ما عرفتش كيفاه نشوف فيه، يضربني؟ ياك هاكا قال ولا مانيش نسمع مليح- تضربني؟
• واه
- راك منيتك؟ ديجا علاه تضربني و كيفاه عندك جرأة تقلي ذي لهدرة؟ حاسب غير رواح و ضرب؟
الله أكبر جرأة كبيرة جاتني، خزر فيا تقول حاب يذبحني، قاس ساشي لحلوى في لرض و خرج يديه من جيوب سرواله
• واقيلا ندي إذنك قبل مانخبطك؟
- علاه تخبطني!
• كي تغلط تخلص
نبرة تاعه طلعت لدرجة خلتني نهبط راسي
• معايا تخلصها غااالية عليها رجلك عرف وين تحطها
قدم مني و انا بلا مانعبى رجعت رول
• عفسة كي تاع ليوم حمد ربي مادرتلك والو باسكو اول غلطة ليك، خطرة جاية نخليك تبكي و الدم لاصق فيك
قعدت نشوف فيه و نرجع للخلف حتى وصلت للكونجيلاتور ل جبدت منه قرعة ليموناد
• و كي نقلك نضربك يعني نضربك ماشي غير صفعة
وصل لعندي و لصق ذراعاتو حدا وذنيا ، وجهي راه صفر
• قيس كلامك قبل ماتهدر و حرز تكذب عليا في أصغر لحاجات باسكو فايقلك فايقلك
إنحنى و تواصل بصري بيناتنا ماكملش، شوية و يدخل وجهه في وجهي
• و كي نحكمك مايسلكك تا واحد
حسيت نهتة بدات تروحلي، نطقت بصوت خااافت
- علاه راك تقول ذي لهدرة ؟ مافاتتش سيمانة على تعارف تاعنا.. علاه تبان منارفي هاك؟ ياك نورمالمون تخاف تفقدني مشي تجرحني و تهددني بلكلام
شاف فيا و الحب مايبانش عليه، تقول فيه انفصام
- علاه تدير هاك؟ ياخي هدر بشوية ليونة! ماتقعدش غير تهدد
دخل يده مورا راسي و شد شعري
• مشي نتا تعلمني كيفاه نهدر
زير على شعري حتى حسيت بالدموع يتلمو في عينيا
• فهمت ربك؟
ما عرفتش كيفاه نتصرف معاه..
- واه فهمت
قعدت نشوف فيه و هو يشوف فيا.. مشي غير في عينيا.. نظرات تاوعه تاكل الروح تاعي
• رواح لهنا
ترك شعري و جبدني ليه، دخل راسي في صدره و ذراعو زاوجة ملتفة بالخصر تاعي لولا راها فوق راسي
• مانحملش دموعك عمري
قلت ليكم عنده انفصام!!!
• ماتبكيش صغنون تاعي
أنت تقرأ
تاعي وحدي.
Teen Fiction" حَاجة وحدة تبعدْك علِيا هي لـ مُوت ،لباقي أنا مَلك الموت تَاعهم " - يُوسف 30 - ريَان 17 لهجة جزائرية.