☠️🔥التوأم🔥☠️

الحلقة17 🌺

ناري كرشي عمرات
امينة: بسيف نتي كالسة غي كول كول كول او شي ما باين
قمر: اوو تم القصف بنجاح
شمس: غادي تسكتي ولا نعطيك بطبسيل شوفي نتي كيدايرة بحال لعود
قمر: لهلا يحيك اوى هااا
امينة: الله ينعل طواسلكم مبقيتوش تحشمو
شمس:هيا لي مكتسدش فمها
قمر: نتي لي مكترضايش
امينة: ويك وييك اعباد الله لعيالات والدين لبنات او انا والدة جوج بگرات الله يا ربي الله
شمس: صافي صافي سمحي لينا نقولك شي حاجة 🥺👈👉
شمس كتنغز قمر باش دوي
قمر كدوي فودن ختها : دوي نتي
شمس: وا غي دوي نتي عفاك
قمر: لا ختي ديك لمرا انا لي دويت دبا نتي
شمس: و عفاك
امينة واش غادي تهضرو ولا نوضو من قدامي
شمس: ممم وخ ماما هانتي شوفي نطلبك طليبة وحدة ياك قلتي نتي او ليلى صحابات او عزيزة عليك ياك
امينة: اييه زيدي اش بغيتي
شمس: او حتا ولادها عجبوك زعما ياكي
امينة(او هيا كتاكل تفاح ): ممم تبارك الله
شمس: اوى مزيان ولادها بغانا نخرجو معاه اوو ....
مزال مكملات هضرتها ناضت كتغوت اووتمسح يديها
امينة: صافي داكشي لي بقا ليكم كملتو كلشي غي هادشي لي بقا ليكم او كتقوليهالي فوجهي ااا او كيفاش حتا درتو ليها شن طن صافي تخرجو ااا
قمر: هانيتي اماما مبقيناش صغار او زايدون راه غادي نمشيو غي جيهة لبحر ها غي حدانا عفاك
امينة(تفكرات شي هضرة قالتها ليها ليلى بخصوص شمس او أنيس او هيا توافق): مممم عندكم جوج سوايع متفوتوهمش
شمس او قمر فرحو او نقزو معنقينها : ناري واش بصح كنبغيوك بزاف بزاف بزاف
امينة:بصح والله او تفوتوها حتا نخلي والديكم برا
قمر: كوني هانية اماما حبيبتي
شمس: اوى او بابا
قمر: ياك بابا مغاديش بخصر لينا غي تهناي
امينة: اييه مدصركم يخليها سلعة
لبنات :😑
قمر: مهم تليفون كيصوني هاني طلعت لبيتي
شمس: بلاتي نمشي معاك حتا انا
امينة(بقات كتشوف فيهم حتا طلعو او رجعات كتشوف فطبلة): لا صافي كملات دبا انا نوض نجمع طبلة اوى هدا معطا الله
قمر: وي الو شكون معايا
......: صافا عليك
قمر: صافا واش كنعرفك
....: ههه شويا
قمر: كيفاش هههه شويا بصح صوتك مغريبش
ينيس: ينيس عرفتيني دبا
قمر ( حنيكاتها توردو او بدات دور فعينيها ): ااا ينيس معرفتكش حيت مكانتش عندي نمرتك
ينيس: اااه معليش
قمر: بصح منين جبتي نمرة
ينيس: معرفتش
قمر: كيفاش معرف... (دارت شافت فختها لي كدور فعينيها كي شي شيطانة اكيد هيا لي عطاتهالو
ينيس: يكما غادي تغوت عليها انا لي طلبتها منها مهم واس ماليا عشيا نخرجو
قمر: ولاكين كيفاش يلاه خوك صونا لشمس او قالها بلي غادي نخرجو بجوج ولالا
ينيس: ياك انا مفخباريش
قمر: ممم اوى سول خوك
ينيس: اه صافي مهم عشيا نتلاقاو
قمر: اه صافي وخ يلاه باي
ينيس: بسلامة
قمر: بلاتي بلاتي
ينيس : مالك
قمر: بغيت غي نسولك واش عيان من صوتك ماشي هو هداك
ينيس: اه شويا متخافيش
قمر(شقات ابتسامة صغيرة على ثغرها): ااه صافي مزيان يلاه باي
ينيس(بتاسم ابتسامة لخوفها عليه): بسلامة
شمس: شوفلك شوفلك ضحك
قمر: مالكي حتا نتي اجي نختارو شنو نلبسو عشيا
شمس: اه يلاه
قمر: واش علمتي نور
شمس: راني صيفت ليها ميساج او قلت ليها واش غادي يخليك خوك بعدا قالت ليا راه مسافر 3 ايام على قبل شي خدمة او باباها مغادي يقولها والو حيت غادي تكون معانا
قمر: اوى صافي مزيان
..................
ليلى(كدق فباب غرفتو)
ينيس: لا رد
ليلى حلات لباب او دخلات
ليلى: ولدي ندوي معاك
ينيس(ناعس على كرشو او معري من لفوق او كيدوي او هو ساد عينيه): مفياش
ليلى: والله منخرج حتا ندوي معاك
ينيس(حل عينيه زرقين او ناض كلس او شاف فيها ): هاني دوي
ليلى: سمع اولدي ...
ينيس: شوفي إلى كنتي جايا دوي بخصوص داك لموضوع راه طلع ليا فراسي مسولتيش ولدك ياكما يكون كيبغي شي وحدة ونتي باغا تلصقي فيا بنت مكنبغيهاش ااا دوي
ليلى:سمع اولدي هضرتي هيا لي مغادي نعاود ها سخط ها رضا او شوف نتا لي يسلكك جيلان هيا غادي تزوج او هيا لي غادي دخل لداري عروسة او سلينا
ناضت خرجات او خلات بركان هائج وراها معارف مايدير او مو حطاتو وسط رضا او سخط
ناض دخل لدوش طلق رشاش الماء لي كينزل على شعرو او هو مغمض عينيها كيفكر شنو يدير فهاد لحريرة كمل دوش خرج مشا عند لدريسينك لبس حوايجو لخرجة ديال لعشية

‼️غادي نخلي ليكم صور لي لبسو الابطال ديالنا فالخرجة ديالنا فبارت جاي ‼️

كذلك انيس مشا بعدا لمطبخ خشا شي حاجة فمو عاد طلع يدوش او يلبس
خديجة: شوفي متعطليش
نور: اه كوني هانية اماما
محمد : هاكي لفلوس إلى خسك شي حاجة
نور: لا ابابا راه عندي او زايدون مخزني والو يخليك ليا
طلعات نور كذلك تبدل باش تخرج
...............
مجد: فين
ينيس: فلبحر اش باليك
مجد: ممم صافي وخ او شكون غادي يكون
ينيس:انا ونتا او أنيس او شمس او قمر
مجد: او كيفاش انا نبقا وحدي
ينيس: ههه نيتك اصاط راك معانا
مجد : هه وخ لبس او نجي عندكم

يتبع فريزات دياولي 🍓🥺..........