ثلاث ثواني.. زوج ثواني.. ثانية
12.00صونات ساعة تاع 12 أخيرا، كنت رافد كامل صوالحي يسما وقفت بلخف و خرجت انا لول من قسم
هبطت دروج جرية و تقريبا لأول مرة نكون من اوائل ل يخرجو عادة نقعدو انا و رمزي نتمشو بشوية و نضحكو
رحت للدار جرية باش نعرف وش صرا، باسكو كي رمزي تغاشى سفيان رفده و هبطه للإدارة من تما مازادوش بانو ، ني هو ني رمزي
مامپا ربع ساعة و دخلت للزنقة، عكس العادة سقرة راها و مكان تاواحد، مشي تمسخير.. مالقيت تاواحد
تنفست بعمق و كملت طريقي بسكات، كي لحقت باب دار رمزي طبطبت عليه
شوية و فتح عليا مصطفى ، سقسقى بتبسيمة
مصطفى : شكاين ريان؟
- رمزي راه هنا؟
مصطفى : واه راه راقد، ماديش يجي حشية
- صحا اسماعيل كي راها حالته؟
مصطفى : والله ياخويا ما علابالي، قالك على يومين يخرج من سبيطار
- امم
هبطت راسي و زعفة فيا
مصطفى : معليش ريان هذا قدر الله ماعندنا كي نديرو، ماتزعفش صاي؟
- صحا
تنهدت و كملت طريقي لدارنا، فت من ذيك الخشة و باينة لحقت اخيرا، طبطبت كي ماحلوش جبدت مفتاحي و فتحت على روحي
- أيمنن!! يمااا
قعدت نعيط و نقلع في صباطي
- جيييت
حطيت صباط عند دخلة و رحت للكوزينة ديراكت
- وين راكم جماعة؟
زڨيت حدي باطل، تاواحد ما رد عليا
- ماهمش هنا على حساب شوفة
خرجت تيليفون و صونيت لأيمن، خطرة زوج ثلاثة حتى رد
" مالك؟ "
توترت بسبة نبرته ل بانت مقلقة
- والو غير بغيت نسق..
" راني لاهي ماتعاودش تعيط "
قطع عليا في وجهي، تما رسميا حسيت راح نبكي، مشي موالف يديرلي هاك
في وسط سكات و ظلمة بـ البيت بدا عقلي يدير دراما تاعه، جاتني دمعة
أنت تقرأ
تاعي وحدي.
Teen Fiction" حَاجة وحدة تبعدْك علِيا هي لـ مُوت ،لباقي أنا مَلك الموت تَاعهم " - يُوسف 30 - ريَان 17 لهجة جزائرية.