"ဟာ....အဲ့ဒါဘာလုပ်နေတာလဲ ကလေး"
အလန့်တကြားတားမြစ်လိုက်ရင်းနှိုင်းရဲ့လက်ထဲကစာအုပ်တွေကိုဆွဲယူလိုက်တဲ့Rayကြောင့်နှိုင်းအံ့ဩတကြီးကြည့်ရင်းမေးမိသည်။
"ဘာဖြစ်လို့လဲဟင်...."
"ကိုယ်ဝန်ကြီးနဲ့ကို....ဒါဘာလုပ်နေတာလဲကလေးမ....အာ....နေဦး......အခုချက်ချင်းဒီခုံမှာအရင်ထိုင်လိုက်....ပြီးမှစကားဆက် ပြောမယ်"
အနီးရှိဆိုဖာပေါ်တွင်နှိုင်းကိုထိုင်ခိုင်းလိုက်ရင်း ပြာယာခတ်နေသောRayကိုကြည့်၍ နှိုင်းမှာအံ့ဩပြီးရင်းအံ့ဩနေခဲ့ရတော့သည်။
"ဘာဖြစ်လို့လဲ Honeyရယ်"
"ဘာဖြစ်လို့လဲ....ဟုတ်လားကလေးမ။ဒီလောက်စာအုပ်အထပ်ကြီးကိုမပြီး ဘာလုပ်နေတာလဲ"
"စာရေးမလို့လေ Honeyရဲ့"
"အိမ်ကအလုပ်သမားတွေဘယ်ရောက်သွား....လဲ....."
ထိုစကားကိုဆိုရင်း အလုပ်သမားတွေကိုခေါ်ပြီး ကြိမ်းမောင်းဖို့ပြင်ဆင်နေသောRayကြောင့် နှိုင်းကပြာယာခတ်စွာတားမြစ်ရပြန်၏။
"အလုပ်သမားတွေကိုမဆူပါနဲ့။ထားလိုက်ပါ Honey ရယ်။နှိုင်းလည်းဘာမှမဖြစ်တာကို......."
Rayကနှိုင်းရဲ့ပခုံးနှစ်ဖက်ကိုဖွဖွဆုပ်ကိုင်ရင်း စိုးရိမ်တကြီးဖြစ်နေသောမျက်နှာပေးဖြင့်စကားသဲ့သဲ့ဆို၏။
"ကိုယ်စိတ်ပူသွားတာလွန်လို့လား။အလေးအပင်မလို့မရဘူးလေ ကလေး"
"အာ....ဒီလောက်စာအုပ်လေးကို.....မလို့ရပါတယ်"
"မရပါဘူး။မင်းလေးက ဒီလောက်အားနည်းတာ။တစ်ခုခုဖြစ်သွားမှဖြင့် ကိုယ်ရင်ကျိုးရချည်ရဲ့"
"ရှင်ကြီးအရမ်းအဖြစ်သည်းတာပဲ"
"အဖြစ်သည်းသင့်ရင်သည်းရမှာပဲ။လာခဲ့ အိပ်ရာထဲသွားမယ်။အိပ်ရာထဲမှာအခုချက်ချင်းငြိမ်ငြိမ်လေးလှဲနေလိုက်ရင်ကောင်းမယ်နော်ကလေးမ"
"Honey"
"ကျစ်........ကိုယ်ပြောတာနားထောင်စမ်းပါ"
"နှိုင်း ဘာမှမဖြစ်......"
"အနှိုင်းမဲ့"
ချက်ချင်းလေသံမာသွားသောRayရဲ့အခြေအနေကိုကြည့်ရင်း ထိတ်ထိတ်ပြာပြာဖြင့်နှိုင်းတောင်းပန်မိရသည်။
YOU ARE READING
Ray💛
Fantasyကောင်းကင်တမန်တစ်ပါးက Vampireမိန်းကလေးတစ်ယောက်ကိုချစ်မိလို့ အပြစ်ပေးခံရပြီး ကောင်းကင်ဘုံမှအစွမ်းတွေရုတ်သိမ်းခံရသောအခါ........။ အဲ့ဒီကောင်းကင်တမန်က သူချစ်တဲ့မိန်းကလေးကို Vampireဘဝမှကယ်တင်ပြီး လူသားတစ်ယောက်အဖြစ်ပြန်လည်ဝင်စားမွေးဖွားစေခဲ့တယ်.....။ သို့သ...
