- والله مانعاود يما حمبوك
دنيا كيما هاك تقهويت ربع خطرات بخطبة عمي قويدر بصح غير دخلنا للدار يما رفدت كلاكيط تاعها و قايستني بيه
- حمبوك ماماتي سمحيلي مانعاودش حمبوووك
رحت نجري لجهة أيمن وقفت موراه و لصقت يديا بظهره
- أيمن سلكني حمبوك
ماجا يفهم حاجة حتى ضربة جات بصدره
أيمن : انا شدخلني!!
حكماته من وذنه و جبداته لعندها باش تصفعه
فتيحة : بلعو فمكم فضحتوني تقول حياتكم لاشفتو بقلاوة غير خوك كلى ربع حبات و نتا سرقت طبسي!
أيمن : اييي
فتيحة : شادي تقول علينا زبيدة شادي تقول؟؟ ولادها مساكين جيعانين ماكلاوش لبقلاوة
فاتح هبط راسه باسكو هو جاي طويل على دخلة لباب ، غير شافنا ننضربو قدم زعما الأخ الكبير
فاتح : يما صاي ماتزعفيش روحك راهم غرايين دك يكبرو و يتعلمو
خزرت يما فيه و بثواني طلقت وذن أيمن و قرصت فاتح من فخذه
يما ظهر تصليه فوق لكرسي بصح وقت تضربنا ترجع ميكاسا
فتيحة : نتا لول بلع فمك ! مالقيت ماتخون ديت ڨازوز زعيم!
علاه حياتك ولا شربت ڨازوز؟؟؟
فاتح : يما سمحلينا حمبوك
طلقاته و راحت تجيب مطرق، وقف فاتح حدا أيمن و انا مورا ظهرهم
دايما خوتي لقدام و انا خازن موراهم
رجعت و هي رافدة مطرق لمصلحة، انا بديت نشهد ، ايمن يندب ، فاتح شوية و يبول على روحه
فتيحة : ليوم غادي تعيشو معانا رعب
_________________
ف لحبس تاع وهران بلإيطاج رابع، يتمشى ذاك راجل وهو مدخل يديه بجيوبه، حداه زوج تاع لابوليس مخرجينه من لحبس لإعتزالي مورا ما قعد فيه 24 ساعة بسبة أنه دار دبزة كحلة
" اصاحبي نعل شيطان راك من بروبلام ل بروبلام ماكرهتش ؟ "
انطق لبوليسي ل كان بليمين ، سبحان الله كان من جماعة فاتح و اسماعيل بصح كتبله ربي يربح لباك و يولي بوليسي ، يحارب صحابه
جواد : هدرتي قلتها قبل عام، ل يخرب في كريم نيكله سوة يماه
كيما لعادة سبة دبزته أنه واحد كحل على كريم بلا ما يعرف بلي جواد شافه وهو يشوف
" وي رانا فاهمينك صاي لولد تاعك غير نتا بصح تكالما شوية ، اخرج من لحبس و عيش حياتك "
أنت تقرأ
تاعي وحدي.
Teen Fiction" حَاجة وحدة تبعدْك علِيا هي لـ مُوت ،لباقي أنا مَلك الموت تَاعهم " - يُوسف 30 - ريَان 17 لهجة جزائرية.
