☠️🔥التوأم🔥☠️

الحلقة16 🌺

اهلان ولدي ينيس لباس عليك
ينيس: لا رد غي كيشوف فيها
جيلان: شفتي اماما تفاجأ باين فرح (قربات منو سلمات عليه من وجهو ) لباس عليك
ينيس(بقا واقف بثبات او عينيه كي صقر كيختارقو جيلان او خلود او نطق بنبرة قاسية): لباس
ليلى(ناضت من طبلة مشات لعنهم باش تلطف لجو او تستقبل ختها او بنتها ): ااا اهلان اهلان بختي او بنتها (سلامات عليهم بجوجات ) دخلو دخلو متبقاوش فلباب ولدي اجي كلس معانا شويا عاد سير
ينيس: خدام بسلامة
ليلى:اا زيدي كلسو مديوش عليه راه مشوش غي معا لخدمة
كريم:مفاجأة زوينة مرحبا بيكم (سلم عليها بيد مع ابتسامة )
خلود(بابتسامة عريضة): ترحب بيك جنة سي كريم كداير لباس عليك
كريم: حمد الله ... بنتي جيلان اش خبارك لباس عليك
جيلان: (سلمات عليه فوجهو): لباس اعمي ربي يخليك
كريم : اوى حمد الله مهم نخليكم عندي لخدمة سمحو ليا زربان او  مرحبا بيكم
ليلى: وخ كريم متعطلش على لغدا  راك عارف
كريم:اه اه كوني هانية
خلود:خود راحتك اسي كريم
جيلان :انيس لباس عليك
انيس: حمد الله ونتي
جيلان: انا لباس
انيس: مم مهم تهلاو
خلود(كدوي معا راسها:صواب تبارك الله الله يخليها سلعة)
ليلى: سلمى جيبي جو طباسل او كيسان او فراشط
جيلان: اه خالتي فيا لموت دجوع لماكلة ديال طيارة خايبة
ليلى(بابتسامة بشوشة): ههه اوى راكي فدار خالتك لي بغيتيها مرحبا راني بحال ماماك
جيلان: لهلا يخطيك(شافت فماماها بخبث او  كذلك هيا بادلاتها نفس النظرة معا ابتسامة جانبية)...
انيس: ينيس تا صبر مالك زربان
ينيس: اش باغي حتا نتا
انيس:اووه تهدن اصاط واقيلة لواليدة رآها سيريو هيا قريب نحضرو عرس ههه
ينيس(ضربو بكروشي لكرشو حتا تزوا): هادي باش تسد كرك
انيس(كيدوي او شاد فكرشو ): الله ينعل لقحبة ديماك واش جهلتي مالك
ينيس(كيتشمى لامام بخطوات ثابثة متوجه لسيارتو من تشكيلتو بورش بيضة ): نتا لي جاي عندي
مشا مكسيري مخلي موراها غي لعجاج
كذلك انيس من بعد ما كمد دقا ديالو ركب سيارتو تابع خوه خوه لشركة
.......................
لبنت 1: ناري لبنات الامتحان مبقا والو انا بعدا او تقولو واش هزيت شي كتاب معتامد على رضاة لواليدين هههه
قمر: ياك اختي
لبنت2: لبنات شوفو داك تيتيز بلما تعيقو
قمر: اختي بغيت غي نعرف شحال من واحد كيعجبك فنهار اوو بزاف
لبنت2:اختي خليني زين حبو مولانا
البنت1:زيدو زيدو راه سلات الاستراحة
دخلو لفتيات لقسم بقات ليهم ساعتين او يخرجو
#نمشيو عند شمس نشوفو اش كدير #
نور: يلاه عاوديلي
شمس: اش نعاود ليك
نور: نسيت سميتو أناس ولا ينيس اه لا انيس ياك
شمس: اه انيس مالو
نور: فين وصلتي نتي وياه
شمس: واش هبيلة هاد ساعة انا وياه غادي نوصلو لمحكمة راه مكاين والو من داكشي لي فعقلك منيتك صافي داكشي لي بقا
نور: ابنتي بردي بردي غي سولتك بصح خاسني نشوفو ضروري قلتي كاين خوه
شمس: اه بصح بالي بحالي معجب بختي
نور: ويلي واش ختك
شمس: هههه اه
نور: ياك او انا لا حنين لا رحيم
شمس: شوفي يقدر يكون عندهم شي صاحبهم تيتيز
نور: اوى ضبري على ختك
شمس: نوضي تكعدي نوضي ندخلو
.......(سلات حصص لبنات الصباحية رجعو لدار او كان اخر نهار حيت عندهم عطلة قبل الامتحانات لمدة 15 ليوم )..........
انيس: الو
شمس: وي صافا
انيس: حمد الله فينك
شمس: فدار فين فنضرك
انيس(سد عينيه او عاود حلهم بقلة صبر ): يا ربي صبرني
شمس: علاش بسلامة متلي اش درت
انيس: صافي والو انا لي درت
شمس: اش بغيتي لاش مصوني
انيس: فخبارك عمر شي حد تجرأ يدوي معايا بهاد طريقة راني غي صابر ليك او جيتي أنثى
شمس(حطات تليفون فوق ناموسية او بدات تصفق بيديها او نطقات): هاي هاي هاي شكون كيدوي راك مزال معرفتيني والله يا وليدي حتا نرض لي ضهرك رطب من كرشك ولاهيلا قالك صابر حيت انا أنثى والله اا.....
انيس:ااااا ا صافي واش مكتسكتبش واش مكتعيايش من لهضرة خاص غي ليجبد معاك لهضرة مهم اش باليك نخرجو انا وياك او ختك او خويا اه او واحد صاحبنا نتمشاو جيهت لبحر
شمس: مممم هيا دبا فكرة زوينة بصح معرفتش واش غادي تخليني ماما نشوف او ردك عليك
انيس: وخ صافي يلاه باي
شمس: بسلامة
اووف ويلي كي غادي ندير
قمر: اش غادي ديري
شمس(قفزات): اوف الله اختي ديري لحس خلعتيني
قمر: معامن كنتي كدوي
شمس:معا انيس اجي كلسي نقولك
قالي بلي بغاني نخرج معاه او حتا ينيس او شي دري صاحبهم اش باليك او نديو نور معانا
قمر: من نيتك ابنتي صحاب لولديك مامانا سميتها جاكلين ولا
شمس: وراني عارفة بصح إلى قلت ليه لا غادي يجي دير ليا شوهة فدار معرفتش علاش كيدير ليا هاكة تفو
قمر: ديك لمرة سلكات على خير هادي منضمنهاش ليك بصح نجربو موت وحدا لي كاينة هههه
شمس: صافي مشات يخليك ليا
يلاه نوضي نتغداو
...............
جيلان:خالتي واش مزال ميجي ينيس
ليلى: راه قريب  مبقا ليهم والو
هاهما جاو نيت
دخلو دراري بهيبتهم المعهودة او الأناقة
دراري : سلام
مشات جيلان نقزات على ينيس معنقاه :سلام عمري لباس عليك
انيس تصدم منها او من جرأتها اما ينيس بقا كيشوف فيها انا جيهة يصرفقها قيها شد لها من دراعها او نطق بحدة او عينيه قعينيها : اخير مرا تحطي يديك عليا او تخرجي شي قلوة من فمك ليا
الكل خرج عينيه من تصرف ينيس اما جيلان عينيها غرغرو من معاملتو ليها ولاكين هيهات ثم هيهات رآها جيلان او اجر على الله نطقات بصوت ملحون او هيا كدوز يديها فعنقو : حشومة تقول هكا لمرتك المستقبلية زعما عرسنا قريب
ينيس(عينيها ولاو حومر مثل الجمر او صدرو كيطلع او ينزل بحال شي ثور هائج شي لي خلا جيلان يحيد يديها او ترج بلور): اش قلتي مرتي عاودي مسمعتش هيا لي عمري تحلمي بيها
ليلى: لواه اولدي هادشي ديونا فيه واش مبقيتي كتحتارم حتا واحد ولا شنو
ينيس: لواليدة نتي على راسي او عينيا بصح مستحيل مستحيل
مشا طلع لبيتو مخليهم فدائرة أفكارهم
خلود(كلسات فكرسي): سمح ليا اختي مشي هادشي لي تافقنا عليه اش هادشي ويلينا ضحكة انا او بنتي  ديري شي حل
جيلان مشات كتجري لبيتها او خبطات لباب
انيس: مبقيت فاهم حتا وزا فيكم نخليكم
ليلى: مبقا عندي جهد ليه راسو قاسح راني قلت ليه يدور حتا يعيا مغاديش يلقا بحال بنتك او هانتي كتشوفي عييت
خلود(كدوي بصوت شبه غير مسموح )انا لي عندي لحل
ليلى: قلتي شي حاجة اختي
خلود: ااا لالا
ليلى: مهم يلاه نتغداو حنا بعدا
خلود: وخ ختي يلاه (او بتاسمات ابتسامة خبيثة )

♥️أحبك قبل أن تراك العيون وحبي لك فوق كل الظنون أحببتك بهراً.. بقدر الحصى بقدر أشجار الكون قلبي لديك رهين، وعقلي بك مجنون🥺

يتبع فريزات دياولي 👑🥹............