تاعي وحدي.

-10-

بلوكيتو و حرقة خفيفة في قلبي سييت نبعدها، مالغري تعارفنا في سيمانة بصح نظرات بيناتنا بدات قبل عامين

يوسف داي جزأ من حياتي.. شوالا هذا الجزأ حسيتو رادي يضيعني في شحال من حاجة، عليها قررت نقلعه قبل ما ينمو و تولي لمشكلة أكبر

حطيت تليفون تحت مخدة و هذي حاجة خلت أيمن يشوف فيا بإستغراب

أيمن : مالك عينيا؟ علاه حطيت تليفون؟

دخلت راسي تحت كوفيرطة و غمضت عينيا

فاتح : Cc ريان، راك زعفان؟

ماقديتش نرد باسكو صوتي رادي يخرج يرجف بسبة دموعي ل بداو يسيلو

أيمن : ريوني عمري وش بيك

سمعت لحس تاعهم و هوما يقربو مني، كي جبد أيمن كوفيرطة و بان وجهي ل باكي، وجوهم رجعو ظلمة

فاتح : مالك تبكي؟ شاصرا؟ شادارولك

ماطلعتش راسي ليهم باش مانضعفش و درت للجهة لخرى

أيمن : كي نهدرو معاك شوف فينا

رديت و القنطة بحلقي

- مكان والو راني مليح

ما عرفتش علاه راني نبكي.. ياك تعرفت عليه غير في سيمانة.. مازال ما نتأكد حتى اذا يحبني و لا يتمسخر..

غير حقيقة أنه راجل ل راني نتبادل معاه نظرات في عامين ماديش يزيد يشوف فيا ضرتني..

فاتح : بركا ماتكذب

شد أيمن يدي و جبدني ليه، كيما كنت متكسل ماتبدلتش الوضعية شوالا راسي لصق في صدره باسكو راه مجمع

أيمن : شكاين مازوزي( صغير ) تاع دار

حط فاتح يدو فوق خدي و هدر بنبرة كاالم

فاتح : راك زعفان كي زڨيت عليك قدام ناس برا؟

- لا..

تمتمت تحت نيفي و الدموع يسيلو بلا ما نحس

أيمن : اهدر و فهمنا شاصرالك خير ما تنقلب الحومة فوق راسك

شفت بيناتهم و تنهدت بعمق

- والو غير جاتني رغبة باش نبكي

كملت بإبتسامة خفيفة

- ماتقلقوش رواحكم.. راه كلشي بخير

أيمن و فاتح حمير بصح كي نلحقو لهذو المواقف يفهموها طايرة

أيمن : ريان عبالك نعيف لكذب غير اهدر

قعدت نحوس على حجة نقولها، ماقدرتش نجبد يوسف باسكو اذا فهمو لحكاية يهبطو ضرك بالبوشية

- أستاذة دارتلي إستدعاء نهار لحد

شافو في بعضهم

فاتح : هذا مكان؟ إستدعاء واحد غاظك لحال؟ ليك حنا عشنا حياتنا إستدعائات