تاعي وحدي.

-30-

قلبي حبس، ركابيا فشلو، وجهي صفار، يديا راهم يرجفو، عينيا توسعو

راه يشوف فيا و ني نشوف فيه، مام هو راه مشوكي باسكو هذا اخر منظر يقدر يتوقعه مني

فاتح : شاكنت دير؟

عطاني اول سؤال و بدا يقرب، شوية و نتغاشى من لخوف

فاتح : فهمني ضرك شاكنت دير معاه؟

درت ليوسف و عطيته نظرة تاع خوف عكسه، ماهوش خايف ابداا شعرة ماتهزتش منه

- ربي يرضى عليك روح يوسف

فاتح : وين يروح؟ لهدرة راح تبدا ضرك

كي ولا قدامنا وليت نترعد وحدي تقول فلون شكولا، يترعد مولاي

- نـ.. نقدر نـ.. نقدر نفهمك

خزر فيا و طلع حاجبه

فاتح : شاتفهمني؟

- نفهمك بلي.. أءء

زڨى عليا حده، راهو واقف قدامي و يوسف راه مورايا ني حاجز بيناتهم

فاتح : بلع زكك و قولي كيفاه كنت تبوس فيه؟

كمل و عينيه باغين يطرطقو

فاتح : يسما انا نقش؟ انا رخيس يخلي خوه يدور مع رجال قد بوه

- مشي هاك..

هو صوته راه غير يطلع و انا غير ينقص، قلبي راح يخرج من صدري لكثر لخوف

فاتح : كذبت عليا و قلتلي راك رايح تتلاقى صحابك باش تقعد مع هذا؟

تمتمت

- أنا.. لا.. والله اسمعني

طلع ذراعه تما غمضت عينيا، حسيت راح يصفعني تما رفد يوسف ذراعه و احكم فاتح من لمعصم تاعه

• ماتبداش تتمنيك راني ساكتلك غير لوجه ريان

حمر فيه فاتح بلا ذرة خوف، هذا هو خويا مقود وقت دبزة

فاتح : شاك حاسب روحك باش تتدخل بيناتنا؟ رادي يا تطلق يدي يا نعاود لزبك طهارة

فاتح نعرفه مرنك و راح يصدم عليها خفت على يوسف، في هذا شهر و نص تاع تعارفنا نهار ماشفتش يضارب غير كي اول مرة سلكني من طارق و جماعته..

ني خايف خويا يضربه..

- فتحي حمبوك نهدرو في دار حمبوك

بلا ما يشوف فيا رد

فاتح : بلع فمك و اطلع للدار ليوم راح تاكل طريحة حياتك ولا شفتها

راني واقف بالوسط، فاتح لابس ديباردار بيض مع سروال تاع سيرفات لاكوست و يوسف تريكو كحل تاع صيف ضيق يبين عضلاته مع سروال بيض عريض شوية