يلتفت لها القلب والعقل

🌷

دعواتكم لي انقبل بالجامعه ❤️
-
.
الله يرحم لطيفه ويرحم جميع امواتنا واموات المسلمين
.
لاتنسوني من دعواتكم ولاتنسون ذِكر الله ❤️
-
.
تعرف اشد المعرفه ان فهد مايسوي هـ الحركات إلا تلطيف للجو
اول ماشافتهم قفلو البوابه مسحت على شعر سعود النايم بحضنها ومدت يدها للمخده المتواجده وحطتها تحت راس سعود
وقامت بصعوبه من الم رجلينها اعتزلت بسرعه من شافت ايلاف الخارجه ومشت بخطوات كلها ثقه عشان ايلاف ماتقول عنها بـ انها كبرت بالسن!
رغم الالم اللي يجتاحها برجولها لكنها صامله وتنتظر اللحظه اللي تمر فيها من جنب ايلاف عشان تمشي على راحتها
.
تقدمت ايلاف من سعود وابتسمت من بين دموعها
مسحت على وجهه بالخفيف واول ماشافته يحرك نفسه ابعدت على طول حتى ماتزعجه وركضت لـ ريماس المقفله على نفسها بالغرفه
.
<<ريماس>>
كانت خارجه من الحمام يكرم القاري ركضت على طول بتقفل على نفسها بالغرفه لكن لِحُسن حظها شافت ايلاف فيها
مدت يدينها تفرك وجهها بـعشوائيه ونطقت:تبين شي ؟
تقدمت ايلاف منها ونطقت:تبكين؟
هزت راسها بالنفي ونطقت بشبه عصبيه:اخرجي
هزت راسها بالنفي لكن ردة فعل ريماس واعصابها التالفه كانت جداً قويه على ايلاف
انصدمت ايلاف من سحبتها معها بعنف لكنها قدرت توقف قدامها وتواجهها بعصبيه ونطقت:سعود برا بالجلسه لوحده والباقين راحو يصلون وانا بقولك اذا فيه احد جاك ،اخرجي لـ سعود
تغيرت ملامح وجهها بالكامل وهزت راسها بالنفي ونطقت:ماراح اخرج
خرجت ايلاف من عندها وهي ميقنه بأنها بتخرج لكنها خايفه تسمع اي خبر يصدمها لذلك كان قرارها الرفض
.
كانت مها بتخرج للخارج لكن ايلاف نادتها بسرعه ونطقت:وين طالعه ياقلبي؟
مها بدون نفس:بشوف سعود
ابتسمت ايلاف في وجهها ونطقت:راح يصلي
سكتت مها لثواني وهي عارفه ليه ايلاف تقول هـالكلام لأنها تو مصادفه امها اللي قالت لها ان سعود برا
.
كانت جالسه وتهز رجولها بتوتر فضيع لحظات تقوم ولحظات تجلس لكن حزمت امرها وقررت انها تخرج تشوفه وبالفعل رجعت شعرها المبلل بالماء بـ إهمال على الوراء ومشت بخطوات شبه خافته حتى ماينسمع لها صوت وقت خُروجها
كانت بتخرج من الباب لكن ايلاف اشرت لها تخرج من الباب الثاني عشان تواجد امها
.
كان متمدد على ظهره لكنه حس بالتعب لف على جنبه اليسار واعطى ظهره الجلسه ، كان بينام لأنه يحس نفسه تعبان من اليوم وتو يرتاح مع الهواء البارد
تقدمت منه حتى صارت واقفه قدامه ،جلست قباله بخِفه ومدت اناملها بهدوء حتى صارت ملاصقه اكتافه ،رجعّتها بحركه سريعه منها
كان يحس على تصرفاتها لكنه ساكن مكانه ماتحرك ماوده يواجهها بالحقيقه خصوصاً انه مايدري انهم مايعرفون عن الموضوع
حست ببروده فضيعه باطرافها وفركت يدينها بتوتر مررت نظراتها على كل مكان خوفاً من ان احد يصادفها رُغم انه حلال لكن ماودها ابد بالإحراج
وقفت على حيلها بتمشي اول ماحس انها طلعت من الجلسه
اعتدل بحركه سريعه منه واخذ نفس يهدي نفسه لان بحركته ذي سببت له الم
نطق سعود بـ:تعالي
وقفت مكانها برعب شديد ماتدري ليه ماعاد عندها القدره على الحركه ابد لفت عليه بعد ثواني معدوده وبقت تناظر فيه فقط!
أشر لها سعود تجي جنبه ،كانت مُتوجهه له لكن خطواتها فيها تردد وخوف شدت على يدينها بـ احكام وتقدمت منه حتى صارت بالقرب منه ولو يرجع بكتفه على الوراء بتتلاصق اكتافهم في بعض
ماكان بينهم اي كلام المكان هادي وجداً مافيه اي صوت الا نسيم الهواء وانفاسهم فقط
بلع ريقه سعود ولف عليه ومن شافها لاصقه بالجدار وشوي تهدمه من كثر ما انها مرجعه ظهرها على الوراء ،رجّع ظهره على الوراء وهينا بالفعل تلاصقت اكتافهم في بعض
كانت عيونها مليانه دموع تنتظر اللحظه اللي يسألها وتنهمر بدون مقدمات
لمت رجولها حتى صارت ملاصقه لصدرها وراسها على ركبتها وماتفوهت بأي كلمه
ارتجف داخلها بربكه وتوتر شديد من حست بيدينه تبعد رجولها عن صدرها وينطق بـ:بردانه؟احضني سعود
غمضت عيونها لوهله من حست بـ راسه يستوطن حضنها مد يدينه وسحب يدها حتى صارت مرتكزه على صدره والأخرى على راسه بالضبط
كان يتأمل في ملامحها لكن الحين بدا يحس بالضباب يحجب عنه اخذ نفس يهدي نفسه وغمض عيونه للحظات يبي يتأكد
فز بحركه غريبه واعتدل بجلسته ،عقدت حواجبها بـ استغراب وهمست بخوف:سعود؟
هز راسه بالنفي واشر لها تدخل للداخل ،تقدمت منه بخوف من شافت توتره الواضح وبردت ملامحها من شافت الدم يرجع ينهمر من انفه من الجديد ونطقت بربكه :ءءسعود دم
انتفض بحركه سريعه يركض بخطوات متعثره مُبتعد عن المكان واول مكان توجه له قسم الريجيل يغّسل انفه من الدم!..
.
توق
كانت نايمه طُول هالمُده تحس وكأنها تو تلاقي الراحه وقلبها يرتاح فتحت عيونها وهذا دليل على انها صحت من نُومها لكنها عقدت حواجبها من المكان اللي هي فيه اخر شي تتذكره انها في بيت الجد غمضت عيونها لوهله من تذكرت الدم ورعد وعرفت انه استغفلها!
توجهت للحمام-يكرم القاري-وهي ابداً مالها خلق للنقاشات وغيره
بعد مانتهت خرجت بروبها رُغم انها اعتادت تلبس بالداخل لكنها الحين دخلت بالتاسع وتحس ماعاد لها القدره على الحركه كثير رطبت جسدها بالكامل
واخذت نفس للحظات ورجعت تكمل بعد ما انتهت