☠️🔥التوأم🔥☠️

الحلقة21 🌺

شمس: وي لقردة صافا عليك
نور: حمد الله ونتي
شمس: لباس جيت عندك بارح قالت ليا ماماك راكي غي ناعسة او شوفي راه منسيتش انا او قمر داك لموضوع نتي و مجد غادي تفهميني كلشي او غادي نعابقك حيت خبيتي عليا او انا صاحبتك حمارة 😑
نور: ههه صافي وخ نديرو شي وقية او نخرجو اش باليك
شمس: هاد نهار لا عندنا ضياف فليل او راحنا كنوجدو من دبا
نور: مممم شكون لي جاي
شمس: احم عائلة انيس
نور: هاي هاي لقلب غادي يخرج من بلاصتو
شمس:سيري تخراي اشمن .....نعام هاني جايا تلاحي ندويو من بعد ماما كتعيط
نور: صافي منبعد سيري باي
شمس: باي
لالة امينة: واش باغا تفقصيني اااا هاكي تسخري جيبيلي خميرة ديال لحلوة او فاني باش نقادو شي كيكات
شمس: ماما راني عيانة سخري قمر
امينة: رآها كتقاد لمسمن متعصبينيش شدي
شمس: اووف اوكي فقاش نتغداو راه فيا جوع
امينة: غي نكملو هاد تخربيق باش فليل منتعطلوش على لعشا او منها يجي باباك سيري براكة من لهضرة
شمس:وخ
●●●●●●●●
خديجة: نور أنور اجي عاونينين باش نحطو لغدا بابا قريب يجي او حتا خوك مبقا ليه والو و يجي من سفر
نور: وخ هاني جايا
خديجة : كتراجعي شويا الامتحان ولالا
نور:اه كنراجع مبقا ليه بقات ربعيام
خديجة: اوى الله يجيب نجاح
نور: امين اماما
خديجة: شدي حطي فطبلة هادشي ..... ها باباك كيدق يمكن جا
نور: انا نمشي نحل
مشات نور حلات لبابا او تلاحت عليه معنقاه
نور: خويا جيتي على سلامة
يونس: فنيكيشة توحشتك
نور: حتا انا اخويا دخل دار دارك متحشمش
يونس: ههههه ياك الآلة يلاه شدي هاد ساك راني عيان
نور:أرى دخل
خديجة : ولدي جيتي على سلامة
يونس: الله يسلمك ( بأس ليها راسها )
خديجة: طلع دوش او تجبد علما يجي باك
يونس: واخة
نور: خويا مجبتي ليا والو 🥺
يونس: اش بغيتي نجيب ليك حتا تدي لباك او ديك ساعة واه
نور: ياك وخ 😒
يونس:هههه اجي اجي لتمشي تبكي او تعقدي اري داك صاك لكحل
نور: 😃😆بصح فين هو فين
يونس: ها هواك ازمر حليه
حلاتو لقات كرطونة متوسطة فلبيض حلاتها لقات كسوة فلون الاسود مقصيراش فايتا ركابي معرية شويا من صدر جذاب خصوصا معا جسمها المثالي مشات عنقاتو او بقات كنبوس فيه
نور: شكرا اخويا لعزيز يخليك ليلي
يونس: عجباتك
نور: اه بزااف عندك دوق
يونس: ياك ههه
نور: انمشي نقيصها
الصورة #👇

مشات نور لبيتها او يونس طلع يدوش او الام كتحط فطبلة جا الاب او تغداو كاملين فجو لا يخلو من الضحك او تقشاب او يونس كيعاود ليهم على لخدمة كيفاش غادة او الأرباح لي دخلو بحكم يونس او الاب ديالو كيتاجرو فذهب وخ هاد لجو إلى تفكير نور معا مجد او شنو غادي يوقع منبعد وخ هكاك كضحك
●●●●●●●●●
صبر اولدي يجي خوك
انيس: راه فيا جوع اش كيدير راه عاد جيت من لخدمة وقيلة
ينيس: هاهو جا مالك محيح
انيس: كن غي زدتي شويا لا زعما
كريم: خلينا نتغداو
جيلان: اجي كلس حدايا ا ينيس
ينيس:هادي هيا بلاصتي هاديك بلاصت ماماك
جيلان:احم ماشي مشكيل لي بغيتي
ليلى: كلس حداها اولدي راه غادي تولي مرتك زعما
ينيس: عاجبني هنا
ليلى:ينيس
ينيس(كيدوي معا راسو:يا ربي عطيني صبر ): وخ
كلس حداها بزز او جيلان شافت فمها او بتاسمات ابتسامة خبيثة
جيلان: فقاش غادي نديرو لعرس بغيتو يكون فهاد لقصر يكون كبير ياك ا طاتي ليلى اشنو باليك ا ينيس
ينيس(او هو كياكل بهدوء او بطريقة راقية ): اول حاجة انا ممعرسش
انيس بداك كيكحب بضحك كلشي دار بشوف فيه
انيس: هههه مالكم وحلات ليا وصافي
ليلى: لا زعما ابنتي راه قصد بلاش من داك لعرس لكبير نديروه غي بيناتنا فهمتي
جيلان او هيا كتشوف فينيس او ضحكات ضحكة صفرة : ممم فهمت لي بغيتو بصحتكم انا نمشي نطلع رتاح
ناضت او تبغاتها مها : سمحو ليا انا جايا
ليلى: اداك جمل واش حماقيتي اش ديك لهضرة قلتي ليها محشمتيش او مها حداك
ينيس باقي كياكل مخصو حتا خير ممسوقش من بعد مسح فمو او ناض
ينيس: بصحتكم
انيس بدا غي كيضحك بصوت مرتفع حتا بانو سنانو لي مستفين او بويض مرايا ههه
ليلى: يحرق حسك نوض تكعد نتا لي جا معاك ضحك
انيس: 😂😂اش بغيتني ندير صراحة عطاها اصلا عمرها دخلات ليا لخاطري اش عجبك فيها
كريم: جمع راسك رآها بنت خالتك
انيس: هاني نيت غادي نجمع راسي او لوقفة تهلاو
ليلى: مبقيت عارفا اش ندير اسيدي ربي
كريم: تكالماي يكون خير غادي نمشي نعس باش لعشية نمشيو
ليلى: وخ سلمى بنتي اجيو جمعو هادشي
سلمى : وخ الآلة.........

يتبع الفريزات دياولي 🍓🥺...