تاعي وحدي.

-06-

ني نشوف فيه و نتفكر شحال كان عمري قبل تسع سنين.. 17.16.15.14.13.12.11.10...

راني نحسب في عقلي حتى عطاني يوسف الإجابة

• كان عمرك 8 سنين

- امم الله يبارك تحسب بلخف...

جاتني صدمة ثلاثية الأبعاد، يايمااا!!!!

- أعوذ بالله!! سما نتا بيدوفيلي!! هاربي بعد عليااااااا بعد و لا نطبق ليك حركة البعبع

• ماكرهتش من حركة البعبع؟

- حركة البعبععععععععع

طلعت يديا نضرب فيه و هو ملامح تاوعه ماصرالهم تاتغير، تقول ريشة راها تتلمس فيه

• كملت و لا مازال؟

- مازال

عطيته ضربة وخدخرا لوجهه خلاتو يستغفر بالمنارفية

- صاي كملت

• سقسيتني من وينتا نعرفك مشي كي عشقت فيك

وجهي رجع حمرررر و يديا ل كانو يضربو ولاو يرجفو

- سما تعشق فيا؟

حط يدو عند خدي و قرصه

• شفت لمريض بلا دوا؟

- هيه؟

• يشبهلي بلا بيك

- صبر قلبي راهو يخبط حده

• إذا يخبط علاجالي اك بصح حاجة وخدخرا تخليه يضرب تما نحرق دين باباها

- رادي يقتلني ذا راجل صبر عليا قلبييي يايما

حطيت يديا فوق وجهي و رجعت نتنفس بلفور، حياتي و لا وحدة و لا واحد قلي ريان ني مكراشي فيك، هذو لعفايس نشوفهم غير بالأفلام

- أنا ريان تحبني؟

• أيه نتا بضبط

- رادي نتوغ معليش؟

• براحتك حبيبي

تقلبت على كرشي و رقدت عليها باش نخفي وجهي، يديا فوق فمي و قاعد نتوغ

- ني حاس باقي شوية و نموت، ريان ل معندو تا زهر و ل يظل متضارب مع أمة محمد يحبه يوسفف!!

• شحال صغير يازبييي

عنقني من لور تما بديت نحس بحماااااان، مشي جنسي يالمنحرفين

• داير كي سكر حلو و تفوت خفيف

- هذي لهدرة لازم يسمعها رمزي

• لا

شد عليا كثر حتى حسيت نفسي راهو يثقاااال

• تاواحد مايسمعلك ذي لهدرة غيري