تاعي وحدي.

-18-

7:00 صباح

' طن طن طن '

نسمع في صوت رافاي يصفر و ينوض فيا من ذاك لحلم شباب ، وين كنت راقد مع يوسف تحت لغطا و ذراعاتو معنقيني..

' طن طن طن '

عقدت حواجبي و بديت نرمش

- مانيش حاب نوض

طلعت غطايا لخفيف باسكو رانا صيف على راسي

" رياااااان "

بدقيقة مابان والو غير انسان غريب مغمض عينيه بشورت واصل لفخاذه و عضو ذكري تاعه باين بلي راه لاصق بفخذه و بلا تريكو
رفد رافاي و رماه من تاقة

يس إنه أيمن لوسطاني تاع دار عمرو 25 سنة، في بلاصة ما يقولي " خويا صغير وقت دراسة " قال

أيمن : ريان مشي تعطي

شوية و نبكي

- مانيش باغي نقراا

عاود رجع لبلاصته و تغطى ، غمضت عينيا لآخر مرة و وقفت بثقل، مشيت روحي للدوش باش نغسل وجهي، مُحال نخرا ليوما

غير حليت سبالة و تلمست لما بيديا تكمشت في بلاصتي، كنت دافي و ماء بارد

- اففف

قست ماء يديا على وجهي عادا فقت شوية، تنهدت و كملت لغسيل، ممبعد نشفت وجهي و تبسمت لعمري بالمراية

- محح زين

ماعنديش مشكل مع وجهي حتى لوكان ملامح تاوعي ناعمين ، بصح جسمي والووووو نكرههه

معايير جمال راجل
( طول القامة + بنية ضخمة + إسمرار + لحية             + خشونة الصوت )

أنا
( قصير القامة + ضئيل البنية + بياض + معدوم الشعر + نعومة الصوت )

خرجت من دوش و رجعت للشمبرة، بدلت قشي ، ستفت ادواتي درت طابلية و رفدت ساكودو ، جيت خارج  بلا مانطبق فراشي، راني فاشل نخليه لممبعد

فتيحة : صباح لخير

قالت يما ل راها واقفة قدام غاز تدير في مطلوع باش تبيعه معاها للقهوة تاع الحومة بطريقها للخدمة

- صباح نور يما

يما من ل حليت عينيا نشفى عليها نهار مامدتش يدها للناس ، تخدم خياطة عند وحدة و تطيب لمطلوع، في الأعياد توجد ڨاطو و تبيعه، اي خدمة تجي في بال المرأة الشريفة تديرها يما غير تمد يدها طلبة ماتصراش..

فتيحة : كول هذي خبيزة صغيرة و زير روحك

جاتني قنطة كي تفكرت استدعاء ليوم، تخيلت هذيك زبلة لوكان تبدا تزڨي عليها، ندفن روحي تحت لرض و مانشوفش موقف كيما ذا..