- خليني ندخلني واقف قدام رمزي على عشرة تاع ليل، رافد ساكودو فيه تليفون، دراهم حياتي، شوية صوالح مهمين
شاف فيا رمزي من لفوق لـ تحت و تنهد
رمزي : ريان جاتك لحالة؟
- تاعش حالة؟
ركز بظهره على باب دارهم و باين عليه بلي مديڨوتي
رمزي : علابالك شحال راها ساعة؟
- مانعرت أنا مهم قررت نهرب
حط يده فوق جبهته و صفعها شحال من خطرة
رمزي : مايهديكش ربي و تروح ترقد؟
- هه؟
مفهمتش قصده قعدت غير نشوف فيه حتى عاود سقساني
رمزي : حڨا هربت من داركم؟
- واه
رمزي : علاجال شاه؟
- فاتح قلي ماتزيدش تخرج مع يوسف
رمزي : خوك خطرات يبان إمام الله يبارك
خزرت فيه و بلعت ريقي، سمعت يماه تعيطله بمنارفية
" رمزيي رواح كمل عشاك "
رد عليها بنفس لعياط
رمزي : ني جاي يما
شاف فيا لقاني مقوس حواجبي و قاعد نتمسكن
- تخليني نتخبى عندكم؟
هبط من درجة لمشققة و حط يده بكتفي، ني بقش صباح مازال مانبدله لعكس تاعه، راهو لابس ديباردار مع شورط بارصا
رمزي : ريان نتا خويا و مرتي نبغيلك غير مصلحتك عليها إفهم معايا
لولا كان يهدر بشوية.. دقيقة و زڨى حده لدرجة شعري حسيته طار
رمزي : يا ربك دارنا و داركم بيناتهم خشة تاع دقايق! رادي اول بلاصة يجيلها فاتح و أيمن هي دارنا !!
هزيت راسي بلفهم، هذا وين استوعبت هدرته
- فهمتككك
رمزي : حمد لله ياربي
لمعو عينيا و ضحكة بوجهي
- صحا حمبوك خليني نخزن عندكم غير ليلة غدوا نروح للمحطة و نلاقي يوسف باش نهربو
شاف فيا رمزي مليح مليح ممبعد بعد يده من ذراعي و اضرب بيها لحيط، لكمة رمزي تخوف..
عاود خزر فيا لقاني متبسم، دمر لباب على اخرته و دار ذراعه قدامي
رمزي : تفضل يالحمار
تبسمت و دخلت نجري، ممكن راني نبانلهم نتمسخر بصح انا ني سيريو.. اذا خوتي ماقبلوش علاقتي نهرب مع يوسف
أنت تقرأ
تاعي وحدي.
Teen Fiction" حَاجة وحدة تبعدْك علِيا هي لـ مُوت ،لباقي أنا مَلك الموت تَاعهم " - يُوسف 30 - ريَان 17 لهجة جزائرية.