☠️🔥التوأم🔥☠️

الحلقة28 🌺

خليناها فاش توجه ينيس لعند نزار ملي شافو كيفاش كيشوف فيها..... لغضب لي فيه غادي يخرجو فنزار مشا لعندو شنق عليها بلاما يتسوق لناس لي كاينة ولا لعائلة ولا حتا لخطييتو جيلان احم زعما زعما هههه....
ينيس(كيدوي من تحت سنانو او هو شانق على نزار وجهو حمر بالغضب او الحجم ديالو ضاعف ): نتا نتا اش كدير معاها ااا دوييي باش من حق كدوي معاها او كتشوف فيها يلاه دوي (او هو يعطيه كروشي لوجهو )... هنا جا انيس او مجد باش يفكو إلى لقاو ميفكو
مجد: صاحبي طلق منو غادي تقتلو اش وقع ليك
انيس اومجد شادين ينيس حيت عارفين اش يقدر يدير عندو لقتيلة حاجة عادية خصوصا لي قرب لشي حاجة ديالو اما بنسبة  لنزار فراه طايح فلرض كينزف من نيفو او او جيلان او لالة خلود كالسين حداه خايفين عليه
جيلان(او هيا كتبكي):خويا 😭خويا واش نتا بخير (دارت لعند ينيس كتشوف فيه او نطقات او هيا كتغوت): علااش علاااااش هادشي كامل ااا دوي واش على ودها هيا ياك برافو ضربتي خويا على ودها اش بينك او بينها ناس كاملين عارفيني شحال كنبغيك انا او هيا لا انا لي غادي نتزوج بيك او عرسنا قريب😭علاش كدير ليا هاكة شنو ذنبي انا
كلشي ضار تحت انظار قمر او نور او شمس لي غي حالين فمهم او مصدومين من هاد دراما لي هما فيهم
قمر كتحس بذنب كتحس انها شخص خايب داخلة ما بين جوج غادي يتزوجو ماشي لخاطرها ااه ماشي لخاطرها هيا كتبغي ينيس اه كتبغيه ولاكين مستحيل تقولها ليه
جوقة لي كانت فالحفل تفرقات كل واحد دا ما يعاود 😏او لي عندو شي خربة مشا ليها ...
نزار وقف على رجليه بمساعدة جيلان او تقابل معا ينيس كيشوف فيه بأعين ثاقبة او نطق
نزار: سمع نقدر نفوت ليك اي حاجة اي حاجة كيفما بغات تكون ولاكين باش تبكي ختي نخليك طلب لموت ونتا عارفني كيفاش داير بلاما نزيد نعرفك براسي (او غمزو 😉)اذن عرف راسك اشنو باغي قبل متخسر حياتك
ينيس كتفى انو يسمع ليه او ما ينطق بحتا حاجة او ملامحو مكتفهم فيه والو إلى انهم كيخلعو
جيلان او لالة خلود او نزار طلعو لفوق ...او لالة ليلى معندها في تهز راسها تحشمات معا ختها طلعات او هيا معصبة او تبعا سي كريم او دبا  وسط القصر كاين غي الابطال ديالنا او او حتا مجد او نور
قمر(شافت فينيس او عينيها دامعين): علاش
كلشي دار لعندها  مفاهمين من سؤالها والو من غير ينيس لي فهمها او تقابل معاها او نطق
ينيس: حيت...
نور(قاطعاتو بحركة من يديها ):✋️حبس سكت متقول والو عفاك صافي سكت او دبا نتا كتسما مزوج عندك مراتك كتبغيك بزااف الله يخليكم لبعضياتكم
او مشات كتجري او شعرها طويل  كيتمايل معاها او عينيها شلال من عينيها شويا او هيا توقف او او حيدات طالون ديالها او خرجات
شمس: اويلي فين مشات
مجد: يلاه غادي تكون وقفات خارج لقصر انا غادي نوصلك
انيس: رد بالك فطريق متمشي حتا تأكد انا كل وحدة دخلات لدارها
مجد: كون هاني
مشا مجد او تبعاتو نور او شمس .... شويا او هيا توقف شمس توجهات لعند ينيس لي كان كلس فلرض او محيد لكرافاطة ديالو او كيشوف لبعيد
ركعات شمس على رجيلاتها او حطات يديها على كتف ينيس او نطقات
شمس: خويا ينيس مديرش فبالك ولاكين حتا نتا منك لغلط معارفش اش باغي واش كتبغي ختي ؟
ينيس شاف فيها مطول او دموع محجرة فعينيه
ينيس: تصبح على خير ... او ناض مشا
وفقات شمس باش تمشي او هو يجرها انيس حتا تسطحات معا صدرو لفولاذي او شعرها لصق فلحية ديالو طلعات عينيها برائة او قالت
شمس: احم اشنو بغيتي
انيس: باغا تمشي بلاما تقولي ليا بسلامة
شمس(حدرات عينيها او عاودات هزاتهم): ااا اه بسلامة تقدر طلقني دبا نمشي راه كيستناو فيا
انيس غي كيشوف فيها او ساهي او هو يقرب لفمها باش يخطف قبلة او هيا تبعد شافت فيه او حينيكاتها ولاو حوووومر بزاف او هربات كتقرقب بطالون ديالها او شعرها كيطير معاها ....او هو تكا على لحيط على راسو لسما او بقا كيضحك بوحدو بحال شي هبيل من تصرفاتها طفولية لي كتحمقو
فاق من سهوتو او طلع لبيت خوه يطل عليه لقاه ناعس  بحوايجو او صباطو مشا حيد ليه صباط طفا ضو ا. سد لباب عليه
او دخل لبيتو دوش او لبس شورط او مشا لبالكو خدا ليه كاس او بقا كيشرب ا. يشوف فسما لي مضوية بالقمر او نجوم او هو ينوض طفا ضو او تخبط فراشو نعس
من بعد ما وصل مجد شمس او قمر لدارهم او تأكد بلي دخلو مشا باش يوصل نور ولاكين منعاتو قالت ليه خليني نهبط هنا راه داري قريبة او مبغاش
نور: مجد متعصبتيش عفاك حل طوموبيل خلي نهبط عفاك
مجد: علاش مبغيتيش نوصل واش بغيتي شي حد يكَريسيك فهاد ليل ونتي لابسة هاد لباس اا
نور(نزلات عينيها لبسها او نطقات)او مالو كي جاك مستور عادي دبا حل طوموبيل بغيت نمشي فحالي بغيتي خويا يشوفك بلي وصلتيني صحابليك غادي يعجبو لحال او اصلا مغاديش تعرف داري فين كاينة او مفيا لي يبقا ينعت ليك دبا حل لباب
مجد مداهاش فهضرتها او بقا كيسوق حتا وقف حدا دارها بعيد شويا او وقف طوموبيل نور بقات مصدوما كيفاش عرف فين كاينة دارها
نور: نتا نتا كيفاش عرفتي فين كنسكن
مجد قرب منها او طبع قبلة خفيفة  على شفايفها هيا لي بقات مصدومة لمرة تانية هههه او قال ليها
مجد: نزل او سيري نيشان لدار سدي لباب او نعسي او متسوليش بزاف وخ
نور ملقات متقول نزلات او هو بقا متبع ليها لعين حتا ختافات سدات لباب او هو يكسيري متوجه لدارو لقا مو ناعسة سد عليها لباب او مشا نيشان تخبط فناموسية ديالو حيت كان عيان بزااف

او نخليو أبطالنا لي كل واحد مشا لعالمو لخاص او غادي نقولو ليهم احلام سعيدة ...🫴🥀

او حتا نتوما فريزات دياولي غادي نقول ليكم احلام سعيدة لكل وحدة فيكم كنبغيكم ....

يتبع ...👋🍓