- اقطع اقطعتبدلت لافوا تاعه و اهدر معايا بنبرة حايرة
" شاصرالك؟؟ "
ماحبيتش نقله حنا متعودين في دار على مشاكل، خطرة خطرة يجي فاتح سكران و أيمن قاطع يد بنادم.. مشي مشكلة كبيرة نورمال
- خويا راه داخل يصلي مانقدرش نهدر قدامه
" صحا "
- بسلامة
" ممبعد عمري "
قطعت و خدودي حمرين من لحشمة، حطيت تيليفون فوق طابلة و شفت في فاتح مجددا
- مالكم شاصرا ؟؟
مادرش عليا، راه رافد قرعة بيرة بذراعه لموشمة و يشرب منها بزعاف
فاتح : لؤي توحشتك
زاد لجرعة تالية و قاس لقرعة حداه، مزية ماتكسرتش
فاتح : لؤي عمري رواح عندي نسحقك
رحت لعنده و حطيت يدي بكتفه
- خويا فاتح ماتزعفش دك نجيبولك لؤي
قلتها بكل حنانة و لطف، مشي خاطر يستاهل إنما يما ماهيش هنا و تخاف ينتاحر كيما خطرة ل فاتت كي طرطق عروقه و شرب لاسيد..
فاتح : جيبه خف
زڨى عليا حده و عينيه حمورا
فاتح : جيبه ولا نحرق روحي!!!
ضرك انا شدخلني حمبوكم؟
- صاي دك نعيطله
وقفت بلخف و خرجت من شمبرة نجري، لبست كلاكيط و انا نخمم في لمعوق زاوج.. راه يطيح قدام باب لحاج عيسى.. ليوما خوت رمزي يفتحو أيمن على سنة الرسول
غير وصلت لدار لؤي ل مقابلتنا طبطبت حدي و بديت نزڨي
- لؤيييييييي حل الباااااااااااابببببب
لؤييييبييي لووووووؤاااااااايييييييييييي
سمعت رد تاعه بصوت نعسان
لؤي : شكون؟؟؟
- أنا
افتح عليا لؤي الباب و عينيه نص نايض نص راقد، كان لابس تريكو كحل و شورت يلحق لفخاذه ، شعره منفوش و طالع لفوق كي شمس، شواربه منفوخين، باينة كان راقد
لؤي : شنو واقع راك خوفتيني
الله يبارك خويا ربح في حياته مغربي يهبل، هزيت راسي باش نركز
- حمبوك روح عند فاتح!!
عينيه لمغمضين تحلو خلعة
لؤي : يا ماما و انا علاش نمشي عندو!؟
- فاتح راه سكران و ني خايف يدير كاش حاجة في روحه
لؤي : زعما شنو غيدير ؟؟
أنت تقرأ
تاعي وحدي.
Teen Fiction" حَاجة وحدة تبعدْك علِيا هي لـ مُوت ،لباقي أنا مَلك الموت تَاعهم " - يُوسف 30 - ريَان 17 لهجة جزائرية.