يلتفت لها القلب والعقل

🌷

اذكروا ربي لاتنسونه ❤️
-
(استغفرالله)
(سبحان الله)
(الحمدلله )
(لا اله الا الله )
(الله اكبر )
(لاحول ولاقوه الا بالله)
(اللهم صلي على محمد)
-
.
.
شاف سلطان جايب شنطة هديل وتقدم منه ونطق:والله ياملازم بنفقدكم بس هاه كلها اسبوع وانتم عندي
ضحك سلطان ورفع يدينه يبي يحضنه
ضحك فهد ونطق :لو احضنك ياحبي ماوصلت لكتفك حتى
سلطان :ماعليه بس اقرب
قرب منه فهد وحضنه
سلطان بحماس نطق:الاسبوع الجاي ماتكون ملكه سلطان اي ملكه
بتلاقيني جايب البشت ومجهز كل شي
فهد :ليه وين تبي تحطها ؟
سلطان :والله الود ودي بـ استراحه ابي لين تستانس
فهد :اقص يدي من محلها انك اكثر شخص فرحان على الي صار
سلطان بـ ابتسامه :هو من ناحيه فرحان فرحان بس ماكنت ابيها تكون كذا صراحه كنت ابيها وهي بـ اتم الرضا بـإذن الله ابلغ ابوي ان الملكه بتكون في استراحه انا ماقلته اولا عشان جدي وخالي عايض مايعودون علي هجدت
فهد :والله كان اثبت لهم احسن لك من العناء ذاه كله وازين لك والله انك هجدت للحين تلقى راسك مقسوم نصين والسبب ابوي
ونطق :وينها هديل ابي اسلم عليها
اشر سلطان على السياره وتقدم من الباب وفتحه ونطق :يالخايسه ناويه تروحين وماودعتيني؟
هديل بنسيان:شايف الاوضاع كيف؟حتى اني نسيت والحين ولا يهمك اودعك نزلت من السياره ونطقت:هاه استاذ فهد وش يليق بك من وداع
ضحك فهد وحط يده من ورا ضهرها وربت على كتفها ونطق؛ لازم تكونين احلا وحده في ملكه سلطان واحلا من لين بعد عشان تنخطبين عاد انتي اخت سلطان الوحيده
ضربته ونطقت:ليكون مثقله عليك وانا مادري
فهد :حشى ماهي بـ يد ذي حديده
هديل :وجع اذكر ربك
ضحك فهد ونطق:ماشاء الله ماشاءالله
تقدم سلطان ونطق:يلا وخر من طريقي بمشي
فهد بـ ابتسامه :ودعتكم الله
مشى سلطان ولف فهد يناظر حوالينه البيت بيفضى الحين عليهم دخل فهد للبيت
وشاف سعود يلم اغراضه وناظر فيه ونطق:حتى انتم بعد!!!!
سعود:شوفت عينك
فهد شاف امه واقفه ونطق:العرب بيروحون كلهم
الجده:امر الله والله انهم ماقصرو
تقدم منها فهد وانسدح على رجولها مسكت راسه وبدت تفركه له
-
رعد وتوق
ناضرت نفسها بالمرايه ليه للحين ابوها ماتصل فيها ليه ماسئل عنها ولا فكر حتى يسئلها اذا هي بخير اولا غمضت عيونها بـ الم وتذكرت كل لحظاتهم مع بعض اخذت نفس لمحاوله تهدئة نفسها
شافت المبخره على الطاوله تقدمت بسرعه ورمتها بكل قوتها على المرايه انقسمت المرايه لنصين وكان صوتها مره قوي
جلست على الارض بتعب وهمست بـ :يبه
-
عند عبد العزيز
كان يناظر الاتجاهات ويحدد المكان الي لازم يوصل له هو عرف مكانها بيجيها الحين وياخذها خلاص هي تحملت اكثر من اللازم
وقف سيارته قدام الباب ونزل
تقدم من الباب وشافه مقفل استغرب ان مافيه سياره كان يفكر لو حصه تضحك عليه وتبيه يتعب نفسه
دق الباب بس ماكان فيه اي استجابه او ان احد يفتح له
كانت تسمع الباب بس ماتحرك فيها ساكن هي تحسبه رعد ومتعمده ماتفتح له عناد فيه هي من اليوم قررت تقلب حياته جحيم
رجع عبد العزيز يدق بقوه بس مافي احد يرد عليه رفع صوته ونطق بصراخ :توققققققققق
فز قلبها اول ماسمعت الصوت هي تعرفه اكثرمن اي احد كانت تحسب نفسها تتوهم لحد مارجع ينطق :توققققق
قامت بسرعه بس تعثرت بالسجاد تاوهت بـ ألم ورجعت تقوم على حيلها كانت تمشي بلهفه وفرحه اول ماقربت من الباب بتفتحه كانت يد رعد اسرع ومسكها مد يده لفمها عشان ماتصارخ
وسعت عيونها ورفعت رجلها بتضربه بس هو اسرع منها لفها بحيث يكون ضهرها مقابل صدره ويده على فمها يمنعها من الكلام
عند عبد العزيز شاف الوضع وان مافيه فايده ولو هي هينا يمديها ردت عليه هو يعرفها اكثر من نفسه مستحيل تكسره حتى لو زعلت منه
ركب سيارته ومشى متوجهه للبيت
عضت اصابعه عشان يتركها بس هو عنده خبره ويعرف كل شي هو تعود على المهمات والمداهمة مد يده الثانيه يقفل فمها يمنعها من الكلام
سمع صوت السياره وعرف انه مشى
-
نرجع بالاحداث .
عند رعد كان راجع للبيت بس شاف سياره غريبه قدام الباب بس لمن قرب عرف انها سياره عبد العزيز وتاكد عقب مانزل عبد العزيز منها
مشى بسيارته حتى ركنها بالجهه الثانيه يم الحوش ونزل منها هو يبي يدخل الحوش لف وماكان معه حل الا انه يركب فوق سيارته ويدخل عليها ويمنعها تفتح له الباب لان الوقت تاخر وهو يعرف  لو تفتح الباب  مابيرضى ابوها ولاهي راح ترضى  الا اذا راحت معه قفز من فوق ونجحت خطته بـ انه يدخل الحوش ويمنعها من فتح الباب
-
نرجع للاحداث
شال يده من على فمها بدون اي تبرير ومشى متوجهه للداخل
انصدمت منه ليه من البدايه يحرمها من ابوها وهي مشتاقه له من زمان ماشافته
مسحت دموعها بـعنف وهي ت*** ضعفها ومشت متوجهه للداخل
ناظرت في الفازه وابتسمت اخذتها وحطتها ورا ضهرها ومشت للغرفه
-
بالغرفه
اول مادخل انصدم من منظر الغرفه بس طنش الوضع وتقدم من الدرج اخذ له ملابس ودخل الحمام يكرمكم الله بياخذ له شاور على السريع وينام بدري عشان بكره يستقبل صديقه له شهر ماشافه
دخلت الغرفه بس ماشافت له اثر سمعت صوت الماء بالحمام وتقدمت من الكنب وجلست عليه بهدوء ولا زالت ممسكه بالفازه
سمعت صوت الماء انقفل وقامت بسرعه تعدل وقفتها
طلع من الحمام وشافها واقفه تناظره استغرب نظراتها وانها ماأعطته ردة فعل ولا عصبت عليه زي كل مره تقدم من الدرج بيحط اغراضه داخل
تقدمت منه بهدوء وشافته منشغل بالدرج رفعت الفازه بيدين مرتجفه وضربته على راسه بقوه طاحت الفازه من يدينها وكان صدى صوتها على الارض ابعدت بسرعه وبدا صوت انفاسها يعلى هو قهرها بتصرفه ليه ماخلاها تشوف ابوها
لف عليها وكانت نظراته تاكلها والشرار بيطلع من عيونه من كثر قهره على الي سوته تقدم منها ونطق بهدوء:ليه؟
خافت من هدوءه وابعدت بخطواتها كان يمشي بخطوات هاديه
لفت لجهه الباب وشافته مفتوح
ناظر محل ماتناظر واول ماركضت ركض معها وبسرعه منه قفل الباب ومسكها مع يدها وشدها الباب بحيث يكون ضهرها لاصق في الباب رفعت انظارها له بتشوفه
انظاره كانت مركزه على كل شي فيها رفع راسه اول مارفعت راسه بتشوفه  هو اكثر من مره حذرها انها ماتحارشه ولاتدخل فيه رجع نزل نظراته على  صدرها  مسك يدينها وارتخى بحركه سريعه منه وبدا فمه يزور كل مكان بصدرها
شهقت بـ اعلى صوت ونطقت:يا******ابعد الله ياخذك اكرهك
ماتحرك فيه ساكن ولازال مكمل حاولت تبعد يدينه بس هو اقوى منها رفعت رجلها وضربته بـ اقوى ماتملك
ابعد هنا بسرعه ومسك بطنه بـ الم
جلست على الارض وبكت بحرقه على نفسها ونطقت:ياحيوان الله ياخذك ان شاء الله اشوفها في خواتك وفي كل اهلك
زحفت على الارض لحد ماوصلت لأجزاء المرايا المكسر رفعت جزء صغير من المرايه وغمضت عيونها بـ الم ماتبي تشوف وتكرهه اكثر
كان يراقب كل تصرفاتها
فتحت عيونها وشافت صدرها بالمرايه كله معدوم  والسبب هو رمت المرايه بسرعه وبكت بصوت عالي كانت دقات قلبها سريعه وقفت ومسكت شعرها وشدته كانت بحاله اللاوعي وتنطق بـ:الله ياخذك يارعد اكرهك
مشت لحد ماوصلت لاكبر قطعه من المرايه ورفعتها بيدين مُرتجفه
تقدم بسرعه منها عشان ماتضر نفسها بس هي على طول اشرت على صدرها ونطقت :والله لاذبح نفسي ولاتلمسني ياكلب
رعد بربكه وهو ماحسب حساب انها تنفعل كذا معقوله صدق كرهته،؟نطق:توق اسمعيني اوعدك اوديك لـ اهلك وتجلسين عندهم على كيفك
نطقت بـحده :مو على كيفك تطلقني وغصبن عنك تسمع ؟
قرب منها يبي يشغلها عشان ماتسوي اي شي يضرها
مدت يدها ونطقت بصراخ :ابعد ابعد
مد يده بسرعه وسحب المرايه وانجرحت يدها اثر سحبته للمرايه وطلع منها الدم
اول ماسحب المرايه من يدها مانزلت يدينها رفعتها وكانت تناظر فيها اول ماشافت يدها تنزف بكت بخوف ونطقت :دم دم فيه دم
مشت للحمام يكرم القارئ وفتحت الماء وبدت تفرك يدينها عشان الدم يروح
قفلت الماء ورجعت يدها تنزف
واقف على الباب ويشوف كل تحرُكاتها ومستغرب منها ليه تتصرف كذا هو ماحسب حساب  ان يدها تنجرح
رجعت تفتح الماء وغسلت يدينها رفعت نفسها للمرايه وشافت صدرها فيه اثاره تركت الدم الي بيدينها وبدت تفرك صدرها بقوه كانت بحاله هستيريه
جلست في الزاويه وحطت يدينها على وجهها قرب منها وهو ندمان على تصرفه ليه يستعجل نطق :توق
هي ماتسمعه الحين كل همها تنظف نفسها من اثاره ويدينها من الدم
مسكها مع يدينها ورفعت نظرها له هزت راسها ونطقت بتمتمه :فيه دم فيه دم
رفع يدينه لوجهها ونطق :تبين الدم يروح ؟
هزت راسها بـ :ايه
رعد بـحنيه :طيب الحين يروح بس تعالي معي
هزت راسها ومشت معه
اخذ شنطه الاسعافات وقرب من السرير ونطق بـ:اجلسي
راودتها كل الافكار السيئه وهزت راسها بـ:لا
سكت ونطق بـ:مدي يدك
اعطته يدها وعقمها ولف عليها بالشاش ونطق:خلصنا
اشرت على رقبتها وصدرها ونطقت بغصه:وهاذي
غمض عيونه بندم ومسكه مع يدينها ونطق :توق انا اسف اوعدك ماكررها إلا إذا رضيتي
ابعدت يدينها ونطقت بحده :لاتفكر بيوم من الايام تلمسني وياويلك يارعد تقربني ثانيه مره ..
-
في بيت اول مره نزوره وهو بيت احمد وسهام ، رجع بعد غياب شهر كامل
فتح باب البيت ودخل شاف البيت هادي وانواره طافيه استغرب معقوله ماعرفت عن جيته او ناسيه وين بتكون راحت هالوقت؟
نزل اغراضه عند الباب وشغل الانوار وكانت سهام وحسام واقفين بالصاله مسوين له مفاجأه
اول ماشتغلت الانوار صارخ حسام وابتسم اول ماشافها واقفه وماسكه يد حسام
فلت حسام يده من امه وركض لأبوه مد يدينه يبيه يستقبله ونطق:بابا
جلس احمد على رجوله بيستقبله بس تعثر حسام من السجاد تقدم احمد بسرعه ورفعه ونطق :لاتبكي ياحبيبي لاتبكي
قوس حسام شفايفه وضحك احمد وحضنه ونطق :لا يابابا خلاص خلاص
تقدمت منه سهام ونطقت :ولدك دلوع كلها طيحه
احمد :خليه يتدلع على راحته
سهام :وانا مالي نصيب من الدلع والحضن ؟
تشابكت عيونهم للحظات لحد مانطق احمد بـ:انتي غير انا كلي لك
نّزل حسام على الارض وعلى طول مسك حسام رجوله يخاف انه يتركه فتح يدينه لها وتقدمت بسرعه وحضنته رفعها عن مستوى الارض وشد عليها بقوه دفن وجهه في عنقها كانت شاده على بدلته ودموعها تنزل بصمت
حس بدموعها على بدلته عقد حواجبه بـ استغراب ونطق :سهام
نزلت راسها على كتفه ونطقت :لاتتركني كذا مره ثانيه انا ابي حضنك
ضحك ومسك يد حسام ومشى متوجهه للغرفه ولازالت في حضنه نزلها على السرير ونطق بـ:بنزل بدلتي عشان ماتضايقني
نزل جاكيته ورفع حسام على السرير وانسدح هو بالنص يمينه سهام ويساره حسام
رفع يده وقربت منه سامحه لـراسها يرتاح على صدره رفع يده الثانيه لحسام وبالفعل سمح حسام لـراسه يرتاح على صدر ابوه
-
بيت عايض
كانو كلهم متواجدين على السفره ماعدا لين
طلعت لين من غرفتها ومشت يمهم بتفطر معاهم ردت السلام بهمس وجلست
ناظر فيها عايض ونطق :جهزتّي ؟
هند :خلاص ياعايض انتهينا قفل على الموضوع
ماتكلمت لين ورجع ينطق عايض بـ: ليه يالين تروحين له ؟
كانت منزله راسها وتاكل بصمت لكن من بعد ماسمعت كلامه تغورقت عيونها بالدموع ولاردت عليه
غيث بهدوء :لاتخافين اشرحي له
شدت على يدها ريماس عشان تطمنها وماتخاف
عايض بجديه :ليه يالين قصرنا معك بـ شي؟
لين بهدوء :لا بس انا ماسويت شي.
عصب من كلامها وكان بيهاوشها بس مسكت يده هند وغمضت عيونها ونطقت بـهمس :تفاهم معها نصيحه ياعايض قبل ماتكرهك مو كل شي بالهواش
اخذ نفس ونطق:ليه يابابا فهميني
اول ماسمعت كلمه بابا انهارت بين يدينه ونطقت :ماسويت شي ماسويت شي
بكت هند وناظرت فيها ريماس وقامت لـغرفتها بسرعه
قام عايض ومسكها مع وجهها ونطق :فهميني يالين عشان ارتاح
اخذت نفس بهدوء ونطقت :ليه ماحاولت تسمعني او تطلب مني اني افهمك هناك عند جدي ومها ليه خليتهم يشكون فيني ؟ليه هينا غير وعندهم غير (تقصد انه معاهم في بيتهم يتفاهم وعند جدها ابدا مايفكر في التفاهم )
عايض بهدوء:فهميني وانا ابوك عشان ارتاح
ناظرت فيه لثواني اشر لها غيث تقول له ونطقت :هو كان فيه طعنه بسيطه ببطنه وانا وقتها رحت للمطبخ اشرب مويه وسمعت صوت ونينن وشرحت له كل السالفه وان مها فهمت غلط لانها اول ماشافت الدم على لبس سلطان مافكرت غير بالشين  سكتت
نزل راسه وهو ماعاد له وجه يناظر فيها  ونطق :ماهو ماخذك واذا عن جدك صحيح اننا جبرناك تاخذينه والحين خلاص انا اخليه يتركك
رفعت انظارها لـ غيث بخوف وابتسم غيث يطمنها ونطق:ابوي الشغله ماهي لعبه
هند بجديه :اترك البنت تشوف نصيبها!
طنشّها عايض من دق جواله وكان نواف رد السلام وسئلو بعض عن الحال
ونطق نواف بـ:الملكه الاسبوع الجاي ياعايض
اشر له سلطان يعلمه انها بـ استراحه عشان مايرفض وهو لازم يحطه تحت الامر الواقعي فتح على السبيكر ونطق عايض :ماعاد به ملكه يانواف انا سمعت لبنتي وهي علمتني بالحقيقه
هند بعصبيه:تكسنل على كيفك انت ! ليه ماسمعت لها من زمان "لافات الفوت ماينفع الصوت"
تغيرت ملامح سلطان اللي ماخفت على نواف تغير ملامحه ونطق :والله ياعايض وانا اخوك الولد حلل امس اول ماجينا والمشكله ماهو بالتحليل اني علمت اخواني ووزعت الكروت على الاقارب والحبايب والملكه بـ استراحه ماعاد به مجال للرفض
ارتاح سلطان وابتسم بربكه كل شي ضبط معه هو من البدايه ماكان بيقول لهم الحقيقه حتى يتملك عشان مايرفضون
نطق عايض بـ :خير ان شاء الله
اول ماقفل عايض المكالمه فز سلطان من مكانه بحماس ونطق بـابتسامه واسعه :والله انك افضل ابو وتقدم سلم على خشمه وكتفه وراسه
نزلت هديل ونطقت :وش عنده سلطان مستانس
سلطان :بروح احلل تروحين معي،؟
هديل :ليه لا ومنها غيث ياخذ البنات ونروح مع بعض
سلطان :عقلك يعجبني بالاوقات الصعبه قمي يلا اجهزي وانا بدق على غيث
عند غيث بعد مادق عليه سلطان استأذن من ابوه انه بيروح وياخذ خواته معه
ووافق
دخلت لين على ريماس بالغرفه وشافتها واقفه وتحاول تشغل نفسها بـ اي شي تقدمت منها ونطقت :ريمو؟
ريماس :لين شفتي ربطة شعري انا مادري وينها من اول ادورها بس مالقيتها
لين بـ استغراب:ريماس اشبك ربطتك شوفيها بيدك ؟من ايش خايفه ؟
ريماس :انا ؟مالي خايفه من شي بس ضيعت ربطتي وجيت ادورها بس
ناظرت فيها هي تعرف اختها من تخاف او تتوتر تحاول تتخبى بـ اي زاويه اهم حاجه ماتكون موجوده حتى لو كان النقاش مو موجهه لها لانها تتأثر اكثر من اللازم ...
لين بتغيير للوضع :غيث بياخذني احلل تروحين معاي؟
ريماس :تمام بس بلبس
هزت راسها لين ونطقت :انا بعد بروح البس
-
تسريع الاحداث شوي
قدام باب المستشفى وقف غيث ونطق :يلا ياعروس وغمز لـ ريماس ونطق :وعقبالك
ريماس بْكره للزواج :عقبالك انت مو انا
ضحك غيث ونطق :امين امين عاد البنت عندي لاتخافين
ريماس :يومها الاسود اذا اخذتك
ضحكت لين ونطقت :منهي؟
غيث بغمزه :بعدين اعلمك الحين معنا ورعه
ضربته ريماس على شعره ونطقت :انت الورع تراني كبيره
ناظر فيها غيث ونطق :الحين احد قال ريماس الورعه؟ليه تحسستي
ضحكت لين ونطقت :ماعاد لك وجه تحكين ويلا نزلنا يادوب نلحق
اول مانزلو من السياره كان سلطان توه جاي
عرفته من سيارته وارتجفت داخليا ابتسمت من تحت نقابها اول ماشافته نازل من سيارته ومعاه هديل
قرب سلطان من غيث وهي كانت ورا غيث بالضبط ارتخى يسلم عليهونزل انظاره اول ماشافها حاول قد مايقدر يمنع ابتسامته لكنه ماقدر نزلت انظارها بتوتر وقربت منها هديل ونطقت :اعترفي وش مسويه بالولد وقت يشوفك بس يتبوسم؟
ريماس بحب :واحد يشوفها مايحبها ؟لاتصيري غبيه هدهد
-
دخلو البنات لقسم التحليل الخاص بالنساء والعيال لقسم الرجال
سحبو دم من لين وسلطان عشان تحليل الزواج اذا يتطابق او لا وبعدما خلصو مشو يدورون لهم قاعه عشان الملكه ..
من بين كل القاعات اختارو قاعه  نالت على اعجاب لين وهي قاعة (اجمل ليالي العُمر) دفعو العربون واختار اليوم المناسب للملكه ومشو متوجهين للسوق يختارون الورد والتنسيقات الباقيه
-
توق ورعد
على السرير هي بجهه اليمين معطيته ضهرها ودموعها تنزل بصمت
اما هو بجهه اليسار مريح ضهره على السرير ويناظر بالسقف كانت لحظه صمت لحد مانطق رعد :توق
لمت رجولها لحد صدرها وشدت عليها بيدينها
رجع رعد ينطق بــ :توق
تقدم منها لحد مالصق صدره بضهرها ومد يدينه يحاوطها شد عليها اكثر
ونطق بندم :توق انا اسف
ماردت عليه وهي كانت بحاله شبه اغماء
استغرب انها مابعدت عنه او انها ماضربته زي كل مره ابعد يدينه وتقدم من جهتها لحد ماصار وجهه مقابل وجهها ناظرت فيه لثواني ورجع ينطق بــ:توق
تشابكت عيونهم للحظات هي ماعاد لها حيل تبعده ولاتتكلم هي انهلكت تماما حتى نفسيتها تعبت
ماعطته اهميه وتقدم منها وسند جبينه على جبينها وغمض عيونه والهدوء يعم المكان غير صوت انفاسهم
اما هي غمضت عيونها بهدوء مُعلنه اغمائها
بعد لحظات فتح عيونه وناظرها كانت مغمضه عيونها بأريحيه
هزها رعد وهو يحسب انها نامت نطق اكثر من مره :توق توق لكنها ماردت عليه
عدل من وضعيه نومتها (هي مغمى عليها بس هو يحسب انها نايمه ) حتى صار ضهرها مريح على السرير
ناظر فيها لثواني ونزل لمستوى صدرها وابعد طرف من بلوزتها كان يشوف افعاله فيها مرر يده على كل مكان اقترب منه ومسح عليه كأنه يخفي اثاره صح انها زوجته ويحل له وهذا ابسط حق من حقوقه لكنه مايبيها تكرهه وتنفر منه ابعد يده سند نفسه عليها سامح لجسده يرتاح راسه على صدرها كان يسوي كل شي  بهدوء خوفاً من انها تصحى عليه وتبدا هواش وضرب حاوطها بيدينه ودفن وجهه برقبتها ودخل بسبات عميق من النوم
-
عند فهد في بيت ابو سلمان
جالس برا لحاله واللي يشوف حالته يقول انه يهوجس غمض عيونه وسند راسه على الجدار الحين تو بيرتاح  ويعرف يفكر براحته هو دايم اذا تجمعو مايعطي نفسه حق لا للراحه ولا حتى يفكر بنفسه ومستقبله
مر على طيفه احد بس انه مو متذكر مره  كان يحاول يتذكر بس انه ماقدر
من يوم راحو اكثر شي مال منه روحته للحلال
طلعت له حور ورفعت صوتها :عندك احد؟
فهد بابتسامه:لا بس البسي احتياط
مشت تلبس عبايتها وطلعت له.
-
بيت ابو سلمان
تقدم صقر من هدى ونطق :يمه
هدى بحب:عيونها
ابتسم صقر ونطق بهمس :شوفي جدي وش صار على الخطبه هاذي ماصارت
ضحكت هدى ونطقت بـ:طيب خلاص
غمز لحنين عشان تتقدم منه امه وتقول انها تشوف حور المناسبه
تقدمت حنين من امها ونطقت :يمه نبي ناخذ حور بنت فواز الله يرحمه
ارتجف قلبه يعني هي يتيمة اب ؟
هدى :لا البنت صغيره والسنه ذي تتخرج وصقر كبير
تغيرت ملامحه وتقدم منه ونطق :يمه لا انا ابيها وراضي
هدى بشك :وانت وين تعرفها
صقر :ماعرفها لكن ان ابيها احسها مناسبه لي حتى عمرها مناسب لي ابيها طلبتك
حنين بـ اقناع :صح يمه البنت حلوه كثيره وماتلقين لصقر مثلها ونطقت بحماس صقر اند حور واو
ابتسم صقر لان اسمها جاء جنب اسمه
ناظرت فيهم هدى واكتفت :طيب بس الله يكفيني شركم  ومشت تجلس جنب امها عشان تقول لها انهم اختارو حور ولازم يكلمون الجد
ابتسمت عيده لان هي كانت تبيها بس تشوفها صغيره عليه ونطقت بـ:الله يديم افراحنا فيه وفي شوفة رعد
هدى :امين
-
بيت عبد العزيز
من بعد مارجع ومالقى توق كله همه ان حصه اكيد بتكذب عليه وللحين هم بهواش وكل واحد يلقي اللوم على الثاني وان هو السبب
حصه دقت على توق اكثر من مره لكن ماترد وبدا الوسواس يلعب على عقلها
دخل تركي وشافها تكلم نفسها ويحس فيها خوف وندم تقدم منها ونطق :يمه شفيك؟
اول ماشافته تقدمت منه بسرعه وحضنته حضنها بقوه ونطق :يمه!!!
حصه بدموع :تكفى ياتركي
قفل تركي على فمها ونزل يسلم على راسها وكتفها ويدينها ونطق :لاتقولين تكفى امريني وانا اقول لبيه
حصه :ودني لتوق انا اعرف مكانها
تركي بفرحه :ووين بخير؟وش مسوي فيها ضربها !؟
حصه بمحاوله تهدئته :لا لا دايم اكلمها وعلى طول اجي واقول لك صح ولا لا
هز راسه تركي بـ اي
ونطقت :من امس ماردت علي وانا خايفه عليها ودني لها تكفى
تركي بهدوء :تمام يلا اجهزي وانا بالسياره انتظرك
حركت راسها بـ اي ومشت تلبس عباتها...
-
بيت ابو عبد العزيز
متجمعين كلهم في الحوش يسولفون نطق الجد بـ:جانا خطابه يامنيره
ارتجفت حور ولفت تناظر امها ليه قال منيره ؟يعني هي بتتزوج
منيره بدون مجال للموافقه نطقت بكلمه وحده وهي :بنتي صغيره
الجده :الي قال لها الجد بالسالفه ومن خطبها لان ابو سلمان كلمه وعلمه منهي بنته الي يبونها حليله لولدهم نطقت :خلي البنت تتزوج وتترزق انتي ماتقعدين دايمه لها
ضحك فهد ونطق بـ:حور ولين وتوق بزارين وبيعرسون وفهد ماحتى خطب
نطق الجد :شايف وجهك انت وتبانا نخطب لك بعد لابالله فضحتنا
الجده :عاني (شوفني)شفت وجهك ومارفضتك
ضحك فهد ونايف بقوه ونطق فهد بـ :عطيهههه
مسك الجد عكازه ورماها عليه ونطق فهد بحلطمه :استحو على وجيهكم تراني كبرت
عبد العزيز :البلا انك كبرت ولاعقلت
رجع الجد يناظر بـمنيره ونطق ؛خلها تستخير ولاتوقفين بنصيبها وصقر رجال ومصلي وعنده وظيفه وولد حلال
هزت راسها منيره ونطقت بـ:الله يكتب الي فيه الخير
فهد بحماس :الله صقر !!وافقي ياحور نصيحه والله لو اني مكانك لأوافق يهبل اخذيه عشان تكون ملكتك مع سلطان ولين بـ استراحه
ناظره الجد ونطق :والله اني كنت ابيها بالديره خلنا نتونس بالديار مير نواف الله يهديه مستعجل ووزع الكروت
قامت حور من عندهم ودخلت الغرفه حقتهم وقفلت على نفسها الباب معقوله يكون صقر هو نفسه اللي شافته وقت طاح الماء من يدينها ؟هزت راسها تبعد عنها الافكار ونطقت: اشفيك حور اهدي
عند تركي اخذ الموقع من امه ومشى متوجهه للمكان
-
رعد وتوق
ام رعد :رعد انتبه
ابو رعد :ليه يارعد تطول علينا وماتزورنا؟
نطق رعد :يمه لاتتركونييي
قرب رعد من ابوه ونطق :يبه قرب بيمسك يده لكن سلمان ابعد عنه وبسرعه اختفى
ناظر في امه ونطق :تكفين انتي لا !
ام رعد بحزن عليه وعلى حاله نطقت :ماقدر يارعد ماقدر واختفت على طول صحى من حلمه والعرق ينصب من جبينه وانفاسه سريعه جلس وناظر فيها ماتحرك منها ساكن على حالها تعوذ من الشيطان وكل تفكيره الحين بكلمه ابوه :ليه يارعد تطول علينا وماتزورنا؟
ناظر بجواله وهو يحس نفسيته تعبانه وفيه شعور وده يطلعه بس مايقدر
قرب منها ونطق :توق توق
ماردت عليه استغرب منها مو معقوله كل ذا نوم رفعها حتى جلست ومال راسها نزلها على السرير وراح يجيب له ماء
من كثر تعبها وارهاقها وتغيير الروتين عليها اندمج تعبها ونومها واغمائها
دخل عليها بالغرفه وقرب منها وبدا يمسح على وجهها بالماء ويقرا عليها بهدوء حتى صحت
تنهد بتعب اول ماشافها صحت ونطق :فاتتنا صلوات يلا قمي صلي
ورجع ينطق بـ:تبين اهلك ؟
هزت راسها بـ ايه بهدوء
ناظر فيها ونطق :يلا اجل نصلي ونمشي وقام متوجهه للحمام يتوضى
وبالفعل قامت واخذت ملابسها وطلعت برا الغرفه دخلت الحمام يكرم القاري وغسلت وجهها ولبست بنطلون واسع باللون الاسود وبديسوت باللون الابيض حطت مسكرا خفيفه وروج حتى مايبين التعب عليها ومشطت شعرها وتركته يرتاح على ضهرها
طلع من الحمام يكرم القاري وماحصلها استغرب استغفر ربه (استغفرالله) وكبر وبدا يصلي الصلوات الي فاتته
طلعت من الحمام يكرم القاري ومشت متوجهه للغرفه دخلت عليه وشافته يقول التشهد الاخير وسلم على طول
ناظر فيها بـ استغراب ونطق:انتي صليتي؟
هزت راسها بتوتر ونطقت :اي صليت برا ولبست وجيت ، ليه؟
رعد بهدوء :بس اسأل نمشي ؟
هزت راسها بـ :اي انا بسبقك
ناظر فيها رعد ونطق بهدوء :اذا ماعليك امر والله ريقي ناشف اعطيني ماء
ناظرت فيه لثواني ونطقت :للاجر بجيب لك
رعد :الله يكثر من امثالك
طلعت من الغرفه وكانت تمشي بكل هدوء حتى وصلت للمطبخ فتحت المويه واخذت لها كوب حتى شافته امتلى وطلعت من المطبخ وكان وقتها طالع من الغرفه ومد يده بياخذ الماء لكنه طاح من يدها بسبب الدق القوي على الباب اول ماطاح الكوب من يدها انكسر وفزت من مكانها تبعد عن القزاز
ناظرت فيه بخوف ونطقت من ؟
قرب منها يبي يمسكها بس نطق تركي بصراخ ـ:توق
انصدمت اول ماعرفت الصوت وهو صوت تركي اخوها ماعطته اي مجال على طول ركضت بسرعه للباب وفتحته خوفا من انه يمنعها
مايقدر يمنعها الحين خلاص الاكيد انها بتروح من يدينه لامحالاه
دخلت حصه وتركي معها
وقفت قدام الباب بصدمه وهمست بـ :تركي
رفع يدينه تركي يبيها تجيه هو مشتاق لها ارتمت بحضنه وبكت بصدمه قفل الباب ورفعها عن مستوى الارض
ونطق :افا تبكين ؟ليه ليكون ضاربك ؟
هزت راسها بـ لا هي ماشافت امها ولو انتبهت لها راحت لها بالاول
نطق تركي بـ استغراب :ترا امي معي !
نطقت بدمـوع وشوق :وينها وينها
ضحك تركي ونزلها ونطق بــ:عانيها
اقتربت من امها ونطقت بونين :يماه
فتحت يدينها حصه ونطقت :تعالي يايمه تعالي
ركضت لها وحضنتها بشوق ولهفه ونطقت بحرقه :يمه اهخخ ليه تتركيني
حصه ببكاء : ماتركتك اموت ولا اتركك ياحبيبتي
كان يناظر موقفهم العائلي هو يحتاج اهله وكثير بعد
نطق في نفسه :ليه يارعد ماخليتها تروح من البدايه ليه الحين اروح من يدينك
تقدم منهم رعد ونطق بـ:حياكم الله اقلطوا
تركي بهدوء :الله يسلمك لكننا بنمشي وتوق معنا
كانت في حضن امها وتناظرهم نطقت حصه بحنيه :تروحين ياتوق ؟
هزت راسها بـ :ايه ونطقت بخوف :بجيب عباتي لاتروحين
هزت راسها حصه بهدوء
مشت للغرفه بسرعه خوفا من انهم يروحون ويتركونها فتحت الدرج وكانت بتلبس عباتها
الا ان رعد حاوطها بيدينه الثنتين وشد عليها ونطق : لاتتركيني مالي الا الله ثم انتي
هزت راسها بـ لا ودموعها تنزل بصمت
شد عليها رعد :مابتروحين لا
هزت راسها بخوف من انهم يروحون ويتركونها ونطقت بـ:رعد ابعد
ابعد عنها وتقدم بحيث صار وجهه مقابل لها ومسكها من عند كتوفها ونطق : بخليك تروحين معهم بس لاتتركيني انتي ابوي وامي لاتروحين وتخليني
ابعدت يدينه عنها ناظر فيها لثواني والواضح انها ماعاد بتجلس معه جلس بتعب على الارض وسند راسه على الدرج
نزلت على الارض وسحبت عباتها ولبستها بيدين مُرتجفه طاحت عيونها عليه وعلى نظراته لها ..
.
نزلت على الارض وسحبت عباتها ولبستها بيدين مُرتجفه طاحت عيونها عليه وعلى نظراته لها وابعدتها بتوتر لفت بتمشي وهي تتذكر كلامه لمن نطق بـ؛انتي ابوي وامي نزلت دموعها على خدها وصلت عند الباب ومسحت دموعها لفت عليه وشافته جالس بهدوء يناظر فيها تجاهلت نظراته لها وطلعت من  عنده معلنه روحتها مع امها وتركي
-
بيت ابو سلمان
الجد :اعطيت العرب خبر ياصقر
مسك خدوده عشان ابتسامته ماتفضحه ونطق :الله يكتب الي فيه الخير
قرصه مشاري مع جنبه ونطق:مسوي ثقيل انت ووجهك
صقر بهمس :ابعد ابعد يالمفضوح عاد ان درا جدي والله لاروح فيها
حنين :ورا ياجدي مازوجت مشاري؟يمكن يعقل
ناظر فيه الجد ونطق :لعقلتي انتي زوجته والدور جايكم باذن الله
ضحك فارس على تعابير وجهها ونطق :من حفر حفره لأخيه وقع فيها
-
بيت ابو عبد العزيز
الجد :هاه يامنيره ماعينتي(ماشفتي)حور وش ردها
منيره بهدوء:يبه الناس توها اليوم اعطتنا خبر وحتى لو انها بتوافق الحين اكيد مابنقول لهم على طول بيقولون فرحو اول ماجاهم العريس يبون الفكه منها وللحين بتصلي استخاره وتشوف
حركت راسها الجده ونطقت :كلامك عين العقل وانا امك
جاها فهد اكثر من مره يبي يشوف رايها بس هي حاكمه فيهم ومقفله على نفسها الباب
-
عند عبد العزيز
جالس بالصاله ويناظر في الارض لـ متى يتم حاله كذا؟كل يوم بيقضونها هواش استغفر ربه
ونطق بتمتمه :الله يصلح الحال يارب
فتح الباب وكان تركي وامه  مانتبه لها دخلت حصه بهدوء ونطقت :سلام
وكذلك تركي
عبد العزيز :وعليكم السلام وين كنتم
تركي :رحنا لـ توق
فز من مكانه ونطق بلهفه :وينها وين لقيتوها ؟؟
توق بهدوء:موجوده مايحتاج تدور علي
قرب منها عبد العزيز ونطق :يامرحبا ببنتي
اقتربت منه وناظرت فيه لثواني معدوده نطق عبد العزيز :ماودك تسلمين علي
كانت بتسلم عليه بس عبد العزيز حضنها كأنها جسد بلا روح مالها حيل تعبانه ليه رعد قال لها الكلام ذا اثر فيها كثير رفعت يدينها وحاوطته سندت راسها على كتفه ونطق عبدالعزيز :تنامين الليله معنا؟
هزت راسها بـ ايه ونطق تركي:ماشاءالله وتركي من زمان عندكم ماحد قال نام عندي
ابتسمت حصه ونطقت :انت رجال حتى صاير اطول مني بس هي صغيره
ناظرت توق فيهم ونطقت :بنام
بس بالاول بروح لغرفتي واجيكم
هز راسه عبدالعزيز وبالمثل حصه بـ ايه ومشت متوجهه لغرفتها
ناظر تركي بـ ابوه ونطق :كلم رعد بموضوع الطلاق انا اولا ماقلت له شي عشان المشاكل وقلت ابوي يتصرف لانك ولي امرها
عبدالعزيز :لازم تشاورها يمكن هي راضيه وتبيه ليه نحرمها منه ؟
حصه بعصبيه :تشوف البنت وحالتها انت بعقلك ؟
نطق تركي :تكفون خلاص تعبنا من مشاكلكم الي ماتنتهي خلاص قفلو على الموضوع
دخلت غرفتها تحس انها تحتاج تجلس لوحدها مع نفسها بدون اي احد اخذت جوالها وارسلت على امها عشان تقول لها انها ماتقدر تجيهم لان مالها خلق
فتحت درجها تدور لها بجامه مريحه اخذت عطرها وعطرت منه
ومشت متوجهه للحمام يكرم القاري بتاخذ لها شاور وتنام
عند رعد مكانه ماتحرك وهو يفكر في كل حاجه تطري على باله ابتداء من اهله الي ماتو وتركوه والحين هي بتروح وتخليه فتح ازارير ثوبه وهو يحس ان الدنيا وقفت في وجهه قام من مكانه ونزل ثوبه وتوجه للحمام يكرم القاري يبدل ملابسه الداخليه بشورت حتى يقدر يفرغ طاقته بالمسبح ناظر نفسه بمرايه الحمام وبعدها طلع متوجه المسبح ماحد يحس بالنار الي داخله
اليوم بيقدر يكتم نفسه بالمسبح على راحته
ناس نامت وناس تستخير وناس تفكر بقرارتها وناس تفكر بمستقبلها وناس تفكر بالحب ناس مبسوطه وناس لا
هاذي حياه الانسان مرات يكون مبسوط ومروق واوقات يحس بأن الدنيا واقفه في وجهه
-
.
صباح اليوم التالي
صحت حور من نومتها وبسرعه طلعت لمنيره تقدمت منها حور ونطقت:يمه
منيره :ها ياعيوني
حور بتوتر :اعطيتي احد خبر ؟
منيره ؛لا يمه ماعطيت احد خبر انتي للحين ماوافقتي كيف اعطيهم ؟ورجعت تنطق :انا صليت استخاره البارح وانتي ياحبيبتي ؟
حور :صليت البارح بعد بس مادري مالي قادره احدد شعوري لان ماحسيت بـ شي
منيره :طيب انتي موافقه انا والله اني صليت البارح بعد وارتحت له وانتي وبراحتك ماحد جابرك
حور :انا موافقه
منيره ابتسمت لها ونطقت :لاحد يدري انك وافقتي لاتستعجلين ارجعي صلي مره ثانيه
-
بيت  عبدالعزيز
كلهم قامو يجهزون عشان اليوم بيفطرون مع بعض
نادى تركي :يمه يلا مشينا
جاتهم حصه ومعها توق وطلعو كلهم لبيت الجد
-
بالحوش في الجلسه
دخل عبد العزيز واهله وردو السلام عليهم
رفع راسه بيرد السلام بس اول ماشاف توق فز من مكانه وركض لها ونطق بصراخ :توق هينا
لفت حور اول ماسمعت فهد يصارخ بـ اسم توق وقامت من مكانها بفرحه
ضحكت توق اول ماشافت فهد يركض لها ماهي الا ثواني وتقدم يحضنها حاوطته بيدينها وربت على كتفها ونطق:وش هـ الغيبه؟؟
ابعدت عنه واكتفت بـ انها تبتسم ابتسامه خفيفه عرف انها ماتبي تتكلم ونطق :نروح لهم،؟؟
نطقت بـ :ايه يلا
قامو كلهم يسلمون عليها سلام عادي إلا حور ارتمت بحضنها وبكت
جاهم فهد ومسح دموعه بتمثيل ونطق :وش هالمشهد الحزين مره اثر علي
نطق الجد بـ:لا ويباني ازوجه الله انك تعوضني
ناظره فهد وجلس ونطق:ماش انتم لازم تخربون علي
رفعت حور صوتها ونطقت بهدوء:انا وتوق بنفطر بالداخل
منيره :مابه خلاف بس هاتي صحن احط لكم فيه فطور
ناظرتها الجده بنص عين ونطقت :ليكون فينا مرض ماتبغن تاكلن معنا؟
حصه :لا ياعمه هم بيسولفون مع بعض
الجده :سوالفنا وحده ولا ليكون عندكم شي؟
ناظرتهم منيره وارمشت بهدوء عشان يسكتن ومايردون عليها مدت لهم الصحن ومشو متوجهات لغرفتهم الخاصه ببيت جدهم ..
-
رعد
بعد الي صار له امس ماينكر انه فقدها وفقد تحركاتها وهواشها وضربها المستمر
بالمكتب جلس على الكرسي بتعب توه حقق مع صالح  ضروري  ولازم يعرفون مكانهم عشان الاطفال الي يتاجرون فيهم
نظراته صوب الباب هو عجز عن التفكير باله مشغول واكثر شي مخوفه انها توصل لطلاق
دق باب المكتب وكان صديق عمره
نطق بـ:ادخل
دخل وابتسم له على طول
فز رعد من مكانه وهو يجتاجه كثير دايم هو الملجأ الوحيد لأسراره بعد الله تقدم منه وحضنه ونطق بـ:احمد ياهلا والله الحمدلله انك جيت والله اني محتاجك
شد عليه احمد ونطق بـابتسامه :هذاني جيتك امرني
ابعد عنه رعد ونطق :نطلع ؟
احمد :وين !
رعد :مكاننا الي دايم
احمد:وبعدين يارعد المكان ذاك ماعاد ينطلع فيه جبال والله يارجال هيا مكان ثاني
نطق رعد بـ:مابيجينا غير الي كتبه ربي
هز راسه احمد بقله حيله ونطق :بس بشرط السياره مانطلع فيها بالجبل لاقدر الله لو صار شي والله على طول اننا بقبورنا المكان هناك شين موافق؟
هو دايم يستودعه الله لانه اذا زعل يطلع بسيارته للجبل ولايبالي
رعد :يلا اجل
وطلعو متوجهين كالعاده لمكانهم
-
بيت ابو عبدالعزيز
فهد:يبه تصدق ياسرع الايام
ناظره الجد وهو دايم يسمع لسوالفه البيض ونطق :ليه؟
فهد :ماعاد قعد شي على الملكه خمس ايام بس خمس ايام
مسك الجد قلبه ونطق بـ تفاجؤا:امانتك صادق؟
ناظره فهد ونطق :انت تسلك لي اعرف
ضحك الجد ونطق :انا ادري عنك
تمدد فهد على المركى بتعب ونطق بـ:اه
نطقت الجد والجد بنفس الوقت :قل لا اله الا الله وانت تون
ناظر فيهم فهد وسكت حتى كلمه اه بيحاسبونه عندها
-
عند البنات بالغرفه
قالت حور لـ توق السالفه كلها وبالبداية كيف شافته وشافها بالغلط
حتى خطبتها وموافقتها عليه قالت لها انها موافقه وان امها تقول لها لحد يدري
وانها لازم ترجع تستخير وقالت لها عن سالفه لين
ابتسمت توق ونطقت ؛والله كبرنا من كان متوقع اننا نتزوج بذا العمر
انتي اذا مرتاحه وافقي ياروحي وماعليك من احد سواء كبير او صغير
واذا  عن فارق العمر بينكم لاتهتمين
ناظرتها حور ونطقت :كم فارق العمر بينك وبينه؟
تغيرت ملامحها ونطقت :ماهتميت له فـ لذلك ماسألته والله
المهم الحين ملكه لين متى بالضبط ؟
حور :ماعاد قعد وقت قربت والله تقريبا خمسه ايام  باذن الله
توق :طيب اذا عندك موافقه كلميهم من الحين عشان تنزفين مع لين وبعدين ملكتهم بـ قاعه واذا بتوافقين بعد الملكه ياحور مالك الا ملكه هينا بالديره !!
استخيري الحين وانا بودي المواعين وشوفي ياحبيبي اذا راضيه او غيره
هزت راسها حور ومشت من عندهم
عند رعد واحمد فوق الجبل مسوين نار بعز الصبح وجالسين عندها .....
احمد بهدوء ؛متى تزوجت؟
رعد :صار لي شهر وعليه كم يوم
احمد:وغريبه ماكنت ماتبي الزواج حتى لو تطق الاربعين !!؟ اخذتها انتقام يارعد؟
ارتجف قلبه من طاريها ونطق بحرقه :احرقوني يـ احمد حرقوني بالكلام انا ولد الشوارع !!!دايما اتغاضى عشان اهاليهم مابيهم يفقدون عيالهم زي مافقدت اهلي بس ماش حياء دائما ولد الشوارع جاء ولد الشوارع جاء انا
انسان طيب!! واذا على الانتقام اخذتها كيد فيهم بس اني مامديت يدي عليها حتى لان مالها ذنب
تقدم من احمد وحضنه وربت على كتفه ونطق :بتنحل ياحبيبي انت بتنحل واذا على كلامهم على شحم اهم شي انت عارف اهلك صح ولا لا ؟
رعد وبتسارع في انفاسه نطق:صح صح
ضربه احمد على كتفه ونطق:خلاص يارجال هونها وتهون انت اهدى وكل شي محلول
اخذ نفس ونطق :لاحول ولا قوه الا بالله
احمد بتغيير الجو ابتسم ونطق :تحبها؟
رعد بهدوء  وهو يقلب بالنار نطق؛حتى لو اني احبها هي اكيد تكرهني ماتطيق حتى شوفتي
احمد ؛لا انت حالتك مستعصيه ماعليك صدقني انها بتحبك وبعدين بتلاحقك وتقول رعودي ياحبيبي
نطق رعد بـ استهزاء :هذا اذا ماطلبو الطلاق بس والله ماطلقها
احمد بهدوء :الله يكتب لك الي فيه الخير وانا اخوك
رعد:امين
احمد : الحين بسألك مابترجع لأهلك ؟حرام القطيعه ياولد صارلك ٨وهذا انت تقول انك قابلتهم بالصدفه ووعدت جدتك ترجع ياولد ارجع وخل النفوس تطيب واذا على الشايب تجنبه بس ارجع لاهلك مالك الا هم بعد الله
رعد بهدوء :اليومين ذي ان شاء الله بروح لهم
-
عند منيره وحور
حور :يمه
منيره :صليتي؟
هزت راسها بخوف من الجاي ونطقت :اي
منيره بـ ابتسامه :وارتحتي ولا لا ؟
هزت راسها بـ اي
ضحكت منيره ونطقت :كل شي بالاشارات بس تكلمي ولا القط بلع لسانك
حور بتوتر :لا انا استخرت وارتحت وموافقه
قربت منيره وضمتها ونطقت :يعني بتصيرين عروس ياحور ؟
حور بخوف :لا بس ملكه الحين زواج لا
ضحكت منيره ونطقت :خلاص طيب بروح ابلغ جدك يقول للجماعه ويتفق معهم اذا بيحطونه مع سلطان مره وحده
هزت راسها وطلعت متوجهه لـ توق
-
بالجلسه برا
فهد بـلحن :ياوجودي يالي مادري وشهو
توق بلحن مثله :الله ماحسن لك ساكت
جلس فهد وشاف حور جايتهم ونطق :هلا هلا بالي جاتني لين حدي هلا بالي ماتتركني وتروح هلا بـ حور القلب
جاته حور وجلست جنبه ونطقت :حور القلب وافقت يافهد اقعد انت
وسع عيونه بصدمه ونطق :سألتك بالله ليه يالخاينه والله ماسامحك والحين تدورون لي عروس
توق :اقول العصر بتودينا للسوق اذا فيه ملكه مع سلطان ولين ولازم انها تحلل
فهد :امرك ياتاج راسي اساسا انا سواقكم متى ماتبون تمشوني تمدد على المركى ورجع ينطق بـ لحن :الا ياوجودي الي مادري وشنهو ااااا
توق :اسكت اسكت حتى الاغنيه مـ انت حافظها استغفرالله وادخل نام الحين عشان العصر نمشي
يفهد :افكر
حور برفعه حاجب :وغصبن عليك
-
ابو سلمان بوسط جلسته
دق ابو عبد العزيز عليه بيعلمه عن موافقه حور
ابو عبد العزيز :سلام عليكم
ابو سلمان :السلام ورحمه الله يامرحبا
ابو عبد العزيز :البقى البقى وابشرك يامحمد اننا بنصير نسايب والبنت موافقه وان كان عندكم ملكه نبيها مره وحده مع ولدنا سلطان وتصير الفرحه فرحتين
ابو سلمان :انت وش تقول الارسال عندنا ماش
رفع نظره مشاري وقفل مشاري جواله يبي يسمع
الجد ابو عبد العزيز :اقول ابشرك البنت وافقت وبنصير نسايب
ابو سلمان :ابك يامشاري تعال انا ماوحيته (ماسمعته )وش يقول
تقدم مشاري بسرعه وحط على المكبر ونطق :ياعمي ارفع صوتك خلنا نسمعك
ابو عبد العزيز ؛انتم ماتسمعون اقول ابشركم حنا بنصير نسايب والبنت وافقت
وان كان به ملكه نبيها مع سلطان ولدنا وتصير الفرحه فرحتين
مشاري بفرحه :امانه ياعم الله يبشرك بالخير
ابو عبدالعزيز :امين والله يكتب الي فيه الخير وانا عمك علمك ابوك لاتنسى
مشاري :ابشر ابشر
ابو عبد العزيز :يلا وانا عمك سلم لي عليه ومع السلامه
مشاري :يوصل يوصل الله يستر عليك
ابو سلمان :هو وش يقول انا ماوحيت زين
مشاري :يقول البنت وافقت وابشركم بنصير نسايب ان شاء الله وان كان به ملكه نبيها مع سلطان ولدنا وتصير الفرحه فرحتين
ابو سلمان بفرحه ؛الله يبشره بالخير اي والله اذا صقر ماعنده مانع يحلل اليوم بس ملكتهم متى
مشاري :والله ماقال بس ان كان تبي اسأل فهد قلت له ونشوف اذا تناسبنا
ابو سلمان :مابه خلاف اسأله وعلمني اهم شي رح علمه وخله يحلل الظهر
مشاري :طيب
وقام من عنده ركض متوجه لـ صقر يبي يبشره
-
بيت ابو سلمان
دخل عليهم بالصاله وهو يلهث
نطقت الجده :الصلاه على محمد انت علامك تلهث تقول كلب
مشاري :بسوي نفسي ماسمعت وش البشاره ؟
فزت حنين ونطقت :حور وافقت ؟
ضحك مشاري ونطق بـ ايه
ركضت تبي تصحي صقر وفارس وتقول له بس لحقها مشاري وهو يرفعها من طرف بلوزتها ونطق :تعقبين مايعلمون الا انا وركض بسرعه للمجلس بيقول لهم ولحقته بسرعه
شغل مشاري الانوار ونطق بـ :قللللللوشششش
صقر :ياولد استح على وجهك نبي نرقد زين
حنين :وين تنام ياصقر ماكملت كلامها الا مشاري ماسكها من فمها ونطق بصراخ :ياصقر حور وافقت
فز من مكانه ونطق :كذاب
عضته حور على اصابعه ونطقت :والله والله وتقدمت منه تحضنه رفعها صقر وقعد يدور فيها ورجع يحضنها ونطق :يارب لك الحمد يارب
ابعد عن حنين وبدا يلعب بيدينه ويرقص
صحى فارس على اصواتهم ونطق :الله يسكنهم بمساكنهم وش عندهم ؟
حنين :حور وافقت
ابتسم فارس ونطق :صدق والله الله يوفقك يارب
تقدم منه صقر ونطق :ماعاد به نوم يافارس ماعاد به نوم
مشاري :نسيت اقولك بعد العرب عندهم ملكه لـ سلطان ويقولون ان كان ماعندنا مانع نملكم مع بعض وجدي يقول انه ماعنده مانع بس لازم يشاورك ان كان تبي فـ حلل اليوم بعد الظهر وانا بدق على فهد اسأله عن ملكتهم متى
نطق صقر بسرعه :اي ماعندي مانع
تصير الفرحه فرحتين
وقام من عنده ركض متوجه لـ صقر يبي يبشره
-
بيت ابو سلمان
دخل عليهم بالصاله وهو يلهث
نطقت الجده :الصلاه على محمد انت علامك تلهث تقول كلب
مشاري :بسوي نفسي ماسمعت وش البشاره ؟
فزت حنين ونطقت :حور وافقت ؟
ضحك مشاري ونطق بـ ايه
ركضت تبي تصحي صقر وفارس وتقول له بس لحقها مشاري وهو يرفعها من طرف بلوزتها ونطق :تعقبين مايعلمون الا انا وركض بسرعه للمجلس بيقول لهم ولحقته بسرعه
شغل مشاري الانوار ونطق بـ :قللللللوشششش
صقر :ياولد استح على وجهك نبي نرقد زين
حنين :وين تنام ياصقر ماكملت كلامها الا مشاري ماسكها من فمها ونطق بصراخ :ياصقر حور وافقت
فز من مكانه ونطق :كذاب
عضته حور على اصابعه ونطقت :والله والله وتقدمت منه تحضنه رفعها صقر وقعد يدور فيها ورجع يحضنها ونطق :يارب لك الحمد يارب
ابعد عن حنين وبدا يلعب بيدينه ويرقص
صحى فارس على اصواتهم ونطق :الله يسكنهم بمساكنهم وش عندهم ؟
حنين :حور وافقت
ابتسم فارس ونطق :صدق والله الله يوفقك يارب
تقدم منه صقر ونطق :ماعاد به نوم يافارس ماعاد به نوم
مشاري :نسيت اقولك بعد العرب عندهم ملكه لـ سلطان ويقولون ان كان ماعندنا مانع نملكم مع بعض وجدي يقول انه ماعنده مانع بس لازم يشاورك ان كان تبي فـ حلل اليوم وانا بدق على فهد اسأله عن ملكتهم متى
نطق صقر بسرعه :اي ماعندي مانع
عند عيده وهدى
هدى بفرحه :ياربي لك الحمد بفرح في وليدي
عيده :الله يوفقه مير المصروع مشاري مافهمنا منه شي ناديهم ناديهم يجون
-
بالمجلس
دق مشاري على فهد ونطق :ياولد
فهد :نعم
مشاري :هو الحين ملكتكم متى ؟هم دائما اذا كلمو بعض مايسئلون عن احوال بعض وبينهم ميانه
فهد :والله ملكتنا باقي عليها خمسه ايام ان شاء الله وحط كتم وركض بسرعه لـ حور
ابتسم صقر ونطق :ياولد
مارد عليه فهد ودخل بسرعه على حور ونطق :اوص لاتخربين
هزت راسها بـ :طيب
رجع ينطق صقر بـ:فهد ياورع
فهد :حي الله صقر
ارتجفت نظراتها من نطق بـ اسمه وبدت يدينها ترجف
صقر:البقى وش الاخبار
فهد :نحمد الله ونشكره
صقر :ملكه سلطان متى ؟
فهد :باقي لها خمسه ايام ان شاء الله
انت حلل اليوم عشان ان كان لكم رغبه بالملكه معنا دوب يطلع التحليل انا باخذ الاهل العصر ان شاء الله
صقر :خير ان شاء الله يلا يلا انا بمشي الحين توصي على شي ؟
فهد:سلامتك يالنسيب وقفل منه
ناظر فهد في حور الي تناظره بخوف وتوتر وضحك على ملامحها ووجها الاحمر ونطق بغمزه :سمعتي صوته ؟
تغورقت عيونها بالدموع ونطقت :فهد
ضحك فهد وقام يضرب كفوفه في بعض ونطق :لا لا يالهبلا بتبكين عشان سمعتي  صوته ذا لو شفتيه
حور بخوف :ياليتني ماوافقت
فهد :اقول انخمدي الحين عشان اخذكم بعدين وتوق وين راحت ؟
حور :راحت لبيتهم تقول بترتاح عشان اذا مشينا العصر
-
رعد
رجع من بعد ماكان مع احمد وبيرتاح الحين تقدم من السرير وارتمى على المكان الي تنام فيه ودفن وجهه في مخدتها وكل تفكيره كيف يقابلها ويتفاهم معها هو المفروض اخذ رقمها ويقدر يتواصل معها
-
توق
دخلت بيتهم وهي تحس انها مهلوكه داخليا هي تلهي نفسها بنفسها عشان مايتعبها التفكير فتحت باب غرفتها وعلى طول طلعت عباتها ومشت بخطوات مُرتجفه شغلت المكيف ومشت  للسرير جلست عليه بتعب وتمددت بدون اي شي يغطيها عن البرد وبدت دموعها تنزل بصمت
.
صلاه العصر
طلعو كلهم متوجهين للصلاة يصلون بالمسجد
اما حصه صلت صلاتها وطلعت لـ توق تصحيها ماتدري ان عذرها معها
دخلت عليها بالغرفه وكان المكيف بارد مره ناظرتها متمدده على السرير ماعليها مفرش يغطيها عن البرد مشت بسرعه لها وكانت بارده مره وترجف
نطقت حصه :توق توق قومي معي دخلت على طول على حمامها وشغلت الماء الدافي عشان تدفى ورجعت لها تصحيها وغصبن عنها كانت تمشي بمساعده امها حتى وصلتها للحمام يكرم القارئ
عند بيت مسفر ومها ....
كلهم جالسين  بالصاله وياكلون خفايف ونطقت ايلاف بـهمس لـ سلاف :يارب حور ولين يتملكون مع بعض بيصير حماس واهم حاجه بتصير ان الملكه مو بالديره
ابتسمت لها سلاف ونطقت :الله يارب يوفقهم ويكتب لهم الحياه الحلوه
ناظرتهم مها ونطقت بعصبيه :خير وش عندك انتي وهي من اسرار ؟
مسفر :انتِ علامك خلي البنات يسولفون
مها وهي جاتها من الله نطقت بـ:انت الخراب كله كل ماجبت اربيهم وقفت بحلقي وقامت من عندهم بزعل
-
عند عويض ونوره
صحت من بدري نوره وهي تحس انها مو طايقه نفسها دخلت الحمام واستفرغت على طول بكت من الالم وجلست بتعب ماعاد تقوى على الحركه
رجع عويض من عند اهله ونادى بـ اسمها بس ماردت عليه دورها بكل مكان الا غرفتهم دخل وشاف باب الحمام فاتح ومشى بـ استغراب ونطق :نوره !؟
نوره ببكى:عويض تعال ساعدني بموت
جلس قدامها بسرعه ونطق :علامك ؟
نوره بتعب :مادري بموت ماقدر اتحرك
جلس لـمستواها وعلى طول رفعها وسحب عبايتها من على الباب ومشى فيها متوجه للمستشفى ...
-
عند العيال
دق عليهم فهد يسئلهم اذا صقر حلل او لا وقال له مشاري انه دخل يحلل
-
حصه
دخلتها حصه الحمام ومشت متوجه فيها تحت الماء بملابسها شهقت توق ونطقت :يماه ساعديني المويه بارده
حطت يدها حصه تحت الماء وشافته دافي ونطقت :توق بطلي الحركات ذي الماء دافي
كانت بتطلع بس يد حصه اسرع منها ورجعتها حاولت تبعد يدينها  تقدمت منها  حصه وحضنتها ونطقت :الماء دافي توق
تسارعت انفاسها وشدت على حُضن امها وزفرت بضيق
نطقت حصه بـ :بطلع اجيب لك ملابس عشان تدفين وطلعت من عندها
فتحت درجها واخذت لها تيشرت باللون الرصاصي وبنطلون واسع اسود ومشت متوجهه للحمام مدت يدها عشان توق تاخذ اغراضها وبالفعل اخذتها وقفلت الباب وبدت تلبس رفعت حصه صوتها ونطقت :ترا حور اتصلت عليك ورديت عليها انا وقالت انها بتروح تحلل وتبيك تجهزين بس انا قلت لها انك تعبانه
واذا خلصتي تعالي لي بسوي لك اي شي يدفيك
اكتفت بكلمه وحده وهي :تمام
-
رعد
صحى من نومه ودخل الحمام يكرم القارئ وتوضى عشان يصلي وهو ماخذ قرار انه يروح لها الحين وبدا يصلي
بعد مانتهى من صلاته لبس ثوبه وغترته وتعطر وطلع متوجهه لهم
عند فهد وحور بالمستشفى......
طلعت حور بعد ماسحبو الدم منها ومسكها فهد ونطق :لاتفضحيني يالورعه ويغمى عليك الحين تحسن بدوخه؟
ناظرته حور ونطقت :وش شايفني انت؟
فهد :شايفك ورعه
حور :انت الورع والحين بنرجع مابي اخذ شي لازم اتفق مع لين والبنات ونروح كلنا مع بعض
فهد :امشي امشي قدامي
-
بالسياره
لفت على فهد ونطقت :ابي قهوه سوداء
فهد :تعقبين تو ساحبين دم وتبي تشرب قهوه سوداء مالك الا عصير راني
حور :مالك دخل انا الي بشرب مو انت!
التفت  فهد يدور اقرب بقاله ونزل يبي يجيب عصير لها نزلت معه حور ونطقت :والله لاروح معك
تقدم منها فهد ونطق :لا ياحور طلبتك ذي بقاله خليه اذا رحت السوبر ترحين معي ارجعي الحين
حور بعناد :لا والله بروح معك
نطق فهد بحده :اقسم بالله لو ماترجعين لأقضي عليك سمعتي؟
ركضت حور للسياره وقفلت على نفسها
توجهه فهد للبقاله وابتسامته شاقه وجهه اخيرا احد سمع كلامه وله هيبه قدر يخوفها دخل على طول يم الثلاجه وسحب عصير بارد وطلع لها
فتح باب السياره ومد لها  العصير ونطق :اشربي
حور :شكرا مابي
فهد :احسن
ناظرته حور ونطقت :كيد لك والله لاشربه
فهد :يالورعه صدق مادري كيف بنزوجك صراحه
طلعت توق متوجهه لأمها بس شافت ابوها جالس بالصاله ومشت جلست عنده
اول ماشافها نطق :هلا ببنيتي
ابتسمت توق بـكلافه ونطقت :هلا فيك
ناظرها عبد العزيز ونطق :انتي بخير ؟
هزت راسها بـ اي ونطقت :امي وين ابي شي يدفيني بطلع لغرفتي
ناظرها ونطق :تعبانه؟
وقفت ونطقت :لا بس بردانه انا بروح لأمي ومشت للمطبخ عند امها
توق بهدوء :يمه
ماردت عليها حصه إنما مدت مدت لها كوب قرفه دافي
ونطقت توق  بـ :شكرا انا بطلع لغرفتي
هزت راسها حصه ونطقت :تمام
-
بالمستشفى عند نوره وعويض
بعد ماقالت الاعراض الي تواجهها لدكتوره  اخذتها الدكتوره على طول للغرفه وكان عويض بيدخل بس اعتذرت منه الدكتوره انه ممنوع يدخل تفّهم الوضع وانتظر برا
بالداخل اشرت الدكتوره على السرير وبالفعل تمددت نوره بتعب
اخذت الدكتوره السونار ونطقت :ارفعي عن بطنك
نوره بخوف :ليه
ناظرتها الدكتوره ونطقت :لاتخافين ياقلبي بس بشوف
رفعت نوره بلوزتها واخذت السونار وبدت تمرره على بطنها وابتسمت على طول نطقت بـ:خلاص ياقلبي خلصنا
عدلت بلوزتها وجلست على الكرسي
ناظرتها الدكتوره بـ استفسار ونطقت :عندك عيال؟
ليه تفتح جرحها ليه تسألها السؤال ذا وبكت نوره بحرقه هي من غير نفسيتها تعبانه
خافت الدكتوره من بكاها وقربت منها ونطقت :ليه تبكين
ماردت عليها نوره
طلعت الدكتوره على طول ونادت على عويض
اول مادخل الغرفه عويض شافها تبكي والتفت على الدكتوره ونطق بحده :علامها؟شسويتي لها؟؟
ناظرته الدكتوره بخوف ونطقت :بس سألتها اذا عندك عيال او لا والله
عصب عويض ونطق :مالك دخل تفهمين ثاني مره ماتتدخلين بخصوصيه احد
اخذت نفس الدكتوره ونطقت :اخ عويض انا سألتها السؤال ذا عشان الاخت نوره حامل
تغيرت نظراته وارتجف قلبه يحس بالقشعريرة تمشي بجسمه كله ونطق :حامل ؟
هزت راسها بـ : اي حامل
قامت نوره بـخطوات مرتجفه وتمسكت بـ عويض ونطقت بـ تئتئه:انا انا حامل؟
ماكان من عويض رد غير انه مسك  فمه بيده وجلس على الكرسي وبكى بفرحه هذا هو متزوج له اكثر من ١٥سنه وربي مارزقه بالذريه والحين هي حامل نزل مُباشره على الارض وسجد سجدة شُكر كان يبكي ومشاعره متلخبطه
نزلت  نوره على الارض وصرخت بـ اقوى ماتملك
رفع  راسه عويض وشافها تصارخ قرب منها بسرعه وضمها ونطق :الحمدلله الحمدلله ربي بيرزقنا
شافت الموقف الي قدامها ماعاد تتحمل اكثر من كذا وطلعت من الغرفه تبكي
نوره :اهخخ ياربي لك الحمد يارب لك الحمد
رفعها عويض حتى وقفت على الارض ونطق :خلينا نروح نبشرهم ارتخى يسلم على راسها ومسكها مع يدها  وطلع من المستشفى
عند رعد وقف سيارته قدام باب بيتهم وظل يناظر الحين ينزل او ماينزل
رجع فهد هو وحور وشاف سياره رعد قدام بيت عبد العزيز اشر لـ حور تدخل ومشى متوجهه له دق عليه الشباك والتفت رعد وشافه فهد نزل من السياره وهو مايدري وش يتصرف تقدم منه فهد وسلم عليه بحراره ونطق ؛طيب وش الاخبار ؟
اخيرا استقبله احد ومافي احد سبه نطق رعد بـهدوء :بخير الحمدلله وانت ؟
فهد :بخير ياربي لك الحمد غمز له ونطق :جاي تشوفها مالك يومين يالظالم
ابتسم  رعد ونطق بـ :اي
فهد:يلا اجل توصي على شي
رعد :سلامتك
فهد مايكره رعد ولاحتى قد سبه ولا قال انه من عيال الشوارع دايم يتجنب الكلام معه بس الحين صار نسيبهم
تقدم رعد من بابهم ودقه بربكه
اول ماسمع عبد العزيز صوت الباب قام يفتحه شافه رعد ونطق:حياك الله
تقدم منه رعد وسلم على راسه ونطق:الله يسلمك
عبد العزيز :اقلط اقلط وانا عمك حياك الله
رعد بـ استغراب :ليه مافيه احد ؟
عبد العزيز :مافيه الا عمتك بالمطبخ وانت اقلط بالصاله واذا عن توق انا بعلمها انك جيت
تقدم رعد ودخل الصاله وجلس على الكنب
رجع له عبدالعزيز بعد مابلغ حصه عن وجود رعد
نطق عبدالعزيز:وش اخر الاخبار؟
رعد بهدوء:تسرك اخباري وانا جيت ابي اكلم توق
عبدالعزيز:خذ راحتك البيت بيتك ووصف له مكان غرفتها
رعد :مافيه احد يعني؟
عبدالعزيز:كلهم محارمك
قام رعد متوجهه للمكان الي وصفه له وقف قدام الباب ودقه بهدوء بس ماوصله رد دق مره ثانيه نفس الشي ماوصله رد فتحه بهدوء ودخل
سماعتها بـ اذنها وواقفه قدام المرايه رافعه عن تيشرتها تشوف اثاره بدت تختفي تقدم بهدوء تام وقفل الباب شافت انعكاسه بالمرايه لفت بسرعه ونزلت عن تيشيرتها مدت يدها ورا رقبتها وبدت تفركها نتيجه توترها تقدم منها وابتسم ابتسامه خفيفه ونطق بغمزه :اشتقتي؟
توق :لا
نطق رعد:كذابه
توق بهدوء:ليه جاي؟وكيف عرفت اني هينا؟!
رعد:طفشان وقلت اجي ارفع ضغطك
توق بصدمه:احلف!!
رعد:اي
ناظرته توق ونطقت :اساسا بكلم تركي يعجل بموضوع طلاقنا
شتت نظراته ونطق:تعقبين والله
توق بعناد:تعقب انت
رفع طرف حاجبه وتقدم من الكُرسي حق تسريحتها وجلس عليه مد يده على عطر من عطوراتها وبدا يشم ريحته ونطق:اف وش هالريحه المخنسه؟
توق:كذاب يمكن ريحتك
رفع طرف ثوبه وشم ونطق بـ استفزاز :لا والله ريحتي حلوه البلا من عطرك !
تقدمت منه بعصبيه وضربته على كتفه ونطقت:قم يالله قم اطلع لاعاد اشوفك
تسارعت انفاسها وهي تشتم نفسها على انفعالاتها لازم الحين يطلع من عندها عشان ماتنهار عنده ويبان ضعفها رجعت تضربه على كتفه بقوه ونطقت:اطلع بسرعه ياحيوان
يناظر فيها وفي كلامها وربكتها يعرف انها تشغل نفسها عشان ماتبكي وهو يستفزها عشان تطلع كل مافي خاطرها وتبكي
ناظرته لثواني وحلفت بداخلها بعناد انها ماتبكي لفت وراها ورفعت انظارها للسقف عشان دموعها ماتبين
وقف قدامها رعد ونطق:علامك؟
توق:مافيني شي بس انت ابعد واطلع الحين ياخي ماعاد ابيك اطلع من حياتي
رعد بـحنيه نطق بـ:متأكده؟
هزت راسها بـ ايه
رعد بهدوء:طيب بطلع بس خليني اودعك
(كُل لحظه وداع لاتعني النهايه)
توق :لا
تقدم منها رعد ونطق :ألا بودعك
وقفت قدامه بجمود ومدت يدها بتصافحه ابعد يدها وتقدم منها  بس هي ابعدت على طول ونطقت :لاتحاول
ناظر فيها رعد ونطق:ان قاله الله والتقينا حقي من الشوق والله لأخذه
وطلع من عندها
بيت ابو سلمان ....
برا بالجلسه دخل عليهم عويض يبكي،فزوا الجده والجده
ونطقت عيده بخوف :ياويلي من مات ؟
ضحك عويض بدموع ونطق:مابه الا كل خير يايمه ابشركم بصير ابو
شهقت عيده ونطقت:امانتك تقول صادق
تقدمت منها نوره ونطقت:اي ياعمه انا حامل وبصير ام
الجد بفرحه نطق:عشاكم الليله عندي وكل ضيوفنا ومن نغليه بنعزمه وانت اعزم الي تبيه والله يبارك لكم وانا ابوك
تقدم منه عويض وحضنه بفرحه ونطق:الله يخليك لنا
الجد :امين مير امسح هالدميعات لحد يشوفها عيبن عليك
عويض:دموع الفرح يايبه دموع الفرح
اعطاه نظره وجلس بصعوبه وحط عكازه جنبه
ناظرته عيده وزغردت مما أدى لخروج هدى ودخول العيال نتيجه رجوعهم من المستشفى
تقدم منهم مشاري بتفحيطه ويدينه يحركها بـ استمرار كأنه يسوق سياره حتى دخل التراب بوجه الجد الي نطق :عساك بالاسود التراب دخل بوجهي نعنبو دارك
جلس مشاري وغمز له ونطق :وش عندهم؟فيه عرس؟
بقق الجد بعيونه ونطق :احترمني يمال الضعفه
تقدم منه مشاري بيسلم عليه
رفع الجد عصاته ونطق:الله يغنيني عن سلامك قم اذلف
ابعد مشاري ونطق :الوالد معصب
هو وابوه يتناقرون والاهل عرفو عن خبر حمل نوره وباركو لهم
ناظرت فيها حنين ونطقت:يارب انها بنت عشان نصير كثيرات
ضربها صقر ونطق:لا ان شاء الله ولد ونصير ٤ احفاد
حنين بزعل :يمه شوفيه يبي ولد وهم كثيرين الا انا !!!
ناظر مشاري فيهم بفهاوته المعتاده ونطق:اي ولد انتي حامل؟
ضربه الجد بعكازه ونطق:هالمره ذي تستاهل انطم لحد يسمعك تفضحنا بالعرب يالعايب الخايب
مسك كتفه بـ الم ونطق :وش سويت من الحامل؟
عيده تقدمت منه ونطقت :حرمه عويض
رفع نظره لـ عويض بفرحه ونطق:مبروك مبروك ان شاء الله يطلع علي
ناظره فارس ونطق:يهب هباك الله ان شاء الله مايطلع حليتك لا والله خرب ياعويض من الحين
تقدمت هدى من صقر ونطق:تعال ابيك شوي
هز راسه صقر ونطق :دقيقه بس
رفع صوته ونطق :ياجدي خلاص ملكتي مع سلطان ان شاء الله
ناظر الجد في عيده ونطق بروقان :زغردي ياعيده
عيده :قللللووشششششششش الفرحه فرحتين يالله انك تديم افراحنا
مشت هدى للداخل ولحقها صقر ...
-
بيت ابو عبد العزيز
الجد :كلمني ابو سلمان ويقول ان عشانا عنده الليله وعازمنا على فرحه ولده ان ربي بيرزقه بالضنا عقب السنين ذي
ضحكت ام عبد العزيز ونطقت :هي نوره ياربي لك الحمد الله يرزقهم مير انا ببشر هند
اول ماسمعت خبر العزيمه مشت متوجهه لـتوق
-
بالحوش
ناظرها نايف تركض ونطق:حور
وقفت برعب ونطقت:يمه خير ؟
نايف:وين رايحه؟
ناظرته حور ونطقت :احلف عاد وين اروح يعني اكيد لتوق
نايف :انتظري شوي لين رجالها يروح
حور :سمعت الصوت اكيد مشى شيك انت بنفسك
ناظرهم فهد ونطق :راح راح
هزت راسها بـأمتنان ومشت من عندهم لها
-
توق
جلست على الكرسي بتعب وزفرت بضيق
درعمت عليها حور بدون ماتدق الباب ونطقت :الحقيني مافي وقت
توق :ياحيوانه دقي الباب طيب وش عندك؟
جلست قدامها حور وضربت كفوفها في بعض ونطقت:الزبده بالموضوع كله ان اهل ال تميم عندهم عزيمه الليله وانا ودي اروح
ضربتها توق ونطقت :اكيد لازم تروحين ياهبلا البسي احسن الملابس وتشيكي
حور :المشكله مو هينا المشكله ان الكل بيروح وجدي اكيد بيقول لي اجلسي عند توق
وقفت حور ونطقت :انا بروح الحين معك ونسوي نفسنا ماعرفنا عن حاجه واذا قال لك جدي اقعدي عند توق بقول انا ان رعد بياخذني كيف؟
قفزت من السرير بحماس ونطقت :وربي انتي تجننين وباست خدها ونطقت: خلاص يلا مشينا
وطلعو متوجهين لهم...
-
بالمكتب
دخل عليه احمد ورمى الملف على الطاوله ونطق :مالهم حس عصابه الجبار
رعد:تلاقيه الحين الرخمه في الزوايه خايف ان صالح يعلم عليه
احمد:صدقني يارعد ماجلس عبث وانه ناوي له نيه بس اصبر عليه
رعد: ننتظر وش ورانا؟
سكت احمد وتذكر العزيمه اليوم ونطق :اهلك عندهم عزيمه كبيره الليله
رعد بهدوء :السبب؟
احمد:عمك عويض ربي بيرزقه بالضنا قريب ان شاء الله
ابتسم رعد ونطق:صدق والله؟الله يرزقهم يارب شكلي بروح لهم الليله وش تقول؟
ربت على كتفه احمد ونطق:الله يقويك اخيرا اخذت القرار الصح وانا اخوك
-
بيت ابو عبدالعزيز
جالسات بجنب بعض غمزت توق لـحور ورفعت صوتها ونطقت :الليله بروح مع رعد ياحور
ناظرتها منيره ونطقت :انا اقول حور بتجلس عند توق الليله لان نحنا عندنا عزيمه
حور بـ استغراب :اي عزيمه يمه اكيد ماتخليني لحالي صح
الجده :لاتصيرين خبله انتي بعد ملكتك مع بقى عليها شي تبين الحريم يشوفونك؟
سوت نفسها ماتعرف العزيمه وين ونطقت :وش دخلهم بملكتي؟
الجد:ال تميم الي عازمينا
حست بالغباء لثواني كيف لو تروح لهم وملكتها مالقى عليها شي لو انها بالديره معقوله بس بـ استراحه واكيد ان اهل الديرتين بيحضرون
توق بترقيع للموقف :خلاص اجل انا اكلم رعد واقول له عن الموضوع
ناظرها الجد ونطق:اشوفك طقيتي ميانه معه ماتبين الطلاق يابنت عزوز ؟
غمضت عيونها وفتحتها بسرعه وقامت هي وحور مع بعض
عصابه الجبار...
صرخ ساعد في وجهه حّميد ونطق :صالح هذا تذبحونه تسمعون !!!
حّميد بخوف:وين نجيه بالسجن ؟
ساعد:تصرفو والله ان طلع خبر مني مناك لاقتلكم كلكم سمعتو؟اخذ الي تبي ورح سو الي قلت لك عليه ضحك من الخطه الي جات في باله ونطق اهم شي جثته اذا قتلته تحطها بالصندوق وانا ادق عليك واقول لك وين توديها تسمع؟
هز راسه بـ ايه وطلع من عنده اخذ مجموعه من الشباب وطلعو ناوين على صالح
طلع رعد من مكتبه وتوجهه للسجن يشوف صالح جلس على الكرسي قدامه ونطق :اعترف ياصالح اعترف
صالح بتعب :ماعندي شي اقوله
رعد بهدوء :على راحتك ياحبيبي يكون بعلمك كانت بطالع من هينا لو ماتدري وش بيصير
ضحك صالح بـ استفزاز ونطق:لاتحاول بطلع قريب بعد
هز راسه رعد وطلع من عنده
قبل شوي جاه رساله وهذا دليل ان فيه احد خاين للوطن ويهرب رساله للعدو
مضمون الرساله(صالح خلك جاهز اطلب منهم دوره المياه واطلع هناك وانا بكون موجود لابس لبس التنظيف اعطيك ياه وانت اطلع لـحميد برا )
بيت ابو عبدالعزيز..
صرخ الجد بهم يناديهم عشان يطلعون له اول من طلع فهد وكان بيركب بالسياره بس مسكه الجد مع رقبته ونطق :ارجع انت خلك مع البنات
فهد :لا والله خل نايف يقعد هنيا انا بروح معك
الجد :انا قلت انت صح ولا لا؟
فهد:دائما انا صار دور تركي ولا نايف عيب عليكم رجال شنبي في وجهي
ناظره الجد بـ ازدراء ونطق:امانه شنبك في وجهك انا احسبه ف...
ماكمل كلامه من فهد الي ضحك بـ احراج ونطق :عيب يايبه هذا وانت كبيرنا
سفهه الجد وركب السياره
ابتسم تركي بهدوء ونطق:يلا يافهودي توكل ونادهم لنا طولنا على الناس
هو يعرف وش يسوي فيه بس انه طنشه وراح يناديهم
متقسمين سيارتين
سياره فيها الجده والجده وتركي ومنيره
سياره فيها عبدالعزيز ونايف وحصه
-
...
السجن
مسك صالح بطنه بـ الم ونطق : ابي الحمام بطني يوجعني
ناظره العسكري ماينكر انه شك فيه بس لازم انه ياخذه للحمام فتح الباب واخذه متوجهه للحمام يكرمكم الله
بالحمامات يكرم القاري يمسح السراميك بهدوء
حتى دخل العسكري ومعه صالح
اول ماشاف صالح العامل فرح كثير ان ساعد مانساه وانه جزء مهم بينهم
دخل الحمام يكرم القاري عوض اول ماشاف صالح دخل الحمام ترك الي بيده ودخل للحمام المُقابل له
نزل لبسه بهدوء ومن شكله يوضح انه خبيث
نزل ولمه وعقد عليه ورماه من فوق كأنه كوره مسك صالح اللبس وبسرعه بدا يلبس
دخل عليه سعد ونطق :هلا والله بـ سلمان وينك مختفي ؟ماتسأل
ابتسم سلمان بوقار ونطق:مشغول مع السجناء وش تحسب حالي ؟
تقدم منه سعد وربت على كتفه ونطق:عاد خدمه الوطن لازم وبدا يسولف معه يحاول يشغله بس سلمان عينه ماتطلع من الباب الي فيه صالح
طلع عوض ويده بجيبه تقدم على اساس انه بيغسل بس تقدم من سلمان وطعنه قريب من جنبه
سعد اول ماشاف الموقف مالحق ولا احد حط ان كل اهتمامه يكون سلمان وبس وهو متعمد ذا كله
هرب صالح وبرفقته عوض كان يمشي عوض بهدوء تام بس صالح يمشي بخوف وتوتر لدرجه ان لبسه بيغطي على عيونه من كثر ماكتم نفسه خوفا من ان اي احد يكشفه
-
ديره الحسا
ديرتهم حاليا نقدر تقول عنها فيها احتفال ومو اي احتفال عادي انما احتفال كبير لدرجه تجمع اهل الديره كلهم من كبيرهم لصغيرهم حتى الاعداء تجمعو قلوبهم الليله متوالفه وفرحتهم من فرحه عويض
توقف الجد وعبد العزيز يم قسم الحريم حتى ينزلون وبالفعل نزلو الحريم ومشو متوجهين لمكان الرجال
الانوار المشتعله وريحه العود والقهوه والسجادات مبسوطه
قامو شيبان الديره كلهم واهلها من تقدمو ال الجارحي
ابو سلمان:ياهلا والله حي الله من جانا
تفاوتت  اقوالهم الي يقول:يبقيك الله ولي الله يسلمك
وبدو يسلمون على بعض بكل حب
-
الحريم
بعد التراحيب والتباريك نقلتهم الجده عيده لـلحوش برا بعد ماخلت مشاري وفارس يبسطون لهم مثلهم
نادت هدى حنين تسئلها عن صقر لانها من بعد ماقالت له عن السالفه ماعاد تحسه بخير حتى وجهه تغير تمنت انها مقالت له بس لازم يدري عشان ماحد يسوي مشاكل بعدين
جالس معهم برا وحاله مايسر ابد وش دخلهم فيه هو دائما يروح لهم عشان مايصير قاطع رحم بس مايلاقي التبريكات ولا التراحيب واليوم بعد ماوصلهم خبر ملكته قررو يحكون معه وان المقوله عندهم البنت لولد عمها بس مستحيل يرضى وماياخذ غير توق
بعيد عن السجن وكل حاجه
نزل عوض من السياره ونزل معه صالح
نطق صالح بفرحه :كنت عارف والله كنت عارف ان ساعد مايتركني للاعداء
ناظره عوض ونطق :وانا مابخليك بعد وطعنه بكل
حقد
كان بيطيح صالح على الارض بس رفعه عوض وحطه بالسياره من ورا
دق على حّميد ببرود ونطق :تعال بمكاننا المعتاد وقفل منه
وصل حّميد واخذو صالح بمساعده عوض ومشو كلهم متوجهين لساعد
وصل الخبر لساعد ان صالح انقتل واعطاهم الخبر عن المكان الي يوصلون الجثه فيه
-
السجن
ترك سعد سلمان وبدا يركض ونطق :هّربو
السجين صالح تم تهريبه دقو على الدعم لاتخلونهم
رفع سماعته ونطق:الفريق الاول يلحق صالح والي معه الفريق الثاني ياخذ دعم ويروح عند العسكري  سلمان مصاب بطعنه قريبه من عند جنبه يلا تحركو
لبس ثوبه وشماغه وتقدم من المرايه وتعطر وطلع متوجهه لهم
جواله على الصامت منقلب على وجهه يعني مايدري عن الاتصالات الي تواجهه طول وقته يفكر في موت اهله في حياته كيف انقلبت فوق تحت هو ماكان لازم يقطعهم الفتره ذي الطويله ٨ سنوات مو هينه بس من يلومه تعوذ من الشيطان يشوف الديره وانوارها ذا دليل انه قرب منهم شغل لمبه السياره يدور جواله ولقاه على المرتبه مد يده واخذه شاف كميه الاتصالات الي على جواله والاغلب من المقر حقهم استغرب وكان بيدق عليهم يشوف اذا فيه شي مهم بس احمد اسرع منه ودق عليه
رد على احمد ونطق: لقيت لكم اتصالات وكنت بدق وانت دقيت فيه شي ؟
احمد بتسارع الانفاس نتيجه ركضهم للبحث عن صالح والي معه
نطق من بين انفاسه :السجين صالح هرب ومعه واحد مساعده والعسكري سلمان انطعن وذا غدر فيه يارعد احد خاين للوطن
انقهر من الي سمعه هم تعبو لحتى مسكو صالح والحين راح من بين يدينهم مابيرحم الي يسرب معلوماتهم
قفل منه ووقف سيارته ونّزل راسه على الدركسون يحاول يضبط نفسه عشان مايعصب ...
-
الحريم
الجده ام عبد العزيز :والله ان هند فرحانه لك يانوره
نوره بابتسامه ماغابت من كثر فرحتها نطقت:اي كلمتني اليوم تبارك لي الله يسعدها يارب
اشرت سهام بعيونها للبنات دليل على ان سعدى بتتكلم الحين وتنقد أو تسب ولا تُبالي
سعدى وحده من حريم الديره شخصيتها مُقاربه لـ مها بس هي اقوى من مها
نطقت سعدى بـ:ان شاء الله يانوره عُقب الفرح ذا مايموت ولاتسقطين
تقشعر بدنها من كلامها ونطقت بهدوء:بعيد الشر ان شاء الله
ناظرتها الجده عيده بنص عين ونطقت :انتي ورا تقولين هالكلام الي ماينقال هو عشان ولدي مارضى ياخذ بنتك واخذ نوره شكل بلاه منك انتي وبنتك
بققت سعدى عيونها ونطقت :انا؟تقولين لي هالكلام شايفتني انا وبنتي شحاذات ريجيل !!!
نوره بدِفاع :انتي تحسستي ماحد قال انكم
شحاذات؟وبعدين بنتك مو تزوجت انتي علامك
قامت سعدى ونطقت بصراخ :بيتن ً انهان فيه ماعاد لي مكانً فيه
محد قال لها شي ولاعارض روحتها إنما فرحو لأنها دائما تخرب عليهم
ليلى بـهمس لـحنين :عسى والله بردت خاطري جدتك
حنين ؛لو تلاحظين ان ماحد هانها بس هي شادتها شوي وضحكت
ناظرتهم سهام وهمست بـإذن حُسام ..
جاهم حُسام ونطق:امي تقول عيب عليهم يتهامسون بوسط مجلس الحريم ينتظروني اجي معهم
شدت ليلى على شعره ونطقت:قول للماما تبعك نحنا مابدنا نسولف معاها لأنو سوالف بنات مو نسوان ماشي ؟بتقول لها هالحكي طيب؟
ضحكت حنين ونطقت :حرام عليك اتركي شعره تشوفينه كيف يتوجع انتي شفيك قلبتي سوري مع الولد؟
فتحت شعر حُسام ومشى سريع لـ سهام
ناظرتهم بوعيد وهي شافت ليلى ونطقت :طيب طيب
ليلى :مادري ليه احس لمن اشوف وجهه اذكر السوريين
رجع لهم حسام ونطق:ليلى ماما تقول روح عند ليلى تعطيك مويه
ناظرته بحب والود ودها تاكله ونطقت؛طيب ياعيوني
حنين :لا انتي مو صاحيه ابداً توك تهاوشينه
-
رعد
رفع راسه من اتصال وكان الرقم غريب فتح الخط واخذ الجوال على اذنه
نطق:اهلاً بالسيد رعد
عرف انهم من عصابه الجبار لامُحالاه اخذ نفس يهدي نفسه عشان مايعصب ويخرب كل شي كان ماشي له بالبدايه
ساعد:ودك تعرف مكان صالح؟
مارد عليه ولا اعطى اي فعل
ساعد بنرفزه:اوه شكلك مره معصب لدرجه صوت انفاسك يلوط بـإذني المهم مو ذا كلامنا مبروك مبروك كاشخ ورايح لهم كله فرحه لعمك؟ولا اقول اسمع يارعد وش حال اهلك؟
تغيرت تعابير وجهه ونطق:اهلي ماتتدخل فيهم ولاتجيب طاريهم حتى والله لو تقرب منها او تأذيها ماتعين خير وتشوف شي عُمرك ماشفته تسمع يـ****
ضحك ساعد بـ اعلى صوته ونطق :الحين يوم جبت طاريها تكلمت لهدرجه حُب؟!طيب اسمع المره الاخيره خلاص الحُب حقك الحين بيستقبل جثه صالح يمكن تكون طفشانه وتتسلى معه
رعد بعصبيه نطق :يـ******* الله ياخذ يا**** والله مايفككم مني احد موتك على يدي
مشى بسرعه متوجه لبيت ابو عبدالعزيز
هي ماتحملت جرح من المرايه وحتى الدم الي شافته بين يدينها انهارت عنده الحين لو تشوف جثه؟وش بيصير لها
-
بيت ابو عبد العزيز
جالس على الدّرج  حق المطبخ وياكل من اكلهم الي يسوونه تقدمت منه توق ونطقت :وجع وجع بس اكلت كل شي بعدين كيف نصور
مسح على بطنه ونطق :والله اهم شي بطني بلا تصوير بلا بطيخ
ضربت حور راسها بيدينها ونطقت :يوه يافهد طلبتك
سدد اذانيه ونطق :انا ماسمع انا ماسمع
ضحكت توق ونطقت :طيب خلها تتكلم
ابعد يدينه عن اذانيه ونطق :وش عندك ؟
حور :باقي لنا بس الكريمه والنستله وكمان نوتيلا وبس والله
فهد :بس ذي؟
حور :اي
اخذ نفس بتعب ونطق :انا وش مجلسني معكم هاه علموني ؟
ضحكت حور :جدي مخليك معنا
قامت توق ونطقت :اسمع انا بروح لبيتنا الحين وبتروش واشوف اذا فيه او لا جوالي معاي بدق عليكم واعلمكم اذا فيه
كملت عنها حور :عاد اذا مافيه يجيبه فهودي حبيب قلبي
فهد ؛انا ماني حبيب احد انا حبيب نفسي حبيبك هو صقر
انقلب وجهها باللون الاحمر وماعاد ردت عليه
نزل من على الدّرج وضحك بـانتصار ونطق :ليتني جايب طاريك ياصقر من زمان وبدا يضحك
توق:عرفنا كيف نجيبك ياحوري
-
بالمطبخ بيت ابو سلمان
تتكلم معاه بـ لُغه الاطفال ونطقت :تبي مويه ياحبيبي
حُسام :اي ماما تقول روح عند ليلى
ليلى بحب :قول ليلى مره ثانيه
حُسام :ليلى
ماغابت عينه لو دقيقه من اول مادخلت المطبخ لحد مافتحت الثلاجه تاخذ مويه هو يناظر فيها من الشباك عرفها من اسمها وكيف مايعرفها وهي بنت جارهم ابو عيضه وزود على ذا كله يعرفها من وهي صغيره
بعد ماطلعت من المطبخ نطق :ماكون مشاري اذا رحتي من بين يديني وابتسم
دقت على حور وقالت لها انها ماحصلت شي عندهم
بعد مُحاولات وافق فهد انه يروح للبقاله يجيب لهم ومشت حور تتروش قبل مايجيب فهد الاغراض
عند توق طلعت من الحمام يكرم القاري ولبست تيشرت باللون الاحمر وتنوره لنصف الساق باللون الابيض تعطرت من عطرها حطت من روج لونه مايل للبيج ومسكره ومشطت شعرها وتركته فاتح
وطلعت لـ حور
عند رعد رجع جواله يدق مره ثانيه بس من رقم غريب
ساعد:اوزن كلامك
رعد بعصبيه :امثالك يستحقون كلامي وزود
كلامي يتعدل مع الرجال مهب انت يـ*****وقفل منه
عند حور ماطلعت من الحمام يكرم القارئ دايما تقول انها مابتطول وتطول قفلت الماء وهي تحس انها زودتها
طلعت من بيتهم تطاير شعرها نتيجه الهواء البارد تحس نفسها اليوم احسن من قبل قررت تاخذ لها جاكيت يدفيها وبالفعل اخذته ومشت متوجهه لـ حور وفهد
حست بحركه غريبه وسمعت صوت سياره معقوله رجعو؟ توجهت للبوابه ومدت يدها بتفتحها وتطلع بس
حست بالثقل الي انرمى عليها وكانت جثه صالح وجهها ويدينها وملابسها تلطخت من دمه
حست بالثقل الي انرمى عليها وكانت جثه صالح وجهها ويدينها وملابسها تلطخت من دمه
رجعت على وراء بخوف شُعور غريب اول مره تحسه تقشعر بدنها من شكله غمضت عيونها
لمت يدينها وحاوطت راسها وشدت عليها وصرخت بـ اقوى ماتملك
عيونه فاتحه وملابسه من عند بطنه مقطوعه وهذا نتيجه الطعنات المتتاليه عليه
جلست قدامه على الارض وضلت تناظره بصمت ماشالت عيونها عنه مصدومه من الي قاعد يصير
-
وقف سيارته ونزل بسرعه حتى انه ماقفلها
دق البوابه عشان يفتحون له الباب بس ماحد فتح له رفع يده مره ثانيه شاف الدم على الباب ويده انعدمت نطق :لا ياربي لا سواها الخسيس
رجع يدق الباب ونطق بصراخ :توق
ماتحرك فيها ساكن نظراتها متوجهه له
رفع طرف ثوبه وركب فوق الباب بيدخل عليهم اول ماترفع رجله صار طوله مناسب مع البوابه وشاف الي قدامه
نطق بصراخ : لا لاتوق لاتناظرين لاتناظرين
قفز من فوق وبسرعه منه ركض لهم وقف قدام صالح بصدمه الي طعنه مارحم حاله وواضح انه متمرس صح ولا هو اول مره يقتل
نزل لحد مستواها ومسك وجهها بين يدينه ونطق :لاتناظرين مسح على شعرها ورجع ينطق بـ:انتي ماسويتي شي لاتناظرين ناظريني انا يناظرها بحنيه حتى يحسسها بالامان
رفعت يدها وركزتها على صدره وناظرت فيه ابتسم رعد ونطق:اي ناظريني انا
لفت على جثه صالح بس رعد مد يده على وجها يمنعها من انها تشوفه لوهله استوعبت الي يصير ماكان منها فعل غير انها رفعت يدينها وحاوطته من كتوفه ودفنت وجهها برقبته بكل هدوء شدد على احتضانها حست بحاجه سايله بيدينها ورفعت يدها تناظر الدم
تغيرت ملامحها ونطقت ببكاء : دم دم فيه دم
ابعدت يدينها عنه ومسحت الدم في ملابسها وشدت على شعرها بقوه ونطقت :فيه دم انا ماقتلته هو مات رعد ان مالي دخل ورجعت تنطق بتئتئه :انا انا كنت بروح عند حور وبعدين هو جاء انا مالي دخل فيه والله ماقتلته
ضربت صدرها اكثر من مره ببكاء ونطقت بصراخ :انا ماقتلت احد
مسك يدينها بقوه بمحاوله منعها من تأذي نفسها
صرخت في وجهه بـ :انا ماقتلته والله شوف فيه دم اشرت على ملابسها ويدينها
اكيد بتنجن لامُحالاه رفعها وغصبن عنها كانت تضربه وتشتمه
رفع جواله ودق على احمد وقال له عن كل شي والحين لازم يجون للمكان عشان الجريمه
عند حور طلعت من الحمام بعد مالبست وانتهت استغربت انه للحين توق وفهد مارجعو معقوله هي ماطولت بالحمام ؟
اخذت جوالها وشافت الساعه توها ٩ قفلت جوالها ودخلت الغرفه تمشط شعرها
سمعت اصوات غريبه استغربت ومشت متوجهه للشباك تناظر منه انصدمت اول ماشافت الانوار من بعيد استغربت الي قاعد يصير بس ميزتها من اقتربت وعرفت انه شرطه خافت وكل تفكيرها الحين ان فهد مات
كان صوت الاِسعاف والدوريات يدوي بالمُكان
جلست على الارض ونطقت :فهد فهد مات
قامت من مكانها بسرعه واخذت جوالها تدق على فهد
رفع جواله وشاف المتصل حور ضحك بخبث وصمت الجوال عشان ذلحين يفكرون انه صار عليه شي ويعاقبهم عشان ماعاد يرسلونه
حور شافت ان المكالمه مستمره بس مافي رد تجمعت الوسوايس براسها صوت الاسعاف والشرطه اكيد فهد صاير عليه حادث عشان كذا جواله مايرد عليه
بكت بخوف من انهم يفقدون فهد ورجعت تتصل عليه مره ثانيه
ركب سيارته وطلع جواله من جيبه وشافها تتصل مره ثانيه فتح الصامت ومع كل رنه يرقص معها ومستانس مايدري عن الي يصير كل همه الحين بس يبي يعاقبهم
الدوريات والاسعافات طلعت صار لهم وقت
كل الاخبار الحين وصلت للمقر كان المكان بحاله نفور اجل سجين من سُجنأهم يتهرب !؟بيمسكونهم قريب لامُحالاه
كُل الرئُساء مجتمعين لو يقترب احد منهم من الثاني احتمال يصير اشتعال بينهم من كثر القهر (اعوذ بالله من قهر الرِّجَالِ )
-
توق ورعد
مشى متوجهه فيها للغرفه رُغم ضربها المستمر وبكائها وتبريرها انها ماقتلت احد
دخل الغرفه ونزلها على الارض تقدم منها بس هي ابعدت على وراء حتى لصقت بالجدر ونطقت :ليه بتمسكني يعني بتاخذني الحين السجن انا ماقتلت احد والله
وقف مكانه ونطق بمحاوله تهدئتها:توق اهدي انا ماراح اخذك  للسجن انتي ماقتلتي احد
هزت راسها ونطقت بضعف:ايوه صح انا ماقتلته لفت ناحيه الشباك شافت الانوار تنعكس على الستاره
ركضت متوجهه للشباك فتحته واول ماشافت الدوريات والاسعافات واصوات العساكر باللاسلكي انجن جنونها وكل همها الحين انهم مايمسكونها قفلت الشباك خوفاً من انهم يشوفونها
لفت على رعد بخوف
ناظر فيها رعد مكانه ماتحرك صرخ عليها بحده ونطق:انتي ماقتلتي احد افهمي يالجبانه
نطقت من بين انفاسها : انا مو جبانه
اكيد بتهرب الحين كالعاده وبالفعل مشت بسرعه
اكيد انها بتتخبى في زوايه
انصدم من حسها ارتمت بحضنه ودفنت وجهها بصدره ويدينها شاده على ثوبه
رفع يده وحاوطها بكل حنيه ونطق:تخافين وانا معك!؟
ماردت عليه وكل همها الحين تحس بالأمان.
دق جوالها وكانت حور
رفعت راسها تناظره ركزت يدينها على صدره
من زمان ينتظرها تبادر وتطيل النظر له ...
نزل راسه لحتى ارتكز جبينه على جبينها تخالطت انفاسهم ونطق :لين متى تخافين؟
نزلت دموعها بصمت ورفعت كتوفها بعدم معرفه حاوطها بكل حنيه ومسح على ضهرها
لبست عباتها وطلعت من البيت بسرعه ماهتمت لأي احد موجود تقدمت من الباب ودقته بـأقوى ماتملك
فزت من سمعت الباب يدق
ونطق :بسم الله عليك
حور ببكاء نطقت بصراخ :توق
ابعدت توق عنه ونطقت :حور؟ رعد حور
طلعت من الغرفه ركض فتحت لها الباب بس رعد اسرع منها وابعدها عن الباب عشان الريجيل الي محاوطين المكان
دخلت حور استغربت اول ماشافت رجل غريب في بيت خالها عبد العزيز نطقت بصراخ ؛ الله ياخذك وش سويت بالبنت من انت وصرخت ببكاء بـ اسم توق
تنهد بتعب ونطق بهمس :شكله وراثه البكاء
طلع من البيت وشاف المكان محصور  والشرطه متليمين يبعدون الناس عن المكان
اهل الديره اول ماشافو الدوريات متجمعه دقو على الجد
-
ديرة الحسا
خلصو من العشاء وكانو جالسين يشربون شاهي ويسولفون
جاء الجد ابو عبد العزيز اتصال من ولد ابو ناصر
ناصر :سلام ياعمي
الجد ابو عبدالعزيز بخوف من سمع صوت الاسعاف نطق :وعليكم السلام ابوك فيه شي
ناصر :لا لا ابوي طيب بس ياعمي بيت عبد العزيز محاصر والدوريات من كل مكان حتى ماخلصنا ندخل بالحوش نشوف
قام الجد ابو عبدالعزيز من مكانه ونطق :ابك انت وش تقول ! لا اله الا الله الحين جايين
عبدالعزيز:يبه وش صاير
قال لهم الجد عن الي صار ومارضى الجد ابو سلمان الا انهم يروحون مع بعض واهله يقعدون عند اهله
بالفعل توجهو كلهم لديره القمراء
-
فهد
انصدم اول ماشاف المكان يعني حور تتصل عليه عشان تقول له وهو مستانس اكيد صار شي معقوله حرامي ؟ بس ليه اسعاف!!
نزل من سيارته وركض لبيت عبد العزيز
كان بيدخل الحوش بس العساكر مسكوه قبل يدخل
نطق بعصبيه :ابعد ابعد وين البنات وش صاير
تقدم رعد من العسكري ونطق :ذا من اهل البيت خله يدخل
ابعد عنه العسكري بطلب من رعد
وبالفعل تقدم فهد من رعد ونطق: وش صاير
قال له رعد عن الي صار من البدايه وكيف تم تهريب صالح حتى وصلوا الجثه لـ هينا
شتم نفسه ونطق :ليه يافهد ليه تمزح معهم كذا
زفر بضيق ورجع شعره على ورا ونطق :البنات وين؟
اشر رعد على البيت وراح لهم فهد
دق الباب فزت توق ومسكت حور ونطقت : بياخذوني ياحور
مسكتها حور وهي مو اقل منها خوف نطقت بشجاعه :ماحد ياخذك تعالي معي
تقدمت من الباب كانت وراها وممسكه بعباة حور كأنها طِفله تخافُ من الضِياع مُمسكه بوالدتها
فتحت الباب ودخل فهد
حور اول ماشافت فهد صرخت بـ ؛ فهد
فتحت عيونها بعد مانطقت حور بـ اسم فهد وكأن الامان استولى عليهم تقدمت توق وحور منه وبالفعل رفع يدينه وتقدمو يحضنونه
شهقت حور ونطقت : ليش ماترد علي احنا خفنا قلنا صار فيه شي
ضحك فهد ونطق بتغيير للوضع : واو لهدرجه انا شخص مهم
هزت توق راسها ونطقت :اي فهد لاتروح وتخلينا
رفع يده وحطها على كتف حور واليد الثانيه على كتف توق ومشى فيهم متوجه للصاله نطق :احد يحصل الدلع ذا ويروح لا والله مجنون انا ؟ المهم خلاص بلا خوف بلا دموع غسلن وجيهكم وانتي ياتوق بدلي ملاب..
قطع كلامه حور الي ناظرته ونطقت : بنبدل ملابسنا انا وتوق
بالرغم معرفتها بالدم بيدينها الا انها نست وجوده على ملابسها ولذلك حور قالت الكلام لفهد عشان مايذكرها فيه
-
الغرفه
نطقت حور : تعالي معي شوفي المويه حقتكم مافتحت وانا بغسل وجهي
استغربت توق وتقدمت بتشوف الماء بس حور اسرع منها دفعتها تحت الماء حتى تبللت بملابسها
نطقت توق بـ:حُور ليه كذا
ضحكت حور وتقدمت تمسح وجها وشعرها ونطقت :ملابسك بدليها انا اجيب لك ملابس وطلعت من الحمام يُكرم القاري
هو ماخذ إجازه عشان ملكته قربت ويبي ياخذ اموره بالراحه بس من بعد ماجاء الاتصال يعلمه عن موت صالح لبس بدلته بعد ماقال لهم يرسلون له موقع الجريمه
-
بيت ابو سلمان
استغربت ام عبد العزيز ان الجد ماتصل عليهم وقال لهم يمشون
نطقت عيده : انتي علامك وش تفكرين به
ضحكت ام عبد العزيز ونطقت :مابي شي مير مستغربه ليه للحين مادق ابو عبدالعزيز نروح للبيت
عيده :الله يهديك بالعكس خليني اسولف معتس واستانس كود انك مليتي
ام عبدالعزيز بـ احراج : لا والله
سياره فيها نايف وتركي وصقر وفارس
سياره فيها ابو سلمان وابو عبدالعزيز وعبد العزيز
وابو عيضه وابو مشاري
أما مشاري ولد ابو سلمان ومشاري ولا ابو مشاري وعيضه جلسو عشان الضيوف المتواجدين
-
سلطان
يمشي بالموقع بس استغرب ان المكان الي يمشي فيه مو غريب عليه معقوله الجثه بديره القمراء ؟
زاد من سرعته
وقفوا العيال سيارتهم ونزلوا ركض بس العساكر منعوهم من
الدخول
نطق تركي بصراخ:ذا بيتنا ابعد
ما سمح له العسكري بالدخول
تقدم نايف ونطق :معاورنا بالبيت يا ولد خلنا ندخل
العسكري : معاهم رجال مايحتاج لا تحاولون تدخلون اعذروني عشان الجريمه
!تغيرت ملامح صقر ونطق:جريمه ايش؟؟
ما اعطى العسكري اي معلومه تخص مسرح الجريمة
-
بالداخل 
استوعب فهد ليه رعد معهم بمسرح الجريمة معقوله متوظف؟
دخلت توق وحور ونطق فهد: وش هالزين ماشاء الله
حور :وغصبن عليك حلوات
جلست بتعب ليه حياتها كذا؟حمدت ربي انها بخير
قطع تفكيرها فهد من نطق:توق رعد يشتغل؟
هزت راسها بـ ايه
  عرف ان الجريمه بـ الديره بس ماحسب حساب انها تكون في بيت خاله عبدالعزيز
وقف سيارته ونزل منها رفع اللاسلكي ونطق :الرجاء من الجميع إخلاء المكان
لف تركي وصقر اول ماسمعو صوت سلطان ركضو الاثنين
يدورونه
اما نايف وفارس واقفين يقنعون العسكري يدخلون
رجع سلطان يكرر وينطق بـ:الرجاء من الجميع إخلاء المكان
شافه صقر وركض له ونطق: ياتركي لقيته
جاهم تركي ونطق بعصبيه :ياسلطان مايدخلونا والبنات جوه
ربت على كتفه سلطان ونطق : انا اشوف لكم الوضع اهدو انتم
صقر اكيد انه يوم قال بنات انها بالداخل وعشان كذا فهد ماجاهم
يحاول يدخل بس الاهالي متجمعه رفع مسدسه للسماء ورمى طلقتين بالهواء
رفع اللاسلكي لـ فمه ونطق :الرجاء من الجميع إخلاء المكان
كان الجميع بحاله نُفور وكل واحد همه نفسه
وقف عبد العزيز ونزل من سيارته نزل ابو سلمان وابو عبد العزيز
وبصعوبه وصلو لهم من الزحمه
فهد:انا بطلع الحين ما حد يقدر يجيكم
بالخارج طلع وشاف العالم كيف متجمعه نطق بـ لا اله الا الله
مشى متوجهه لرعد كل العساكر لابسين ابدالهم ماعدا رعد بثوبه
تقدم سلطان ونطق:ياعسكري
دقو التحيه كلهم ماعدا رعد الي منشغل بالجثه
تقدم سلطان من شاف رعد معطيه ضهره نطق بعصبيه :مين هذا وبأي حق تدخلونه إذا ماهو من العساكر مين سمح لكم
قام رعد وهو ماحسب حساب ان الي قدامه سلطان معقوله ماقد مرو على بعض بالمهمات او حتى صوته ماميزه؟
لف وجهه وناظره سلطان بصدمه ونطق:رعد؟
هز راسه رعد بـ اي
تقدم منه سلطان وسلم عليه ونطق ؛ليه هنا انت؟
ناظره رعد وطلع بوكه من جيبه بهدوء ورفعه له
ضحك سلطان بصدمه ونطق: ظابط بعد لا اله الا الله اجل ادق لك التحيه
ضحك رعد ونطق بـ احراج: مالك داعي
كمل انت دورك انا ماعاد فهمت شي عقلي صّفر
جاهم فهد بس ابعده العسكري ونطق :ابعد رجاءً
ابعد فهد وكان متوجهه للبوابه بس
التفت على صوت رعد من نطق ؛ انتظرني بروح معك
هز راسه فهد ووقف ينتظره
ناظر في ثوبه الي تلطخ بالدم وزفر بضيق هو ناقص بعد؟
تقدم من فهد ونطق :ادري ان ماهو وقته بس عطني رقم توق
مد فهد جواله على رعد ومشى لحقه رعد وكل همه الحين يسجل رقمها عنده
نايف :فهد جاء جاء
ابو عبدالعزيز ؛وينه وينه
ركض لهم فهد بعد ماشاف حال ابوه
نطق ابو عبدالعزيز برجفه:وش صاير احد منكم فيه شي وش عندهم
سلم فهد على يدينه ونطق:الله يطول لي بعمرك يايبه مافينا شي وكلنا بخير حتى البنات
ابو سلمان :وش عندهم طيب؟
فهد بهدوء : ابد والله لقو لهم جثه في حوش عزوز
تغيرت ملامح تركي ونطق:جثه مين؟
رفع فهد كتوفه بعدم معرفه
شافو رعد يمشي لهم وعلى الجوال
اول ماشافه الجد ابو عبد العزيز
نطق :انت الخراب الله لايبارك فيك جاي تبي تنتقم منا الله لا يعطيك العافيه يالمشرد
رفع نظره بصدمه ونطق:انا؟
جاهل عن نظرات الي يشوفونه لو انتبه لهم يمديه شافهم بس مانتبه من الصدمه الي جته يتهمه؟
تقدم منه تركي بغضب شديد وكل همه الحين ان تركي مارتاح ضميره بعد ماتزوج توق يبي ينتقم زياده تقدم منه وبسرعه ضربه على وجهه
تقدمو العساكر من تركي ومسكوه يبعدونه عن رعد
حاول يبعدهم عنه بس ماقدر لانهم ثنين ماسكينه
ارتجف ابو سلمان ليه يقولون عنه هالكلام وش مسوي ؟
ابو عبد العزيز بحده:وش نرتجي منك ياولد الشوارع الله يقلعك
مسكه ابو سلمان ونطق :لا لا طلبتك لاتدعي عليه
الجد ابو عبد العزيز :الا والله انه قليل تربيه وانه ولد شوارع
مطنش كل الي حوله ونطق بـ ابتسامه :ليه الغيبه ذي
لف عليه رعد وانصدم من الي يشوفه كان بيتكلم
بس تقدم منه وحضنه بشوق ولهفه
شد رعد على صقر وهو يحاول يتماسك عشان مايعصب على كلام الجد
ضحك صقر ونطق:عرفتني
زفر رعد بقهر ونطق؛ اي صقر وشلون ماعرفك بس ليه انتم هنيا؟
كان بيتكلم بس تركي نطق :ابعد عن النوعيه ذي ياصقر
تقدم الجد ابو سلمان بصعوبه ونطق:لاتردني
غمض عيونه وش يقول له؟ تماسك وشدد من قبضه يدينه
ارتمى الجد بحضنه ونزلت دموعه ونطق بـ اسف : سامحني وانا ابوك سامحني
رحم حاله شايب كبير سن قدامه يبكي رفع يدينه وضمه
تعالت شهقات الجد ونزلت دموع رعد بصمت
الجد :سامحني وانا ابوك سامحني
ارخى نفسه وسلم على راسه
استنكر الجد ابو عبد العزيز فعلتهم تذكر كلام ابو سلمان له عن حفيده الي ماعاد له حس ماحسب حساب انه رعد هو يكره رعد لذلك ابعد الشكوك ونطق:منهو يامحمد (ابو سلمان)
.
ابعد عنه من اصوات الاسعافات والدوريات يعلنون انهم بيطلعون
جاهم سلطان يركض ورفع سلاحه بالهواء ونطق :ابعدو عن المكان ابعدو
طلعت الدوريات والاسعاف مُحمل بِجثة صالِح
فضى المكان من وجودهم ومشى سلطان متوجهه لسيارته لف على رعد ونطق :جيبها معك وتعال عشان التحقيق
هز راسه رعد بـ طيب
عصب عبد العزيز ونطق؛ طلاق بنتي يوصلها الحين قبل ماتروح مالنا ناقصين مشاكل
انفجر وقتها  وكأنه ينتظر الوقت الي يتكلمون عن الموضوع ذا نطق بعصبيه :والله ماطلقها
عبد العزيز:والله ان تحرم عليك
ابعد رعد لان ماوده يجادله اكثر من اللازم لان مهما كان هذا ابوها
نطق الجد ابو سلمان:استهدو بالله رعد والله انه رجال وحفيدي ولد بكري سلمان ولد بكري
انصدم عبد العزيز وكذلك ابوه
اما تركي من كثر غضبه منعمي كل همه الحين انه يطلق توق وكأنه ينتظر اللحظه ذي واكثر شي زاد حماسه ابوه
واقف يناظرهم وانفاسه تعلى وتهبط تقدم منه فارس ونطق :اهدى ويلا الحين سوا زي ماقال لك سلطان
هز راسه رعد بـ ايه ومشى متوجهه لها
لحقه تركي ونطق :والله ماتاخذها واسمع كلام ابوي الحين تطلقها تسمع
ابعد عنه رعد ودق الباب ونطق بـ :توق انا رعد افتحي الباب
قال لها الكلام ذا عشان حور معها وتدخل بـ اي مكان
قربت من الباب وفتحته بخوف
عصب تركي ونطق بصراخ ؛انا اتكلم معك لاتسفهني
ناظر رعد بـ توق ونطق :البنت الي معك وين ؟
توق بـ استغراب :بالمطبخ
مسكها رعد من يدها ومشى فيها متوجه للغرفه سافه تركي
لحقه تركي وهو ناوي عليه الحين لامُحالاه  فتح باب غرفتها ودخلها بالغرفه ودخل معها بس انه وقف على الباب عشان تركي يمشي معه
نطق تركي من بين اسنانه :اطلع من هينا
حط رجل من ورا الباب ورجل تقدم فيها ونطق بهمس :عيب عليك ياتركي ادخل معنا بالغرفه احسن
ضحك بخفه ونطق :عاد اسرار متزوجين
انصدم تركي من كلامه وقفل رعد الباب في وجهه
لف عليها ونطق:البسي عبايتك وتعالي معي
تغيرت ملامحها ونطقت :ليه رعد انا ماسويت شي
تقدم منها ومسك يدينها ونطق بحنيه : لاتخافين انا معك
هزت راسها بـ لا لا شد على يدينها واخذها رغماً عنها لبسها عبايتها ومسكها مع يدها وطلع فيها
هزت راسها بـ لا وشد على يدينها رغماً عنها لبسها عبايتها ومسكها مع يدها وطلع فيها
-
بالخارج
طلع رعد مُمسِك بيدها اول ماشافه عبد العزيز
نطق بحده :وين بتاخذها
رجعها على ورا وزفر رعد بغضب يحاول ان نبرته تكون موزونه نطق بهدوء :حرمتي يعني وين باخذها ؟
رفع حاجبه عبد العزيز ونطق:وسلطان ليه يقول لك جبها وتعال؟
ضرب على راسه وهو مايبي يقول لها هالكلام عشان يفهمها بس الحين ابوها جاب العيد تمتم بـ استغفار
تغورقت عيونها بالدموع سلطان طالبها الحين عشان الجريمه
رفعت يدينها وشدت على ثوبه وكأنها تستنجي مد يده وحطها ورا ضهرها وشد عليها بمحاوله تطمينها
ناظره عبدالعزيز بحده ونطق: طلاق بتطلق
هز راسه رعد بلا مبالاه وطلع من عنده ولازال ماسكها والاغلب انها وراه بحكم ان العيال متجمعين صح انها متنقبه ولابسه عبايتها بس خجلها يمنعها من انها تمشي قدامهم كذا
لف تركي على ابوه ونطق:من البدايه مفروض تخلونه يسجني ونعفن انا ونايف بالسجن مفروض مازوجناها له هذا ***
سمعه فارس ونطق بزعل: عيب عليك ياتركي ماتوقعتها منك
مسك تركي راسه بعصبيه ونطق:انا مادري الدفاع ذا كله ليه؟
نطق فارس بهدوء:رعد ولد سلمان اخوي الله يرحمه فهمت الحين وله ٨ سنوات مختفي عنا من عقب موت اهله وصادفناه مره بعد مازرناكم بدياركم وانت تذكر ولا عاد شفناه الا الحين
تغيرت ملامح تركي ونايف مو اقل منه يعني رعد ولد ناس وماهو ولد شوارع لا والادهى من ذلك انه حفيد ابو سلمان برغم من ان نايف سمع كلامهم كله بس كان يكذب الامر لـ حتى تكلم فارس وكأنهم صدقوا
اما ابو عبدالعزيز يحاول قد مايقدر انه يكذب ان رعد ولد ابو سلمان لانه مايطيق تصرفات رعد ولا حتى يواطنه
قام ابو سلمان بصعوبه ونطق:تعال ياصقر وانا ابوك بنمشي للبيت
تقدم منه ابو عبدالعزيز ونطق:والله ان تجلس ونتفاهم
زفر بتعب ابو سلمان ونطق:انا والله مابي يصير بينا مشاكل لكن اني تعبان بروح للبيت ونرتاح وهذانا بنصير نسايب للمره الثانيه
ابتسم ابو عبدالعزيز بضيق راضي اتم الرضاء يكون صقر نسيبهم اما رعد !
نطق بـ :اجل الله يستر عليكم وبينا اتصال ان شاء الله والتفت على فهد ونطق :انت روح جيب الاهل  عند ابو سلمان
هز راسه فهد بـ طيب وقرب من ابوه ونطق بهمس:...
وافق الجد على كلامه
بالداخل دخل عليها فهد ونطق بلهجه مايله للغنج :حوري وينكي حوري
طلعت حور ونطقت بـ ابتسامه وبنفس الوقت تقلده نطقت :نعم فهودي
ضحك فهد ونطق بغمزه :بروح اجيب امي والباقين تروحين معي ؟
ناظرته بتردد
ونطق:اعقبي يالرخيميه تخافين هذا وانا دايم بس اردك عن المشاوير والحين يوم طلبتك تروحين متردده!
رفعت حاجبها بغرور ونطقت :كذاب من قال ورايحه الحين معك ان شاء الله
ناظرها وكأنه طفل بريء ونطق بهمس :بس توقعت يلا امشي
لبست عبايتها وطلعت مع فهد
اول مامشت مع فهد لف عليها ونطق:شفتي الواقف هناك
رفعت نظرها بتشوف بس ضربها على راسها ونطق : يابزره اذا قلت شوفي لاتشوفين بس شوفي
بققت عيونها بصدمه ونطقت :يدك حاره عساها الكسر ان شاء الله
يبي يفهمها ونطق :الحين شوفي ولاتشوفين طيب ؟
هزت راسها بـ اي
الواقف هناك طول نايف او اقصر منه وغترته لونه ابيض ولافه على راسه تعرفينه ؟
ناظرته ونطقت :لا مين هو؟
ضحك فهد وهو قرب من السياره حقته وهز كتوفه يرقص :هذا الحب حق حوري
اختل توازنها من طاري اسمه
تقدم منها فهد وضحك بخفه :لهدرجه تخقين من نطقت اسمه لابارك الله فيك اركبي اركبي
ركبها السياره ومشوا
دق فهد على امه وقال لهم يتجهزون لأنه بجيهم
وبالفعل قامو يتجهزون
عند ام عبدالعزيز نطقت :تمسون على خير ياعيده
عيده بحب :الساري يلقى خير والله انكم فرحتونا وزارتنا البركه حياكم فأي وقت
ابتسمت ام عبدالعزيز ونطقت:الله يسلمك مير المره الجايه الزياره عليكم انتم
ضحكت هدى ونطقت :ان شاء الله
تشتم نفسها هذا امها ارسلتها تنظف قسم الريجيل ساعدتها ليلى وسهام لكن كل وحده الحين راحت لبيتهم وهي بقت لوحدها حلفت انها ماتضيق على خاطرها
وعدمت السراميك بالفيري عشان تقدر تلعب زي ماتسوي مع مشاري
قربت تمشي بهدوء للمغاسل غسلتهم زين وقفلت الماء
دخلت الحمام يكرم القارئ وقفلته هي  تغسله وتنظفه عشان تكون بالسيب حق الحمام يكرم القاري وتلعب بالفيري بالسراميك واذا جاتها امها يكون كل شي نظيف وتاخذ السراميك حجه
ارسلت الجده ام سلمان هدى تدور حبوبها وتجيب لها ماء وبالفعل راحت
كانت عيده تسولف مع بعضاً من جاراتهم للحين ماراحو
لكن نطق مشاري بصراخ :يـ ام صقر
قامت الجده عيده ومشت له ونطقت :انت وش تصارخ منه
نطق مشاري :يمه سريع شفي طريق فيه رجال هنيا يبي الحمام
مشت الجده عيده لقسم الرجال جاهله ان حنين في الحمام وفتحت الباب
ناظرها مشاري ونطق:يمه فيه احد ولا لا ؟
نطق مشاري؛يمه انتبهي ونبهي هدى وحنين لايجون
الجده :لا مابه احد قلط الرجال وانا بروح ماعليك انا انبهن
اشر مشاري لفهد يجيي وبالفعل جاء فهد
ضحك فهد ونطق:يلا انقلع انا بدخل الحمام ولا يكون بتجلس تسمع علي؟
ناظره مشاري بصدمه ونطق :انقلع يالحمار الحمام هناك
ضحك فهد بـ اعلى صوته ونطق:الخلا بس اجل تعلمني مكان الحمام
مشاري :اكيد انك عارف نفسك مايحتاج اعلمك وضحك بـقوه عليه ومشى متوجه للعيال
طلعت من الحمام وناظرت السراميك بفرحه كبت المويه ورفعت راسها من حست ان فيه احد معها
انلخم اول ماشافها كل همه الحين ان ماحد يشوفه ويفهم غلط
من الخرعه واقفه ماكانها ماتحركت تناظر فيه ويناظر فيها
سمع صوت مشاري جاي وبسرعه منه ركض يم الحمام إما هي اول ماشافته يركض يمها انجن جنونها وركضت معه هو يبي يروح للحمام اما هي تبي تطلع من القسم لولا الفيري الموجود الي على السراميك كان يمديه وصل بس انه زلق
وبالفعل مشت وكل همها الحين مشاري بيشوفها دعست على بطن فهد او بالاصح كله تاوه بـ اه
وقام من مكانه بسرعه ودخل الحمام وهو يعرج اما هي وصلت لنهايه السيب بتطلع بس شافت مشاري متقدم لهم وبقوه
تقدمت ونزلت لحد السراميك وسوت نفسها تفركه على اساس تنظيف
شافها مشاري وناظرها بصدمه ونطق:انتي وش تسويين هنا؟
حنين بتوتر اول مره يجيها نطقت :انظف وش تشوف؟
ارتخى مشاري ومسكها مع كتفها ونطق :الرجال هنيا امشي معي اخذها بهدوء ودخلها لقسم الحريم وقفل الباب ونطق بعصبيه واقرب للهمس :انا قايل لأمي ماقالت لك ؟
حنين بخوف :لا والله والله ماقالت لي مادريت عنه اساسا الا منك
مشاري :احسبه شافك
ناظرته بتوتر ونطقت :لا لا لا ماشفته
اما فهد قفل على نفسه بالحمام وهو ماعاد يقدر يقاوم  من الضحك جلس على الارض ومسك جنوبه بتعب ونطق بضحكه مكتومه :اهخخ يافهد والله وطتك ولا عليها منك
قام بسرعه وهو ماعاد يبي لا حمام ولاغيره طيرت كل شي صار وجهه احمر من الضحك ومعرق طلع من الحمام وجزء من ثوبه مغروق
ناظر مشاري بـ ثوبه ونطق :ثوبك كان ماكلته عنز وش بلاك انت
وكأن مشاري قال له السالفه ذي حتى يضحك ويطلع مافي خاطره نطق:اي انت ماكله يالعنز
وركض بسرعه طالع من البيت متوجهه لسيارته
ام عبدالعزيز :وينك تأخرت ووين ابوك !
فهد بضحكه :هناك يعلمكم ابوي بعدين
لف على حور ونطق:حوري اعطيني عمامتي دوريه على المرتبه عندك
من بعد ماشافته وهي تفكر بخوف معقوله ذا صقر
ملامحه جداً عاديه حتى جماله عادي
فهد :الو حور
فركت عيونها ونطقت : احد ناداني.؟
حصه : فهد يبي عمامته
مدت عمامته له وتلثم فيها عشان ماحد يشوف ابتساماته خصوصي امه بتفضحه عن ابوه ثم من عاد يطلع من المصيبه
-
عند رعد وتوق
بالسياره نطق رعد بـ:بنمر بيتنا
توق :تقصد شاليه؟
رعد بـ ابتسامه : خلاص صار بيتنا ولا مو عاجبك ماردت عليه
وقف رعد قدام بيتهم ونطق :انزلي يلا
توق بفرحه وكل همها الحين ماتروح لأي مكان اهم شي بس تجلس بالبيت يعني ابوها يكذب بموضوع سلطان
نزلت معاه ودخلو البيت
توجه رعد للدرج واخذ له ملابس ومشى للحمام يتروش ويطلع لسلطان
نزلت عباتها وفتحت درجها تدور لها لبس مريح وبالفعل اخذت لها بجامه باللون الكُحلي حرير
تقدمت من تسريحتها وناظرت بعطرها وعطره جنب بعض رفعت عطرها واخذت نفس وتعطرت وعطرت لبسها معها مدت يدها وكانت بتتعطر من عطره بس فضلت يكون على ملابسها
مِكس مع بعض وصارت الريحه حلوه
مشت للحمام الثاني تلبس خوفاً من انه يطلع ويشوفها تلبس هينا
وقفت عند المرايه القريبه من الحمام تناظر في نفسها ثم ابعدت على طول
ودخلت الحمام يكرم القاري تلبس
رعد
طلع وماشافها موجوده بس ابتسم من شم ريحه العطر ونطق:الله يصلح الحال وترضين ، ولا يبغوني اطلق
لبس بدلته واخذ مسدسه وطلع يدورها
طلعت من الحمام وشافته طالع من الغرفه ولابس بدلته
ناظرته بخوف اكيد ان كلام ابوها صح ركضت لأقرب غرفه بتتقفل يعرف نواياها كلها من نظراتها لأرتباكها حفظ كل حركاتها
دخلت في غرفه اول مره تشوفها خاليه من اي شي حتى سجاد مافيها كانت بتقفل الباب بس مالقت مفتاح
دخل رعد عليها وشغل الانوار
كانت جالسه بالرُكن ويدينها على وجهها استغرب من فعلتها وهو ماعمره مد يده عليها ولا ضربها
جلس قدامها ونطق بحنيه :توق؟
كتمت بكائها عشان مايشوفها بس من نطق بـ اسمها تعالت شهقاتها وصارت تنطق بـ اسمه كأنها تستنجيه
جلس على الارض بتوازن مد يدينه ورفعها لحد ماجلست بحضنه كأنها طفله من بين يدينه
مسك راسها وركزه على صدره ومسح على شعرها
يدينها ممسكه بطرف بدلته وراسها مرتاح على صدره
نطقت بصوت مخنوق:ليه يبغوني؟
رعد بهدوء:عشان الجثه
دفنت وجهها بصدره اكثر ونطقت :انا ماقتلته
قام رعد ولازالت بحضنه ونطق:عارف انك ماقتلتيه بس لازم نروح عشان نعطي الافاده ترا اذا مارحنا بيشكون في وضعنا
.
توجه للغرفه ومشى متوجهه للتسريحه نزلها عليها ومسح دموعها
ناظر في كل جزء في وجهها لو ترضى عليه بس هو مايبي يزرع النفور بينهم ابعد عنها احتفاظاً على العلاقه المتبقيه
ابعد عنها شوي ونطق:البسي عبايتك عشان نمشي
ظلت تناظر فيه وماتحرك فيها ساكن
طلع جواله من جيبه على اساس ينشغل بس هي اشغلته بنظراتها
تناظر فيه مو قادره تحدد مشاعرها تجاها هل هو يحبها؟
قفل جواله وتقدم منها لحد ماتلامست رجله برجلها
رفعت وجهها له
نطق من بين انفاسه :تسمحين لي؟

-
يعادل 100 بارت بالأنستـا🌷.
.
حسابي انستا : r_iixeer
.
بكره نكمل لاتنسوني من دعواتكم والله يرحم لطيفه 🩵
.
نجمه⤵️