كابوس = مسدس
________________• يو..
عينين يوسف كانو متوسعين لدرجة تخوف، بؤبؤ عدسته راه صغير و ضيق، مقابل عينين ريان ذابلين
- حمبوك سلكني
دموع ريان راهم بيده... دموع ريان راهم يطيحو.. و دموعو غاليين..
- يوسف!
اهمس بإسمه قبل مايعاود يغمض عينيه و يطيح مغاشي
• ربكم شادرتو!!!؟؟؟؟
ماجا واحد يفهم علاه زعيم تنارفا حتى سمعو لافوا تاع راجل كبير
قويدر : الله أكبر ! فاتح ، أيمن إجرو لخوكم
خزرو كامل في نهاية لخشة وين راه واقف لحاج قويدر بلعباية و رافد سجادة تاعه
قويدر : إجرو يا ناس لحومة
دخل يوسف ذراعه تحت فخاذ ريان و لخرى خلاها بظهره، ناض بيه و بخطوات سريعة فتح باب طوموبيل و حطه فيها
بلع لباب و خزر في رجال ل يخدمو عنده بتعابير تاع إنسان مريض مستعد يسلخ جلودهم
• ارجعو لبلايصكم
بزوج كلمات حادين كامل حطو ريسانهم و مهما صرا لازم يرجعو للمقر تاعهم، اركب يوسف بجهة ل يسوق و قلع بسرعة قصوى
شوية و يصدم في ذوك رجال كو مشي لصقو في لحيوط كي دجاج
راهو يسوق و يسوق بلا ما يشوف رول، عينيه خطرة بالفولو خطرة بريان حتى لحق طريق لكبيرة تاع وهران، تما لازم ينقص سرعة بسبة سيركلاصيون..
هذي ماصراتش حتى كي يكون يسوق وحده.. كيفاه و ريان مغاشي حداه؟
طوموبيلات راهم غير يزمرو و يحاولو يخلوله طريق خاوية باسكو جاهم إنسان مهبول ولا ما يقدرش يفريني..
يسوق بلا تخمام و كامل منبهاته حابسة من غير قلبه، ل راه يقله " اصدم.. اصدم.. بالاك يموت.. "
زير على لفولو بيديه لدرجة اطراف صباعه رجعو بيضيين، عروق رقبته و ذراعاتو بارزين، ينهج تقول كان في سباق، عرق بجبهته
من شافه قال باينة ريان مات مشي غير انضرب و فقد لوعي!
بالاك تسعة دقايق تاع سوقة متهورة و افكار لا منتهية بلي ريان راح يخليه.. بلي فقد ريان..
هاهو سبيطار بريفي يبان قدامه، ڨارا طوموبيل بلعوج و اهبط بلخف، رفد ريان و دخل للسبيطار
كان لابس تريكو بيض مع سروال كحل زعما باش يخرجو مع بعض ليوم، سعا تريكوه توسخ بدم ريان
• رواحو ياربكم
زڨى حده و هو يدخل، تما بداو لفراملا يتلايمو عليه
أنت تقرأ
تاعي وحدي.
Teen Fiction" حَاجة وحدة تبعدْك علِيا هي لـ مُوت ،لباقي أنا مَلك الموت تَاعهم " - يُوسف 30 - ريَان 17 لهجة جزائرية.