قعد أيمن يشوف في رمزي بـ صمت و أنا باغي نطرطق ضحك داخليا، خزرت في فاتح لقيتو حاكم تبسيمةرمزي : أيا أنا نروح جماعة تهلو في رواحكم ووصلو سلامي لخالتي فتيحة
فاتح : يبلغ إن شاء الله
غير تمشى رمزي شوية قلت لأيمن بنبرة تاع شماتة
- وياا كي دارلك!! درحك ديراكت خويا لعزيز
فاتح : ايهه ياخويا والله غير غضتني بزاااف
غمض أيمن عينيه و عاود حلهم، تنفس بشوية تقول باغي يدير حركات جوجيتسو
أيمن : ياربكم شحال يعجبني ذا طفل ! رادي نربيه على يديا
طلعت حاجبي و لحقت رمزي، كي بعدت على أيمن زڨيت
- ياو هو رادي يربيك مشي نتا
فاتح طاح ضحك و أيمن صبعلي و رفد حجرة قايسني بيها، ماجاتش فيا
- قيووووو أيمن و كي راك متجرجر
نضحك و نجري مورا رمزي ل داير كيتمان و مشي دايها في تاواحد
أيمن : صبر نحكمك حشية نرشملك
- قيووو
جريت شوية حتى وصلت لصاحبي، ديتله فردة تاع كيتمان و حطيتها في وذني
رمزي دايما يتمشى مشنف كو تشوفه من بعيد تقول راهو يسمع حاجة قاسحة، سعا الحقيقة أنه داير غنية منزل أنثى السنجاب دق دق الباب
- ماكش محلب خويا كاملل!
رمزي : ايه علابالي
- مانكذبش عليك كو مشي جا خويا نطيح فيه، زل و رجلة تاع مواقف
رمزي : شكون قال أيمن مشي زل و مشي راجل؟
- ايا علاه ماتقيمهش؟
رمزي : مورا ما قريت فايت 30 مانهوا bl ، عرفت طريقة ل لازم نتصرف بيها باش مايشوفش في غيري
في هذي معاه حق خويا تحلاب يجريله في دم
رمزي : مورا مانجرجره مليح و نتأكد بلي تاعي وحدي نحبس هذي لعقلية و نحل رجليا
- كو جيت تقرا كيما تخمم في ذو صوالح تجيب 19
بدل الأغنية لتاع دورايمون
رمزي : على الأقل مانخليهش يصفعلي ترمتي في ثاني لقاء بيناتنا و لفاهم يفهم
- ااءءءء راك تلمحلي ؟؟؟
خرج تيليفونه و زاد للغنية زعما باش نسكت
رمزي : لحر يفهم بغمزة و لحمار بدبزة
- زعما شكون حمار؟ مافهمتش
إستغفر بالمنارفية و مسح وجهه بقلق، مازال ما نفهم!!
أنت تقرأ
تاعي وحدي.
Teen Fiction" حَاجة وحدة تبعدْك علِيا هي لـ مُوت ،لباقي أنا مَلك الموت تَاعهم " - يُوسف 30 - ريَان 17 لهجة جزائرية.