"ဒေါက်ဒေါက်"
ထိပ်ထားရုံးခန်းထဲအလုပ်လုပ်နေရင်းတံခါးခေါက်သံကြားတော့တံခါးဆီကိုအကြည့်ဦးတည်လိုက်ပြီးအပြုံးရိပ်လေးသန်းသွားရသည်။
"ဝင်ခဲ့ပါ"
တုန့်ပြန်သံကြားတော့တံခါးဖွင့်ပြီးဝင်လာသူမှာသူမသိပ်ချစ်ရတဲ့ချစ်သူလေး။
"မမလေးခေါ်တယ်ဆိုလို့ပါ"
မမလေးလို့ခေါ်သောကြောင့်အပြုံးလေးတွေပျောက်ပြီးနှုတ်ခမ်းထော်လာခဲ့သည်။ဟေသာကတော့ထိပ်ထားပုံစံကိုနားမလည်နိုင်ဖြစ်နေလေသည်။
"မမလေးဘာလိုလို့လဲဟင်"
"မမလေးလို့ဆိုနေ"
မမလေးလို့ဆက်ခေါ်နေသဖြင့်ထိပ်ထားထိုင်ခုံမှထရပ်လိုက်ပြီးကျောပေးလိုက်သည်။
"ဟွန့်"
ဟေသာကအခုမှနားလည်သွားဟန်။ထိပ်ထားတစ်ဖက်လှည့်နေတုန်းခါးပေါ်ရောက်လာတဲ့နူးညံ့တဲ့အထိအတွေ့ကြောင့်ပြုံးလိုက်ပြီးချက်ချင်းပြန်တည်လိုက်သည်။
"ထား.....စိတ်မဆိုးပါနဲ့နော်"
ထိပ်ထားဆီမှဖြေသံမကြားရ။ဟေသာလည်းအလျော့မပေးပဲပိုတင်းကြပ်အောင်ဖက်ထားလိုက်ပြီး
"အချစ်ရယ်....တောင်းပန်ပါတယ်လို့နော်....အဟင့်..."
ဟေသာဆီမှရှိုက်သံထွက်လာတော့ထိပ်ထားမနေနိုင်တော့ပဲမျက်နှာချင်းဆိုင်လှည့်လိုက်သည်။ထိပ်ထားတွေ့လိုက်ရတာကတော့မျက်နှာလေးနီနေပြီးမျက်လုံးကိုလက်ဖြင့်အုပ်ထားတဲ့ချစ်စရာကလေးပေါက်လေးလိုပင်။
"အို...ငိုနေတာလှလည်းမလှပဲနဲ့ကော"
ထိပ်ထားမချော့ဘဲစလိုက်တော့သူမလက်သီးလေးဆုတ်ပြီးလာထုလေရဲ့။ချစ်ဖို့ကောင်းလိုက်လေခြင်း။
"ဟင့်....အဟင့်......ဟင့်"
မတိတ်သေးဘဲပိုငိုနေသောကလေးမလေးအားရင်ခွင်ထဲဆွဲထည့်လိုက်ပြီးခေါင်းလေးကိုငုံ့နမ်းလိုက်တော့ခေါင်းလေးထောင်လာသည်။
"တို့ကစတာပါ၊ပန်းလေးကငိုနေရင်တောင်တို့အတွက်ချစ်စရာလေးပဲသိရဲ့လား...ချစ်တယ်နော်"
YOU ARE READING
ကျွန်မရဲ့မမလေး(Completed)
Любовные романыမမလေးဆိုတဲ့နွံလေးထဲကနေဟေသာတော့မရုန်းထွက်နိုင်တော့ဘူးထင်ပါရဲ့။ -ပန်းဟေသာ တို့ပိုင်ဆိုင်မှုတွေကိုမမက်မောပါဘူး၊ဒါပေမဲ့ မင်းလေးကိုတော့အဆုံးရှုံးမခံနိုင်ဘူး။ပန်းကိုတော့မက်မောမိနေပြီထင်ပါတယ်လေ။ -စံထိပ်ထား ပထမဆုံးစရေးတာမို့အမှားပါသွားရင်ခွင့်လွှတ်ပါရှင့်
