☠️🔥التوأم🔥☠️

الحلقة12 🌺

☀️أصبحنا و أصبح الملك لله☀️

7:00⏰️

فاقت او هيا كتكسل ناضت من بلاصتها لمحات ختها مزال ناعسة.
قمر:وا زمر فيقي راه سبعة هادي
شمس(كدوي او هيا مغمضة عينيها او هضرة تقيل): مممممم وخ غي خمسة دقايق
قمر: اوى خليك والله منعاود نفيق دبا طلع ليك ماما
دخلات قمر خدات دوش خفيف خرجات لابسة بينوار مشات لدريسينك باش تلبس اول حاجة دو بيس حمرين عاد تيشورت بيض من بعد ختارت تلبس قبية بيضة بحكم كان شوي لبرد صباح بكري معا سروال عريض مقطع فركبة او سبرديلة بيضة مشطات شعرها خلاتو مطلوق على راحتو دارت كريم لوجها او كلوس لشفايفها لمنفوخين او حومر من عند الله او ماسكرة صافي او عطر خاص ديالها .... فنفس لوقت كانت شمس دخلا دوش حتا هيا خرجات او لبسات بحال ختها غي هيا قبية زرقة او جوردن زرقة مع بعض اللمسات السحرية ( ميكب) او هبطو
صباح نووور عصافير الحب
احمد: صباح نور كصبحتو
لبنات: حمد الله
امينة: يلاه فطرو باش كلشي يمشي لي شغلو
صافي لعائلة فطرات فجو لا يخلو من نكير او ضحكة اكيييد او كل واحد خرج الاب للعمل او البنات لقراتهم
..........
# عائلة جوهر#
فاق انيس لبس حوايجو من بعد الدوش لي عبارة عن كوستيم بيج تحتو تيشورت بيض او لافيست محلولة او سبرديلة بيضة موراها مشط شعرو الفحمي او رطب او لبس ساعة او العطر الرجولي الخاص بيه او نضاضر فيدو او هبط لقا خوه طالع
انيس: صباح لخير
ينيس: صباح لخير
انيس: فقاش فقتي
ينيس: قبيلة او طلعت نهز شي ملفات نسيتهم
انيس: مممم غادي تمشي لشركة (كذلك ينيس  كان لابس تيشورت بيض او سروال دجين او فيست بلوسياال او نضاضر كوحل الوسامة لا تخطاه  )
ينيس:لا غادي نقضي شي غراض عاد نمشي
انيس: لي هو
ينيس: مكيهمكش 
.ينيس مشا ركب فطوبيل بورش كحلة او مشا اما بالنسبة لانيس فهبط يفطر معا لالة ليلى لي بزز باش كتفوت ليها لماكلة خايفة ولدها يعكس كلشي او سي كريم كيفطر  فصمت
سي كريم : مهم بصحة فطوركم انا غادي ( ناض باس ليلى فراسها معا ابتسامة خفيفة )
انيس: لواليدة كلي شويا من قبيلة ونتي ساهية
ليلى:مفياش اولدي غي كول نتا
انيس: سمعي بغيت غي نعرف علاش غادي تبزز على ينيس يتزوج وحدا مكيبغيهاش
ليلى: ولدي انيس انا مك غادي تفهمني انا مبغيت حتا وحدا تكون مرتو من غير جيلان رآها بنت ختي او كنعرفهم او زيد مغاديش يلقا حسن منها فهمتي غادي يتزوجها هيا غادي يتزوجها
انيس: بعد لمرات اميمتي كيجينا لخير من عند واحد مكنعرفوهش او لي قريب لينا كيضرنا او مكيبغيش لينا لخير يعني مشي ضروري تزوجيه بيها غي حيت هيا بنت ختك او زيدون هيا وخ بنت خالتي عمري رتاحيت ليها لا هيا لا خوها م تفائلي خير تلقايه مهم نخليك( بأس راسها)  نمشي لخدمة
ليلى:الله يرضي عليك او يبعد عليك ولاد لحرام
مشا انيس لخدمة غي دخل لشركة كلشي تحنى  ليه باحترام اكيد داخل بهيبتو او لعطر ديالو منشار فارجاء الشركة..............
اما بنسبة لينيس مشا لمحل الورود دخل الكل لقا ليه التحية او الاحترام اكيد شكون من غير ينيس جوهر المعروف على صعيد العالمي
المستقبلة:مرحبا بيك سي جوهر اش حب لخاطر ( كدوي معا ابتسامة عريضة )
ينيس( كيدوي او هو كيشوف فتيليفون ممسوقش ليها ): وجديلي شي بوكي ديال ورد يكون أنيق معا 12 جيبوه لشركة
المستقبلة( جمعات ضحكة ديالها متسرطاتش ليها كيفاش تعامل معاها ):هيا لولو مسيو ينيس
مشا ينيس لشركة ......
######
اوى وليدي شتك مزال مجبتيش ليا حفايد ااا راه بغيت نشوفهم قبل منموت (كتهضر او هيا كتفطر)
مجد: (مجد حط لموس او لفرشيطة و شاف فيها ):متقوليش هكا الله يطول فعمرك
حسناء (ام مجد): اييه اولدي ولاكين الأعمار بيد الله متعرف خاصك تنسا لماضي او تعيش حياتك فهمتي هيا متستاهلش تبقا تفكر فيها
مجد :(سد عينيه او عاود حلهوم بقلة صبر):لوليدة  ! متندمينيش حيت خليتك تعرفي لبنت لي كنت كنبغي صافي
لالة حسناء : شنو شنو اااا بغيت غي نعرف تعلقتي بوحدة معارفش عائلتها آآآآآآ واش عارف فين ساكنة شحال من مرة كنسولك مكتبغي دجاوبني راني ميمتك خوي عليا قلبك  عفاك عاودلي عليها
مجد:ميمتي علاش عزيز عليك تبقاي تجبدي هاد لموضوع اااا اووف( شد راسو مهبطو شادو بيديه او عاود طلعو او شاف فيها) مهم انا معارفش فين كاين حيت ملي كنت فاطاليا كنقرا كنت كتدوي معاها غي فتيليفون عارف شكلها مي معمري طلاقيت بيها حيت كانت هنا فالمغرب كانت زوينة لأبعد الحدود كانت قالت ليا ساكنة فكزا ولاكين بضبط معرفتش  حاجة وحدة لي  عارف هيا ان باها كوميسير معرفش حتا كنيتها مهم غادي جي نهار لي نتواجه معاها او نعرف علاش خلاتني ( عينيه حمارو او عروق يدو ولاو ضاهرين )
####
نور: وفين صافا عليك
شمس :حمد الله (قربات لنور او همسات ): تفو هاهيا ديك لخرية جايا
شيماء : هاااي لبنات
نور: اش باغا عوتاني
شيماء : والو راكم عارفين معنديش صحابات بغيت نكون صاحبتكم
شمس: لا ختي بلاش سحاب ليك حنا حمير كتدي من عدنا لخبار او تمشي ديري ليها اشهار اختي غي قودي علينا
شيماء( خنزرات فيهم او سرطات لقمعة):هاهاها كي شتي راني عاشقة فيكم يخ ( او مشاو كتعوج  )
نور: يخ مدلولة لخرا
شمس: مهم معلينا يلاه ندخلو راه غادي نتعطلو
مشاو لبنات لاقسامهم بقاو كيقراو هما طالبات متفوقين بزاف او قمبولات🫠ههههه
اما بنسبة لقمر تلاقات بصحاباتها ديال دراسة او دخلو لاقسامهم #( شمس او قمر مكيقراوش فنفس ليسي بحكم تخصص ديال قمر مكاينش فليسي ديال شمس #)..........

⏰️12:30⏰️

اووف عييت والله ناري الامتحان مبقا ليه والو خايفة
نور: اصاحبتي غي سكتي نحفضو او لكمال على الله
شمس: اه كملتي مراجعة ديال Antigon؟
نور: نو مزال
شمس: ههههه اوى نجحنا بكري
اجي نتي علاش بلوكيتيني
شمس: اخويا اش بيني او بينك متبقاش توقف عليا هكا يحساب ليهم غي مصاحبين
رضا : تي كيفاش يحساب ليهم نتي راك ديالي
شمس(شدات راسها او شافت فيه ): شوف اولدي انا مديال حد ديال واليديا فهمتي هادي لولا او تانية ( كدوي او هيا داير يديها فجنايها )انا مقلتش ليك صيفط ليا ميساج مبغيتش ندوي معاك داكشي علاش بلوكيتك فهمتيها ولالا
رضا: شوفي تي بربي لكنتي  لشي حد او هاد لهضرة عاوديها لراسك نتي ديالي يلاه معايا بغيت ندوي معاك( او شدها من يديها غير مهتم بالاعين لي مراقباه فصمت او بركان لي غادي ينفاجر)
شمس: القلا**** طلق واش مريض فراسك
نور: المرض طلقها مبغاتش تمشي معاك واش مكتفهمش
رضا :غادي غي ندو........ مجا فين يكمل هضرتو حتا حس بيدو غادي تهرس من لقبضة لي شداتو
شمس( شهقات ملي شافتو او هيا شادة فنور)
رضا: تطلق القلا***مالك اتبي
انيس: انا غادي نوري لقح**ديال مك كيفاش تمد يديك عليها (بدا كيضربو بكروشيات لوجهو حتا زوقو ليه مزيان او رضا كيغوت  او طيحو فلرض او بدا يضربو لكرشو برجلو حتت بدا كيبخ دم  ): يلاه شد اااا يا ولد لقح** تمد يديها عليك ( عاود ضربو برجلو لكرش او نزل عندو مقرد ) شوف قسما بالله رب سماوات نشوفك قستي  غي شعرة منها ولا ديرونجيتيها حتا نغتاصب مك او ندفنك حي ( عاود ضربو )يلاه تهز القواد .....

يتبع ......🫀🫣