☠️🔥التوأم🔥☠️

الحلقة7🌺

الابطال ديالنا كيتمشاو يسرحو رجليهم فاراضي العجائب الطبيعة الخلابة او الازهار لي عاطيها جمالية خاصة انيس بالقرب من شمس او قمر بالقرب من ينيس
ينيس: شنو كديري فحياتك
قمر: انا دبا هاد لعام عندي لباك ونتا؟؟
ينيس: احم احم انا رجل أعمال خدام فعدة شركات خارج او داخل المغرب
قمر: مممم مزيان
دارت قمر موراها كتشوف دوك جوج كيفاش كيشوفو فبعضياتهم اكيد شمس او أنيس او هيا تنغز ينيس: لي شاف هادو ميقولش هما لي كانو مشادين فصبيطار
ينيس او قمر قهقهو بضحكات شبه خفية باش ميشوفوهمش مي شمس...
شمس: مالكو علاش كتشوفو فينا وضحكو
قمر: لا والو اختي مكاين والو
شمس: مممم اوى الله يبهدلك
قمر: هههههه
بقاو فحديثهم الطويل باش يزيدو يتعرفو على بعضياتهم كتر
.......امينة: اوى ختي هدا جهد خصنا نمشيو قبل ما يطيح ضلام فين مشاو هادوك سليعفانات
ليلى(بضحكة لطيفة): هههههه راهم معا دراري باين غتكون عجباتهم طبيعة هنا
امينة: اه عزيز عليهم لخروج اه قبل منسا ليوم سبت ياك  سبت جايا انا عارضاكم لعشا ضروري
ليلى: الله يا لالة بلا جميل متعذبيش راسك
امينة: لاواه مافيها والو اجيو نديرو عشيوا نهضرو نضحكو بيناتنا او نقصرو
ليلى: اوى وخ منرضهاش ليك فوجه نقولها لمول دار او يكون خير
امينة: اوى خليتك على خير
كانت خارجة هيا او ليلى من دار حتا لمحوهم جايين بربعة صراحة منضر واعر والله 🥹.....
ليلى:جيتو صافي كيف جاكم داكشي ؟
قمر: واعر اخالتي
شمس: زوين مشاء الله مفوج
ليلى:اوى حمد الله مرحبا بيكم ديما فداري محلولة فوجكم
امينة:لهلا يخطيك حتا نتوما مرحبا بيكم او كيف ما اتفقنا ( او همزات ليلى) صافي
ليلى: كوني هانية اجي معايا باش نوصي سائق يوصلكم حتا لباب دار
مشات ليلى او مرافقاها امينة او يلاه كانت غادي تمشي شمس او هو يشدها أنيس من يدها: فين غادة
شمس بتعجب : فين فنظرك راحنا غاديين فحالنا
انيس: عارف قبل عطيني نيمورو ديالك
شمس: علاش
اتيس: واش فعقلك لعجينة
شمس: لا راني فهمت مي مبغيتش
انيس: ياك
شمس: اه مبغيتش
انيس: وخ الآلة
شدها من خصرها او لصقها معا لحيط محاوطها بيديه الضخمة او كيشوف فعينيها لي كيغرق فيهم بسهولة
انيس: دبا يا تعطيني ولا مغاديش نطلقك
شمس:اويلي اش كدير واش حماقيتي راه غادي يشوفنا شي حد عفاك طلقني ماما غادي تشوفنا عفاك
انيس: لا 😏
شمس: صافي صافي غي طلق غانعطيك
انيس: ديريها من لول
شمس: هاهيا قيد 😒😑
انيس: يلاه تبعي ماماك او ملي نقولك شي حاجة ديريها
شمس: هاهاها 😑😒 او بصيفتك شكون اسيدي
انيس: غادي تبقاي طولي عليا فداك لسان حتا نخرجو ليك
بقاو مدة كيشوفو فبعضياتهم غافلين على الأعين لي كتشوف فيهم اكيد قمر او ينيس لي فهمو لبلان
صافي الآنيسات ركبو فطوموبيل او مشاو او ليلى معناق ولادها كل واحد فجيهة او داخلين لدار فرحانين هههه طلعو دراري كل واحد فبيتو ليلى مشات تعاون لبنات فجميع حيت داكشي كتيير او من جهة انيس معارفش اش واقع ليه نهار كامل كيكون معصبة كيشوفها كينسا كلشي داكشي جا دغيا معارفش باش كيحس لي متأكد منو هو انها زوينة بزاف
او بنسبة لينيس مزعمش يطلب نمرتها كيستنا حتى دجي لفرصة المناسبة
#...وصلو لبنات الام شكرات السائق او مشا
شمس:انا غانطلع نرتاح على ما يوجد لعشا عيانة
امينة: ياكما حنا خدامات ابنتي عندك دوزي تعاونينا يلاه بدلي حوايجك
قمر: يلاه انووضي ههههه
طلعو لبنات لبيتهم يبدلو حوايجهم
قمر: اجي نتي لهنا اش وقع بيناتكم قبيلة راني شتكم ( او غمزاتها ) ههه
شمس: لا والو غي بغا نمرتي و صافي
قمر:مممممم
شمس: (او هيا كتعيبها): مممم🥴بقرة 🐄 شتك مفاهما نتي او سيدك ينيس ههه
قمر: لالا عادي غي آمي
شمس: مممم آمي وخ
نخليو أبطالنا يرتاحو او نمشي ........
خديجة: يونس يونس (كتعيط عليه)
يونس(فلكوزينة كينقب او كيديو فمو عامر): هاني جاي
وي لواليدة بغيتيني
خديجة: والو أولدي غي بغيتك تكلس معايا نشوفك مبقيتش نشبع منك ونتا نهار او مطال برا كلس نشبع منك
يونس: لواليدة راني كنعرفك مزيان(غمزها او قرصها فحنكها)
خديجة : اوى أولدي ملي عقتي(طلقات ضحكة خفيفة) بغيت ندوي معاك فموضوع زواح
يونس غي سمع زواج تلاشات ضحكة ديالو او جا نايض يمشي حتا حس بيد مو شاداه
خديجة: اويلي اولدي نتا غي نجبد ليك زواج دجي نايض سمع نقولك مبقا ليك والو او دخل فتلاتين عام امتى بغيت نشوف حفادي ااا هضر حتا يدي مول الأمانة امانتو(طاحو دموعها )
يونس: صافي الواليدة الله يطول فعمرك متقوليش هكا ( او هنقها حاط راسها فوق صدرو لعريض) صافي متبكيش يكون خير اميمتي
خديجة: هيا الى بنت فاطمة جارتنا زين او لحداكة او تأويل او رزانة
يونس: وعش من نيتك الواليدة خليني ساكت صافي غي معنديش بنت خالتي قلتي نزوجو بنت لجيران سمعي نهار نبغي نتزوج انا غادي نختار لبنت لي تستاهل مشي بنت ...( مسح على وجهو بعنف حيت بنت لجيران قح*** مي الام ديالو مكتشوفش هادشي ) لواليدة هاني خارج تهلاي
خرج او خلا مو فدائرة الخوف بغات تأمن ولدها انه يتزوج او ترتاح من جيهتو ........
يتبع ....ارائكم💋🥀