جيلان (كدوي بصوت رقيق انثوي ): سلاام لباس عليكم متحاتش ليا لفرصة نتعرف عليك فاش جينا عندكم ديك لمرة مهم (مدات يديها لشمس)انا ... مزال مكملات هضرتها نطق ينيس ينيس: هادي بنت خالتي جيلان اجي بغيت ندوي معاك جيلان صفارت او خضارت او حسات بالاحراج رجعات يديها عندها او تبعات ينيس لي بعدو شويا من عندهم لواحد لقنت مفيهش صداع ينيس شدها من دراعها بعنف او نطق بصوت كيعبر على الغضب او نفاذ الصبر .... ينيس: نتي اش كتحاولي ديري اممم واش غي لقيتيه تبقاي تعاودي ليه ااا دوي واش بيني او بينك شي عقد (هز ليها يدها مقربها لوجها )واش عطيتك شي خاتم واعدتك بشي حاجة دوي جيلان(دموع على طرف عينيها مي كتحاول متبين والو): واش هادشي كامل على قبل ديك لمسخة ااا كتبغيها خاصك تعرف بلي انا لي كنبغيك او كتر منها واش مكتشوفش هادشي ااا ينيس(هز يدو او نزل عليها بتصرفيقة ): هيا بزاف عليك ماشي مسخة او ماشي بحالك فهمتي(هز صبعو موجود لوجها) اخر مرة دوي عليها بهاد طريقة ولا غادي تلقاي راسك برا فهمتي لا خالتي ولا لواليدة غادي يفكوك مني حيت خلاها واقفا او مشا جيلان(كضحك بهستيرية ):ههه وخ سي ينيس بغيتي تلعب غادي نخليك تلعب غي صبر بشوية بشوية او غادي تولي تجري موراياهههه....... مشات مسحات دموعها دخلات لحمام تقاد مكياجها او فهاد الاثناء كان التوأم ديالنا طلعو لمنصة لخاص بيهم باش يلقيو كلمات ترحيب على الحضور.... تسلطو الاضواء عليهم او صمت سيد الموقف او بدا انيس فإلقاء الكلمات... انيس(واقف بطل رجولة او تخنزيرتو لي حاضرة معاه او الوسامة لي خلات كاع لبنات يطيحو فيه كيدوي بكل ثقة او صوت شجي ): انا بدوري كنرحب بيكم كامل كنشركم على لحضور ديالكم كان ليا شرف اني تكون ليا علاقة بيكم بكل صفقة ينيس: او الفضل كيرجه لسي كريم الاب ديالنا كنوجهو ليه كل التحيات هنا تعلات تصفيقات او لالة ليلى كتشوف فولادها بكل فخر او كلشي فرحان نزلو الابطال ديالنا من لمنصة او تطلعات اغنية فقمة الرقي لي الرقص او كلشي ناض كيرقص بطريقة لائقة ..... (🪷Joe Hisaishi🪷 لبنات سمعو ليها رآها زوينة بزااف ) هنا تقدم كل من أنيس او ينيس لقمر او شمس او طلبو منهم باش يرقصو معاهم او ناضو كيرقصو بكل لباقة او رقي او انسجام ... بقات واقفة نور بوحدها كتشوف فيهم كيفاش كيقصو او فرحانة ليهم وخ مكرهاتش ترقص ولاكين معليش حتا وقف قدامها بحال رعد مجد:ايهو مالك ساهية نور: اا انا والو غا كنشوف مجد: فاش نور: فهاد رباعي وشحال جاو مع بعضياتهم مجد: اجي نشطو نور: اا شنو انا وياك لالا بلاش مكنعرفش مجد: زيدي انا نوريك كيفاش نور:لا غادي غي نتشوه غي خليني مجد بلاما يجاوبها جرها من يديها لوسط ساحة الرقص هز يديها حطها فوق كتفو او شد يديها لخرا او بدا يعلمها كيفاش ترقص بشويا وشاد معاها لخاطر وخا عصباتو او كيقوليه واحد راس يهزها او لوحها من شرجم خخخخخ.... بقاو كيرقصو او ساهيين فبعضياتهم او كيتبادلو بنظرات كل حب او شوق او هوس ... لأضواء كانو مسلطي على انيس او شمس او قمر او ينيس كلشي كيسول شكون هاد الاميرات لي معاهم ها لي عجبوه ها لي حاسدهم الله يستر لالة ليلى فاش شافت انيس كيرقص معا شمس عجبها لحال ولاكين فاش شافت ولدها ينيس كيرقص معا قمر او كيفاش كيشوف فيها معجبهاش لحال وبدأت كتقلب على جيلان او مها خلود لهاد جوج كانو كيراقبو كلشي من لفوق او كيوجدو أشر او أشد انواع العقاب لأي واحد هانهم او لهضرة على ينيس ...... ##...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
