يلتفت لها القلب والعقل

🌷

الله يرحم لطيفه
-
دعواتكم لي
-
.
.
-
اعتذر وجداً منكم وعلى تأخيري بتنزيل البارتات لكن انشغلت بحياتي ودراستي ولا قدرت اوافق بين تنزيل الأنستا والواتباد خُصوصاً اني اعدل على البارتات " ادعولي انقبل بالجامعه على خير والتوفيق"  🩵
-
بسم الله نبدا
-
..
-
بيت ابو سلمان"فارس"
مان جالس ويفكر كيف يرجع رعد لدياره مهما صار رعد لازم يرجع لهم
هو يدري بأن ابوه محترق على فراقه وفراق ضناه لكن جبروته ماسمح له يتنازل
-
صقر
رجع للبيت ودخل على طول غرفته ، قفل بابها وجلس عند الباب ، تعب يبي ينشغل حتى شغله مايقدر يركز فيه هو مهلوك كيف يتركه يبي احد يرشده بكى هالمره بقهر من حاله
اعتدل بجلسته من سمع صوت باب غرفته ماكان غير حنين اللي ماسمعت منه رد
نطقت حنين: صقر حبيبي فيك شي
وقّف على حيلها وفتح لها الباب كانت تناظر فيه تعرف ان فيه شي ، تقدمت منه ومسكت وجهه بيدينها الثنتين
صقر بنبره غريبه: غريبه ليه جايه
حنين بهدوء:  تتهرب وتكلم وقول وش فيك ولا بقول لـ امي عنك
تركها صقر ومشى داخل فتح دولابه ونطق: مافيني شي بس ابي اخذ ملابسي بتروش واطلع لهم
هزت راسها بتّفهم ، وطلعت من عنده

-
مجلس الشيبان بالديره
ابو حصه : اقول يابو سلمان انت وراك ماتزوج صقر الرجال كبر ويدخل على معاوركم ( اهلكم)
لف عويض: مابه احدن غريب وصقر ولدنا
الجد ابو سلمان : والله انك صدقت ولازم له بنت الحلال الي تستره ويستر عليها
ابو مشاري: البنت عندي واعرفها واعرف اهلها بعد
ابو سلمان : من هي بنته؟
مشاري: يبه الله يهداك مقررين عن الرجال وهو مايدري عنك
ابو عيضه: وانت معجبك حاله لا ام ولا اب مخلينه عند معاوركم
لف عليه مشاري: امي كبيره سن واذا عن اهل عويض فهي حرمه كبيره ومالها بـ صقر والباقي عمته واخته وين المعاور بالموضوع؟
نطق ابو مشاري قاطع حوارهم : الليله نطلع لديره القمراء نخطب من عند جاري ابو عبد العزيز اذا تعرفونه
نطق الجد:اي بالله نعرفه ينقال رجال ونعم فيه
ابو عيضه:لو لا الضروف الي حدته كان ذلحين هو جارنا
ابو مشاري :الحمدلله على كل حال اهم شي انه طيب وبنعمه
-
بيت ابو عبد العزيز
دخل عليهم الجد ونطق : الليله جايين ضيوف من ديره الحسا واهلهم معهم اعزمي جاراتك اذا تبين
عيده: حياهم الله
هناء:غريبه يبه منهم الضيوف
الجد: تعرفون جاري ابو مشاري و ابو سلمان زمان ؟
ابتسمت عيده ونطقت : يامرحبا بهم
الجد: بس ترا اهل ديرته معه
عيده:ازهلها
هناء :بروح للبنات بقول لهم
-
بالغرفه
هديل:يمه خير ليه كذا ماقلتو من بدري مايمدي نجهز
سلاف : والله ياخاله انتي شايفه شعري يادوب استشوره
دخلت عليهم مها قاطعه كلامهم ونطقت:
يمديكم يمديكم بدل الكلام الفاضي اكشخو
قامت حور ونطقت: خاله امي وين؟
هناء : تحت بغرفتها
طلعت ركض لأمها دقت باب الغرفه ودخلت
نطقت حور: يمه وش البس
منيره : الدولاب حقك كله ملابس اختاري منه
حور: يمه دايم الكلمه هاذي ماتطلع من لسانك
منيره : بكيفك ترا مافي وقت بيجون الناس وانتي مكانك خذي معك الماء من تحت وحطيه بالفريزر الي بالملحق
هزت راسها ومشت تاخذ الماء وصلته للملحق وطلعت تتجهز
-
رعد
رجع ويتمنى انها نايمه كانت منسدحه ولامه رجولها عليها اول ماسمعت الصوت غطت اذانيها وغمضت عيونها بقوه فتح باب الغرفه ودخل شافها متكوره على نفسها استغرب منها تقدم وشال المفرش بـ استغراب
شهقت بقوه هي كانت كاتمه بكائها انصدم من فعلتها وتقدم منها ورفعها ونطق: بنت ليه البكى!!
مسكها بيدينه وهزها من عند كتفها بقوه ورفع صوته ونطق بشبه حده: علامك احد مسوي لك شي؟
استوعبت وضعها لوهله واعتدلت بجلوسها بهدوء ونطقت: ليه تتركني لوحدي؟
جلس على حافه السرير بجنبها ومسح على راسها ونطق:بس!!
توق:رعد
رعد: سمي
توق: ابي اروح لأمي وعد ارجع معاك
رعد بهدوء:لا مافيه الحين يصير مشاكل
لفت عليه ونطقت بـ حلطمه: لو امك كان رحت لها
اول ماجابت طاري امه وقف قدامها ونطق:امي ولا احد من اهلي تجيبين طاريهم سمعتي؟ولا والله لتتمنين الموت وانتي حيه والحين قمي اجهزي ساعه بالكثير واخذك
توق بهدوء :تمام
رعد: يلا بتروش واطلع الاقيك جاهزه
قامت بسرعه من مكانها ولبست فستان وحطت روج ومسكره وايلاينر لبست عبايتها اول ماطلع رعد من الحمام يكرمكم الله نطق بـ : ماشاء الله جاهزه لهدرجه متحمسه؟
ابتسمت وهزت راسها بـ ايه
مشى لبس ثوبه وغترته وتعطر وطلع وهي وراه ركبوا السياره ومشى متوجه لهم
.
بيت ابو عبد العزيز
الجد: يافهد قم تحرى الدلال والشاهي عشان لا جو الضيوف يكون كل شي جاهز
نطق فهد: يلا يلا وقام متوجه لأمه
اهل ديره الحسا
ابو سلمان واهله وعياله
وابو مشاري واهله
وابو حصه كلهم متوجهين لديره القمراء عند ابو عبد العزيز
وقفوا السيارت ونزلو كلهم
-
رعد
كان يمشي ومو منتبه لأي شي لفت عليه توق ونطقت بصوت اقرب للهمس: غريبه من عندهم
لف رعد وشاف الي مالازم يشوفه شاف جده واصحابه اللي حرموه يبكي يوم اهله ماتوا
فتحت باب السياره بتنزل لكن يده اسرع وسحبها وقفل الباب ولف عليها وعيونه كلها شرار ونطق: انا قلت لك انزلي؟
لفت عليه ونطقت بخوف :مو لازم
شغل سيارته ودموعه بتنزل الحين لا محالاه كان يمشي بسرعه قويه لفت عليه توق ونطقت : هد بالسرعه رعد تكفى طلبتك
رعد: انطمي تسمعين ولا والله والله ماتشوفين مني الخير
تمسكت بيدينه ونطقت: هد بالسرعه رعد تكفى
هو الحين مايتحمل صوتها هو حذرها وقالها تسكت ضرب الدركسون بيدينه الثنتين وفزت بسرعه ونطق: انا قايل تنطمين  لا اسمع حسك صح ولا لا
فزت بقوه منه صراخه ولمت رجولها مع بعض ودفنت راسها بين رجولها وغطت بيدينها اذانيها زي ماتسوي مع امها وابوها اذا تهاوشو
ناظر فيها هي مالها دخل ليه سوا معاها كذا وهو وعدها انها تشوف اهلها
وقف عند باب الشاليه ونزل وفتح بابها ونزلها معه
دخل الغرفه وهو يحس بجسمه يحترق يبي يضرب يكسر اي شي نزل ثوبه وغترته ورماها طلع ملابسه ولبس الشورت حقه يبي يسبح الحين يحاول يشغل نفسه ناظر نفسه بالمرايه وتخيلهم اليوم جايين بعد الي سووه رفع راسه لفوق مستحيل يبكي نزل انظاره للعطر على التسريحه ورفعه وضرب فيه المرايه انكسرت المرايه وطلع اصوات القطع بكل زاويه قرب من كل شي تشوفه عينه وبدا يكسر فيه
.
اول ماسمعت الصوت فزت من مكانها وراحت ركض  فتحت باب الغرفه
وناظرت فيه كان بحاله اللاوعي يكسر ويخرب وفترات يضحك مقهور قربت منه
لف رعد ونطق بحده :اطلعي اطلعي لاتقربين حذرتك
هزت راسها بـ لا وتقدمت منه وكان معطيها ظهره لف عليها اول ماحس بيدينها على ظهره ارتمت بحضنه وشدت عليه بقوه حاول يبعدها بس هي دفنت وجهها برقبته لفت يدينها حول ظهره وشدت عليه بقوه شد عليها اكثر
ارتخت حواسه بأكملها وكأنه طفل يرتجي حُضن امه يبعده عن التعب والحزن
ابعدت عنه وناظرت عيونه ومسكت وجهه بيدينها الثنتين ونطقت: انت بخير !
ناظر فيها لثواني طويله ورفعها له سندها على الدولاب وسند جبينه على جبينها وتخالطت انفاسه بـ أنفاسها كانت انفاسه منتظمه الا هي متسارعه نتيجه خوفها وتوترها كانت بتبعد
لكن نطق بـخفوت:لا
رفعت نظرها له كانت تشوف نظراته غريبه تجاهها ابعد يدينها من على ظهره وكتفه ورجعها ورا ظهرها ومسكها بيدينه الثنتين ونطق :ارفعي راسك
رفعت راسها ناظرها لثواني وسرعان ما نزلها على الارض وطلع برا الغرفه
.
عند بيت ابو عبد العزيز"الحريم "
حنين: يمه من ذولا وبعدين نحنا ليه جينا هينا
هدى: جايين نخطب لـ صقر جدك يقول انه موافق ويبي يكمل نص دينه
حنين بقهر : ليه يمه ليه انا اخر من يعرف
قامت من عند امها تدق على صقر تهاوشه
منيره: حور يابنت وين الماء الي قلت لك عنه اليوم قمي هاتيه سرعه
طلعت حور متوجهه للملحق
.
عند الرجال
.
دق جواله واستأذن يطلع يكلم برا
صقر:ايوه حنين
حنين: صقر ليه ماقلت لي والله زعلت عليك اجل انا اختك واخر من يعرف ليه تسوي كذا
صقر : ايش يابنت مافهمت عليك
حنين: صقر لاتصير عبيط وينك انت بجيك
صقر :عند قسم الرجال بس بجيك وانتي تعالي وانتبهي البسي عبايتك انتظرك
حنين :طيب وقفلت منه ومشت تجيب عبايتها
فتح جواله وشاف رساله من العميد لازم يحضر بكره رفع راسه ولمح طيف يمشي باتجاههم لف من فتح الباب وكانت حنين اشر لها تجيه وتوجهت له عند حور كانت تمشي وكرتون الماء بيدها ماشافت صقر ولا حتى حنين  قربت من الباب وطاح الكرتون من يدها لفت من انتبهت ان فيه احد وراها
ظل يناظرها ماتحرك فيه ساكن بقت مكانها ماتحركت ركضت لها حنين وسرعان مادخلتها البيت ولفت على صقر وباقي يناظر ونطقت بـ : صقر خير!!
نطق صقر: حنين ذي من تكفين اخطبيها لي
ضربته على كتفه ونطقت: ياغبي نحنا ليه جايين اجل جدي يقول ان صقر يبي يتزوج
حك راسه ونطق :صح انا وافقت وابي هاذي الي الحين
حنين: صقر ترا مو لعب الزواج صدق تبي تتزوج
صقر : اي والله وابي ذي بعد اعرفي اسمها وخلي امي تخطبها لي
هزت راسها ونطقت: يلا انا بدخل داخل
طلع صقر متوجه لريجيل يفكر ماينكر انه انعجب فيها
اما حنين دخلت للبيت وقفت عند المدخل وناظرت نفسها بالمرايه ورتبت شكلها وبخت من عطرها ..
دخل فهد بالمطبخ ونطق :منيره الله يرضى عليك اعجلي الحين ابوي يطب عليه
نطق بنرفزه: منيره الماء وينه
منيره:فهد ياكثر هرجك خلاص ارسلت حور تجيبه لكن ماجات
دخلت حور بسرعه ونطقت :يمه طاح الكرتون من يدي وماقدرت اشيله
فهد: هذا بدل ماتخدمين خالك تقولين ماقدرت الله يعوضك يافهد
وطلع ركض يجيب الماء ..
عند حنين كانت واقفه تعدل فستانها رتبت شعرها ومشت بتدخل لكنها صقعت في فهد وطاحت
فهد بضجر نطق بسرعه: ماش علم حتى عضامي بتكسرونها يارب الهمني الصبر وطلع يجيب الماء بسرعه
عند حنين كانت على الارض مصدومه هو الي صدمها مفروض يتعذر وهو يقول كلام ماله داعي
عند حنين كانت على الارض مصدومه هو الي صدمها مفروض يتعذر وهو يقول كلام ماله داعي قامت وهي تتحسب عليه وعدلت شكلها ودخلت
اما عند فهد فاهو مو مستوعب انها وحده غريبه يحسبها وحده من بنات خواته ولا اخوانه
عند الحريم
هدى: خير وين كنتي لي ساعه ادورك
حنين بهدوء :كنت مع صقر ويقول انه صدق يبي يخطب وقال جيبي من ذوقك
ابتسمت هدى ونطقت : الله يكتب الي فيه الخير
.
عند الريجيل
الجد ابو سلمان: والله يابو عبدالعزيز  جيتك انا واهل ديرتي طامعً بنسبكم
وبخطب لولدي صقر من عندكم
نطق ابو عبد العزيز بفرحه : يامرحبا والله حياكم الله جميع والله يكتب الي فيه الخير وانا اخوك مابه خلاف الله يكتب الي فيه الخير
دخل عليهم فهد بالماء وزعهه عليهم وجلس
كان يشوف نظرات ابوه له يعرف هالنظرات زين قرب من تركي  ونطق :يارب صبرني تعبت منه
ضحك تركي ونطق : خلك تستاهل يريبك ماسوى غلط
رفسه فهد على بطنه ونطق :اهجد اهجد لأربيك انا
-
عند البنات
كان بينهم لحظه تعارف وحنين تعرفت على البنات وحبت جوهم بحكم انها وحيده هناك اعرفو اسامي بعض واعمارهم
نطقت حنين: انا والله حبيتكم مره هناك بس عايشه مع صقر ومشاري وفارس وامي وزوجه خالي عويض وجده مافي بنات من عمري
نطقت هديل: ياعمري انتي ايش رايك تزورينا ونزورك
حنين بحُب : ياليت والله
دق جوال هديل وكان فهد
هديل: ايوه فهد
فهد بـ حلطمه:العشاء جاهز
هديل: طيب خلاص بقول لأمي قفلت منه واستأذنت من البنات وطلعت تقول لأمها
-
عند الحريم
هديل :يمه فهد يقول العشاء جاهز
هناء: يلا رحي شيكي عالوضع وانا بناديهم
طلعت هديل  تشوف الوضع وشافت كل شي مرتب ورجعت قالت لأمها
نطقت هناء:حياكم الله جميع للعشاء
هدى وام سلمان وام مشاري :الله يسلمكم
ام عبد العزيز: هيا ياعيده عطيني يدك مسكتها عيده وتوجهو يدخلون مجلس
الحريم للعشاء
توجهو الحريم كلهم للعشاء ماعدا البنات كانو بالغرفه يسولفون مع بعض دخلت عليهم هناء مقاطعه سوالفهم ونطقت بـ :يلا ياصبايا العشاء
نطقت لين :تكفين ياعميمه العشاء وشو
ضحكت هناء ونطقت :مشاوي ياست لين
فزت لين من مكانها ونطقت :صدق والله؟
ضربتها هديل على راسها ونطقت :بله عليك جدي قد سواها وعشى احد من ضيوفه مشاوي صاحيه انتي؟
لين بـحلطمه :وانا وش عرفني وعلى فكره ياست هناء المشاوي بتجيبيها لي ضحكت هناء ونطقت :ابشري بس يلا هيا
طلعو كلهم يغسلون يدينهم وراحو يجلسون على صحن لحالهم
-
عند الرجال
تركي وغيث تولى مهمه تجهيز الفرش وفهد السفره وسعود الماء
ونايف الفواكه
ورتبو المكان واشر نايف على سُلطان يناديهم للعشاء
دخل سُلطان عليهم ونطق:حياكم الله جميعا للعشاء
تداخلت اصواتهم بـ:الله يسلمكم  الله يعافيكم
وقامو كلهم متوجهين للعشاء برا في الحوش
عند العيال على صحن لحالهم ..
مد غيث يده على الماء حق فهد
لكن مسكه فهد ونطق:اكسرها لك عيني عينك مويتي بتاخذها!!
لف غيث على الكرتون الي وراه وجاب لنفسه ماء ونطق:شكرا الماء حقك خله لك
تركي بنرفزه :عاداتكم ذي ماتبطلونها ؟
قلب فهد عيونه فوق تحت ونطق :من فيه ؟الحمدلله والشكر بس
لف فارس على تركي ونطق :انا ماعندي مانع ترا اخذو مشاري معكم راضي والله اشد الرضاء
ضحك نايف ونطق؛لا يارجال نحنا يالله في الاثنين بتجيب الثالث !!
لف عليه فهد ونطق :والله يانيوف ياحبيبي ميتين عليك
-
عند الحريم
خلصو من العشاء وتوجهت حور تغسل ولحقتها حنين
نطقت حنين بـ.:حور انتِ اخر لك سنه بالثانوي صح؟
ابتسمت حور ونطقت :ايوه ياعيوني ليه؟
قطع كلامهم دخول ام سلمان وام عبد العزيز وام مشاري
وطلعو يم البنات
عيده :هاذي بنت منيره وفواز الله يرحمه؟
هزت راسها ام عبد العزيز
ام مشاري:الله يرحم فواز والله اني اخبره (اعرفه)يوم كان يجيب منيره
ماتنكر عيده انها ذكرت ولدها واهله وحفيدها الي ماعاد تعرف عنه شي ونطقت بـ :الله يرحمه ويسكنه فسيح جناته
ام عبد العزيز وام مشاري  بهدوء :اللهم امين يارب
-
بالمطبخ
توزعو البنات الاشغال بحيث يكون هديل ولين وسلاف يغسلو المواعين وينظفو المطبخ ويرتبوه
وايلاف وحور وريماس يرتبو البيت وينظفوه ويشغلو على البخور
دخلت عليهم مها ونطقت :وش ذا النظافه ماشاء الله دايما ياحبيباتي نقول لكم نظفو زين وتقولون مانعرف
ابتسمت هديل ونطقت :عاد ياخاله الحين لازم نبين اننا سنعات عشان الحريم يقولو ماشاء الله على بناتهم
ضحكت مها ونطقت :تعجبوني انتم
البخور وينه سرعه الضيوف بيروحون الحين ونحنا مابخرناهم
تقدمت ريماس وعطتها المبخره ونطقت البخور شوفيه بالدرج حق جده
هزت راسها مها وطلعت بعد ماقالت لهم يطلعون للحريم مايجلسون
-
بـغرفه الضيوف
دخلت عليهم مها وفي يدها البخور وبخرت كل الجالسين نطقت ام سلمان :في زواج عيالك ان شاء الله
ابتسمت مها ونطقت :اللهم امين
لفت حنين على امها ونطقت :يمه صقر مرسل لي يقول يلا بنمشي كلمي امي
هزت راسها هُدى وقالت لأمها عن كلام صقر وقامو
ام عبد العزيز ؛بدري يام سلمان وين بتروحين
عيده :صقر يقول يلا والله مايمدي اصلن غريبه من الشايب يجلس للوقت ذا
ابتسمت منيره ونطقت:يمكن معجبه الجو وبعدين هم من زمان عن بعض
لفت هدى على نوره الي تسولف مع هند ونطقت :يلا يانوره ياقلبي بنمشي ابتسمت لها نوره وقامت تلبس عباتها
طلعت حنين مع صقر ومشاري
ونوره مع عويض
وهدى وام سلمان مع فارس والجد
وابو مشاري واهله
-
رعد
لبس ملابسه وطلع من البيت شغل سيارته ومشى كان يمشي بسرعه متهوره وكل تفكيره في اللي شافهم قبل شوي هدا من سرعته لمن شاف الاشاره حمراء ووقّف
-
الجد
ناظر بالسياره اللي توقفت جنبهم ونطق وهو يناظر في فارس :الله لايبلانا تشوفه كيف متهور مالقى من يربيه ويعلمه انتبه يافارس تصاحب النوعيه ذي
لف فارس على ابوه ونطق :ابشر يبه على هالخشم
هدى بلعثمه بالكلام:فارس انتبه لاتصدمه
حكت سياره فارس جزء من سياره رعد بالغلط ونطق الجد:الله يهديك وش يفكنا منه واضح متهور
-
رعد
كانت شياطين الانس والجن راكبته هو يدور احد يحط حرته فيه وجاك يامهنا ماتمنى نزل الجد من السياره ونزل معاه فارس
لف يدور اي شي بسيارته يهجم فيه بس مالقى ونزل من سيارته
الجد:الله يفكنا منه ومن اذاه
فارس:هد يبه ماصاير الا كل خير لاتخاف
تقدم رعد وهو ناوي عليهم  بس انصدم يوم شافه عمه فارس وجده اي هذا جده الي حرمه من البكاء وقت موت اهله
اول ماشاف رعد ارتجفت ايده الي على عكازه ومسك فارس
مسكه فارس بسرعه قدام يطيح ونطق:يبه
كان واقف ماتحرك من مكانه يناظر فيهم ، قرب منه فارس بفرحه ونطق: رعد
اشر له رعد يبعد عنه مايبي احد ولايبي قربهم تقدم منه فارس مطنش كلامه نطق رعد:ابعد تفهم ابعد
هز فارس راسه بـ لا وقرب منه رعد ونطق :خذ ابوك معك ويلا امشوا
تقدم الجد ونطق بنبره تميل للبُكاء :وين كنت طوال السنين ذي
لفت هُدى على امها ونطقت بخوف ولعثمه :يماهه
عيده:شفي ابوك وفارس وش سوو بالرجال انا ماوكده (ماشوفه)زين
هُدى:يمه يمه رعد رعد
عيده بخوف:وينه هُدى وينه لاتكذبين علي ماعاد اتحمل قلبي متشوق عليه اه اه اه
هُدى بفرحه:والله يمه عانيه (شوفيه)هذا رعد
نزلت الجده من السياره ونزلت معاها هُدى
عيده بونين :رعد اه يارعد وين رحت عني ياولد سلمان
مدت يدينها له تبي تضمه وتشم ريحه سلمان فيه قربت منه وبدون مقدمات حضنته
ماتحرك من مكانه هو منصدم من زمان عنهم له اكثر من ٨سنوات ماشافهم
نطق رعد :خليهم يبعدون عني مابي احد
عيده:لاتتركني تكفى عقب مالقيتك
ارتخى يسلم على راسها هذا الي يقدر عليه الحين مايقدر يعاتب ماينكر انه هو الي تركهم بس اكثر شي قهره يوم اجبروه انه مايبكي على اهله
رجعت تنطق:بتتركني عقب السنين ذي
لف عليها وعيونه تغورقت دموع القهر
ونطقت الجده :لاتتركني ياولد سلمان ولا اخذني معك تقدمت منه ورجعت ضمته حط يده من ورا ضهرها وضمها له هي مالها ذنب
-
بالسياره عند عويض
عويض:ليه ساكته؟
هند بهدوء :وش اقول
عويض:لا بس بالعاده تسولفين متضايقه من شي ؟
هزت راسها بالنفي وسكت بيعرف وش فيها اذا وصل لبيته
-
رعد
ابعد عنها بيمشي لكنه مسكته ونطقت ببكاء :لاتقطعني وانت تعرف دربي
وجلست على الرصيف ماعاد تتحمل بكت بقهر هي من زمان ودها تشوفه ياما تمنت انها تلقاه بس من يخليها تدور عليه
نزل على ركبه قدامها وسلم على يدينها ونطق :سامحيني تكفين والله ماقطعك بس الحين لازم امشي
رفعت كفوفها الي كاسيها التجاعيد ونطقت:ياحبيبي انا على راحتك ومسامحتك بس تعال لي
رجع سلم على راسها ويدينها وضمها ونطق :ابشري على ذا الخشم وقام بسرعه مُستحيل يبكي
مشى متوجهه لسيارته ولحقه جده لكنه شغل سيارته ومشى بسرعه بدون اهميه له
تقدم فارس من امه ورفعها له وضمها على صدره ونطق :يمه تكفين لاتبكين والله انك تحرقيني
بكت على صدره ونطقت:كبر يافارس كبر ومحد درا به
هز راسه فارس ونطق:الحمدلله الحمدلله شفتي يمه كيف فضل ربي علينا وكيف سبب هالمشكله وشفتي حفيدك احمدي ربي ومارده بيرجع لنا مابيطول ان شاء الله
الجده:الحمدلله على كل حال
الجد باستهزاء :مابيطول صار له ٨سنين مابيطول؟
عيده بحده:السبب انت امسخو بعقلك الريجيل مامنك خير وهم معك
سلم فارس على راس امه ونطق:يمه الله يهديك اقصري الشر واشر لـ هُدى تجي تاخذها
هي من الصدمه ماقدرت تتحرك من مكانها كيف رعد الطايش كيف كبر ماحتى سلمت عليه تقدمت بهدوء واخذت امها متوجهه لسياره
تقدم فارس من ابوه وسلم على راسه ونطق:مارده بيصلح الحال ونعيش كلنا تحت سقف واحد
نطق ابوه بـ:ان شاء الله
-
بالسياره
عيده :كله منك لو ماحرمته من البكاء على اهله وخليته يطلع كل الي بقلبه ماصار كل الي صار
هُدى:يمه تكفين خلاص
عيده بـحده:لا مب خلاص سكت سكت لين ماعاد اتحمل حتى حفيدك مادورته من يوم اختفى لهدرجه مرجله ؟ماهوب بمرجله يامحمد ماهوب بمرجله
كيف مادور على حفيده وهو ماخلى مكان مادوره فيه بس مالقاه كيف تقول انه مادوره ولا سئل عنه فتح ازارير ثوبه ولف على فارس ونطق:افتح الشباك
هز راسه بـ ايه وفتحه واشر لـ هدى تهدي من وضع امه
اخذ طريق المستشفى عشان ابوه يعرف انه مكتوم ولازم له بخار وبيختصر الوضع عليه قبل مايوصل لديرتهم ويرجع مشوار ثاني
نطق الجد :ماهوب درب البيت وين رايح
فارس بهدوء:المستشفى
لف عليه بحده ونطق:مايحتاج مستشفى طيب انا ماعلي خلاف
عيده:سبعه ارواح ماعليك منه ليكون حتى المستشفى ماهو لرجال
محمد (ابو سلمان):اقصري حسك ماعاد اتحملك
عيده:مالي بميتً عليك
وقف فارس عند المستشفى ونطق :يلا يبه يلا خلنا ننزل
نزل واخذ عكازه وتقدم فارس منه يمسكه
-
تسريع للاحداث
طمنهم الدكتور انه بخير ومايحتاج الا بُخار وبالفعل الحين متوجهين للبيت
-
بيت ابو سلمان
.
مشاري :وينهم ماوصلو للحين
لفت عليه حنين ونطقت بخوف:ليكون صاير عليهم شي
نطق مشاري بـ :انا اكلمهم الحين ودق على فارس
-
فارس
دق جواله وكان مشاري طلع من عند ابوه ورد عليه ونطق:هلا
مشاري: وينكم هذا وانتم ماشين قبلنا
فارس:ابد والله بس ابوي عطيناه بُخار والحين جايين ان شاء الله
مشاري:يلا اجل طمني عليه اذا طلعتو
فارس:طيب
-
بالمطبخ
عند حنين شافت صقر جالس على الدرج حق المطبخ ونادت عليه بس ماهو يمها يفكر ولحظات يبتسم ولحظات يهوجس
دخل عليهم مشاري ونطق:هم بخير مافيهم شي بس بيعطون ابوي بُخار ويجون
حنين :الحمدلله فكرت صار فيهم شي
ضربها مشاري على راسها ونطقت :وجع ان شاء الله
مشاري بنكد :يوجعك ياحنين وقام بيطلع من المُطبخ بس مسكته حنين من يده ونطقت :بسوي مكرونه اجلس اكل معاي
مشاري:مالي نفس اكلت اولا لين قفلت احجزي لفارس معك ولـصقر
ضحكت يوم شافت صقر على حاله وهمست بـ مشاري
لف عليها واشر لها بـ ايش؟
اشرت بعيونها على صقر وابتسمت وقامت تسوي المكرونه
ضحك مشاري ونطق:وش عنده صقر ؟
مارد عليه صقر ونطقت حنين بـ :اضربه على كتفه يمكن يصحصح
تقدم مشاري منه وضربه على كتفه ورفع يده واشر على اذانيه ونطق :الو اه صقر وش عندك مسرح وش تهوجس فيه
لف عليهم صقر وضحك يحس نفسه فرحان ونطق:هاه وش تبون انتم ماتخلون الواحد يفكر
نطق مشاري بـ:وش عندك انطق سرعه
صقر بضحكه: شكلي بديت احب
ضحكو مشاري وحنين بـ أعلى اصواتهم
ونطق مشاري:لا عاد صقر يحب قلللووششششششششش
ضحك صقر ونطق: اي احب ليه مالي انسان لي مشاعر؟
نطقت حنين :ياحبيبي انا الله يوفقك قول امين
صقر بحب:امين
مشاري بقرف: يع يع يع والله انها بتنكب صدق مالقت الا انت ووجهك
صقر بـ استفزاز: عاد وجهي حلو لاتجحد
رفسه مشاري برجله ونطق:مصدق نفسك والله شفت القدر الي على الفرن يشبه وجهك بالضبط
وقف صقر على حيله ونطق:انا مستانس اليوم اللهم لك الحمد حتى من الحماس ودي ارقص
نقز مشاري من على الدرج ونطق:بذمتي ماخليها بخاطرك مشى من عندهم
لف صقر على حنين ونطق :الله يعوضنا فيه خال على غير فايده
ضحكت حنين معاه وطلعو لـ الصاله
حنين :طلعت جوالها بتتفرج فيه لكن ماحسبو حساب ان مشاري صادق
سمعو صوت المسجل حق سيارته ومشغل على شيلات وينادي على صقر وحنين
فز صقر من مكانه ونطق:الله يقلعه ذا ناوي يفضحنا
ضحكت حنين وهي دائما ماتفّوت جمعاتهم مع بعض تحب تصور اول بـ اول دخلت على الكام حقها وسجلت فيد وطلعت لهم
رفع مشاري صوته ونطق :شوفي حنين فيني خير دخلت السياره الحوش عشان تطلعين بدون عبايه
ضحكت حنين منه وارسلت له بوسه بالهواء
مد مشاري يده مسوي انه مسكها
ورفع الصوت وبدت ..
-
بيت عبد العزيز "في غُرفتهم"
حصه :توق وين تعرف عنها شي
عبدالعزيز:لا مادري
ضحكت حصه بـ استهزاء ونطقت:يهمك؟
عبدالعزيز:فكيني من المشاكل جاي من الدوام تعبان مالي خلق طفي الانوار معك
قامت من عنده وطفت الانوار ومشت متوجهه لتركي قبل مايروح لعيال عمه
دقت الباب عليه ونطق بـ :ادخلي يمه
دخلت حصه وقام من على السرير وسلم على راسها وجلسها وجلس بجنبها
حصه بهدوء:تعرف عن توق؟
هز راسه تركي بالنفي ونطق:لا
حصه :ادق عليها ماترد وش صار عليها؟
هز راسه تركي ونطق:لاتخافين ياعين تركي ماصاير الا كل خير باذن الله
حصه:ونعم بالله
وقفت ونطقت بـ :انا بطلع تبي شي
تركي:سلامتك ولاتشيلين هم انا بعرف وينها وارد لك خبر
هزت راسها وطلعت
-
بيت ابو عبد العزيز "السطح"
حور : تتوقعون وش صار على توق؟ماترد على احد!
هديل:مادري والله احسهم غلطو بحقها ليه يزوجونها له محد يعرف عنه شي
لين بـ اندفاع :احد يدري عن الشايب ذا مره صاحي مره مجنون
حست بالضربه على راسها وكانت من فهد
جلس معهم ونطق بتمثيل للعصبيه :انتي ماتستحين هذا جدك ترا
لين :عسى ايدينك الكسر قول امين انت علمني الحين كيف استحي وانت عمي فهمني !!!
بقق عيونه ونطق:اعقبييي حتى انا بتقللين من احترامي ياقليله الحيا
رفعت حواجبها بـ استفزاز ونطقت : اي واعلى مابخيلك اركبه
هديل :بس بس عيب تراكم كبار
فهد:شوفي من الغلطان انا ولا هي !
كل شي فهد فهد مسختوها ترا
ايلاف بـ دلع :خالي فهودي
لف عليها فهد ورفع حواجبه ونطق:عيون خالك
ايلاف بـ تمثيل لطفش:يرضيك حالنا؟
طفشانين وملينا من الروتين وسوالفنا بعد
نطق فهد بتمثيل لصوتها:والمطلوب منك يافهد تاخذهم تمشيهم صح؟
ضحكت سلاف وهزت راسها بـ ايه
فهد :تم ماعندي مانع
فزو كلهم مع بعض بس انطفى حماسهم من نطق :بس بشرط
ضحكت لين وناظرت فيهم ونطقت :ترجون منه خير ؟
فهد بسرعه في الكلام :اي مني خير وشرطي تعتذرين مني عشان اخذهم
لين :والله ماعتذر منك من متى
توجهو البنات لـ لين وطلبوا منها تعتذر
نطقت لين بـ :لا تحاولون ماراح اعتذر
ريماس :ليون عُمري انا اختك الصغيره طلبتك هالمره اعتذري ونطلع كلنا
لين بحب :تمام بس عشان خاطر البنات والطلعه اسفه فهد
فهد بـ ابتسامه انتصار :قبلت عذرك والحين يلا كل وحده تقوم تلبس عباتها بنروح للحلال
كلهم بنفس الوقت :فهد يع وش جوك
هديل:فهود مو الاجازه قريب بتنتهي وكل واحد فينا يروح لمكانه وشغله
نبي كذا مكان ينرسخ بعقلنا
فهد بنرفزه :احمدي ربك انتي وهي اني ماخذكم
حور:فهودي حبيبي تكفى نبي نطلع من الديره ذي كلها صحراء بـصحراء
نبي نتنفس
فهد بتفكير:هـ يلا اجهزو بدون صوت لو يصحى ابوي ولا مها تكنسل كل شي
حور بـضحكه :شدعوه خالتي مها نقدر نقنعها بـسهوله اما اذا عن جدي بنبتلش
نطق فهد بـ:بطلع الحين انا وانتم وحده وحده بدون صوت
هز الكل راسه وطلع فهد ولحقته هديل وبعدين ايلاف وريماس والخ..
-
العيال بالمجلس
دخل عليهم فهد وعلى طول مشى يم فراشه واخذ مفتاحه من تحت مخدته
سعود :وين رايح؟
فهد:باخذ البنات بـمشوار
فز غيث من مكانه ونطق :تكفى يافهد اخذني معك طفشوني بسوالفهم طلبتك لاتترك خويك
فهد بضحكه :شوف والله الود ودي اني اخذك بس خبرك بالبنات ابيهم ياخذون راحتهم ماقدر
تركي بـ انتصار :احسن ذا الي تسميه خويك بيروح ويتركك
ضحك سلطان ونطق: ابى افهم كيف بتروح وجدي مادرى عنك؟
فهد :مدرى عني ولاني بقايل له
غيث :اخذني معك ولا ترا بقوم اصحيه
فهد بنرفزه :انت بزر وبعدين معك خلاص ياحبيبي اخذك معي المره الجايه
كتم نايف ضحكته واول مالف على سعود انفجروا الاثنين ضحك
لف عليهم غيث ونطق:وش فيه
نايف :سلامتك
سعود لف على نايف ونطق:نضحك انا ونايف ليه فيه شي؟
غيث:لا مافي شي
مسك سلطان شعره ورجعه على ورا وابتسم على حالهم حمد ربه مليون مره على نعمتهم
دق جواله وكان العقيد طلع من عندهم يكلم
العقيد :الملازم سُلطان تحضير حالا فيه مهمه
سُلطان :ابشر
طلع فهد من عندهم متوجه للبنات دق الباب ودخل عليهم
لين :وجع انت صاحي المره الجايه ماتدخل إلا اذا قلنا لك ادخل
فهد بعناد :كيفي والله صدق المثل البيت بيت ابونا والقوم حاربونا
ضربت هديل وجهها بيدينها ونطقت :بس بس جدي بيصحى الحين ونلقم اص انتهينا
نطق فهد :اي والله صادقه هيا نطلع وحذيانك انتي وياها لا اسمع لها صوت شيليها بيدك (اكرمكم الله)
هزو راسهم وطلعو
-
الجد صحى من نومه وكانت الساعه ١ بالليل قام من على فراشه ونطق بـ :لا إله إلا الله وطلع من الغرفه متوجهه للحمام (اكرمكم الله)
-
طلع غيث للمطبخ بس سمع صوت جده تذكر فهد والبنات ومشى بُسرعه لهم
غيث :ياويلكم جدي صحى انقذو انفسكم
لف عليهم فهد ونطق بـ:الله ياخذك يافهد انت وش سويت بنفسك لف يدور البنات بس شافهم يوم قفلو باب الغرفه وسحبو عليه
مشى متوجه لهم وغيث ودق الباب ونطق:افتحو لي طلبتكم والله وعد اوديكم بعد الفجر
لين من ورا الباب :موافقين نفتح لك بس والله لو طلعت تكذب علينا والله والله لأعلم جدي الصبح كل شي يافهد
فهد:افتحي ياحمار سرعه ابوي جاء والله باخذكم افتحي
هديل ابعدتها عن الباب وفتحت له ودخل وجاء غيث بيدخل معه بس ماحسب حساب انهم يقفلون الباب في وجهه
غيث بصوت واطي :افتحو لي حرام انا قايل لكم ليه تخونوني حس باللي مسكه وعرف انه جده لف عليه وسوا نفسه منصدم بجيته ونطق:ياهلا بحبيبي ياهلا بروح غيث ياهلا بجدي وتقدم سلم على راسه وخشمه ونطق:بغيت شي يالحبيب امرني
الجد بنظره ازدراء:وش عندك هنيا وانت عارفً ان الغرفه ذي حقت البنات وش تدور
غيث بتمثيل للحزن نطق:يرضيك ياجدي ان فهد من اولا وهو عندهم ومارقد للحين وعشان كذا انا خايفً عليه من السهر وجيت ادوره وحك راسه بتمثيل انه صاحي من النوم
صر الجد عيونه ونطق:الحركات ذي ماتمشي علي ياغيث حاط عُمرك (مسوي نفسك)راقد وتقدم من اذانيه ومسكها له ونطق:كم مره قلت لاتسهرون علمني
غيث:ياجدي انا ماسهرت حتى شوف فهد عند البنات والله
عند فهد من ورا الباب نطق:الله يقطعك ياغيث يابو مصايب
ضربته لين ونطقت:حدك عاد على غيث تدعي عليه ياويلك اذبحك
ابعدتهم هديل عن بعض لتفادي المشاكل ونطقت:يعني انتم بزران دائما بس افرق بينكم كل يوم مشكله
فهد بصوت واطي ماينسمع :منها هي الي بدت وش دخلني
وسعت لين عيونها ونطقت:انت ليه تدعي على غيث ؟؟
مسكت سلاف راسها وقربت منهم ونطقت :بس بس جدي بيدخل الحين اكيد بيتاكد اذا غيث صادق ولا لا
فهد بخوف :كله منه ليتني ماسمعت كلامكم كله منكم
-
غيث
غيث :يلا ياجد ادخل وتاكد بنفسك انا ماكذب عليك بحرف
جابت ايلاف بطانيه كبيره وساعدتها حور فيها وانسدحوا كلهم بتمثيل لنوم جاهم فهد بيدخل معهم بس دفته لين ونطقت:فهد وش وضعك شايف البطانيه ذي ماتكفي روح جيب وحده ثانيه ندخل فيها انا وسلاف ماتكفينا ذي بسرعه
فز فهد بيجيب البطانيه بس ماحسب حساب ان ابوه بيفتح الباب
عند الجد وقف قدام الباب وفتحه بيدخل بس لف اول ماشاف غيث بيدخل معاه نطق:وش عندك ليكون بتدخل ؟
غيث :اي بدخل ادور معك على فهد عشان تتاكد وتعرف اني ماكذب عليك
نطق الجد بـ :ابو عبدالعزيز صدق يارخمه بتدخل على بنات عمامك وعماتك
هز راسه غيث بـ :اي وقرب بيدخل بس مسكه الجد مع اذانيه ونطق:شكلك ماتربيت بس معليه انا اربيك
فهد اول ماشاف الباب انفتح جاء وراء الباب بهدوء اما البنات سوو نفسهم نايمات
تقدم الجد من غيث وقرب منه ونطق:اجل عادي تدخل على بنات عمامك وعماتك؟
غيث:ياجدي ياحبيبي انا مو قصدي البنات همي الوحيد فهد وبس
الجد:لا يالتيس همك ماهو فهد همك البنات وبدا ضرب فيه
غيث بحلطمه:اه على حظي دائما غيث غيث اوجعتني اه ياجدي خلاص طلبتك والله ماعاد اسويها لف وشاف فهد يطلع من الغرفه بهدوء
صارخ بـ :عانه عانه (شوفه)ياجدي
لف الجد وشاف فهد يمشي بهدوء ونطق:تختل كانك حرامي ياسرابيت الليل وقف مكانك والله يافهد ان تحركت ماتعين خير
وقف فهد من مكانه ماتحرك ونطق في نفسه :الله لاياخذك ياغيث يالكلب يارب صبرني دائما تطيح على فهد
قرب منه الجد وهو ماسك غيث مع اذانيه وقف ونطق:لف علي يافهد
غمض عيونه ونطق بـ :لا اله الا الله
ولف على ابوه وطاح على طول كأنه مغمى عليه
بقق عيونه غيث ونطق:ياجد ترا كذاب لاتصدقه يمثل عليك انتبه لاتصدقه
نزل الجد لمستواه ومسح على راسه ونطق:بسم الله عليك وانا ابوك بسم الله عليك
حط غيث يدينه على راسه ونطق :انت ليكون مصدقه؟
نطق الجد:هات الماء بسرعه الولد بيموت
جلس غيث جنبه ونطق:اصحيه لك دقيقه بس
مسكه الجد مع شعره ونطق:انا قلت كلامي صح هات ماء من الثلاجه سرعه يالتيس
قام غيث وحك راسه مكان مامسك شعره وتوجه للمطبخ يجيب الماء
اما الجد قعد يمسح على راس فهد ويسمي عليه
جاه غيث من المطبخ ونطق:سبعه ارواح مافيه شي
مد الجد يده وسحب الجيك حق الماء منه ونطق غيث :كل ذا عشان فهد!!عشتو
مسك الجد الماء وفتحه وكبه كله على فهد ومسكه مع شعره ونطق:اجل انا يافهد ينضحك علي !شايفني ورعً حليتك
فهد اول ماحس بالماء كله انكب في وجهه دعى على نفسه ماحسب حساب ان ابوه دراي عن تمثيله
ضحك غيث بـ اعلى صوته ونطق:عسى اي والله اجل انا انظلم لحالي اهخخ ياربي لك الحمدلله
مسك الجد اذاني فهد لين وقفه على طوله واشر على غيث ونطق :تعال انت بعد تقدم غيث منه ومسكه الجد مع اذانيه وفهد معاه قرب من باب البيت ونطق :لاتشوفكم عيني ويالله على الحلال لأجي بكره الا كل شي جاهز حتى النياق احلبوها وانتبهو على الشاه خابرها بتولد
فهد بحلطمه:كل شي على فهد وغيث وهم وين ؟
غيث:صح ياحبيبي وهم وين ليه نحنا وش المعنى دفهم الجد من على الدرج ونطق :ماهم تيوس حليتكم ياسرابيت الليل والحين سوو الي قلته ولا والله لأمدد الوقت وانتم بكيفكم
سكر باب البيت ودخل شاف سُلطان طالع من الغرفه ولابس بدلته ناظر فيه ناظر فيه الجد ونطق : وش عندك انت بعد ليكون سربوت حليتهم
ضحك سُلطان ونطق:ابد بس طالبين مني احضر للمهمه دعواتك تقدم وسلم على راس جده وطلع
الجد بهدوء:الله يوجهه لك انتبه على نفسك
طلع من البيت ولقى فهد وغيث بالحوش يرقصون ويضحكون ونطق :سكنهم مساكنهم وش عندكم
لف غيث ونطق :ابد يامُلازم مطرودين من البيت عشاننا سرابيت الليل
ضربه فهد ونطق:انت السبب كله منك ليه علمت علي
لف عليه غيث وبقق عيونه وضربه بقوه ونطق :منك انا طالع من المطبخ اعلمكم وانتم مقفلين علي وبعدين وش فيها البنات متغطين !!
بدو يضربون ويشتمون بعض
ناظرهم سُلطان ونطق:مالوم جدي الله لايلوم الي يلومه وطلع من عندهم ..
-
توق
دخل رعد ماله حيل للكلام اول ماشافته تقدمت منه ورفعت اصبعها كـ تهديد ونطقت :يكون بعلمك اني متزوجتك عشان يطلع عمي نايف من السجن مو حب فيك وثاني مره يويلك تقرب مني ترا ساكته لك
رعد :خلصتي؟
مشى تارك لها حُرية الكلام
لحقته ووقفت قدامه ونطقت:ماكملت كلامي صح؟
رفع يده ناحيه فكها ونطق بقله صبر:ابعدي عن طريقي لا والله ماتشوفين الخير لاحبسك عندي تسمعين
مسكت يدينه وابعدتها عن فكها ونطقت:ماتقدر تسمع وراي اهل وقريب بتطلق وغصبن عنك رضيت او مارضيت
طنشها رعد ومشى ونطق:تعقبين ماطلقك ماخذتك وبطلقك
رفعت صوتها ونطقت:وغصبن عنك
دخل الغرفه ميت تعب اخذ ملابسه وتوجهه للحمام يتروش
شغل الماء على جسمه وذكر قبل شوي لمن شاف اهله الي تركهم لف راسه يمين يسار يحاول يشتت انتباهه ولايفكر فيهم بس مايقدر كل مايتذكر كلام جدته ينقهر اكثر تمنى انهم منعوه من قبل او سمع كلام فارس وراح لهم تمنى انه رجع لحضن جدته قفل الماء ولبس ملابسه وشغل المكيف بينام
اخذت جوالها ودقت على امها بتكلمها مشتاقه لها ولصوتها
فزت من مكانها اول مالمحت اسم توق على الشاشه اخذت الجوال وبسرعه ردت عليها ونطقت :توق بنتي انتِ بخير
ضحكت توق ونطقت:اي بخير اشتقتي لي
حصه براحه :اي والله اشتقت لك من زمان انتظرك تردي علي
توق بهدوء :تشتاق لك العافيه ياعيني ابد والله مشغوله وماقدرت ارد عليك والحين فاضيه لعيونك
حصه بخوف:سوا لك شي يضربك قولي لي لاتخافين
توق :لا والله يماه مايقدر يمد يده اساسا كلها كم يوم واتطلق منه واكمل دراستي لاتخافين
حصه :الله يكتب الي فيه الخير وانا امك
شافت تركي جاي من برا ونادته ، تقدم منها تركي وسلم على راسها ونطق :هلا يمه
حصه :شوف ذي توق قاعده اكلمها
ابتسم تركي ونطق:اجل انا اقول غريبه تتبوسم من اول طلعتي تكلمينها اعطيني اعطيني
اخذ الجوال ونطق:هـ توقي انتي بخير مسوي لك شي اكسر راسه لك؟
ضحكت توق ونطقت :يحبك للمشاكل انا بخير ومافيني الا العافيه
-
رفع العقيد السماعه ونطق:مستعدين؟
الجميع :نعم طال عمرك
العقيد:انتبهو استودعتكم الله
بحفظ الرحمن ان شاء الله  يلا ياشباب الهمه
نطق سُلطان:الله ينظف الوطن من بلاكم وقام من مكانه ناويهم
العقيد بتهديد :سُلطان  اترك حركاتك الطايشه وانتبه يــ سُلطان
سُلطان :طيب طيب طنش كلامه ومشى لهم
رفع عادل سماعته ونطق :الملازم سُلطان ارجع
حمد:سُلطان ارجع لاتفشل الخطه كلها
هو مقهور من التصرف الي شافه قدام عيونه يشوفهم كيف يتاجرون بالاطفال
العقيد بقله صبر : سُلطان تسمع لاتخرب علينا  توني محذرك ارجع
عادل بتفادي للوضع :السماعه عنده خربانه مايسمع
العقيد بعصبيه :لا انا متاكد ميه بالميه ماهي خربانه سلطان اخر انذار لك ارجع احنا نكفي
مشى بين الزرع  وجلس ورفع سماعته ونطق: انا بخير ماله داعي ذا كله انا براقب من هينا وانتم من عندكم
العقيد بـحده:تسمع انت ارجع ياسلطان ارجع
سلطان بهدوء :ماصاير شي الوضع هادي
حس بـ احد فوق راسه وغمض عيونه بقوه ونطق بـ :اشهد ان لا اله الا الله
صالح:يعني تتجسسون علينا هذا ونحنا نحميكم؟قم وقف على رجولك
قام سُلطان على حيلهم ووقف قدامه طلع صالح السكين وبدا يمشي فيها على جسم سلطان اشر على قلبه بالسكين ونطق:هينا؟ ولا لا هينا انت اختار عاد هاذي عقوبه الي يتجسس
العقيد:انا قايل لك يالكلب قايل ارجع بس ماتفهم
دق جوال صالح ورفع السماعه ونطق:ايوه
تقدم منه سُلطان  وبسرعه سحب السكين
ضحك صالح ونطق بـ : لاتحاول  رمى الجوال وتقدم من سلطان وضربه على وجهه تقدم منه سلطان ورجع الضربه له وطاحت منه السكين نزل صالح بسرعه بياخذ السكين ونزل معه سُلطان  بياخذها منه بس يد صالح اسرع وغرسها في بطنه بس ابتعد سلطان عنه ومسك بطنه حس بالدم نزل اخذ  السكين منه وضربه بقوه على رقبته من ورا واغمى عليه
رفع نفسه وشاف الجرح بسيط هو ماغرس السكين كلها مسك بطنه ورفع السماعه ونطق :انا بخير لاتخافون والولد شوفوه طايح مغمي عليه اخذوه قبل مايصحى يمكن يفيدنا انا لازم ارجع الحين وطلع من المكان وفتح ازارير بدلته ولمها وحطها على بطنه ومشى لسيارته بيروح للبيت قبل يأذن الفجر ويصحون
-
البنات
دقت عليهم توق وقامو كلهم يكلمونها
لين : توق توق انتي بخير كلمينا كام بنشوفك
ضحكت توق ونطقت بـ :طيب
قفلت من عندهم ودقت عليهم كام
توق:هاي بنات اخباركم وش مسوين
هديل:بخير ياعيوني وانتي كلنا كويسين
ايلاف :توق انتي بخير صح ؟
ضحكت توق ونطقت:اي ياقلبي بخير وانتم
حور:والله نحنا بخير بس نبي شوفتك
ريماس :عاد توق تصدقين قبل شوي كنا بنطلع بس مافي نصيب
ضربتها سلاف على راسها ونطقت:ياهبلا مو فهد يقول بعد الفجر ؟
ضحكت لين ونطقت :عاد لاتنسين اننا مهددينه اذا ماجانا نقول لجدي عن كل شي
ضحكت توق ونطقت:حرام بنات ليه على فهد ؟
ضحكت هديل ونطقت :فاتك قبل شوي وش صار
تربعت توق ونطقت بحماس :ايش صار
قالت لها هديل السالفه كلها الي قبل شوي حقت غيث وفهد
ضحكت توق ونطقت:اه بطني ماعاد اقدر خلاص
حور :ياتوقي بننام الساعه صارت ٣ ورانا مشوار يلا ياعيني
توق:نوم العوافي ياحلوات
البنات:الله يعافيك ياعيوني
ريماس : بنات ماعاد بتحمل بنام
انسدحت بجنبها هديل ونطقت :كلنا والله طفو الانوار معاكم قامت ليت وطفت الانوار ودخلت لين للحمام (يكرمكم الله) ..
-
عويض
ناظرها عويض ونطق :علامك فيك شي؟
هند:مافيني شي بس ابي انام تعبانه
قرب عويض منها وضمها هو يعرف وش فيها هي تبي لها ضنى زي الناس يعرف دائما انها تتأثر من جمعات الحريم يوم تشوف عيالهم مسح على ضهرها ونطق بـ:بيرزقنا ربي ان شاء الله حاول يرفع راسها بس هي دفنت نفسها بحضنه وتركها
-
بيت ابو سلمان
شغل مشاري الشيله وبدت بـ : لو ذبحني ياعوض..
رقص صقر ونطقت حنين:جدي بيجي الحين وطو الصوت يويلكم
طفى مشاري الشيله ونطق:زودتها تراك ذا ماهو حب ياصقر هذا اعجاب يكون بعلمك يالجاهل
جلس صقر بتعب ونطق:بكيفي اعجاب حب سمه الي تسميه ان شاء الله ماخذها وماتروح لغيري
حنين :الله يكتب الي فيه الخير
دق جوال مشاري وكان فارس يعلمه انهم بخير وابوه طلع
اخذت حنين نفس ونطقت:الجو يجنن تشمون كأن في ريحه؟
صقر:لا يمكن ريحه مشاري
رفسه مشاري مع رجله وقال:ريحتي احسن من ريحتك يالمخنس
حنين:والله قاعده اشم الريحه
بقق مشاري بعيونه ونطق:المكرونه
فزو كلهم للمطبخ وشافوه كله دخان
قربو من القدر وكان اسود والمكرونه ناشبه فيه
نطق مشاري بـ:الله لايعطيك العافيه ياصقر لا انت ولا الحب الي جبته هاذي بدايتها احترقت المكرونه وش نهايتها
-
دخل الجد البيت وشم الريحه ونطق:انتم وش مسوين في البيت هاه يامشاري
ناظرو كلهم في بعض ونطق مشاري: ترا عادي بس مكرونه طلعنا لهم  يلا
طلعو كلهم وواجهو الجد وقال:وش الريحه ذي وش مسوين
حنين : المكرونه بس احترقت
هدى:الله يهديكم
دخلت عيده ومانطقت بـ ولا حرف توجهت للغرفه
استغرب صقر فعلتها وانها ماهاوشتهم عشان المطبخ واشر لـ فارس بـ علامكم؟
رفع فارس يده ونطق :بعدين
مشى الجد متوجه للغرفه ونطقت هدى :الحويس ذا يويلكم اصبح والقاه
هزو روسهم ومشت من عندهم
دخل فارس المطبخ ولحقوه كلهم
صقر:فيكم شي؟
مسح فارس راسه ونطق:صدمنا قبل شوي واحد ونزلت انا وابوي ونزل هوكان ناوينا بس ماتوقعنا انه يكون غمض عيونه بـألم ونطق انه يكون رعد
انقبض قلب مشاري على طاريه ونطق بخوف:تركتوه يروح؟
فارس:مايبغى احد فينا يقول اتركوني في حالي امي بس الي تقبلها ووعدها انه يرجع لها
حنين بحزن:ليته خالي سلمان حي احس عايلتنا متشتته
نادها فارس وقربت منه وضمها ومسح على راسها ونطق:ياعيوني قريب بينجمع شملنا لاتزعلين انتي
هزت راسها بـ ابتسامه ونطقت:انت ليه حنون؟
ضحك فارس ومسكها مع شعرها يخربه لها ونطق:تبيني اعصب عليك؟
ضحكت ونطقت :لا خلك كذا حبوب مو زي مشاري
هي تقول الكلام ذا عشان مايتضايقون ويشيلون بخاطرهم
عند لين طلعت من الحمام يكرمكم الله وشافت البنات كلهم نايمات ونطقت :يمه مايمدي تنامون !! اخذت لهم صوره وارسلتها بالقروب حقهم
لبست عبايتها ونقابها وطلعت للمطبخ تشرب ماء..
وقف سيارته ونزل منها وناظر ساعته وكانت ٤ الفجر قرب يأذن مشى متوجهه للباب الثاني حق المطبخ وجلس بتعب وونين ماعاد يقدر يتحرك من مكانه
دخلت المطبخ وشغلت الانوار وفتحت الثلاجه واخذت لها كوب بتشرب مويه
بس سمعت لها صوت تعوذت من الشيطان وشربت بسرعه تبي تطلع بس زاد الصوت لفت بخوف وقربت من الشباك حق المطبخ وشافت سلطان جالس بالزاويه  وواضح مهلوك قربت من الباب بتفتحه بس لقته مقفل دورت المفتاح ولقته بالدرج ،قربت من الباب وفتحته وهمست بـ:سلطان؟
رفع راسه من سمع الصوت ونطق بـتعب :اي تعالي ساعديني
قربت منه ونطقت:وش فيك تعبان
هز راسه بـ ايه
قربت منه بسرعه وجلست قدامه
اشر لها على بدلته رفعت بدلته وشافت بطنه ينزف
ناظرت فيه ونطقت بلعثمه:انادي العيال الحين
قامت وبحركه سريعه  مسكها ونطق:لا تنادين احد تصرفي انتي
جلست ونطقت :انا ماعرف كيف كذا سلطان بناديهم
هز راسه بـ لا
سلطان :ارفعيني
نطقت : تمام برفعك الحين وانت ساعدني تمام؟
هز راسه بـ ايه ، ورفعته وقام معها مسكته من عند الجرح الي ببطنه
وتاوه بـ الم ونطق:بطني
شالت يدها بسرعه ومسكته مع يده الثانيه ودخلت للمطبخ نطقت :وقف هينا بشوف اذا فيه احد
قفلت الباب الخارجي وطلعت من المطبخ بتشوف اذا فيه احد بس مالقت فيه احد ورجعت بسرعه
شافته واقف ويناظر والعرق يسيل من وجهه وشعره نطق بـ: ماعاد فيني طاقه
تقدمت منه ومسكته وطلعت من المطبخ مشت متوجهه لغرفه الضيوف عشانها معزوله وبعيده عن الغرف الباقيه فتحت الباب بهدوء ونطقت :اجلس هينا بجيب لك فراش واي شي ينظف جرحك
نطق سلطان بـ :الشاش تلاقينه بالغرفه
هزت راسها وطلعت من الغرفه تحس برجولها ماتشيلها هي متوتره وخايفه يكون احد شافهم ويفهم غلط دخلت غرفه البنات بهدوء واخذت فراشها وفتحت شنطتها واخذت مناديل وماء وركضت للغرفه واخذت الشاش
دخلت عليه ومدت الفراش على الارض ونطقت :سلطان جبت لك فراش يلا
تقدم بتعب وانسدح
قربت منه وجلست بجنبه اخذت نفس ونطقت :بسم الله
رفعت طرف البلوزه وغمضت عيونها بـ الم مدت يدها لبطنه ورجعت يدها وابعدت على طول ونطقت :ماقدر
سلطان :لين
رفعت نظرها له ونطق:اعجلي تبين موتي؟
هزت راسها بـ لا وتقدمت منه وجلست رجعت ترفع بلوزته واخذت ماء ومنديل وبدت تمسح الجرح هو بسيط بس هي ماتعودت انها تنظف جرح اخذت مناديل جافه ومسحت الدم بحيث يكون الجرح نظيف اخذت الشاش وبدت تلف عليه خلصت ووقفت بسرعه بتخرج بس استوقفها صوته وهو ينطق بـ:شكرا يابطله
-
اذان الفجر
صحى الجد من نومه ، وطلع يصحي فيهم عشان يلحقون الصلاه بالمسجد
بالمجلس
دخل الجد ونطق:فهد غيث !! تذكر انه طردهم من البيت وضحك ورجع نطق سعود تركي نايف صلاه صلاه ماتخافون الله الواحد مايقدر يزوجكم بكره عيالكم مسوين سواتكم وانتم متعثرين معهم ونطق بصراخ : قومو يلا
فز تركي من مكانه ونطق:يلا صباح خير وش هالصوت
تقدم منه الجد ورفسه على رجله ونطق:قم قم قامت عليك القيامه
نطق نايف بصوت ناعس:لا اله الا الله
الجد:زين انك ذكرت ربك وخفت الله
نايف:محسسني اني يهودي ولا نصاري!
الجد :هو وش يقول
سعود:يقول نبي نلحق على الصلاه
وقامو كلهم متوجهين يصلون في المسجد
-
غيث وفهد
غيث بنعاس :الله لا يعافيك يافهد قل امين
فهد متمدد على طوله ويناظر السماء ونطق:وياك ياحبيبي
رفع غيث التراب ورماه في وجهه ونطق :انت مرتاح ومخليني عند الشاه ذي عساها ماولدت ان شاء الله
فهد:عاد عيب عليك انا عمك ولك حق تحترمني وانا امرك الحين
غيث بقله حيله :طيب الايام الجايه كثير وصبرك علي يافهد والله ماعاد اعلمك ان جدي بيجيك لاخليه يكشفك انت والسرابيت الي معك وقم يلا خلنا نصلي صلاه ربي ونرجع لهم ماعاد اتحمل ابى النوم
وقامو كلهم يصلون
رجع الجد من المسجد ونطق :البراد ذا من يمرح فيه (ينام فيه)والله اننا نبي لنا براد قهوه وحليب وشاهي وفطور بذا الجو الزين
عبدالعزيز:ابشر على ذا الخشم الحين اقولهم كلهم
لف الجد على سعود وتركي ونايف ونطق:شبو ناركم ياعيال
عند عبد العزيز دخل بيته ونطق: حصه
تقدمت منه حصه بــ إبتسامه وهي من بعد ماكلمت توق وعرفت انها بخير ارتاحت كثير ونطقت:هلا
عبد العزيز :ابوي يقول الجو زين وش رايكم نفطر برا ببيت الشعر وش رايك؟
هزت راسها بموافقه ونطقت :ماعندي مشكله انت كلم الباقي اني بسوي الشاهي والقهوه وهم براحتهم
هز راسه وطلع من عندها متوجه لهم وراحت حصه للمطبخ تجهز
عند البنات صحو لصلاه واتصلو على فهد يجيهم ولا يقولون كل حاجه للجد
-
بيت الشعر
دخل غيث وفهد بتعب ونطق غيث:ياماشاء الله وش عندكم ؟اجل انتم ترتاحون ونحنا عند الشاه الي عساها تتعصر ولاتولد رفع الجد الفنجال ورماه عليه ونطق:تدعي على حلال جدك لابارك الله فيك ياغيث
نزل عمامته من على راسه ونطق :مالي حيل للهرج بروح ارقد سلام وطلع من عندهم
دخلت هديل عندهم ونطقت :سلام
ردو عليها كلهم
ونطقت هديل:جدي
رفع الجد نظره ونطق:سمي يابوي وش عندك
ونطقت هديل:جدي
رفع الجد نظره ونطق:سمي يابوي وش عندك
ابتسمت من تحت نقابها ونطقت :ابي فهد يودينا نحنا والبنات نتمشى قريب بالجو الزين بالامطار ونرجع مانطول عليكم
بقق فهد عيونه ونطق:انا تعبان مواصل مايمدي
خزته هديل بطرف عينها وتذكر فهد التهديد وفز من مكانه ونطق :ابشري ياهديل ماطلبتي شي
الجد :عاني اعلمك يافهد لاتسرع ومعك عوايل انتبه وساعتين بالكثير وانتم عندي ناظر ساعته ونطق الساعه ٨ وانتم هنيا
لبس فهد غترته وهزو روسهم وطلعو من عندهم
ركضت هديل تنادي البنات وكلهم قامو معها ماعدا لين ..
بالسياره عند فهد والبنات
كان يسوق ويشوف الاجواء تفتح النفس كل الي حوليه صحرا بصحراء بس ماينكر جمال الجو
جهزت ايلاف وضعيه التصوير وصورت فهد من ورا وهو يسوق
شغل لهم اغنيه وبدو يغنون ويضحكون
طفى الاغنيه ونطق :يع يع مايليق وش هالاصوات كانها خنازير
حور :الزم حدك عاد والله يافهد ترا اقول لـ لين وش سويت وهي تدبرك عند جدي
ضحك فهد ونطق:ليه ماجات؟ والله الطلعه ماش بدونها
ريماس :تقول تعبانه مره وماتقدر تروح اصلا وجهها شاحب مره اعرفها انا
استغرب فهد وهو عارف انها اكثر وحده ماتفوت ولا مشوار
عم الصمت بالسياره لثواني
بس قطع صمتهم من نطقت سلاف :وين رايحين نحنا الحين؟
فهد :حبيبي انتي وهي رايح اشتري لك قهوه وارجعك للبيت لاتتحمسون
ونطق بـ استهبال :تبين تتمشين تعالي بين الصحاري والعبي ياصغيرتي
ضحكو البنات منه ومن اسلوبه ولطافته معهم
-
بيت ابو سلمان
عيده :انت احر ماعندي وابرد ماعندك
لف عليها الجد ونطق:وش اسوي فهميني البارح ماخليتني امرح زي العرب
والحين بتنقين علي !
عيده بعصبيه :عساك لامرحت يامحمد وبنق على راسك حتى قلبك يحن على حفيدك يالاجرب
وقامت من عنده بتشوف احفادها الباقين وينهم
-
رعد
صحى من نومه مكسل ونفسيته تعبانه اخذ له حمام سريع وطلع يصلي صلاته الي فاتته وطلع من الغرفه بعد ماخلص صلاته وشافها جالسه عند حافه المسبح ومدخله رجولها بس
جاء من وراها ومسك كتفها ورماها داخل المسبح
شهقت اول ماحست ان فيه احد رماها وبسرعه رفعت نفسها تحمد ربها انها في المتوسط مو العميق
ناظرته بعصبيه ونطقت :انت خير خير ؟ وش تحس فيه ترا ساكته لك مو خوف لاياحبيبي لايغرك
ضحك رعد عليها وعلى عصبيتها ونطق :تصدقين اني طفشان وقلت اتسلى وكلمه حبيبي ذي عجبتني كرريها وبدا يقلدها
ناظرته بعصبيه ونطقت :يعني تتسلى فيني خير وش شايفني ! وزفرت بضيق وطلعت من المسبح
رعد بنكد :يمكن نسافر وماعاد تشوفين اهلك الله العالم (هو يقول كذا مستحيل يحرمها منهم يبي ينرفزها
لفت عليه ونطقت :وغصبن عنك يالمريض اشوفهم تحسبني مثلك ماحد من اهلي درا عني؟تراني اعرفك لمن جيتنا بالديره كان عمري ١٣ سنه وللحين ماحد درا عنك ولاسئل عنك ومشت من عنده
هي نرفزته بكلامها وقهرته هو مايحتاج احد يذكره تقدم منها وبسرعه سحبها من يدها هو قد مايقدر يحاول مايمد يده عليه ودائما يتجنب الكلام معها عشان ماتجرحه بـ اهله نطق من بين اسنانه :انا ماقلت لك طاري اهلي ماتجيبينه؟
توق بعناد نطقت :تستاهل انا ماقلت الا الصح وافتح يدي بسرعه
نرفزته بكلامها مفروض تعتذر تقدم من المسبح ونطق:ارميك ؟بالعميق
هزت راسها بخوف ونطقت :بـ لا
نطق بابتسامة :الا بالعكس حلو
مسكته من عند يده ونطقت :لا خلاص والله ماقولها
ضحك رعد ونزل على رجوله قدام المسبح ولا زال ماسكها رفع وجهها ونطق :انتي الي بديتي صح وانا حذرتك رفعها حتى وقفت ونطق بتهديد :سرعه اختاري مافي وقت
اخذت نفس ونطقت:ماتقدر ابعد عني ياحيوان
قرب من  المسبح ورفعها
توق بصراخ :خلاص والله ماكررها
مسك وجهها بين يدينه ونطق :ذا درس بسيط ياتوق واحذرك لوعاد تكررينها ماتشوفين مني الخير ،انا مابي استعمل اسلوب جدي فيك يوم انه مايرحم ومعتبر ان الحريم عار وانه مالازم ينسمع كلامها ولاحتى تتنتشاور انتبهي ياتوق
-
بيت الشعر
كانو العيال كلهم على جنب ماعدا سلطان وغيث وفهد
نطقت الجده :لين ياقلبي ماقعد الا الحليب جيبيه معك والباقيات بياخذن الاغراض الثانيه والتفت على سعود ونطقت :ياسعود ركب على الدله وتعال للفطور
كانت الاجواء تفتح النفس وبيت الشعر مره واسع وريحه النار والقهوه جهزو
السفره وهند جابت الخبز ومنيره جابت الصحون الباقيه ومها الفناجيل حقت الشاي والقهوه وحصه ثلاجات قهوه وشاهي ولين براد الحليب
قسمو السفره لجهتين جهه للعيال وجهه للحريم
وتقدمو كلهم يفطرون
الجد :والله وصدق المثل قومن تعاونو ماذلو
الجده :والله الاجواء ذي الزينه مايستاهل الواحد يقعد بالبيت وده يتمشى
نطق الجد :وين تبين تروحين ياستي ابشري اوديتس
ضحك نايف ونطق:الله يايبه وش هالحركات غزل مع الصبح
الجد بحماس :تستاهل امك الغزل كل صبح
ضحك عايض ونطق:اي والله شيخه البنات يحق لها الغزل كله
ونطق عبد العزيز :يبه ونحنا يحق لنا نتغزل بزوجاتنا ولا محرومين الغزل لكم وبس؟
ضحك الجد ونطق:مايليق الغزل الا على ام عبدالعزيز
ضحك تركي ونطق:اعترف ياجدي وش عندك اليوم؟
ضحكت ام عبدالعزيز ونطقت:والله ياتركي خابر له حاجه ولا وش الغزل الصباحي
نطق ابو عبد العزيز :ماعندي شي بس عينتو سلطان
اول ماسمعت اسمه انكب الحليب عليها ناظرت فيها مها ورفعت انظارها لهم نطقت الجده :بسم الله عليك يامي رحي غسلي رحي غسلي
قامت من عندهم وهي ترجف ماتقدر تمشي دخلت البيت بسرعه ومشت متوجه لسلطان ..
-
عند فهد والبنات اخذ لهم قهوه ومشى
حور :خالي فهد اصبر افتح الشباك من جهتي مو تكتمنا بصور قهوتي والجو مع بعض
فتح فهد الشباك ونطق :عساني بالموت وارتاح منكم
ضربته ريماس ونطقت :ياحيوان نحنا معك
ناظرها بصدمه ونطق :يعني عادي انا اموت ؟
ضحكت ايلاف ونطقت :لا ياحبيبي بعيد الشر عنك
ناظرها فهد بحب ونطق:ماحد يفهمني غيرك والي خلقك وخلقني
عند حنين ..
جالسه لوحدها برا بالاجواء الحُلوه ومعاها كوب نسكافيه
دخل عليها فارس ونطق:وش عنده الزين فالت الشعر ويتقهوى
ابتسمت حنين ونطقت:شفت الاجواء حلوه وقلت اطلع فيها
جاء وجلس جمبها وحط يده من ورا اكتافها ونطق :الزين ورا ماناداني اسليه واسولف معه هاه ياحنين ؟
ضحكت حنين ونطقت :انت توك جيت ومشاري وصقر نيام
نطق فارس بـ :لا عاد تجلسين لوحدك كذا انتظريني اجيك ياعين ابوي واسولف معك سلم على راسها ونطق :افطرتي؟
ناظرته لـ ثواني وقالت :لا مالي نفس والله
قام فارس ونطق :اجهزي بنروح نتمشى ونفطر برا بالاجواء الزينه
ابتسمت ونطقت :مادام انه مشوار صدقني مابقول لا وقامت تلبس عباتها
عند لين وسلطان ..
دخلت عليه ونطقت :سُلطان
تقدمت منه وكان نايم نزلت لمستواه وشافت حرارته وكانت طبيعيه هزته من عند كتفه ونطقت :سلطان قوم جدي يسال عنك
فتح عيونه سلطان  ، وفتح الباب وكانت مها دخلت عليهم وابتسمت ونطقت :وش عندهم عصافير الحب؟
قامت لين بسرعه ونطقت :ياعمه لاتفهمين غلط ترا بس شفت حرارته اذا نزلت او لا
مها بحده:امه انتي اخته اخوه ابوه ؟؟؟
لين بخوف :لا
وقف سلطان  ونطق :ماسوينا شي غلط ولا حرام
انصعقت مها لمن شافت الدم على لبس سلطان وبدا الشيطان يلعب بعقلها طلعت من عندهم ونطقت بعصبيه :والله لعلم ابوي تبون تخربون سمعتنا وطلعت من عندهم
لين بخوف نطقت :سلطان والله ماسويت شي غلط انا انا بس ساعدتك
سلطان بهدوء:لاتخافين ماتقدر تسوي شي
طلعت بخوف يم المطبخ تبي تشغل نفسها عن التفكير وهو طلع يبدل ملابسه
برا بالجلسه...
جاتهم مها وكل تفكيرها بالدم الي على بدلة سلطان ونطقت :يبه زوجو لين وسلطان اخاف يسوون الشين
نطق عايض بحده :مها الزمي حدك وعيب تتكلمين على بنتي كذا!!
الجد :ليه يوم تقولين الكلام هذا وش شايفه!!
مها : كانو بغرفه الضيوف المعزوله وانا اخاف عليهم من الفضيحه خلينا نزوجهم لفت على عايض ونطقت :مانت مصدقني روح شوف بعينك
قام الجد وعبد العزيز وعايض ونايف دخلو للبيت ولحقوهم الحريم
بالمطبخ جلست على الارض رجولها ماعاد تشيلها من التعب والتوتر اخذت لها مناديل ومسحت رجولها رفعت راسها من نطق الجد :وينها وينها
رفعت راسها بخوف وربكه
شافها الجد ونطق:عانوها عانوها (شوفوها)هينا
دخلو كلهم المطبخ وكانت تناظر فيهم بخوف قرب منها الجد ونطق:وين كنتي ؟
قطع دخولهم سلطان رفعت نظرها له وغمض عيونه يطمنها
نطقت :هينا كنت ليه ؟
مها بصدمه :ياكذابه اول كنت مع سلطان
جلس عايض جنبها ونطق:لين
كانت بعالم ثاني تفكر لو يفهمون غلط وش ممكن يسوون فيها كانت بحاله اللاوعي
مسكها عايض من عند كتفها ونطق بحده :لين !
رفعت نظرها لها ونطقت:هاه؟
عايض:وين كنتي؟
لين ببكاء :والله ماسويت شي غلط ...
نطق الجد :معناته كنتي معه وبغرفه وحده صح؟
كانت بتقول لا بس قطع كلامها سلطان من نطق بحده: صح كانت معي بس ماسوينا شي غلط
ناظر فيها الجد ونطق :يعني كنتي بتجحدين بس سلطان تكلم هذا وش يسمونه !!
صفقت مها ونطقت :كنتو تبون تكذبوني وتجحدون ؟
نايف بحده وهو يعرف مها وسواليفها وهو مستحيل يشك بسلطان ابدا نطق :وقفو المهزله الي صايره ويلا وانتي يـ مها احلف بالله انك فاهمه السالفه غلط
ابعدت لين ووقفت على حيلها وجات ورا نايف وسلطان مد يده نايف من اليمين وسلطان من اليسار بحيث تكون هي وراهم وماحد يقرب منها
نطقت الجده بعصبيه :يالعايبه لك عين وقدامنا بعد تبين تخربين سمعتنا ؟
سلطان بعصبيه:قلت لك هي ماسوت غلط ولا انا سويت !!
الجد بحده :خليه ينفعك والله ان تملكين عليه الليله ماعندي بنت تسوي فضايح
غمضت عيونها وسددت اذانيها ونطق سلطان بصراخ :ماهو على كيفكم تشككون فينا ومها ذي بس ودها تخرب ماتدري انا بفهمكم السالفه وانتم شوفوا الحق
عايض بصدمه :يبه افهم الموضوع وش زواجه !
ضحك سلطان بعدم إستيعاب على طريقة ربطهم للموضوع وتقدم من جده
ونطق:ياجد اسمعني بس
ماكمل كلامه لمن عايض تقدم من لين ناوي يفهم الموضوع لكن سكت من نظرات ابوه ونطق :الليله مثل ماتبي ملكتها على سلطان
ناظرته بعيون راجيه ونطقت :ماهو كذا
عايض بهمس:جدك لو بترفضين مابيترك بحالك وبيسّتشك فيك يالين املكي على سلطان
-
وصل فهد والبنات وكان ضحكهم واصل للبيت دخلو لبيت الشعر وكان مافيه غير سعود وتركي
فهد :وين الباقين ؟
سعود :امي شكل عندها مصيبه جديده والله العالم
تركي: الله يهديها بس
هم قالو كذا يحسبون الموضوع بسيط وبينحل حتى طلع عايض والجد ونطقو :الليله بنملك على سلطان ولين
ريماس :ايش لين ؟
الجد بحده :ايه لين
فزت من صارخ عليها ورجعت على وراء بسرعه
لف عبدالعزيز ونطق:يمكن فاهمين غلط حرام عليكم
لف عليه عايض ونطق بجديه : يوم انك تعرف الحرام وين بنتك؟
عبدالعزيز بحده: زوجتها عشان اطلع نايف من السجن ومايدخل تركي معه
ضحك عايض ونطق:طيب لها شهر ليه ماطلقتها
تضايق عبدالعزيز من كلامه وطلع من عندهم يحس الدنيا ضايقه فيه كيف نساها؟وهو ماتصل عليها من لمن طلعت عنده كيف نسى بنته واخر العنقود؟
-
بالمطبخ
شهقت بقوه ومسكت صدرها وبدت تتنفس بسرعه لف عليها نايف
ونطق سلطان :يمه يمه البنت بتموت
تقدم منها نايف وبسرعه جلسها على الارض ونطق : البخاخ حق الربو ، وينه هاتوه بسرعه
هناء كانت واقفه مكانها وتناظره مصدومه
تقدمت منيره من لين ومسكت وجهها وبدت تهديها لين بصعوبه في التنفس نطقت :عمه عمه ماسويت شي غلط والله
سلطان لمحاوله تهدئه الوضع نطق:عارفين اننا ماسوينا شي انتي اهدي بس
دخلت عليهم هند بسرعه ونطقت :كنت عارفه انها بتنكتم حسبي الله عليك ياعايض
جلست جنبها وبدت تبخ في فمها بخاخ الربو
ميلت لين على حضنها وشهقت :يمه يمه انتي مصدقتني صح؟
ضمتها هند على صدرها ونطقت :اي يامي لاتخافين
جلس قدامها سلطان ونطق:لين لاتبكين انا معك نحنا ماسوينا شي غلط بعدين بيفهمون السالفه ويعتذرون واذا عن مها دايم تقول كلامها وماتحسب حسابه
دفنت راسها بحضن امها ..
-
عند غيث
دخل عليه فهد ونطق :غيث غيث قم قم جدي بيزوج لين وسلطان انا مالي فاهم شي
غيث بنعاس:الله يوفقهم قم وراك برتاح
ضربه فهد على راسه ونطق:اقولك لين وسلطان بيتنزوجون
فز غيث من مكانه ونطق:انت وش تقول؟
تقدم منه فهد وسحبه معه
-
دفنت راسها بحضن امها وارتاحت بهدوء بس فزت من مكانها من سمعت صراخ غيث لفت على امها ونطقت:غيث يمه
سلطان :ليه الخوف ذا كله ؟ماسوينا غلط
دخل غيث بالمطبخ
وبكت لين بخوف ابعدت عن امها كانت تزحف على ورا الين لصقت فـ الدرج
تقدم منها غيث ودفنت وجهها بين رجولها
قام سلطان وهو لعن نفسه ولعن طيشه هو من البدايه ليه ماخلى العيال يساعدونه وهي قايله له مادرا ان مها شافتهم وفهمت غلط
تقدم منها غيث وجلس قدامها على رجوله ونطق :لين تخافين مني؟افا انا مصدقك وواثق فيك
هزت راسها بـ لا وبكت بـ الم ضمها غيث لصدره ونطقت :غيث انا ماسويت شي والله بس ساعدته وهي وهي تقول انهم (اخذت نفس ورجعت تقول) انهم بغرفه لحالهم مادري وش يسوون وانا والله ماسويت شي غلط ولا حتى هو
تقدم فهد وصقعها على راسها ونطق :ليتني مكانك كان ذلحين ماخذ الملازم سلطان ومنحاش من اذاكم
ضحك غيث ونطق:لاتخافين من سلطان ماعليك نحنا واثقين فيك وفيه بس علميني السالفه عشان ارتاح
هزت راسها بـ ايه وبدأت تحكي له
-
فارس وحنين
افطرو مع بعض وصورت حنين كل لحظاتهم وارسلتها بقروبهم
والحين بيرجعون للبيت
-
بيت ابو سلمان
صحى صقر من النوم واخذ جواله من جنبه وفتح الرسايل حقت حنين وسجل بصوته الثقيل من النوم :ليه ماخذتونا انا ومشاري ولا نحنا عيال البطه؟؟
فتحت حنين الصوت وسمعته هي وفارس ونطق فارس :افتحي بسجل انا فتحت ونطق فارس:والله عاد النوم لكم يالرخوم اكلت انا وحنين لين شبعنا والحين راجعين ان شاء الله
فتح صقر الصوت وضحك طفى جواله وحمد ربه مليون مره على انه ترك الكحول وانواعه دائما يدعي ربي يهديه وان شاء الله ربي استجاب له
-
بالغرفه عند البنات
ريماس بخوف :مافهمت شي ليه يزوجوها؟
حور:اساسا ليه توق بالبدايه والحين لين المره الجايه على مين؟
ايلاف :الي يشوفهم يقول نحنا مصيبه عليهم يزوجونها حتى بدون مهر ولا زواج ولاملكه زي الاوادم !!!بس صدقوني ماراح نرضى يصير لـ لين زي توق لـ هينا وبس
-
المطبخ..
قالت لهم لين كل السالفه وتقدم منها غيث وسلم على راسها ونطق:انتي كفو يـ أخت احلاغيث بالعالم
ابتسمت له وقربت منها سلاف ونطقت :قومي معي يلا بنروح للبنات انتي ماسويتي شي غلط امي تحب تكبر المواضيع الله يهديها
لفت تناظرهم كلهم ناظر فيها سلطان وابتسم لها ومشت مع سلاف للبنات
-
بيت الشعر
دخل غيث ونطق:انا عرفت السالفه كلها وواثق اساسا بسلطان ولين يعني ماله داعي ملكه وخرابيط
الجده بحده:ماهو على كيفك تفهم؟
غيث بعصبيه:جدي خلك ارفع من كذا !
تقدم عايض منه ونطق وهو يهمس بأذنه :غيث اترك جدك اصلاً هو يبيها من الله وانا راضي دامها بتروح لسلطان ماهو للغريب
ناظر سلطان بجده ونطق :اساسا انا كنت بكلم ابوي وبخطبها بدون المشاكل ذي وناويها من زمان
الجد :كذاب كنت بتسوي فعلتك وتنحاش بس مسكتك مها
سكت سلطان بدون اي كلام
سعود:ياجدي انت ماتعرف امي تفهم غلط وتجي تقول اهم شي انها تعلم الي صار نصيحه لاتكسر بنتك وكأن من اول غلطه تدورها من الله وماعاد تبيها
الجد:على شحم تسمع؟
غيث :ونعم فيه سلطان لكن والله عاني اعلمكم كلكم ماتروح زي ماراحت توق ولـتسوون لها زواج وبرا الديره بعد زي ماتبي
ابتسم له سلطان ونطق:ماعليك زود واذا عن الزواج ابشر
نايف وهو يعرف ان ابوه وعائض بيرفضون بس نطق :وانتم الصادقين بكره لو يدرون اهل الديره عن زواجهم المخفي مابيقولون الا فيهم بلا ولا ليش يزوجونهم بالخفاء
ناظر فيه فهد وبقق عيونه وغمز له قبل مايفضحه هو يقول الكلام ذا عشان يرضون
الجد بتفكير : و اول مره تقول شي صاحي خلاص مهرها يجي يـ سلطان وزواجك بعد اسبوعين بس ملكتك الليله
-
الغرفه
عند هناء جلست على السرير ودقت على نواف هي خايفه من ردة فعله
هناء بهدوء:سلام عليكم
نواف:اهلا اهلا وعليكم السلام وضحك ونطق :وش رايكم تسكنون عندهم
ابتسمت هناء ونطقت:لو بيتي جنب بيت امي ياسلام ماعندي مشكله انا والله ارجع بس ترا سلطان وهديل ماظمن لك رجعتهم
ضحك نواف ونطق:خليهم الاجازه بتخلص وترجع هديل للجامعه وعاد سلطان يقدر يداوم من عندكم مابه خلاف وترا عمي كلمني وقال لي عن قرار سلطان وانا فرحت له وماعندي مشكله لاتخافين ولاتتضايقين
تنهدت براحه ونطقت :ماكنت اعرف كيف افاتحك بالموضوع صراحه ابوي الله يهديه الا غصب يبي يزوجه
نواف:خله سلطان من زمان وانا اقوله بزوجك ومعيي الحين جده غصبه مايقدر يقول لا وانتي قلي ماقدر اسوي اي شي
هناء :هو راضي
قفلت منه هناء وطلعت من الغرفه
-
توق
بالغرفه مقفله على نفسها هو زادها رعب ماتوقعت يسوي فيها كذا
تخيلت شكلها لمن يرميها في المسبح وعضت على شفايفها بخوف وبكت بحرقه على حظها
دق باب الغرفه وفزت من مكانها توجهت المرايه ومسحت دموعها
تقدمت من الباب وفتحته كان رعد
جلس على السرير واخذ المفتاح من الخزنه  وفتح  الدرج وطلع بدلته بيتوجه للحمام يلبسها بس استوقفه صوتها من نطقت بقرف؛انت متوظف؟
رعد :ايوه ليه مو عاجبك؟
هزت راسها ونطقت :مو لايق عليك
تقدم منها رعد ونطق:علميني وش لايق علي؟
ابعدته عنها بقرف ونطقت :اتمنى تطلقني بـ اسرع وقت ماقدر اتحملك ولا اتحمل وجودك مادري كيف اهل..
تقدم منها بسرعه ومسكها من عند يدها ونطق :ماقلت لك لاتجيبين سيرتهم صح ولا لا؟ارجعك المسبح ولا وين تبين احرقك بالنار ترا عادي ماعندي مشكله ورجع ناظر فيها بحده ونطق :شكلك تبينها بالنار تعالي معي يلا ماعندي مشكله
ابعدت عنه توق: غلطت وبعدين ترا ماكملت كلمتي خلاص طلقني عشان ماكررها
رعد :تعقبين حتى لو افكر بعدين اتزوج ماطلقك لأخليك عندي
ماتحملت كلامه ومشت بسرعه وضربته بكل قوتها على صدره
ناظر فيها لثواني ونطق:ذي قوتك؟بس
كانت تتنفس بسرعه ومشت على طول للحمام وقفلته
تقدم من الباب ونطق: انا ماكذب ياتوق ونصيحه مني والله لو عاد تتكلمين عني ولا عن اهلي بتشوفين مني شي اقوى من ذا مو اي عذاب لأخليه عذاب نفسي ويسبب لك عقده
لبس ملابسه بيمشي لوظيفته
-
الساعه ٦ المغرب "تحديدا بالمجلس"
نواف بـ ابتسامه لـ سلطان :ليتني من زمان مخليك تطول عند جدك ويغصبك على الزواج
ناظر سلطان ابوه ونطق بحسافه:والله ماكنت ابيه كذا كنت ابي اخطبها وهي فرحانه
ربت على كتفه ابوه ونطق:يمكن خيره وانا ابوك وش يدريك؟
سلطان :صح والله بس جدي ماخلانا نسمع كلمه وخالي عايض الله يهديه ماهو راضي يسمع يحسب اننا سوانا الشين كله من مها ذي
نواف :توكل على ربك واهم شي البنت لاتتعب نفسيتها
ناظر في ابوه ونطق:على ذا الخشم ...
-
بالغرفه ...عند هند وعايض
هند :بنتي تزوجها كذا ليه هي كلب عندك وعند ابوك شفتونا سكتنا عند توق وقلتو نكمل على الباقين بكره بتجيب لريماس مادري مين اعقل تراك كبير مفروض تفهم ماخذ اطباع ابوك سبحان الله
عايض بحده :وش فيها اطباع ابوي وهي وش يوديها له في انصاص اليالي ؟
توسعت عيونها بصدمه ونطقت : ذا كلامك في بنتك وش خليت للغريب ياعايض؟ تصدق انا متحملتك ومتحمله اعصابك الزفت ذي واختك هاذي كلنا نحب عيالها وماودنا ندعي عليهم بس حسبي الله ونعم الوكيل فيك وفيها وصدقني اذا على جلستي معك ترا بس عشان ريماس ولا غيث اقدر اخطب له وارتاح بس ماودي
طلعت من عنده متوجهه للبنات وجلس على السرير بضيق مهما كان لين المفروض ماتروح عند سلطان
-
لين
دخلت للغرفه وسئلوها البنات وما انكرت عنهم اي شي وإنما شرحت لهم كل شي بالتفصيل
تنهدت بتعب ونطقت :ابي ارتاح ممكن؟
هزو روسهم بـ ايه وطلعو من الغرفه شافتهم هند طالعين من الغرفه ونطقت :وين لين؟
تقدمت منها ريماس وحضنتها ونطقت :بترتاح تقول
اخذت هند ريماس والبنت وطلعو لهم
-
بالصاله
دخلت هناء ونطقت :هديل جهزي اغراضك بنمشي مع ابوك الليله
هزت راسها هديل وطلعت
-
بـمجلس الرجال
لف الجد على عايض ونطق:قم جهز بنتك ذي المملك جاي خلها تملك
هز راسه لابوه وطلع ، دق الباب الفاصل بين قسم الحريم والريجيل ونادى هند
قامت هند متوجهه له وفتحت طرف الباب لجل تسمعه
عايض:نادي لين
ناظرته هند بـك:جايه !
عايض: المملك جاي بالطريق مانبي نعطله ولا اقولك هي وين ؟ انا اخذها
هند :بالغرفه بس تصدق لازم اني اروح معك اخاف يجيها عقده منكم
وطلعو متوجهين لها في الغرفه
-
لين
جلست بقلق على الكرسي تبي تبعد عن التوتر والخوف قطع تفكيرها الباب وما كان امها وابوها
عايض :اجهزي يلا المملك بيجي
لين :ابوي !
عايض بهدوء :ماعليك سلطان رجال ! ابي افهم ليه تروحين له انتِ؟
تقدمت منها هند تبعد الموضوع تماماً ونطقت :بتملكين اليوم ياحبيبتي وزواجك مو الحين صدقيني مابتروحين لهم وانا مافرحت لأول بنت لي وابتسمت لها تحسسها انها مو اي شخص مار بحياتهم
قوست شفايفها ببكاء وتقدمت منها هند ونطقت :لاتبكين ياحبيبتي
-
ديره الحسا
.
جمعه الحريم اليوم عند ام سلمان
.
ام مشاري:هاه ياعيده صقر وين راحت ملكته؟
عيده :سألت محمد ويقول انا يوم كلمت الرجال يقول مابه خلاف وحياكم الله
ام عيضه :طيب منهي بنته الي بتاخذونها
عيده:والله ياصيته انا وام مشاري شفنا بنت فواز واعجبتنا بس شكلها صغيره مير ان شاء الله ان كان به ملكه انتن اول الحضور جاراتي اولى وابتسمت لهن
هدى :عاد ان شاء الله نفرح بـ رعد وصقر
صيته:رعد طالع من الديره له ٨سنين والله لو اني مكانه مارجع لهم ولفعايلهم الي تسود وجهيهم
هدى :لازم ياصيته يرجع لنا ماله بعد الله الا نحنا والله ان اكثر شي مخوفني ان عيالنا ياخذون اطباعهم
في مكان مخصص يتجمعون فيه دائما اهل ديره الحسا منهم الشيبان والمتزوجين بس العيال من هم صغار يكرهون اطباعهم وفعايلهم بـ رعد لذلك يتجنبون الجلسه معهم ويجلسون مع بعض ..
-
بيت ابو سلمان "بالجلسه في الحو
حنين بحماس :ماقلت لكم اليوم طلعت مع فارس وافطرنا وربي فله يابنات
سهام بحب :ياحظك في فارس مدلعك وشايلك على كفوف الراحه
ضربتها حنين على كتفها ونطقت :وجع قولي ماشاء الله
ضحكت سهام ونطقت : وجع انتي !خلاص ماشاء الله
ليلى بصوتها الهادي :غريبه طلعتي معه لاتفهمين غلط بس انتي تعرفين معتقدات الديره والله ماقصد شي ثاني
ضحكت حنين ونطقت؛عادي ياروحي انا فاهمتك انتي تبيننا نقعد نخاف منهم ومن معتقداتهم خليهم يشمون هوا
جاء حسام ولد سهام يركض بسرعه
سددت ليلى اذانيها ونطقت:بيطيح ماكملت كلامها الا طاح
سددت حنين اذانيها معها ونطقت :بس صفارات الانذار تشتغل
ضربتهم سهام ونطقت :كفايه ذبات على ولدي !همج
وركضت لولدها ورفعته من على الارض ونطقت :لاتبكي ياماما لاتبكي
بكى ودفن وجهه بحضنها وسمت عليه وتوجهت للبنات
ليلى بـ ابتسامه :سهام مو احمد بيرجع الليله؟وش رايك لو ناخذ حسوم وانتي تاخذين راحتك مع احمد وغمزت لها
اعجبت الفكره سهام ونطقت بحماس:جبتيها يابطله عاد احس اني مطوله عنه مره
حنين :الحين دورته صار لها شهر صح؟
سهام :اي
ليلى بهدوء:طيب وش الاستفاده منها؟
سهام:يترقى بعدين بمراتب اعلى هاه خلاص قررت ولدي تاخذونه
ضحكت حنين ونطقت :شكلك ناسيه طبايع اهل الديره ولا؟الحين لو ولدك يقعد عندي ولا عند ليلى وش بيقولون ياهبلا اكيد بيكون تفكيرهم ان عليه خلاف او ان امه ماتعرف تربي او ان ميزانية بيتهم قليله وهم بس ياخذون الولد عشان يعيشونه ماتضبط ياسيمو دوري غيرها
ليلى :الله ياخذ الديره ذي وياخذ اطباعهم متعقدين!!!
ضحكت سهام ونطقت :حرام ياليلى شوفيني بالبدايه كنت مفكره ان احمد كذا وحتى اني رفضته بس ابوي الله يرحمه كان يقول امك راحت وانا بروح من يقعد لك وزوجني وماكنت راضيه عن الشي ذا بس احمد عوضني الحمدلله
ليلى :الحمدلله ياروحي الله يهنيكم بس تصدقون حاجه تخيلو بس لو عيضه ياخذ نفس طبعهم !
حنين بحلطمه :ذا والله الي ينخاف منه كلنا شايلين هم النقطه بس ترا فارس يقول اغلب الاوقات مانتجمع معاهم كثير اكثر شي نجلس على جنب
-
العيال
حاطين لهم فرشه على جنب وجالسين فيها مبتعدين عن الشيبان وهرجهم
تكى صقرعلى فارس ونطق:اهخخ ياضهري يافارس افركه لي طلبتك
فارس بـحنيه :من هنا؟
هز راسه صقر بـ ايه
نطق مشاري ولد ابو محمد :وش رايكم اروح اجيب البلوت ونلعب ؟؟
عيضه :ماورانا شي بس لازم قبل نلعب برجع امي للبيت
نطق مشاري ؛اجل بقوم الحين اجيبها وقام
نطق عيضه:اخذني معك باخذ امي
مد مشاري يده يقومه وتوجهو كلهم لبيت ابو سلمان
-
البنات
نطقت ليلى :الساعه كم الحين ابوي يرسل عيضه !!ماكملت كلامها إلا صيته تنادي عليها وتنطق بـ:عيضه يقول اجهزن انا جاي يلا
ضحكت سهام ونطقت :يلا يلا على البيت الحين خاله صيته تزعل وتقول اننا الي اخرناك قربت ليلى من سهام وحضنتها بادلتها سهام الحضن ونطقت حنين :وانا وين احضنوني معكم مدت سهام يدها  وتقدمت حنين منهم بكى حسام يبي يدخل معهم ضحكو البنات عليه وحضنوه معهم
جاتهم صيته ونطقت :ليلى انتي مالبستي!!!انا برا اعجلي علي
لبست ليلى عباتها وطرحتها ونقابها وطلعت لأمها
-
عيضه ومشاري برا
كان بيدخل مشاري بس شاف صيته طالعه من البيت ورجع على ورا بسرعه
ام عيضه :مرحبا والله بـ مشاري كيفك وشخبارك
مشاري بـ ابتسامه :البقى البقى بخير نحمد الله وانتي طيبه ؟
صيته :ماعلي خلاف نحمد الله ونشكره
مشاري :يلا توصون على شي
صيته :سلامتك
تقدم مشاري من الباب بس شاف ليلى بتطلع صح انها محتشمه ولابسه الا انه صد على طول عشان تطلع وهذا الشي تربو عليه من صغرهم
-
بيت ابو سلمان "المجلس "
الجد :وينه عايض المملك جاء وهو محله ماتحرك
نواف :ياعمي استهد بالله وتعوذ من الشيطان ماصاير الا كل خير
الجد :وين نلاقي الخير وهم سودو وجيهنا انت وراك ماعلمته وربيته
نواف:ومن قال لك ياعمي اني ماربيته الا مربيه احسن تربيه وهو رجال وقدها
ابتسم له سلطان وربت على كتفه نواف وهمس نواف بــ :لاتبين لهم اي شي
رمش سلطان بـعيونه ونطق:خلهم غافلين والله  لو يدري الشايب
وش بيصير بيتفشل بس خله عشان ثاني مره مايعجل شي !
جاء نايف من برا ونطق:المملك جاء
الجد بعصبيه :رحبو به وش تنتظرون
نايف:فهد برا وسعود يكفون
الجد:وانت ترجى منهم خير !قم انقلع
طلع نايف من المجلس يرحب بالشيخ ويضيفونه  في المجلس
هند لاتبكين ياماما....
عايض :قمي يلا البسي لك لبس الشيخ جاي
هزت راسها بـ لا
تقدم منها بسرعه ومسكها بشعرها رُغم انه يدري بطُهرها لكن داخله مقهور ويكفي انه ما حاسبها كونها كانت عنده بدون علمه ونطق:والله ماحد قال لك رحي بـانصاص الليالي قومي يالين قومي
تقدمت منه هند ونطقت :وجع يوجع يدك ان شاء الله ابعد عنها ابعد
ابعد عنها وداخله مقهور من فعلتها نطق:انا برا الغرفه البسي سرعه
طلع وهو يحس الدنيا تدور فيه تعوذ من الشيطان وجلس
-
الغرفه
هند:ماعليك ياعيوني البسي الحين وافرحي اليوم ذا لاتفوتينه سلطان انتي تعرفينه صح ولالا ؟
لين بـربكه وتوتر :اعرفه مايهم الشي ذا ابوي الحين ليه قاسي كذا؟
خنقتها العبره ورجعت تكمل : طيب ليه مايتفاهم مو يسمع مها والحين يبي يملكني غصب
بكت هند وقربت منها وحضنتها ومسحت على ضهرها ونطقت :انتي اليوم تملكي ولاتخافين والله ماتروحين لـ سلطان الا انتي زي اي عروس ثانيه واذا على ابوك وش ترجين منه وجدك ابوه؟ انتي الحين ماعليك من احد اخذي لك شاور سريع والبسي احلا الملابس واطلعي لي تمام؟
لين بهدوء :تمام
طلعت عند من الغرفه وشافت عايض جالس عند الباب نطقت :بجلس معك اخاف تدخل عليها الحين وتقتلها
لف عليها عايض ونطق؛يكفي جايه تدورين مشاكل!
ناظرته هند وشافت حالته ميؤس منها وذكرت ربها في نفسها (اللهم صلي على محمد)
دخلت الحمام الله يكرمكم واخذت لها شاور سريع وطلعت لبست فستان ابيض بدون اكمام فتحت شعرها الي يوصل لـ تحت ضهرها حطت  من عطرها وطلعت لهم
-
عايض
اول ماشافها طلعت صد على طول ونطق :الحقيني
ناظرت في امها وابتسمت لها تحاول تخفي عبرتها ابتسمت لها هند ونطقت :احلا من يملك ياليني مايمدي تكبرين ياماما كنتي صغيره
ناظرت فيها لين ورجعت تبتسم لها تقدم عايض ومسك يدها ومشى متوجه لباب مجلس الرجال لف على هند ونطق :جيبي عباتها
دخلت هند وجابت عباتها ، لبستها وطلع عايض وهي معه
قرب من الباب ونطق :خليك هنا بدخل اسلم وراجع
هزت راسها بــ :ايه
.
دخل عايض للمجلس ونطق:سلام عليكم
ردو الكل السلام
وتقدم من المملك وسلم عليه
الجد:وين البنت ياعايض
عايض :برا برا عند الباب
لف الجد على الشيخ ونطق :يلا ياشيخ
هز راسه الشيخ ونطق :بـ يلا على بركه بس وين نتايج التحليل؟
انصدموا كلهم هم من كثر ماستعجلو بالملكه نسو التحليل كان كل همهم يزوجونهم بدون مايسمعون اي تبرير
انفشل الجد وتمنى ان الارض تنشق وتبلعه ناظر بالمجلس كامل وحمد ربه ان مافي احد غير عياله واحفاده عشان الناس مايدرون ويقولون ان فيه شي ولا ليه يزوجونهم بدون تحليل (كل همهم كلام الناس )
نواف نطق:بس ياشيخ هم ماحللو
الشيخ :اجل كيف تبون تملكون ؟
عايض لمحاوله تهدئه الوضع وعشان ابوه مايعصب نطق:ياشيخ والله اننا غفلنا عن الشي  ذا لكن ولايهمك بيحللون وان شاء الله بيملكون
وقف الشيخ ونطق:يلا اجل انا استأذنكم
الجد بفشيله وحتى مايبين الموضوع نطق:والله ماتروح لين نتقهوى
كان بيحلف بس نطق الجد:علي بــ الطلاق لتتقهوى
جلس الشبه ونطق الجد :قم يانايف هات القهوه
ناظر نواف سلطان واشر له ونطق :ودعناكم الله لقائنا ان شاء الله بعد اسبوع والمهر بيجي يوم الملكه والزواج هم يحددونه والله يوفقهم
لف على سلطان ونطق :اطلع ناد هديل وامك انا برا
ضحك سلطان وتقدم منه ونطق بهمس :وش رايك تاخذ حرمتك وتروح وانا اخذ اختي معي ونلحقكم
ضحك نواف ونطق :تعجبني تراك
ابتسم له سلطان وطلع من المجلس شافها واقفه تنتظر لف يشوف اذا احد يمه بس انه ماشاف تقدم منها بسرعه وسحبها من يدها ومشى فيها ورا بيت الشعر
ناظرت فيه بخوف
ونطق سلطان : اليوم ماحد بيملكنا
لين بخوف :ليه؟
سلطان بـ ابتسامه :الحين انتي حللتي ؟
لين بغباء:تحليل ايش؟
سلطان :تحليل زواج اجل تحليل ايش
استوعبت ونطقت:يعني مايملكون الا بـ تحليل؟
سلطان :ايوه لازم تحليل ياهبلا كيف نتزوج من دون تحليل !!
لين:يعني الحين ماعاد فيه ملكه صح تكنسلت
سلطان :شكلك تبين الفكه مني بس الملكه مو الحين بعد اسبوع وبعدها بـإذن الله اعطيك المهر واتسعت ابتسامته من نطق بـ :ياعروس سُلطان
واذا عن زواجنا انتي الي تحددينه لاتشيلين هم
ابتسمت لين بـ احراج ونطقت بجديه غير مباليه : مو عن ابي الفكه بس ماكنت ابي ملكتي تكون كذا  يعني خصوصا بالوضع ذا
سلطان :الحين معك اسبوع يمديك تجهزين فيه وبعدين ملكه يعني عادي لاتشيلين هم
كانت بتمشي بس استوقفها صوته
من نطق :لايضيق لك خاطر ياعروس سُلطان انا الحين بمشي لـ جده استودعتك الله الذي لايضيع ودائعه توصين على شي ؟
هزت راسها بـ لا من بعد ماقال لها الكلام استحت كثير ونطقت بهمس :سلامتك
تمنت ان الارض تنشق وتبلعها ولاتمشي قدامه كذا حمدت ربي على كل شي ويمكن خير لها ومشت للداخل
عند الحريم اول مادخلت لين وشافو ابتسامتها استغربو
نطقت الجده:ها تملكتي ولا لا
لين بهدوء :لا لازم تحليل والكل ناسي اننا ماحللنا
مها:يحليلك صرتي تجمعينه معك حتى بالكلام '
لفت عليها هند ونطقت بحده :خلاص لين هينا وبس فكينا من أذاك واتركي الناس بحالها تحسبيني ساكته لك خوف لا ياقلبي حشمه لعمتي ولا انتي مانتي كفو للحشيمه
انفشلت من كلامها  ونطقت عشان تطلع نفسها الصح :انا ماقلت الا الصح
لفت عليها هناء ونطقت :عيب عليك انتي انسانه كبيره اتركي الناس بحالها لايدعون عليك ولا على عيالك ومالخسران غيرك يامها
الجده؛الله انك تهديها والله اني ازريت فيها
وسعت عيونها ونطقت :يعني اللوم كله علي !!
ناظرت فيها منيره ونطقت :ولك عين تقولين الكلام ذا انتي لو مافتحتي الموضوع من البدايه وخليتينا نفهم السالفه عدل ماكان صار الي صار
دخل عليهم الجد قاطع حوارهم واضطرو انهم يسكتون كلهم
نطق الجد :الملكه بعد اسبوع ان شاء الله
ناظرت فيه هند ونطقت :ان شاء الله تبين الحقيقه وتعرفون ان بنتي انظف من تفكيرك
لف عليها الجد وهو يبي يقصر الشر يكفي انه تفشل مع الشيخ ونطق :عايض برا وانتي ياهناء نواف برا
مشت سلاف وهي ماعاد تقدر تتحمل تصرفات امها دخلت الغرفه واخذت نفس واتصلت على ابوها
عند مسفر شاف سلاف تتصل وفتح الخط ونطق :يامرحبا ببنتي هـ بشري تبين اجي اخذكم؟
بكت سلاف في وجهه وعرف ان فيها شي ويحلف ان مها السبب بالموضوع
-
بالحوش
عند غيث ارسله عايض يجيب الاغراض من البيت وسمع اصواتهم بالصاله
دق الباب ورفع صوته :هيه ياولد انا بدخل اخذ الاغراض
رفع صوته الجد ونطق:وقف ياولد
لف  عليهم ونطق:تغطن يلا
لبس الجميع ونطق:ادخل ياولد
دخل غيث ورد السلام
ونطق الجميع بـ عليكم السلام
لف على امه ونطق :يمه يلا والبنات وين ابوي ينتظر برا
هند :اشرت على الغرفه ونطقت الاغراض تلقاها هناك انا وخواتك بناخذ الاشياء الخفيفه وبنسبقك على السياره
هز راسه ومشى متوجهه للغرفه شاف الباب مردود كان بيدخل الا انه سمع صوت داخل قرب من الباب وكانت معطيته ضهرها ..
-
مسفر
بكت سلاف في وجهه وعرف ان فيها شي ويحلف ان مها السبب بالموضوع ونطق:ها يابوي اجي ؟
سلاف بمحاوله تهدئه نفسها نطقت :يبه تجي تاخذنا الحين ؟
مسفر:ابشري اجهزي واجيك الحين
سلاف :امي معانا لازم تقول لها عشان الحين ماتهاوش وتسوي مشكله تمام؟
غمض عيونه ونطق:خلاص الحين اكلمها واقول لها بس لاتدري انك كلمتيني وانا ماني بقايل لها شي طيب؟
هزت راسها وكأنه يشوفها ونطقت :تمام
سمع كل كلامها وعرف انها سلاف يعرفها من صوتها والحين عرف شكلها تعوذ من الشيطان استغرب من نفسه وصد على طول
مسحت دموعها وطلعت شافت غيث برا وكان معطيها ضهره بس هي عرفته من هيئته مشت بهدوء عشان ماينتبه لها وهي تحسب انه ماشافها  اوماعرف عنها من البدايه
عرف انها طلعت وتقدم من الغرفه اخذ شناطهم كلها وطلع شاف فهد جاي ونطق :انت ياثورتعال ساعدني
تقدم منه فهد ومانطق بـ ولا كلمه  استغرب غيث انه ليه للحين ماهاوشه وطلعو برا
عايض :لا والله كان رقدت احسن لك
مارد عليه غيث ساعده فهد بشيل الاغراض بالسياره
ونطق فهد:ماتقعد عندي؟
غيث بـهمس :ياولد انت صاحي ؟والله لو ماروح الحين لـ ياكل لين بالكلام خلني اروح وان شاء الله كلها اسبوع وانا عندكم
فهد :خير ان شاء الله
لف وشاف نواف بياخذ اهله وسلطان ماخذ هديل اليوم البيت حقهم بيفضى ويرجع الروتين حقهم لولا الله ثم وجود حور ونايف وتركي معه مابيعرف يتصرف حمد ربه وهو يتمنى انهم يقعدون لأنه يتسلى معهم سواء بنات ولا عيال
تقدم منه غيث ونطق :هيه وين سرحت؟
فهد :ولا شي بتمشون الحين ؟
هز غيث راسه بـ ايه
وتقدم منه فهد وضمه شد عليه غيث ونطق:افا يافهد كلها اسبوع بس
فهد:والله انها الحين عندي شهر !
ضحك غيث ونطق:ياحليلك تعرف تشتاق
فهد:اجل اعندي مشاعر؟
عايض بصراخ :ياغيثثثثثثثثثثث
ودعه غيث ومشى متوجه لأبوه هو ماجاب سيارته معه والسبب الجد قايل لـ عايض لايجيبها عشان مايطلعون هو وفهد اخر الليل ومايدري عنهم
تقدم فهد من جهه البنات وسلم عليهم واستودعهم الله وهمس بـ اذن لين بـ :انها لازم تفرح وماتخرب على نفسها وان سلطان يتمناها من زمان بس ماحسب حساب الي بيصير كله
مشى عايض و نواف ..
-
انتهى اتمّنى تقدّرون تعبي بـ النجمه ✨🫣