☠️🔥التوأم🔥☠️

الحلقة31 🌺

نور: لبنات اجي ندخلو لهاد لمحل نشوفو اش فيه
شمس: يلاه
نور:لبنات ويلي شوفو هاد لبسة ناري كي غادي دجي معا فصالتي
قمر: اه دجيك زوينة
شمس: قمر ختي بالي كاع مراشقا لي إلى بغيتي صافي نرجعو
قمر: او علاش لا عادي خلينا نمشيو لديك جيهة لخرى
شمس: يلاه
قمر: اا بلاتي تيليفوني كيصوني نجاوبك او نجي صبقوني
نور: وخ يلاه نمشيو حنا
شمس:ويلي واش هاديك هيا جيلان معا معا او خالتي ليلى
نور:ويلي هما
شمس: ويلي نور شتي اش كيشريو ليها شوميز دونوي ويلي
نور: صافي هادو عوالين على زواج مخاصش قمر تشوفهم غادي غي تفقص يلاه نمشيو قبل مدجي
قمر: مالكم فين غادين
شمس:اا ختي حبيبتي راه مشينا شفنا مكاين والو غي بيجامات او صافي اجي نبدلو لبلاصة حسن (كدوي او هيا كدفع قمر ):يلاه زيدي اختي
قمر: بلاتي اختي مالك كدفعي خليني نشوف حتا انا عاد نمشيو
نور: وصافي اقمر يلاه نمشيو لشي كافي ناكلو او ديك ساعة نرجعو هنا
قمر:حيدو من قدامي اش كاين تما حتا مبغيتونيش نمشي اا دويو....
جيلان: ااا سلام بنات اش كديرو هنا
لالة ليلى: سلام كيدايرين لباس عليك
شمس: اهلا خالتي حمد الله يسول فيك لخير
جيلان : جابكم الله باش نقولكم مرحبا فعرسي نهار الأربعاء اووقولوها حتا لماماكم مرحبا (او هيا كضحك ضحكة صفراااا)ههه اوى نخليكم لقيتونا مشغولين بتوجاد يلا بسلامة
ليلى: سلمي ابنتي على ماماك
شمس:وخ مرحبا بسلامك
نور:صافي هادشي لي بقا لينا
قمر: صافي غادي يتزوج(طاحو دميعات حارييين على حنيكاتها ولا وجها حمر شافت فالبنات او نطقات)
قمر: 🥺خليوني بوحدي حتا وحدة فيكم متبعني إلى سولاتكم ماما في كاينة قولو ليها مشات عند اكرام
مشات كتجري او شعرها كيطير معاها او دموع شلال من عينيها عييت عيات متقووي راسها او تكدب على راسها ولاكين هيا كتبغيه هادي حقيقة غير قابلة لتكذيب مشات كتجري معرفاش ولاكين باغا تهرب من الواقع لمر راجل لي بغات غادي يتزوج او بشكون ببنت خالتو
نور: علاش خليتيها تمشي عنداك دير شي حاجة فراسها
شمس:غي خليها تبقى شويا بوحدها هيا راه بعقلها متقدر دير والو شويا او غادي دجي لدار يلاه نمشيو حنا
●●●●●●●
دق دق
ينيس: دخل
دخل نزار او كلس دار رجل على رجل ينيس طلع عينيه فيه او عاود هبطهم كيقرا فلوراق لي قدامو او نطق بصوت خشن او في نبرة مميزة خاصة غي بيه
ينيس: اش كاين
نزار : والو غي جيت نشوف راجل ختي يكما تكون خاصاه شي حاجة
ينيس(دار ضحكة جانبية): ههه خاصني تيساع تقدر تعطيه ليا
نزار: ممم حشوما تهضر معايا هكا راه ولينا نساب
ينيس: من لخر طلق اش عندك او خرج قود عليا
نزار: ههه وخ نجيك فاص اش كتحاول دير من تالي هضر
ينيس حط تسيلو او رجع راسو لور كيشوف فسقف او عاود شاف فنزار بنضرة مكتبشرش بلخير
ينيس: اش كتقصد
نزار : نتا عارف او انا عارف .... الاسهم المهمين لي تسرقو منك لعام لي فات صحابليك انا لي شفتهم داكشي باش كلفتي صاحبك سي مجد يبحث فهاد لقضية انا كيوصلني كلشي فهمتي جتا حاجة مكتخفا عليا او شي لي كتقلب عليه مكاينش عندي فهمتي
ينيس: كملتي تقدر تفضل يلاه
نزار: وخ نتا بديتي لحرب انا غادي نكمل او نهاية ديالها مغاديش تعجبك دقة غادي دجي فلي عزيز عليك فهمتي
ينيس: برا
خرج نزار او ينيس لي لقاها حداه كيشتتها او كيفرشخها
ينيس: بغيتي لحرب غادي نوريك الأصول ديال لحرب كيفاش دايرا .....

يتبع...🍓✨️