𝒫𝓊𝒹𝒹𝒾𝓃𝑔 🐾🍮
Part - 18
"အခုပြဿနာက ဘာလဲသိလား "
"ပြောစမ်းပါအုံး "
"ဟန်ပူတင်းကလေ ငါ့ကို ကိုကိုမဟုတ်ပဲ ဖေဖေကြီးတဲ့ အဲ့လိုပဲခေါ်တော့တာကွာ မင်းစဉ်းစားကြည့် "
"မစဉ်းစားချင်ပါဘူး "
တွဲပြီး တပတ်အကြာ ဟန်ပူတင်းအား ဖေဖေကြီးဂယူဘင်းမှပေးသော ရီဗြူးဟု ခေါင်းစဉ်တပ်သင့်သည်လား။
အဲ...အဲ့လိုဆို သားအဖဇုန်ပြန်ဝင်သွားမှာ...
တယောက်ထဲလျှောက်တွေးရင်း ခေါင်းခါကာ အတွေးတွေကိုပြန်ခါထုတ်ရသည်။ ပူတင်းလုံးပြောပြောနေသည့် သားအဖဇုန်ဆိုတာ ဘယ်လောက်ထိဆိုးကြောင်း ဖေဖေကြီးလို့ တပတ်လုံးအခေါ်ခံရတာနဲ့တင် ဂယူအတော်မှတ်နေခဲ့ပြီ။
"အဖြစ်က မနှစ်ကထက်ဆိုးတာလေ မင်းကို ကောင်းကောင်းကြီး ကလဲ့စားချေနေတာနေမှာ ဟန်ယူဂျင်းတကယ်ငနှောက်လေးနော် "
ကွတ်တီးကို တကိုက်ဝါးရင်း ရစ်ခီကအရယ်တဝက်ဖြင့်ပြောသေးသည်။ ဂယူဘင်းမှာတော့ ရယ်တောင်မရယ်နိုင်။ ရည်းစားဖြစ်ပြီးမှ ပြလိုက်တဲ့ ပညာတွေဆိုတာ လက်အုပ်ချီပြီး ထိုင်ကန်တော့ချင်မိတဲ့အထိလေ။
"ပူတင်းလုံး အကျီကြယ််သီးတပ်လေ ရစ်ခီရှိနေတာ "
"ဖေဖေကြီးက စိတ်ပူတာလား "
ထယ်ရီနဲ့အွန်ပါပါးကို အစာခြောက်စေ့တွေခွက်နဲ့ခပ်ထည့်ပေးနေရင်း ဂယူဘင်းကြောင်သွားမိသည်။ ဟီးခနဲ ပြုံးပြီး အနားရောက်လာတဲ့ ပူတင်းလုံးက အခုဆို သူ့ဆေးခန်းမှာ ရေချိုး ၊ တရေးအိပ် လုပ်တတ်နေခဲ့ပြီ။
သူ့အဖြစ်ကို ဟားခနဲထရယ်တဲ့ ရစ်ခီ့ကြောင့် ဂယူဘင်းမှာပိုပြီး အင်တင်တင်ဖြစ်ရသည်။
"ပူတင်းလုံးရယ် ကိုကို့မစပါနဲ့ "
"နောက်ပဲနောက် !"
အငယ်တယောက်လိုများသဘောထားနေသလားလို့ ပြန်မေးချင်ရလောက်အောင် သူ့ခေါင်းကို လက်လေးနဲ့တချက်ဆွဲဖွသေးသည်။ လက်ကောက်ဝတ်ကိုဆတ်ခနဲလှမ်းဆွဲပြီး မျက်လုံးမျက်ဆံပြူးပြတဲ့အခါ ရယ်ပြုံးလာရင်း...
