☠️🔥التوأم🔥☠️

الحلقة30 🌺

لعائلة تجمعات فصالون كيستناو تفسير مقنع من ينيس على شوهة لي دار
لالة خلود : ختي اش هاد شوهة دار ولدك ااا رد ليا بنتي ضحكة قدام لي يسوا او لي ميسواش مدار بحساب لعائلة ما تا وزة ختي سمح ليا هادشي بزاف علينا
لالة ليلى: اختي غي بردي راه غي سوء تفاهم او نتي او بنتك على راسي او عيني دبا كلشي يتحل غي بشوية
ينيس:علاش كتشرحي ليهم
كريم: نتا سكت باقي كدوي
ينيس حدر راسو او مزادش معاه لهضرة
جيلان كانت غي كتشوف بعينها منطقات بحتى. كلمة خلات كلشي على مها من بعد ما تافقات معاها لبارح
لالة خلود: ختي باش نسدو هاد لموضوع لعرس يكون من هنا لتلتيام ولا بناقص بنتي مشايطاش او سلام عليكم
لكل تصدم من غي لالة ليلى
ليلى: مقلتي عيب ان شاء الله من هنا لتلتيام نديرو لخطبة او لعرس
ينيس وقف على وجهو ملامح الغضب: من امتى وليتو  كتقررو فحياتي ااا
كريم: من نهار وليتي كدير داكشي لي فراسك او كتخرج على سمع ديال عائلة جوهر او دبا غادي تسد فمك او تنوض نتا ومرتك باش تشوفو اش خصكم او الى درتي شي حاجة ما انا باك ما نتا ولدي
ينيس: ياك مممم وخ لواليد كلامك هو لكبير
ناض خرج  خبط لباب او تبعو خوه انيس لي كان غي كيتفرج معرف ميدير
انيس: ساط صبر وقف نهضر معاك
ينيس: اش بغيتي حتا نتا طلقني
انيس: واش منيتك وافقتي دبا نسا هادشي علاش متهربش معا قمر او هني سوق داكشي ديال الأفلام
ينيس ضربو لكرشو غي بشوية : انيس مكنضحكش اشمن هروب بغيتي لواليدة تسيق لخبار او تسخط عليا او زيد عليها رآها مريضة صافي معندي مندير لقدر بغاني نتزوج بيها اوى صافي سد عليا هاد لموضوع او وحد راسك لعرس خوك
انيس: مبلانش منيتك
ينيس: انيس صافي
انيس: ها هو سكت تهلا
ينيس: فين غادي
انيس: لخدمة اه راع غادي نسافر هاد نهار لرباط عندي شي خدمة  تما
ينيس: فقاش غادي دجي
انيس: غدا صباح بكري نكون فدار
ينيس: اه صافي
انيس: يلاه تهلا
●●●●●●●●
جيلان : ماما غادي نطلع ندوش باش نخرج شويا
خلود: اه وخ بنتي حتا انا غادي نخرج معاك تخرجي معانا ختي
لالة ليلى: اه ضروري باش نشريو داكشي لي خص لعرس او نوصيو على لكيك او داكشي لآخر
جيلان(كدوي معا راسها: ههه فلخر غادي تولي ديالي اوواصلا هادشي لي كان من لول ونتي اقمر حسابي معاك هو لخر خليني دبا نمثل دور لبريئة 😈)
نخليو لعيالات يخرجو مشاو فطوموبيل اخر موديل بسائق او من لور تابعينهم جوج طوموبيلات بلون الاسود ديال لي كارد(حراس)
●●●●●●
انيس: لغي كا المواعيد او الاجتماعات لي عندي او وجدو سيارة او حتا نتي غادي تمشي معايا نكملو لخدمة لي تما حيت لي عول عليكم عول على لخلا دايرين ليا روينة تما ملقيتوش لي يحكمكم
سكريتيرة(حنات راسها باحترام): كون هاني امسيو غادي ندير هادشي لي طلبتي مني خاصك شي حاجة وحدا خرا
انيس: قهوة
سكريتيرة: هيا لولة مسيو أنيس
انيس: واش مكتعرفش دق لباب
مجد: هههه مبيناتناش ادمي
انيس: ياك لباس مالك على هاد لمجية على صباح
مجد:والو غا عندي روبو هاد نهار او قلت نجي عندك
انيس: او قالو ليك انا مسالي اجي بعدا اش بينك او بين نور
مجد: ساط عاودت ليك نتا خوك كلشي او دبا مكاين والو مغاديش ندوي معاها حتا نخطبها
انيس: او هيا كتبغيك زعما متكونش دارت علاقة معا شي حد موراك
مجد: لالا نور مديرهاش عارفها كتبغيني غي ظروف او خوها واقف لينا فطريق ولاكين  غادي نمشي ديريكت لعندهم او لي ليها ليها يا نديها بالخاطر يا بزز نهبها نهرب بيها متعرفوش فيم مشيت
انيس(بقا كيضحك بصوت مسموع او فيه بحة متميزة رجولية او نطق): ولا حتا لهربة معاك او كل واحد او همو نتا معارفش كي دير دوز لنور داك لكيداري ديال ينيس قريب يتزوج بوحدة مكيبغيهاش انا معا شمس مرا خوت مرا صحاب مرا عديان مبقيت فاهم فيها والو
مجد: اودي صبر اوااه قولي ينيس غادي يتزوج ديك ختنا
انيس: ويييه غي وجد متلبس نتا او لوليدة راكم معروضين ههه
مجد: مبلانش خونا كاع مكيغيها
انيس: ماشي لخاطرو نوض قود خليني نخدم ولينا كي شيخات نتعاودو او ندويو فناس نوض نوض
مجد: تهلا دبا
انيس: تلاح
●●●●●●
شمس :بلاتي هاني جايا
مشات حلات لباب لماماها لي جات او كانت معاها حتا نور
امينة: حيدي حيدي من طريق راني عييت
شمس:دخلي دخلي واو على شمش سخونة
نور: اري شي كأس ديال لما
شمس:اا امتى جيتي كاع مشفتك دخلي
نور : راني جيت مك زعما واش عورة حيدي
دخلو لصالون شربو لما او مشات لالة امينة طل على لغدا بقات غي نور او شمس كيهضرو
نور:فين قمر
شمس: رآها فلبيت كيفما خليتيها
نور:عرفتي علاش جيت عندك بعدا ولالا
شمس: اش واقع
نور:غي سكتي يا ختي منين نبدأ ليك لحريرة
شمس: و غي بداي ازمر اش كاين يكما يونس خوك قتل مجد ههههه
نور: وتي لا شكون داها فيونس راه غي مناكر معا ماما على ود زواج قالت ليك والو خاصو يتزوج مهم ماشي هادشي على جيت
شمس:اوى نطقي
نور: عرس ينيس نهار الأربعاء يعني بعد غدا
شمس: اويلي متقوليهاش ناري من هاظشي كامل بقات فيا غي ختي ويلي وحدي
نور: علاش
شمس:علاش ماشي بنت للذين صدقات كتبغي ينيس
نور:اا او هادشي عاد عرفتيه نتي وراه كانت باينة شحال هادي غي نتي كنتي فدار غفلون
شمس:شوفي دبا هاد لهضرة تبقا بيني او بينك صافي
نور(لونها تخطف او كتشوف مور شمس او هيا مصدومة): بأن ليا اختي هاد لهضرة ولات  بيناتنا بتلاتة
شمس: كيفاش شكون (ضارت فين كتشوف نور او نطقات ): اا خت ختي قمر اجي كلسي معانا
قمر(على ملامحها لحزن): صافي غادي يتزوج ممم انمشي نصوني ليه باش نبارك ليك
نور:ويلي على مصيبة هانتي ختي قمر صبري بشوية عليك
قمر: مفهمتش مالكم كتعاملوني بحال شي حمقة راه بخير او عادي او زيد عليها هو معمرو قالي شي حاجة او شكون انا باش يتزوج بيا أصغر مليونير فالمغرب او شكون ينيس جوهر ومن لا يعرفه اكيد غادي يدي من سهمو او منبغي حتا وحدة فيكم نعاود تجبدو ليا ولا مغادي نتفاهم معاكم
شمس: ختي نتي راك لفن ديال ل٥ن تيتيز ديال لعائلة مشيتيهاش هيا كيدايرة بحال لعود او صفرة او باينة مسمومة تفو معلينا  ختي اش باليك نخرجو شويا صيف هدا نشير شي حوايج او نبدل لجو اش باليك ..
قمر:اه وخ
شمس: نور حتا نتي اتمشيني معانا
نور: وخ نمشي لدار لبس او نجي عندكم
شمس: وخ صافي سدي معاك لباب
نور: وخاااا
مشاو لبنات لبسو حوايجهم لي عبارة عن كساوي صيفية شمس لبساتها فلون الأحمر او فيها وريدات بويض صغيورين معا صندالة شيك فلون الأبيض او خلات شعرها مطلوق معا إضافات مكياج او عطر او صاك ابيض او قمر لبسات كسوة زرق فاتح في وريضات كذلك بلون الأبيض او صندالة او صاك شيك فلون الأبيض او جمعات شعرها كعكة او مدارت والو لوجها حيت مرشقاش ليها وخ هكاك جات كتحمق بجوج فصالة تهبل او كلشي فيهم زوين اما نور لبسات سايا فصفر مزير مبين لي هونج ديالها او تيشورت قصير فلبيض او سبريديلا بيضة او صاك بيض او جمعات شعرها كوت شوفال او اخير دارت مكياج او عطر جات قوقة ههه
خرجو لبنات من بعد اذن ديال وليدهم او شدو طاكسي او وصلو لمول .......

يتبع فريزات دياولي 🍓👋...