☠️🔥التوأم🔥☠️

الحلقة32 🌺

جيلان: اوف عييت بدوران
خلود: حتا انا عييت تقدينا بزاااف
ليلى: ويييه ان شاء الله بعد غدا نبداو تحضيرات ولاكين قبل خاصنا نعرضو ناس او غدا لخطبة
ينيس: مكان لاش نديرو داكشي بيناتنا او نجمعو او نطويو
جيلان: حبيبي جيتي (تعلان على رجليها او باستو فحنكو )اجي تشوف بيتنا راه قدوه لينا
ليلى: سير أولدي معا مراتك سير
ينيس(ساط بجهد او هو ماعجبو حال اكيد غادي يتزوج بوحدة مكيبغيهاش غي على قبل ماماه بدا كيحل لكرافاطا او طالع فالمصعد او هيا شادة فيه بحالي خايفاه يهرب)
دخلو لبيت سد لباب بجهد حتا دارت قافزة تقابل معاها كيشوف فيها شوفات كتخلع
جيلان: مم مالك كتشوف فيا هكا
ينيس: شفتك تيقت راسك مجاش معاك دور ديال زوجة (كيهضر او هو كيتمشى حتا لصقات معا لحيط)اه انا غادي نتزوج بيك حيت لوليدة بغات هادشي ماشي انا فهمتي مبغيتش توقع ليها شي حاجة بسبابي فهمتي نتي مكتعني ليا والو ونتي عارفاني كنبغي قمر كنموت عليها غادي يجي لوقت لي لواليدة غادي تفهم هادشي او غادي نقدر ديك ساعة نطلقك او نتزوج قمر فهمتي قمر
هاد سمية بقات كتعاود فوذنين ديال جيلان شويا او هيا تغوت فاقدة سيطرة
جيلان: مستحيييييل فهمتيييي جيلان إلى بغات شي حاجة كتوصل ليها او هيا مغاديش تكون ليك مغاديش نخلي عينيك طيح فعينيها ديرها فراسك
هو خدا هضرة زايد ناقص او لي معارفوش بلي هيا كتعني هاد لهضرة خلاها او مشا لبيتو يدوش من بعد ما سالا مشا لبالكون خدا ليه كاس فيد او ليد لآخر كيشوف تصويرتها بكل حب او كيلوم راسو على كل دمعة طاحت من عينيها بسبابو

جيلان : خويا بغيتك ضروري نتلاقاو فلكافي ديال ****متعطلش
نزار: صافي وخ
جيلان: اوكي.....غادي نوريك مزيان

☕️في المقهى☕️

جيلان: في وصلتي
نزار: داكشي لي بغيتي اختي درتو عرفتي علاش اول على قبلك تانية باش نوري داك سي ينيس علاش انا قاد غادي نخليه يحماق او ينساها
جيلان: مزيان مبغيتوش يعرف فين كاينة غبرها
نزار : وخ مهم نخليك
جيلان: وخ بسلامة

⏳️23:30⏳️

لالة امينة: الله يربي فين بغات تكون هاد لبنت يا سيدي ربي
شمس:🥺عفاك اماما تهدني راه غادي تكون جايا فطريق
لالة خديجة(ام نور):اه ختي رآها بعقلها دبا دخل لدار غي صبري
لالة امينة: لالا بنتي او كنعرفها لالا بنتي يا سيدي ربي رجعها لياااا علاش نتوما خليتوهاااااا بوحداهاااااا علااااش ياك خرجتو كاملين رجعو كاملين يا سيدي ربييييي
نور:خالتي راه هيا لي بغات تبقا بوحدها
امينة: فين باك مزال مجا صافي غادي يكونو لقاوها مغتاصبا او مقتول او مليوحا فشي قنت
شمس(ناضت بلغوات): براكا اماما الله ينجيها ماشي حتا  لهاد درجة 🥺
فهاد الاثناء دخل سي احمد كما عرفتو هو كوميسير او حداه مجد لي لابس لباس رسمي هو خدام معا سي احمد إلى تفكرتو راه قلت ليكم مجد كوميسير حتا هو ولاكين احمد شاف ديالو مهم دخلو لدار مشا سي احمد عند امينة لي كانت شادة راسها غي شافتو ناضت شدات فيه
امينة: احمد فين بنتي اهئ اهئ هدر واش .. واش لقيتيه بغيت بنتي جيب ليا بنتي ولا غادي نتبعها
احمد: غي تهدني بنتنا غادي نجيبها ليك دبا خاص شمس او نور يمشيو معانا حيت هما اخر  وحدين كان. معاها يقدرو يفيدونا فشي حاجة
مشاو لبنات فطوموبيل معا مجد او سي احمد مشا معا لبوليس لاخرين وصلو لمقر ديال شرطة او دخلو .....

يتبع فريزات دياولي...🍓😍

خليو ليا نجمة او كومونتير راهم فابور يلاه متكونوش مسمومات 😘👋او سمحو ليا على تعطال وخ كنغبر راني كنكتب خير الله باش كل يومين ولا ثلاثة لوح ليك حلقة 😉