قعدت نشوف فيه و حواجبي مزيرين، ما فهمتش زعما قصده كي قال ديرو إخلاءواقيلا سوبر ماركت تاع بوه؟
- شكاين؟
• ماراكش حاب بنيادم؟
- واه
• دك يخرجو
يخصني ميتين سنة ضوئية باش نفهم قصده
- شكون يخرجو؟
• علاه استعابك ثقيل؟
شفت مورايا باش نتأكد اذا راه يهدر معايا و لا مع وخداخر ، مالقيت تا واحد مورايا سما راه معايا
- راك تهدر معايا؟
• لا مع الحيط
- صحاا سمحلي حسبتك معايا
تبسمت ليه و هو حط راسه فوق لوفو و قعد يستغفر بالمنارفية، ضرك هذا مالو؟
- مالك يوسف مرضت؟
حطيت يدي فوق كتفه
• من زهرك
طلع راسه و خزر فيا، وحد لخزرة!! تقتل القلب
• كو ماجيتش طايح في عزرينك نقيسك من تاقة
- نفرح و لا نبكي؟
• كيما تحب
لازمني دقيقة باش نفهم علاه يقيسني
- صاااي فهمت فهمت!! كي انا مانستوعبش بلخف كرهت مني و راك حاب تقيسني
شفت فيه بفرحة كبيرة تقول درت اكتشاف عظيم
• تاع كرهت منك تعاودها نقطعلك لسانك
حكم يدي ل راها فوق كتفه و شدها بلقوة
• غمالتك عسل
ما جيت نحط راسي من لحشمة حتى شفت ناس بداو يخرجو من ذاك لباب و يركبو طوموبيلات تاوعهم ، نصهم يبان منارفي
- ليك راهم يخرجو!!
جبدت يدي من يده و حطيتهم في تاقة، قعدت نشوف و فمي محلول من لخلعة ، فاتو بالاك سبعة دقايق و رجال تاع بارك قاعدين يخرجو فيهم بنظام حتى رجع الهدوء
• اهبط
قالها ليا يوسف و حل بابه، يديه راهم في جيوبه
- ني جاي
حليت الباب و خرجت من موراه، جا وقف حدايا
• شد في ذراعي
- كياه!!
• شد و سكت
بلعت فمي كيما قال و دخلت يدي بذراعه تقول عروسة تزوجت لبارح، بدينا نتمشو حبة حبة وياااا شحال طويل و ذراعو قاسحة
أنت تقرأ
تاعي وحدي.
Teen Fiction" حَاجة وحدة تبعدْك علِيا هي لـ مُوت ،لباقي أنا مَلك الموت تَاعهم " - يُوسف 30 - ريَان 17 لهجة جزائرية.