الكاتبة تعلن رسميا بداية موسم
الكرنج و التمنييك
الله يكون بعونكم معايا 😭
_________________________
نضت على سبعة تاع صبح كيما لعادة على رنة رافاي، فتحت عينيا على فراش أيمن خاطر مقابلني لقيتو فارغ
قطبت بين حواجبي بحيرة، ما فهمتش ويراه
- غير بارح كان هنا وش صرا؟؟
جمعت في بلاصتي بشوية و عينيا ذابلين، رفدت تيليفوني نشوف اذا كاين ميساج من يوسف
مالقيت والو، تنهدت و عاودت طفيته، بدية تاع نهار مشي شابة، صامطة بزاااف
وقفت على طراف رجليا و سقرة في دارنا، بالعادة يما تجي تتوغ عليا ويراها؟
رحت للدوش غسلت خريت نقيت روحي مليح.. علاه؟؟ باسكو موسوس من ذي لجهة
غسلت وجهي سنيا مشطت شعري باسكو مع صباح دايما يكون مشبك
رجعت للشمبرة بدلت قشي لتاع بارح مع طابلية، راني متمني يديرونا لبسة موحدة كامل نلبسوها باش واحد مايحشمش كي يقرا بنفس الملابس عوام
رفدت ساكودو ديراكت و جيت خارج، رحت للكوزينة تما دخلني لقلق كي مالقيتش يما فيها
- هذو وين راحو و خلاوني؟
جبدت تيليفون باش نعيط لأيمن، صونا تيليفون في دار تما قلبي تزير، أيمن مايخليش تيليفونه مهما صرا
عيطت ليما تاني صونا حدايا، تنفست بعمق و قررت نخرج من دار بالاك راهم عند جوارين
فتحت لباب و خرجت، فت على خشة كي لحقت للحومة شفت شعب كامل متلايم عند باب دار رمزي
- وش راه صاري؟
قلت بيني بين روحي و حاس بشعور مشي مليح ، نخاف من هذو الأجواء
قربت كثر حتى لحقت تما، مكاش ل عطاني وجه و باينة اول واحد رحت ليه هو طارق ، انطقت
- طارق شكاين؟ علاه راهم متلايمين من سبعة؟؟؟
تلفت براسه و شاف فيا ممبعد رجع تركيزه للدار
طارق : مشكلة صرات
- غير لخير !
انحنى و همسلي في وذني
طارق : بارح جماعة لاقت اسماعيل و ضربوه..
أنت تقرأ
تاعي وحدي.
Teen Fiction" حَاجة وحدة تبعدْك علِيا هي لـ مُوت ،لباقي أنا مَلك الموت تَاعهم " - يُوسف 30 - ريَان 17 لهجة جزائرية.
