوض دوش باش يجيو لبنات يجمعو ليك لبيت غادي نقولهم يوجدو ليك شي حاجة تاكلها
مجد: صافي وخ لهلا يخطيك انوض دبا ....
●●●●●●●
ليلى: اسي كريم كون تسمع لبس هاد لقميجة هيا لي تجيك زوينة واش مكتيقش قذوقي
كريم:الله يخليك ليا صافي غي تهناي هاني غادي لبسها صبري .... كيجات
ليلى: شتي دبا كي جيتي انا لي دايا زين
انيس : هاي هاي لحب على صباح
كريم: مالك بقا فيك لحال
انيس: لالا علاش غيبقا فيا خاصني نتعلم منك الوليد باش مرتي ميخصها والو
ليلى( طلقات ضحكة خفيفة او هيا كتشوف فانيس بنضرة خبيثة): مممم شكون هاد سعيدة الحظ لي غادي تدي ليا ولدي
انيس: لوليدة متبدايش هاني مشيت لخدمة تهلاو
ليلى: او سلملي على شمس ههه
انيس(كيضحك ):هههه مبلاغ
كريم : ههههه اوى الله يجمعهم بالحلال إلى كانو كيبغيو بغضياتهم
ليلى: امييين يا سيدي ربي
كريم : فين هو ينيس
ليلى: راه مشا صباح بكري يجري فلغابة
كريم: اه اوى صافي هاني مشيت بسلامة
باس ليها راسها او مشا
جيلان: صباح لخير خالتي
ليلى: صباح نور
جيلان(او هيا كتاكل ): فين ماما
ليلى: راه مشات معا سائق بغات تشري شي حوايج
جيلان:ااا اوكي او ينيس مبانش ليا
ليلى: راه خرج يجري صباح بكري
فهاد لحضة دخل ينيس عرقان لابس ملابس رياضة او فوطة فوق عنقو او او كاسك او شاد قرعة ديال لما او نطق بصوتو رجولي
ينيس: سلام
جيلان لتفاتات لمصدر الصوت او ناضت كتجري بطالونها لعندو  او نطقات بصوت ملحون رقيق
جيلان:حياتي جيتي اجي تفطر معانا
ينيس مشافش فيها او نطق : مفياش
جيلان بقات واقفة لو جنون كيشطحو ليها فوق راسها
مشات باتجاه المصعد حتا وقفاتو مو فخبارك بلس غادي نمشيو عند لالة امينة
ينيس: فخباري غادي نطلع ندوش نمشي لخدمة ملي مرجع نمشيو
جيلان:اا شكون هاد امينة واش غادي نمشيو كاملين
ليلى: اه واش مقلتهاش ليك امينة صاحبتي عارضانا لعشا اه غادي نمشيو كاملين
جيلان: اه صافي مزيان انا غادي نطلع عند ينيس
ليلى: وخ لي بغيتي انا فجردة إلى بغيتيني
جيلان: وخ خالتي......

يتبع الفريزات دياولي 👑🍓......
توحشتكم بزااف دبا غادي نبقا نحط ليك كل يوماين ولا تلاثة جزء نتمنى تعجبكم راه مزال طويلة فيها أحداث مطيحش على بالكم عارفة راسي غادي نصدمكم  غي صبرو او قراءة ممتعة 😘😘😘