☠️🔥التوأم🔥☠️

الحلقة14 🌺

شكرا بزاف حيت وصلتيني
ينيس: مشي مشكيل
حيدات صمطة او جات تهبط حتا شدها فمعصمة يديها او دارت شافت فيه
قمر: اا مالك
ينيس: بلاتي( دار مور لكوسان دييالو خدا بوكي ديال لورد حمر كبيير او تقاد فكلستو كيشوف فيه او طلع عينيه كيشوف فيها او نطق
ينيس: هاكي
قمر:(شدات لبوكي بعدم لفهم او فنفس لوقت بخجل )اا وا واش ليا انا
ينيس: و شنو باليك
قمر(حنيكاتها توردو او حدرات راسها كتشم فريحتو ): شكرا بزاف كيحمق ريحتو زوينة
ينيس( او هو مركز فعينيها لخضرين ): متكونش بحال ريحتك
قمر( شافت فيه بصدمة او اكتر خجل و بدات كدور فعينيها ):اا او او باشمن مناسبة
ينيس( حس براسو او حنحن عاد نطق): احم واش ضروري شي مناسبة
قمر: مممم اوى إلى جات عليا راه إلى شي حد جاب ليك لورد إلى لي سبب
ينيس: او شنو هما الأسباب لي تقدر تكون ( شاف فيها معا ابتسامة خبيثة )
قمر: احم مثل إلى كنتي باغي تشكر شي حد ولا باغي تبين ليه الاهتمام ديالك ليه اولا اولا إلى كنتي كتبغيه بزاف او معجب بيه
ينيس: او إلى كانو كاملين
قمر(كدور فعينيها لمهم متشوفش فيه): ااا معرفتش مهم نعاود نشكر بزاف يلاه بسلامة
ينيس: وخ باغا تهربي اوكي بسلامة
قمر:( ابتسامة خفيفة).....
وصلات قمر حدا لباب خشات لبوكي فكارطاب ديالها عصراتو شويا باش يدخل حتا كتلمح ختها جايا
قمر: جيتي اويلي مالك كتنهجي
شمس: اووف اححح اميمتي سخفت اه كنت كنجري
قمر: او علاش
شمس( بدات كدور فعينيها كتقلب على شي كدبة باش تسلك من ختها ): اا لا مشي شي حاجة تشيهيت نجري وصافي .( اويلي اش هاد لكدبة اشمس)
قمر: واش بنت ليك كنرضع صبعي او مال وجهك حمر هكا
شمس: قمر واش لباس شتك دايرة ليا لونكيط خليني ندخل عييت
قمر( او هيا مصغرة عينيها): ها هيا سكتات دخلي دخلي
لبنات : سلام
امينة: سلام دخلو باش تغداو تخرجو معايا باش نتقدا راكم عارفين عرضت على صاحبتي ليلى غادي يتعشاو معانا نهار سبت
شمس: واش غادي يجي كلهم
امينة او قمر: لا رد
شمس: مالكم لا زعما باش نديرو بحساب كل واحد فهمتو ( بقات كتشوف فيهم )اا غادي نطلع نبدل
قمر: هادي مالها عاوتاني
امينة: خليها عليك او سيري بدلي حوايجك انا لي عارفة كملي او هبطي عاونيني
قمر: اش عارفة ويليتو كدويو بالالغاز
امينة: سيري ديري داكشي لي قلت ليك قبل منجي نشتف عليك
قمر : وخ لالة غي لي نديو معا يعطينا لهضرة هاك افمي
مشات شمس او قمر بدلو حوايجهم لبسو بيجامات بسروال صيفية قمر بلوردي او فيها قليبات ببيضين او شمس بالأبيض او فيها قليبات بالوردي او هبطو فنفس لوقت كان جا سي احمد من لخدمة او تغداو مجموعين .....
●●●●●●●
اوى مرحبا بيك اختي متحتاحيش نرحب بيك صافي
خلود : يخليك ليا اختي او شوفي بلما تقوليها حتا واحد خليها مفاجأة صافي
ليلى: وخ ختي لي باليك ملي توصلو لمغرب صوني ليا نصيفط ليك سائق باش يجيبكم وخ
خلود : وخ ختي يلاه خليتك على خير
ليلى:بسلامة عليك
سي كريم: عمارة دار لباس عليك
ليلى: اا جيتي لباس ونتا
كريم(او هو كيحيد لافيست): لباس لباس عييت فين دراري باش نتغداو
ليلى: علاش واش مجاوش معاك
كريم: علاش فين عمرهم جاو معايا هههه
ليلى: هه عندك لحق صافي نتسناوهم يجيو
كريم: وخ لالة اوى فين وصلتي
ليلى: فاش
كريم:فزواج ولدك
ليلى: مغاديش نبقا نعاود لهضرة عفاك صافي لي عندي قلتو ينيس غادي يتزوج جيلان شوف راه معا لوقت غادي يولي يبغيها كيفما هيا كتبغيه
كريم: او باش عرفتيها كتبغيه
ليلى: علاش كون كانت مكتبغيهش واش غادي تبغي تزوجو
كريم: علاش متكونش ختك هيا لي دخلات ليها هاد لفكرة
ليلى:كريم اش هاد لهضرة اش بغيتي تقول زعما واش عارف راسك علامن كدوي رآها ختي هاديك ( وقفات باش تمشي)
كريم(شد ليها فيدها مكلسها): كلسي مالك تقلقتي منويت فيها والو غي داكشي لي فقلبي قلتو ليك و صافي شوفي فيا واش نبقا نزاوك فيه بحال لمراهيقين ااا
ليلى(كتشوف فجيهة لخرى): او علاش مالي منستاهلش انا باقا صغيرة وخ والدا دوك جمولة راني باقا ندردك
كريم(جبد ليها حنوكها):اه صغيرة او زوينة او نوارة ديال دار او ديال قلبي
ليلى: اويلي كن تحشم
كريم( بدا كيهرها فجنابها):اش فيها
ليلى:اولي بعدني ههههه اش كدير براكة صافي
كريم:ههههههه شويطينة .ديالي
انيس: سلام او عليكم
ليلى: احم احم اويلي شتي اكريم ها ولدك جا او شافنا كي دراري صغار
انيس: هههههه وا راشقة ليكم اااا
كريم: او مالك عمرك شتي شي راجل كيضحك معا مرتو لغزالة
ليلى: شوف باك شداتو لمراهقة لمتأخرة
انيس:اش هاد لاجتماع
انيس: جيتي حتا نتا لا والو غي لواليدة او لواليد عايشين رومانسية
ينيس( شاف فمو لي حنيكاتها حومر او قرب عندها او عنقها ): وايلي الواليدة هههههه
ليلى: نوض تكعدي كونو تحشمو
خنزرات فيهم او فنفس لوقت حشمات
او هما تفركعو بضحك
ليلى: اوى تهجروه
كريم :اجي امرتي لعزيزة نتغداو راني غادي نسخف بجوع
مشات عائلة جوهر يتغداو كملو او كل واحد فيهم مشا لبيتو يرتاح بحكم ماشي ديما كيخدمو عشية ....
#عائلة لبناني
وجدو لغدا او تغداو امينة مشات تكا او قمر مشات تلبس حوايجها حيت داخلة 3 اما شمس فمقارياش غتبقا كالسة فبيتها
قمر:كيجيت
صورة....

(هادي لبسة ديالها مع مكياج كيووت او جمعات شعرها طوييل لبني كوتشوفال جات بومبة)❤️
شمس: خايبة
قمر( صبعات ليها ): هاكي المحسادة عارفة راسي زوينة ( ميلات عينيها )
شمس: ملي عارفة لاش كتسول
قمر: ياك سيري انا لي حمارة كنبغي ناخد رأي ديالك
شمس: صافي صافي جيتي زوينة
قمر: يصح ههه تانكيو (صيفطات ليها بوسة فلهوا ) فكرتيني عرفتي شكون وصلني ليوم
شمس:عارفة طاكسي شكون يكما مهند
قمر:بحالي علمك الله اختي
شمس:ختي نوضي تقرأي نوضي
قمر: والله إلى معاك بصح ماشي مهند ولاكين بحالو ينيس
شمس(وسعات عينيها): حلفي بالله
قمر: والله ابنتي إلى وصلني بلاتي بلاتي نوريك اش جاب ليا
شمس(طرطقات عينيها بدهشة): آوااه واش هو لي جابو ليك
قمر(بخجل): احم اه هو لي جابو ليا ملي جا يديني
شمس: اختي سعادتك عطيني نشم
بقات كتشم فيه او دور عينيها عليه منبعد جبدات تليفون ديالها
شمس: اجي نتصور لذكرى باش نهار تزوجيه نفكر فهاذ نهار
قمر: اويلي اختي فين مشا بالك مكاين لا حب لا زواج منيتك هاد نوع تيتيز او متكونش عندو حتا وحدا بلما نكدبو على راسنا
شمس: علاش مالكي زين شعر كلشي فيه زوين والله او هو علاش جاب ليك لورد غي هكاك خدمي هاد لجمجمة لي عندك( ضرباتها فراسها بخفة)
قمر: معرفتش اختي بعديني مدخليش ليا هاد الأفكار ويلي يحرق جد بوك شديتيني بلهضرة تفو
شمس:سيري سيري
مشات قمر لقرايتها شدات طاكسي او تلاقات معا لبنات او دخلو .........

يتبع لفريزات دياولي 🥹👑....... متكونوش مسمومات او ديرو ليا نجمة او كمونطير
💋