" حبسو شوية ضحك! عندكم باك السنة المقبلة و مازالكم تديرو عفايس سيام "
رانا كامل نشوفو في أستاذة لعربية لـ راها رايحة جاية و تهدر في نص ساعة
" واصلا فروض فصل لول بقاتلهم سيمانة "
عينيا تحلو على اخرتهم! وقت راه يجري جري غير بارح نعقل دخلنا نقرو كيفاه فات شهر و نص
" و نتوما ساجي فيكم ضرك لوكان نقله جبد مسودة يندب "
خزرت في رمزي لقيتو حاط راسه و داير كاسكيطا باش مايبانش كيتمان
خطرات نحسد لمتحجبات باسكو خمار تاعهم يغطي لوذن، يحطو كيتمان وقت لـ حبو
" نزيد نشوفكم دايرين لـ فوضى نقلب عقليتي و تشوفو وجه جديد تاع أستاذة نادية و لـ قراو عندي يعرفوني كي دايرة "
عطاتنا نظرة لجوكر و رجعت تجمع لبلاصتها
" الاء طلعي كتبي درس كي يولو حابين يقرو نشرحلهم "
واقيلا راهي حابتنا نبكو؟
" جيل اخر زمن "
حطت راسها تعمر دفتر النصوص و تلميذة الاء طلعت تكتب درس لـ نظن خمسة راح يكتبوه
- سسس رمزي
ماسمعنيش عليها ضربته لكتفه
رمزي : مالك؟
- نتا و سفيان شاراه صاري بيناتكم
رمزي : والو
ملامح تاوعه قاعدو باردين بصح وذنيه حمارو، درت ضحكتي صفرة
- والو تاع والو ولا والو تاع ما كاين والو؟
شاف فيا مليح مليح ممبعد دار تبسيمة خفيفة
رمزي : والو تاع والو
- عرفتها !
قدمت عنده لدرجة شوية و نلصق فيه
- شكاين احكيلي حمبوووك
رمزي : كي شغل تصالحنا بصح ماتصالحناش
- امم و موراها
رمزي : هذا مكان
- كذااب راه من صبح يكحل عليك
ماقديتش نأمن بلي خدود صاحبي لخلاط ولاو حمرين
رمزي : قول والله
أنت تقرأ
تاعي وحدي.
Teen Fiction" حَاجة وحدة تبعدْك علِيا هي لـ مُوت ،لباقي أنا مَلك الموت تَاعهم " - يُوسف 30 - ريَان 17 لهجة جزائرية.
