☠️🔥التوأم🔥☠️

الحلقة10 🌺

وافين العشران صافا
ينيس: فيت تعطلتي از** عام باش دجي
مجد: ههه شاف عيط ليا على قبل شي خدمة وصافي راك عارف
شاب رقم1: صافي تجمعتو يلاه طلبو لينا شي حاجة ناكلوها ها لعار
شاب رقم2: مال اصاحبي نتا لي ضاربك ضاربك على ديك لكرش
ينيس: يلله طلبو شي حاجة قبل ما يموت لينا ههه
مجد: اوى شي جديد شي قديم
ينيس:والو هاد ساعة غي لخدمة وصافي
مجد :ااا فكرتيني شنو سميت ديك لبنت لي عاوتي ليا عليها
ينيس: هه قمر
مجد: مممم من سمية باين لبرهان
ينيس: عينيها لخضرين كيذوبوني
دراري: اوووو تكايس ههههه
مجد: هيا صافي طحتي طيحة ديال لكلاب
ينيس: ههه لا
مجد:اه صافي تيقناك وخ اصاحبي تفاجأت عمر شي بنت عجباتك كيف وقع ليك
ينيس: عينيها ضحكتها شعرها او لخجل ديالها كيسيطر عليا
مجد: وبزااف اخويا عيقتي خاص نشوفها
ينيس( كيدوي بحدة مرافقاها تخنزيرا): و علاش
مجد:ههههه تهدن اساط غي بغيت نشوف ذوقك وصافي
..........
اشنو بغيتي
الشاب:واش ازين منتعرفوش عليك زعما
شمس( مشات لجهة لخرا باش تفاذاه او وقف قدامها من جديد): حيد من قدامي
الشاب( كيرمقها من لتحت حتا لفوق ): تواضعي عطيني غي نيميرو نتعرفو على بعضيتنا كتر هز يديه باش يقيس فشعرها ....
بقات مصدومة من المنضر لي كتشوف فيه كيضرب قيه بحال شي وحش قالت معا راسها هذا صافي مات
انيس( صدرو كيطلع او ينزل بالاعصاب الحجم ديالو ضاعف او عينيه عامر بشرارة حارة ) : ياك انا يا ولد لق*** تفكر تقيس فشي حاجة ديالي انا غادي نوري. مك اش كنسوا
بقا كيضربو بركول فجميع الجوانب او اخير عطاه كروشي لكرشو خلاه يبخ دم بكثافة
فلقنت مكمشة او كتبكي او كترجف بلخوف اكيد عمرها شافت شي شخص بحال هكا اولا شي منضر بحال لي كتشوف فيه دبا
شمس:اهئ اهئ😭صافي عفاااك غادي تقتلو
وقف انيس من بعد مبرد جنونو كاملين ناس لي  كانت تما خرجات هاربة او مول لمطعم غي كيشوف حيت عرف شكون هو انيس جوهر انيس: لخسائر ديالك اتا غادي نخلصهوم
مول لمطعم :وخ سيدي
دار عند شمس كينهج او هو كيقرب من او هيا كترجع لور بقا كيشوف فيها كيفاش خايفة او وجها ولا حمر بلبكا
انيس: قربي متخافيش
مشات تخشات فاحضانو بلاما تحس او هو عنقها كيشم عبقها الطفولي او ريحت شعرها
شمس( او هيا كتبكي او تهضر هضرتها مقطعة): انا انا مدارت والو والله هو اهئ .... هو لي تبعني انا ..... واش قتلتيه بسبابي ياك اهئ اهئ
انيس( كيطبطب على ضهرها بشويا من بعد شد وجها الملائكي بين يديه او نزل لمستواها كيشوف فعينيها العسليين): شوووت صافي متبكيش لا مماتش غي فاقد لوعي متخافيش
شمس:🥺عفاك ديني لدار بغيت نمشي
انيس: وخ انا غادي نوصلك
قبل ما يمشيو عاود ضرب داك شاب لكرشو او فاق
انيس: يلاه تهز قو* من هنا هدا درس باش متعاودش تمد يديك على شي حاجة ديال انيس جوهر ديرها فبالك
ناض شاب بصعوبة كيزرب باش يهرب قبل ما يصدق ضاربو عاوتاني
انيس شد فيد شمس او جارها ركبها فطوموبيلا سبورتيف بيضة لاصقة فلرض طريق كامل الصمت سيد الموقف كيتسمع غي شهقات صغيورين ديال شمس عطاها انيس كلينكس او قرعة ديال لما او فنفس لوقت كيسوق
شمس: نسولك
انيس: مممم
شمس(اووهيا كتمسح عويناتها ): علاش قلتي ليه قبيلة باش تعاود تقيس فشي حاجة ديالك
انيس: شنو باغا تفهمي ( كيدوي او هو مركز فطريق مكيشوفش فيها)
شمس(معا ابتسامة خفيفة): لا والو صافي
رجعات تكات على زاج ديال سيارة ......