فتيحة : وش ريان تعرف يوسف؟قعدت نرمش بخلعة، حسيت هذا الموقف حلم مايمكنش يحصل ل راني نشوف فيه، يما قدام حبيبي
- انا ل لازم نسقسي اذا تعرفيه!!
تبسمت و خزرت فيا بحنانة
فتيحة : واه نعرفه من زمان
- تاعش زمان!!!
جات ترد عليا حتى عقدت بين حواجبها
فتيحة : او مالك مخلوع ؟ نعرفه كيما نعرف اي بنادم
درت ليوسف نشوف فيه لقيتو مرتاح بزاف
- تعرف يما؟
• واه وليدي
فتيحة : ياخااا كيفاه وليدك ! قلتلي عمرك 30 عام راك عادا صغير و على ديدانك
زوج خلعات بنهار واحد، تفتحو عينيا على اخرتهم و خزرت بيوسف لقيتو عينيه نقلبو
- ويااا كذاب قلتلي عمرك 27!!!!
• كو قلت راني بثلاثين ماتوليش تهدر معايا
فتيحة : يسما وليتو صحاب؟
حط ذراعه عند كتفي و لصقني فيه بكل ودية
• وي خالتي ولدك راه بمقام خويا صغير
بانت لفرحة بعيون يما و انا وجهي رجع حمر
فتيحة : شفت ريان نظل ندعيلك تتلاقى بناس لخير و ها راك تلاقيت بواحد منهم.. يوسف معلم إبتدائي و عاقل بزاااف
ثلاث خلعات في خطرة
يما تعرف يوسف
عمر يوسف 30 عام
يوسف عاقل!!!فتيحة : تهلى فيه و علمه حرفتك بالاك كي يكبر يرجع راجل صالح كيما نتا
• ان شاء الله خالتي
قدرت نتجاوز شوية صدمة و بلعت ريقي بصعوبة
- كيفاه تعرفيه يما؟
كانت يما لابسة لحايك لجزايري لبيض و رافدة ساشيات فاكهة، باينة جات تزور اسماعيل هي و طاطا ليلى صحابات
فتيحة : قبل عوام اذا تعقل كي طردونا عمامك نهار حرقو خوتك هو ل كرالنا دار نقعدو فيها و بغى يدخلهم محاكم غير انا رفضت باش مايقولوش بنت محمد راها تدور في شرع
طلعت راسي ليوسف، ماأمنتش بلي ڨاع هذا صرا
فتيحة : و بلا ما ننسى بلي تهلى فينا قفة خارجة قفة داخلة، في وقت حسيت ما عنديش رجال بكتافي لقيت هذا لولد ربي يستره دنيا و اخره
و حتى لضرك اذا لقاني نتمشى يرفدني بطوموبيل تاعه لدار و شحال من خطرة نلقاه عند مول لحم يخلص في بلاصتي و نزيدك..
قطعلها يوسف لهدرة بنبرة محترمة ويااا هذا انسان محترم!!
• صاي خالتي ل درته فيك غير كي نعزك
أنت تقرأ
تاعي وحدي.
Teen Fiction" حَاجة وحدة تبعدْك علِيا هي لـ مُوت ،لباقي أنا مَلك الموت تَاعهم " - يُوسف 30 - ريَان 17 لهجة جزائرية.