හිත අද්දර [ YIZHAN ]

19

හිත අද්දර 💗

19 කොටස

මට කියලා කවාගත්තු මහත්තයා අන්තිම කටත් හපලා ඉවර උනාම මම වතුර වීදුරුව එයා අතට දීලා මුකුත් නොකියම කුස්සියට ගිහින් අත හෝදගත්තා......

"අර දරුවා කෑවද පුතා..."

"ඔව් අම්මා... දැන් කෑවේ.. "

"ඇයි පුතා මේ රෑ හදිස්සියෙම"

"දන්නැ අම්මා... හේතුවක් කිව්වෙ නැ.."

"හ්ම්.. ගිහින් බලන්න ඒ දරුවා තනියමනේ.."

"හරි අම්මා.."

අම්මා මහත්තයා කාපු පිගාන හෝදන ගමන් මහත්තයා ආවෙ ඇයි කියලා මගෙන් අහනකොට මන් ඉතින් ඇත්තම කිව්වා.. මොකො මට කියලා ආව හේතුවක් කිව්ව එකක් යැ.... ෆ්‍රිජ් එකෙ හැන්ඩ්ල් එකෙ එල්ලෙන රෙදි කෑල්ලෙන් අතත් පිහිදාන් මම ආයේ කාමරේට යනකොට මහත්තයා අර ගලවලා දාපු ජැකට් එකත් ආයෙ ඇදගෙන..

"මහත්තයා යනවද ?"

"ම්න්"

"මහත්තයා ආවේ?"

"ආව වැඩෙ හරි..අහ් ධනුද්දර.."

"මහත්තයා?"

"හෙට උදේම මම එන්නම් ඔයාව ගන්න... හෙට වැඩ ගොඩක් තියෙනවා.."

"හරි "

රැක් එකෙ තිබ්බ තොප්පියත් අරන් මහත්තයා කාමරෙන් එළියට ගියා.......

"මහත්තයා වාහනේ."

"පාර ළග..."

"හ්ම්ම් පරිස්සමින් යන්න මහත්තයා.."

"ම්න්.. ඇතුලට යන්න එළිය සීතලයි.."

අතේ තිබ්බ තොප්පිය ඔලුවට දාන් ආයේ හැරෙන්නෙවත් නැතුව මහත්තයා යන්න ගියා... ඈතට ඇවිදන් යන ඒ රූපේ නොපෙනී යනකන් බලන් හිටපු මම ලොකු හුස්මක් හෙලලා ඇතුලට ගියා......

මහත්තයා ඇත්තටම ආවේ ඇයි.... ඒකට උත්තරයක් මට එයාගෙන් ලැබුන්නැ.........

-

-

වෙනදා වෙලාවටම නැගිටලා ලෑස්ති උන මම ඔහේ බලන් හිටියා.. මම ඊයෙ හවස ඉෂාරට කිව්වා අද උදේ එන්න කියලා ඒත් රෑ මහත්තයා කිව්වනෙ උදේ මාව ගන්න එනවා කියලා ඉතින් මට ඉෂාරට එන්නෙපා කියන්නවත් විදිහක් තිබ්බෙ නැ .. කොහේ කියන්නද ෆෝන් එක මහත්තයා පොලේ ගැහුවනේ......