يلتفت لها القلب والعقل

🌷

سبحان الله وبحمده
سبحان الله العظيم
لا حول ولاقوة الا بالله
الله يرحم لطيفه
-
.
بالداخل
بدّلت ملابسه بـ أكملها ولازال يبكي ،شرّبته حليبه لكن هالمره عنّد ومارضى يسكت ابداً
ناظرت بجوالها اللي يتصل والأكيد انه رعد ، لمّت اغراضه على جنب وسحبت الجوال ترد عليه
.
رعد
دّق عليها لجل ياخذ سلمان ومن سمع صوت بُكاه نطق :انزلي بالحوش ابيكم
-
بالحوش
ناظرها تطلع وسلمان معها يبكي ،  مد يده بحنيه ونطق:ليه يابابا ليه ليه!
قوّس شفايفها وكأنه يفهم عليه وزاد من بكائه لـحد ما حضنه رعد ومسح على ظهره
ضحكت بذهول ولمعت عُيونها من سكت بحضنه ، ضحك رعد من الدموع المتجمعه بعيونها ونطق:اذا بتبكين كذا ماندري نسّكت سلمان ولا امه
تقدمت منه وحضنته مُشاركه سلمان فيه ، ماهي الا لحظات وابتعدت عنه بعد ما قّبلت جُزء من فكّه
ضحك لها حتى بانت اسنانه ونطق:ادخلي داخل
هزت راسها بـ ايه وأشرت له على سلمان ، ناظر بـ سلمان ونطق:اما الشيخ سلمان بيروح يرّحب بضيوفه
-
بيت ابو سلمان
دخل سلمان والشرار يتطاير من عيونه عكس هدوءه بالسياره تماماً
شهقت سحر برعب من مسك شعر بُشرى ويده الأخرى استوطنت فكّها
سلمان من بين اسنانه :لوين بتوصلين انتي وهالزفته لوين !
غمضت عيونها بـألم وبكت من فرط خوفها ، لـ اول مره تشوف سلمان بالوضع ذا
.
نزلت من الدرج وصرخت فيه بغضب ونطقت:سلمان الله يكسر يدك! اختك اختك
سلمان بصراخ من سمع دعوة امه وأشر لها بمعنى فهمّيها ، لف نظره لجهة الباب ولمح ابوه اللي توه يدخل ونطق بصوت عالي :فهّموها انها ماتقرب يم زوجتي لا هي ولا الزفته اللي وراها والله واللي خلقها سبع ورفعها ان سمعت وحده منهم مّقربه سنتي بس انها ماتشوف مني الخير!
تقدم منه ابوه من لمح الغضب الواضح بوجهه ونطق:اجلس وانا ابوك اجلس
جلس على الكنب بغضب ونطق بقلة صبر :فهّمها يبوي ما ابي امد يدي عليها
مسكت فكها بـألم ونطقت بصراخ :وش سويت ، سحرتك وسّوت اللي براسها تبي تفرقنا عن بعض وتسوي مشاكل بينا!
سلمان بعصبيه :انتي ام المشاكل انتي حتى الأزواج تبين تفرقينهم !
ابو سلمان بجديه :بس انتهى النقاش
ضرب بيده على فخذه وتكّى بجسده على الكنب ، رفع نظره لها وشافها واقفه تناظره بحيره أشر لها تجلس جنبه وبالفعل تقدمت منه وجلست جنبه
ابو سلمان بهدوء:اجلسي انتي!
جلست بشرى وبداخلها خوف كبير من انها تنكشف لأن ابوها قد حّذرها تبتعد عن سحر
لف عليها ونطق:وش سويتي ، ليه اخوك معصّب لهدرجه؟
جمعت يدينها في بعض ونطقت:ماسويت شي اكيّد محّرضته علي!
تدخلت ام سلمان ونطقت:سلمان اصلاً
رفع نظره لها ورمقها بنظره بمعنى اسكتي ماودّه يقلل من احترامه لها قدام عيالها وخصوصاً سحر
بلعت ريقها بتّوتر من انه يعرف بالموضوع وحزّتها وش بيصير فيها وفي بُشرى!
ناظر امه ومن لمح نظراتها وتوّترها نطق :ماصار الا كل خير يبه انت حّذرها بس ، انا ماشي لبيتي
هز راسه ابوه ونطق :الله يوجه لك
-
بمجلس رعد ، بوسـط العزيمه
دخل عليهم وسلمان بيده يضحك عكس بُكائه قبل شوي ، تعالت ضحكاته الخفيفه من شافهم يقّربون منه واخذ يلعب برجوله ويحتمي بوسط صدر رعد
ماهي الا لحظات ودخل فهد ومعاه غيث ، فّز الجد من مكانه يرّحب فيهم وتقدم رعد بالمثل يرّحب فيهم
حضن فهد ابوه ونطق وهو يهمس بإذن ابوه :شسويتي بعد غيابي انت وامي؟
غمز له غيث اللي سمع مُحور كلامه ونطق:هاه ياجدي ؟
ضحك الجد من كلامهم ونطق:الخلا انت وياه
-
بمجلس الحريم ، بوسط العزيمه
ماكان ترحيبـهم اقل من ترحيبهم ابداً ، البيت كله فرحان وبحُكم إجتماع شملهم
فيصل مسّتكن بوسط حُضن هدى اللي للحين ماتخّطت وجوده ولا مّصدقه ابداً شعور ان صقر اب ، لحظات تسمع لحنين ونص وقتها تقضيه معه
ناظرتهم الجده ونطقت:هاه يابنات كيفكم
ابتسموا كلهم وبوقت واحد رّدو عليها ، ضحكت سلاف بذهول من نطقت الجده بخبر زواج ريماس وسعود ونطقت:هنّياله سعود
حركت حواجبها بحركه غريبه وضحكت بخفه من توجهّت الأنظار عليها
تفاوتت اصواتهم مابين السوالف وغيره لحّد مانطقت مها بهدوء غريب وجديّه بكلامها :الحمدلله على سلامتكم
فهمت عليها توق وهزت راسها بـ ابتسامه خفيفه :الله يسلّمك
الجد بنظرة غريبه ضحكت منها ايلاف ونطقت:وش صاير فيك يـ ام سلمان؟ طمّنينا
مها :قبل شوي قال لنا سلطان انهم مسكوا المُجرم اللي كان مأذينا وهو كان ناوي على اهل رعد
تعالت دعواتهم عليه ، عكـس الانسانه اللي ذبلت ملامحها ، واحتّرت ملامح وجهها بشكل موجع ، ناظرت في بُروز بطنها لثواني ، مسحت عليه بالخفيف ، ووّقفت تخرج من المكان ، خاطرها طاب من القعده ، معقوله خُروج نايف كان لجل يمسك اخوها ، ابتعدت بخطواتها بوسط الحوش وجلست على الأرض بـإنهيار
-
رعد
من شاف ان لازم  يجّهز عشاه ويضيّفهم ، اضطّر انه ياخذ سلمان لـ توق
.
-
بالداخل
طلعت له لجل تاخذ سلمان منه وانصدمت من جلوسها بوسط الحوش والأهم بكُاها ، ركضت تاخذ سلمان من لمحت الباب ينفتح ونطقت :ارجع وراك ، ابي نايف
هز راسه بغرابه ونطق:طيب
-
نايف
عقد حواجبه من مُنادات توق له بوسط العزيمه وبعّز انشغالها ، طلع بالحوش ومن شافها جالسه والأكيد انها تكلّم احد ، تقدم منها وتغيرت تعابير وجهه من شافها ممّيله راسها بـإنكسار وتناظرها بنظرات غريبه
تقدم بهدوء وجلس جنبها ، لفّت بعيونها تناظره ، نزلت دموعها بصمت ونطق نايف:اعطيني عبايتها
هزت راسها بـ ايه وركضت للداخل ، ناظرت بـ ايلاف الماّره من عندها ونطقت وهي تمد لها سلمان : امسكيه
-
سيارة نايف
كان يسوق بصمت بعد ماتعّذر من رعد على انه لازم يمشي بحجة شُغل ، قطع صمته صوتها من نطقت:ماقلت لي
هز راسه بـ ايه ونطق بصوت هادي :ماقويت والله
هزت راسها بهدوء ونطقت:وش بيصير عليه طيب؟
نايف بجديه :اللي سوّاه مو هيّن وانتي ادرا فيه ، بياخذ حقّه وبناخذ حقّنا
غمضت عيونها بحسره ، تمّنت لوهله انه تاب قبل ماينمسك ، عضّت على شفايفه بحسره على حاله
حسّت بالغّصه تحرقها بوسط حلقها ونطقت بصوت متقّطع :نايف
نزلت دموعها هالمره بغرازه من شافته يأشر لها تتقدم وبالفعل بدون مُقدمات ارتمت بوسط صره واخذت تبكي بحسره على وضعه
-
بعد إنتهاء العزيمه توّجه كل مُنهم لبيته ، بإستثناء البنات اللي قرّروا يساعدون توق وبعدها يمشون
اما بالنسّبه لغيث وفهد قرّروا انهم هالمره يتوجّهون لبيت الجد ويشيكون على وضعه ووش صار فيه من تغيرات
-
فهد
لف على حنين ونطق:انتي هيه ياحرمه
قرصته بكّف يده اللي يأشر لها ونطقت :وجع يافهد
ضحك بألم ونطق:اقعدي هنا مابّطول بشّيك على الوالد ونمشي
لازم نرجع بدري مادام بيتزوج ابو عناد
هزت راسها بـ ايه ونطقت :روح يلا ، اصلا شوف صقر جايب حور ، بيجي الحين
ضرب الباب بتكشيره ، رفعت حاجبها وفتحت بابها بالمثل وضربته بحكم انها تتأكد من تقفيله ، ناظرها بذهول وما اهتمت له ابداً
-
غرفة الجده
ناظرت بحزام الرقّص اللي سرقته بدون ماتدري ريماس واخذت تلفه على جسمها بحجّة التقليد فقط ، لسوء حظّها ان فهد دخل عليها هالمره وغيث يشاركه بالمثل
ناظرها عيث بذهول وتعالت ضحكات فهد وهو يجلس على الأرض بتعب ونطق :لا يالغاليه لا لا
كشّرت بوجهه ونطقت :يامال الصلاح زوجّناكم تعقلون وانتم وش جابكم
جلس على الكرسي ونطق بغمزه :اعترفي وش لك تتعلمين بالرقص ؟
غيث :بتغري جدي على اخر زمانه يافهد
ضحك فهد ونطق:والله يايمه جايبه ابوي على راسه
الجده بصراخ :برا برا انت وياه جعلكم باللي مني بقايله !
دخل الجد عليهم ونطق:يامال العقل انت وياه وش جابكم !
تقدم فهد من ابوه ونطق:والله يابوي امي تتعلم لك على رقصه هنا خلها توّريك
ابتسم الجد بحماس ونطق وهو يناظر الجده:هو صادق؟
-
بيت رعد
رتبّوا المكان بـعنايه ونطقت ايلاف وهي تجلس بتعب :جوالي ماحصّلته ليكون مع بنتك يالين ؟
لين بعباطه : اي قبل شوي شفتها تسير فيه
ضحكت ريماس بصوت عالي واهم ماعندها هـ الأجواء اللي تجمعهم وتجمع سـواليفهم وسـخافاتهم
ضحكت ايلاف وخّرجت جوالها من جيبها بعد ماجاها رساله ، تلاشت ابتسامتها من شافت كلام ابوها وسكتت بهدوء
-
مسفر
كلّمها بهالطريقه لجل تفكر مع نفسها بعيداً عن مها خصوصاً انها مع البنات ، تنهّد بتعب من تذّكر كلام الجد له قبل شوي وقت نطق : يامسفر تركي برقبتك ، وإنما يقصد بكلامه "انكم عذّبتوه اعطوه الخُلاصه من الموضوع هذا كله "
قفل جواله بعد ما ارسل لها "تركي عاقد النيه يبيك وش قولك؟"
ناظرت فيهم وتوجّهت للداخل ، فّزت توق من مكانها ونطقت :هديل انتبهي لـسلّوم تدّربي عليه من الحين
ضحكت ريماس ونطقت:هديل منلخمه
توجّهت للداخل ، دخلت المطبخ ، ناظرت بـ ايلاف اللي واقفه وتناظر بالفراغ وبشرود
مسكت كتفها ، فزت برعب وابتعدت عنها خطوات ، عقدت حواجبها بغرابه ونطقت :بسم الله عليك
تنهدت بـتعب ونطقت:علمّيني انك هنا خوفتّيني
مسحت على شعرها بحنـيه ونطقت:ماكنت ادري ،ليه جالسه لوحدك؟
فركت يدينها في بعض ونطقت:توق
عدّلت وقفتها ونطقت :لبيه
ابتسمت لها بخفه وكيف انها اعتدلّت بوقوفها بمجرد مانطقت بـ اسمها خُصوصاً بـ هالنبره نطقت ايلاف:لبيّتي بحضن رعد
حّمرت ملامحها ونطقت ببسمه خفيفه :لاتقولين كذا اذوب
ناظرتها بذهول وكيف انها اول مره تصارحها ونطقت:يالخفيفه اعقلي !
جلست على الكرسي اللي قبالها ونطقت :خليك مني وش عندك؟
تقدمت  وجلست بالمثل ونطقت :لو سألتك بتجاوبيني بكل امانه؟
-
تركي
دخل غرفته اللي هجرها من فترة حادثها وكان اغلب وقته ينام بالمجلس ويخرج ، نّزل ثوبه بكل برود تام ، وتوجّه يتسّبح لأنه يحس بداخله يحترق عكس البرود اللي يتغّلف بجسده بأكمله وماكان منزعج غير ان العيال كلهم تزوّجوا وسعود ماعاد باقي على زواجه شي ،صحيح انه مايحسد سعود ولا يحسد اي احد فيهم ، لكن من حقه يتّزوج معهم ، تراجع بخطواته من سمع جواله يدق
.
توق
سمعت لها بكل هدوء وماقاطعتها ابداً لأنها تدري بخوفها وماتلومها بتركي ابداً ، رُغم ان قلبه طيب لكن بروده يطغى على شخصيته وكل من شافه اعتبره ، انسان بارد ،بلا مشاعر ،مو مهتم .
وماكان منها رد على اسئلتها وترددها بالموافقه الا مجاوبتها بكل صراحه عن تركي وتصرفاته والأهم ردة فعله بالحادث بعد نِقاش ابوها مع امها
وقت ما اضطّروا انهم يخلونه ينام ولايصّحونه لجل مايروح للمستشفى كل شي عرفته من ابوها وخوفه عليه كون انه يشوف تصرفات تركي مبالغه فيها من ناحـية ايلاف.
.
الجلسه الخارجيه "بيت رعد"
هديل :الوقت راح ، دقّوا على احد يجي ياخذنا
لين :منجد حتى بينار احس برد الجو عليها ، بدّق على سلطان
هزّوا راسهم بالموافقه ونطقت توق:مو منجدكم تمشون بدري!
ناظرت هديل بساعتها ونطقت:الساعه 2 بدري!
-
.
تركي
توجّه للحمام بعد ماقّفل من سلطان ، غمض عيونه بغيظ من رجع جواله يتّصل ونطق:ياصبرك ياتركي
اخذ جواله ومن لمح اسم سلطان ينّور شاسته مره ثانيه رد عليه ونطق:هات علم
تعالت ضحكات سلطان ونطق:يرضيك يارجال
ابتسم بالخفيف ونطق:انطق انطق
سلطان:ابد والله البنات يبوني اجيبهم وانا انسدحت ولاعاد لي حيل اقوم ، انهض على السريع وجيبهم
تركي:اوبر عندك ؟
سلطان: محشوم،وانتبه لاتسرع ، قفل منه قبل مايتكلم تركي ويغّير رايه
ناظر بالجوال بذهول بعد ماقّفل سلطان ومشى يلبس ثوبه
-
بيت ابو سلمان
.
ابتسمت هُدى ونطقت:يايمه ياصقر ولدك بياخذ الحُب عنك وعن اختك
ضحك بحُب ونطقت:طاح سوقي وسوق حنين والحين دور الشيخ فيصل؟
هزت راسها بـ ايه ونطقت:ينّحب ولدك والله
حرك حواجبه بـ إبتسامه عبيطه ونطق:طالع على ابوه ولاّ ؟
كشرت بوجهه ونطقت :لا لا يشبه امه واضح مزيون
شهق بتمثّيل للصدمه ونطق:وولدك ماهو مملوح اجل؟
هدى :اترك عنك التمثيل
-
بيت سلمان
.
تمددت على السرير بتعب ونطقت بصوت خافت:وش الغريب ، ليه ماقلت لعمي؟
نفض شعره بالخفيف ونطق:كسرتني نظرات امي والله لو يدري ابووي ليكّسر عظام بشرى
حركت وجهها بهدوء ونطقت:تصّدق كنت بقول له انا بنفسي بس ماقويت لازم اعرف سبب سكوتك
مسك يدها بحّنيه ونطق:بيعوضنا ربي وما احد منّا معترض على قضاه ابد ، ومن ناحية بشرى وريّتك فيها
هزت راسها بخفوت ونطقت:بنام
-
بيت توق
.
طلعوا البنات متوجهين لـ سلطان اللي بالخارج لكن لسوء حّظ ايلاف ان اللي ينتظرهم تركي مو سلطان ،بردت اطرافها  من لمحته ينزل من سيارته ، تراجعت خطواتها بالوراء ونطقت بخوف :توق تكفين ما ابي اروح
تخّبت ورا الباب بخوف ماودها تصادفه ابداً لجل رايها مايتغّير او بالأصح الخوف ينمحي منها تِجاهه ..
.
ابتسم بخفه لـ سلمان اللي ابتسم له وبحكم انه واقف مع توق اللي قريبه من الباب توادع البنات
اخذه من يدها وابتعد ومن طلعوا البنات للسياره ، سلّم عليه ونطق: تروح معي؟
حرك يدينه بحركه طفوليه تّدل على حماسه ومرحه بـ هالوقت
توجه لـ توق اللي واقفه عند الباب وتنتظره ونطقت :نعم شتبي هات ولدي
هز راسه بـ لا ونطق:تبين شي ، بيروح معي
ضحكت بذهول ونطقت:لا والله !
مدّه لها ونطقت :خالو كان بيسرقك!
اعتّدل بوقفته ونطق:تامرين على شي؟
هزت راسها بـ لا ونطقت:سلامتك
لف لجـهة الباب ونطق:اطلعي بمشي ما اكل انا
-
.
نايف
مسح على وجهها بهدوء وبداخله مقهور على حالتها لأنها ما ارتاحت وهو موجود معها ولا ارتاحت وهو مسجون وبعيد عنها هز راسه بخفوت ونطق :والله لعوّضك عن كل اللي ذقتيه بأمر الله
تعّدل بوضعية نومته وقّربها منه لجل مايصير فيها شي رُغم انها قريبه منه لكن ماعاد يضمن ساعد ولا حركاته رُغم انه مسجون لكن اكيد له سوابق
-
.
ايلاف
.
غمضت عيونها ودعت ربي بأنه مايقصدها بكلامه لكن ضحكة توق وكلامها اللي سمعته ايقنت انه يقصدها
اخفت ابتسامتها توق ونطقت:خلاص روح البنت تبي تنام معاي الليله
هز راسه بالنفي ونطق:يابنت
عضّت على شفايفها ونطقت بداخلها :كدّينا خير بكره لتزوجته وشلون بيناديني!
طلعت من ورا الباب وعدّلت نفسها وخرجت ، كان واقف ومتكّي بيدينه ينتظر خروجها ومن خرجت نطقت ايلاف :بعّد بطلع
تركي ببرود:من كبرك يابنت اطلعي وش اللي يمنعك
لفت مُعلنه رجوعها لتوق لكنه نطق:قدامي اشوف
بعّد عن الباب ونطق:هذا عذرك
ما ردت عليه وتوجهت للسياره ، مسحت توق على كتفه ونطقت :ادري انك تبيها وتحّبها لكن شوي شوي ياتركي
تركي:ترا باخذ ولدك !
ضحكت بخفه لتغييره للموضوع ونطقت :خلاص روح انتبهو من الطريق
-
صباح اليوم الثاني تحديداً "لندن"
ناظروا بالمكان بـإنبهار ونطق فهد بتمثيل للحسره وهو يناظر غيث :اثاريهم حابسينا والله لو دريت انها كذا يمديني شردت لها من زمان
غيث:جدي كان كاتم على انفاسنا ، دافنين انفسنا في البر والكتمه
ضحك فهد وهو يأشر لـ حنين وسلاف يقّربون لأنهم مايدرون عن المكان وناسه ونطق:على طاري جدك هو يدري اننا هنا؟
هز راسه بالنفي وضحك بصوت عالي ونطق:لا مايدري ما احد يدري
طلّع جواله من جيبه ونطق:الحين اوريهم حّنا وين
ابتسم غيث برحابة صدر وفهد بالمثل واخذ لهم صوره وطّوالي ارسلها بقروبهم
ناظرتهم حنين وهمست لـ سلاف :ماتنقدين عليهم ؟
ضحكت سلاف بخفه ونطقت:ممكن لأني تعوّدت على عباطتهم
ابتسمت حنين ونطقت:ليتكم خليّتوهم يسافرون قبل هالمره واضح مكتومين !
ضحكت سلاف ونطقت:احسن شي انهم ماسافرو انتي شايفه المزز اللي هنا!
حنين :شدخل يابنت !
سلاف بتّفليم للموضوع وعباطه نطقت :صدقيني لو سافر فهد قبل هالمره يمديه جاء وجاب زوجته الأجنبيه معاه عاد فهد ينعجب بسرعه!
ناظرتها بذهول وسكتت بعد ما قالو لهم يمشون
-
.
بيت ابو عبدالعزيز
جالسين بالحوش وريحة المطر تملي المكان رغم انه مامطر ابداً لكن الجو ريحته خيال
الجد ابتسم وهو يناظر الجده ونطق وهو يهمس بأذنها :ماودك تورّيني مثل ماقال فهد؟
ابتسمت بحياء وابعدت يده عنها ونطق :يالله صباح خير
سلطان بصراخ من الجوع نظق :الحين الفطور ورا ماتحّطونه !
لين :قوم حطّه انت اذا جيعان!
سلطان :حجه لاتراددين زوجك
لين:سلطان
سلطان :وش سوى سلطان ؟
لين :هّين
ضحك سعود ونطق:تنصحني اكنسل الزواج ؟
سلطان :يمديك تكنسل صدقّني ، اعتبرها نصيحه من اخوك
.
كانت جايه ومعاها السفره لجل يحّطون الفطور ولسوء حظ سعود انها سمعت كلامه
حطّت السفره وهي تناظره من خلف نِقابها ونطقت وهي تناظر لين :ما اردى من حظّي الا حظّك وانا اختك وانا بوريك شلون تكنسل الزواج ياسعود
ضحك الجد ونطق:اوريك فيه انا ، تعاليني بعدين ياريماس سمعتي
نفضت يدينها ونطقت وهي تناظر سعود وتوّجه كلامها لجدها :ابشر ، ماتقصر فيه
سعود بوهقه همس لسلطان :الله لا يعطيك العافيه ياسلطان قول امين
ابتسم له سلطان بورطه بالمثل ونطق:عزالله رحنا فيها
-
نايف
.
جلست بغرفتها مُعلنه عدم خروجها من الغرفه ، ناظرها نايف ونطق :تحرمين نفسك !
هزت راسها بـ لا ونطقت:مالي خلق يانايف اخرج
هز راسه بـ لا ونطق:انا حلفت لتخرجين البسي عبايتك ومشينا اسمع اصواتهم بالحوش
توجّه للشباك ومن لمح الجو نطق:وبـ الجوّ ذا وتبين تجلسين !
ابتسمت بخفه ونطقت:بخرج خلاص لاتتحلطم
ضحك من إبتسامتها ونطق:انفدا الزوجه المُطيعه ، ريماس لا تختلطين فيها واجد تخرّبك
-
بالحوش
.
جاتهم حصه نفس كل مره وشاهيها معها وقهوتها والباقين يتساعدون بالفطور
وّقف سعود على حيله من مشت ريماس وركض وراها ، ضحك سلطان ونطق :الله يعينك على هالقشراء
-
.
نايف
.
طلع ومنار خلفه ، فتح جواله من لمح رسالة من فهد بالقروب ، شهق بصدمه وركض بسرعه للخارج
نايف بصراخ عكس هدوءه الدائم نطق : انتم شفتوا القروب !
هز راسه سلطان بـ لا وطلّع جواله من جيبه بفضول ، تقدمت لين بفضول تبي تعرف وش صاير
ونطق سلطان :نعم شتبين !
سحبت جواله من يده ونطقت :بتشوف ولا اشوف بنفسي
اخذ جواله من يدها ونطق:انتي هيه ياحجه
ما اهتمت له ولاردت على كلامه وكل اللي تبيه تشوف وش صاير تقدم نايف من ابوه ونطق:شوف شوف يالغالي فعايل فهد
شهق الجده بصدمه وشهقت الجده بالمثل ونطق:هو وين دربه؟
نايف :الحبيب بلندن
ابتسم الجد ونطق:ورني الصوره
مد نايف الجوال لـ ابوه ، كّبر على الصوره يبي يشوف وهو ماهمّه فهد وغيث كثر ماهمّه للشخصيات الشُقر اللي وراه
تعالت ضحكات نايف ومسك بطنه من الالم من فهم ابوه
ونطق الجد بهمس :ابك اسكت لاتنكبني
ابتسم سلطان بخبث ونطق :ياجده شوفي جدي يناظر بالحريم الشقر  اللي بالصوره
لفت الجده عليه بصدمه ونطقت:ورني الصوره يانايف!
سلطان :انا اوريك مايحتاج
اخذ الجوال من لين اللي تتّمعن بالصوره ومَده للجده ، صغّرت عيونها لجل تشوف زين
رفعت نظرها للجد ونطقت:هيّن يـ عبدالله
-
.
بعد الفطور
تكّلم الجد ونطق:هو تركي وينه؟
عبدالعزيز:راقد
الجده :الله يصلحه هو احد يرقد بـ الأجواء ذي الزينه؟
سلطان: مفتاح البيت عليه؟
ضحكت حصه ونطقت :تدّل البيت مابه احد
فّز من مكانه متوجهه لتركي
-
ايلاف
طلعت من البيت ، تنادي لين لأن بنتها تبكي ، فزّت متوجهه لبنتها
.
بالغرفه
ناظرت ايلاف بـ لين اللي ترضّع بنتها ونطقت:لين
رفعت نظرها لها ونطقت :هلا
ايلاف :بشاورك بشغله
عدلّت من جلستها ونطقت:بسم الله عليك ، تمام
ايلاف :قررت اوافق على تركي
ضحكت لين ونطقت :يعني بتعرسين
ابتسمت ايلاف لها ونطقت :لاحقين على العرس
لين :وش بيدي الحين طييب ؟
تنهّدت ايلاف ونطقت :لين حبيبتي بينار لعبة بإعدادت عقلك
لين :شدعوه ليه
ايلاف:انسي ، بصلي استخاره واشوف اذا بوافق عليه وارتاح له او لا
لين :الله يوجّه لك اجل
اخذت جوالها تتصل على سلطان وتسأله عن وضعها وهل ايلاف صادقه!
-
تركي
.