لاتنسون ذكر ربي والرحمه على موتانا ❤️
.
.
.
-
-الله يرحم لطيفه ويجعلها من اهل الجنه
-سبحان الله وبحمده
-سبحان الله العظيم
ارتخى لمستواها وقّبل طرف خدها وسرعان ماعرفت نيته وابتعدت عنه ، اخذت نفس بصعوبه وكانت بتتكلم بس انه ماقتنع هو قد قال لها :ان قاله الله والتقينا حضي من الشوق والله لاخذه
ابعد عنها من جاه اتصال من سلطان شتم نفسه ماهو وقته ابدا الحين تنفر منه
ماكان منها غير انها توجهت تلبس عباتها
تحاول تخفي رجفتها وخوفها شعور اول مره تحس فيه دايم كان يقبلها رغما عنها وتبعد عنه بس الحين
رعد بهدوء:خلاص جايك
تقدم منها ونطق:نمشي؟
هزت راسها بـ اي ومشت بهدوء تام
-
بالمقر
الجنائيين مختصين بجثه صالح القسم كله مليان ، دخل رعد واخذ توق لقسم التحقيق
طلع له سلطان ونطق :وين كنت ؟ شايف الساعه كم
رعد :خلاص المهم اني جبتها وبس قرب بيدخل يحقق معها بس قطع دخوله سلطان من نطق :عيو يخلوني احقق معها لانها بنت خالي بيخلونك انت رجالها
مد يده ومسك يدها ونطق بهمس:هي ماتبي الا معي
سلطان :ابو رايد يقول مايحقق معها غيره تبي تدخل معها ادخل
هز راسه رعد ونطق بـ:خلاص انا اتفاهم معه
كانت الغرفه اقرب مايقال عنها سجن طاوله في النص وكرسيين مقابله بعض وشباك واحد ماتشوف اي احد بس الي ورا الشباك هم يشوفونها بس هي ماتشوفهم رفعت نظرها للزاويه وشافت كاميرا فيه
تقدم رعد واخذ توق وجلسها على الكرسي
نطق ابو رايد :اطلع يارعد
لفت بسرعه ومسكت يدينه ماتبيه يروح
هز رعد راسه بـ لا
ابو رايد :اطلع يارعد خلنا نشوف شغلنا بسرعه
ناظره رعد ونطق:انا بوقف بالركن هناك ماني بقايل شي
رفع نظره ابو رايد للركن ونطق: يلا
راح رعد للركن ووقف عنده
ناظرت فيه بخوف وغمض عيونها وابتسم على الخفيف بمحاوله تطمينها
ابو رايد بدا تحقيق مع توق عن جريمه صالح
وهي حكت له عن كل حاجه من الى
قام ابو رايد ونطق:فهد وحور الي تقولهم يارعد بكره يحضرون ناخذ افادتهم والله يستر عليهم انت ادرى عاد
هز رعد راسه بـ اي
اما سلطان فوق من ورا الشباك ويشوف كل شي حتى افاده توق سجلوها وبكره الدور على حور وفهد
-
بالسياره" رعد وتوق"
.
مر طيف الحدث الي قبل شوي عليها ونطقت بهمس :رعد
لف رعد عليها وكانه ينتظر انها تناديه من زمان نطق :لبيه
توردت ملامحها بخجل ونطقت:لباك بس ابيك توديني بيتنا؟
نطق في داخله تستاهل ماكان لازم تقرب منها ماقدرت تصبر الحين انحاشت منك
شافته ساكت مايرد عليه وعرفت وش يفكر ونطقت ؛ادري انك تفكر الحين بـ الي قبل شوي بس ترا مو هذا السبب
الي يخليني اروح انا ابي ارتاح داخلياً
نطق:وش السبب طيب؟
توق :انا ابي ارجع اقرر من جديد ابي حياتي تتعدل يمكن مايكون بيننا نصيب
اوجعه قلبه من كلامها لمن قالت مافيه نصيب
ونطق :خلاص ابشري اوديك
اما سلطان مشى لبيت جده ابو عبد العزيز بينام عنده وبكره ياخذ فهد وحور عشان يحققون معهم ويمشي لبيتهم عشان تجهيزات الملكه
-
صباح اليوم التالي
صحت من نومها وضحكت على حالها البارح وكيف انها دعست عليه
دخلت عليها هدى وهي تشوفها تضحك وقربت منها ونطقت :بسم الله عليك فيك شي ؟
ناظرتها بـ استغراب ونطقت :لا كويسه فيه شي
هدى :لا بس انتي تضحكين!
حنين :يعني ماضحك؟الله يهديك بس
هدى :قمي قمي خلينا نرتب وننظف اكيد سعدى بتجي تحسبينها بتمررها مرور الكِرام
رفعت يدينها تبي تدعي عليها بس ضربتها هدى ونطقت :ترجع لك الدعوه ياغبيه
استغفرت ربها وقامت معها تساعدها بالترتيب
-
بيت ابو عبد العزيز
توق كلمت حور وقالت لها عن كل شي وان اليوم دورهم بالتحقيق ومالها داعي تخاف
اما فهد دخل عليهم بالصاله يحرك يدينه كالعاده كأنه يسوق ماعليه الا ملابسه الداخليه والي هي بلوزه بـ اكمام قصيره وسروال يكرمكم الله
جاء وجلس جنب الجد ونطق :ارحب يالشايب
ناظره الجد بنص عين وكمل فطوره
رفع الجد الحليب يبي يشربه وتقدم منه فهد وسلم على خده وابعد حليبه ونطق :عساك يافهد باللي ماني بقايل قم قم
ضحك فهد ونطق:والله يابو فهد مايكمل يومي الا بحسك وبدا يسلم على راسه ويدينه
نطق فهد :اتكابر على فهد مسك جوانبه وبدا يضحكه كان الجد مشاركه الضحك كانو بحاله هستيريه من الضحك
دخلت عليهم الجده ام عبد العزيز وحامله بيدها العدس ونطقت :فهد قلنا تيس مايفهم لكن انت وش نقول عنك!
شرق سلطان بالحليب وقفل على فمه رغم حراره الحليب الا انه صامل
الجد بثقل :وش فيني انا مغير التيس ذا يناقرني
ضحك فهد ونطق :ماني بقايل حاجه عشان بر الوالدين
نايف:وانت خليت فيها بر الله يهديك؟
شمق عليه فهد وبدا يفطر ويبتسم لحظات
سلطان بضحكه :وش فيك انتم تتبوسم انتبه له ياجدي
رفع نظره الجد بصدمه وحليبه بيده تذكر الي صار البارح معه ماعاد يقدر يتحمل اكثر وضحك بقوه لدرجه ان الحليب الي بفمه صار في وجه الجد والبعض على وجه نايف
قام بسرعه من مكانه وابوه بيذبحه الحين لامُحالاه
نطق الجد :والله يافهد ماخليك ياولد الكلب
تقدم نايف من وجهه ابوه الي نصه ابيض من الحليب ونطق :يبه تقول عن نفسك كلب ؟
نطق الجد :الكلب انت وياه وابوكم معكم يالكلاب
سلطان ماعاد يتحمل اكثر وضحك
نطق الجد :الكلب انت وياه وابوكم معكم يالكلاب
سلطان ماعاد يتحمل اكثر وهو يشوف شنب جده يقطر حليب وضحك بـ اقوى مايملك
اما الجده حطت يدها على راسها ونطقت :الله يصبرني ماقول غير كذا
اما منيره فطرت مع حور بطلب منها
جالس بالحوض قدام باب بيتهم عشان اذا جاه الجد مايقدر يركب الحوض ويضربه
قام سلطان وغسل يدينه ورفع صوته ياخاله منيره
قامت له منيره ونطقت :سم يـ امي
سلطان :جهزي حور واعطيني ثوب السحلي الي برا ضحكت منيره على كلامه ونطقت :فهد؟
ضحك سلطان ونطق: فيه غيره سحلي ؟
ضحكت منيره وقالت لحور تلبس عشان تروح معهم
واخذت ثوب فهد وطلعت مع حور اخذ سلطان ثوب فهد ومشى له
ناظرته حور في الحوض حق السياره
ونايف بالسياره من جوه مشغل المكيف ومرتاح نطقت :الشمس على قوتها ماأثرت فيك ؟
قام فهد بـشجاعه ورفع يدينه للسماء ونطق:انا رجل المهمات الصعب..
ماكمل كلامه من نايف الي ضرب فرامل وطاح فهد بالحوض بخرشه نطق :والله يانايف ياكلب
طلع من الحوض يركض له طاح نايف بسبب تعثرات التراب له ومسكه فهد مع شعره ونطق :والله اني بعبي وجهك تراب
ارخى وجهه بالتراب ورفع صوته ونطق :ياحور اركبي السياره وانا جايك وانت ياسلطان امش ونحنا نلحقك
اما نايف اكل تراب وشبع ونطق :ياحمار التراب حار
قلده فهد بكلامه وركض لبس ثوبه الي كان على الحوض وركب سيارته ومشى ورا سلطان
وصلو لقسم التحقيق وحقق ابو رائد مع فهد وحور وكانت اقوالهم متشابهه
طلع سلطان لبيتهم عشان يجهز الاغراض الباقيه
اما فهد وحور رجعو للبيت
تسريع الاحداث شوي
-
بيت ابو سلمان
بالليل في الجلسه مشغلين الكبس واقبالهم صحن حلا وقهوه
نطقت حنين :يمه تشوفين كيف الوقت سريع بكره ملكتهم
عيده :الله يكفينا شر الدنيا ذي
الكل :امين
دخل عليهم صقر ومشاري وقامت حنين بفرحه ونطقت :وصل وصل وصل وصل وصل وصل عريسنا
طلع مشاري غترته وحطها على راس صقر والباقي نزله كأنه لابس شرعه ونطق :قللوشش
ناظره صقر ونطق :شايفني عروس
جاهم الجد من عند الشيبان ونطق:يلا نوم ورانا بكره مشوار كود انكم ناسين ان الملكه مهي بالديره
هزو رووسهم بـ طيب وقامو كلهم ينامون
-
يوم الملكه
الصباح الساعه ٩:٣٠
صحى الجد ابو عبدالعزيز وشاف ساعته وكانت تشير على الساعه ١٢:٣٠ انصدم يوم شاف الساعه وصحى البيت بصراخه ان الوقت راح وهم مامشوا للشقه الي مستاجرينها
صحى فهد على صوته ونطق:اللهم صلي على محمد انت وش تصيح منه
تقدم منه الجد ونطق:ابك يافهد الوقت داهمنا الساعه ١٢:٣٠
وسع عيونه بصدمه ونطق:سألتك بالله ثوبي عند الكواي وغترتي قمنا قمنا
مد يده الجد له وبالفعل مسكها فهد وطلعوا يصارخون على البيتين بيتهم وبيت عبد العزيز
دخل فهد على حور بالغرفه ونطق:لو ملكتي اليوم والله مارقد قمي الوقت راح
قامت مفجوعه منه ونطق الجد :يالغبيه صدق انتي وراك ماتجهزتي
حور بتوتر من اشكالهم وصراخهم نطقت :الساعه كم ؟مو بدري!
كلهم بنفس الوقت مدو يدينهم ونطقوا بـ : الساعه ١٢:٣٠
ماصدقتهم لذلك مدت يدها لجوالها وناظرت فيهم ونطقت :الساعه توها ٩:٤٠؟؟
مد فهد يده للجوال وسحبه منها وناظر الساعه وكانت فعلاً ٩:٤٠
ناظر في ابوه ونطق:شسويت يبه شكلك كبرت وخرفت
ناظره الجد وضحك ونطق:كود اني خرفت ويبي لي حرمه تكفيني من بعد الله من الخرفان
ضحك بخبث وهو لقى له شي يمسكه عليه قام بسرعه ونطق :يماهههه
توسعت عيون الجد بصدمه ونطق:ياولد الكلب يافهد
-
بيت ابو سلمان
قامت هدى من بدري تجهز اغراض صقر واغراض فارس ومشاري
اما حنين جهزت اغراضها من الليل وهي تكلم البنات عشان تشغل نفسها وترتب وماتطفش
-
بيت نواف
صحى سلطان يركض من الدرج وهو بعض الخطوات يتركها من كثر حماسه
اما هناء من الطرب مشغله من لمن صحت
(عريسنا غُتره وعقال غطى على كل الرجال)
وترقص بحماس حتى جاها نواف وشاركها بالرقص
ضحك سلطان من شاف حماسهم وبدا يرقص معهم
ضحكت هديل على حماس امها وجابت جوالها وهي مستحيل تفوت اللحظه ذي
ناظرتهم مندمجين بالرقص وصورتهم وارسلت للبنات وتقدمت منهم ترقص
الساعه ١١:٠٠
بعد اتصال من العائلتين اتجهوا كلهم لـ جده وهي تقريبا قريبه منهم ساعه بالكثير ويوصلون للمكان المستأجرينه عباره عن فندق كبير في اكثر من شقه
حجزوا شقه خاصه للريجيل والشقه المقابله للحريم ..
وصل عايض واهله وبعده ابو سلمان ثم وصلو الباقين بالتدريج
-
بالشارع
العيال كلهم واقفين برا ينزلون الاغراض والي يسلم اما فهد ترك كل شي وركض لـ غيث ومشاري
فتح غيث يدينه واستقبل فهد بكل حب
ضحك فهد ونطق:ماقلت لك كأنها سنه علي!
ناظره مشاري ونطق:انت مشكوك بوضعك
كان بيتكلم فهد بس ضحك مشاري ونطق :خلاص خلاص بس عاني (شوف) اعلمك انت وياه ترانا بنردح ردحً قوي
غيث :الله لا ينكد علينا مشينا يمهم يلا
اما الحريم توجهو لشقتهم كانت عباره عن غرفتين ومطبخ وصاله وحمام يكرم القاري
نزل الكل عبايته وتقدمو يسلمون على بعض بعد السلام والسؤال عن الحال
دخلو البنات بالغرفه يرتبون اغراضهم
-
بـ شقه الرجال
دخل عليهم فهد يشيل ثوبه بـ كيس وغترته ونطق :يويل الي الاقيه عند ثوبي انا بطلع وسيم الليله
تقدم منه غيث ونطق :فهيد
ناظره فهد ونطق:على عيني وراسي غيث لكن لايمكن اني اسمح لك تخرب اغراضي
غيث:امش امش انت والعله الي وراك بنقول لهم نجيب الغداء ونفرفر
مشاري بتفكير :صدق ان اليوم ملكه بس لايمكن اننا نحرم انفسنا من الترفيه عن النفس
فهد بتأييد :صادق يلا انا بروح اقنع شايبي واجيب المفتاح واجيكم والا اقول تعالو معي
دخلو عليهم بالغرفه شافوهم منسدحين على سرير واحد ويسولفون
لف فهد على مشاري ونطق :اذا بتشك بوضعي شك في وضعهم والعياذ بالله
تقدم فهد
ونطق الجد ابو عبد العزيز :هب هب وش عندكم همس فهد بـ اذن ابوه عن الموضوع
ماكان من الجد غير انه نطق بنفسه همسه :والله انك تعقب تبانا نموت من الجوع وانت ماجيت
ورفع صوته ونطق :يـ نايف يـ فارس افزعو جيبو الغداء
وبالفعل توجهو يجيبون الغداء ماقعد بالشقه غيرهم الثلاثه
طلعو صقر وسلطان من الصالون بعد مارتبو من اشكالهم الي خفف دقنه والي نظف بشرته
-
عند البنات بالغرفه
ناظرت حنين بـ فستان لين المعلق بالدرج ونطقت :الله ليني وربي ذوق حتى لونه يجنن ونادر
ابتسمت لين ونطقت :صدق عاد لمن اخذته توترت خفت انه مايناسب بس بعد ماصورت للبنات قالو حلو
اما حور نطقت بمزح :خير خير امدحيني انا وش تبين في لين
ضحكت حنين ونطقت :وريني الفستان طيب !
تقدمت حور وفتحت الدرج لهم
ناظرته حنين ونطقت :والله ياحور بدون مجامل انتي كذا كيوته صعنونه والفستان مره حلو دقيقه ارسم شكلك بخيالي
ضحكو البنات من كلامها
ونطقت ريماس :والله الفساتين عجبتني بس باقي المسكات وينها ؟
اشرت هديل على الركن وكان فيه بوكس حجمه وسط فيه المسكات حقتهم
دخلت عليهم هناء ونطقت :يلا يبنات الغداء معاد معنا وقت!!
طلعو كلهم يتغدون نطقت منيره :انا حجزت لنا كوافيره نحنا يالكبار مادام ان البنات بيروحن لمشغل
نخلص بدري واهم شي نحنا نروح عشان نرحب بالمعازيم من بدري وهم يخلصون ويلحقونا
وافقتها عيده الرأي ونطقت هناء :الله يكتب الي فيه الخير
بعد مانتهو من الاكل وتنظيف المكان
دق فهد على توق يقول لهم يطلعون
قالت توق للبنات ان فهد برا ينتظرهم يطلعون له عشان يمشون للمشغل
اما حنين راحت لامها وقالت لها عن كلام توق
بس هدى قالت لها ان مشاري يقول تنزل معهم
وبالفعل لبسو عبايتهم وطلعو كلهم
جاب فهد السياره ووقفها قدام الباب عشان اول مايطلعون يركبون السياره وبالفعل كلهم ركبوا بالسياره ماعدا حنين الي وقفت تنتظر مشاري
جاء مشاري يركض ونطق :اركبي مع فهد
ناظرته بخوف وهي ماتعرف فهد مين اول مره تركب السياره مع احد غريب
رفع مشاري صوته :يافهد لاتروح اهلنا بيركبون معك
مسكها مشاري مع يدها حتى دخلت السياره
طلعت اخر شي معها ايلاف وريماس الي رحبوا فيها على طول
نطقت ايلاف ب ـ:يـا فهد شغل لنا شي يطربنا بسرعه
شغل لهم خالد عبد الرحمن بس ضربته هديل ونطقت :نبي شي يحمسنا مو خالد!!
مد الجوال لهم
واخذته ايلاف بسرعه قبل اي احد ياخذه
ضربته توق ونطقت :وجع ياهبلا كسرتي رقبتي
طنشتها ايلاف وشغلت لهم على إليسا نطقت بحماس :ارفع الصوت
رفع الصوت واشتغلت الاغنيه
(الفرحه الي انا فيه دي كلها ترجع لي...)
بدا البنات يصفقون ويغنون معها اما فهد سدد اذانيه بس من كثر حماسهم اخترق صوتهم اذانيه
وطفى المسجل ونطق:ليت الاصوات تحمس بس
ضحكت حنين بانتصار ونطقت :احسن طفى عليكم يعجبني شايفني ماقدر اخذ راحتي وترقصون وتغنون وانا مو معاكم !!
حور :فهد شغل خلاص ماراح نغني وعد
رجع يشغل وماكان منهم غير انهم يصفقون ويرقصون لحد ماوصلو للمشغل
-
اذان المغرب
وصلو الحريم القاعه لهم ساعه تقريبا وكذلك الريجيل كلهم عشان يستقبلون المعازيم
اما البنات للحين ماخلصوا باقي لهم بس شوي
بالقاعه رفعت ام سلمان وام عبد العزيز يدينهم وبدو يزغرتون :قللللللوووووش حياكم الله حياكم الله
تقدمت صالحه من ام سلمان وسلمت عليها ونطقت :سويتوها وزوجتوا صقر بنتً منعرفها !!
تغيرت ملامح عيده ونطقت :كل شي قسمه ونصيب وصقر توكم تذكرونه ؟
صالحه بحده :المفروض ياخذ سحر بنت عمه كل من جاء وخطبها رفضناه عشان البنت لولد عمها!!
علقتو نصيب البنت بس الشرع حلل اربع والله انه بياخذها الثانيه
ماردت عليها عيده وهي تدعي ان الله يعديها على خير
جاهلين عن شخص مايدري عن الي يصير بينهم ابداً
صحى من نومه واخذ جواله بيتصل عليها لعل وعسى ترد
كانت بتتصل على فهد يجي ياخذهم بس دق عليها رقم غريب
فتحت الخط بـ استغراب
نطق رعد بنبره ثقيله :مساء الخير ياوجه الخير
نطقت بخفوت:رعد؟
رعد :اي رعد
توق :عارفه انك رعد بس يعني رقمي كيف؟
رعد بهدوء :فهد اخذته من فهد وينك؟
توق بهدوء:في المشغل
رعد بـ استغراب :ليه ؟
توق :اليوم ملكه سلطان ولد عمتي هناء وحور بنت عمتي منيره
ماينكر انه زعل لأنها معتبرته هامش بحياتها نطق:اجي اوصلك؟
اخذت نفس وهي تحاول تكسر الحاجز بينهم نطقت :تمام تعال انا برسلك اللوكيشن
اما فهد اخذ البنات وتوق بقيت تنتظره يجيها
-
بالقاعه
في كثير من جارات عيده حضروا الملكه
بعد ماستأذنت حنين منهم اذا يدخلون البنات عندهم او لا بس البنات بالعكس ماعارضوا
جاتهم سهام وليلى معاها وبدو يسلمون على البنات
تعرفو على بعض
جاتهم هديل ونطقت :يلا يابنات المعازيم جو ! توق ماجات؟
سلاف :للحين ماجات طلعنا نحنا يلا
طلعوا البنات
نزلو البنات من الدرج المكان مره فخم كأنهم اميرات
ضحكت بخفوت ايلاف ونطقت:احس نفسي يابنات بطير من كثر الفرحه انتم ماتحسون انكم فخمين كذا الناس يطالعو فيكم
ريماس بعدم سماع بسبب الدي جي نطقت :ماسمعك ايلو وش تقولين؟
نزلو كلهم وسلمو على المعازيم
استغلت اغنيه واشرت الجده عيده للبنات يرقصن
ناظرتها سلاف ونطقت :وش في؟
اشرت على الكوشه وحركت يدينها
هزت راسها سلاف واشرت للبنات يرقصون
ايلاف وريماس كان منهم الرفض
وبالفعل اشتغلت الاغنيه وبدو يرقصون والتعزيز والتصفيق من الحضور وصراخ البنات زادهم حماس
اما توق نّزلت عبايتها ورجعت شعرها على ورا ونطقت :بنات كيف شكلي
لين :والله بيرفكت
ثم ضحكت حور وغمزت لها ونطقت:اعترفي ليه تأخرتي؟
حست بالاحراج ونطقت بضحكه :بلا استهبال انتي
اساسا انا طالعه وطلعت من عندهم
نزلت من الدرج لوحدها حست بـ خجل كبير من كونها تنزل لوحدها دائما مع البنات او امها
نزلت نظرها لفستانها ورفعته حتى ماتتعثر فيه لانه طويل سلمت على المعازيم واتجهت بطاوله البنات بعد مـ أشرت لها هديل تجيها
تقدمت منهم وسلمت على ليلى وسهام وعرفتهم حنين على بعض ((للمعلوميه حنين وهدى والجده يعني الحريم بالمعنى الكامل مايدرون عن رعد انه ماخذ توق او بالاصح توق ماتعرف عن علاقه رعد فيهم وانهم اهل ))
عند الرجال برا
قام فهد وغيث ومشاري
صفو جنب بعض ومقابلهم فارس وتركي وسعود رفعوا يدينهم من بدت الشيله الخاصه بـ اسم صقر وسلطان
بدو يتمايلون يمين ويسار مع الشيله
تحمس صقر واشر لسلطان يقومون وبالفعل قامو كلهم يرقصون مع بعض
الشيبان جالسين لحد مانطقت الشيلة بـ :يـاعيال الاكابر
تحمس ابو عبد العزيز وقام يرقص بالسيف حقه
قابله ابو سلمان وبدو يرقصون مع بعض
-
الحريم
ارسلت هناء توق وهديل يشوفون البنات لأن زفتهم بتبدا الحين
قامت لين ولبست فستانها كان لونه فوشي غامق
لبست الاكسسوار وعطرتها توق وبخرتها حور جابت لها مسكتها ولبسوها كعبها ناظرتهم بتوتر ونطقت :هونت
ضحكت توق ونطقت :مافي تهوين ابدا
صح انها تمنت تتملك كذا وتلبس فستان زي البنات بس نصيبها كان كذا هي الحين ماحسدتهم بالعكس فرحانه لهم كثير
جات هناء ونطقت :لين ادخل سلطان معك على الكوشه ؟
ناظرتها بخوف ونطقت :لا ياعمه طلبتك لايجي عندهم
ضحكت هناء على شكلها ونطقت :اجل خلاص انزلي لهم
توق :لا لا وش الي خلاص طنشيها قولي للحريم يتغطون وسلطان يكون عند الكوشه وهي انزل مع الدرج عاد اطلاله بتصير بيرفكت
لين بخوف :لا انا مابي
اخذت توق هناء وقالت لها لاتسمع كلامها
وبالفعل راحت لـ سلطان تقول له
كل المعازيم لابسين عبايتهم عشان دخول سلطان
واقف عند الباب ويحرم يدينه بتوتر واوقات يناظر بساعته
اول مادخل مع الباب زغردت ام سلمان وهديل معاها
ضحك سلطان ووجهه صار باللون الاحمر من الحياء الي جاه
رفع يده يعدل غترته بـ ارتباك تقدم وسلم على امه وجدته ومن الخرعه سلم على عيده الي غطت وجهها بـ حياء
ضحكت ام عبد العزيز ونطقت :والله انه مرتبك ومادرا عنك
اما هديل تقدمت منه وابتسم من شافها وحضنها على طول وباركت له
واقف على الكوشه ينتظر نزولها من على الدرج بدت الاضاءه تطفي بهدوء حتى صار المكان شبه مظلم والنور متوجه صوب الدرج عشان نزولها
طلعت لين من الباب بخوف وتوتر وقفت على الدرج وابتدت زفتها على الحان ادخلي عمري
طول بداية الزفه كانت واقفه على الدرج متوتره مره
بس من بدا يختفي اللحن بالتدريج جهزت نفسها للنزول
بدت زفتها ..
ادخلي عمري بخطواتك اليمين
اضوي ايامي وعتمه السنين
قره عيوني بشوفك مقبله
يالملاك اللين العذب الرزين
اسمعي نبضي ورا صوت الدفوف
كانت تمشي وكل الانظار عليها وصلت اخر الدرج ونزل سلطان من الكوشه ياخذها وبالفعل تقدم لـحتى وقف قدامها مسكها مع كتوفها وانحنى
يسلم على راسها
حست بالقشعريرة تسري بجسمها بدت تفرك يدينها بتوتر مد يده ومسك يدها البارده
ومشى للكوشه
صورتهم ريماس مع بعض وهي اسعد انسانه كونها تحب تشوف الناس متزوجين بس هي لا
على الكوشه واقفه جنبه وفرق الطول بينهم فضيع رُغم لِبسها للكعب العالي يدينهم جنب بعض بس مامسكها جابت منيره الخواتم لهم
سلطان اخذ دبله لين ومد يده يلبسها
مدت يدها برعشه بسيطه ولبسها الدبله
اعطتها منيره دبله سلطان ومد سلطان يده عشان تلبسه
لبسته الدبله من توترها مسكت يده بيدينها الثنتين
ضحكت هند وهي تعرفها تنلخم اذا توترت
وتقدمت منها تعدل وضعيه يدها ابتسم سلطان من حركتها وتمنى انها ماسكه صدره قبل يده
ولا واحد منهم تجرئ يمسك يد الثاني ، تقدمت منهم هديل وشبكت يدينهم مع بعض
شعور غريب داهمهم من تلامست يدينهم مره ثانيه
همس سلطان بـ اذنها :ليه يدك بارده
رفعت نظرها له هي تعرفه بس ماعمرها اهتمت لتفاصيل وجهه ابتسمت بهدوء ورفعت كتوفها بعدم معرفه
ماتدري انها مارحمت قلب سلطان بـ ابتسامتها العذبه ونطق بـ استعجال :متى تبين يكون زواجنا؟
ناظرت فيه بخوف ونطقت بتوتر ملحوظ:بدري
سلطان :لا والله انا ابيك ولو الود ودي اخذتك الحين
جلس سلطان تقريبا ربع ساعه وكان ناوي يكمل بس طردته ام عبد العزيز لأن الوقت راح وهو يبي يجلس معها
ساعدو البنات لين في الطلوع عشان يجهزون حور مايدرون ان حور لبست وجهزت بنفسها كان فستانها باللون السماوي وفيه بعضاً من الكرستال الفضي
حور اول ماشافت لين وملامحها المتغيرة بسبب توترها
ارتجف داخلها ونطقت ببكاء:ابي امي خلاص ماعاد ابي
انصدمت هديل منها ونطقت :وش الي ماعاد تبينه
حور :ماعاد ابي اتملك ولا اتزوج نادو امي سرعه
حنين :اسمعي ماتبين صقر يدخل عند الحريم عشان ماتتوترين ؟
هزت راسها سلاف ونطقت :اي صح عليك هي بس خايفه من الحضور ولا ليه توافق
تقدمت منها توق ونطقت :امسحي دموعك ترا ملكه مو زواج !!
مسحت حور دموعها وتقدمت منها توق وهديل بـ ابتسامه ونطقت هديل :تشوفين انك حلوه؟ مالك داعي تخربين على نفسك الحين انزلي وصقر خلاص تتفاهم معاه امه
هزت راسها بـ اي ونزلو البنات بعد مابخروها وعطروها
هدى قالت لصقر ينتظرها بـ غرفه العروس ٢وبالفعل وقف ينتظرهم
بدت الاضاءه تطفي بهدوء حتى صار المكان شبه مظلم والنور متوجه صوب الدرج عشان نزولها
طلعت حور من الباب بخوف وارتجاف وقفت على على الحان محمد عبده
نزلت من على الدرج من ابتدت زفتها..
صلو على طهٰ سيد المرسلين
واذكرو الرحمن سمو يابشر
السماء هاليله بالفرحه تزين
والسعد ينثر من نجومه عطر
بدت لا اله الا الله لا اله الا الله الف الصلاه والسلام عليك ياحبيب الله محمد
وقفت على نهايه الدرج وتقدمت منها حنين وريماس يساعدونها حتى وصلت للكوشه
بعد انتهاء زفتها تقدموا المعازيم يباركون لها لان صقر مو معها
همست صالحه بـ اذن عايشه ونطقت :ان موافق صقر ياخذ سحر الثانيه كلمي وليد يفضحه ويخطب حنين تسمعين
هزت راسها عايشه بحقد ونطقت : ابشري ياعمه
همست سحر بداخلها :والله ماتتهنين يالكلبه
-
على الكوشة
همست هدى بـ اذن منيره وهزت راسها منيره
وتقدمت تاخذها لـصقر
قدام باب الغرفه ناظرت في امها بتوتر
وابتسمت لها منيره تطمنها هي ماحسبت حساب انهم يخلونها معه بالغرفه لوحدهم
اول مادخلت عليه قفلت ، قفلت حنين الباب وناظرت في امها ومنيره والجدات ونطقت :السموحه ياحلوين بس ٥ دقايق وندخل عليهم
ناظرتها عيده بحده ونطقت :ماعاد به بنات
ضحكت ام عبد العزيز وهي معجبتها حنين من كلامها وسناعتها
بالداخل شافها صقر من دخلت عليه وهو ولا مره صادف انثى غريبه
تعالت انفاسها من شافته يمشي لها وارتجف جسمها من الخوف
تقدم منها صقر حتى صار مقابل لها
رفعت عيونها له وهي ماعاد تشوف من دموعها
انذهل اول ماشاف دموعها وانحنى لمستواها ومسح دموعها بيدينه ونطق بخوف :انتي مغصوبه علي؟
هزت راسها بـ لا
زاد بكائها بس انه كاتمته بس من نطق:خايفه مني
اول ماشافها بكت ضمها على صدره ومسح على ظهرها شعور غريب اجتاحه ونطق بحنيه:والله ماسوي لك شي لاتخافين
اول ماضمها رفعت يدينها ومسكت ثوبه حتى هدت من انفاسها من حست بالامان ماتنكر انها ارتاحت من ضمها
ضحك صقر ونطق :تعالي معي امسحي دموعك الحين يقولون مسوي فيها شي
ابتسمت من بين دموعها ومشت معه جلسها على الكنب واخذ له منديل جلس على ركبته قدامها ونطق :امسحي الدموع ترا بيدخلون
مسحت دموعها وضحك صقر على ردة فعلها وقام مسك وجهها بين يدينه سلم على راسها وجلس جنبها مسك يدينها ونطق:يابنت الرجفه ذي كلها ليه ترا بس ملكه لو انه زواج وش بتسوين؟
ارتعبت اول ماسمعت طاري الزواج وهي تحس نفسها مهلوكه
دقت حنين عليهم الباب ونطقت :ترا بندخل
ابتسم في وجهها يطمنها ودخلوا
تقدمت الجده عيده ونطقت :هلابك ياحبيبي قره عيني بشوفك عريس
قرب منها وسلم على يدينها وابتسم لها برضاء
تقدمت هدى وضمته بفرحه تشوفه بعيونها للحين صغير الايام سريعه صقر الصغير خطب وبيتزوج بعد!
مد يده ودخلت معاهم حنين
توجهت منيره لحور الي تبتسم لها والخوف مالي قلبها والارتجاف الي تحسه مو طبيعي
تعرف نظرات الخوف من عيونها وهمست : تعوذي من الشيطان ياحور ليه الخوف
وقف صقر جنب حور ومد يده يمسك يدها الي كانت ترجف كل ماتعالت انفاسها ضغط على يدها لعل وعسى تهدى
مدت يدها هدى تعطي صقر الدبله وبالفعل اخذها ومد يده يلبسها مدت يدها بارتجاف واضح بكل مره يحاول يلبسها ترتجف يدها
مسك يدها من معصمها وهمس :حور
تحاول توزن يدها المرتجفه بس ماتقدر تخفف ارتجافها
سمت عليها منيره ومسحت على ظهرها لعل وعسى يخف هالتوتر
ابتسم صقر من شاف ارتجافها ومد يده ولبسها الدبله رغم رجفتها
مدت لها هدى دبلة صقر واخذتها بيد مرتجفه ومد صقر يده ولبسته
كانت بتبعد يدها بس صقر ماترك لها مجال مسكها مع يدها لعل وعسى تهدى
صورتهم حنين لذكرى وعشان طلب البنات منها
عند البنات بالقاعه اشتغلت بأغنيتهم المفضلة وقامو بحماس يرقصون
ناظر صقر فيهم ونطق :يمه وش رايك بعد الأذن طبعا تخلونا لحالنا ؟
ناظرته حور بصدمه وهزت راسها بـ لا
تقدمت منه الجده عيده ونطقت :ماعاد به خبر زودتها انت!قم اطلع
ضحك صقر ونطق:طلبتك ياجده دقيقتين بس
ام عبدالعزيز:لتزوجتها اخذها عندك متى ماتبي الحين قم
ضحك صقر ونطق :ان تزوجت مابخليها تروح مكان بخليها عندي
اشرت حور لحنين تخليه يطلع من عندها ضحكت حنين عليها
وتقدمت تمسك يد صقر عشان تطلعه بس صقر سحب حور معه
ناظرته عيده ونطقت :انت صاحي
وقامت عليه بتضربه سلم على راس حور وطلع بسرعه
برا قامو العيال كلهم يجهزون يشرفون على العشاء حق الريجيل والحريم
شافوا كل شي مرتب ومنظم
-
العشاء
تقدم نواف ومعاه ابو سلمان وابو عبدالعزيز يرحبون فيهم على العشاء وبالفعل توجه الكل لصاله العشاء
بعد انتهائهم من العشاء دق نواف على هناء قال لهم ان عشاهم جاهز
توجهت هناء لدي جي وقالت لها ترحب فيهم على العشاء
شغلت لهم على (حياكم الله على العشاء )
وقامو الكل يتعشون
عند لين وحور بالغرفه
نطقت لين :ساعديني ياحور بنزل فستاني ابي الحمام يكرم القاري
تقدمت منها حور وساعدتها بتنزيل الفستان وتوجهت لين للحمام
كانت بتجلس بس دق الباب ولذلك توجهت تفتحه
اول مافتحت الباب انثى غريبه عليها اول مره تشوفها ابتسمت في وجهها ونطقت :اهلاً تبين شي
رفعت طرف حاجبها ونطقت:انتي حور حرم صقر؟
عالعموم حبيت اتعرف عليك واقول لك اني بكون شريكتك واسمي سحر اصير بنت عمه وشددت على بنت عمه ابتسمت في وجهها ونطقت :صقر واعدني انه ياخذك وبعدين ياخذني لاني طبعا مارضيت يكون علي احد فقرر ياخذك وبعدها ياخذني
ارتجف داخلها من الكلام الي سمعته وقفلت الباب في وجهها مستحيل تسكت ابداً ...
-
عند العيال برا
ضحك فهد ونطق :تنصحون بالزواج؟
صقر :انصحك به بس مايصلح للورعنه
رفع حاجبه فهد ونطق:شايف نفسك انت قم لأهفك الحين على وجهك
للحين يبتسم وهو اكثر شخص مستانس ماتكلم مع احد حتى مايخرب تفكيره فيها
تذكر اول مارفعت كتوفها بعدم معرفه ويدينها البارده
ينتظره غيث من اول ونطق بتخويف :سلطان !
التفت عليه سلطان ونطق:هلا؟
نايف:شكلها جابت راسك يـ ابو نواف
مارد عليه سلطان ولو الود وده يقوم يعجن نايف ليه يجيب طاريها قدامهم
قام صقر يتصل على حنين يسألها عن حور ورجفتها
توجهت لجوالها واتصلت على حنين تجيها
قفلت منها حنين ومشت لها اول مادقت الباب اتصل عليها صقر وفتحت الخط بتكلم
قام صقر يتصل على حنين يسألها عن حور ورجفتها
توجهت لجوالها واتصلت على حنين تجيها
قفلت منها حنين ومشت لها اول مادقت الباب اتصل عليها صقر وفتحت الخط بتكلم بس استغربت اول ماشافت دموعها ونطقت :حور تبكين؟
صارخت حور في وجهها ونطقت :انا تستغفلوني؟
تقدمت منها حنين ونطقت :حور اهدي نستغفلك بـ ايش فهمينا !
حور بعدم تفاهم :قولي له يعقب ياخذني ويطلقني الحين
اول ماسمع كلامها جن جنونه ونطق بعصبيه :حنين !
نطقت حنين بخوف :هلا؟
هدا من نفسه شوي ونطق :ابي اشوفها صرفيني
نطقت :تمام
طلعت لين من الحمام وشافت انفعال حور ونطقت :حور؟
تغورقت عيونها بالدموع وجلست على الارض بتعب ونطقت :اهخخ كك
جلست جنبها حنين والجهه الثانيه لين حاولو يهدون فيها بس ماتستجيب لهم وكل همها الحين البنت الي جاتها وقالت لها الكلام عن صقر
ناظرت حنين في لين ونطقت :لين ياقلبي عادي تدخلين الحمام يكرم القاري عشان صقر بيجي؟
هزت راسها لين بـ اكيد ومشت متوجهه للحمام
عند صقر واقف عند الباب من الجهه الخلفيه مشت حنين ونطقت بهمس :صقر ؟
رد عليها صقر ونطق :افتحي الباب
فتحت له حنين الباب وشافت المكان خالي مافيه احد ونطقت بخوف:تعال من هينا بسرعه ياصقر
دخل صقر عليها بالغرفه وشافها جالسه على الارض ويدينها على وجهها
تقدم منها وجلس قدامها على الارض وابعد يدينها من على وجهها ونطق :علامك؟
ناظرت فيه بحده ونطقت :ليه تاخذني طيب؟ليه ماخذتها هي واختصرت على نفسك من البدايه
ناظرها بـ استغراب ونطق:مين؟
حور بعصبيه :بنت عمك مسوي نفسك ماتعرف ؟؟؟
ناظرها بعصبيه ونطق من بين اسنانه :ماعندي معرفه عنها
حور بعصبيه : كذاب تعرفها انت كيف هي تعرفك اجل
ناظرها تتكلم ومانطق بـ حرف
ضحكت بحرقه ونطقت :شفت ماعندك شي تق...
ماكملت كلامها من قبّلها وكأنه يمتص غضبها منه شُعور غريب يعيشونه كلاهما
مازال مكمل حاولت تلتقط انفاسها وارتجف داخلها مدت يدها ناحيه صدره تبعده عنها
ابعد عنها وفرك وجهه لو بيجلس اكثر بتزيد رغبته
نطق :لاتخربين على نفسك واساسا علاقتي مع عمامي واهلهم هناك قاطعها مابينا غير السلام مانتي مصدقه اسألي حنين وطلع من عندها
اغلب المعازيم مشوا ماعدا ال تميم وال الجارحي
ركض فهد ونطق :يانايف تعال بنسلم على البنات )ورفع حواجبه بـ استفزاز ونطق:عاد الحين انا بسلم على كل وحده فيهم براحتي وماحد يقول لي اطلع يافهد وضحك عليهم بشماته
ناظره غيث ونطق:حبيبي ناسيني انا؟رايح معكم
طنشه فهد واخذ نايف وطلعو
قام سلطان ونطق :طلبتك ياغيث لاتخليه يتهنى بشوفتها خله يسلم عليها ويطلع
عبث :تبشر بالسعد لكن اذا رجعنا الديره وسحب جدي مني السياره وسياره فهد تعطينا سيارتك موافق؟
سلطان :والله لو تبي عيوني اعطيك بس اهم شي مايتهنى
لحقهم غيث
بالداخل دخلو العيال بغرفه لين وحور
نايف بـ ابتسامه :وش هالزين وش هالزين
ابتسمو البنات بخجل ونطق فهد :بسكم تمثيل ملينا
ضحكت ايلاف ونطقت:والله عاد فهودي صادق مسويات مستحيات لو انا برقص
رفع فهد يدينه ونطق: والله ماحد يعرف لي غيرك اي يابنت كفو
رفعت حواجبها ايلاف ونطقت :افا عليك اعجبك انا
فهد بتصفير نطق:رجاءً أعزائي الحضور الرجاء من جميع حبيبات قلبي يصفن بجانب بعضهن عشان اشوفهن بتمتع
جلس نايف على الكنب ونطق :حتى اللغه الفصحى مانت عارفها
وقفو البنات على جنب بِناءً على طلبه
فهد بقل حيله :ياربي انا اختار من فيكم كل وحده تقول الزين عندي
رفع نظره لـ ريماس ونطق:والله لو *** لتصورين بس بس ذبحتينا بالتصوير
ضحكت ريماس على كلامه ونطقت :خلاص ولايهمك
طلعت سلاف بعد ماجاها الاتصال من امها
-
مها
ناظرت فيها ونطقت :وين ايلاف ؟كم مره جاك اتصال؟
سلاف :فوق عندهم توني انتبهت يـ امي
مها :ناديها لي
هزت راسها بـ طيب ومشت لهم
طّلع فهد البنات بالغرفه الثانيه عشان غيث يدخل يشوف لين جلست ريماس جنب لين وهي تصور دخول غيث وفرحته لمن شاف لين بالفستان
ابتسم بعدم تصديق وتقدم منها بيسلم بس حضنته لين هذا اخوها ووحيدها
ضرب فهد على راسه ونطق:بس بس لاتصورين انتي معك مرض تصوير !!!
هاوشته ريماس بـ تعابير وجهها وهي ماتبي يطلع صوتها وهمست ؛مالك دخل!
ابعد غيث عن لين ونطق :بسم الله عليك تبارك الرحمن
وقفت ريماس قدام غيث الي يناظر لين بفرحه غريبه اخته تملكت !
جاهله وجوده بينهم فتحت الباب ونطقت :ايلاف ام..
ماكملت كلامها من شافت نظراتهم كلها صوبها
استغربت منهم ونطقت:وش فيه؟
تقدم منها فهد بسرعه ونزل عمامته وحطها على راسها ونطق :غيث هنيا
مغطي على راسها كأنها جنازه وطلع فيها للخارج
كحت سلاف من كثر ماكتمها ونطقت :بس كوفنت راسي صح
فهد بغيره :عسى اهم شي مايشوفك والحين انقلعي البنات هناك
فركت راسها ومشت تنادي ايلاف لـ امها
ناظرته لين من اول مادخلت لحتى ماطلعت وهمست له :كشفتك ياغيث
حك راسه بـ احراج ونطق بمحاوله تغيير الموضوع :يلا يلا مشينا جهزو الاغراض بنطلع
تقدمت مها من ايلاف ونطقت :من متى وانا مرسله لك سلاف تناديك حسابك معي انقلعي هاتي جوالي بسرعه
جابت الجوال لـ امها وطلعت مع فهد بالسياره
نفس ترتيبهم اليوم بالمشغل معاه
اما ام سلمان وام عبدالعزيز وهدى ومنيره مع نايف
والباقيات كل وحده مع رجالها
توكل سعود على الله واخذ الشيبان معه حاولو فيه العيال يروح معهم بس هو رفض واحتج انه ياخذ الشيبان حتى يسولفون وينشغل عن التفكير
بعد ماوصلو للشقه كل واحد نزل اغراضه يستعدون للنوم بعد يوم متعب
اما البنات دخلو الغرفه وقفلوا الباب عليهم وابتدت كل وحده تقول سالفه عن الي صار اليوم ويمسحون مكياجهم
ضحكت حنين ونطقت :شفتو كبيره السن الي تناظر لابسه فستان لونه اسود تراها جدتي انا وصقر والي معاها حرمه عمي وبنته سحر
حست بمغص من طاري اسمها واخذت شهيق زفير مسحت مكياجها ونطقت :مابلعتها سحر الله وكيلك
ضحكت هديل ونطقت :عشانها بنت عمه
ضربتها حور بـ ماء المكياج
صرخت هديل وبنفس الوقت تضحك ونطقت :تغارين لا لا ماعرفتك
دخلت عليهم ام عبدالعزيز ونطقت :بس عيب بتسولفون سولفوا بهدواه انتم بنات
هديل بهمس :خلاص خلاص بنام الحين
طفت عليهم الانوار ونطقت :نوم الهناء وطلعت من عندهم
انصدموا البنات من فعلتها وهم ماحسبوا حساب انها بتطفي الانوار
انفجرت ريماس من الضحك وهي ماعاد تتحمل اكثر
سلاف:خلاص انا اقولكم مايحتاج نشغل النور وحده منكم تشغل نور جوالها
رفعت يدينها توق ونطقت :ليه تجيبون جوال وانا عندكم
بققت ايلاف عيونها وناظرت بـ ريماس وانفجروا ضحك
ضحكت حنين ونطقت :لا واضح الفصله اقول قمي انتي وهي ناموا
كان فيه ثلاثه أسره (٣سرير ) جمعوها البنات مع بعض ونامو كلهم
-
صباح اليوم الثاني "بيت اول مره نزوره"
ضربها حتى خرج الدم من شفتيها لم يقتنع لذلك تقدم منها وسحبها مع شعرها حتى وقفت رغم قصر قامتها ألا انه اقترب من رقبتها وقبض عليها بيدينه الثنين ورفعها حتى اصبحت مساويه بطوله
احّمر وجهها ونطقت من بين انفاسها :س س ساع ساعد انا اخ اختك
ابعد يدينه عنها ثم سقطت على الارض بتعب من بعد وفاه والديها لم يتركها يوماً بدون ضرب
قرب منها لـ حتى ماصارت انفاسه تلحف في وجهها ونطق:سلطان وتزوج البارح وانا من زمان اقول لك اقنعيه وخليه يتزوجك بس انتي خسيسه يالخسيسه! بس صدقيني الحين وغصبن عنك بتروحين لـ خاله
هزت راسها بـ لا ودموعها تتساقط سحبها من شعرها ونطق :موتك على يدي
كعادته اذا لم تنفذ مايريد يحرق جِسمها بالنار
ناظر الحديده اصبحت حمراء ونطق:المره الجايه بتكون وسم واشر على غمازاتها ونطق :هينا بالتحديد رح يكون
صارخت بـ الم من حست بالحديدة في بطنها
ونطقت : حرام عليك
بـ كل مره يحرق جزء من جسدها يغمى عليها
تركها بالمطبخ وطلع
جلس بالصاله وضرب نفسه وبكى بصوت عالي :يمه يبه ليه تتركوني
مو حل انك تفرغ طاقتك بـ احد مو حل انك تعذب احد او تنكد عليه يومه بسبب انه مانفذ كلامك المطلوب
ميل على الارض بتعب ونطق :سامحيني يـ منار سامحيني
في الشقه حقت الرجال...
نطق ابو عبدالعزيز :يازين الديره واهلها ماهو هينا مكتومين ضاغط المكان علينا
ابو سلمان :الديره حتى الهواء تشمه وانت جالس بالصاله من البراد الزين
اشر فهد لـ مشاري بـ انهم كذابين
ضحك مشاري على حركته ونطق ابو عبد العزيز :شفتك ترا تبي تكذبنا ؟
فهد بتمثيل الصدمه :يايبه وش قلنا انا اسولف مع مشاري بـ سالفه وانت نطيت الله يهديك
ضحك نواف ونطق:صادق ياعمي انا شفته يهرج في مشاري مايقصدكم
ابو سلمان بنص عين نطق:ابك والله انه نسخه الي جنبه
اول ماجاهم غيث توه صاحي من النوم نطق :وهذا معهم
تقدم غيث وجلس بين مشاري وفهد وصارو ثلاثتهم يناظرون ابو سلمان وابو عبد العزيز
ناظر فيهم غيث ونطق:انا جيعان وين الاكل
ابو عبدالعزيز:جوع جدي
رفع نظره غيث له وهو ماله خلق ابدا اخذ نفس عميق
لف على مشاري الي عطاه خبز ونطق:الحين يجيبون الفطور وافطر يابعدي
وايضا راح فهد يجيب له ماء
ناظرهم غيث بنص عين غريب منه يدلعونه ؟
رجع تكى مشاري على الكنب وضحك من شاف ابتسامه فهد وهو يغمز له
رفع ابو عبدالعزيز كاسه الشاهي قباله ونطق:نفطر الحين ونمشي
ناظره عايض ونطق:لاتضيق خاطرك يايبه كلها اسبوعين ثلاثه بالكثير والاجازه جايه ونجيك نونسك
رفع ابو سلمان يده ونفضها دليل على شتم العلم والوظايف الي ابعدتهم عن بعض
اكل الخبز بهدوء ورفع كاس الماء بيشرب من كثر عطشه يشرب ومو مستوعب الكميه الي شربها ماتحمل وعلى طول قام بسرعه متوجهه للحمام
نواف بـ استغراب :هو علامه ؟
رفع فهد ومشاري كتوفهم بعدم معرفه ومشوا له قبل مايفضحهم قدامهم
سلطان..
للحين على وضعيه نومه ولاتحرك للحين يتخيل شكلها البارح اعجبته حيل واسرته اكثر من ابتسمت له
رافع جواله ويصوره ومبتسم من ابتسامته ونطق بهمس :سلطعون اصحى
حرك حواجبه سلطان ونطق:همم صاحي
في الحمام يكرم القاري
-
غيث
يفرغ مافي داخله رغم جوعه لكن يريد ان يتقيأ من طعم الملح في جوفه
رفع نظره وعيونه صارت حمراء رفع نظره لهم وضحكوا الاثنين وطلعو لهم
ماله حيل يناقشهم وطلع معهم بس في خاطره ان بيردها لهم
جابوا العيال الفطور وقسموه بين الحريم والريجيل
-
الحريم "هند ونوره "
صحوا من بدري بعد ماقالو لهم عن الفطور بيجي الحين سوو لهم براد شاهي وارسلوه لهم والحين شاهيهم على وشك الاستواء
جهزو اغراضهم وعلى طول تقدمو يفطرون عشان يمشون لبيوتهم وبالفعل من انتهوا من الفطور توجه كل واحد فيهم لبيته
مرت عليهم الاسابيع الثلاثه كلمح البصر روتينهم المعتاد يتكرر
كان ينتظر اتصال واحد منها وكل مادق جواله يفز من مكانه يحسبه رقمها بس يفقد الامل مره ثانيه رُغم اتصالاته المتواليه على رقمها لكنها مافكرت بيوم انها ترد عليه من شده تفكيرها
-
توق
جالسه بغرفتها اظافيرها قد اوشكت على الخلاص من كِثره توترها وخوفها اكلت البعض منها
معقوله هو قاتل ؟
وليه يقتل اهله طيب ليه الكل مايحبه
-
قبل مرور ايام
عبدالعزيز.:اقنعها بـ اي شي اهم شي يطلقها انا ماعدت اتقبله
تركي :وش اقول لها مثلاً ؟
عبدالعزيز:هي تخاف من الدم والمافيا صح انا ابوها وانت اخوها بس نحنا نبي لها الخير ونبي مصلحتها واقص يدي من مكانها انه ماقرب منها ولا لمسها رح اقنعها بأنه قاتل سو اي شي تصرف
تركي
اقتنع بكلام ابوه وكل همه الحين مصلحتها منه
دق باب غرفتها ونطق:ادخل؟
نطقت من خلق الباب :اي
دخل عليها تركي بمحاوله انه يلمّح على شي ونطق :غريبه ماصرتي تطلعين واجد ؟وغمز لها وداخله خوف ونطق:ليكون حامل؟
ارتجف داخلها من هالكلمه ونطقت :مين انا ؟
ضحك تركي وايقن ان كلام ابوه بمحله ونطق :اي اجل انا
هزت راسها بـ لا
نطق تركي بـ:توق ادري ان رعد زوجك بس ابيك تعرفين حقيقته
استنكرت كلامه ونطقت ؛حقيقه ايش؟
تركي:رعد قاتل اهله كلهم عشان كذا مالهم وجود بحياته انتي ماسألتيه عنهم؟لازم تطلبين الطلاق منه
معقوله قتل اهله اكيد بيقتلها اذا اهله فرط فيهم اكيد بيفرط فيها
ارتجفت بشكل يوجع القلب من كلامه
نطق :خليه يطلقك
راود مُخيلتها كلام ابوها لها وهو مصر على الطلاق كثير
كان يكرر عليها الكلام غير راحم لها
ارتجف جسدها كامل ، اندهش اول ماشافها ترجف انصدم منها كانت غير قادره على الكلام معقوله تكون نوبه هلع؟
تقدم منها بسرعه وهزها ونطق:توق بنت
تناظر في عيونه اكيد يكذب عليها تحاول تتكلم لكن رجفه فكها غلبتها ولاقدرت تتكلم غير ان دموعها نزلت بصمت
رفعها بسرعه ومشى متوجه فيها للمستشفى
بعد المهدئات رجعت لطبيعتها لكن اثر الموضوع يخوفها وكثير بعدما اعطت الدكتوره تركي وصفه العلاج واخذ توق ومشى للبيت
-
نرجع للواقع
ابعدت يدينها عن بعض وهي تعرف رعد مُستحيل يسوي كذا هو حنون وبعدين لو قتل صح ممكن الحبن يفصلونه من شغله وينسجن او ينقص
قررت انها تغير نفسيتها ولاتصدق احد إلا اذا سمعت له
تقدمت من درج ملابسها اخذت لها بجامه باللون الابيض مخططه من الزوايا باللون الاصفر والاخضر ويوجد بعضً من صور الكرز عليها توجهت للحمام يكرم القاري
قامت بتشغيل الماء لأزاله الافكار السلبيه من مُخيلتها واتخاذها قرار ان تعرف حقيقته
تقدمت من المرايه رطبت يدينها ورجولها
رفعت علبه العطر واخذت ترش على كُل زاويه من جسمها اخذت نفس براحه وتقدمت من بودره الاطفال رُغم كبر سنها لكن لازالت تعشق رائحه البودره قد تذكرها بالنظافه دوماً
رفعت المشط وقامت بتمشيط شعرها وتركته يسترخي على اكتافها بـأريحيه
توجهت لسريرها ناظرت بساعه جوالها وكانت الساعه ١٢:٣٠بمنتصف الليل قرأت ماتيسر من القران وذهبت في سبات عميق من النوم
-
رعد
قرر اليوم يقابلها وغصبن عنها رضت او لا
اخذ رقم فهد من فارس لان ماحد بيساعده غير فهد
-
الصباح في بيت ابو عبدالعزيز
ام عبدالعزيز:ابشري ابشري ياقلبي
ام سلمان :كلكم تجون كبيركم وصغيركم
ضحكت منها ام عبدالعزيز ونطقت :مالك الا الي يسرك مع ان اخر مره جيناكم بس مابردك وقفلت منها قالت لهم الجده ام عبدالعزيز عن كلام ام سلمان
واستأذنت منهم حصه عشان تقول لـ توق تتجهز من الحين
-
توق
وكأنها تنتظر اللحظه ذي وتقوم تغير شكلها كلياً فرحت بشكل غير معقول لأنها طوال الاسابيع الي فاتت كاتمه على نفسها وامس اطلقت سراحها
ووعدت نفسها تفهم منه دقت على حور سناب وفتحت الكام وبدو يشوفون الملابس المناسبه عشان يطلعون
حور اختارت فستان باللون الاحمر عاري الكتفين يصل لنصف الساق
توق اختارت فستان حرير باللون البيج يصل طوله لركبتها
ومشت كل وحده فيهم تتجهز
-
رعد
قرر انه يتصل على فهد وبالفعل اتصل عليه
رعد:سلام طيب
عرفه من صوته ونطق:هلا بالنسيب بخير وانت؟
بعد سؤالهم عن احوال بعض نطق رعد بـ:طلبتك يافهد
فهد بفزعه :ابشر بي أمر
قال له رعد عن الي يبيه وابتسم فهد من قلبه اكثر شي يعجبه يجمع طرفين ونطق:احتزم بس عندنا عزيمه الليله بعطيها اي حجه واخليها بالبيت وانت خلك قريب عشان اول مانمشي تدخل عندها
-
بالليل بالعزيمه
الجد ابو عبدالعزيز بصراخ:انتم وين رحتو يلا مشينا
انتشرو كلهم بالاماكن من سمعو صراخه وكل واحد توجه للسياره
اما توق وحور قال فهد انه بياخذهم معه وبالفعل انتظروه لحد ماجاء
في السياره ناظر فهد بالمرايه واشر لحور
حور بعدما فهمت عليه نطقت:توق امانه نسيت اقول لك قبل مانمشي اعطيني حلق من حلقك
توق:اوف منك حور توك تتذكرين
حور بزعل :خلاص مايحتاج مشينا بس
توق بـ استعجال :لا لا لاتزعلين الحين بنزل
من شافها فهد دخلت بوابه بيتهم حتى كّبس بـ انوار سيارته وتقدم رعد ونزل من شباك سيارته ونطق:معروفك ذا ماينسى مشكور فهيدان
فهد:على الرحب والسعه عزيزي ومشى هو وحور العزيمه
-
توق
دخلت غرفتها وفتحت درجها بسرعه تدور حلق وبالفعل اخذت لها حلق باللون الفضي ومشت لهم
اول مافتحت بوابتهم انصدمت من الي شافته قدامها
فاتح شباكه ويناظر جهه البوابه مسوي على راسه عصبه بغترته الحمراء ابتسم لها اول مالمحها تطلع من الباب
قفلت البوابه وناظرته وهمست :فهد وين؟
اشر لها تركب معه ناظرت فيه بخوف وتذكرت انها بتكسر الحاجز الي بينهم ومشت متوجهه للمقعد الي جنبه ومشى فيها متوجهه لبيتهم طول الطريق ساكتين ولا احد منهم بادر يتكلم لحد ماوصلو ونطق رعد:انزلي
نزلت بهدوء ومشت معه للداخل
جلس بالحوش على الكنب اما هي دخلت الغرفه ونزلت عبايتها ناظرت نفسها بالمرايه وابتسمت بخفوت رجعت اخذت من عطرها وتعطرت وطلعت له
شافها تمشي يمه حاول قد مايقدر يكون ثقيل وزعلان عشانها ماترد عليه
جلست بالكتب المقابل له وظلت تناظره ويناظرها
بعد ثواني من النظرات نطق :ليه ماتردين على اتصالاتي؟
رمشت بهدوء ماعندها اي مبرر تقول له
رعد بسخريه :تتغلين؟
هزت راسها بـ لا
هز راسه بـ اسى تعب منها كل يوم يحاول يحسن علاقتهم بس هي ماتبي القرب منه
نطق :ودك بالطلاق طيب؟ولا تبين شريكه انا مافهمت عليك فهميني تعبت ياتوق ارحمي حالي
انتفض جسدها من نطق بكلامه ونطقت بغيره واضحه على ملامحها :ماله دخل الكلام ذا
تعالت انفاسها كون يجي شريكه معها وتشاركها فيه وفي ادق تفاصيله قامت من مكانها وتوجهت له
ناظرها تمشي بالقرب منه وسأل الله الثبات
اول مره تتجرأ وتقرب منه جلست بـحضنه بخجل واضح عليها ونطقت من بين انفاسها :انا وبس شريكه مافي
ابتسم بداخله على غيرتها الواضحه ونطق:انتي ماتبين قربـ..
ماكمل كلامه من طبعت قبله على طرف خده ومسكت ثوبه من عنقه بخجل عارم كانت نظراته واضحه لها لذلك دفنت وجهها بصدره بحياء شديد
-
فهد وحور
وقف سيارته قدام باب البيت واشر لها تنزل وبالفعل نزلت وتوجهت داخل البيت وحرك سيارته لهم
-
عند الحريم
من بعد ماتكلمت لهم الجده ام سلمان عن حور وانها حّرم صقر كانت النظرات كلها مصوبه ناحيتها ناس تذكر ربها وناس الحسد والحقد يطلع من عيونهم
سعدى:كم عمرك يابنت
اشرت حور على نفسها بمعنى انا ؟
هزت سعدى راسها بـ ايه
حور بهدوء :داخله ١٩
سعدى بصدمه :ليه تاخذين الشايب طيب مفروض تاخذين لك واحدً صغير
ماردت حور عليها ونطقت حنين بهمس :معليك منها عجوز النار شرايك تجين معي
ناظرتها الجده بنظرات تحرق ونطقت :الشرهة ماهيب عليك على الي يدورك ويهزمك اكلتي الناس اكل المفروض ماتقولها كذا قدام الحريم لكن من غبنتها قالت الكلام
-توق رعد-
شعور غريب داهمه من مُبادرتها وبقت عيونه تناظر فيها بحضنه رفع يدينه وحاوط خصرها ونطق بهمس :ارفعي راسك
دفنت وجهها اكثر من التوتر والرهبه يد على خصرها والاخرى رفعها لرأسها يرفعه
ناظرت في عيونه والخوف تمكن منها ماعاد تقدر على الابتعاد ارتجفت داخلياً وكأنها تدخل في نوبه هلع لامُحالاه!
رعد بحنيه :ليه ترجفين
تجمعت الدموع بمحاجرها ماتحمل يشوفها بين يدينه كذا ورفعها معه توجهه لغرفتهم
وضعها على السرير ورفع المفرش يغطيها عن البرد وكان بيمشي بس رفعت يدها ومسكت يده تمنعه من انه يروح هي تبيه يطمنها ومايزرع بينهم الخوف
اول ماحس فيها تمسك يده لف لها وشد على يدها بهدوء
نطقت بعبره :رعد
رعد :عيونه
ناظرت فيه بعيون راجيه منه البقاء واشرت على الجهه الثانيه من السرير ونطقت :تجي هنا ؟
هز راسه بـ ابتسامه ونطق:ابشري
فك عصبه راسه ورمى بغترته على الكنب واتجه جنبها على السرير
لفت بحيث تصير مقابله له ونظراتهم صوب بعض
مابينهم غير نظرات العيون يتمنى انها تبادر ويقطع البعد بينهم بس يخاف انها تنفر منه زي كل مره
ابعدت المفرش عنها وتقدمت منه
حرك حواجبه بـ استغراب من فعلتها وناظرها بنظرات غير مفهومه
مدت يدها لكتفه وارخته بـأريحيه بحيث تكون كتفه متساويه مع الكتف الثانيه
رفعت طرف المفرش من عنده ووضعته على اكتافها
مدت يدها بهدوء ووضعتها على صدره من اليمين وراسها وضعته بـأريحيه على جهه صدره اليسار لأول مره تبادر وتحضنه
تسارعت دقات قلبه من فعلتها يحس بجسمه يحترق نطق من بين انفاسه :ارحمي حالي طلبتك انا ودي بقربك لمـتى البُعد؟
مسكت طرف ثوبه مع خصره بارتجاف تسارعت انفاسها ونطقت :رعد انا خايفه
مد يده ناحيه كتفها ورفعها له بحيث وجهها مقابل وجهه نطق بحنيه :ليه الخوف
بلعت ريقها بهدوء وسندت جبينها على جبينه يحس بجسده كله يشتعل نار من حراره جوفه وهي بالمثل
رعد :ابعدي عني ياتوق يحرم علي اني احاول ماقربك بس انتي تجبريني لذلك ابعدي
ماردت عليه جبينها على جبينه ويد خلف عنقه والاُخرى تمررها على شاربه
ماعاد يتحمل اكثر رفع يده وحاوطها بشده وو
.
.
"ياوطن قلبي وغربه ناظري"
"يا اختياري ياصوابي ياخطاي "
.
.
حنين وحور
.
دخلت حور بالغرفه ونطقت :سِهام وليلى وينهم غريبه ماجونا هينا؟
ابتسم على شكلها وطريقه كلامها وتنهد
ماردت عليها ولفت بـ استغراب وهمست بـ :حنين؟
وقفت على الباب خوفاً من انه احد يجي ويشوف صقر
لفت من حست في احد وراها وشافته صقر ارتعبت من شافته وابعدت بسرعه متوجهه للباب بتطلع
اقترب منها وسحبها مع يدها ونطق:وين والله ماسوي لك شي بس ابي اشوفك
نطقت بحده:تبي تشوفني تعال عند جدي وكلمه تشوفني من وراهم لا !!
ماينكر انها اعجبته وكبرت بعينه ونطق:تراني حلالك اقدر اسوي فيك الي ابيه واشوفك بعد
استنكرت كلامه ونطقت:سويت عرس ؟لا صح مايحق لك تقربني الحين وش يضمني ماتتركني بنص الطريق
فتحت الباب بحده وطلعت منه شافت حنين واقفه قريب من الباب ونطقت:ثاني مره اعطيني خبر اذا بتخلينه يقابلني!وطلعت من عندها بزعل
دخلت عليه حنين بالغرفه ونطقت :وش سويت فيها ليه معصبه؟
ابتسم صقر ونطق :والله انها كبرت بعيني ياحنين ولا قربتها
حنين بـ استنكار :كيف يعني مافهمت؟
صقر بـ ابتسامه ولا شي وطلع من عندها لف عليها ونطق:شوفي لي طريق بطلع
جلست بجنب امها ونطقت من بين انفاسها :يمه متى نمشي؟
منيره بـ استغراب؛ليه
حور بعدم توضيح لذلك ابتسمت لها نطقت:احس طفشت
منيره :العشاء الحين بيجي نتعشى ونمشي ان شاء الله
-
الرجال
جالس جنبه ويناظر بالرايح والجاي همس :ذا ولد من ؟
مشاري:ولد ابو ناصر والله يافهد ضعيف ابوه بس على التنفس الاصطناعي ومريض حتى امه ميته وماعنده خوات الله يعينه بس تصدق ان ابوي يفكر انه يعطيه اخت صقر
تغيرت ملامحه وجهه همم بكلمات غير مفهومه
وابتسم بربكه ونطق :الله يوفقه
جاء العشاء وبدو يتعشون حريم وريجيل
بعد مانتهت من العشاء ارسلت لـ فهد كان ينتظر احد يرسله اهم شي يطلع من المكان يحس ان الارض ماعادت تشيله
-
السياره
يمشي بسرعه لفت عليه حور ونطقت:فهد شفيك هد السرعه
التفت عليها ونطق :ابشري ابشري
هدا من سرعته والتفت عليها ونطق بهدوء ورجاء امل :حور بسألك صقر كم له خوات يعني تعرفينهم ؟
هزت راسها حور بـ ايه اعرفهم بس وحده وهي حنين الي راحت معانا ذاك اليوم للمشغل تعرفها؟ بس غريب ليه تسأل؟
تسارعت دقات قلبه ونطق:اها بس كذا
حور :كذاب يافهيد مصير اعرف خبر اليوم بفلوس وبكره ببلاش
اشر عبدالعزيز لـتركي يناديهم وبالفعل توجه لهم
يقول لهم عشان يجهزون
-
الحريم
نطقت ام عبدالعزيز:بإذن الله ياعيده يوم الجمعه الي بيجي العرب بيكونون في اجازه على الاقل نطلع لنا طلعه نجتمع فيها وقلي لحريم عيالك معك فمان الله
نايف اخذ امه وابوه ومنيره
تركي اخذ ابوه وامه ومشوا
-
سيارة عبد العزيز
نطقت حصه:استغربت من توق راحت مع رعد!
احتدت نظرات عبدالعزيز وتركي بالمثل نطق عبدالعزيز من بين اسنانه :وين قلتي من اخذها؟
حصه :رعد
ضرب تركي على الدركسون بقوه ونطق :سواها الكلب واخذها والله ماخليها له
ومشى بسرعه متوجهه لبيتهم نزل امه ونزل معها دخل غرفته بسرعه وفتحه درجه واخذ وطلع بسرعه لابوه بالسياره ومشوا متوجهين للشاليه
-
بيت ابو عبدالعزيز "بالجلسه "
جالس يناظر بالخلا تقدم منه ابوه ونطق:فهد؟
ماكان منه رد
جلس ابوه جنبه وشده مع شعره بمزح مستحيل يكون فهد دائما فهد يحارشه ويمازحه ولو الود وده اكله من كثر حبه له بس غريب ليه ساكت؟
نطق:علامك؟
ماكان منه رد غير انه توسد حضن ابوه وتنهد تنهيده غريبه نطق الجد:بسم الله عليك استودعتك الله انت علامك وانا ابوك
مارد عليه وظل على الوضع ذا تقدم منهم نايف اول مره يشوف اخوه ساكت ومستكن ناظر ابوه ونطق:علامه
رفع الجد اكتافه بعدم معرفه ونطق:تعال ساعدني بنوديه يمرح (ينام)
تقدم منه نايف وبالفعل اخذه للغرفه ينام
هواجيس الليل ماتخليه ينام يفكر في اول لقاء لهم اول مادعست عليه ابتسم بداخله بـ انكسار ونطق؛امداك تحبها يافهد
نطق في داخله :اذا تحبها لاتخليها لغيرك مهما صار نام وهو يقنع نفسه انها تكون له ومو لحد غيره
..وقف قدام باب الشاليه ..
ونزل من السياره وابوه معه اليوم بيطلقها وغصبن عنه
عبدالعزيز رفع يده وضرب الباب بقوه ونطق:توق
لف وشاف سياره رعد وعرف انها بالبيت
رجع يضرب الباب ونطق :توق
دافنه راسها بمخدتها ، طلع من الحمام يُكرم القاري واستغرب الصوت ناطر فيها على السرير متكوره على نفسها وابتسم من شكلها
نسى الصوت واول ماتقدم بجنبها على السرير رجع الضرب يستمر الحين ميز الصوت ذا صوت ابوها
ناظر فيها ونطق بداخله :والله ماحد ياخذك مني
التفت عليه برعب ونطقت :فيه صوت صح؟
تقدم منها وحاوط وجهها بين يدينه ونطق :ماحد ياخذك مني انتي تبيني صح
هزت راسها بخوف
نزل من السرير وبسرعه طلع من الغرفه
ارتعبت من تصرفه ولبست روبها الطويل ولحقته
فتح الباب وعلى طول دخل عبدالعزيز ووراه تركي
نطق عبدالعزيز بحده:وينها؟
رعد ببرود :من؟
تركي بعصبيه :وين توق اخلص مامعنا وقت نبي البنت بنمشي
رعد :قصدك زوجتي لا خلاص ماشبعتو منها يعني صار دوري وغمز لتركي كي يغيضه
تقدمت منهم برعب وهمست :يبه تركي؟
عبدالعزيز بنظرات مرعبه :البسي عبايتك انا ياخذك معي الحين ماتجلسين مع ولد الشوارع انتي
هزت راسها بـ لا وابتعدت خطوه على الوراء
تقدم منها تركي بعصبيه ونطق :وغصبن عنك والله لو جعل بيننا محاكم ماعاد يطولك ولايشمك
ابعدت حتى لصقت بظهره وتمسكت بطرف تيشرته من وراء وتخبت كلها وراه خوفاً من انهم ياخذونها او يمنعونها عنه
ضحك بسخريه ونطق:تتخبين وراه من ابوك واخوك كفو عليك وانا اخوك كفو
نطق رعد :مانبي مشاكل انت ابوها وهو اخوها ونحنا متزوجين وكل شي بينا بالحلال تفرقون بينا ليه انا مافهمت
تركي بحده وكره :الي تفهمه انك ولد شوارع ومالك اصل فهمت يعني كيف يالقاتل
ماتحمل كلامه الي قاله ماله اصل وقاتل؟
تقدم منه بسرعه ولكمه بقوه على وجهه
ابتسم تركي ونطق:قد حركتك الي سويتها؟
تقدمت منهم بسرعه تحاول تبعدهم عن بعض بس كل واحد اقوى من الثاني
شافت تركي اخوها متمدد على الارض ورعد فوقه يضربه كان مايحس من كثر قهره هو قليل اصل؟وقاتل بعد
نزلت على الارض مسكت كتوف رعد بدينها الثنتين تحاول تبعده عنه ماكان يحس عليها ولو يحس مُستحيل يخليها تعيش الخوف ذا
ضربته بقهر على ظهره وصارت تبكي بصوت قوي
جاء بسرعه من برا وضربه على ظهره بقوه
انصدمت من فعل ابوها وشهقت بخوف ونطقت برجاء :يبه طلبتك لا
اول ماشاف حالهم ماكان منه غير انه يروح لسيارته وياخذ عصا تسمى بـ(العجراء)
لف وعيونه كلها شرار حط يده خلف ظهره ونطق بـ اه مكتومه
تقدمت منه بسرعه ومسكته مع يده ونطقت بخوف وهمس :رعد خلاص قوم لاتسوي شي رعد اهدى
وقف على حيله مُبتعد عن تركي الي وقف ينتظره ونطق :موتك على يدي ورجع نطق بتشديد يـ:ولد الشوارع !
ناظر فيها كانت تناظره بنظرات ترتجي منه مايسوي فيه شي
مد يده بهدوء محاوله تطمينها شدت على يده
وكانت اللحظات ذي كلها بينه وبين ابوه
حط يده بجيبه ونطق :جاء الوقت المناسب يارعد
طلع المسدس وبسرعه منه رفعه في وجهه
انصدم اول ماشاف المسدس وصلت فيه يعني؟يقتله!تقدم لحتى صار واقف قدامها ومد يده خلف ظهره يحاوطها بحنيه حتى ماتخاف
مصدومه معقوله ذا اخوها تركي الحنون ؟
ابوه ناظره بخوف وهو ماتوقع ولا واحد بالميه يسويها
نطق تركي بحده وقهر :سويتها واخذتها وغصبن عننا كلنا وقلنا يالله ياخذها وشهر بالكثير ونطلقه منها بس اشوفك انت ماتبي لاطلاق ولاغيره وتذكر زي ماسويتها انا ونايف وطعنتك انا بيديني ماهو نايف انا ارجع اسوئها بس بتكون رصاصه
تعالت شهقاتها ومدت يدينها تبعده من انه يمسكها صرخت بقوه وضربته على ظهره حتى يبعد
لو ابوها ماضربه على ظهره بالعصا مستحيل تفلت من يده بس هي ضربته على مكان ضربة ابوها له
تقدمت لحتى صارت واقفه قدامه وهو يكون وراها مدت يدينها خوفاً من انه يرميه ونطقت برجاء وخوف :تـ...ركـي طلبـ...تك اااناا اخـ..تك اخذت نفس محاوله تهدئه نفسها ونطقت بارتجاف تام ؛اذبحني قبله طلبتك ياتركي
تقدم منها ابوها بيسحبها بس عصبت ونطقت:لا لحد يقربني يبه طلبتك كلمه لايسوي له شي
مايتحمل يشوفها كِذا تتعب قلبه كثير
مد يدينه ولمها وتوجه فيها اقرب مكان يقفل عليها فيه
اول ماحست فيه يشيلها عن الارض صارت ترفع رجلينها وتحاول تضرب وتصرخ
مشى بسرعه للغرفه وهو اقرب مكان يخليها فيه
نزلها على الارض ومشى بسرعه بيطلع من الباب بس هي لحقته اول مامد يده يسحب الباب عشان يقفله مدت يدها بسرعه ونطقت برجاء :رعد اتركني اتركني انا اعرف اتفاهم معه
نطق :تمام بس اهدي الحين
ابعدت عنه واخذت نفس تحاول تبتسم له عشان يوضح انها هدت
اول مابعدت عن الباب قفله بالمفتاح وطلع لهم
صرخت بقوه ونطق بـ:لااااااا رعد
تقدم منه ابوه ومسك سلاحه من يده واخذه بهدوء ونطق بـ:اطلع
صارت تضرب الباب برجلها وتنادي باسمه وتصارخ
خايفه اخوها يكون سبب قتل زوجها
جلست على الارض قريبه من الباب وبكت بنحيب
ضربت على الباب مره ثانيه ونطقت بـ رعد يبه وصارت تصرخ لـ تركي
ناظرت في الشباك الموجود بالغرفه وركضت له تفتحه خابت كل امالها من طلع الشباك يفتح على الشارع مو للحوش
صرخت بقهر ..
-
بالحوش
ناظره رعد بتحدي ونطق:بتصير قاتل؟حسافه عليك
كان بيتكلم بس تقدم منه ابوه ومسك سلاحه من يده واخذه بهدوء ونطق:اعرفك ماتسويها واذا على الطعنه مانت بمتعمد ولدي واعرفك زين اقصر الشر الحين وخلاص مادامها تبيه بكيفها
هز راسه تركي ونطق:ماسويها لكن بيطلق ماهو على كيفه
رفع اصبعه رعد ونطق بصراخ وصل لمسامعها :طلاق ماني بمطلق وهي حرمي لين اموت سمعت وبنصير ام لعيالي تفهم؟
تركي بعصبيه :تعقب عيالها مايكونون منك من غيرك مثل ماخطبها الي يبيها من زمان والله ان اردها له وانت تشوف
تخيلها مع غيره وتقدم منه ناويه بس يد عبدالعزيز منعته ونطق بـ:اقصر الشر خلاص
نطق من بين انفاسه :انتم جايين اخر الليل وتبوني اقصر شري اخذ ولدك من هنيا واخته تكون زوجتييييي اذا يفهم
مارد عليه عبدالعزيز ومسك يد تركي وطلع من عنده
صرخت بقهر وتقدمت من تسريحتها بكل مره تزعل او تعصب تكسر كل شي قدامها
سحبت مفرش السرير ورمته على الارض تعالت انفاسها وجلست على السرير
رجف جسمها كلياً هاذي نوبه الهلع تُروادها مره اخرى كانت في صُغرها تعاني منها في لحظات الخوف الزائد وهاهي تتكرر الان
دخل عليها بالغرفه شافها تنتفض وكأن روحها تطلع لامُحالاه
تقدم منها بسرعه ناظر ارتجافها الغير طبيعي ونطق بخوف :توق ؟
تمددت على السرير ونطقت :رعد بموت انا تعبت
تغيرت ملامحه ونطق :لا
رفعها بسرعه ونطق ؛انتي بردانه عشان كذا ترجفين
خايف يفقدها وكثير
ضمها على صدره وبدا يمسح على راسها لكن لازالت رجفتها مستمره
نطق بربكه وهو مايدري عن حالتها ابدا
رفع طرف المفرش وغطاها فيه ولازالت ترجف بخوف مسح على راسه وبدا يقرا عليها ماتيسر من القران
حس عليها هدت لكن لازالت ترجف بس احسن من قبل
حملها وتوجه فيها للحمام يكرم القارئ
شغل الماء وشهقت تمسكت فيه بخوف ونطقت برجاء:اتركني رعد الماء بارد
جلس على الارض وهي مازالت بحضنه ابعدت عنه بسرعه لـحتى لصقت بالركن بعيده شوي عن الماء
البارد
ناظرت فيها لثواني ونطقت ببكاء :تقول لي كل حاجه تخص اهلك؟يعني تعلمني الحقيقه
هز راسه بـ اسى ونطق :طيب بس الحين قومي معي نبدل واقول لك كل شي موافقه؟
هزت راسها بـ ايه
مد يده ومسكها وطلع من الحمام
توجهت تجلس على السرير وهو توجه للدرج يطلع له ولها ملابس
مد يده لها واعطاها ملابسها اخذتها وتوجهت للحمام يكرم القاري تبدل اما هو بدل على السريع بالغرفه وتمدد على السرير
طلعت من الحمام بعد مالبست شافته متمدد على السرير وتوجهت تجلس عند راسه
لحظة صمت تدور بينهم لحد مارفع نظره يناظرها
توترت من نظراته له
جلس بحيث يكون مقابل لها نطق بـ:تعالي مكاني
استجابت له وتمددت بمكانه ناظرت فيه
تسارعت دقات قلبها من حسته يستوطن صدرها
رفعت يدينها بتردد وبربكه وحاوطته بيدينها
تنهد بتعب ونطق :وش اقول ؟
مسحت على راسه بهدوء ونطقت:كل شي
انا ابي اكسر الحاجز الي بيننا ابي افهمك وانت تفهمني
مابي احد يقولي شي غيرك
سكت لـثواني ونطق:يوم كان عُمري ١٨ سنه كنت راجع للبيت الفجر تقريباً وقتها كان ابوي وامي واخوي بدر واختي شهد كانو طالعين موعد لـبدر اخوي وقتها بيقرب يأذن من حرص جدي عليه ارسله يروح عشان يرجع بدري
ابتلع غصته ونطق :ودعتهم ياتوق وانا احس ان بيصير شي بس اني كذبت نفسي وتعوذت من الشيطان وقتها كنت داشر وابوي ينصحني
دخلت عند جدي على اساس اني بنام عنده بس انه قال لي لاتنام عشان الاذان
اول ماصليت بالمسجد طلعت لبيتنا بنام لاني تعبان ومواصل
سكت لثواني طويله خنقته العبره وتسارعت انفاسه ورجع ينطق :الساعه اخذ نفس مره ثانيه ونطق بـ:الساعه ٨ الصباح صحيت على ضرب وكان عمي عويض يصحيني ويقول لي اهلك ماتو انا ماستوعبت والله ماستوعبت وانحشت من البيت
نزلت دموعها بصمت وشدت من احتضانه ورجعت تمسح على شعره
كمل كلامه ونطق بـ:دق علي عمي وقال لي ارجع جدك يبيك تحفر قبر ابوك
شغلت سيارتي وتوجهت للمقبره رفع يدينه ونطق :بديت احفر قبره بيديني انا قبرتهم بيديني
جلست على الارض بصارخ ببكي بس جدي حرمني حرمني ان دموعي تنزل قال الدموع للحريم ماهي للريجيل
تحشرج حلقه بعبره مكتومه لمده ٨ سنوات وكأن اليوم جاء خبر وفاه اهله نطق : ماعدت اتحمل ياتوق والله ماعدت اتحمل
دفن وجهه بصدرها وكأنه طفل
وبكى بحرقه من زمان وده يبكي بس مايعرف يتكلم مايعرف يبكي
.
لمت يدها على فمها مانعه نفسها من البكاء حتى يفضفض ويطلع كل مافي داخله
كان يشهق بحاله غريبه وجسمه ينتفض
تعالت انفاسها ماعادت تتحمل اكثر من كذا هي أُنثى رقيقه قلبها مايتحمل الكم الهائل من البكاء
ابعدت يدها عن فمها سامحه لشهقاتها ودموعها بالنزول
حاوطته بقوه وكأنها لاتريد ان يأتيه الحزن او يخيم على قلبه
رفعها حتى ارتكزت على صدره وشد عليها يحاول انه يطمنها
مسحت دموعها بيدينها ورفعت نفسها
ناظرت بعيونه مليانه دموع
واقتربت منه وباستها ثم مسحت دموعه ابتسمت له ونطقت :انا امك واختك وابوك بعد وضحكت واخوك بعد ينفع
هز راسه وابتسم لها بـ امتنان ونطق :انتي كل شي بحياتي تصدقين ؟
ضحكت ونطقت :اي انا وبس
نطق:مهما كان من يحاول يفرقنا لا انتي تتركيني ولا انا اتركك
هزت راسها بـ اي
ناظر بعيونها ليه يحزنها ليه يحملها هم اكبر منها؟
قرر يتكلم حتى يبعد الحزن عنها
ونطق بخبث: تسبحين معي ؟
ابعدت عنه بسرعه ونطقت :ابعد عني بس والله ماسبح
رعد بتحدي :لاتحلفين
نطقت بتشديد :والله ماسبح مستحيل تذكر ذاك اليوم لمن رميتني فيه
وقف على حيله وتوجهه للدرج يطلع شورته
نطق بـ استغراب :لا ماتذكر ؟متى
ناظرت فيه ونطقت :حركاتك ذي ماتمشي علي والله انك كذاب اتتذكر بس مسوي نفسك ماتتذكر اعرف هالحركات ترا
رفع نظره لها ونطق :بكيفك لاتصدقين وش رايك الحين البس عندك!؟اطلعي بلبس
توق :بلا استهبال عاد!!!تقدر تروح للحمام يكرم القاري
رعد:انا مابي بكيفي بغير هينا
تنهدت ونطقت بهمس:امدا ينفسخ عنده الحياء
رفع صوته ونطق:اسمعك ترا
طلعت من عنده في الحوش وجلست على الكنب
...بيت اول مره نزوره ...
نطقت صالحه بغضب وحقد:اسمعني ياوليد علمن يوصلك ويتعداك جهز نفسك بنخطب لك بنت عمك حنين
عائشه بغضب:تعقب وتخسي بنت الكلبه ماتجي حرمه ولدي
صالحه :وغصبن عنتس تسمعين ولا لا ؟
عائشه :ياعمه طلبتس انا مابيها تصير حرمه ولدي امها هدى !!
صالحه :وال**فيها اهم شي بنتها تجي هنيا ويضطر السيد صقر يجي هينا ويخطب سحر
ناظرهم وليد ونطق:ماطلبتي شي ياجده والله لاحرق قلبه فيها
..بيت ابو عبدالعزيز..
بالغرفه منسدح وجنبه نايف يناظر فيه
نطق نايف :حالتك غريبه مره وش سالفتك!؟
فهد بهدوء :وش سويت مافيني شي
نايف :لا كذاب فيك شي تكلم
مارد عليه فهد
نطق نايف:عندنا انا وسلطان واثنين ماعرفهم تحقيق في مهمه ساعد ..
فهد :يمكن رعد معكم
نايف بهدوء:تصدق ان اشوف اننا ظلمناه بزياده؟
فهد:والله انت وتركي ماخليتوا كلمه ماقلتوها له وهو ساكت ومتحمل نصحتكم بس انتم تحسبوني تافهه
تنهد نايف ونطق بتعب :كانت غلطه والله انها غلطه ان شاء الله نعوضه ولايهمك
...صباح اليوم الثاني...
بيت ساعد
من بعد ما صحى وكلمه سعد وقال ان عندهم مهمه لازم وشي اكيد ان منار تتزوجه صارت جنون الانس والجن راكبه راسه
نطق بصراخ :منار
انتفضت بخوف وقفلت على نفسها بالغرفه تخبت بالدرج خوفاً من انه يحرق جسمها مره ثانيه
تقدم من الباب وضربه بقوه ونطق:افتحي بسرعه
سددت اذانيها بخوف وصارت ترتجف وتهز راسها بـ لا لا
كسر الباب برجله ودخل بالغرفه ووجهه معرق نتيجه تعصيبه
نطق من بين اسنانه :اطلعي قبل مـ أجيك منار لاتحديني على شي مابي اسويه اطلعي سرعه
طلعت من الدرج بكل هدوء تام حتى وقفت قدامه رفعت نظرها له ومد يده واعطاها كف بـ أقوى مايملك
ماتحركت من مكانها وكأن ماعاد لها روح تحس
سحبها مع شعرها ونطق بحده :كلمني سعد يقول ان فيه مهمه قريبه وانتي بنفسك بتطلعين لهم راح تاخذينه وغصب عنك سمعتي ؟
نطقت بحده :والله ماخذه تفهم؟
ضحك بـ استهزاء ونطق:وغصبن عنك
ضربته منار على صدره ونطقت:تعقب انت وغيرك
كانت بتمشي بس مسكها مع شعرها ونطق بـ انفاس غاضبة:مين يعقب؟انا صح؟تبشرين ياخت ساعد بالخير وسحبها كعادته للمطبخ بس هالمره نيته يحرق غمازتها زي ماقال
اول ماشافته متوجهه للمطبخ صرخت بـ:لا ياساعد طلبتك
يد ماسك شعرها واليد الثانيه ماسك فيها الحديده يحميها على النار
ابتسم اول ماشافها صارت حمراء وقرب من وجهها ونطق بحده:اضحكي
قفلت على فمها بقوه مانعه ابتسامتها تخرج
ضحك ساعد ونطق :والله مايحتاج تضحكين لا حتى وانتي طبيعيه غمازتك واضحه
صرخت اول ماشافت الحديده قريبه من وجهها ونطقت برجاء:ساعد تكفى خلاص طلبتك والله اسوي كل شي تبيه بس اتركني
ساعد:تطلعين لهم بالمهمه؟
هزت راسها ونطقت ؛والله اطلع بس ابعد الحديده عني
ابعد عنها ورمى الحديده على الارض وطلع من المطبخ
...بيت ابو سلمان...
على الفطور نطق مشاري ؛يبه انا بتزوج
ناظره ابوه ونطق:من تبي بس ابي الفكه منكم
ضحك مشاري ونطق:تمون يالغالي بس انا صادق في الموضوع
عيده بفرحه واخيراً احد من عيالها بيتزوج نطقت :اجل خلاص بخطب لك بنت ابو عيضه ؟
مشاري :اي مابي الا هي بس
فزت حنين بفرحه ونطقت :ليلى yes مشاري&ليلى
ابتسم فارس ونطق:مستانسه اكثر منه شدعوه
نطقت هدى :لانك ماتعرف ليلى والله انها عسل
تنحنح مشاري يمنعهم من الكلام عنها
ضحك صقر بقوه ونطق :لا لا لا عاد ليكون تغار مايمدي
ضربه فارس ونطق:ليتها بس يوم تكلمت وصفت لنا شكلها الورع ذا يستهبل
مشاري بطرف عينه :الورع ذا الي تقوله بيتزوج ويجيب ولد وغصبن عنكم تلعبون معه وترحبون فيه وفي ابوه
-
توق ورعد
صحت وتوجهت تاخذ لها ملابس ومشت للحمام يُكرم القارئ
بعد مانتهت لبست ملابسها وطلعت عن المرايه
ابتسمت من شافت نفسها كيف تغيرت بشرتها رجعت احسن قبل حتى حالتها متحسنه وبكثير
ناظرته من المرايه متمدد وابتسمت من تذكرته البارح يحاول يخليها تدخل المسبح بس هي رافضه الفكره نهائياً تكره المسبح وبقوه
تعطرت بعطرها واخذت بودره الاطفال وبدت تمسح على نفسها وملابسها استنشقت الريحه ونطقت :والله امي صادقه لمن تقول لي يالبزر
مشطت شعرها وتركته يرتاح على كتوفها
تقدمت منه وهمست :رعد
مارد عليها والواضح ان نومته حلوه
تقدمت منه لحتى صارت قدامه تأملت تفاصيل وجهه مسحت على دقنه وابتسمت ونطقت بـ:كفايه نوم قوم يلا
فتح عين وحده وابتسم ونطق:والله ان صباحي اليوم غير ماتجمل الا بشوفه وجهك
ابتسمت بخجل وابعدت عنه
رعد :توبه ماعاد امدحك كل مامدحتك ابتعدتي
نطقت بهدوء:انا ابي اروح لـ أمي
تغيرت ملامح وجهه ونطق :ليه سويت لك شي؟
هزت راسها بـ لا
نطق برجاء:طلبتك لاتروحين اطلبي مني شي ثاني بس اهم حاجه لاتجيبين طاري امك الحين
خلي الاوضاع تهدا وابشري
ناظرته بضيق وهو عرف انها زعلت بس مايهون عليه زعلها نطق :وش رايك عند جدي وجده؟تتعرفين عليهم
توق بهدوء:تمام بس الحين قوم نفطر
-
بيت عبدالعزيز
نطقت حصه بحده :وين رحتو البارح؟
عبدالعزيز:عند توق
ناظرته بصدمه ونطقت :منجدك انت البنت راحت البارح وانتم لاحقينها وين وصلت فيكم؟!
تركي :لانه يعقب ياخذها ومايستاهلها حتى وبـأذن الله ورقه طلاقهم بتوصلها وان ماوصلت والله ان تخلعه
ضحكت حصه بـ استهزاء ونطقت :نعم ياعيون امك؟مايعقب غيرك فاهم؟
نطق عبدالعزيز بسخريه :وش عندك انتي اول من عارض على الزواج انتي واول من اصر على الطلاق انتي والحين ماتبينها تبعد عنه صح؟
قامت حصه من مكانها ونطقت بعصبيه :اي انا عارضت قلت ماهو كفو رجال ياخذها ولاتستاهله بس شفت الحب بعيونهم ماحد سمع بكاها اخر الليل غيري انا انا افهمها وطلاق والله ماحد يطلقها منها وانا اول الداعمين لها وانت ياتركي الله يغضب عليك اذا قربت منها او منه سمعتني ؟
تركي بصراخ :يمه لاتقولين كذا انا مابيها تاخذه بنطلقها منه وترجع تاخذ فيصل ولد خاله
حصه :تعقب ماياخذها غير رعد
تنهد عبدالعزيز ونطق:اهم شي ارتاح من لسانك السليط ذا اهم شي عندي وربي واذا عن توق انا اشاورها اذا تبيه او لا
ناظر تركي في ابوه ونطق :يبه !!
قام عبدالعزيز مطنشه وتوجه لبيت ابوه
-
بيت ابو عبدالعزيز
بالصاله يتقهوون نطق الجد :فهد وينه؟
الجده :مقفلن على عمره مادري وش بلاه له يومين على ذا الحال
نطق ابو عبدالعزيز :انا اعرف دواه وترا يوم الجمعه بنطلع للبر احنا وعائله ابو سلمان
نطقت الجده بحسافه :حنا في بر وتودنا بر
مارد عليها الجد وهو ناوي يعرف وش فيه
بالغرفه دخل عليه ابوه ونطق :وش بلاك انت والله ان تعلمني لك فقده والله
ضحك فهد بخفه ونطق :يعني الحين يومك مايكتمل الا باشراقه وجهي صح؟
ضحك الجد ومد يدينه على وجه فهد ونطق :غلاك يوسع بلد يافهد
ابتسم له فهد بحب ونطق :ياعساني مانحرم قل امين
الجد:امين بس هالحين عطني سرك انا ابوك ماقول لحد
بقق فهد عيونه ونطق:والله يايبه الحين القبيله تعرف بالسر
الجد يحاول يسليه :تعقب يافهيد تسمع انا كل اسراركم عندي علامك علمني والله انك تبشر لي
ناظره فهد ونطق :والله يايبه اذا حسيت نفسي مستعد اعلمك علمتك الحين
نطق الجد بتغيير جو :ها ترا يوم الجمعه طالعين احنا واخوانك واهلهم كلهم وبعد عائله ابو سلمان كلهم
حس قلبه بينقبض من سمع ابوه ينطق :عائله ابو سلمان وهو عاقد وحاط في باله ان بيسوي الي يبيه
-
حور
كل ماتتذكر صقر وحركته تتنرفز وتحس الدنيا ضايقه فيها نطقت بداخلها :يارب اذا فيه خير قربه واذا شر ابعده عني واصرفه
دخلت عليها منيره ونطقت :انتي وفهد فيكم شي لكم يومين ترا مانتو على بعضكم علامك؟
ابتسمت لها حور ونطقت :مافيني شي والله بس فهد غريب يعني علامه ؟
منيره:مادري عنه بس ساكت ومايتكلم حتى منعزل بالغرفه
تذكرت حور طريقه سياقته لمن رجعو من عند ابو سلمان وسؤاله بعد عن خوات صقر همست بداخلها :شكله طاح ومحد سمى عليه
قامت من السرير وطلعت بسرعه متوجهه لغرفتهم
شافت الجد موجود بالغرفه وابتسمت بخفه ونطقت :اهلا كيفكم
ناظرها الجد ونطق:مرحبا اهلا وسهلا بخير وانتي؟
ضحكت حور ونطقت :وشبك جدي ليه تتكلم كذا
ناظرها فهد ونطق :يقلدك الوالد
ابتسم له الجد ونطق :وش رايك بس وانا اقلدها
لأول مره يتصل من ٨سنوات ونطق بـ انه بيجيهم وزوجته معه
اعطاهم الجد الخبر وهو فرحان
قامت عيده ورتبت الحوش مع منيره من فرحتها ماعاد تحس بالم برجولها
حنين رتبت البيت بمساعده صقر ومشاري وفارس فارس كان يرتب المواعين ومشاري يكنس البيت وصقر ينظف المغاسل
دايماً يساعدونهم بالترتيبات لانهم قليلات فما يلحقون بسرعه
ولعت حنين على الجمر وراحت تجيب البخور بيتهم حالياً يوضح ان فرحتهم كبيره
جابت البخور وحطته على الدرج وناظرت المكان يلق من النظافه نطقت :انتم محازم والله الحين كلنا نروح نبدل عشان نتبخر
طلعو كلهم يغيرون ملابسهم والي يتروش
اول من خلص فيهم فارس وصار يركض اما صقر يضرب مشاري لانه ماخذ عقاله ومشاري يحاول يشيل التهمه عنه لذلك نطق بـ حتى انت السروال الي عليك حقي
تركه صقر يبي يتاكد وارخى نظره يبي يشوف اذا صح او لا
اول ماترك صقر كتفه رفع طرف ثوبه وانحاش من الغرفه
بقق عيونه بصدمه مشاري يستغفله؟!
ناظرته حنين يمشي يمهم بسرعه وانفاسه تتعالى نطقت:بسم الله شفيك؟
مشاري :مافيني شي
نطق فارس:اكيد انه سارق له شي
رفعت صوتها حنين تنادي صقر يجيهم عشان بيحطون البخور على الجمر
دور له اي عقال يمشي حاله وركزه على راسه ورمى طرف غترته على كتفه تعطر من عطره وطلع لهم
واقفه بنص الصاله وهم ثلاثه واقفين قدامها
مدت البخور لفارس وبدا فارس يتبخر وكذلك صقر ثم بعده مشاري
ابتسم فارس ونطق:في عرسك
نزلت انظارها بخجل
ونطق مشاري :كذابه انتي فاسخه حياء ماحد يصدقك لاتسوين انك مستحيه
ناظره صقر ونطق بدفاع :تفسخ حياها مع الي مثلك لانك فاسخ حيا
تقدم الجد ونطق :بعمرك انت وياها وراكم مابخرتوني
اخذ فارس البخور وتقدم منه يبخره بكل حنيه
...صلاه العصر ...
ناظرت نفسها بالمرايه لبست فستان باللون الاسود بسلاسل ذهبيه واكسسوار باللون الذهبي
مكياجها خفيف باللون البُني وشعرها ويفي
طلع من الحمام يكرم القاري توقف حتى صار وراها
بالضبط رفعت نظرها له بالمرايه وبسرعه نزلتها بخجل ماتعودت عليه وهو يصدمها دائما
لم يدينه وحاوطها مع ورا ونطق :وش هالزين ياتوقي
ابتسمت ورفعت يدها لمستوى يدينه ونطقت بـ ابتسامه هاديه :توقي ياء التملُك رفعت وجهها للسقف وضحكت بحب وصارت تكرر توقي
لفها له بحيث صارت مقابل لوجهه ونطق :توقي عاجبك صح
ناظرت بعيونه ونطقت بـ ابتسامه عذبه :اي ياء التمُلك ذي تجيب راسي
رفعها لحتى صارت مرتكزه على التسريحه ناظرته بخوف دائما تعرف حركته
ونطق بـ ابتسامه :وانا اجيب راسك ؟
نطقت بربكه :نمشي عشان مـ نتأخر؟
ضحك بخفه ونطق:ليه الخوف باخذ نصيبي بس
بققت عيونها بصدمه ونطقت:رعد ابعد عيب
رعد:عيب !!
ك
رعد:عيب !!ناظريني بس انا اوريك العيـ..
ماكمل كلامه من دفعته مع صدره وركضت متوجهه للباب ركض معها ومسكها مع خصرها وارتفعت عن الارض
صرخت بـ:ابعد يامتوحش ابعد عني
نزلها على الارض وابعدت عنه تعدل فستانها نطقت :شفت خربت فستاني!!
تقدم منها بخطوات هاديه رجعت على وراء بتوتر
حتى لصقت بـ احد اركان الغرفه
وقف قدامها وتكى على الدرج مقابل لها
.
تناظر بيدها وتلعب باظافيرها اهم شي تنشغل وماتناظر فيه
نطق رعد:اجل عيب الي اسويه؟!
رفعت نظرها له وتقدمت منه مسكت خصره
ورفعت رجولها قربت من وجهه وطبعت قُبله على طرف خده
رجعت على وراء واقترب منها بهيام للحين تحت تأثير قُبلتها، مد يده ناحيه شعرها ورجعه ورا اذنها
نطقت بـ:تأخرنا عليهم
ابتعد عنها بسرعه قبل مايقع ولبس طاقيته وحط غترته على كتفه وعقاله على راسه
فتح الدرج لبس الكبك وتعطر من عطره
واقفه وتناظره ابتسمت بهيام معقوله ذا رعد الي ماتبيه وماتواطنه الحين صارت تحبه وهو يحبها
مد يده وسحب يدها وشدد عليها وطلع متوجهه لجده
... بيت مسفر ...
بيتهم وكأن في حرب من صراخ مها وحلفها وشوي تضرب غيث
دخل مسفر البيت ونطق بتنهيده:لا اله الا الله ذي وش بلاها
طلعت من المطبخ ونطقت بعصبيه :لا ياسعود يعني لا ماتفهم انت ؟؟؟
رفع سعود يدينه ونزلها بضيق ونطق:لمتى وانتي تحلفين وتقررين من راسك وتتحكمين بقراراتنا يمه ترا كبرنااا اعتقيني تكفين
تقدم منه ابوه ونطق:وش بلاك؟
ايلاف :يابابا بس خاله هند قال لنا نشاور سلاف لان غيث يبي يخطبها
نطق مسفر :طيب ياأُخت مها وش رايك انتي ؟
مها بحده:تطنز علي انت!!؟ولد هند ماياخذها حتى لو ابوه اخوي
رفع يده بحده وضرب على الجدار ونطق :علي الطلاق بالثلاث يامها ماياخذها غيره بإذن الله وانتي خليك على جنب مانتي كفو تصيرين ام
صرخت بـ أعلى صوتها ونطقت :انا مو كفو ام يامسفر ؟؟؟
طنشها وطلع بضيق لحديقه بيتهم دخل عليهم سعود راجع من الدوام
ناظر في ابوه وتنهد بتعب :امي؟
هز راسه بـ اسى ونطق:ازريت فيها تعبت منها
ابتسم في وجهه ابوه برضا ونطق:بتزين يايبه ولايهمك بتزين
طلعت لهم ايلاف مع الباب الخلفي ترقص ومعاها ثلاجه قهوه ووراها سلاف جايبه الحلا والفناجيل
تقدمت من ابوها وحاوطت وجهه ونطقت :لايضيق لك صدر وانا بنتك
ابتسم لها مسفر
ونطقت سلاف :لاتصدقين حالك ابعدي صار دوري
ابعدت لها ايلاف وحاوطته مع كتفه اليمين وسلاف حاوطته مع كتفه اليسار وسندت راسها على صدر ابوها وايلاف بالمثل
ناظرهم سعود ونطق:وانا ؟؟
ضحكت سلاف ونطقت:تعال
تقدم منهم وجلس على ركبته قدام ايوه وسند راسه على رجول ابوه
تناظرهم من فوق هم ينبسطون من دونها وياخذون راحتهم اذا كانو مع ابوهم
جلست على الكنب بضيق ليه يعاملونها كذا وش سوت ؟!
وقف قدام بيت جده تذكر ابوه واهله كلهم لف للجهه الثانيه وشاف بيتهم تنهد بضيق
ونطقت بـ:اشبك؟
ابتسم لها واشر على البيت
نطقت:بيت مين؟
رعد بهدوء؛بيت ابوي
استكنت ملامحها ماعندها شي تقوله
التفت لها ونطق بـ ابتسامها :ننزل؟
هزت راسها بـ اي
مُلاحظه(توق تعرف عائله ابو سلمان بس ماعمرها زارتهم في بيتهم بس لو تشوفهم الحين وجهاً لوجهه بتعرفهم )
(رعد مايدري ان حور ماخذه صقر لذلك يحسب توق اول مره تشوفهم )
بوابتهم فاتحه والعواميد(اعمده)معلقه الانارات عليها والزوليات مبسوطه بالمكان وريحه العود تستقبلهم من لمن نزلو من السياره
وقف عند البوابه وابتسم اول ماشاف جده وعمامه
سمع زغاريد جدته ماليه المكان ودموعها تهطل بفرح
له ٨ سنوات ماجاهم واليوم يعلن دخوله مع البوابه
واقفه وراه تمشي بحياء فضيع ولا مره جات بين مجموعه رجل غريبين عليها ماعدا عيال عماتها وعمانها تمشي معهم لانها تعرفهم
لف عليها ونطق:ياجدي اهلي معي
الجد:حياك الله انت واهلك طريق ياعيال
ابعدوا العيال من المكان وهي مشت بسرعه نظرها للارض مارفعت عينها تسمع صوت عكاز جدته وهي نازله مع الدرج ودموعها ومنادتها له كأنها في حلم مو مصدقه مره من جنبها ولاحتى تجرئت ترفع عينها لجهتهم
سمعت صوت الزغاريد والفرحه واضحه فيهم
نطقت في نفسها :الله يسامحك يارعد ليه تحرمهم منك بس معك حق
اول مادخلت مع الباب نزلت نقابها وعدلت طرحتها على اكتافها
وانصدمت اول ماشافت هدى وحنين
ناظروا فيها بصدمه ونطقت حنين بلعثمه ؛انتي زوجه رعد ؟
ضحكت توق بعدم استيعاب ونطقت ؛اي انا
ضحكو بصدمه ولاوحده قربت تسلم على الثانيه من هول الموضوع عليهم توهم يدرون يعني؟
نطقت هدى بضحكه :الله يقلع بليسكم حتى السلام ماسلمنا من الصدمه
ضحكت توق وقربت تسلم على هدى اما حنين حضنتها ونطقت بـ:الحمدلله اننا نعرفك
ضحكت توق وسمعت صوت رعد يقول ياولد
قرصتها مع خصرها ونطقت:يلا ادخلي بالغرفه رعد لايشوفك
حنين بـ كيد :ماراح اروح خليه يشوفني وياخذني الثانيه انا اولى منك
بققت عيونها بصدمه ونطقت :تعقبين هدى شوفيها !!
قربت هدى بتضرب حنين بس طلعت ركض للغرفه
نطقت هدى :ادخل وانا عمتك
دخل ماسك جدته بيدها والثانيه محاوطه اكتافها
نطقت الجده بصدمه ؛لا اله الا الله
ضحك رعد ونطق بهمس:حتى انتي ياجده خقيتي
قربت منها الجده بصدمه ومسكت وجهها ونطقت بشك :توق!!انتي حفيده ساره؟(ام عبدالعزيز )
هزت راسها بـ ابتسامه ونطقت :اي ماعرفتيني!!
هزت الجده راسها بـ:عرفتك بس قلت يمكن اني مخرفه يامرحبااا عزالله عرف يختار الزوجه
ناظرهم بصدمه كيف تعرفها وساره مين ؟
قربت منه هدى وضحكت ونطقت :توق بنت عبدالعزيز وحفيده ساره
شفناها في ملكه صقر ولدنا وحور بنتهم
تذكر اليوم الي طلبت منه يوصلها لاهلها وصادفهم هناك ورفض انه بنزلها عشان ماحد يعرفها واليوم شافوها ابتسم برضا ونطق :يعني انا وصقر صرنا عواني لهم
...بيت ابو عبدالعزيز ...
متكي على المركى ويتقهوى بهدوء
بسرعه جات ورمت عليه الملاعق ونطقت:سم ياغبي تتقهوى بدوني هذا وانا جايبه لك حلا!!!
حيوان انت
نطق :والله مالي نفس للحلا بس بتقهوى
ناظرته بضيق ونطقت:ذا مو حال شفيك علمني اقدر اساعدك ترا
هز راسه بـ لا
رفعت حاجبها ونطقت؛ليه تسال عن خوات صقر ؟
رفع نظره بصدمه ومسك فمها خوفاً من ان احد يسمعها ويفهم غلط
نطق بعصبيه :علامهم ؟؟؟؟
نطقت حور :فهد تراك واضح لاتستهبل قول لي والله انا اساعدك تبي حنين ؟
رمى فنجانه ونطق :الشرهه ماهيب عليك علي انا لان سئلتك مفروض سكتت وقام من عندها
سمعت اذان المغرب ونطقت :طيب يافهد اجل ماتستعرف لي يوم الجمعه نشوف ابتسمت بداخلها من الفكره الي راودتها وقامت تشيل الاغراض وتدخل تصلي
...بيت عايض...
نطق :جهزو الشناط بكره بنروح الديره
نطقت ريماس بفرح :يس بسوي فلوق عشان طلعتنا
ناظرها عايض بـ ازدراء ونطقت :عادي يبه تعودت على نظراتك وضحكت بصوت عالي
ضحك عايض من ضحكها ونطق:ذبحتي نفسك بالتصوير وانا ابوك
رجعت شعرها على وراء ونطقت :شغف يايبه شغف
عايض : الله المستعان
جات هند من المطبخ معها صحن فواكه حطته على الطاوله ونطقت :اكلو الحين بعدين ترتبون تقدم الكل ياكلون
صحى من النوم ناظر ساعة جوال وشاف ان المغرب اذن من زمان وشوي يأذن العشاء قام بكسل وتوجهه للحمام يكرم القارئ ترضى وبدا يصلي
بعد مانتهى من صلاته طلع لهم في الصاله يحس جسمه مكسر وماله خلق يناقش
جلس جنبهم على الكنب ونزل يدينه على الكنب بتعب
غمز عايض لـ لين ونطق :انتم تقولون مها وافقت ؟تعطي سلاف غيث
فز من مكانه بدوخه وجلس جنب ابوه ونطق:صح وافقت؟
ضحك عايض ونطق:تدخل وماردين علينا السلام ولادريت عننا حتى ويوم جبت طاريها فديت من مكانه شوي وتكسر
مد يده واخذ حبه عنب ونطق بضيق :اعرفها عمه مها والله ماتوافق الحين
ربت على كتفه عايض ونطق :ابشرك كلنا طالعين للديره بعد الفجر بنريح كلنا للظهر ونمشي العصر نتمشى مع عائله ابو سلمان وعمتك مها مالك الا من اقنعها وش تبي بعد ؟
ناظر في ابوه ونطق :عز يامال العز ادري انك ماتتركني
...بيت ابو سلمان ...
دق جوال رعد وكان المقر يستدعيه
ناظر في جده ونطق:السموحه ساعتين بالكثير او ساعه وانا عندك يالغالي
ناظره الجد بضيق ونطق:والعزيمه بكره ؟
رعد بهدوء :حرمتي عندكم والعزيمه بحضرها من عندكم الا ان كان يارب اهلي يحتاجون شي من البيت بوصل للمقر وارجع لكم
...المقر...
طاوله يتواجد فيها
رعد&سلطان &نايف &حمد&سعد
ناظرهم الرئيس ونطق:رعد خاين للوطن
يناظره ببرود تام ومارد عليه
ورجع ينطق معاه شخص ثاني وناظر بـ سعد
ونطق:سعد خاين للوطن
رفع نظره بربكه وتوتر وخوف عكس رعد الي ماعطاه اهميه
نطق سعد:لا انا ماخنت الوطن
ضحك الرئيس ونطق:يارجال نطقطق ليه ارتبكت
سعد بهدوء عكسه الخوف والرهبه نطق:تلبسوني التهمه وانا عكسها
ناظره الرئيس بشك ونطق بـ ابتسامه :ياسعد واثق فيك ماله داعي اشوفهم يخونون وطنهم الا انت رجال والنعم فيك والدليل على تركك لصالح ومساعده خويك رجال كفو
سعد وعرق جبينه يتصبب نطق:كفوك الطيب
اقدر امشي؟
الرئيس :ثواني بس وتطلعون كلكم انتم تدرون عن عقوبه خيانه الوطن ؟
هزو روسهم بـ ايه
نطق:بكره عندكم شي؟
رعد بهدوء :انا طالع مع الاهل
رفع نايف نظره بـ ابتسامه لازم يتغانم الفرصه ونطق :وانا طالع مع النسيب
ضحك سلطان ونطق ؛وانا طالع معهم السموحه
ضحك الرئيس ونطق :الله يوجه لكم اجل
نطقو كلهم بـ امين
وطلعوا من المقر في تمام الساعه ١٠ ليلاً
رجع رعد لجده ولقى العشاء جاهز تقدمو كلهم وبدو ياكلون
بعد مانتهوا من الاكل نطقت الجده بـ:ياهدى جيبي لنا الشاهي
قامت هدى ودخلت عند البنات الي يسولفون عن طلعه بكره واتفاقهم مع بعض
دخلت هدى تسوي لهم الشاهي وقالت للبنات يروحون للغرفه اريح لهم
وبالفعل اخذت توق جوالها واتصلت على القروب كام
انظموا البنات كلهم للمكالمه وتوق لفت الجوال عن حنين وغمزت لها فهمتها حنين وابتسمت لها ...
دخل فهد البيت ونطق:وين حور ؟
منيره :خابرتها في غرفتها ..
توق:بنات تخيلو اليوم ايش صار ؟
هديل :ويش تكلمي بسرعه الفضول بيقتلني
توق بضحكه:اليوم اول مره ازور اهل رعد طيب ؟
لين بحرقه :بسرعه تكلمي لاكوفنك
ضحكت توق ونطقت :تتوقعو مين طلعو؟
كلهم على اعصابهم نطقوا بـ مين
لفت الجوال على وجه حنين الي ابتسمت لهم
تعالت صراخهم ونطقوا ؛حنين
اول مافتح الباب يعلن دخوله للغرفه
صارخت حور بـ حنين
انصدم اول ماشاف ملامحها تعبر عن الصدمه اكيد فيها شي لامُحالاه
اقترب منهم ونطق بحده ؛علامها؟
تركت حور الجوال ونطقت :بسم الله وش فيك؟
ناظرها فهد وشتم نفسه على غبائه الزايد ونطق:انتي تكلمين مين ؟
نطقت حور بـ اجلس بفهمك السالفه عن حنين تخيل
جلس جنبها ونطق :وش فيه ؟
رفعت حاجبها ونطقت :ليش مهتم. ؟
فهد بنرفزه :لوين بتوصلين ؟
حور :ادري انك تحبها واضح عليك
فهد بعصبيه نطق:والله ياحور لو اسمع الكلام ذا ولا تقولين لاحد ماتشوفين مني الخير تسمعين ؟؟
حور محاوله تهدئته نطقت:خلاص لاتزعل بس بقولك السالفه عشان تنصدم معي
فهد بمكابر:وش السالفه اخت حور
حور :مين تتوقع اهل زوج توق ؟
فهد بـ استغراب :مين؟
حور بدون مقدمات :شفت حنين ؟
هز راسه فهد ونطقت :حنين رعد يقرب لهم فهمت
فهد بتعقيد :فهميني اكثر
حور :اصبر بس الحين ارجع انظم بالمكالمة وافهم صلة القرابه وانت اسمع تمام؟
هز راسه بـ ايه يبي يسمع صوتها
انضمت حور ونطقت :بنات مافهمت ايش صله القرابه يعني اخو خال عم ايش؟
توق بهدوء:رعد يصير حفيد ابو سلمان الكبير ولد سلمان الله يرحمه فهمتي ؟
تذكر كلام نايف له وليه يحاول يتسامح مع رعد عشانه صار حفيد ال تميم وعرفوا انه ولد ناس تنهد بتعب وقام من عندها
بعد ماتوجه جده وجدته ينامون سوو لهم جلسه برا
وشبوا النار والتموا حولها بدا كل واحد يسولف عن الايام الي قضوها بدون بعض
رفع جواله وشاف الساعه ١ ليل نطق :بمر بيت ابوي تراني طالبكم لحد يلحقني
هز راسه فارس ونطق :على خشمي
بعد ما راح من عندهم نطق فارس :الله يعوضك وانا عمك ويرحمهم ويصبرك
ناظرهم صقر بحزن ونطق :والله موت الاهل شين
تذكر الايام الي كان يسكر فيها حتى ينسى مراره الوجع
تمتم بـ استغفار ونطق :مو عذر ياصقر مو عذر حس قلبه ينقبض لان تخيل لو حور تعرف ماضيه وتتركه
تلثم بغترته وطلع لسيارته
نطق مشاري بضيق:الله يرحمنا برحمته ويعوضهم كلهم قم ندخل ماعاد لنا جلسه هنا وتوجهو كلهم للداخل
توق&حنين
استغربت توق ليه للحين ماتصل عليها او سأل عنها تنهدت بضيق ونطقت :حنين بله شوفي رعد وينه
حنين :ابشري بروح اشوف زوجي
رفعت توق نفسها من على السرير بتلحقها بس طلعت بسرعه
رجعت تناظر جوالها ليه للحين ماتصل ليه ينساها
...عند العيال ...
حنين :وين صقر!؟
مشاري :برا راح
حنين :وين راح ؟
مشاري :مادري عنه
حنين :وين رعد ؟
مشاري بنرفزه :تحقيق هو انقلعي ل فارس
حنين بهمس :كل تبن تنافخ علي وانا بنت ناصر !!
مشاري بطرف عينه :اسمعك ترا
ضحكت بخفه ونطقت :صدق يعني زوجته تسأل عنه
فارس بهدوء :في بيت ابوه
تنهدت بضيق ونطقت بحزن :ليه يفتح جروحه من جديد؟
واقف عند الشباك ويناظر منه تنهد بتعب ونطق :ليت ذاك اليوم ماعنده موعد ولا راح
ليته ماعاش وجعهم ياربي يجعلني اموت قبلهم
كلهم
حنين وهي قد تكره المواقف ذي قربت من فارس ونطقت :لاتقول كذا كلنا بنموت
فارس بحزن :رعد تعبان وتعبان حيل خليها تروح له تداوي جروحه
طلع مشاري من البيت بضيق على حالهم الليله ونطق بـ:الحمدلله على كل حال
بعد ماقالت لها حنين انه في بيت ابوه عرفت ان جروحه بتتجدد ويرجع يعيش الشعور زي قبل وأسوء لبست عبايتها بسرعه وطلعت من البيت وقفت عند البوابه بخوف
بس نطق مشاري:عليك الامان من بعد الله رحي له
ناظرته بخوف ونطق:عمه انا رحي له
مشت لبيتهم بتوتر فضيع مسكت طرف الباب وكان مفتوح استغربت ليه ماقفله وراه
ودخلت البيت دورته بالمطبخ مالقت له اثر ودورته بالصاله ماله اثر قربت من احد الغرف وسمعت صوته وكأن شعور وفاتهم يتجدد بصدره الليله
حست بقشعريره تسري بجسدها قربت من الباب
وحطت اذنها عليه سمعت صوت شهقاته
ماقدرت تدخل عليه خافت تدخل ويوقف بكاء ويحبس داخله لذلك جلست على الارض ولمت رجولها سندت راسها على الباب وبكت بصمت لو تقدر تنسيه مراره الوجع الي يحس فيه
مسحت دموعها بضعف ونطقت ؛اكره ضعفك ياتوق مفروض تسندينه وتنسينه وجعه حتى لو مانسيتيه خففي من همه على الاقل
نفضت عباتها اثر الغبار
تقدمت من الباب وفتحته كان معطيها ظهره مسح دموعه بسرعه اول ماحس فيه احد معه
تقدمت منه وحضنته من الخلف
حس بقشعريره بجسده سمعته يبكي الحين تتأثر والسبب هو
رفع يده ومسك يدينها شدد عليها بخفه
ونطق:طولت عليك !؟
ابعدت عنه وتقدمت حتى صارت قبال وجهه
عيونه قد صارت حمراء من البكاء فرك حواجبه ونطق:عيوني تاكلني فيها شي
حزنت على حاله مايبي يوضح لها انه يبكي
نطقت بـ:رعد
جلس على السرير بتعب ونطق بتنهيده:تعالي شوفيها يمكن من الغبار
تقدمت منه وقفت قدامه بحيث هو يكون جالس السرير
مسحت على راسه بحنيه وارتخت تسلم على راسه
مسحت دمعه تمردت على خدها بسرعه خوفاً من انه يشوفها مررت يدينها على راسه بهدوء ونطقت :غريب جاي هنا؟
ماكان منه رد غير انه احتضن جسدها بين يدينه وركز راسه على بطنها
تألمت من حركته واحتضنت راسه بين يدينها
لمده لحظات لم يبعد احدهم عن الاخر إلا لمن ابتعد رعد وحاوط خصرها ناظر في بطنها
ونطق بـ ابتسامه :متى تجيني شبيه امها ولاشبيه ابوه واشر على بطنها
توق بخوف :بدري علينا
طلع قُبله على بطنها ونطق:وش رايك مايجي العيد الا هو او هي في حضني انا وانتي؟
ابعدت عنه بتوتر ونطقت :ماله داعي الحين رعد
رفع حاجبه بـ استغراب ونطق :ليه؟
توق بدلع:اول شي انا بنتك وامك وابوك وش تبي بعد ؟
ناظرها بضحكه ونطق:تغيرين الموضوع مافيه
مسكت يده ونطقت :طلعنا يالله
هز راسه وطلعوا لبيت ابو سلمان
...بالبيت ...
توجه ينام مع العيال وهي راحت لـ حنين
دخلت على حنين بالغرفه ونطقت :لاتنامين بنتفق مع البنات نجهز لنا كشته بكره
نطقت حنين :شوفيني ارسل لهم اساسا مانمت
تعالي انتي
توق :اعطيني من عندك اي لبس لازم ابدل
ضحكت حنين ونطقت :نامي بفستانك
ناظرتها توق بنص عين ونطقت:قومي سريع
اشرت لها حنين على الدرج ونطقت :الي تبينه خذيه
فتحت الدرج واخذت لها بجامه وتوجهت للحمام على السريع تبدل ملابسها بعد مانتهت طلعت لـ حنين
بعد اتقافهم على الاغراض وتكفل هديل بأنها تجيبها لهم
طلع الكل حتى ينام
... بيت ساعد ...
بعد مانتهى من مكالمه سعد اتصل على عوض يخبره انه لازم يلحق اهل رعد ويشوف وين مكانهم
وبالفعل استجاب له عوض لان جوه الخراب
...صلاه الفجر...
قام عايض وصحى غيث معه ومشوا يصلون بالمسجد عشان يمشون للديره
صحت هند البنات وقالت لهم يجهزون عشان بيمشون ويتاكدون من اغراضهم اذا كامله او لا ..
الساعه ٥:٣٠
دق نواف على عايض ومسفر يتقابلون عند البنزين وبالفعل كانو متقسمين بـ ٦ سيارات صح انهم قليلين بس يحتاجون سيارتهم
هناء مع نواف
هديل مع سلطان
مها وايلاف مع مسفر
سلاف مع سعود
لين وريماس مع غيث
هند مع عايض
...بالديره ...
نومهم الجد البارح عشان الصباح ينفعونه اذا جوه الضيوف
البيت مرتب ومنظم وريحه البخور مع الصباح والشاهي والقهوه
جاتهم حصه قبل مايجون جايبه معها ونطقت بـ ابتسامه :صحيت متاخر راحت علي نومه
دخل فهد وهو اليوم رايق واكثر شي مستانس عليه
ان العائلتين بياخذون مُخيم
نطق بـ:ياولد طريق
تغطت حصه بسرعه
ونطقت الجده بـ:ادخل ياولد
دخل فهد ومعه التميس ووراه نايف جايب المعلبات
من اول ماقربوا من البيت تعالى صوت البوري وكأنهم في موكب
طلع فهد يركض ووقف جنب ابوه الي ابتسم له ونطق بـ:تعال ياسندي رحب بالضيوف
نطق فهد بهمس :وش عندك يالشايب وش ناوي عليه
رفع عكازه بـ ابتسامه وركزها على اصابع رجلينه
تاوه بـ الم ونطق :الحمدلله الحين تاكدت انك ابوي
رفع صوته عبدالعزيز بـ:حياكم الله يامرحبا
وقفو كلهم سياراتهم برا ماعدا غيث الي درعم مع البوابه وفتح شباكه ونطق:يافهددد
هز راسه بـ اسى ونطق:المطفوق ذا وراكم تخلونه يجيب سيارته تبونهم يهيتون
ضحك عايض وتقدم يسلم على ابوه ونطق:لازم يايبه اغراضنا وين نوديها
تقدمو كلهم يسلمون على بعض
اما الحريم نزلوا وتوجهو داخل البيت
استقبلتهم ريحه البخور وحور واقفه ماسكه المبخره تسلم عليهم وتبخرهم
نطقت الجده ام عبدالعزيز:يامرحبا تراحيب المطر حياكم الله تو مانورت الدار
نطقت هناء:الدار منوره بـ اهلها
في مجلس الرجال
نطق الجد :قم يانايف هات الفطور والقهوه والشاهي
قام نايف بعد ماخذ طريق دخل للمطبخ ونطق :السفره وين جهزو الفطور
قام فهد ومسك غيث معه ونطق :انت خلك هينا عند الباب انتبه لاتدخل وانا اعطيك وانت تودي
هز راسه بموافقه
اخذ نايف السفره وحطها بمقلط الرجال وطلع يجيب القهوه والشاهي
اخذ التميس وطلع يعطيه غيث وغيث يوديه للمقلط
بعدما تعب تنهد بتعب ودخل لمجلس الرجال ونطق؛سلطان سعود يناديكم نايف خلاهم لين طلعوا وجلس عند المكيف لانه احتر من الشمس
بعد ماجهزوا الفطور والقهوه والشاهي
طلع سلطان ومعاه سعود
ناظرهم نايف بـ استغراب ونطق:ليه جايين ؟
ناظره سلطان بصدمه ونطق:البريعصي يقول نايف يناديكم
طلع فهد ونطق :انا مناديكم لان لو قال فهد يناديكم مابتجون اعرفكم
هز راسه بـ اسى ودخل يناديهم على الفطور
على الفطور
نطق الجد :والله انها نعمه من الله لكن ماهي من سلومنا نفطركم تميس لو لا حلفكم كان الحين التيس سادحينه مقلقل ونفطر
نواف ومسفر ؛لاتكلف على عمرك احنا اهل مايحتاج
الحريم،،،
جالسين على الفطور وياكلون وبعض من السواليف ماعدا شخص واحد ساكت ومايتكلم
ناظرتها الجده بغرابه ونطقت :انتي علامك يامها من يوم جيتي ماتهرجين!
هزت راسها مها ونطقت :مافيني شي يُمه
ناظرتها سلاف بضيق معقوله كل ذا عشان غيث خطبها ؟معقوله ماتبيه عشان امه هند!!!؟
ناظرت هند في الجده وهي تبي تحط مها قدام الامر الواقع ونطقت بـ:ماباركتو
رفعت حاجبها مها
ونطقت الجده وحصه :على ايش ؟
هند :خطبنا سلاف لغيث بس خطبه حريم للحين ماصار شي رسمي وحبيت اقولكم عاد انتم لازم تدرون قبل اي احد
نطقت الجده بفرحه :عز الله انكم عرفتو تختارون الساعه المباركه وافقتو يامها ؟
هزت راسها مها بـ لا
ونطقت الجده :ماعليه اهم شي موافقه سلاف
زعلت مها من كلام امها وقامت من عندهم
ناظرت الجده في البنات ونطقت :قمن لمن السفره ونظفن المطبخ وامرحن للظهر والله مايقربكم احد وهذا وعد مني وانتي ياسلاف تعالي بالغرفه ابيتس
هزت راسها سلاف بـ طيب
ونطقت ريماس :طيب ياجده روحي لهم وقلي لهم ينزلون اغراضنا عشان بنام
هزت راسها الجده وقالت لسلاف تسبقها لغرفتها وهي طلعت لقسم الرجال
سلموا عليها ريجيل بناتها وقالت للعيال ينزلون الاغراض عند البيت
نادت غيث على جنب وسألته عن الخطبه
رد عليها غيث ونطق:نخيتك ياجده عمتي مها عيت تقول بنتي ماتاخذها
ناظرته الجده ونطقت:خلك من ذا انت تبيها؟
غيث :اي والله اني ابيها وشاريها
ضحكت الجده ونطقت:مالك الا الي يرضيك
قفز غيث بفرحه ونطق:بالجده البطله صدق وسلم على راسها
جاه فهد من برا ونطق:علامك تناقز ؟
غيث :بس عن الخطبه
فهد :اها
ناظرته الجده ونطقت:وانت تبي تعرس؟
هز راسه فهد بـ لا ونطق:الله يهديك لاتفتحين الموضوع الا اذا طلبت منكم
ضحكت الجده ونطقت ؛والله انك مخبول يافهد
-
بغرفه الجده
دخلت الجده وجلست على السرير جنب سلاف ونطقت:ها ياسلاف ؟
ناظرتها بتوتر ونطقت:ها ياجده علامك
ضحكت الجده ونطقت:مستحيه
ابتسمت لها سلاف ونطقت:شدعوه امري وش بغيتي ؟
الجده بغمزه :تبينه ؟
ناظرتها بصدمه ونطقت:عيب ياجده ايش هالحكي ؟
الجده بعصبيه :عيب بعينتس تبين غيث او لا ؟
ناظرتها سلاف ونطقت بضيق؛ وامي؟
الجده :لاتجننيني امتس وش دخلها ليكون هي بتعرس عليه ؟
هزت راسها بـ لا
نطقت الجده:اجل البريعصي يقول انه يبيك وشاريك على سنه الله ورسوله انتي تبينه؟
ماردت عليها
وابتسمت الجده ونطقت :معناته تبينه ولا ليه ساكته ؟
ماردت عليها
ونطقت :والله انتي تبينه بس تكابرين واذا عن امتس انا اداويها ماعليتس اهم شي انتي استخيري وشوفي اذا تبينه او لا انتي براحتس ماحد يجبرتس
والحين قمي امرحي الظهر بس بنتغدى ونمشي جهزو الملابس الي تحتاجونها
-
العيال
جاب فهد الفرش لهم كلهم لانهم بينامون بالمجلس للظهر
حصه راحت لبيتها واخذت معها هند وهناء
ومنيره ومها رفضو بحكم انهم لازم يشرفون على المكان
انا البنات ناموا كلهم بالغرفه
-
بيت ساعد
دخل البيت ونطق بصراخ منار
ماردت عليه وانقبض قلبه دائما تهدده بالرحيل معقول انحاشت ؟تسويها لانه ليه لا؟
ركض يدورها بالبيت مالقى لها اثر
نطق بجنون :الله ياخذك ياكلبه بتخربين الخطه علينا والله لو الاقيك لاحرق جسمك لك
تعالت انفاسها وانصب العرق من جبينه ونطق :والاوراق والاوراق من يجيبها وصار يضرب على الطاوله
سمع صوت صراخها تحت وضربها للارض
ونزل من غرفتها بسرعه
وكانت مع سعد الي يحاول يدخلها البيت وهي تبكي وتضربه تبيه يبعد عنها
لفت من شافت ساعد نازل من الدرج وركضت لجهه المطبخ بخوف سحبت جوالها وكانت بتفتحه
بس من التوتر ماقدرت
فتح الباب واحتدت نظراته ونطق:ناويه تخربين الخطه وتنحاشين مني؟!
بكت بخوف ونطقت :ساعد تكفى خلاص والله اسوي الي تبيه وعد بس اتركني
نطق :والله ماتركك ودعي غمازاتك يالكلبه
سحبها مع شعرها وتوجهه للفرن
ونطق بانفاسه الحاره :كل الحدايد خلصتيها يالكلبه بس بناخذ ملعقه عشانها كبيرها وضحك ونطق :قد غمازتك
هزت راسها بـ لا ونطقت بدموع :تكفى ساعد والله اسوي الي تبيه بس اتركني الحين اسوي الي تبيه كل شي
مد يده للملعقه واول ماقرب من وجهها صرخت بـ لا
ركض سعد للمطبخ واول ماشاف ساعد يحمي الملعقه وموجهها لوجه منار
ابعده بسرعه ونطق بعصبيه :ماتتحكم بـأعصابك انت ؟ حمار فرضاً شوهت وجهها من بياخذها والله ليرفضها
غطت وجها بيدينها واخذت طرحتها من على الارض وطلعت من المطبخ
-
بيت ابو سلمان
بعد مانتهو من الفطور توجهو يجهزون الاغراض الي يحتاجونها والمهمه
اما رعد فـ اخذ توق ومشى لبيته ياخذ اغراضه
-
صلاه الظهر "بيت ابو عبدالعزيز"
الجد بصراخ :يلا ياريجيل قوموا صلو خلونا نتغدا ونمشي بالاجواء الزينه ذي
صحو كلهم ماعدا غيث وفهد
نطق الجد بـ :نايف رح جب جيك الماء
راح نايف وجاب معاه جيك الماء ومده لابوه
نطق الجد بتهديد :فهد غيث انتم ينصحون ولا لا
مافي اي رد متشاركين في بطانيه وحده وفراش واحد بالاصح
نطق الجد:تستاهلونها انتم وكب جيك الماء عليهم
انتفضوا بصراخ وقعدو يسبون ويشتمون
فهد بضيق:مين صب الماء علينا عساه الكسر
غيث على اعصابه نطق:الواحد ماعاد يرتاح اوف منكم
تقدم عايض ورفسه برجله على رجل غيث وفهد ونطق :بدلوا ملابسكم ويالله على الصلاه المطر جانا
فز فهد وهو تذكر المشوار وخاف انه ينلغي لذلك مشى بسرعه للبيت يلبس ويطلع يصلي
ناظره غيث بصدمه وطلع شافهم كلهم طالعين للمسجد
ناظر في السماء والغيوم ونطق :اللهم صيباً نافعاً يالله انك ترزقنا بالامطار الزينه
توضى بسرعه وطلع معهم يلحق على الصلاه قبل تنتهي
دقت الجده على جوال حصه ونطقت :انتن وينكن ليكون ممرحات قمن المطر جانا دوبنا نمشي قبل مايحجرنا السيل
حصه بصوت داخله نعاس نطقت بـ:ابشري ياعمه مايصير خاطرك الا طيب جايين
صحت هناء وهند وقامن يصلن واخذت حصه شنطتها الكبيره مجهزتها من البارح فيها ملابسها وملابس تركي وعبد العزيز وطلعوا لبيت الجده
-
البنات
تقدمت ايلاف من الشباك وفتحته اول ماشافت الجو صرخت بـ:يابنات تعالوا شوفوا الجو يجنن
تقدمت منها ريماس بمرحها الدايم ونطقت :يارب يجينا مطر يارب عاد يـ ايلو تخيلي بس مطر وسياره نصور على كيفنا
ايلاف وهي مندمجه بكلامها نطقت :الله تخيلت يارب اسمعي وش رايك نطلع مع الجهه الخلفيه ؟
هزت راسها ريماس ونطقت :صدق انهم بيذبحونا بس ماعليه وصارت ترقص وتنطق بـ :الدنيا حلوه
وطلعو للمطبخ حتى يطلعون مع الباب الثاني
الجو كأنه في صباح الفجر كان جميل بشكل والسحابه سوداء
دخلو الريجيل المقلط وكان غداهم جاهز
تقدمو كلهم على السفره وبدو يتغدون
-
الحريم
كلهم على السفره ماعدا ايلاف وريماس مختفيات
نطقت الجده :الكلبات شكلهن طالعات مع الباب الثاني قمي شفيهم يابنت
قامت حور وطلعت مع الباب الثاني وشافتهم يسولفون
نطقت برفعه حاجب ونطقت؛مو يعني اني تملكت صرت كبيره تراني زيكم وش تسولفون عنه
ضحكو البنات ونطقوا :خلاص قريب بتتزوجين وتصيرين حرمه
ناظرتهم بضيق ونطقت:الغداء جاهز تعالو يلا
بعد مانتهو من كل شي والتجهيزات وكل حاجه لبسوا الحريم عبايتهم وطلعو شناطهم عند الباب
وتوجهو يركبون السيارات
رفع الجد صوته ونطق:ترا هناك برد هاتو لكم شين يدفيكم
نطقت الجده :الكل ماخذ احتياطات مير يالله مشينا
تقدمو البنات كالعاده من سياره فهد وركبوها بدون مايعطونه اي خبر حتى
اول مادخل انصدم اول ماشافهم
ونطق :كنت اخطط اروح لحالي !!!
ريماس :لاياحبيبي انت مافي شي اسمه لحالي كلنا مع بعض
فهد بطرف عين :اص ياورعه تعلميني!!
ريماس بتمتمه :مالورع غيرك !!
فهد:لاتمتمين ترا اشوفك والله لأترك كالعاده وتروحين مع ابوي وسعود
هـ اسكتي
غمضت عيونها بعصبيه ونطقت:والله ماروح مع سعود يخسي
ضربتها ايلاف ونطقت :مين يخسي اخوي؟!!!
ريماس وادركت انها جابت العيد
نطق فهد :تقصد اخوك الله يشبها بينكم وقعد يضحك
ريماس بتوتر :اقصد يعني ايلو انو ماروح مع اخوك ماقصد شي فهد بس يبينا نشبها بيننا وتخرب علاقتنا انتبهي لاتسمعين له
ايلاف بتفهم:صح فهد دايم يبينا نتهاوش عشان يرتاح منا معليك
ناظر فهد في ايلاف ونطق:يالرخيميه صدق ضحكت عليك
بيت ابو سلمان
طلعت حنين مع فارس وصقر ومشاري
وعويض اخذ ابوه وزوجته الحامل في الشهر الخامس وامه واخته هدى
رعد اخذ توق
وطلعوا كلهم يتقابلون عند احد المحطات حتى يروحون للمكان الي يبونه
عند احد المحطات
تجمعوا كلهم وكانت ٦ سيارات
فتح ابو عبدالعزيز شباكه وكان مقابل لسياره عويض الي فتح الشباك من جهه ابوه
نطق ابو سلمان :الخيمه وينها
ابو عبدالعزيز:لاتشيل همها انا قلت للعيال يجيبونه
-
سياره فارس
نطق صقر بـ:انا بنزل بخاوي العيال
ونزل بدون مايسمع منهم اي رد
ايلاف وريماس اول ماشافو صقر نازل من السياره متوجهه لسياره العيال
صرخت ريماس ونطقت :حور حور شوفي الحُب حقك
ضربتها ايلاف ونطقت :يالمفضوحه صدق وطي صوتك
ناظرته يمشي متوجهه للعيال لابس شورت باللون الاسود وتيشيرت باللون الاحمر
ناظرته حور ونطقت في داخلها :مسوي بيغري البنات!!
ضحكت هديل ونطقت :اخت حور شكلك خقيتي
ريماس :مالومها تشوفين التيشيرت كيف ماسك على جسمه
ايلاف بممازحه :لا عاد شوفي شعره وعضلاته مالومها اسمعي اذا ماتبينه اعطينيه
حور بحقد عليه:حلالك
ضحكوا البنات وهم يفكرونها تمزح كعادتهم
سبقوهم العيال للمكان وبدو يركبون الخيمه والجد ابو عبدالعزيز وابو سلمان بعد ماجوهم قعدو يعلمونهم على الباقي
اما الحريم في السياره المكيفات شغاله عليهم ينتظرون انتهاء مخيمهم حتى يروحون له
بعد مانتهو من خيمه الحريم
نزلوا من السيارات وتوجهو لمخيمهم ناظرو بالمكان حولهم كانت السحابه مرافقتهم من طلوعهم من الديره والمكان يجننن والاجواء وخضره المكان نتيجه العشب
ابعدو الريجيل عن المكان بمسافه تبعد كيلو متر وبنو خيمتهم كانو قريبين منهم حتى لو صار لهم شي لاسمح الله يسمعونه
كان بينهم زي الحاجز وهو عباره عن تُراب متجمع وكأنه جبل يسمى بالطعوس
ناظرتهم سلاف ونطقت :يابنات والله ماننشاف مره
ضحكت توق ونطقت :اي عاد نحنا مافينا وحده طويله اهم شي نقدر نطلع بدون عبايات وناسه
ايدتها هديل ونطقت :شفتو الجبل ذاك نفسي اركبه والبس عبايتي وافتح شعري وطرحتي ع اكتافي كذا وانتم تحت وانا اصور طرف عيني مع شعري يالله
ضحكت لين ونطقت :وش هالخيال الواسع اختصري لنا من البدايه في النهايه بس تصورين!!
شاركتها توق الكلام ونطقت :ولايهمك بتركبين الجبل وتصورين
حور :بعيداً عن كلامكم ذا الجو يفتح النفس
حنين :اخذو نفس شمو الريحه وربي ريحه مطر
ناظرتها حور وابتسمت من رجعت الفكره تطري على بالها ونطقت بداخلها :والله ياحنين لك نفس ماسويتي معي ..
حنين وهي مستحيه من حور بعد الي سوته ناظرتها ونطقت:اشفيك تناظرين وتبوسمين؟
ضحكت حور وضمتها ونطقت:مسامحتك معليك
حنين ودموعها على وشك النزول نطقت :والله منه هو يقول جيبيها لي
حور :ولايهمك عادي
صرخت ايلاف ونطقت:تمطر وربي تمطر
ضحكو البنات بفرحه وبدت السماء والغيوم تتضارب ونتج عنه صوت الرعد
صارخت سلاف بضحكه ونطقت:انحاشت توق والله انحاشت
تعالت ضحكاتهم من شكلها ودخلت الخيمه بسرعه
ناظرتهم حنين بضحكه ونطقت:شفيها ليه دخلت ؟
لين بـ ابتسامه :تخاف من الرعد هذا وعندها اكبر رعد
توق واقفه قدام الخيمه تناظرهم ونطقت :حبيبيتي فيه فرق رعدي مايخوف وادخلو بعدين نطلع اساسا الاذان قرب نصلي ونطلع
جاتها سلاف ولين وهديل ودخلو معاها
الحريم جالسات مسويه حلقه دائريه ويسولفون ويتقهون
رفعت نظرها مها من جلست توق جنبهم
ونطقت :وش صار على طلاقك من ولد..
تكلمت سلاف بسرعه ونطقت :يمه تقصدين رعد؟ شوفي جدته عيده تراها
ناظرتها مها بصدمه ونطقت :رعد ماغيره ؟
هديل ؛ايوه ياخاله ترا رعد اهله عائله ال سلمان ونحنا حابين نسوي لكم مفاجأه ونعلمكم
ناظرتها مها بصدمه ونطقت :رعد ماغيره ؟
هديل ؛ايوه ياخاله ترا رعد اهله عائله ال سلمان ونحنا حابين نسوي لكم مفاجأه ونعلمكم
ام عبدالعزيز بذهول نطقت :عيده؟
ابتسمت ام سلمان ونطقت:ولد سلمان الله يرحمه
والله اني مادريت الا يوم شفته داخل علي مع الباب وعرفت انها بنتكم
ضحكت الجده ام عبدالعزيز ونطقت:صرنا نسايب للمره الثانيه
عيده بضحكه:الشرف لنا والله
انصدمت مها ونطقت بداخلها :طلع ولد ناس !!!
دخلو البنات وهم مقررين صلاه العصر يمشون
..بيت ساعد..
دخل عليها بالغرفه ونطق :البسي لك لبس حلو وخليك حلوه
هزت راسها بـ طيب
ونطق :نصيحه مني يامنار لاتحاولين تسوين شي
جوالك خليه معك وابشرك حطيت عليه مراقبه يعني تجين بتكلمينها وتعلمينهم اكشفك ثم والله لاقتلك ولايرف لي جفن سمعتي؟
هزت راسها بـ ايه ومشت للحمام يكرم القاري
تقدمت من المرايه ورفعت تيشرتها ناظرت في بطنها مسكته بـالم ونزلت دموعها بصمت
ناظرت في المرايه ونطقت :انتي قويه انتي تحملتي يلا اجهزي الحين وخليك طبيعيه لاتخافين
تروشت على السريع وطلعت توجهت ادرجها ولبست بنطلون جينز باللون الاسود وبديسوت باللون الفوسفوري
ابتسمت على شكلها ونطقت :فقعي عيونهم من الالوان
بعد مانتهو من صلاه العصر
طلعو البنات يم الجبل بطلب من هديل
لابسات عبايات بدون مايغطون عن شعورهم بحكم ان مافيه احد ولا احد يشوفهم
-
الرجال
ابو سلمان :فارس
ترك العيال ومشى متوجهه لابوه
فارس:سم يبه
الجد:سم الله عدوك رح لامك تعطيك حبوبي وجهاز السكر بنحلل
هز راسه فارس بـ ابشر
ونطق ابو عبدالعزيز :وانت يافهد اخذ الجزه معك ودها للحريم علانا برد وواضح انها بتمطر
مشى فارس وفهد اخذ الجزه وحطها بالسياره ومشى متوجهه للحريم
-
عند الجبل
واقفات عند الجبل يناظرون هديل الي تصعد الجبل ومستانسه
نطقت توق:انتبهي يابنت لاتطيحين
لفت على البنات ورجعت تنطق بـ:انتبهو يابنات خلو نقاباتكم معكم عشان اذا جات سياره او صار شي لاسمح الله
ضحكت هديل ونطقت :لا ان شاء الله ماطيح
نطقوا كلهم بـ اي معنا لاتشيلين هم
وقفت على حجره من حجرات الجبل فلتت شعرها البُندقي ونطقت بصوت عالي: بنات يلا سوو وضعيه بصور
ابتسمت ووقفت على حيلها فتحت الكام ورفعت وجهها وابتسمت اول ماصورت رفعت صوتها ونطقت :الصوره بيرفكـ..
ماكملت كلامها من فقدت توازنها وطاحت من فوق الجبل
تعالت صرخاتهم بـ لا
حست بالقشعريرة تسري بجسدها واستكنت مكانها
ركضت لين تدورها ونطقت ببكاء وبصراخ ؛نادو احد يجيي يساعدنا
رفعت صوتها ونطقت بخوف :يبهه نادو احد تكفون وش منتظرين انتم !!
ركضو البنات بفجعه وداخلهم خوف وينطقون بصراخ :هديل يدورونها
ركضت حنين تناديهم اول ماقربت من المخيم شافت فارس واقف عند السياره
نطقت بصراخ ورجولها ماعادت تشيلها من الخوف
:فارس
لف من سمع الصوت وشافها تركض له عرف ان فيه شي رفع طرف ثوبه وركض لها
حنين من بين انفاسها :طاحت طاحت من فوق الجبل ساعدوها
ركض فارس بدون مايسمع شي ثاني حتى ولايدري الوجهه وين بس يسمع صراخهم
طلع الجزه وحطها داخل المخيم طلع ماشاف فارس واستنكر
واقفه تناظر بدون اي وجهه تحس بيغمى عليها لامُحالاه صوت شهقاتها تعلى
وقف عند السياره وكان بيركب بس سمع الصوت
لف بسرعه وصوت الصراخ يزيد
ركض بسرعه للواجهه الي يسمع منها الصوت
انصدم اول ماشافها واقفه وصوت شهقاتها يزيد قرب منها وناظرها بصدمه ليه تبكي
وقف قدامها ونطق من بين انفاسه :وش فيه
تعالت شهقاتها ونطق فهد :علامك !!
نطقت بـ:طاحت طاحت
انقبض قلبه بخوف ونطق :من
حنين بخوف :هديل طاحت من الجبل
فهد بعصبيه :وش وداكم الجبل
تعالت شهقاتها ورجولها ماتشيلها جلست بتعب ونطقت:ماماتت
ارتخى بسرعه ومسكها مع يدها غير مبالي في الي حوله وصل سيارته وركبها ونطق :اركبييي
ركبت بخوف وتعالت شهقاتها مدت يدها لفمها تمنع شهقاتها توصل لمسامعه خوفاً من انه يهاوشها
فهد وهو تعب من كثر الركض لمن سمع الصوت نطق:وينهم
اشرت على الجبل ونطقت :هـ....نـ..اككك
زاد من سرعه سيارته وناظرها مع مرايه السياره
ونطق بحنيه :ليه خايفه ماصاير فيها شي ان شاء الله
مسحت دموعها بضعف ونطقت :فارس راح لهم
مادرينا انها بتطيح والله
-
عند الجبل
من بعدما عرفو ان حنين راحت تناديهم لبسوا طرحهم وانتشرو بالمكان وصارو ينادون بـ اسمها
ركضت ريماس ونطقت :انا بركب
ركبت بخطوات تائهه رجولها من الخوف ماعادت تشيلها نطقت ببكاء :هديلل
استوعبوا كميه الموضوع عليهم ونطقت توق بهلع :البنت بتموت
ركضت للجبل بسرعه وكأنها تو تستجيب وتفهم الوضع كانت بتركب
بس جاهم فارس ونطق بصراخ :وينها من وين طاحت؟
لين بخوف نطقت :هناك
واشرت على المكان الي كانت فيه ركب الجبل بخطوات سريعه ونطق بصراخ :انزلن لاتطيحن انا اجيبها
نزلوا البنات بخوف اما هو توجه في المكان الي قالو له عليه
تقدم من المكان وشاف حاجه سوداء طايحه على الارض
مشى بسرعه بـاتجاهها وقف قدامها ناظرها ممتده على الجبل نزل لـمستواها ورفع الطرحه الي مغطيه نص وجهها
ناظر في وجهها للحظات اقترب من راسها ورقبتها بحذر وضرب على وجهها بيدينه على الخفيف لعل وعسى تستجيب
رفع رقبتها وابعد شعرها مد يده لراسها وشاف جرح بسيط
رجع يضرب على وجهها على الخفيف حتى استوعبت
حركت حاجبيها بضعف وفتحت عيونها بهدوء
ناظرت قدامها كل شي اسود رجعت تغمض عيونها حتى تتأكد بس الظلام محاوط عيونها
خافت من فِكره انها انعمت ونطقت بخوف :يمه يبه
نطق فارس :لاتخافين احنا معك
مدت يدها بخوف ونطقت :ليه انا ماشوف وش صار فيني
تغيرت ملامح وجهه معقوله الطيحه اثرت على عيونها
تقدم بوجهه قريب منها ونطق بـ:امسكيني وين وجهي
مدت يدينها في الهواء بدون فايده وقرب وجهه ليدينها ومسكت وجهه نطقت بخوف:مين انت انا ماشوف سلطان وين ؟
بكت بـ اعلى صوت ونطقت بصراخ :سلطان
رفعها بسرعه وكانت تضرب فيه ماتبيه يقربها
شد عليها غصب عنها ونزل مع الجبل بحذر
وقف السياره ونزل شاف البنات يبكون نطق بعصبيه :على السياره بسرعه البنت وين ؟
كان على اعصابه خوفاً من انه يصير لها شي
نزل فارس حاملها بين يدينه ركض له فهد حتى وقف قدامها ومد يده لفارس الي اعطاها لـفهد
نطقت بصراخ :ابعدوا عني سلطان وين انا ماشوف
تغيرت ملامح فهد ونطق :كيف ماتشوفين ؟هديل اصحي انا فهد علامك ضحك بتوتر ونطق:مالك داعي تمزحين
نطقت بخوف:فهد فهد ماشوف انا والله ساعدني
مدت يدينها تحسس صدره ضمته بخوف ونطقت :ابي سلطان نادوه لي
ناظر فهد في فارس ونطق بـ:اخذ البنات للخيمه وحذرهن مايطلع علم واحد والله ان طلع علم مايعينن خير كلهن
هز راسه فارس وركض لسياره
كانو يبكون على حال هديل وبكائهم وصل لمسامع فارس الي ضرب على الدركسون بعصبيه ونطق :والله لو حد يدري عن الي صار ماتعينين خير انتي وياه انزلن الحين وخلكن طبيعيات تسمعن !!!
هزو رووسهم بخوف منه وماكان منهم رد
نزلهم عند خيمتهم وحذرهم للمره الثانيه انهم مايخبرون احد
لف عمامته على راسه ومشى متوجهه لخيمه الرجال فتح شباك سيارته ونطق بصراخ :سلطان
طلع سلطان بفجعه من صراخه له ونطق بـ:هلا
نطق فارس :اركب معي بسرعه
تقدم سلطان بسرعه وركب جنبه بدون مايسأل اكيد صاير شي ولا ليه معصب هالكثر
ظلت متمسكه في فهد خوفاً من انه يتركها
نطقت بـ الم :احس راسي بينفجر بموت من الالم
مسك فهد راسها بين يدينه وسلم عليه
ونطق:خلي ايمانك بالله قوي وكل شي مكتوب للانسان لاتقنطين من رحمه الله
وقف بالسياره عندهم ارخى راسه على الدركسون
نزل سلطان بخوف من شاف وجهها والدموع الي تنهمر منه تقدم منهم ونطق :علامك
ابعدت عن فهد ورفعت يدينها بالهواء ونطقت :سلطان ساعدني سلطان
تقدم منها سلطان ورفعها وناظر في وجهها ونطق :من ايش
مدت يدينها تتحس وجهه ونطق ببكاء:انا ماشوفك سلطان والله ماشوفك
ناظرها بذهول ونطق :هديل مو وقتك ليه المزح
عرف فهد انه بيغمي عليها والدليل جسمها الغير متوازن
اسرع بخطواته وحملها من على الارض بسرعه تهاوى جسدها بين يدينه
ناظر في سلطان ونطق :افتح الباب بسرعه
فتح الباب وهو مصدوم ركب بسرعه ومد يده لـفهد الي اعطاه هديل حملها في حضنه وسلم على راسها بخوف من انها تتأذى ذي وحيدته الله يلوم الي يلومه
ركب فهد قدام مع فارس ونطق:المستشفى بسرعه
حرك فارس بسرعه تتعدا ١٦٠
شاف الجد ابو سلمان ونطق :عان الخايب ارسله يجيب الجهاز حق السكر وسافهني مايستحي
نطق ابو عبدالعزيز:لا وبعد يفحط
دّب القلق في قلب نواف ليه يسرعون وليه فارس اخذ سلطان ؟
مستحيل فارس راكد وهادي مستحيل يسفه ابوه ولايسوي هالحركات
قام من الجلسه وفتح اول ازرار من ثوبه مد يده لجيبه اخذ جواله واتصل على هديل ماردت عليه رجع يتصل عليها بس ماردت
دق على سلطان
رفع جواله وشافه ابوه مارد عليه قفل جواله خوفاً من انه يرجع يتصل عليه
تقدم منه رعد ونطق:شاك بالوضع ؟
هز راسه نواف ونطق :اللهم اجعله خير
ربت على كتفه رعد ونطق :انا اشوف لك الوضع لاتشيل هم
هز راسه نواف ونطق :اي والله طلبتك
نطق رعد بـ ابتسامه واشر على ذا الخشم
اخذ عمامته وعدل عصبة راسه شغل سيارته ومشى متوجهه لخيمه الحريم
واقفات برا كلهم خوفاً من انهم يدخلون ويسئلونهم عن هديل
دق جوال توق وكان رعد مدت يدها بـ ارتجاف
فتحت الخط ونطقت :هلا
رعد بهدوء:انا على سيارتي ورا الخيمه اطلعي لي
هزت راسها بـ اي وكأنه يشوفها وقفلت منه ناظرت في البنات ونطقت بهدوء :انا بروح لرعد تقدرون تدخلون واذا سئلوكم عن هديل قلو لهم انها معاي تمام ؟
هزو رووسهم بـ ايه ماعدا حور الي نطقت بـ:ماراح ادخل اعتبروني معاكم
مشت توق لرعد اما البنات دخلو للخيمه بـ استثناء حور
... خيمه الرجال ...
ناطر الجد بـصقر ونطق :رح جب لي الحبوب عند امك وانتبه تسفهني مثل الخايب فارس
رح على رجلك المكان ماهو بعيد
ضحك صقر اخيرا احد سب فارس ونطق :ابشر بـ الي يسرك هذاني قايم
مشى متوجهه يجيب الحبوب وجهاز السكر
مشت وشافت سيارته فتح شباك سيارته من شافها جايته طلع يده واشر لها تجيه
بالفعل توجهت له ركبت بهدوء تام
ناظر في عيونها باستغراب ونطق:انتي بكيتي؟
هزت راسها بالنفي خوفاً من فهد
ناظر فيها لوقت طويل كانت تتجاهل نظراته ونطقت :غريبه ناديتني ؟
رفع المرايه وناظر في غترته عدل عصبة راسه
شغل سيارته ومشى تارك المكان
ناظرت فيه برعب ونطقت :وين رايحين ؟
مارد عليها ووقف في مكان شوي بعيد يحجب عن الروئيه ناظر حوالينه يشوف اذا فيه احد او لالف عليها وسحب طرحتها مع نقابها
ناظرته بصدمه ونطقت:رعد يشوفون
هز راسه بالنفي ونطق :علامك ليه بكيتي ؟وجهك احمر
هزت راسها ونطقت بعبره :مابكيت !
رعد بحنيه:لابكيتي علامك ياعيون رعد؟
ماتحملت وانفجرت في وجهه باكيه
نطقت بـشهقات مُتتاليه:رعـ...د اا ههد..يل طـ..احت
مافهم عليها من شهقاتها المستمره لذلك رفعها من على المرتبه حتى صارت في حضنه ومقابل له
مسك وجهها بحنيه ونطق؛فهميني لاتخافين وش صار
تسارعت انفاسها وتمسكت باكتافه
مسح على ظهرها ونطق بـتمتمه :بسم الله عليك لاتخافين توق!انا هنا
هدت من انفاسها ونطقت:هديل نحنا والله بس كنا رايحين للجبل بنلعب بس هي هي طاحت والله نحنا مادرينا
رجع طيف هديل يطري ببالها وهي تتهاوى مع الجبل
ارتجف جسمها وتقشعر بدنها من تخيلت السقوط
وهاهي تدخل نوبه الهلع للمره الرابعه لم تأتيها في صُغرِها إلا مرات قليله عندما تتهاوش امها مع ابيها
كانت طِفله صغيره تخاف وتتوتر ثم انقطعت عنها مُطولاً
والان عِندما كبرت اصبحت تزورها مرةً اُخرى
انصدم اول ماشاف ارتجافها للمره الثانيه
مسك وجهها بيدينه الثنتين ونطق:توق اصحي
هزت راسها بـ لا ونطقت بصراخ:هديل
ناظرها وهي تصرخ شدد من احتضانه لوجهها
ودفعها بعنف في عنقه
ركزت بيدينها على صدره وبدأت تكتم تنفسها وتتنفس ببطء هذا افضل حل لنوبتها
بدأت شهقاتها تعلى نطقت :ابي هديل
هز راسه ونطق :ابشري اوديك لها بس لاتبكين
شغل سيارته بيد وحده والاخرى يمسح على ظهرها وشعرها
اول ماقترب من الرصيف نطق بهمس :البسي يلا قبالنا خط وناس
هزت راسها بـ اي وكانت بتبعد بس هو رفض
ونطق بضحكه :الي بيشوفك بيقول نونو في حضني
ابتسمت من تحت نقابها وتنهدت بتعب
هو ماحب انه يقول لـ نواف حتى مايقلق او يخاف عليها بيتاكدون من حالتها وبعدين يخبرونه
داخل الخيمه ،،
ناظرتهم مها ونطقت :وش فيها وجيهكم وين البنات ؟
ابتسمت لها سلاف ونطقت :يمه البنات برا عاجبهم الجو لذلك مادخلو عاد احنا تعبنا
ناظرتها مها وهي ابداً ماعجبها كلامها ولازالت شاكه فيهم
تقدم من الخيمه ونطق بـ ؛ياولد
التفتت برعب وناظرت فيه
ابتسم وتقدم منها بسرعه ومسكها قبل ماتروح من يدينه
هدى سمعت صوت صقر وقالت لحنين تروح تشوف
طلعت حنين وشافت صقر ماسك حور
وحور تناظره بنظرات اِرتعاْب
تقدمت منه حنين ونطقت :وش تبي بالبنت ابعد عنها
ناظرها صقر ونطق بـ:معليك مني جيبي الجهاز والحبوب حقت جدي سرعه
مشت حنين تجيب الاغراض لعل وعسى يترك البنت بحالها لان دايم كل ماشافها يرعبها بتصرفاته الغشيمه
رفعت يدها وضربته على صدره بقوه ونطقت من بين اسنانها :لين هينا وبس ياصقر ورقه طلاقي توصلني تسمع!؟؟
ارتجف داخله من كلمتها ونطق ؛ليه؟
نطقت بحده :تصرفاتك مرعبه بالنسبه لي انا مستحيل اتقبلك بكل الاحوال اتمنى تطلقني بدون مشاكل اتركنييي بحالي مابيك ولا ابي قربك !؟
مارد عليها
ورجعت تنطق بـ:ماعندك رجوله يعني ؟اتكلم معك انا !!!!!
مد يده لفمها يمنعها من انها تتكلم اكثر وحملها بين يدينه الثنتين مبتعداً عن المكان
...بالمستشفى ...
طلع الدكتور من الغرفه
تقدم منه فارس وسلطان ونطق سلطان بـ:هي بخير ؟؟
ناظر فيه الدكتور بحزن ونطق:الامور كلها بخير بس بصرها فقدته لان الطيحه اثرت على قرينة العين
ضرب سلطان يدينه في بعض نتيجه قهره هو مايعترض على حكمة الله وقدرته تكى على الجدار بتعب
تقدم فارس من الدكتور ونطق :حالتها تسر انها تطلع ولا لا؟
ناظره الدكتور ونطق:لا ابدا لازم تاخذ يومين تحت المراقبه على الاقل حالتها النفسيه تهمنا جدا
هز راسه بتفهم ونطق :الحمدلله على كل شي
..في احد غرف المستشفى ..
تناظر في السقف وكأن الحياه خاليه تشوف كل شي ظلام جلست على الكرسي تبي تقوم سحبت المفرش ونزلت بخوف جلست على الارض وصارت تزحف تدور مكان الباب تبي تطلع مستحيل تقعد هينا كانت تمسك الاغراض بخوف من انها تأذي نفسها قربت من الطاوله وضربت فيها بالغلط
بحكم ان طاوله المريض تكون كفر من تحت حتى يسهل توصيلها للمريض
ضربت في الطاوله بالغلط وطاحت الطاوله وما عليها ابعدت بخوف وصارت تنادي بـ سلطان
فز من سمع اصوات داخل الغرفه دخل بسرعه وشاف الطاوله مرميه هي الارض وهي تنادي بـ اسمه
قرب منها بسرعه ورفعها عن الارض خوفا من انها تتأذى
نطقت بصراخ :طلعني من هينا
شدد من احتضانه عليها حزين على حال اخته معقوله طيحه تأثر على العيون؟
همس بـ اذنها ونطق :بعالجك والله بعالجك
نطقت بغير وعي :طلعني من هينا طلعنييييي يبه
قرب فارس من الباب بيقفله بس نطق سلطان بصراخ خوفا من انه يخسر اخته :ناد الدكتوررر
ركض فارس مع القسم
فهد كان جايب لهم ماء بس من شاف فارس يركض رمى مافي يده ولحقه
وقف عند الاستقبال ونطق:الدكتور الدكتور وينه
صادف الدكتور بالممر وركض له ونطق :المريضه في حاله لاوعي
ترك الدكتور مابيده مع المريضه وركض معهم
دخل عليها بالغرفه كانت تحاول بـأي طريقه تتخلص من سلطان
دخل الدكتور ومسكها مع يدينها كانت تحاول تفلت منه بس ساعده سلطان حتى وضعها على السرير
وحقنها بـ ابره مهدئه رُغم محاولتها انها تفلت منهم الا انها ماعادت تقوى وذهبت في سبات عميق من النوم
وقف قدام المستشفى هو مايدري اذا هم هينا او لا بس الاكيد انهم متواجدين هنا لان هذا المستشفى الاقرب من المكان
نزل واشر لها تنزل وبالفعل استجابت له ونزلت معاه
وقف عند الاستقبال ونطق :قبل شوي جابو لكم حاله
نطقت توق وهي ماتبيه ابداً يتكلم معها :بالمختصر يعني البنت اسمها هديل
ناظرتهم الموظفه ونطقت :عذراً عزيزتي لانستطيع اعطائكم اي خبر يخص المريض
طلع بطاقته من جيبه ومدها لها
ناظرت فيهم لثواني ونطقت :فيه اكثر من مريض بهذا الاسم بس الحاله الي جاتنا قبل شوي بـاسم هديل نواف؟
هزت راسها توق بـ ايه ونطقت :وين نقدر نلاقيها؟
الموظفه :الطابق الثاني رقم الغرفه ٩٥
انصدم فارس اول ماشاف رعد ونطق ؛رعد؟
هز راسه رعد بـ ايه ونطق:كيف حالتها؟
أنت تقرأ
يلتفت لها القلب والعقل
Actionكُتبت بواسطة الكاتبـه : شيماء 🇸🇦 - حسابي انستا| r_iixeer . . نقل الروايه قد يُعرضك لمسأله قانونيه 💫.
