☠️🔥التوأم🔥☠️

الحلقة23 🌺

قمر: او شكون قالك بلي انا كنبكي عليك ااا يكما يحساب ليك طايحة فيك تايق فراسك بزااف كتر من ......بقات كدوي بوحدها حتا طبع قبلة عنيفة مسكتها او مخليها غي مخرجا عينيها بصدمة من ردت فعلو او كيبوسها مغنض عينيه او كيستمتع بمذاقهم او كل جزء كيعطي حقو حتا حس بنفسها غادي يتقطع او هو يطلق منها مخلي ليها لمجال فين تنفس بقات كتفس حتا رتاح او شافت فيهم او هو كيشوف فيها بكل تملك او شوق او هيا تهرب منو حشمانة ضحك على تصرفها الطفولي او خجلها خرجات معا باب المطبخ متوجهة لصالون بقا ينيس كشرب لما او هو غافل على أعين الصقر لي كانت كتجسس عليهم جيلان نار كتشعل فيها بركان غادي ينفاجر عينيها ولا حمرين بالاعصاب مشات كلسات قبل ميشوفها ينيس اووشافت فقمر او قالت معا راسها(غادي ندمك البرهوشة غي صبري عليا بغيتي تلعبي معايا غادي نوريك لعب ديال بصح هههه ) ...
شمس: فين كنتي واش لباس
قمر: اا كنت غي فلكوزينة من بعد او ندويو
انيس: كن غي زدتي بقيتي معاها بالي مشبعتيش لبنت جات وجها حمر اش درتي ههه
ينيس:ههه ماشي شغلك
انيس: ايه اولدي مقلتي عيب
كريم: أوى اسيادنا خليناكم على خير
سي احمد :كلسو تباتو راه دار داركم
ليلى: لا سي احمد الله يكبر بيك مرا خرا او الله يجعل لباركة
اتيس(كيدوي معا شمس بشوية ): مسخيتش بيك اجنية
شمس(حشمات): هه سكت دبا يسمعك شي حد
انيس: تي خلي لي بغا يسمع يسمع ههه
ينيس: قمر منبعد نكملو هضرتنا وخ
قمر(شافت فيه بمعنى وخ )
مشات عائلة جوهر لدار وصلو او كل واحد مشا لبيتو او نسعو من غير جيلان لي متصرطاتش ليها مشات عند مها عاودات ليها كلشي او مها وعداتها بلي غادي تندمهم او نسعو
عند عائلة بناني جمعو روينة كاملة عاد كل واخد نعس او قمر بقات كتشوف فسق دار لقات ختها فنومتها سابعة او رجل فقنت نعسة ديال زوافريا بقات شحاااال او نعسات حتا هيا
(بعد مرور أربعة أيام وصل وقت امتحانات الجهوية )

🌼اصبحتا و أصبح الملك لله🌼

شمس: يلاه هاني مشيت دعي معايا أماما
امينة:الله يعاونك ابنتي او يسهل عليكم كاملين
احمد: يلاه زيدي نوصلك باش متعطليش
مشات شمس معا باباها وقفات طوموبيل او لقات صاحبتها نور حتا هيا عاد وصلها خوها
نور : يلاه بسلامة اخويا
يونس: بسلامة او ركزي مزيان تكملي  صوني عليا نجي نديك وخ باسها فراسها او ركب مشا
شمس: هاااي حبي صافا
نور: هاي لحب صافا شويا اختي لخلعة غادي تبول فسروالي والله
شمس: خرا سكتي متزيدينيش انا كتر بيك
نور: ويلي شوف شكون لهيه
شمس: فين شكون
دار لقات انيس جاي عندها
انيس: صباح لخير
لبنات : صباح نور
شمس: علاش جيتي
انيس: عرفت بلي عندك امتحان صافي جيت نبقا معاك حتا دخلي
شمس:بصح مم شكرا ليك
انيس:اه خايفة ولالا
شمس: بزااف
انيس: متخافيش كلشي غادي يفوت إلى جبتي من 15 لفوق متساليني غي احسن كادو صافي
شمس: ههه صافي غي دعي معايا
انيس: اوى هكاك .. نور لباس عليك
نور: لباس اخويا شكرا ونتا
انيس:حمد الله أوى يلاه هاهما كيدخلو تهلاو نشوفك منبعد
شمس : وخ صافي بسلامة
انيس: بسلامة 
كملو لبنات نهار ديال الامتحان او كلو وحدة مشاه لدار صافي بقا على هاد لحال مدة يومين هيا لي كان عندهم فيه تدواز

يتبع...🍓😚