اعتذر عن الغيبه ❤️
'
لاتنسون ذِكر الله ولاتنسوني من دعواتكم
-سبحان الله وبحمده
-سبحان الله العظيم
-الله يرحم لطيفه
الله يرحم لطيفه ويغمّد روحها بالجنه يارب ويرحم جميع امواتنا واموات المسلمين
.
'
رعد بهدوء رمى سلاحه على الارض ورفع يدينه على فوق ونطق :سلاحي ورميته مد يده ورجع ينطق بـ:عطنيها
تركها بهدوء كانت تمشي بخطوات مرتجفه أثر البرد والماء المبلل جسمها لدرجه ملابسها لاصقه فيها
ضحك ساعد بخبث ونطق:والله جسمها نار يارعد مالومك
تقدم بسرعه وسحبها حتى صارت ورا ظهره ويده محاوطتها تمسكت فيه بخوف
نطق ساعد:يلا انا طالع الحين لاتفكر اني بمررها لك برجع ان شاء الله بيكون موتها على يدي
ارتجف جسدها لوهله وحست بأن رجولها ماعادت قادره تشيلها
كانت بتجلس على الارض من فرط تعبها وخوفها الا ان يده منعتها
ساعد بهدوء:والله يارعد لو حاولت تلحقني ولا تسوي شي اني مارحمها وحتى لو مسكتوني انا وراي رجال
هز راسه بهدوء مستحيل يتكلم ولا حتى يعصب لانه خايف ان ساعد يفكر يضرها لذلك اكتفى بالصمت
مشى بخطوات سريعه وطلع من البيت
-
صقر
ناظرها جالسه على جواله ونطق:اليوم بنروح لهم
هزت راسها بـ ايه ونطقت:اجل بتجهز
صقر بهدوء:انتي حلوه كذا لاتكثرين تجهيزات
ابتسمت له بخفوت ومشت للحمام يكرم القاري
-
بالمستشفى
ناظرت في سلطان ونطقت:ماله داعي والله اكيد تعب بسيط ويروح
هز راسه بالنفي ونطق:بتطمن عليك انا ممنوع؟
هزت راسها بالنفي
ماهي الا لحظات من نادتها الدكتوره بالغرفه تقول لها عن نتيجة تحليلها
-
بعد طلوع ساعد وتأكد رعد من عدم تواجد احد في البيت
رجع لها بعد ماقفل عليها بغرفتهم حتى يتأكد من البيت
جالسه على السرير رجولها في الارض جسمها مبلل من الماء تناظر في الفراغ
قّرب منها وجلس على الارض قريب من رجولها ماهي الا لحظات وسند بـ راسه على رجولها ماكان ينقصها حركته الي سواها تذكرت زعلهم من بعض الي مادام له حتى يوم الا انها تكره تبتعد عنها
رفعته تبعده عنها وتبكي بخوف دفنت وجهها في عنقه ونطقت:ءءءاسفه
حاوطها بحنيه وقّبل عنقها وشدد من احتضانه عليها
بكت بخوف ونطقت:ءءرعد كنت بموت كان ءءيبي يذبحني
ابعدها عنه ومسك وجهها بين يدينه ونطق:افا تخافين وانا عندك؟
همست :بردانه احضني
خارت كل قواه من قالت الكلام ذا وحضنها بقوه
ونطق بهمس:لازم تبدلين ملابسك
-
ناظرتها الدكتوره ونطقت:انتي متزوجه؟
هزت راسها بـ ايه وأشرت على سلطان
الدكتوره وهي تناظر سلطان بهدوء ثم ابتسمت :مبروك يالين انتي حامل ومالك الا شهر
ارتجفت يدينها بتوتر ونطقت ببكاء:ءءسلطان وش تقول
ماهو مستوعب بس من شاف بكائها استوعب على نفسها وفز بفرحه ونطق:سألتك بالله حامل؟
الدكتوره بضحكه من شكلهم:اي والله حامل وتوها بشهر
...
قرب سلطان منها ورفعها بفرحه مسك يدينها الي ترجف ونطق:انتي حامل افرحي
ناظرته بخوف ونطقت:كله منك ليه خليتني اصير حامل؟
ضحك بعدم اهتمام وضمها على صدره ونطق:ياحظنا بنافس رعد الحين وصقر بالطريق
نطق بخجل :سلطان الله لاياخذك الحين يقول حملت
سلطان بـ استغراب:طيب عادي انتي حرمّي اكيد بتحملين؟
لين :طيب ان المشكله هينا ماصار لنا غير شهر وش بيقولون عنا؟
سلطان :يلومون سلطان؟الله يلوم الي يلومه واحد يحصله لين وما..ماكمل كلامه من قاطعته ونطقت بربكه:بارد
اخذت شنطتها وطلعت ماتنكر انها مبسوطه لهم وكونها هي وتوق حوامل الحين بتصير اشكالهم حلوه وقريب بـإذن الله بيصيرو امهات لكنها مستحيه من كلامهم عليها كونها حملت بسرعه وهي تو لها شهر وعلى كلام الدكتوره ان لها شهر حامل معناته انها حملت بـأول يوم لها مع سلطان
-
ساعد
اتصل على وليد وماهي الا لحظات ورد عليه
وليد:هلا
ساعد:خلنا ندمرهم ياوليد
وليد:تبي تدمرهم انت دمر علومك ذي وخرابيطك التافهه ماتهمني انا كل همي بنت عمي وبس سواليفك ذي مابيها والله ياساعد لو عاد دقيت علي لأبلغ عليك
مع الاسف ان وليد الحين تحدى ساعد والاكيد انه بيروح فيها بس قبل ذا كله بيحرق قلبه فـ اخته
-
بيت صالحه
خرجت سحر من عندهم ونطقت:يمه انا بطلع اتمشى مع صحباتي بالمول ينفع؟
عايشه :اي روحي استانسي
سحر بهدوء نطقت:اجل انا بتجهز هاللحين عشان المغرب اروح وليد انت توصلني
هز راسه بـ ايه وفتح جواله يكرر المقطع للمره المليون
ارسل لـحنين :موافقه؟
سمعت رساله من جوالها لذلك مدت يدها ومن شافته وليد تغيرت ملامح وجهها لمحتها حور لذلك نطقت بـ استعجال :حنين تعالي معاي بكلمك
تقدمت منها ومسكتها تطلع من المكان متوجهه لغرفتها
-
بالغرفه
تعالت شهقاتها وقفلت فهما ونطقت:حور ساعديني تكفين يرسل لي انا خايفه
ناظرت فيها حور ونطقت:شوفي وش يرسل
فتحت جوالها بارتجاف ونطقت ببكاء:ءء يقول موافقه؟
اخذت حور منها الجوال وصورت المحادثه وماهي الا ثواني ودقت على فهد ارسلت لـ وليد :لا طبعاً وقفلت الجوال
ارتبكت حنين ونطقت:حور وش تسوين انتي لا فكيني منه تكفين
رد فهد عليها ونطقت بـ أختصار :شوف الواتس حقك وقفلت منه
أذن المغرب وصلى بالمسجد ورجع وهم بالغرفه ماطلعو
-
لو يمسك الحين احد بين يدينه احتمال يموت من كثر قهره ماهي ألا ثواني وركب غيث جنبه بالسياره
رفع الجد صوته ونطق:انتم وين رايحين يالسلق ياغيث يافهد
حرك فهد بسرعه وهو ناوي يقضي على وليد اليوم
-
...
ركب سيارته وماهي الا لحظات وخرجت سحر معاه
بعد ماوقف عند المول الي بتقابل فيه صحباتها
مشى من عندها وهو يتفرج بالمقطع حق صقر
-
بيت صالحه
عايشه:والله ياعمه ودي بـ وليد ياخذها بسرعه ويدمرها بنت هدى يهبي خلينا نشبها بينهم
صالحه :الله يكفينا شرها هي وبنتها كلاب يبي من يحكمهم
عايشه بحقد:انا محرضه وليد يدمرها بس خليها تجيني وانا مابقصر معها وهذا وجهي ياعمه
صالحه:اتركي البنت حنا اخذناها حتى يحكمها ولد عمها مهب تهيت بين الديار مالقت من يربيها اتركيها ياعايشه لا يبتليك ربي بـ سحر
عايشه بكره:والله ماخليها انتي نسيتي كل شي؟
صالحه بقل صبر :لا مانسيت!!!
-
ماهي الا لحظات وارسل المقطع لحنين وقفل جواله
اول ماشافوه يبتعد عن الطريق العام لحقوه وهم جاهلين عن وجود عِصابه ساعد الي ناوين يقتلون وليد بأمر من ساعد
لحقوه حتى صارو يحدونه بالسياره ماينكر انه خاف
اسرع فهد من سرعته حتى صار قدامه ووقف سيارته
صدم بسياره فهد وضرب راسه بالدركسون تاوه بألم
نزل فهد ومعاه غيث نزّلوه غصب عنه من السياره واخذوه
نطق فهد بين اسنانه :اجل تروح ترسل لها ؟وتبيها توافق عليك؟تعقب وانك لتبطي ماحصلت عليها لازم الحين درس ينسيك وجودها ركبوه بالسياره
ومشو بسرعه
-
احد رجال ساعد دق على عوض الي مشغول بمراقبه سحر
نطق الرجل؛وليد اخذوه ريجيل وانا ماسويت لهم شي بنتظرهم بالمكان الي ياخذونه فيه واقتله واذا اظطر الوضع خلصت عليهم ثلاثتهم
ضحك عوض ونطق:الوضع بيزين علينا المره ذي شكل ربي راضي علينا قفل منه ووقف ينتظرها
-
ناظر في امه ونطق:حور وحنين للحين بالغرفه؟
هزت راسها بـ ايه لذلك قام من عندهم متوجهه للغرفه
-
سلطان نزل من السياره ماسك يدها وفرحان ناظرته لين ونطقت:زي ماتفقنا مانقول لحد حد مايصير لنا شهرين عشان مايقولون مسرع اتفقنا؟
هز راسه بـ ايه وهو عارف اشد المعرفه ان مستحيل يمسك لسانه
اول مانزلو من السياره تنحنح ولبسو البنات عباياتهم حتى يدخل
نطقت الجده :ادخل ياسلطان مابه احد
بالجلسه جالسين نطق :هالله حركات متجمعين وين جدي والباقين؟
الجده:راحو يقولون معزومين وفهد وغيث طالعين من بدري
سلطان:الله يستر منهم
حك وجهه وناظر فيها ونطق:والله ماقدر اسكت
ناظرته بحده ونطقت :ياويلك اذبحك
رفع يدها ونطق:لين حاملللل
تعالت صرخاتهم بالجلسه بفجعه ونطق بـ:تفو تفو سمو بالله تعطونا عين ثم ماعاد نجيب ورعان
هديل:يمه سلطان مايمدي كيف كذا اكيد بالشهر الاول
لين بعصبيه ؛ان شاء الله فارس ياخذك بـ أسرع وقت قليله ادب
ضحكت بأعلى ماتملك ونطقت:من اول يوم يالين حسيبك الله
ضحكت لهم هناء ونطقت:تعالي وانا امك اجلسي ريحي ومبروك مقدماً
لين:الله يبارك فيك ياعمه
سلطان بصدمه:وانا ما أجلس؟
ضحكت هند ونطقت:الا اجلس جنبها ومبروك الله يجيبه على خير
ضحكت ايلاف بفرحه ونطقت؛الحين توق ولين مع بعض بيصير عندنا نفاستين
تعالت ضحكاتهم وهمست لها ريماس :يمه سلطان كيف كذا شي يخوف مستوعبه؟
هزت راسها بـ ايه ونطقت:انا استحيت والله
ريماس :بـشحن جوالي واجيك
هزت راسها بـ ايه
-
رفعت الجوال حور ونطقت:الشبكه زفت حتى المقطع ماينفتح
حنين بخوف:انتي ليه تقولين لـفهد الحين يسوي شي !كله منك
هزت راسها بـ لا مُبالاه ونطقت:خلاص انطمي لاتوتريني
مدت يدها لفمها وبدأت تقضم اظافيرها
حور بفرحه :فتح فتح
ناظرتها حنين بخوف من تغيرت ملامح وجهها ارتجفت حور من شافت صقر بالسياره ويشرب ولحظات يبكي ويصرخ
ارتجف قلبها من شافته يفتح الباب
-
قّرب من الباب وفتحه بدون مقدمات ناظر في وجهها ونطق:وش فيك انتي وياها؟من اليوم هينا
خبّت الجوال ورا ظهرها بخوف ونطقت:ءءمافينا شي
قّرب منها ونطق:لا فيك والدليل وجهك وش في الجوال هاتيه
ناظرتهم حنين لوهله وخرجت من الغرفه بخوف
رجعت للوراء شوي ونطقت بخوف:ءءمافي شي
ناظر في الباب بعد ماطلعت حنين وقفله بالمفتاح
ونطق:انطقي ياحور
هزت راسها بالنفي وخبت الجوال بجيب البنطلون
تقدم منها ومسك يدينها بـ احكام مد يده للوراء ونطق:هاتي الجوال
حور بحده:ماله دخل الجوال انا تعبانه وبس!
صقر بحده :هاتي الجوال ياحور
هزت راسها بالنفي ونطق:بتجيبينه وغصبن عنك هاتي الجوال
فلتت يدينها منه وضربته على صدره بقوه ونطقت:ابعد
عصّب من فعلتها وتقدم منها بسرعه ورجّع يدينها للخلف
مد يده للجوال وسحبه منها اول مافتحه كان المقطع بردت اطرافه من شاف نفسه هو تاب من زمان وستر على نفسه وقفل الموضوع والحين هي عرفت
بلع ريقه بهدوء ورفع نظره لها
نطقت ببكاء:ءءصقر
جلس على السرير بفقدان امل ونطق ببحه:تبت ياحور والله تبت ..
-
وقفوا لهم عند مكان يشبه عماره والواضح انه مهجور من سنوات طويله نزّلوه معهم وغصبن عنه
وقف في نفس المكان الي وقفو فيه ودق على عوض
-
عوض :هلا
الرجل:وقفو عند****
عوض :خلك مراقبهم بس
-
طلعت من المول بعد ما ودعت صحباتها ودقت على وليد اكثر من مره بس مايرد
استغربت من السياره الي وقفت قدامها وابعدت عن المكان بهدوء
-
فتح شباك السياره ونطق:اركبي وليد مرسلني
هزت راسها بالنفي ونطقت :ابعد من هنا
عوض بقل صبر؛اركبي ولايكثر
سحر بحده:انقلع من هينا والله ألم عليك الناس
نزل من السياره وتقدم منها ورفع مسدسه ونطق:اركبي لـ ألم الناس على جثتك
ألمتعت عُيونها بالدموع ونطقت:ابعد والله انادي عليك وليد
جهز المسدس ونطق:ودعي نفسك اجل
ماهي الا لحظات ونطقت بتسرُع:بركب خلاص
ضحك بخبث ونطق:تعجبيني لأنك افهم من اخوك الغبي
-
جلس على السرير بفقدان امل ونطق ببحه:تبت ياحور والله تبت
تقدمت منه ومسكت وجهه بيدين مُرتجفه نطقت بدموع:ءءصقر انت مو الي في المقطع صح؟
مارد عليها لازال مصدوم من الي تجرأ وصوره وهو تاب
ناظرته بعيون راجيه بـأنه يتكلم قربت منه وجلست على فخذه مسحت على وجهه وشعره بهدوء
ضحكت بين دموعها ونطقت:امسح دموعي على الاقل !
ابتسم بخفوت ومد انامله تمسح دموعها كان يمسح دموعها بهدوء خوفاً من ان يدينه تجرح وجهها
حور بهدوء:تصدق مايهمني اهم شي انك الحين تغيرت والباقي مايهم توعدني ماعاد تشرب ؟
دفن وجهه في عنقها بدون مقدمات ونطق:والله اني تايب من زمان والله
مسحت دموعها بخوف ماتنكر انها خافت منه بس لازم انها تستمر معاه وتكسر الحاجز الي بينهم مُستحيل من اول خطأ تتركه !!
-
بعد ماتأكدو من ربطهم لوليد ناظر فيه غيث ونطق:وش نسوي فيه
ناظره فهد ونطق:بنشبعه ضرب ونخليه يعفن هينا لين أملك عليها وبعدين افك اسره وقتها بتكون بحمايتي ومايقدر يسوي فيها شي ..
-
ماهي الا لحظات ودّق جوال عوض الي اكتفى بـ بلغ على المكان ثم اقتله
-
تقدم منه فهد ونطق بحده:تهدد بنت يالرخمه؟
وليد بخبث:قريب بتصير حرمي ومايلمسها غيري انا ولد عمها بتوافق وغصب عنها سمعت؟
فهد بعصبيه قرب منه لدرجة ماعاد يبعد عنهم شي بس يد غيث منعته من انه يسوي له شي كل الي يبونه الحين يكون هينا وكل شي بيوفرونه له بس تفادي للمشاكل وبعد ماينتهي فهد من خطبته يفكون اسره ويسوي الي يبيه
غيث بعصبيه:اهجد وخله لاتوسخ نفسك فيه مايستاهل
فهد:ماسمعته وش يقـ..بردت اطرافهم من صوت الرصاصه الي اخترقت صدر وليد
ارتخى غيث بمساعدة فهد نطق فهد بلعثمه:من ذا؟نحنا ماقتلناه
حسو وكأن الدنيا وقفت في وجههم من محاصره الدوريات للمكان وقفو يدورون مكان للهرب بس مافي مجال
وقفو مكانهم من صوت العسكري الي نطق بـ:وقف مكانك انت وياه
-
بيت ابو عبدالعزيز
انتظرهم اكثر من ساعه يبي يسحب مفتاح السياره منهم لكن مافيه فايده لذلك قرر يتوجه ينام صارت ٢ ومحد منهم جاء لذلك قرر يعاقبهم بطريقته
-
رعد&توق
جالسه على زاويه المسبح وتناظره لحظات يغوص وتفكر انه ماعاد يرجع لكن تنصدم من يطلع لها ويمسك رجولها
ناظرت فيه بطفش ونطقت:جوالك ازعجني ترا!
رعد بقل صبر:من يدق؟
توق:احمد
عقد حواجبه بـ استغراب كونه يتصل اخر اليل ونطق :عطيني الجوال اجل
مدته له بهدوء واخذه من ابتسم لها بخفه ومسك يدها ولازال بالمسبح
رفعت رجولها وتطاير الماء عليه ضحكت بصوت خافت لان نظراته تأكد لها ان لو ماسكتت بيحرقها في مكانها
مدت يدها لفمها دليل على انها بتسكت ولا بتتكلم
كان ينتظر احمد يتكلم بس الواضح انه مشغول مد يده لشعرها وخربه لها
ضربته على كتفه العاري ونطقت بهمس:وجع ان شاء الله
ضحك حتى بانت اسنانه العُلويه ونطق:غريبه ماعضيتي؟
كانت بتتكلم بس ماخفى عليها ملامح وجهه المقلوبه
نّزل جواله وطلع من المسبح يركض للغرفه
استغربت من فعلته ولحقته بالغرفه
لبس بدلته واخذ سلاحه بسرعه كان بيطلع بس هي مسكت يدينه ونطقت بخوف؛فيه شي صح؟
هز راسه بالنفي وابتسم لها مُحاول انه يطمنها ابعد عنها بيمشي ماتدري تحس بصدرها شي كانت تحاول تمسك يدينه تبيه يحاوطها حطت يدها على صدرها تكتم خوفها
-
ركب سيارته وكان بيمشي بس تأكد انه ما لازم يخليها لحالها لذلك نزل بسرعه ياخذها
بعد مانتهت من لبس عبايتها سحب يدها بدون مقدمات ومشى متوجهه لبيت عبدالعزيز
-
عند البنات
ارسلت لهم توق انها بتجيهم لذلك نطقت ريماس بـ:انا بسوي القهوه اجل ايلاف تروحين ؟
هزت راسها بالنفي ونطقت :بطني يوجعني والله
لبست عبايتها وطلعت
ناظرتهم لين ونطقت:اتصلو في فهد وغيث يجيبون لنا اكل
ضحكت هديل ونطقت :عاد انتي حامل لازم اكلك يكون اكثر مننا
لين بنرفزه:ياصبر الارض عليك الله يعين فارس لو له حظ ماعرفك
هديل بدلع:يابخته قلي
-
سمعت صوته في المطبخ كان يكلم والواضح انه معصب بردت اطرافها من سمعت اسم فهد وغيث بالسالفه وتحقيق
دخلت المطبخ بـ ارتجاف ونطقت:ءءسعود
لف عليها وقفل جواله بسرعه نطق:سمي
ريماس بخوف:ءمين وين غيث وفهد؟
ناظرها وهو يمثل الهدوء ونطق:مافيهم شي
ريماس بحده:كذاب كذاب انا سمعتك
تقدم من الباب وبسرعه من قفله نطق بعصبيه:غبيه انتي؟تبين الكل يسمع الصوت
تقدمت منه ونطقت بعناد :بتعلمني ولا اقول لجدي ؟
وسع عيونه ونطق من بين انفاسه :قسم بالله ياريماس معك دقيقه لو ماتمشين من قدامي لأهفك على وجهك هـ قدامي سرعه ام مشاكل
جلست على الارض ونطقت:بخلي الدقيقه تمر وبشوف وش يصير
....
جلس قدامها ونطق بحنيه:يلا ياحبيبتي روحي عند البنات وماصار شي ترا جدي لاتصحينه على غير فايده
نزلت دموعها ونطقت :انا مو حبيبتك
سعود بنكد:لا حبيبتي عندك اعتراض والحين روحي عند البنات
تقدمت من براد القهوه وهي تمسح دموعها بسرعه ونطقت:بسوي قهوه توق بتجي الحين
غمض عيونه بقهر من تأكد من الكلام ورعد جايب توق هينا ولا مستحيل يجيبها اخر الليل
تقدم من الباب ونطق:انتبهي على نفسك
ناظرت في عيونه لثواني ونطقت بهدوء:ليه تهتم فيني ؟
مارد عليها وطلع من البيت
-
وقف سيارته قدام البيت ونطق بـ استعجال :انزلي سرعه
هزت راسها وطلعت ماهي الا ثواني من فتحت البوابه بتدخل وصادفت سلطان ونايف وسعود وتركي
المستعجلين
ركبو مع رعد ونطق رعد بـ:قفلي الباب بسرعه
قفلت البوابه وحرك متوجه للمركز
-
بالمطبخ
ارتبكت من تخيلت شكله قبل شوي هزت راسها بالنفي تبعد عنها الافكار
رفعت راسها من دخلت منار وابتسمت لها بخفوت
نطقت بـ:البنات ينتظرونك توق جات من شوي
ضحكت ريماس ونطقت:صرتي من العايله ترا مالك مفر الحين تعالي جهزي الفناجيل وشوفي اذا فيه شي يصلح مع القهوه
بعد مانتهو مع بعض طلعوا للبنات
-
عوض
ناظرت في جوالها وفتحت على الكام تسجل الي يصير نطقت بخوف:وين رايح
ضحك عوض بخبث ونطق:اخوك عقّدنا صراحه نحنا كل الي نبيه يساعدنا وهو رفض وابشرك واحد من رجالي توه قتله
صرخت برعب ونطقت:نزلني هينا بسرعه الله ياخذك
هزت راسها بالنفي برعب ونطقت :كذاب وليد مامات!
ارتجف جسدها من شافت المكان قربت منه بسرعه ومسكت الدركسون تبي يصير فيهم حادث اهم شي ماتجلس معه دقيقه
نطق بحده:لا ياكلبه بتسوين حادث
نزلت دموعها بخوف ونطقت:احسن والله ماخليك تتهنى
بعد محاولات بـأنه يبعدها وقف السياره وضرب جسدها في الدركسون تاوهت بـألم
ونطق بفحيح:الله ياخذك كنتي بتسوين فينا حادث
نزلت بـ استعجال من السياره وهي تعرج بالم
نزل من السياره يعرف اشد المعرفه ان المكان الي هو فيه مُستحيل احد يكون فيه لذلك نزل وبدا يركض وراها ..
-
بالمركز
جالسين على الكراسي بأيادي مكلبشه
نطق غيث:والله يافهد ماقتلنا احد وبعدين من الي راقبنا؟
فهد بعدم استيعاب ونطق:تتوقع مات؟
حس بجسده تقشعر ونطق:لا ان شاء الله نحنا ماقصدنا نضره بس نبيه يبعد فتره
ماهي الا لحظات ودخلو رعد والباقي للمركز
ناظرهم نايف ونطق:وش سويتو انتو ؟
فهد بضيق:والله ماقتلناه والله
نايف بعصبيه:ماخذين الرجال عيني عينك وماسويتو شي ماوصلت يافهد !!
...
رعد بهدوء :اجلسو الحين اكيد بيحققون وخل عندك يقين انت وياه لو انتم مسوين كبر الشعره بنكشفه والحق بيطلع
غيث بتوتر :يشهد الله علي ماسوينا شي صدق احنا ربطناه وحبسناه بس ماقتلناه
سلطان بخفوت:الله يستر بس مايموت الرجال
تقدم منهم احمد ونطق:النائب بيحقق معكم
ربت على كتفهم رعد ونطق:انتم ماسويتو شي ماله داعي التوتر !!!
جلس نايف بعصبيه ونطق:وش يبون بالرجال ابي اعرف!!!!!
-
البنات
تعالت ضحكاتهم بالمكان من الحِوارت الماسخه بنظرهم لان ماعندهم اي شي يقولونه
نطقت هديل:تخيلو لو جدي يصحى وش يصير ؟
ضربتها لين على كتفها ونطقت:انطمي انتي انا موحم عليك ترا ماتحمل صوتك ابداً
ضحكت سلاف ونطقت:شفيك على البنت
هديل بنرفزه:مالومها اذا بتحمل من اول شهر
مسكت راسها لين ونطقت:صدعت انا كله من اخوك ترا انا مالي دخل!
هديل بـتمثيل للاستغراب :ليه تسمحين له طيب؟
ضحكت منار ونطقت:خلاص ياهديل اتركيها
ناظرتهم ايلاف ونطقت :جو سامج عِباره عن زواج
توق:دورك جاي تركي يبي له عروسه
ايلاف بنرفزه :احمدي ربك حامل
توق بضحكه :الحمدُلِله ربِ العالمين
ناظرتهم ريماس وضحكت بخفوت ونطقت:تتذكرون اليوم الي جدي طرد فهد وغيث من البيت؟
تعالت ضحكاتهم من تذكرو الموقف وماهي الا لحظات ودخلت الجده عليهم
فزت سلاف ونطقت:يمه احسبك جدي
الجده:قصرو حساسكم العرب نايمه
نطقت توق بخفه:خلاص ابشري
-
كانت تركض وتصارخ تبي احد يساعدها بس الواضح ان مافيه احد يمّها بكت برعب وهمست بـ:وليد
كان يركض يخاف انه يصادف احد ويروح فيها لحقها ومسكها مع شعرها
تاوهت بـ ألم ونطقت:اتركني الله ياخذك
سحبها بدون مايعير لها أي اِهتمام
-
بالمركز
ناظر فيهم النائب ونطق:واحد منهم يدخل عشان الاقوال
هز راسه رعد واخذ غيث ودّخل فهد
-
بالداخل
النائب:ايش صار معك يافهد ؟
بدأ فهد يسرد له القصه كلها واعطاه جواله يوريه المحادثه وكانت نيته هو وغيث مو قتل انما تخويف بس مايحق لهم واكيد لهم عقاب
نطق النائب:بأي حق تخطفه؟تدري الحين لك عقاب نحنا مالقينا سلاح يدل على انكم انتم رميتوه والطلقه واضح جايه من بعيد وانتم وين كنتو عنه؟
فهد بهدوء:كنا قريبين منه لكن فجأه سمعنا الصوت وركضنا نحمي انفسنا
النائب:تدري انه مات ولا ماتدري؟
حس بالقشعريره بجسده وغمض عيونه بندم ونطق ببحه:والله ويشهد علي ماكنت بقتله لكن الواضح ان له اعداء
النائب بهدوء: كل شي شفناه ماعدا جواله دعواتك يكون مسوي شي لاتعفن انت والي معك بالسجن
والحين الله يستر عليك اطلع وهم يستقبلونك مانقدر نسوي شي الحين لين نشوف الوضع بتجلسون هنا عندنا خل خويك يجي
هز راسه فهد وهو ابد ماحسب حساب الي يصير
-
بعد طلوع فهد دخل غيث وكانت اقوالهم متشابهه جداً
يعرف اشد المعرفه لو كان لهم يد بالقتل بيوضح عليهم التوتر والاقوال بتختلف لكن لازم ياخذ الحذر والحيطه ويخلونهم عندهم لفتره
-
الصباح
بعد معرفة الجد بالخبر انهار واظطرو انهم ياخذونه للمستشفى وبعدها يتوجهون للمركز
-
الجده بدموع:والله اني اعرف فهد وغيث مايضرون احد الله يحميهم
بكت هند بحسره على غيث
قّربت هناء من لين وتوق ونطقت بمحاوله تطمينهم:افا تبكون هذا وانتم بتصيرون امهات! ماينفع لكم البكي ريحو نفسكم والعيال بخير توني مكلِمه نواف
-
صحت من النوم واستغربت هدوء البيت وعدم تواجد البنات معها بالغرفه
عدلت نفسها وخرجت لهم بردت اطرافها من بكاء هند وتمتمتها بـ غيث
قّربت منهم بخوف ونطقت:وش صاير؟
رفعت نظرها ايلاف بهدوء ونطقت:فهد وغيث مُتهمين بجريمة قتل
رجعت على ورا بصدمه ونطقت:مُستحيل يسوونها كذابه انتي
ناظرتها ايلاف بضيق وماعاد تكلمت
توجهت الانظار عليها ومشت بسرعه طالعه من البيت
-
بيت ابو سلمان
كانت نايمه معاه ماتدري ليه تبي تكون معاه تحس نفسها ضايعه وهو الي يلم شتاتها
-
هدى :لا يمه بدخل عليه واقول له العيال راحو حتى مشاري المعرس راح لازم يشوف الوضع
عيده بضيق:الله يفك اسرهم هـا رحي له
-
صقر
تقدمت منه هدى ونطقت بـ استغراب:صقر صقر زوجتك وين؟
صقر بصوت ثقيل أثر النوم:همم
هدى :حور وين؟
رفع طرف البطانيه وكانت نايمه في حضنه وحجمها جداً صغير
ضحكت بخفوت ونطقت:قم قم بقولك علم
عقد حواجبه بـ استغراب ونطق:هلا؟
هدى بهمس:جدك واخوانك راحو للمركز يقلون غيث وفهد متهمين بقتل بس مادري منهو
فز من مكانه ونطق:سألتك بالله !
هدى : احد يمزح بالمواضيع ذي صاحي؟
توجه للحمام يكرم القارئ وبعد مانتهى توجه للمركز على طول
-
بمكان غريب
بينهم نظرات حاده وكل واحد يناظر الثاني بحقد
نطق عوض بسخريه :تدرين انك بتعفنين بالمكان ذا المخيس او ماتدرين؟
شدت نقابها وماعطته اهميه
نطق عوض:ليه ماتنزلين؟خبري بك نجسه زي اخوك
ناظرت في الحديده جنبها وبدون مقدمات رمتها بـ أقوى ماتملك عليه
تاوه بـألم ونطق:نجسه ياسحر مادري طالعه على مين
كانت بتهرب لكنها سمعت صوت سلاح لذلك وقفت مكانها برعب
عوض بسخريه:تبين اقتلك زي ماقالت اخوك؟
لفت عليه ونطقت بصراخ :وليد مامات تفهم
ضحك بـ استهزاء ونطق:اتعبتيني لاعاد تضحكيني والحين تعالي ياكلبه اجلسي هنا !
وقفت مكانها بعناد لكن خارت قواها من صرخ بحده :بسرعه
قررت ترضخ له وتجلس
-
وكأن صاقعه حلت المكان الصدمه تعتريهم خارت كل قواها من حفيدتها المفقوده وحفيدها المقتول ماعاد قدرت تحمل نفسها واغمي عليها
تنظر في الفراغ وكأن مُصيبتها ذكرتها في اشياء كثير
تذكرت فايز زوج هدى كانت تحبه لدرجة الهلاك رُغم انها متزوجه اخوه لكن قلبها يبقى متعلق في فايز تذكرت جميع المشاكل الي كانت تسويها مع هدى وسميره زوجته الثانيه في لحظه وحده تذكرت جميع ذنوبها ونيتها من تزويج وليد لحنين وإنما زواج لجل تقذفها في شرفها حتى الناس تقول ان هدى ماربت بنتها مع الاسف بلّغت عن اختفاء سحر لكن لازم يُمر ٢٤ساعه
"مهما سويت في احد سبيته جرحته شتمته إلخ..
الدنيا بتدور وبيرجع لك كُل شي سويته في غيرك"
"كما تُدين تُدان"
-
بالمركز
تقدم منهم سلمان ومد الجد ماء ونطق:سم ياعم
ابو عبدالعزيز:مشكور وانا عمك مشكور
اكتفى بـ ابتسامه وقرر انه يترك المكان ويتوجه يساعد احمد
رفض النائب مساعده نايف ورعد وسلطان لانهم يقربون لهم لذلك هم الي يشتغلون
-
بيت ابو سلمان
صحت من نومها وجسمها مكسر توجهت على طول لغرفتها وتذكرت وجود صقر وحور فيها لذلك دقت الباب بخفه
نطقت حور؛ادخل
دخلت حنين ونطقت :ايش صار استحليتم الغرفه
ضحكت حور ونطقت :اسفين بس تكفين ناظري نفسك بالمرايه
ناظرت في وجهها بالمرايه وسمّت بالرحمن في داخلها من شعرها وعيونها ونطقت ؛وش فيه وجهي يهبل
تذكرت فهد ونطق:حور مو تحسين غلطنا لمن قلنا لفهد؟
حور بهدوء:كلي تبن وش بيسوي فيه مثلاً بيقتله؟
هزت راسها بالنفي ونطقت :لا ياغبيه ماقصد كذا بس غلط وتبين الصدق ممكن يسوي فيه شي اعرفه انا
رفعت حاجبه ونطقت بضحكه:الله وين عرفتيه ؟
ضربتها على كتفها ونطقت :يلا بلبس زين ونفطر
-
بيت ابو عبدالعزيز
خرجو البنات لـ سلاف الي مسحت دموعها بعشوائية ونطقت بهمس:اهلاً
تقدمت منها توق وحضنتها بمجرد ماحضنتها توق خارت كل قواها وبدأ صوت بكاها يتردد بالمكان
بعد محاوله من الكل وتطمين وتهدئه قدرت انها تسكت خوفاً على لين وخصوصاً توق لأن حملها لازم له عنايه واهتمام
مسكت بطنها بـالم ونطقت بهدوء:بكلم رعد.
هزو راسهم بـ ايه ومشت مبتعده عن المكان
-
رفع جواله من شافها تتصل وابتعد متوجهه لمكتبه
رد عليها ونطق بتعب:عيون رعد وقلبه
تقوست شفايفها وهمست ببحه:رعد
زفر بضيق من سمعها بحتها وهو يعرف اشد المعرفه انها الحين بتبكي نطق بهدوء:وش الاخبار؟
توق:تجيني اروح بيتنا
اخذ نفس لثواني ونطق بخفوت:جاييك
قفلت منه وتوجهت لبيتهم
-
بعد مانتهو قررو انهم ياخذون فطورهم ويتجهون بالصاله عند عيده وهدى
ماهي الا لحظات وجلست على السفره وفطورهم معهم وبدأو ياكلون
نطقت عيده بحسن نيه:غريبه ياحور مارحتي لأهلك؟
عقدت حواجبها بـ استغراب ونطقت :ليه يعني؟
عيده:ماعاني صقر راح لهم يقولون فهد وغيث متهمين بحريمه قتل
بردت ملامحهم وناظرت في حور هزت راسها بالنفي وركضت للمطبخ على طول
ناظرت فيهم حور ونطقت :مات ؟
رفعت هدى اكتافها بعدم معرفه
ماهي الا ثواني وركضت لحنين
-
بالمطبخ
هزت راسها بالنفي ونطقت :كل مني ياحور كله مني
قربت منها حور ونطقت بتوتر:ليه ارسلت له كان مسكتيني!وش صار الحين مُستحيل يكون قاتل انا اعرفه والله مايقتل صقر ليه ماخذاني؟
جلست على الارض وبكت بصمت قربت منها حور ونطقت:قومي سريع مالك داعي تبكين
حنين بخوف:قتل وليد ياحور ذنبه في رقبتي ساعديني
ناظرتها حور ونطقت بربكه:انا اكلم صقر ياخذني الحين بروح عند جدي هناك
حنين:لاتخليني تكفين حور طلبتك
حور بضيق:تكفين حنين لازم اروح اشوف الوضع ماقدر
حنين :تعطيني الاخبار كلها طيب؟
حور :طيب بس احذفي رقم فهد ادري انه اتصل فيك مره
هزت راسها بـ ايه وكأنها تو تستوعب ركضت لجوالها ومسحت رقم فهد لان اكيد صقر بيشوف محادثة وليد
-
ناظرهم رعد ونطق:انا بروح البيت وبرجع لكم
رفع سلطان نظره ونطق:سعود وتركي ارجعو البيت خلوكم عندهم
هز سعود راسه ونطق:ابشر
سلطان بهدوء:تسلم
توجه رعد ومعاه سعود وتركي لبيت ابو عبدالعزيز
-
"بالمستشفى عند صالحه"
ناظرهم الدكتور ونطق:المريضه جاها جلطه بالراس والحين نقلناها بالعنايه المركزه حاله خطره دعواتكم لها
احد جارات صالحه نطقت:الله يعوضهم ويأجرهم في مصيبتهم
-
"بعد وصولهم عند بيت ابو عبدالعزيز"
نزل رعد متوجهه لبيت عبدالعزيز اما العيال توجهو للداخل
-
دق باب البيت وماهي الا ثواني وفتحت حصه الباب
حك راسه بـ إحراج ونطق:توق هنا؟
حصه:اي بغرفتها خذ راحتك انا بطلع لهم
هز راسه بـ ايه وقفل الباب وراه بعد طلوعها من البيت
-
دخلت حصه عندهم ونطقت:سعود برا عند باب المجلس والواضح انه لحاله اعطوه فطور
مها بهدوء:قومي يـ ايلاف شوفيه
ايلاف:شمس يمه مافييّ اطلع
مها بحده:قلت كلمتي صح؟وروحي من هنا اذا
ماتبين الشمس "تأشر على المجلس "
هزت راسها بـ ايه ومشت متوجهه للمجلس
-
طلع من الحمام وغسل وجهه اكثر من مره ناظر في المرايه لثواني قفل الماء ومشى متوجهه لسعود
-
اول مادخلت مع باب المجلس متوجهه للباب الخارجي تشوف سعود
صادفت تركي ورجعت للوراء بخوف
ابعد عن المكان بعدم اهتمام ومشى لـسعود
-
توجه على طول لغرفتها فتح الباب بهدوء وشافها متمدده على السرير ومعطيه ظهرها الباب
نّزل جاكيت بدلته ورماه على الارض بدون اهتمام توجه وجلس على السرير
-
غمضت عيونها برعب من الصوت هي تعرف اشد المعرفه ان مافي البيت غيرها
بردت اطرافها من حست بيد تمرر على كتفها نزلت دموعها بخوف وشدت على المفرش بقوه
رفع طرف المفرش وتمدد جنبها مد يده لصدرها وضمها لصدره
عرفت حركته المعتاده لذلك بكت لفت عليه وضمته بقوه
دفن وجهه في عنقها وبدأ يمسح على شعرها
همست بـ:خوفتني
رعد:اسف ياعين ابوي اسف
توق بعتب:ليه ماتكلمت انا خفت والله
ضحك بخفه وكتم ضحكته خوفاً من انها تسمعها
ونطق؛مايفيد الاسف؟
هزت راسها بـ لا
رفعها ونطق :وش يفيد اجل؟
حركت شفايفها بعدم معرفه
نطق بخبث:انا اعرف
عقدت حواجبها بـ استغراب وكانت بتتكلم الا انه قّرب منها والتهمها بالقبلات
-
بالعزاء
واقفه في البيت لحالها عمتها بالمستشفى اصيبت بجلطه والله العالم هل تنجو منها ام لا
قد تصيب بالجنون لا احد حولها فقد فقدت ابنها ولن تمررها على خير
من يرا وجهها الان يعرف انها تنوي الشر لنوم تنزل منها دمعها والواضح انها تكتم لكن حتماً ستنفجر
-
بالمركز
بعدما خرج النائب ناظرهم واقفين ورحم كبار السن اكثر شي لذلك نطق بـ:لين الحين ماوضح لنا القاتل لذلك بيجلسون عندنا كم شهر لحد ماتوضح الضحيه
ابو سلمان:وانا عمك هو منهو ولده؟
النائب:وليد بن مصلح
بردت اطراف ابو سلمان وناظر في صقر الي المنصدم نطق ابو سلمان :ولد عمك ياصقر
فز صقر من مكانه وهو ماكان يدري ابداً عن موت وليد لانه كان متأخر وقتها ترك المكان وخرج
رفع جواله من جاه اتصال من حور
ركب سيارته ونطق بهدوء :امري؟
حور بتوتر:صقر فينك تعال اخذني
صقر:انا مشغول الحين بروح لبيت عمي مصلح
حور بزعل:لا تعال الحين انا بروح عند بيت جدي
صقر بعصبيه:ماتفهمين انتي ؟بروح لبيت عمي قلت ولا؟
حور بحده :شكرا ً اروح مع سلطان وانت روح لـهم
صقر بصراخ:والله لو تروحين مع سلطان ماتشوفين الخير سمعتي ؟انطّقي مكانك لين اجيك
حور بهدوء: انت لاتروح لهم سحر هناك وانا ماروح
صقر
صقر بنرفزه:وليد مات ارتحتي؟وانا بشوف الوضع عندهم
حست بالقشعريره تسري بجسدها ونطقت بخفوت :مات؟
هز راسه بـ ايه وقفل منها بدون اي رد ثاني
-
بالليل
بعد ماشاف الوضع في بيت عمه قرر انه يمشي لبيتهم
-
واقفه في المكان الموحش تناظر في الفراغ هل احد فقدها ؟
مر على اختفائها ٢٤ ساعه وابتدت الدوريات بكل مكان تبحث عنها
-
بيت ابو سلمان
نطق ابو سلمان:والله اني كنت عارف السربوت ذا ماوراه خير شكله خيره عشان ماياخذ حنين
فارس بهدوء:الولد ماله ذنب
ابو سلمان بحده:انت المحامي حقهم
مارد عليه فارس تفادي للمشاكل
بعد مرور لحظات دخل صقر ونزل غترته بتعب
نطق :سلام
الكل بهدوء:عليكم السلام
نطق صقر:والله اني تعبان صاحي من بدري اعذروني بروح ارقد
-
ناظرت في حنين المتمددة على رجولها وتفكر بهدوء قطع تفكيرهم دخول صقر للغرفه
ابعدت عن حور بهدوء ونطقت بتوتر:انا بمشي
ناظرتها حور ووقفت معاها ونطقت:وانا بعد بروح معك
طلعت حنين وكانت بتمشي لكن يده وقفتها
ونطق:وين رايحه؟
ناظرت فيه بتوتر ونطقت:اروح مع حنين.
قفل الباب بهدوء ونطق:وش سويتي اليوم ؟
حور بغباء:ماسويت شي
ناظرها بحده وغمضت عيونها بخوف نطقت بتوتر ؛ءءصقر كنت بس بروح وانت ماكملت كلامها من قاطعها بصراخ:تهدديني تروحين مع سلطان؟اجل ليه مانقلعتي معه طيب
حور بهدوء:خل بيننا احترام على الاقل وهد صوتك
صقر بنرفزه :ياشيخه انتي بزر يبي من يربيك والله لو سمعت كلام امي وجدتي اطيب لي !
حور ببحه:وش قالو لك؟
صقر بعدم اهتمام :يقولون صغيره ماتصلح لك لكن لزمت عليك
هزت راسها بهدوء وتوجهت للحمام يكرم القاري
بكت بقهر ونطقت:اكرهك اكرهك
ابتسمت من تخيلت لو عندها اخ او اخت او ممكن تجرب شُعور الابوه شتمت حظها
-
بيت ابو عبدالعزيز
مالت براسها على فخذ لين ونطقت:ماكلموهم؟
لين بهدوء :من قبل شوي راجعين من عندهم مافي اي خبر جديد
غمضت عيونها من تذكرت غيث ونامت في مكانها
اما لين توجهت لـ سلطان
-
بيت عبدالعزيز غرفه توق
نايمه على جنب بطنها اصبح متوسط الحجم فذلك يرهقها حتى في نومتها
هزت راسها بالنفي وبدت دموعها تنزل همست بـ اسم رعد لكنه مايرد عليها
بدأ صوت ونينها يرتفع وصوت بكاها يزداد عن الاول ماهي الا لحظات وصرخت بـرعب
فز من مكانه من سمع صراخها قرب منها والواضح انها تحلم مسك وجهها بين يدينه ونطق:توق توق
الواضح ان حلمها مخيف
رفع طرف المفرش عنها وضرب على وجهها بالخفيف
فتحت عيونها بخوف وبدون مُقدمات منها ارتمت في حضنه رفعت يده وحطتها على ظهرها ونطقت:ساعدني
مسح على ظهره بخفه والاكيد انها تحلم لذلك ابعد عنها حتى يكون ظهره ملاصق للسرير ويقدر يحضنها بين يدينه لكنها ماسكته بـ احكام تكى على السرير بصعوبه من تعلقها فيه دفنت نفسها في صدره ونطق:حلم صح؟
دفنت وجهها في صدره اكثر وهزت راسها بـ لا بمعنى انه يتركها ولا يسئلها بعد محاولات قدر انه يهديها وقرا عليها حتى غطت بنومها ونام معها بالفعل
أنت تقرأ
يلتفت لها القلب والعقل
Actionكُتبت بواسطة الكاتبـه : شيماء 🇸🇦 - حسابي انستا| r_iixeer . . نقل الروايه قد يُعرضك لمسأله قانونيه 💫.
