"ဟေသာ companyသွားဖို့ပြင်ဆင်လိုက်တော့နော်"
မိုးဖိုချောင်ထဲတွင်ဒေါ်အေးတို့ဖြင့်မနက်စာပြင်နေသောပန်းအားပြောလိုက်တော့ကြောင်တောင်တောင်လေးကြည့်လာပြီး
"ဟင်.....အစောကြီးရှိသေးတယ်မဟုတ်လား အ...အဲ မမလေး မနက်စာမစားတော့ဘူးလားဟင်"
တခြားသူများအရှေ့တွင်ဆင်ခြေပြောရသည်မို့အဆင်သိပ်မပြေလှပါ။အခုလည်းကြည့် အချစ်ဟုခေါ် မိခါနီးလေး။
"အရေးကြီးအစည်းအဝေးရှိလို့စောသွားရမှာ မနက်စာလည်းအပြင်မှာဘဲဝယ်စားရအောင်လေ"
"ဟုတ် ဒါဆိုဟေသာအဝတ်အစားသွားလဲလိုက်ဦးမယ်နော် မမလေး"
ထိပ်ထားခေါင်းအသာညိမ့်ပြလိုက်တော့အပြေးလေးတက်သွားတဲ့ကောင်မလေးဟာချစ်စဖွယ်အတိ။တို့နားမှာမင်းသာရှိရင်တို့အကုန်ဖြတ်ကျော်ရဲတယ်။အကုန်လုံးကိုထားသွားပြီး မင်းလေးနဲ့အဝေးကိုသာထွက်ပြေးလိုက်ချင်တော့တယ်။ဟူး......မွန်းကြပ်လိုက်တာအသက်ရယ်
"မမလေး သွားရအောင်လေ"
ဟေသာဆင်းလာတော့ ထားကမြင်ဟန်မတူ။တစ်နေရာကိုစိုက်ကြည့်နေပြီးအတွေးများနေသည်။
"ဟင်....ဟင်...sorryပါနော် တို့အတွေးများနေလို့ သွားမယ်လေ"
ထိပ်ထားရှေ့မှအရင်ထွက်သွားတော့ဟေသာအနောက်ကနေလိုက်လာရသည်။ထိပ်ထားဟေသာ့ဘက်ခြမ်းဘက်တံခါးအရင်ဖွင့်ပေးပြီး
"တက်ပါ ပန်းလေး"
ထိပ်ထားပြောင်စပ်စပ်လေးလုပ်ပြီးပြောတော့ဟေသာ့မှာရယ်သာရယ်နေရတော့သည်။
"ထား....ခဏကဘာတွေတွေးနေလဲဟင်"
ဟေသာပြောတော့ကားမောင်းနေရင်းမှလှည့်ကြည့်လာပြီး
"ဒီလိုပါပဲ ဟိုဟို ဒီဒီပေါ့ ဘာလို့လဲဟင်"
"ဘာမှတော့မဟုတ်ပါဘူး လျှောက်တွေးပြီးစိတ်ပင်ပန်းနေမှာဆို့လို့ အချစ်ကို"
"ဟုတ်ပါပြီရှင် မတွေးပါဘူးနော်"
ချစ်သူနှစ်ဦးစကားတပြောပြောဖြင့်company ကိုရောက်လာကြတော့ဇေပိုင်နှင့်ဦးစွာတွေ့လိုက်သည်။
YOU ARE READING
ကျွန်မရဲ့မမလေး(Completed)
Romantikမမလေးဆိုတဲ့နွံလေးထဲကနေဟေသာတော့မရုန်းထွက်နိုင်တော့ဘူးထင်ပါရဲ့။ -ပန်းဟေသာ တို့ပိုင်ဆိုင်မှုတွေကိုမမက်မောပါဘူး၊ဒါပေမဲ့ မင်းလေးကိုတော့အဆုံးရှုံးမခံနိုင်ဘူး။ပန်းကိုတော့မက်မောမိနေပြီထင်ပါတယ်လေ။ -စံထိပ်ထား ပထမဆုံးစရေးတာမို့အမှားပါသွားရင်ခွင့်လွှတ်ပါရှင့်
